ஆண்களின் கவனத்துக்கு-நலம் நல்லது 7 #DailyHealthDose - மருத்துவர் கு.சிவராமன்

குடும்பக் கட்டுப்பாட்டுக்கு அவசியமே இல்லாமல், இயல்பாகவே மனித இனத்தின் கருத்தரிக்கும் தன்மை பல மடங்கு குறைந்து வருகிறது' என்கின்றன சில மருத்துவ ஆய்வுகள்.

ஒரு மில்லி விந்து திரவத்தில் 60-120 மில்லியன் விந்து அணுக்கள் இருந்த காலம் இப்போது இல்லை. `15 மில்லியன் இருந்தாலே பரவாயில்லை' என மருத்துவம் இறங்கி வந்து ஆறுதல் சொல்கிறது. அதிலும் பெரும்பாலானவர்களுக்கு வெளியாகும் விந்தணுக்களில் 10 சதவிகிதம் மட்டுமே கருத்தரிக்கச் செய்யும் ஆற்றல் கொண்டதாக இருக்கிறதாம். `31 - 40 வயதுள்ள தம்பதிகளில் 46 சதவிகிதம் பேருக்குக் கருத்தரிப்புக்கான மருத்துவ உதவி தேவை' என்கிறது இந்திய ஆய்வு ஒன்று. அதன் விளைவுதான் செயற்கைக் கருவாக்க மையங்கள் பெருகி வருவது.

வாகனம் கக்கும் புகை, பிளாஸ்டிக் பொசுங்குவதால் பிறக்கும் டையாக்சின் மற்றும் வேறு பல காற்று மாசுக்களை கருத்தரித்த பெண் சுவாசிப்பது, அந்தப் பெண்ணின் கருவிலிருக்கும் ஆண் குழந்தையின் செர்டோலி செல்களை (பின்னாளில் அதுதான் விந்து அணுக்களை உற்பத்தி செய்யும்) கருவில் இருக்கும்போதே சிதைக்கிறதாம். மண்ணில் நாம் தூவிய ரசாயன உர நச்சுக்களின் படிமங்கள், இப்போது நம் உயிர் அணுக்களுக்கு உலை வைக்கின்றன. இப்படி ஆண்மைக் குறைவுக்குப் பல்வேறு காரணங்கள் உள்ளன. தங்க பஸ்பம், சிட்டுக்குருவி லேகியம், காண்டாமிருகக் கொம்பு என கண்டதையும் தேடிப் போகாமல் கீரை, காய்கறி சாப்பிட்டாலே போதும், உயிர் அணு செம்மையாகச் சுரக்கும்.

ஆண்மையைப் பெருக்க வழிகள்..!

* சித்த மருத்துவம் பல தாவர விதைகளை, மொட்டுக்களை, வேர்களை ஆண்மை அபிவிருத்திக்கான மருந்துகளில் அதிகம் சேர்க்கிறது. சப்ஜா விதை, வெட்பாலை விதை, பூனைக்காலி விதை, மராட்டி மொக்கு, மதன காமேஸ்வரப் பூ, அமுக்குராங்கிழங்கு, சாலாமிசிரி வேர், நிலப்பனைக் கிழங்கு என பெரிய பட்டியல் இருக்கிறது. நெருஞ்சி முள்ளின் சப்போனின்கள், விந்தணுக்களை உற்பத்தி செய்யும் செர்டோலி செல் பாதிப்பைச் சீராக்கும் என்கிறது மருத்துவத் தாவரவியல். பூனைக்காலி விதையும், சாலாமிசிரியும், அமுக்குராங்கிழங்கும் அணுக்களைப் பெருக்க டெஸ்டோஸ்டீரோன் ஹார்மோன்களைச் சீராக்க எனப் பல பணிகள் செய்கின்றன. உடனே இவற்றைத் தேடி ஓடக் கூடாது. ஆண்மைக் குறைவு பிரச்னைக்கு காரணம் விந்தணு உற்பத்தியிலா, அது செல்லும் பாதையிலா அல்லது மனத்திலா என்பதை மருத்துவரிடம் சென்று ஆலோசனை செய்த பிறகே முடிவு செய்ய வேண்டும்.

* வெல்கம் டிரிங்காக மாதுளை ஜூஸ், அதன்பிறகு, முருங்கைக் கீரை சூப், மாப்பிள்ளை சம்பா சோற்றுடன் முருங்கைக்காய் பாசிப்பயறு சாம்பார், நாட்டு வெண்டைக்காய் பொரியல், தூதுவளை ரசம், குதிரைவாலி மோர் சோறு... முடிவில் தாம்பூலம். இவை புது மாப்பிள்ளைகளுக்கான அவசிய மெனு.

* நாட்டுக்கோழி இறைச்சி காமம் பெருக்கும்.

* உயிர் அணு உற்பத்தியில் துத்தநாகச் சத்தின் (Zinc) பங்கு அதிகம். அதை பாதாம் பால்தான் தரும் என்பது இல்லை. திணையும் கம்பும் அரிசியைவிட அதிக துத்தநாகச் சத்துள்ளவை.

* `காமம் பெருக்கிக் கீரைகள்' எனப்படும் முருங்கை, தூதுவளை, பசலை, சிறுகீரை ஆகியவற்றில் ஒன்றை பருப்பும் தேங்காய்த் துருவலும் கொஞ்சம் நெய்யும் சேர்த்து சமைத்துச் சாப்பிடுவது விந்து அணுக்களின் எண்ணிக்கையை உயர்த்தும்.

* 5-6 முருங்கைப் பூக்களுடன் பாதாம் பிசின், பாதாம் பருப்பு, சாரைப் பருப்பு சேர்த்து அரைத்து, அரை டம்ளர் பாலில் கலந்து சாப்பிட்டால் உயிர் அணுக்களின் உற்பத்தியும் இயக்கமும் பெருகும்.

* செரட்டோனின் சுரக்கும் வாழைப்பழம், ஃபோலிக் அமிலம் கொண்ட ஸ்ட்ராபெர்ரி, ஃபீனால்கள் நிறைந்த மாதுளை தாம்பத்தியத்துக்கு பேருதவி செய்யும் கனிகள்.

* உடல் எடை அதிகரிப்பதால் புதைந்துபோகும் ஆண் உறுப்பும் (Buried Penis), கட்டுப்பாடு இல்லாத சர்க்கரை நோயில் ஏற்படும் ஆண்மைக்குறைவும் (Erectile Dysfunction) ஆண்களுக்கான முக்கிய சிக்கல்கள். இரண்டையும் முறையான சிகிச்சையின் மூலம் சரிசெய்யலாம்.

* நல்லெண்ணெய்க் குளியல், பித்தத்தைச் சீராக்கி விந்து அணுக்களைப் பெருக்கும்.

* நீச்சல் பயிற்சி, ஆண்மையைப் பெருக்கும் உடற்பயிற்சி.

* குடி, குடியைக் கெடுக்கும்; குழந்தையின்மையைக் கொடுக்கும்.

எல்லாவற்றுக்கும் மேலாக கருத்தரிப்பை, அழகான தாம்பத்திய உறவை சாத்தியப்படுத்த ஆணுக்கு அவசியத் தேவை உடல் உறுதி மட்டும் அல்ல, மன உறுதியும்தான்!

தொகுப்பு: பாலு சத்யா

Dailyhunt

ஆடாத விளையாட்டுகள்

By மன். முருகன்  |   Published on : 15th November 2016 02:27 AM

ஓடி விளையாடு பாப்பா - நீ ஓய்ந்திருக்கலாகாது பாப்பா என்ற பாரதி, "மாலை முழுதும் விளையாட்டு என்று வழக்கப்படுத்திக்கொள்ள' சொல்கிறார்.
இன்று இந்த வழக்கம் எல்லாம் கிடையாது. விளையாட்டு என்பதே இன்றைய பெற்றோர்களுக்கு எட்டிக் காய் கசப்புதான். அவர்களுக்கு காலை 6 மணி தனி வகுப்பில் ஆரம்பித்து 9 மணிக்கு பள்ளிப் படிப்பு தொடங்கி, மீண்டும் மாலை 5 மணிக்குத் தனி வகுப்பு, வேறு ஏதாவது மூளை வளர்க்கும் (?) திறன் இருந்தால் முடித்துவிட்டு அப்படியே மறுநாள் தனி வகுப்புச் சென்றால் பரவாயில்லை என்பார்கள்.
விளையாட்டை மறந்த குழந்தைகள் ஒரு தலைமுறையைத் தாண்டிவிட்டனர். விளையாட முடியாமைக்குப் பல்வேறு காரணங்களும் சொல்லப்படுகின்றன. அடுக்ககங்களில் வாழ்கின்றனர். நகரத்தில் எங்கே போய் விளையாடுவது? இன்றைக்குப் பள்ளிகளில் விளையாட்டுத் திடல் எங்கே இருக்கிறது? இப்படி நிறைய.
ஆனால் இவை மேம்போக்கான காரணங்கள்தான். உண்மையில் ஆசையுடன் தம் குழந்தைகளை விளையாட அனுமதிக்கும் பெற்றோர் இருக்கின்றனரா? அவர்களுக்கு ஆயிரம் கனவுகள்; அந்தக் கனவுகளில் எல்லாம் அந்நிய தேசங்கள். களியாட்டங்கள்; கைநிறைய சம்பளங்கள்.
நாம் நம் குழந்தைகளுக்கு சொல்ல மறந்த விளையாட்டுகள் என 201-ஜ தேடித் தொகுத்து பதிவு செய்துள்ளார் முனைவர் செங்கை பொதுவன். இவை அத்தனையும் தமிழகத்தில் மறைந்து வரும் விளையாட்டுகள். விளையாட்டையும் விளையாட்டாகவே எடுத்துக் கொள்கிறோம்.
15, 20 ஆண்டுகளுக்கு முன்னர், கிராமங்களில் அரசுப் பள்ளியில் படித்தவர்களின் மாலை நேரம்தான் எத்தனை இனிமையானது? மாலை 3.10-க்கு பள்ளிக் கூடம் முடிந்தால் 4 மணி வரை பள்ளியில் மாலை வகுப்பே விளையாட்டுதான். அது முடிந்து வீட்டுக்கு வந்தால் இரவு 8, 9 மணி வரையும் விளையாட்டுதான்.
6-ஆம் வகுப்பு மேல் படிக்கும் மாணவர்கள்தான் ஏதாவது வீட்டுப் பாடம் செய்வார்கள். அவர்களும் ஒன்றிரண்டு மணி நேரத்தில் முடித்துவிட்டு விளையாடத் தொடங்கிவிடுவர்.
கிராமத்து அரசுப் பள்ளிகளை அழிக்கத் தொடங்கியதில் இருந்து முடிவுக்கு வரத் தொடங்கியது சிறுவர்களின் விளையாட்டு உலகம்.
இன்றைக்குத் தனியார் பள்ளிகள் பெருகின. கட்டணக் கல்வி கடிவாளங்களைப் பரப்பியது. அவை முதலில் காலி செய்தது விளையாட்டைத்தான். அது ஏதோ வேண்டாத விபரீதமாகவே பாவிக்கப்படுகிறது. "மாலை முழுதும் விளையாட்டா?' அவ்வளவுதான் அமெரிக்க கனவு என்னாவது பாரதி?
மேலும், நவீன தொழில்நுட்ப உலகம் விளையாட்டுகளை கேம்களாக சுருக்கி குழந்தைகளின் விளையாட்டுத் திடலை, அங்கு விளையாட வேண்டிய உடலையும் சுருக்கி, சுறுசுறுப்பை குலைத்துவிட்டது.
தமிழ்நாட்டில்தான் குழந்தைகளுக்கு எத்தனை எத்தனை விளையாட்டுகள்... அம்மானை, குலைகுலையா முந்திரிக்கா, பம்பரம், கிட்டிபுள், திருடன்-போலீஸ், பச்சைக் குதிரை, கபடி, கோலி, உப்பு எடுத்தல், செதுக்கு முத்து, கிளித்தட்டு, ஒற்றையா இரட்டையா, காற்றாடி, நொட்டி, தட்டாங்கல், தாயம், பரமபதம், பல்லாங்குழி, கண்ணாமூச்சி, பூப்பறிக்க வருகிறோம், கரகரவண்டி இப்படி சொல்லிக்கொண்டே போகலாம்.
அதேபோல் வீர விளையாட்டுகளான சிலம்பம், சல்லிக்கட்டு (ஏறு தழுவுதல்), இளவட்டக்கல், மற்போர் போன்றவை இளைஞர்களுக்கான விளையாட்டுகள்.
ஒவ்வொரு விளையாட்டிலும் ஆயிரமாயிரம் அர்த்தங்கள். கபடி: தன் மண்ணை கவர நினைப்பவனை மண்ணைக் கவ்வ வைக்கும். நாட்டுப்பற்றை வளர்க்கும். பல்லாங்குழி: இருக்கும் இடத்தில் இருந்து இல்லாத இடத்தில் கொடுக்கும் குணம் வளரச் செய்யும். பரமபதம்: ஏற்றம் இறக்கம் இரண்டும் கலந்து இருப்பதே வாழ்க்கை என்பதை உணர்த்தும்.
கில்லி: கூட்டல், பெருக்கல், வகுத்தல் கணக்குகளை களிப்புடன் மகிழ்ந்து கற்கச் செய்யும். தாயம்: வெட்டி வெளியே எறிந்தாலும் மீண்டும் மீண்டும் முயன்று வெற்றி அடைவேன் என்ற தன்னம்பிக்கை வளர்க்கும். சதுரங்கம்: எவ்வழியும் இல்லாதபோதும் இறுதி வரை போராடும் உறுதி மிக்க மனம் பெற உதவும்.
நொண்டி: சமமாக இல்லாத போதும் சாதிக்கத் தூண்டும் சக்தி உண்டாக வழிவகுக்கும். கண்ணாமூச்சி: ஒளிந்து இருப்பவர்களைக் கண்டுபிடிப்பதற்கான பொறுமையையும், தானே ஒளிந்து மகிழ்ந்திருக்கும் பெருமையும் உண்டாகச் செய்யும்.
தமிழ்நாட்டில் ஏறுதழுவுதல், மஞ்சு விரட்டு அல்லது ஜல்லிக்கட்டு என அழைக்கப்படும் காளைகளை அடக்கும் வீர விளையாட்டு, முக்கியத்துவம் வாய்ந்ததாகும். பண்களை மணப்பதற்கு காளையை அடக்குவது இன்றியமையாததாகியது. அதற்கும் காரணம் உண்டு.
பெரும்பான்மை மக்கள் விவசாயத்தையே பிரதான தொழிலாகக் கொண்டிருந்தனர். விவசாயத் தொழிலுக்கு உடல் வலிமை தேவை. உடல் வலிமை உள்ள ஆண்மகனே பெண்டிருக்கு நற்கணவான இருக்க முடியும்.
எனவேதான் காளையை வணங்குதல் (நந்தி வழிபாடு), காளையை அடக்குதல் என்ற வீர விளையாட்டாகவும் அமைத்துக் கொண்டார்கள்.
விளையாட்டினால் ஒற்றுமை, படிப்பு, சுறுசுறுப்பு, போட்டியிடும் மனப்பான்மை, விட்டுக்கொடுக்கும் பண்பு, வெற்றி - தோல்விகளைச் சமமாகப் பாவிக்கும் குணம் குழந்தைகளுக்கு ஏற்படும். உள்ளத்தையும் உடலையும் ஆற்றல் படுத்தும். சமயோஜித புத்தியை வளர்க்கும்.
மண்ணில் விளையாடுவதால் குழந்தைகளுக்கு நோய் எதிர்ப்புச் சக்தி பெருகுவதாக ஆராய்ச்சிகள் உறுதிபடக் கூறுகின்றன. இளம்வயதில் கண் பார்வைக் குறைபாடு, சர்க்கரை நோய் வருவதைத் தடுக்கிறது.
மேலும், விளையாடுவதன் மூலமே சிறப்பாக கல்வியைப் பயில முடியும் என்பதை உலகம் ஏற்றுக் கொள்கிறது. குழந்தைகள் விளையாட களம் அமைத்து, விளையாட்டை ஊக்குவிப்போம்.விளையாட்டுகள் மண்ணின் அடையாளம், மரபின் தொடர்ச்சி.

நாடு முழுவதும் ரூ.1.5 லட்சம் கோடி டெபாசிட்: இயல்பு நிலைக்கு திரும்பும் ஏடிஎம்கள்

500, 1000 ரூபாய் நோட்டுகள் செல்லாது என்று அறிவிக்கப்பட்டதைத் தொடர்ந்து இதுவரை நாடு முழுவதும் ரூ.1.5 லட்சம் கோடி அளவுக்கு வங்கிகளில் டெபாசிட் செய்யப்பட்டுள்ளதாக தெரிவிக்கப்பட்டுள்ளது.

எஸ்பிஐ வங்கிகளில் மட்டும் ரூ.75,945 கோடி டெபாசிட் செய்யப்பட்டிருப்பதாகவும், ரூ.3,753 கோடி அளவுக்கு பழைய பணத்தைக் கொடுத்து புதிய பணமாக பொதுமக்கள் மாற்றிச் சென்றுள்ளதாகவும் தெரிவிக்கப்பட்டுள்ளது.

கடந்த ஞாயிற்றுக்கிழமை ஒரே நாளில் மட்டும் எஸ்பிஐ வங்கியில் ரூ.100 மற்றும் 2 ஆயிரம் ரூபாய் என ரூ.7,705 கோடி அளவுக்கு பணம் பொது மக்களால் பெறப்பட்டுள்ளதாகவும் கூறப்படுகிறது.

இந்த நிலையில், புதிய 500 ரூபாய் நோட்டுகளும் புழக்கத்தில் விடப்பட்டுள்ளதை அடுத்து, விரைவில் அனைத்து ஏடிஎம்களும் செயல்பாட்டுக்கு வரும் என்றும் தெரிவிக்கப்பட்டுள்ளது.

கருப்புப் பணத்தை மாற்றுவது எப்படி? கூகுளில் தேடியதில் குஜராத் முதலிடமாம்; மோடி சார் பார்த்துக்கோங்க...

By DIN  |   Published on : 14th November 2016 12:23 PM

புது தில்லி: கருப்புப் பணத்தை வெள்ளைப் பணமாக மாற்றுவது எப்படி என்று கூகுளில் தேடியவர்களில் குஜராத் மாநிலம் முதலிடம் பிடித்திருப்பதாக செய்திகள் தெரிவிக்கின்றன.

பழைய 500 மற்றும் 1000 ரூபாய் நோட்டுகள் செல்லாது என்று நவம்பர் 8ம் தேதி பிரதமர் நரேந்திர மோடி அறிவித்தார். இதனைத் தொடர்ந்து வங்கிகள் ஒரு நாளும், ஏடிஎம்களுக்கு இரண்டு நாட்களும் விடுமுறை அறிவிக்கப்பட்டன.

இந்த நிலையில், தங்கள் கைவசம் உள்ள கருப்புப் பணத்தை வெள்ளைப் பணமாக மாற்றுவது எப்படி என்று ஏராளமான வெள்ளந்தி மக்கள் கூகுள் சேர்ச்சில் போட்டுத் தேடியுள்ளனர்.

இதில் குஜராத் மக்கள் தான் முதலிடத்தில் இருப்பதாகவும், ஜார்க்கண்ட், அரியானா மாநிலங்களில் அடுத்தடுத்த இடங்களைப் பிடித்திருப்பதாகவும் தெரிய வந்துள்ளது.

ஆனால், நம் தமிழ்நாட்டு மக்களோ கூகுளில் குறைந்த அளவில் தேடி 22வது இடத்தைப் பிடித்து தமிழகத்துக்கு பெருமை தேடித் தந்துள்ளனர்.

வடமாநிலங்களில் மூட்டை மூட்டையாக 500,1000 ரூபாய் நோட்டுகள் பறிமுதல்!

By DIN  |   Published on : 14th November 2016 12:42 PM  

பாட்டியாலா: கறுப்பு பணத்தை ஒழிக்கும் விதமாக 500, 1000 ரூபாய் நோட்டுகள் செல்லாது என பிரதமர் அறிவித்த நிலையில், வடமாநிலங்களில் மூட்டை மூட்டையாக ரூபாய் நோட்டுகள் பறிமுதல் செய்யப்பட்டு வருகின்றன.

500 மற்றும் 1000 ரூபாய் நோட்டுகள் செல்லாது என மத்திய அரசு அறிவித்ததை தொடர்ந்து, வடமாநிலங்களில் பல்வேறு இடங்களில் வாகனசோதனையின் கணக்கில் வராத பழைய 500 மற்றும் 1000 ரூபாய் நோட்டுகள் கைப்பற்றப்பட்டு வருகின்றன.

இதனிடையே, போலீஸாருக்கு தொலைபேசியில் வந்த தகவலையடுத்து, பஞ்சாப் மாநிலம், பாட்டியாலா நகரில், 5 வாகனங்களில் மறைத்து கொண்டுவரப்பட்ட சுமார் இரண்டரை கோடி மதிப்புள்ள பழைய 500 மற்றும் 1000 ரூபாய் நோட்டுகளை பஞ்சாப் மாநில போலீஸார் பறிமுதல் செய்துள்ளனர்.

குஜராத் மாநிலத்தில் வதோதரா மாவட்டத்தில் அகமதாபாத் - ஹவுரா எக்ஸ்பிரஸ் ரயிலில், மறைத்து கொண்டுவரப்பட்ட சுமார் ஒன்றரை கோடி மதிப்புள்ள பழைய 500, 1000 ரூபாய் நோட்டுகள் பறிமுதல் செய்யப்பட்டுள்ளன. இதுதொடர்பாக ஒருவர் கைது செய்யப்பட்டுள்ளார்.

கொல்கத்தாவில் கோல்ஃப் கிளப் அருகே 500, 1000 ரூபாய் நோட்டுகள் கிழிந்த நிலையில், கண்டெடுக்கப்பட்டு போலீஸாரிடம் ஒப்படைக்கப்பட்டன. மேலும், காரில் கடத்திச் செல்லப்பட்ட ஒரு கோடியே 60 லட்சம் பணத்தை பறிமுதல் செய்த போலீஸார், இதுதொடர்பாக 4 பேரை கைது செய்துள்ளனர்.

மகாராஷ்டிரா மாநிலம் அகோலா பகுதியில் 9 லட்சம் ரூபாய் மதிப்பிலான கரன்சி நோட்டுகள் பறிமுதல் செய்யப்பட்டுள்ளன.

பழைய 500, 1000 ரூபாய் நோட்டுகள் செல்லாது என அறிவிக்கப்பட்டதிலிருந்து நாட்டின் பல்வேறு பகுதிகளில் மூட்டை மூட்டையாக கங்கை மற்றும் சாலைகளில் கொட்டப்பட்டும், எரிக்கப்பட்டும் வருவது பெரும் அதிர்ச்சியை ஏற்படுத்தியுள்ளது.

Madurai Bench, first to decide on demonetisation

• MOHAMED IMRANULLAH. S
• 
  

A 1978 precedent and a 1996 Supreme Court verdict made it dismiss the case

The nation is yet to recover from jitters sent by Prime Minister Narendra Modi’s surprise address to the people on Tuesday announcing demonetisation of Rs. 500 and Rs. 1,000 currency notes, but the Madurai Bench of the Madras High Court has already created history by being the first in the country to hear, deliberate and dismiss a case against the Centre’s move that has earned both bouquets and brickbats.

However, what made the Madurai Bench reject the case was a decision of the Supreme Court taken on August 9, 1996 by a four-judge Bench of Justices M.K. Mukherjee, Kuldip Singh, M.M. Punchhi, and N.P. Singh upholding the Constitutional validity of the High Denomination Bank Notes (Demonetisation) Act, 1978 enacted during the Prime Ministership of Morarji Desai to demonetise Rs. 1,000, Rs. 5,000 and Rs. 10,000 currencies.

Section 2 (d) of the Act defined the term ‘high denomination bank notes’ to mean the three currency notes and Section 3 declared that on expiry of January 16, 1978 all high-denomination notes would, notwithstanding anything contained in Section 26 of the Reserve Bank of India Act 1934, ceased to be legal tender in payment or on account at any place.

Section 4 of the Act prohibited transfer and receipt of the currencies from the specified date.

Assailing the Act, the petitioners before the Supreme Court had contended that it violated their fundamental rights enshrined in Articles 19 (1) (f) and 31 of the Constitution. While the first Article recognised the right to acquire any property by lawful means, hold it and dispose of it freely, limited only by reasonable restrictions, the second Article provided that the State could acquire private property for a public purpose only on payment of compensation to the owner.

Since Section 26 of the RBI Act cast a duty upon the bank to honour the obligation of accepting currencies issued by it as legal tender, it was contended that the Demonetisation Act extinguished the debts due from the RBI to the holders of high denomination notes and that such extinguishment of debts amounted to compulsory acquisition of property without payment of compensation which was mandatory under Article 31(2) of the Constitution.

Rejecting the arguments, the apex court said the contention based on Article 19(1)(f ) was “wholly misconceived for after compulsory acquisition of their property by the impugned Act, the petitioners’ right thereto stood extinguished and consequently the question of reasonable restriction to the exercise or enjoyment of a right, which became non est, could not arise”.

On the issue of compensating the holders of demonetised bank notes, the court said: “Equally untenable is the petitioners’ contention that they were deprived of their right to get compensation for such acquisition as Sections 7 and 8 of the Demonetisation Act lay down an elaborate procedure to apply for and obtain an equal value of the high denomination bank notes in the manner prescribed thereunder.”

Taking a cue from that judgement, the Madurai Bench held:

“Now Article 19(1)(f) is no more in force. Therefore, as of now, right to own property is no more a fundamental right. Similarly, Article 31 also stands supplemented by certain other provisions introduced.

When the Honourable Supreme Court had declared that demonetisation of currency notes did not violate Article 19(1)(f), it is difficult for us to hold that it offends any other fundamental right.”

A Division Bench of Justices S. Nagamuthu and M.V. Muralidaran also went on to state that the present petitioner who had challenged the recent decision to demonetise Rs. 500 and Rs. 1,000 notes had not made out any case, even prima facie, to show that the Finance Ministry’s notification under challenge was either illegal, irrational or it suffered from procedural impropriety or proportionality for the court to exercise judicial review.

On the issue of hardship caused to the common man due to the sudden move, the judges said:

“Of course, it is true that it has caused some inconvenience. As expressed by the Hon’ble Prime Minister of India, in his address to the nation, it is not as though the Government was not aware of these possible inconvenience or hardship to the common man and the poor people of this country.

“His Excellency, the President of India, who himself is a great scholar, economist and who had held the portfolio of finance for a considerable time, has issued a Press Note wherein His Excellency has welcomed the said action taken by the Central Government, which, according to him, will help to unearth unaccounted money as well as counterfeit currency.

“As it has been expressed by His Excellency the President of India and the Hon’ble Prime Minister of India, we, the people of this country, should be hopeful that this measure would speed up the growth of the economy.... and it would free the country from corruption, black money, terrorism and other evils,” the judges concluded.

Government was aware of possible inconvenience and hardships to common man

Justice S. Nagamuthu

His Excellency the President himself has welcomed the decision

Justice M.V. Muralidaran

அமெரிக்காவில் சட்டவிரோதமாக குடியேறிய 30 லட்சம் பேர் வெளியேற்றப்படுவர்: ட்ரம்ப் அதிரடி

வாஷிங்டன்: சட்டவிரோதமாக அமெரிக்காவில் குடியேறியுள்ள சுமார் 30 லட்சம் வெளிநாட்டு குடிமக்களையும் உடனடியாக கைது செய்வேன், அல்லது வெளியேற்றுவேன் என்று அமெரிக்க அதிபராக தேர்ந்தெடுக்கப்பட்டுள்ள டொனால்ட் ட்ரம்ப் கூறி பரபரப்பை கிளப்பியுள்ளார்.
கடந்த செவ்வாய்க்கிழமை நடைபெற்ற அமெரிக்க அதிபர் தேர்தலில் குடியரசுக் கட்சி சார்பில் போட்டியிட்ட டொனால்ட் ட்ரம்ப் வெற்றி பெற்றார், இவர் 2017 ஜனவரி 20ம் தேதி பதவியேற்க உள்ளார்.
இந்நிலையில், ஆங்கில தொலைக்காட்சி சேனல் ஒன்றுக்கு ட்ரம்ப் இன்று பேட்டியளித்துள்ளார். அதில் அவர் கூறியிருப்பதாவது: நான் அதிபரானதும், அமெரிக்காவில் சட்டவிரோதமாக குடியேறிய 30 லட்சம் வெளிநாட்டினர் உடனடியாக வெளியேற்றப்படுவர்.

கிரிமினல் பின்னணி இருப்பவர்கள், ரவுடி கும்பலை சேர்ந்தவர்கள், போதை மருந்து கடத்தல்காரர்கள் என சட்ட விரோதமாக அமெரிக்காவில் நுழைந்து இருப்பவர்கள் உடனடியாக வெளியேற்றப்படுவார்கள். இந்த எண்ணிக்கை 20 லட்சமாக இருக்கலாம் அல்லது 30 லட்சமாகக் கூட இருக்கலாம். அவர்களை வெளியேற்றுவேன் அல்லது சிறையும் பிடிப்பேன்.
ட்ரம்ப் தநது தேர்தல் பிரச்சாரத்தின்போது அமெரிக்காவில் சட்ட விரோதமாக குடியேறியவர்கள் வெளியேற்றப்படுவார்கள் என்று உறுதியளித்து இருந்தது குறிப்பிடத்தக்கது.
ட்ரம்ப்பின் அதிரடி நடவடிக்கைகளை எதிர்பார்த்தே, அவர் அதிபராக தகுதியில்லாதவர் என்று அமெரிக்காவில் பல பிரிவினர் போராட்டங்கள் நடத்தி வருகிறார்கள் என்பது குறிப்பிடத்தக்கது.

Source: tamil.oneindia.com
Dailyhunt

வருமுன் காப்போம்

By அ. பன்னீர்செல்வம் | Published on : 14th November 2016 01:54 AM | அ+அ அ- |

பன்னாட்டு சர்க்கரை நோய் கூட்டமைப்பு உலகம் முழுவதும் சர்க்கரை நோய் பற்றிய விழிப்புணர்வை ஏற்படுத்த நவம்பர் 14}ஐ உலக சர்க்கரை நோய் தினமாக அறிவித்தது.
சர்க்கரை நோயைத் தடுப்பதற்கு உண்டான சாத்தியக் கூறுகள் 1997 வரை இல்லாமல் இருந்தது. தடுப்பதற்கு சாத்தியம் இல்லை என்றும் கூறப்பட்டு வந்தது.
1997-இல் சீனாவில் நடந்த ஓர் ஆய்வில் இரண்டாம் வகை சர்க்கரை நோயை உணவு மற்றும் உடற்பயிற்சி மூலம் 42% வரை தடுக்க முடியும் என்ற தகவல் வந்தது. அதையடுத்து அமெரிக்காவில் நடந்த ஆய்வில் 58% வரை தடுக்க முடியும் எனத் தெரிய வந்தது.
அதையடுத்து இந்தியாவில் நடந்த ஆய்வு முதல் பல நாடுகளில் நடந்த ஆய்வுகள் சரக்கரை நோயை வராமல் தடுப்பதற்குண்டான வழிமுறைகள் உள்ளன. வந்துள்ளதை மிக ஆரம்பத்திலேயே கண்டறிந்து (சாப்பிடுவதற்கு முன் 100-125 மி.கி.%, சாப்பிட்டு இரு மணி நேரம் பொறுத்து 140-200 மி.கி.%, மூன்று மாத சராசரி அளவு - 5.7 - 6.5%) தடுப்பு நடவடிக்கைகளை எடுத்தால் இயல்பு நிலைக்கும் சென்று விடுகிறது.
அதாவது சாப்பிடும் முன் 100 மி.கி.%க்கு குறைவாக, சாப்பிட்டபின் 140 மி.கி.%க்கு குறைவாக, மூன்று மாத சராசரி அளவு 5.7%க்கு குறைவாக வைத்துக் கொள்ள முடியும்.
சர்க்கரையின் அளவை மாதம் ஒரு முறை பார்த்துக் கொண்டும், மூன்று மாத சராசரியை மூன்று மாதத்திற்கு ஒரு முறையும் பார்த்து வந்தால் இந்நோய் தொடர் கட்டுப்பாட்டில் இருக்கும்.
தற்போது சர்க்கரையின் அளவு 250 மி.கி.% (அ) 300 மி.கி.% அளவிற்கு மேல் சென்று, மூன்று மாத சராசரியும் எட்டு (அ) ஒன்பதுக்கும் மேல் சென்றும் அதைக் கட்டுப்படுத்துவதற்குண்டான எவ்வித தொடர் முயற்சியும் எடுக்காததால் அநேக பேர் அவதியுறுகின்றனர்.
பின்விளைவுகள் வந்தபின்தான் தனக்கு சர்க்கரை நோய் உள்ளதையே உணருகிறார்கள். இந்நோயின் மிக ஆரம்பம் எவ்வித அறிகுறியையும் தருவதில்லை. சில நேரங்களில் சர்க்கரை நோயாளர்களுக்கு ஏற்படும் மாரடைப்பும் (வலியில்லாமல்) அறிகுறியின்றிதான் உள்ளது.
படித்த நாம் ஏற்கெனவே பெரியம்மை, போலியோ போன்றவற்றை தடுப்பூசிகள் மூலம் ஒழித்துள்ளோம். கினிவேர்ம் மற்றும் நீரால் பரவக்கூடிய பல நோய்களைத் தடுத்துள்ளோம். சமீபத்தில் எய்ட்ஸ் நோயாளர்களின் எண்ணிக்கையை கணிசமாகக் குறைத்துள்ளோம்.
ஆனால் சர்க்கரை நோயாளர்களின் எண்ணிக்கை மட்டும் ஆண்டுக்கு ஆண்டு அதிகமாகி வருகிறது. மத்திய அரசும், மாநில அரசும் மக்களுடனும், அரசு சாரா நிறுவனங்களுடன் இணைந்து இந்நோய் வராமல் தடுப்பது எப்படி, மிக ஆரம்பத்தில் கண்டுபிடிப்பது எப்படி, கண்டுபிடித்தபின் இயல்புநிலையில் தொடர்ந்து வைத்துக் கொள்வது எப்படி, பின் விளைவுகள் வராமல் தடுப்பது எப்படி என்பது குறித்து விழிப்புணர்வை ஏற்படுத்தினால் இந்நோயின் எண்ணிக்கையை கணிசமாக குறைக்கலாம்.
சர்க்கரை சத்து, கொழுப்புச் சத்து, உப்புச் சத்து உள்ள உணவு வகைகள் அதிக அளவில் விற்பனைக்கு வந்துள்ளதால் மக்களின் மோகம் இயல்பாகவே அதன் பக்கம் கடந்த 15 ஆண்டுகளாக திரும்பிவிட்டது.
மேலும் ஒரு காலத்தில் 1950களில் அனைத்து வேலைகளும் மனித உடலுழைப்பால் செய்யப்பட்டன. அதன்பின் மின்மயமானது. தற்போது கணினி மற்றும் தொலைவில் இருந்து செயல்படுத்த உபகரணங்கள் (தங்ம்ர்ற்ங்)வந்துவிட்டன. உடலுழைப்பின்றி தற்கால மனிதன் சர்க்கரை சத்து அதிகமுள்ள உணவுகளை உண்பதால் உடல் எடை கூடுகிறது.
இயல்பாக சுரக்கும் இன்சுலின் சரிவர வேலை செய்ய மறுக்கிறது. இயல்பான சுரப்பு குறைய ஆரம்பித்து சர்க்கரை நோயை எதிர்கொள்ள வேண்டியுள்ளது. அதனுடன் கொலஸ்ட்ரால் அளவுகளும் ரத்தத்தில் கூடுதலாகின்றன. ரத்த அழுத்தம் அதிகமாகி ரத்தக் குழாய்களில்
அடைப்பு ஏற்பட்டு அது மாரடைப்பாகவோ பக்கவாதமாகவோ சிறுநீரக செயலிழப்பாகவோ மாறுகிறது.
கால்களில் புண் ஆறவில்லை. பார்வை குறைகிறது என்று பின்விளைவுகள் வந்தபின் சர்க்கரை நோய்க்கும், மிகு ரத்த அழுத்தத்திற்கும் சிகிச்சை எடுத்துக் கொள்கின்றனர். இவைகளை ஆரம்பத்தில் கண்டறிந்து தடுக்க வேண்டும் என்ற விழிப்புணர்வை ஏற்படுத்த வேண்டும்.
மது அருந்தும் பழக்கமும், புகை பிடிக்கும் பழக்கமும் எந்த அளவிற்கு விழிப்புணர்வை ஏற்படுத்தினாலும் குறைந்தபாடில்லை. சர்க்கரை நோய், மிகு ரத்த அழுத்த நோயுடன் இப்பழக்கங்களும் இருந்தால் சிகிச்சை அளித்தும் பயன்
இருக்காது என்பதை நாம் புரிந்து
கொள்ள வேண்டும்.
பெரியம்மை, போலியோ போன்ற நோய்களை ஒழிக்க தடுப்பு மருந்துகள் இருந்தது போல் சர்க்கரை நோயை ஒழிக்க தடுப்பு மருந்து ஏதும் இல்லை. தடுப்பு மருந்து இல்லாமல் கினி வேர்ம், தொழுநோய், காலரா, சிரங்கு மற்றும் குடும்பக் கட்டுபாடு முறைகளை விழிப்புணர்வு மூலம் வெற்றிகண்டுள்ளோம்.
மக்களிடம் ஏற்படுத்தப்படும் தொடர் விழிப்புணர்வுதான் இந்நோயின் தாக்கத்தைக் குறைக்கும். இல்லையேல்
ஆண்டுக்கு ஆண்டு உலக நீரிழிவு தினத்தை தீபாவளி, கிறிஸ்துமஸ், பக்ரித் போல கொண்டாடிக் கொண்டிருக்கலாமேயொழிய மக்களுக்கு பயன் இருக்காது.

(இன்று உலக சர்க்கரை நோய் தினம்)

கட்டுரையாளர்: நீரிழிவு மருத்துவர்.

ஆத்திரப்படுவதில் அர்த்தமில்லை!

By ஆசிரியர் | Published on : 14th November 2016 01:50 AM |

கடந்த செவ்வாய்க்கிழமை இரவு அதிரடி அறிவிப்பாக ரூ.500, ரூ.1000 காகிதச் செலாவணிகள் செல்லாததாக அறிவிக்கப்பட்டதைத் தொடர்ந்து வங்கிகளின் முன்னாலும், ஏ.டி.எம். இயந்திரங்களின் முன்னாலும் நூற்றுக்கணக்கானவர்கள் வரிசையில் நின்று கொண்டிருக்கிறார்கள். அன்றாடச் செலவுக்குக்கூடப் பணமில்லாமல் சாமானியர்கள் தவிக்க வேண்டியதாகி விட்டது என்பதில் சந்தேகமே இல்லை.

÷அரசின் அதிரடி முடிவு மக்களின் அன்றாட வாழ்வில் கடுமையான பாதிப்பை ஏற்படுத்தி இருக்கிறது என்பதை மறுப்பதற்கில்லை. ஆனால், "இந்த முடிவால் கருப்புப் பணத்தை ஒழித்துவிட முடியாது, கள்ளநோட்டுகளுக்கு முடிவு கட்டிவிட முடியாது என்றெல்லாம் பேசுவது (பிதற்றுவது)' அரசியலே தவிர, தேசத்தின் மீது உண்மையான அக்கறையும், பொறுப்புணர்வும் கொண்டவர்கள் பேசுகிற பேச்சல்ல.

÷அதேபோல, எல்லா வங்கிகளிலும், ஏ.டி.எம்.களிலும் போதிய பணத்தை முன்கூட்டியே கிடைக்கும்படி செய்திருந்தால், பொதுமக்கள் இந்த அளவுக்கு அவதி அடையத் தேவையில்லைதான். ஆனால், அப்படியெல்லாம் முன்னெச்சரிக்கை நடவடிக்கைகளை அரசு முடுக்கிவிட்டிருந்தால், கருப்புப் பண முதலைகள் மோப்பம் பிடித்திருப்பார்கள்.

÷இதுபோன்ற முடிவுகள் எடுக்கப்படும்போது பொதுமக்கள் அவதிக்குள்ளாவது தவிர்க்க முடியாதது. நில உச்சவரம்பு கொண்டுவந்தபோது, இதேபோலத்தான் மிகப்பெரிய ஓலம் எழுப்பப்பட்டது என்பதை நினைவில் கொள்ள வேண்டும். எந்தவித சிரமமோ பாதிப்போ கூடாது என்றால், மாற்றங்களை ஏற்படுத்த முடியாது.

÷பிரதமர் நரேந்திர மோடியின் இந்த அதிரடி நடவடிக்கைக்குப் பின்னால், ஏறத்தாழ இரண்டு ஆண்டுத் திட்டமிடல் இருந்திருக்கிறது என்பது இப்போது தெரிகிறது. யாருக்கும் சந்தேகம் ஏற்படாத வண்ணம், மிகவும் ரகசியமாகவும், சாதுரியமாகவும் பிரதமர் மோடி காயை நகர்த்தி வந்திருக்கிறார். வெளிநாடுகளில் பதுக்கி வைக்கப்பட்டிருக்கும் கருப்புப் பணத்தை சட்டப்படி இந்தியாவுக்குத் திருப்பிக் கொண்டு வருவது இயலாது என்பதைத் தெரிந்து கொண்டது முதல், கருப்புப் பணத்துக்கு எதிரான தனது தாக்குதலுக்குப் புதிய வியூகத்தை அவர் வகுக்கத் தலைப்பட்டிருக்கிறார்.
÷தொடர்ந்து வெளிநாடுகளுக்கு பிரதமர் பயணித்ததற்குப் பின்னால், இந்தப் பிரச்னையும் ஒரு காரணமாக இருந்திருக்கிறது. ஸ்விட்சர்லாந்தில் தொடங்கி, எந்தெந்த நாட்டு வங்கிகளிளெல்லாம் இந்தியர்களின் கருப்புப் பணம் அதிகமாகக் காணப்படுகிறதோ, அந்த நாடுகளிடம், இந்தியர்களின் கணக்குகள் குறித்த பட்டியலை இந்திய அரசு கோரத் தொடங்கியது. விபரீதம் ஏற்படுவதற்கு முன்பாக அவர்கள் அந்தக் கருப்புப் பணத்தை ஹவாலா பரிமாற்றத்தின் மூலமும், அந்நிய முதலீடு என்கிற பெயரிலும் இந்தியாவிற்குக் கொண்டு வர முற்பட்டனர்.

÷அடுத்தபடியாக, சாமானியர்கள் தங்களது கையிருப்புகளையும் சேமிப்புகளையும் மாற்றிக் கொள்வதற்கு வழிகோலும் வகையில் "ஜன் தன்' திட்டம் அறிமுகம் செய்யப்பட்டது. கடந்த நவம்பர் 2-ஆம் தேதி நிலவரப்படி 25.45 கோடி புதிய வங்கிக் கணக்குகள் தொடங்கப்பட்டிருக்கின்றன. ஒரு புறம், நேரடி மானியம் செலுத்துவதற்கும், இன்னொரு புறம், தங்களிடம் இருக்கும் செல்லாத ரூ.500, ரூ.1000 நோட்டுகளை மாற்றுவதற்கும் இது உதவப் போகிறது. அடுத்த சில நாள்களில் புதிய ரூ.500, ரூ.2000 வரும்வரை மட்டுமே சாமானியர்கள் சிரமப்பட வேண்டிவரும். அதற்குப் பிறகு, அனைவருக்கும் வங்கிக் கணக்கு இருப்பதால் அடித்தட்டு வர்க்கத்தினர், சாமானியர்கள், நேரிடையாக வரி செலுத்துபவர்கள் யாருடைய சேமிப்பும் பாதிக்கப்படாது.
÷கருப்புப் பணம் வைத்திருப்பவர்களுக்கு ஒரு வாய்ப்பு தரும் வகையில் கணக்கில் காட்டாத பணத்தை, வரியும் அதற்கான அபராதமும் செலுத்தி சரி செய்து கொள்ளும் திட்டம் அறிவிக்கப்பட்டது. இத்தனைக்கும் பிறகுதான், ரூ.500, ரூ.1000 நோட்டுகள் செல்லாதவையாக அறிவிக்கப்பட்டிருக்கின்றன. அதனால், கருப்புப் பணம் வைத்திருப்பவர்களேகூட அரசைக் குறை சொல்வது நியாயமாகாது.

÷நாட்டில் ஏறத்தாழ 17,60,000 கோடி ரூபாய் புழங்குவதாகக் கூறப்படுகிறது. இதில் ஐந்து அல்லது ஆறு லட்சம் கோடி ரூபாய் கணக்குக் காட்டாதவையாக இருக்கும். அவை வரி வலையில் வந்து விடும். புழக்கத்தில் இருக்கும் இன்னொரு நான்கு முதல் ஐந்து லட்சம் கோடி ரூபாய் கள்ள நோட்டுகள் செயலிழந்துவிடும். கணக்குக் காட்ட முடியாமல், வங்கியில் செலுத்த முடியாமல் இருக்கும் சுமார் நாலரை லட்சம் கோடி ரூபாய் குப்பைக் காகிதமாகிவிடும். இவையெல்லாம் புழக்கத்திலிருந்து அகலும்போதுதான், இந்தியப் பொருளாதாரம் நிஜமான நிலைக்குத் திரும்பும். வரும் டிசம்பருக்குப் பிறகுதான் இந்தியா நிஜமான வளர்ச்சியையும், நிலைமையையும் காணப் போகிறது.÷பிரதமர் நரே  ந்திர மோடியின் இந்த அதிரடி நடவடிக்கையின் விளைவாக, இந்தியப் பொருளாதாரம் வரும் ஜனவரி முதல் நியாயமான, எதார்த்தமான வளர்ச்சியை நோக்கி நகரப் போகிறது. அடுத்த இரண்டாண்டுகளில் நாம் 12% வளர்ச்சியை அடைந்தால் வியப்படையத் தேவையில்லை. இதுதான் பிரதமரின் நோக்கமாக இருக்கும் என்று தோன்றுகிறது.

÷பிரதமருக்கும் அரசுக்கும் ஒரு வேண்டுகோள். சிறு வியாபாரிகள், தொழில் முனைவோர்கள் ஆகியோருக்கு வரி கட்டாததற்கு 200% அபராதம் என்பது கடுமையானது. இது அரசுக்குக் கெட்ட பெயரை ஏற்படுத்தக்கூடும். அதை வெறும் 45% அபராதமாக அறிவித்து, இனியாவது பொறுப்புள்ள குடிமக்களாக நடந்துகொள்ள அவர்களுக்கு அவகாசம் அளிக்கப்பட வேண்டும்!

சில்லரை கொடுத்து மருத்துவமனைக்குப் பாடம் புகட்டிய நோயாளி!

'

இந்தியாவில், இனி பழைய 500 ரூபாய், 1000 ரூபாய் நோட்டுகள் செல்லாது' என மத்திய அரசு அறிவித்ததன் விளைவாக கடந்த இரு தினங்களாக இந்தியாவே ஸ்தம்பித்து உள்ளது. வியாபாரத் தளங்களில், 'புது ரூபாய் நோட்டுகள்தான் வேண்டும், அல்லது நூறு, ஐம்பதாக சில்லைறையாக வேண்டும்' என்கிறார்கள் வியாபாரிகள் அனைவரும்.இதனால் பொதுமக்கள் அத்தியாவசியப் பொருட்களை வாங்குவதற்குக் கூட கடும் அவதிக்கு உள்ளாகி வருகின்றனர். மத்திய அரசு வங்கிகள், பெட்ரோல் பங்க், தபால் நிலையம், ரயில் நிலையங்கள் போன்ற இடங்களில் பழைய ரூபாய் நோட்டுகள் செல்லும் என அரசு அறிவித்து இருந்தது. ஆனால், கடந்த இரு தினங்களாக பல பெட்ரோல் பங்க் மற்றும் மருத்துவமனைகள் இந்த அறிவிப்புகளை காதில் வாங்கிக்கொள்ளாமல், 'புது ரூபாய் நோட்டுகளைத் தான் வாங்குவோம் அல்லது சில்லரையாகத்தான் வாங்குவோம்' என்று சொல்லிவருகிறது.

இந்த நிலையில், பழைய 500 மற்றும் 1000 ரூபாய் நோட்டுகள் வாங்க மாட்டோம் என்று அடம்பிடித்த மருத்துவமனை ஒன்றில், ஒரு ரூபாய், இரண்டு ரூபாய் நாணயங்களை 40 ஆயிரம் ரூபாய்க்கு மூட்டையாக கட்டி எடுத்துக்கொண்டு போய் தக்கப் பாடம் புகட்டியுள்ளார்.

கொல்கத்தாவைச் சேர்ந்தவர் சுகந்தா சாலே. சில தினங்களுக்கு முன் இவர் டெங்கு காய்ச்சலால் பாதிக்கப்பட்டதால், பி.பிபோடர் என்ற தனியார் மருத்துவமனையில் சிகிச்சைக்காக அனுமதிக்கப்பட்டுள்ளார். கடந்த புதன் கிழமையன்று இரவு, 'சிகிச்சை முடிந்தது. சிகிச்சைக்கான கட்டணம் ரூபாய் 40 ஆயிரத்தைக் கொடுத்துவிட்டு நோயாளியை அழைத்க்ச் செல்லலாம்' என மருத்துவமனை நிர்வாகம் கூறியுள்ளது.

இதனால், சுகந்தா சாலே குடும்பத்தினர் வங்கிக்குச் சென்று 500, 1000 ரூபாய் நோட்டுகளாக 40 ஆயிரத்தை எடுத்து வந்திருக்கின்றனர். ஆனால் துரதிர்ஷ்டவசமாக அன்று இரவே மத்திய அரசு, '500 ரூபாய் நோட்டுகள் மற்றும் 1000 ரூபாய் நோட்டுகள் செல்லாது' என அறிவித்துவிட்டது. இதனால், இவர்கள் கொடுத்த 500, 1000 ரூபாய் தாள்களை மருத்துவமனை நிர்வாகம் வாங்க மறுத்துவிட்டது. 'எங்களுக்கு 100 ரூபாய் மற்றும் 50 ரூபாய் தாள்களாகத்தான் வேண்டும்; அதுவரை நோயாளியை டிஸ்சார்ஜ் செய்ய இயலாது' என்றும் சொல்லியிருக்கின்றனர்.

'காசோலையாகத் தருகிறோம் டிஸ்சார்ஜ் செய்யுங்கள்' எனக் கேட்டதற்கும் மருத்துவமனை ஒப்புக்கொள்ளவில்லை. இதனால் ஆத்திரம் அடைந்த சுகந்தா சாலேவின் குடும்பத்தினர்கள் மருத்துவமனைக்குப் பாடம் புகட்ட நினைத்தார்கள். அதன்படியே வாட்ஸ்அப் மற்றும் ஃபேஸ்புக் வழியாக பிரச்னையைச் சொல்லி தனது நண்பர்கள், உறவினர்கள் மற்றும் தெரிந்தவர்களிடத்தில் ஒரு ரூபாய் மற்றும் இரண்டு ரூபாய் காசுகளாக அனுப்பும்படி உதவி கேட்டுள்ளனர்.

இந்த வகையில் அவர்கள் சேகரித்துக் கொடுத்த 40 ஆயிரம் சில்லரையையும் ஒரு மூட்டையில் கட்டிக்கொண்டு மருத்துவமனைக்குச் சென்றிருக்கிறார்கள் சுகந்தா சாலே குடும்பத்தினர். ஆனால், மருத்துவமனை நிர்வாகமோ இப்போது, 'சில்லரைகளாக வேண்டாம். காசோலையாக கொடுங்கள் வாங்கிக்கொள்கிறோம்' என்று யு டர்ன் அடித்திருக்கின்றனர். ''இந்தியாவில் மாற்றத் தக்க சில்லைறை காசுகளை கொடுக்கிறோம்.... நீங்கள் வேண்டாம் என்கிறீர்கள். வாங்க மறுத்தால் போலீஸ் ஸ்டேஷனில் புகார் கொடுப்போம்" என்று மிரட்டியுள்ளனர்.

இதன்பின்னர், 'சில்லறை காசுகளை வாங்குவதை தவிர வேறு வழியில்லை' என்ற முடிவுக்கு வந்த மருத்துவமனை நிர்வாகம், ஆறு ஊழியர்களைக் கொண்டு 'காசு சரியாக உள்ளதா?' என எண்ணிப் பார்த்தபிறகே, சுகந்தா சாலேவை டிஸ்சார்ஜ் செய்துள்ளது.

இதுவல்லவோ மருத்துவ சேவை!

விரட்டும் வங்கிகள்... மல்லுக்கட்டும் மக்கள்... தொடரும் அவஸ்தைகள்!

500, 1000 ரூபாய் நோட்டுக்களை மாற்ற வங்கிகள் முன்பு மக்கள் காத்திருக்கின்றனர். ஒவ்வொரு நாளும் ஒரு விதிமுறையை அறிவித்து மக்களை வங்கிகள் விரட்டியடிப்பதால் பணத்தை மாற்ற முடியாமல் மக்கள் பெரிதும் அல்லல்படுகின்றனர்.

500, 1000 ரூபாய் நோட்டுக்கள் செல்லாது என்று பிரதமர் நரேந்திரமோடி கடந்த 8ம் தேதி அதிரடியாக அறிவித்தார். அடுத்து 9ம் தேதி வங்கிகளுக்கு விடுமுறை. தொடர்ந்து இரண்டு நாட்கள் ஏ.டி.எம் மையங்களுக்கு விடுமுறை அளிக்கப்பட்டது. கடந்த 10ம் தேதி முதல் வங்கிகளில் பழைய 500, 1000 ரூபாய் நோட்டுக்கள் புதிய வரவான 2000 ரூபாய் நோட்டுக்களாக மாற்றப்பட்டு வருகின்றன. இதற்காக வங்கிகளில் மக்கள் கால்கடுக்க காத்திருக்கின்றனர். புதிய 2000 ரூபாய் நோட்டுக்களை வைத்து அன்றாட செலவுகளை மக்கள் சந்திக்க முடிவதில்லை. இதனால் புதிய 2000 ரூபாய் நோட்டுகளுடன் 100, 50, 20, 10 ரூபாய் நோட்டுக்களையும் மக்கள் கேட்டு பெறுகின்றனர். ஆனால் அத்தகைய நோட்டுக்களை பெரும்பாலான வங்கிகள் மக்களுக்கு வழங்குவதில்லை.

இந்நிலையில், மக்கள் கூட்டம் அலைமோதும் என்பதால் ஒருநாளைக்கு 4000 வரை பணத்தை மாற்றிக் கொள்ளலாம் என்ற வரையறை வகுக்கப்பட்டது. இதனால் மக்கள் ஒவ்வொரு வங்கி கிளையாக சென்று 4000 ரூபாய் என்ற விதத்தில் ஒரு நாளைக்கு எவ்வளவு முடியுமா அவ்வளவு தொகையை பெற்று வந்தனர். இதற்கு 'செக்' வைக்கும் வகையில் ஒரு நபர் ஒரு வங்கியில் 4000 ரூபாயை வரை மாற்றும் வகையில் புதிய வரையறையை வகுத்துள்ளது வங்கி.

இதுகுறித்து வங்கி வட்டாரங்கள் கூறுகையில், "ஆதார்கார்டு, பான் கார்டு, டிரைவிங் லைசென்ஸ், அரசு ஊழியர்களின் அடையாள அட்டை, வாக்காளர் அடையாள அட்டை, வெளிநாட்டு வாழ் இந்தியர்கள் அடையாள அட்டை ஆகியவற்றை கொண்டு பணத்தை மாற்றிக் கொள்ளலாம். இந்த அடையாள அட்டைகளைக் கொண்டு பணத்தை மாற்றும் மக்கள், ஒவ்வொரு வங்கிகளிலும் ஒரு அடையாள அட்டைகளை கொடுத்து வந்தனர். ஒரே வங்கியின் மற்றொரு கிளைக்கு ஒரே நபர் பணத்தை மாற்ற முடியாது. அதே நபர் மற்றொரு வங்கிக்கு சென்று பணத்தை மாற்றிக் கொள்ளலாம். குறிப்பாக தனியார் வங்கிகள், ஒரு நபர் 4000 ரூபாய் மாற்றினால் அந்த நபர் 12 நாட்களுக்குப் பிறகே மாற்ற வேண்டும். தேசியமயமாக்கப்பட்ட வங்கிகள் மூன்று நாட்களுக்கு ஒரு முறை 4000 ரூபாயை மாற்றிக் கொள்ளலாம். அவசர தேவையாக பணம் தேவைப்படுபவர்கள், தங்களுடைய பணத்தை டெபாசிட் செய்யலாம். அதில் ஒரு நாளைக்கு 10 ஆயிரம் ரூபாயை எடுத்துக் கொள்ளலாம்" என்றனர்.



வங்கிகளின் இந்த அதிரடி அறிவிப்பால் மக்கள் பெரிதும் பாதிக்கப்பட்டுள்ளனர். தங்கள் கையில் வைத்திருக்கும் 500, 1000 ரூபாய் பணத்தை மாற்ற முடியாமல் சிரமப்படுகின்றனர். ஏ.டி.எம் மையங்களும் காலியாக காட்சியளிப்பதால் அங்கும் பணத்தை எடுக்க முடியாமல் மக்கள் அல்லல்படுகின்றனர். இதனால் மக்கள், பணத்தை மாற்ற பரிதவித்து வருகின்றனர். ஆனால், ரிசர்வ் வங்கி தரப்பில் டிசம்பர் 30ம் தேதி வரை வங்கிகள் விடுமுறையின்றி செயல்படும. இதனால் வாடிக்கையாளர்கள் சிரமமின்றி பணத்தை மாற்றிக் கொள்ளலாம். ஒவ்வொரு வங்கிகளிலும் தேவையான பணம் இருப்பதாகவும் ரிசர்வ் வங்கி தெரிவித்துள்ளது.

வங்கிகளின் இந்த நடவடிக்கையால் மக்கள், புதிய ரூபாய் நோட்டுக்களைப் பெற தில்லாலங்கடி வேலைகளிலும் ஈடுபட தொடங்கி விட்டனர். குறிப்பாக கமிஷன் அடிப்படையில் ஒருவருடைய அடையாள அட்டைகளைப் பெறுகின்றனர். பணத்தை மாற்றி கொடுப்பவர்களுக்கு ஆயிரம் ரூபாய்க்கு 100 ரூபாய் கமிஷனாக வழங்கப்படுகிறது. சில தனியார் வங்கிகளில் இதற்கென ஏஜென்ட்களும் இருக்கின்றனர். வங்கிகளின் கெடுபிடியால் அவர்களை தேடி மக்கள் செல்லத் தொடங்கி விட்டனர்.

புதிய 2000 ரூபாய் பெற மக்கள் 2000 அவஸ்தைகளை நாள்தோறும் அனுபவித்து வருகின்றனர்.

எஸ்.மகேஷ்

அறிவித்தபடி இயங்காத ஏடிஎம் மையங்கள்: அவதிப்படும் பொதுமக்கள்

இரு நாட்களுக்குப் பிறகு ஏடிஎம் மையங்கள் நாடு முழுவதும் இன்று முதல் (11-ம் தேதி) இயல்பாக இயங்கும் என அறிவிக்கப்பட்டிருந்தது. ஆனால், தமிழகம் முழுவதும் பல்வேறு மாவட்டங்களிலும் விசாரித்தவரை நிலைமை தலைகீழாக இருக்கிறது.

பெரும்பாலான ஏடிஎம்-கள் இயங்காததால் மக்கள் பெருத்த ஏமாற்றத்துக்குள்ளாகியுள்ளனர். அன்றாட அத்தியாவசியச் செலவுக்குக்கூட பணம் இல்லாமல் சாமானிய மக்கள் திண்டாடும் நிலை ஏற்பட்டுள்ளது.

தலைநகர் சென்னையில் திருவல்லிக்கேணி, மயிலாப்பூர், ஐஸ்ஹவுஸ் போன்ற பகுதிகளில் பெரும்பாலான ஏடிஎம் மையங்கள் ஏதும் திறக்கவில்லை. சென்னை பெரம்பூர் பகுதியில் ஒன்றிரண்டு ஏடிஎம் மையங்களில் பணம் எடுக்க முடிந்தது. அண்ணா நகர் பகுதியில் இருக்கும் ஹெச்டிஎப்சி ஏடிஎம் மையங்கள் ஏதும் இன்னும் இயங்கவில்லை. மதியம் 3.30 மணிக்கு மேல் அந்த மையங்களில் பணம் எடுக்கலாம் என வங்கி அதிகாரி ஒருவர் தெரிவித்துள்ளார்.

மதுரை நிலவரம்:

மதுரை மாவட்டத்தில் ஆங்காங்கே ஒருசில ஏடிஎம் மையங்கள் மட்டுமே திறந்திருக்கின்றன. அத்தியாவசியத் தேவைக்கு பணம் எடுக்க முடியாமல் மக்கள் ஒவ்வொரு ஏடிஎம் மையமாக அலைந்து திரிகின்றனர். தபால் அலுவலகங்களில் 'எங்களுக்கு இன்னும் பணம் வரவில்லை' என்ற பதிலையே திரும்பத்திரும்ப கூறுகின்றனர்.

சில வங்கிகளில் எங்கள் வங்கியில் கணக்கு வைத்திருப்பவர்களுக்குத்தான் பணம் வழங்க முன்னுரிமை மற்ற வங்கி கணக்குடையவர்களுக்கு இப்போதைக்கு பணமில்லை எனக் கூறி அனுப்புகின்றனர். கையில் ரூ.500, ரூ.1000 இருந்தும் அதை பயன்படுத்த முடியாமல் மக்கள் தவிக்கின்றனர்.

வங்கி அதிகாரிகளிடம் கேட்டபோது போதிய பணம் இல்லாததாலேயே ஏடிஎம் மையங்களில் பணம் நிரப்பப்படவில்லை என்றனர்.

கோவை திண்டாட்டம்:

கோவை நகரிலும் ஒரு சில ஏடிஎம் மையங்களில் மட்டுமே பணம் எடுக்க முடிகிறது. சில ஏடிஎம் மையங்கள் திறந்துள்ளன. ஆனால், அவற்றை பணத்துக்காக இயக்கினால், "பணம் இல்லை" என்ற அறிவிப்பு மட்டுமே வருகிறது என்று மக்கள் புலம்புகின்றனர். வங்கிகளில் நீண்ட வரிசையில் நின்று புதிய நோட்டுகளை மாற்றியவர்கள் கவலை வேறாக இருக்கிறது. ரூ.2000 எடுத்துக் கொண்டு எந்தக் கடைக்குச் சென்றாலும் சில்லறை இல்லை ரூ.2000-க்கும் பொருட்கள் வாங்கிக் கொள்ளுங்கள் எனக் கூறுகிறார்கள் என மக்கள் வேதனை தெரிவிக்கின்றனர்.

சேலத்திலும் தவிப்பு:

சேலத்திலும் இதே நிலைதான் நீடிக்கிறது. ஐஓபி, எஸ்பிஐ போன்ற ஒருசில ஏடிஎம் மையங்களில் மட்டுமே பணம் எடுக்க முடிகிறது. நேற்று போலவே இன்றும் வங்கிகளில் மக்கள் அதிகளவில் திரண்டுள்ளனர்.



படம்: எஸ்.குருபிரசாத்.

மாநகராட்சியில் பழைய ரூ.500, ரூ.1000 பயன்படுத்தி வரி செலுத்தலாம் என்ற அறிவிப்புக்கு நல்ல வரவேற்பு கிடைத்துள்ளது. அதனால், மக்கள் பழைய நோட்டுகளை கொடுத்து வரி பாக்கியை செலுத்தி வருவது ஆறுதல் தரும் விஷயம்.

திருச்சியில் ஓரளவு சிரமம் குறைவு:

திருச்சி டவுன் பகுதியில் ஏடிஎம் மையங்கள் ஓரளவு இயங்கிவருவதாக அங்கிருந்து வந்த தகவல் தெரிவிக்கின்றது. எஸ்.பி.ஐ., ஐ.ஓ.பி. வங்கிகளில் பணம் எடுக்க முடிவதாக மக்கள் கூறுகின்றனர். ஆனால், கேவிபி, ஹெச்டிஎப்சி போன்ற ஏடிஎம் மையங்களில் பணம் இன்னும் நிரப்பப்படவில்லை என பொதுமக்கள் தெரிவித்துள்ளனர்.



திருச்சியில் ஏடிஎம் மையத்தில் நீண்ட வரிசையில் காத்திருந்த மக்கள் | படம்: எஸ்.ஞானவேல் முருகன்.

செல்லாத நோட்டுகளை வைத்து என்ன செய்வது? : திருப்பி கொடுத்த தேர்தல் பொறுப்பாளர்கள்

அரவக்குறிச்சி: ஆளுங்கட்சிக்கு பாதகமாக வந்த தகவலையடுத்து, தேர்தல் பொறுப்பாளர்களின் அவசரக் கூட்டத்தை நேற்று, அமைச்சர்கள் நடத்தினர். கரூர் மாவட்டம், அரவக்குறிச்சி தொகுதியில், அ.தி.மு.க., சார்பில், முன்னாள் அமைச்சர் செந்தில்பாலாஜி மீண்டும் போட்டியிடுகிறார். 11 அமைச்சர்கள், 30க்கும் மேற்பட்ட, எம்.எல்.ஏ.,க்கள் பிரசாரத்தில் ஈடுபட்டுள்ளனர். இருப்பினும், அ.தி.மு.க.,வுக்கு சாதகமான நிலை இல்லை என, உளவுத்துறை போலீசார், ஆளுங்கட்சி தலைமையிடம் கூறியுள்ளனர். இதையடுத்து, திடீரென நேற்று, ஓட்டுச்சாவடி வாரியாக, தேர்தல் பொறுப்பாளர்கள் கூட்டம் நடந்தது. இதில் பங்கேற்ற பொறுப்பாளர்கள், 'தேர்தல் செலவுக்கு வழங்கப்பட்ட பணம் போதுமானதாக இல்லை' எனக் கூறியதாக தெரிகிறது.
இது குறித்து, அ.தி.மு.க., நிர்வாகிகள் கூறியதாவது: மொத்தம் உள்ள, 245 ஓட்டுச்சாவடிகளில், தலா, 25 என, 11 அமைச்சர்களுக்கு ஒதுக்கப்பட்டுள்ளது; செலவுகளை, அமைச்சர்கள் பார்த்து கொள்ள வேண்டும். இருப்பினும், அனைத்து செலவுகளையும் தானே பார்த்து கொள்வதாக, வேட்பாளரான செந்தில்பாலாஜி தெரிவித்துள்ளார். ஆனால், ஓட்டுச்சாவடி முகவர்கள், ஊராட்சி கிளை செயலர்களுக்கு மட்டுமே பணம் பட்டுவாடா செய்யப்பட்டது. உள்ளூர் மற்றும் வேறு மாவட்டத்தில் இருந்து வந்த கட்சி நிர்வாகிகள், தங்கள் சொந்த பணத்தை செலவு செய்ய வேண்டிய நிலைக்கு தள்ளப்பட்டு உள்ளனர். ஆளுங்கட்சி செல்வாக்கு குறைந்து வருகிறது என்ற தகவல், உளவுத்துறை போலீசாரால் தலைமைக்கு சென்றது. இதன் காரணமாக, நேற்று முன்தினம், அமைச்சர்கள் ரகசிய கூட்டம் நடத்தினர். நேற்று, அமைச்சர்கள் எடப்பாடி பழனிசாமி, ஜெயக்குமார், விஜயபாஸ்கர் ஆகியோர், ஒவ்வொரு ஓட்டுச்சாவடியிலும் கூட்டம் நடத்தினர்.அங்கு, ஓட்டுச்சாவடி பொறுப்பாளர்களுக்கு, 10 ஆயிரம் ரூபாய், ஊராட்சி கிளை செயலருக்கு, 2,000 ரூபாய் அளித்துள்ளனர். இதனால், அதிருப்தியடைந்த பொறுப்பாளர்கள், '500, 1,000 ரூபாய் நோட்டுகளை மாற்ற முடியாமல், சாப்பாட்டுக்கு கூட மற்றவர்களிடம் கையேந்தும் நிலையில் உள்ளோம். இதையெல்லாமல் கொண்டு கொள்ளாமல், செல்லாத, 500, 1,000 ரூபாய் நோட்டுகளை வழங்கினால், அதை வைத்து என்ன செய்ய முடியும்' எனக் கூறி, பணத்தை திருப்பி கொடுத்துள்ளனர். உடனே அமைச்சர்கள், 'தலைமையிடம் பேசி, மாற்று ஏற்படும் செய்கிறோம்' என்று சமாளித்தபடி சென்றுவிட்டனர். இவ்வாறு அவர்கள் கூறினர்.

கறுப்பு பணத்தை 'வெளுக்க' அறக்கட்டளைகள் : புதிய வழியில் பதுக்கல்காரர்கள்

செல்லாத ரூபாய் நோட்டுகளை, சட்டப்பூர்வமாக மாற்ற, அறக்கட்டளைகள் துவக்க, முக்கிய பிரமுகர்கள் திட்டமிடுவதால், புதிதாக பதிவாகும் அறக்கட்டளைகளை, அரசு தீவிரமாக கண்காணிக்க வேண்டிய அவசியம் ஏற்பட்டுள்ளது. நாட்டில் பயன்பாட்டில் இருந்த, 500, 1,000 ரூபாய் நோட்டுக்கள் செல்லாது என, மத்திய அரசு அறிவித்தது. இது, அனைத்து தரப்பினருக்கும் அதிர்ச்சியை தந்தாலும், கறுப்பு பணத்தை பதுக்கியுள்ள, கோடீஸ்வரர்கள், பெரும் புள்ளிகளுக்கு பேரதிர்ச்சியாக உள்ளது. தங்களது வேலையாட்கள், தெரிந்தவர்கள் மூலம், வங்கிகளில், பழைய நோட்டுகளை மாற்றினாலும், சில ஆயிரம் ரூபாய்க்கு மேல், பதுக்கல் பணத்தை மாற்ற முடியாது. எனவே, கோடிக்கணக்கில் குவித்து வைத்திருக்கும் கறுப்பு பணத்தை, சட்டப்பூர்வமானதாக மாற்ற, அவர்கள் இரவு, பகலாக, மூளையை கசக்கிக் கொண்டிருக்கின்றனர். உத்தர பிரதேசத்தில் சிலர், பயந்து போய், 500, 1,000 ரூபாய் நோட்டுக்களை எரித்ததாக செய்தி வெளியானது.ஆனால், சற்று விவரமான பெரும் புள்ளிகள், குறிப்பாக, அரசியல்வாதிகள், அறக்கட்டளைகள் துவக்கி, கறுப்பு பணத்தை, சட்டப்படி அங்கீகாரம் உடையதாக மாற்ற திட்டமிட்டு வருவதாக, அரசியல் கட்சிகள் வட்டாரங்களில் தகவல் பரவி வருகிறது.
இது குறித்து, அவர்கள் கூறியதாவது: பழைய ரூபாய் நோட்டுக்கள் தடை செய்யப்பட்டுள்ளதால், சில அரசியல்வாதிகள், கறுப்பு பணத்தை மாற்ற, நல்ல காரியங்களை செய்வதற்கான அறக்கட்டளை போல, போலி அறக்கட்டளைகள் துவக்க திட்டமிட்டுள்ளனர். அவர்கள், அந்த அறக்கட்டளைகளின் நிர்வாக குழுவில், படிப்பறிவில்லாத, தாங்கள் இடும் கட்டளைகளுக்கு கீழ்படியும் நபர்களை, உறுப்பினர்களாக நியமிப்பர். பின், அறக்கட்டளைகளுக்கு, பணத்தை நன்கொடை கொடுத்ததாக கணக்கு காட்டி, அதை செல்லத்தக்கதாக மாற்ற திட்டம் தீட்டி வருகின்றனர். எனவே, மத்திய, மாநில அரசுகள், புதிதாக பதிவாகும் அறக்கட்டளைகளையும், அவற்றுக்கு பெரும் தொகையை நிதியுதவியாக அளிப்போரையும் கண்காணிக்க வேண்டும்.இவ்வாறு அவர்கள் கூறினர்.
- நமது நிருபர் -

கறுப்பு பணத்தை வெள்ளையாக்குவது எப்படி?

புதுடில்லி: 'கறுப்புப் பணத்தை வெள்ளையாக்குவது எப்படி' என, இணையத்தில் அதிகமானோர் தேடியுள்ள தகவல், பரபரப்பை ஏற்படுத்தி உள்ளது. கறுப்புப் பணத்தை ஒடுக்கவும், கள்ள நோட்டுகளை ஒழிக்கவும், 500 மற்றும் 1,000 ரூபாய் நோட்டுகள் செல்லாது என, மத்திய அரசு அறிவித்துள்ளது. இதனால் பீதியடைந்த மக்கள், கையில் உள்ள நோட்டுகளை எப்படி மாற்றுவது குறித்து கவலையடைந்தனர். அதே நேரத்தில், 'கூகுள்' இணையதளத்தில், நேற்று முன்தினம் அதிகமான மக்கள் தேடிய விஷயம், கறுப்புப் பணத்தை வெள்ளையாக மாற்றுவது எப்படி என்பதே. இதில், பிரதமர் நரேந்திர மோடியின் சொந்த மாநிலமான, பா.ஜ., ஆளும் குஜராத்தைச் சேர்ந்தவர்கள், இது குறித்த தகவல்களை அதிகமாக தேடியுள்ளனர். அதைத் தொடர்ந்து, மஹாராஷ்டிரா, ஹரியானா, பஞ்சாப், டில்லி ஆகிய மாநிலங்களைச் சேர்ந்தவர்கள், இது குறித்த தகவலை அதிகமாக தேடியுள்ளனர். மத்திய அரசு அறிமுகம் செய்துள்ள, புதிய, 500 மற்றும் 2,000 ரூபாய் குறித்த விபரங்களையும், கூகுளில் அதிகமானோர் தேடியுள்ளனர்.
28 கோடி பேர் : நம் நாட்டில், 28 கோடி பேர் இணையத்தை பயன்படுத்துகின்றனர். இணையத்தை அதிகமாக பயன்படுத்துவதில், உலக அளவில், சீனா முதலிடத்திலும், இந்தியா

இரண்டாவது இடத்திலும் உள்ளது.

பணமின்றி தவித்தவர்களுக்கு இலவச உணவு நெல்லையில் மனிதாபிமான ஓட்டல்

திருநெல்வேலி:500, 1000 ரூபாய் செல்லாது அறிவிப்பால், பணமின்றி தவித்தவர்களுக்கு மனிதாபிமான அடிப்படையில் ஓட்டலில் இலவச உணவு வழங்கி மனிதநேயத்தை வெளிப்படுத்த வருகின்றனர் நெல்லையை சேர்ந்தவர்கள்.

திருநெல்வேலி என்.ஜி.ஓ.,காலனியில் வட்டார போக்குவரத்து அலுவலகம் அருகே பாலாஜி சைவ உணவகத்தை, அதே பகுதியை சேர்ந்தவர்கள் விஷ்ணு, கோபி ஆகியோர் நடத்துகின்றனர்.
இவர்களது ஓட்டல் அருகே பெருமளவு இன்ஜினியரிங் கல்லுாரி மாணவர்கள், அரசு ஊழியர்களின் குடும்பங்கள் அதிகம் உள்ளன.

500 ரூபாய், ஆயிரம் ரூபாய் செல்லாது என அறிவிக்கப்பட்ட அன்று இரவிலேயே மாணவர்கள், அரசு ஊழியர்கள் கையில் பணம் இருந்தாலும் நுாறு ரூபாய் நோட்டுகள் இல்லாததால், டீ குடிக்க கூட முடியாமல் சிரமப்பட்டனர்.

இதை நேரடியாக பார்த்த இருவரும், ''யார் வேண்டுமானாலும் தங்களது ஓட்டலில் சாப்பிட்டுக்கொள்ளலாம். முடிந்தால் பணம் கொடுங்கள், இல்லாவிட்டால் நினைவில் வைத்துக்கொண்டு பின்னர் கொடுங்கள்,''என கூறி கடந்த இரு நாளும் வந்தவர்களுக்கெல்லாம் உணவு வழங்கினர். நேற்று பாங்குகள் திறக்கப்பட்டு ஓரளவு நிைலமை சீரடைந்ததாலும், நேற்று இரவு வரையிலும் உணவு வழங்கினர்.

இதுகுறித்து விஷ்ணு கூறுகையில், நாங்கள் ஓட்டல் தொழிலை அண்மையில் தான் துவக்கினோம். நாங்கள் தினம் தினம் பார்க்கும் மனிதர்கள் பட்டினியால் வாடுவதை எப்படி சகித்துக்கொள்ள முடியும். பணம் இல்லை என்பதற்காக உணவு இல்லை என்று மறுப்பதோ, உணவு பண்டங்களை வைத்துக்கொண்டு கடையை வழக்கத்திற்கு மாறாக இழுத்து மூடுவதிலோ எங்களுக்கு உடன்பாடில்லை.

எனவே பலரும் எங்கள் ஓட்டலில் சாப்பிட்டுச்சென்றார்கள். அவர்கள் நிலைமை சகஜமான பிறகு பணம் தரலாம். தராமலும் போகலாம். ஆனால் பசியோடு வந்த அவர்களுக்கு சுடச்சுட உணவு பரிமாறியதில் எங்களுக்கு திருப்தி, என்றார்.
இவரை பாராட்ட... 9786077881 என்ற எண்ணில் தொடர்பு கொள்ளலாம்.

எரிப்பார்களா புதைப்பார்களா?

எரிப்பார்களா புதைப்பார்களா?
ஆயிரம், 500 ரூபாய் நோட்டுகள் இனி, செல்லாது' என்ற, அறிவிப்பால், பாதாளத்தில் விழுந்தது போன்று பதறுகின்றனர், கறுப்பு பண பதுக்கல்காரர்கள். இவர்கள், தாங்கள் பதுக்கி வைத்திருக்கும் ரூபாய் நோட்டுகளின் மதிப்பை, எப்படியாவது காப்பாற்றிவிட வேண்டும் என்ற பரிதவிப்பில் உள்ளனர்.

அரசியல், அதிகார மட்டத்தில் செல்வாக்கு மிகுந்த நபர்களை தொடர்பு கொண்டு, உதவி கோரி வருவதாகவும் கூறப்படுகிறது. இது போன்ற சட்டவிரோத பண பரிமாற்றங்களை வருமான வரித்துறையினர், தற்போது தீவிரமாக கண்காணித்து வருகின்றனர். இருப்பினும், அதையும் மீறி சில சம்பவங்கள் நிகழ்ந்திருப்பது, அம்பலத்துக்கு வந்துள்ளது.

தனியார் பள்ளி ஊழியர்களின்வங்கி கணக்கில் கறுப்பு பணம்


திருப்பூரிலுள்ள தனியார் பள்ளியில் பணி யாற்றும், பெயர் வெளியிட விரும்பாத ஆசிரியை கூறியதாவது:எங்களது பள்ளியில் ஆயிரக்கணக்கான மாணவ, மாணவியர் படிக்கின்றனர். ஆசிரியர்கள் உள்ளிட்ட ஊழியர்களின் எண்ணிக்கை, 100ஐ தாண்டும். நேற்று முன் தினம், பள்ளி நிர்வாகம் தரப்பில் இருந்து, அவசர கூட்டத்துக்கு வருமாறு எங்களுக்கு அழைப்பு வந்தது. என்னவோ, ஏதோ, என்ற தவிப்புடன் நாங்கள் பங்கேற்றோம்.

அந்த கூட்டத்தில் பேசிய பள்ளி நிர்வாகி, 'எங்களிடம் பழைய, 1,000, 500 ரூபாய் நோட்டுகள் அதிகளவில் உள்ளன. மத்திய அரசின் திடீர் உத்தரவால் அவற்றை, வங்கிக் கணக்கில் மொத்தமாக செலுத்துவதில் சட்டச் சிக்கல்கள் உள்ளன.

இதனால், ஊழியர்களான உங்களின் வங்கிக் கணக்கில், ஒவ்வொருவரின் பெயரிலும், குறிப் பிட்ட தொகையினை செலுத்த ஏற்பாடு செய்கிறோம்.அந்த தொகையை நீங்கள் செலுத் தியதாகவே வங்கி கணக்கில் இருக்கட்டும்.

'நான்கு, ஐந்து மாதங்கள் வரை, அந்த பணத்தை நீங்கள் எங்களுக்கு திரும்பத்தர வேண்டாம். அதன்பின், மாதத்தவணை அடிப்படையில், உங்களது சம்பளத்தில் இருந்து நாங்களே மாதம் 5,000 ரூபாய் வீதம் பிடித்தம் செய்து கொள்கிறோம்; இது, வட்டியில்லா கடனாக இருக்கட்டும். இதுநாள் வரை, இந்நிறுவனம், உங்களுக்கு உதவியிருக்கிறது. தற்போதைய நெருக்கடியை சமாளிக்க, நீங்கள் எங்களுக்கு உதவ வேண்டும்' என்றார்.

பள்ளி நிர்வாகத்தின் இந்த முடிவை, ஊழியர் களில் பலரும் ஏற்கவில்லை. காரணம், எங்களது பெயரிலான வங்கி கணக்கில் பணம் வரவு வைக்கப்பட்டால், அதற்கு நாங்களே பொறுப்பாளி; வருமானவரி செலுத்தவும் நேரிடலாம். தவிர, இது ஒருவித முறைகேடும் கூட. நாங்கள் முன்பு, ஒரு முறை ஊதிய உயர்வு கோரியபோது, நிதி நெருக்கடியில் இருப்பதாக கூறியது பள்ளி நிர்வாகம்.

இப்போது, எப்படி இவ்வளவு பணம் வந்தது. பதுக்கி வைக்கப்பட்டிருக்கும் கறுப்பு பணம், செல்லாமல் போவதை தடுக்க, புதிய நோட்டுகளாக மாற்றிட முயற்சி செய்கிறது. இது தொடர்பாக, வருமானவரித்துறை மற்றும்

ரிசர்வ் வங்கிக்கு புகார் அனுப்பியுள்ளோம். இவ்வாறு, அந்த ஊழியர் தெரிவித்தார்.

வேறு வழி உண்டா...


கோவையை சேர்ந்த கட்டுமான நிறுவன உரிமை யாளர் கூறியதாவது:வெளிமாவட்டம் ஒன்றில், எனது நண்பர் கட்டுமானம் மற்றும் ரியல் எஸ்டேட் தொழில் செய்கிறார். மத்திய அரசின் அறிவிப்புக்குப்பிறகு என்னை தொடர்பு கொண்ட அவர், தனக்கும், தனது பங்குதாரர்களுக் குச் சொந்தமான, ஏறத்தாழ 15 கோடி ரூபாய் மதிப்பிற்கு, பழைய 1,000, 500 ரூபாய் நோட்டுகள் உள்ளன. அவற்றை செல்லத்தக்கதாக மாற்ற என்ன செய்ய வேண்டும். வேறு வழி ஏதாவது இருக்கிறதா, என்று கேட்டார்.

வருமானத்துக்குரிய கணக்கை முறையாக காட்டி யிருந்தால், இதுபோன்ற நெருக்கடி, பொருளாதார இழப்பு ஏற்பட்டிருக்காது. தற்போது அவர், அந்த பணத்தை கணக்கு காண்பித்தால், அல்லது அதிகாரி களால் கண்டறியப்பட்டால், 200 மடங்கு தொகை யினை அபராதமாக செலுத்த நேரிடும். அதனால், கணக்கில் காட்டவும் முடியா மல், அழிக்கவும் மனமில்லாமல், ஏறத்தாழ பைத்தியம் பிடித்தது போன்ற நிலைக்கே, நண்பர் சென்றுவிட்டார்.

கறுப்பு பணத்தை குழிதோண்டி புதைப்பது நல்லதா, எரிப்பது நல்லதா என்ற விவாதத்தையும் தற்போது கேட்க முடிகிறது.இவ்வாறு, அவர் தெரிவித்தார்.

வாகனங்களில் பறக்குது 'கறுப்பு' குறையுது தங்கக்கட்டி இருப்பு


கோவை நகரை சேர்ந்த முக்கிய வர்த்தகர் ஒருவர் கூறியதாவது:மத்திய அரசின் அறிவிப்பு, கறுப்பு பணம் பதுக்கியவர்களின் துாக்கத்தை தொலைத் திருக்கிறது. அவர்கள் வசமிருக்கும் கோடிக்கணக் கான மதிப்பிலான, 1,000, 500 ரூபாய் நோட்டுக்களை எல்லாம் செல்லாக்காசாக, வெற்றுத்தாளாக மத்திய அரசின் அதிரடி அறிவிப்பு மாற்றிவிட்டது. பதுக்கிய ரூபாய் நோட்டுகளின் மதிப்பை காப்பாற்ற, பதுக்கல்காரர்கள் துடிக்கின்றனர்.

வாகனங்களில் பணத்தை ஏற்றிக்கொண்டு அங்கு மிங்குமாக அலைகின்றனர் என்றும் கூட சொல்கி றார்கள். சிலர், தங்களது நட்பு மற்றும் செல்வாக்கை பயன்படுத்தி, தங்க வியாபாரிகளிடம், பழைய 1,000, 500 ரூபாய் நோட்டுக்களை கொடுத்து, தங்கக் கட்டிகள் வாங்கியுள்ளனர்.

மார்க்கெட்டில் தற்போது, சொக்கத்தங்கத்தின் விலை கிராம் 3,200 ரூபாய் என்றால், மத்திய அரசின் நெருக்கடியை தங்களுக்கு சாதகமாக பயன்படுத்தி, கிராம் 4,200 ரூபாய் வரை விலை வைத்து, வியாபாரி கள் விற்கின்றனர். இதன் மூலம், கிலோவுக்கு குறைந்தது, 10 லட்சம் ரூபாய் வரை லாபம் கிடைக்கிறது. வாங்கும் நபருக்கும் நஷ்டம் கிடையாது.

காரணம், அவர், கூடுதல் பணம் கொடுத்தாவது தங்கத்தை வாங்காவிடில், பதுக்கி வைத்திருக்கும் மொத்த கறுப்பு பணத்தின் மதிப்பையும் இழந்து விடுவார். இந்த சட்டவிரோத வியாபாரத்தின் மூலமாக, மிகப் பெரிய அளவில், மொத்தமாக அதாவது 100,200 கோடி அளவிலான கறுப்பு பணத்தை, தங்கமாக மாற்றிக்கொள்ள வாய்ப் பில்லை என்றபோதிலும், ஒரு சில கோடி ரூபாய் களை வைத்திருப்பவர்கள், மாற்றிக்கொள்ள இயலும்.

வருமானவரி செலுத்தப்படாத, கணக்கில் காட்டப் படாத, கறுப்பு பணத்தை, அதாவது 1,000, 500 ரூபாய் நோட்டுக்களை பெறும் தங்க வியாபாரிகள், அவற்றை தங்கள் வங்கி கணக்கில் செலுத்தி கொள்வதில் எவ்வித பிரச்னையும் இருக்காது. காரணம், அவர்கள் சட்ட ரீதியாக கொள்முதல் செய்து, கணக்கு காட்டி இருப்பு வைத்திருந்த தங்கத்துக்கு ஈடான தொகையினை, வங்கி கணக்கில் பழைய நோட்டாக இருப்பினும் செலுத்த முடியும்.

அதேவேளையில்,கையிருப்பு தங்கம் முழுவதும் விற்று முடிக் கப்பட்டுவிட்டபின், புதிதாக
தங்கம் கொள் முதல் செய்யும்போது,பழைய 1,000, 500 ரூபாய் நோட்டுக்களை செலுத்த முடியாது என்பதை யும் கவனத்தில் கொள்ள வேண்டும்.

இருப்பினும், மேற்கண்ட 'பிசினஸ்'சில், நகைத்தொழிலுடன் தொடர்பில் இருக்கும் மிகச்சிலர் ஈடுபட்டுள்ளனர். பிறர், இதுபோன்ற செயல்களில் ஈடுபடுவதில்லை.கறுப்பு பணத்தை வெளியே கொண்டுவர நடவடிக்கை எடுத்துள்ள மத்திய அரசு, சில மாதங்களுக்கு முன் ஒரு அறிவிப்பை வெளியிட்டது.

'கறுப்பு பண பதுக்கல்காரர்கள், தாங்களாக முன்வந்து, தங்களிடம் இருக்கும் பணத்தின் மதிப்பை காட்டி, 47 சதவீத வரியை செலுத்தலாம். இந்த பணத்தை எப்படி சம்பாதித்தோம் என்பது பற்றியெல்லாம் தெரிவிக்க வேண்டியதில்லை' என, தெரிவித்தது. இத்திட்டத்தில், சேர்ந்தவர்கள் மிகச்சிலரே.

'ஒவ்வொரு முறையும், மத்திய அரசில் மாற்றம் ஏற்படும் போதெல்லாம் இவ்வாறு தான் மிரட்டுகிறார்கள்; இதை 'சீரியஸ்' ஆக எடுத்துக்கொள்ளத் தேவையில்லை' என்றே, பலரும் அலட்சியமாக இருந்துவிட்டனர். சிலர், மத்திய அரசின் திட்டத்தை ஏற்று, கறுப்பு பணத்தை கணக்கில் காண்பித்தார்கள். அதற்குண்டான வரியினை செலுத்த மத்திய அரசு, ஓராண்டு கால அவகாசமும் அளித்திருக்கிறது.

மத்திய அரசின் அறிவிப்பை ஏற்று, அன்று கணக்கு காண்பித்தவர்கள், இன்று நிம்மதியாக இருக்கிறார்கள். ஒரு கோடி ரூபாயில், 47 லட்சம் அரசுக்கு போனாலும், 53 லட்சம் மிஞ்சு கிறது. ஆனால் இன்று, கறுப்பு பண கணக்கு காண்பிக்காதவர்களின் நிலையோ பரிதாபம். பதுக்கி வைத்திருக்கும் ஒட்டுமொத்த பணத் தின் மதிப்பும் போய்விட்டது. துாக்கமிழந்து தெருத்தெருவாக அலைகிறார்கள்.

தங்களுக்கு அறிமுகமான வங்கி அதிகாரிகள் மற்றும் தனியார் வங்கி அதிகாரிகளின் உதவியை நாடுகிறார்கள். தலைக்கு மேலே வெள்ளம் போன பிறகு, இனி என்ன செய்ய முடியும்?

'டாஸ்மாக்'கில்நள்ளிரவு 'பண மாற்றம்'


கோவையில் பணியாற்றும் 'டாஸ்மாக்' பணியாளர்கள் சிலர் கூறியதாவது:மதுவிற்ற பணத்தை வங்கியில் செலுத்தும் முன், எங்களுக்கு ஒரு வாய்மொழி உத்தரவு வந்தது, 'பணத்தை அப்படியே வைத்திருங்கள்' என்று. எதற்கு இப்படி கூறினார்கள் என, தெரியாமல் குழம்பிப் போனோம்.

அதற்கான விடை அடுத்த சில மணி நேரங்க ளில் கிடைத்தது. முக்கிய புள்ளி ஒருவரின் பெயரிலான நபர்கள், 1,000, 500 ரூபாய் நோட்டு களுடன் டாஸ்மாக் கடைகளுக்கு, வாகனங் களில் பரபரப்புடன் வந்தார்கள்.

அவர்கள் கோவை, திருப்பூர், நீலகிரி கடை களுக்கு மட்டுமல்ல, தமிழகம் முழுவதும் சென்றிருக்கக்கூடும். தாங்கள் கொண்டு வந்திருந்த 1,000, 500 ரூபாய் நோட்டுகளை எங்களிடம் கொடுத்துவிட்டு, அதற்கு ஈடான மதிப்பில் 100, 50 ரூபாய் நோட்டுக்களை வாங்கிச் சென்றுவிட்டார்கள். 'அவர்கள் வந்ததும் தெரியாது; போனதும் தெரியாது' என சொல்லுமளவுக்கு, அவ்வளவு வேகம்,

அவர்களது நடவடிக்கையில்.வந்த நபர்கள் யார், அனுப்பியது யார், பணத்தை எங்கு கொண்டு போனார்கள் என்றெல்லாம் எங்களுக்கு தெரியாது. இந்த பண மாற்று சம்பவம், டாஸ்மாக்கில் மட்டுமல்ல; அரசு போக்குவரத்துக்கழகங்களிலும் நடந்ததாக கூறப்படுகிறது.

சிலர், தங்களது நட்பு மற்றும் செல்வாக்கை பயன்படுத்தி, தங்க வியாபாரிகளிடம், பழைய 1,000, 500 ரூபாய் நோட்டுக்களை கொடுத்து, தங்கக் கட்டிகள் வாங்கியுள்ளனர்.

மத்திய அரசின் முடிவுக்கு உயர் நீதிமன்றம் வரவேற்பு: ரூ.500, ரூ.1000 செல்லாது என்பதை ரத்து செய்யக் கோரிய மனு தள்ளுபடி

ரூ.500, ரூ.1000 நோட்டுகள் செல் லாது என மத்திய நிதி அமைச்ச கம் வெளியிட்டுள்ள அறிவிப் பாணையை ரத்து செய்யக் கோரிய மனுவை உயர் நீதிமன்றம் தள்ளுபடி செய்தது.

இந்தியன் நேஷனல் லீக் மாநில பொதுச் செயலர் எம்.சீனிஅகமது உயர் நீதிமன்ற மதுரை கிளையில் பொது நல மனு தாக்கல் செய்தார். இந்த மனு, நீதிபதிகள் எஸ்.நாகமுத்து, எம்.வி.முரளிதரன் அமர்வில் நேற்று விசாரணைக்கு வந்தது. மனுதாரர் வழக்கறிஞர் வாதிடும்போது, “முன்னேற்பாடு நடவடிக்கைகள் இல்லாமல் 500, 1000 ரூபாய் நோட்டுகள் செல்லாது என மத்திய அரசு அறிவித்துள்ளது. இந்த அறிவிப்பால் பொதுமக்கள் சிரமத் துக்கு ஆளாகியுள்ளனர். புதிதாக 2000 ரூபாய் நோட்டு வெளியிட்டி ருப்பது இந்திய ரிசர்வ் வங்கி சட்டத் துக்கு விரோதமானது” என்றார்.

தவறில்லை

அப்போது குறுக்கிட்ட நீதிபதி கள், “5, 10, 50, 100, 1000 என ரூபாய் நோட்டுகளை அச்சிடலாம். புதிதாக ரூ.2000 நோட்டு வெளியிடுவதில் தவறில்லை. 1946, 1978 ஆண்டு களில் இதுபோல் ரூபாய் நோட்டு கள் செல்லாது என அறிவிக்கப் பட்டுள்ளது” என்றனர்.

மத்திய அரசு சார்பில் கூடுதல் சொலிசிட்டர் ஜெனரல் வாதிடும் போது, “ரூபாய் நோட்டுகளை செல்லாது என்பதும், புதிய ரூபாய் நோட்டுகளை வெளியிடுவதும் மத்திய அரசின் கொள்கை முடிவு. இதில் நீதிமன்றங்கள் தலையிட முடியாது” என்றார்.

கள்ள நோட்டுகள்

பின்னர் நீதிபதிகள் பிறப்பித்த உத்தரவு: 500, 1000 ரூபாய் நோட்டுகள் செல்லாது என பிரதமர் அறிவிப்பு வெளியிட்டபோது, இந்தியாவின் பொருளாதாரத்தை மேம்படுத்தவும், கறுப்பு பணத்தை ஒழிக்கவும், கள்ள நோட்டுகள் அச்சிடுவதைத் தடுக்கவும், ஊழலை ஒழிக்கும் நோக்கத்திலும், பயங்கரவாதத்துக்கு கள்ள நோட்டுகளை பயன்படுத்துவதை தடுக்கவும் இந்த நடவடிக்கை எடுக்கப்படுவதாக தெரிவித்தார். இந்த நோக்கத்தில் கொண்டுவரப் பட்டுள்ள இத்திட்டம் வரவேற்கத் தக்கது.

இந்தியாவில் அதிக அளவு கள்ள நோட்டுகள் புழக்கத்தில் இருப்பதால் பொருளாதாரம் பாதிக்கப்பட்டு வருவதாகவும், போதைப் பொருள் கடத்தலுக்கும், பயங்கரவாத செயல்களுக்கும் கள்ள நோட்டுகள் பயன்படுத்தப்படு வதாகவும், இதனால் 500, 1000 ரூபாய் நோட்டுகளை செல்லாது என அறிவிக்க வேண்டும் என ரிசர்வ் வங்கி இயக்குநர் குழு பரிந்துரை செய்தது.

இந்த பரிந்துரையை ஏற்று மத்திய அரசு 500, 1000 ரூபாய் நோட்டுகளை செல்லாது என அறிவித்துள்ளது. இவ்வாறு அறிவிப்பு வெளியிட்டதில் அரசிய லமைப்பு சட்டம் உட்பட எந்த சட்டத்தையும் மத்திய அரசு மீறவில்லை. இதனால், மத்திய அரசு வெளியிட்ட அறிவிப்பாணையை ரத்து செய்ய வேண்டியதில்லை. சிரமங்கள் தற்காலிகமானது. இதை பொதுமக்கள் பொறுத்துக்கொள்ள வேண்டும்.

மேலும், அரசின் கொள்கை முடிவுகளில் நீதிமன்றங்கள் தலை யிட முடியாது என மத்திய அரசு சார்பில் தெரிவிக்கப்பட்டுள்ளது. இதை முழுமையாக ஏற்காவிட்டா லும், நாட்டின் பொருளாதார வளர்ச்சி தொடர்பான கொள்கை முடிவுகளில் நீதிமன்றம் தலையிடு வது நல்லதல்ல. எனவே இந்த மனு விசாரணைக்கு உகந்த தகுதியுடன் இல்லை. எனவே மனு தள்ளுபடி செய்யப்படுகிறது என நீதிபதிகள் தெரிவித்துள்ளனர்.

வங்கிகளில் பழைய ரூபாய் நோட்டுகள் குவிந்தன: டெல்லி, மும்பையில் வருமான வரி சோதனை

பிடிஐ

மத்திய அரசின் அதிரடி நடவடிக்கையால் பழைய ரூபாய் நோட்டுகள் வங்கிகளில் குவிந்தன. இதனிடையே, டெல்லி, மும்பை உள்ளிட்ட முக்கிய நகரங்களில் வருமான வரித் துறை அதிகாரிகள் திடீர் சோதனை நடத்தினர். 

நாடு முழுவதும் காலாவதியான ரூபாய் நோட்டுகளை ஒப்படைத்துவிட்டு புதிய நோட்டுகளைப் பெறுவதற்காக லட்சக்கணக்கானோர் நேற்று வங்கிக் கிளைகளை முற்றுகையிட்டனர். கூட்டம் அதிகமாக இருந்ததால் பல மணி நேரம் காத்திருக்க வேண்டியிருந்தது.

கருப்புப் பணம், கள்ள நோட்டுகள், தீவிரவாத நிதியுதவி ஆகியவற்றைத் தடுப்பதற்காக புழக்கத்தில் உள்ள 500, 1,000 ரூபாய் நோட்டுகள் செல்லாது என பிரதமர் நரேந்திர மோடி கடந்த 8-ம் தேதி அறிவித்தார். அதேநேரம், பாதுகாப்பு அம்சங்களுடன் கூடிய புதிதாக அச்சிடப்பட்ட 500, 2,000 ரூபாய் நோட்டுகள் அறிமுகம் செய்யப்படும் என்றும் அறிவித்தார்.

பெட்ரோல் பங்க்குகளில் மட்டும் 2 நாட்களுக்கு பழைய நோட்டுகள் பெறப்படும் என அறிவித்தார். இதனால் பெரும்பாலானோர் பெட்ரோல் பங்குகளை முற்றுகையிட்டதால் அங்கும் சில்லரை தட்டுப்பாடு ஏற்பட்டது. இதனால் பொதுமக்கள் பெரிதும் பாதிக்கப்பட்டனர். வெளியூர் சென்றவர்கள் ஊர் திரும்ப முடியாமலும், ஓட்டலில் சாப்பிட முடியாமலும் திண்டாடினர்.

இதனிடையே, நவம்பர் 10-ம் தேதி முதல் டிசம்பர் 30-ம் தேதி வரை 500, 1,000 பழைய நோட்டுகளை வங்கிகள் மற்றும் அஞ்சலகங்களில் ஒப்படைத்துவிட்டு புதிய நோட்டுகளை பெற்றுக் கொள்ளலாம் என அறிவிக்கப்பட்டது. இதற்கென ஒரு படிவம் தரப்பட்டது. அதை நிரப்பி அதனுடன் அடையாள அட்டையின் நகலையும் இணைக்குமாறு கேட்டுக்கொள்ளப்பட்டனர்.

இதையடுத்து, நாடு முழுவதும் காலையிலேயே பொதுமக்கள் வங்கிகள், அஞ்சலகங்களை முற்றுகையிட்டனர். கூட்டத்தைக் கட்டுப்படுத்தும் பணியில் ஏராளமான போலீஸார் ஈடுபடுத்தப்பட்டனர். சில இடங்களில் கூட்டம் அதிக அளவில் இருந்ததால் பல மணி நேரம் நீண்ட வரிசையில் காத்திருந்து புதிய ரூபாய் நோட்டுகளை பெற்றுச் சென்றனர்.

மேலும் தொலைதூரப் பகுதிகளில் உள்ள சில வங்கிகள், அஞ்சலகங்களில் புதிய ரூபாய் நோட்டுகள் வருவதில் காலதாமதம் ஏற்பட்டது. சில வங்கிகளில் ஒருசில மணி நேரங்களிலேயே புதிய நோட்டுகள் தீர்ந்துவிட்டன.

பழைய நோட்டுகளுக்கு பதிலாக ஒவ்வொருவரும் தலா ரூ.4,000 வரை மட்டுமே புதிய நோட்டுகளை பெற்றுக் கொள்ளலாம் என்று கட்டுப்பாடு விதிக்கப்பட்டது. எனினும், சில வங்கிக் களைகளில் ரூ.2000 மட்டுமே வழங்கப்பட்டதாக மக்கள் புகார் கூறினர். அதேநேரம், பழைய நோட்டுகளை வங்கிக் கணக்கில் செலுத்த கட்டுப்பாடு எதுவும் விதிக்கப்படவில்லை.

இங்கு சில்லறை கிடைக்கும்: மாற்றி யோசித்த மற்றும் சிலர்

கே. டி. ஜெகன்னாதன்

நாடு முழுவதும் 500, 1000 ரூபாய் நோட்டுகள் செல்லாது என்ற அறிவிப்பைத் தொடர்ந்து, பணத்தட்டுப்பாடு ஏற்பட்டுள்ள நிலையில், இந்திய மக்கள் சில 'உத்தி'களைக் கையாண்டு நிலைமையைச் சமாளித்து வருகின்றனர்.

"நாடு முழுவதும் 500, 1000 ரூபாய் நோட்டுகள் செல்லாது. இந்த உத்தரவு நள்ளிரவு முதல் அமலுக்கு வருகிறது. பொதுமக்கள் தங்களிடம் உள்ள 500, 1000 ரூபாய் நோட்டுகளை வரும் 10-ம் தேதி முதல் டிசம்பர் 30-ம் தேதி வரை வங்கிகள் மற்றும் அஞ்சல் நிலையங்களில் கொடுத்து மாற்றிக் கொள்ளலாம்" என்று பிரதமர் மோடி செவ்வாய்க்கிழமை இரவு அதிரடி அறிவிப்பை வெளியிட்டார்.

இதைத்தொடர்ந்து பணத்தட்டுப்பாடு ஏற்பட்ட நிலையில், நம் மக்கள் சில உத்திகளைக் கையாண்டு நிலைமையைச் சமாளித்து வருகின்றனர்.

தமிழ்நாடு முழுக்க 36 கிளைகளைக் கொண்டு, சென்னையைத் தலைமையிடமாகக் கொண்டு இயங்கி வரும் சரவண பவன் உணவகத்தில் 500, 1000 ரூபாய் நோட்டுகளைப் பெற்றுக்கொள்கின்றனர்.

இதுகுறித்து சரவண பவன் உணவக நிர்வாகி கே. கமலக்கண்ணன் கூறும்போது, ''நாங்கள் எந்த தயக்கமும் இல்லாமல் ரூபாய் நோட்டுகளை வாங்கிக்கொள்கிறோம். வங்கிகள் திறந்தவுடன் அவற்றை மாற்றிக் கொள்வோம்'' என்றார்.

சில சுவாரஸ்யமான தீர்வுகள்

சில வாடிக்கையாளர்கள் இந்தப் பிரச்சனைக்கு வேறு விதமாகத் தீர்வு கண்டனர். சாப்பிட்ட/ செலவழித்த இருவரின் தொகையை ஒருவரே செலுத்த மற்றொருவர், அவருக்கு ஆன்லைனில் ரீசார்ஜ் செய்துவிடுவதாக உறுதிகூறிச் சென்றார்.

இன்னும் சிலர் காஃபி குடித்துவிட்டு, கிரெடிட் கார்டு மூலமாக அதற்கான தொகையைக் கட்டினர். இது இந்திய வழக்கமில்லைதான். ஆனால் மாறித்தானே ஆகவேண்டும். சின்னத் தொகையாக இருந்தாலும், பணமில்லாத இந்த நேரத்தில் இதுவே சிறந்த வழியாக இருக்க முடியும்.

''யூடூ டாக்ஸி நிறுவனம் 500 ரூபாய் நோட்டுகளை வாங்கிக்கொண்டு பயணம் செய்ய அனுமதிக்கிறது. அதே நேரம் மீதிச் சில்லறையைத் தருவதில்லை. அதற்குப் பதிலாக அடுத்த பயணத்துக்கான அட்டையை வழங்கிவிடுகிறது'' என்கிறார் அதன் வாடிக்கையாளர் சிவசங்கரன்.

இண்டஸ்இண்ட் வங்கி, கிரெடிட் கார்டைப் பயன்படுத்தும் தனது வாடிக்கையாளர்களுக்கு 2 மடங்கு அதிக பாயிண்டுகளை வழங்குகிறது.

பிரச்சனைகள் எழும்போதுதான் மனிதர்கள் கண்டுபிடிப்பாளர்களாக மாறுகிறார்கள் போல!

நெட்டிசன் நோட்ஸ்: செல்லாத நோட்டுகளும் மளிகைக்கடை நடத்தும் நல்லவரும்!

க. சே. ரமணி பிரபா தேவி

கோப்புப் படம்

கருப்பு பணத்தை ஒழிக்கும் நடவடிக்கையாக, நாடு முழுவதும் செவ்வாய்க்கிழமை நள்ளிரவில் இருந்து, புழக்கத்தில் இருக்கும் 500, 1000 ரூபாய் நோட்டுகள் செல்லாது என்று பிரதமர் நரேந்திர மோடி அறிவித்ததை அடுத்து, நெட்டிசன்கள் அதன் சாதக, பாதகங்களை அடுக்கி வருகின்றனர். அவற்றின் தொகுப்பு இன்றைய நெட்டிசன் நோட்ஸில்...

விலாசினி ரமணி

நேற்றுதான் கையில் இருந்த கடைசிப் பணம் வரை ஹாஸ்பிடலில் செலுத்தினேன். இன்று காலையிலிருந்து எங்கும் வெளியில் செல்லவில்லை. குழந்தைகள் உண்டியலில் சில்லறையாக 200 ரூபாய் தேறும். பக்கத்திலுள்ள எல்லா ஏ.டி.எம்மும் அத்தனை கூட்டமாகவும் பணம் இல்லாமலும் இருக்கின்றன. வீட்டில் மளிகை பொருட்கள், காய்கறி, பழங்கள் எதுவும் இல்லை. என் வங்கிக் கணக்கிலிருந்து எப்படி பணம் எடுப்பேன்? வீட்டிற்கு எப்படி பொருட்கள் வாங்குவேன்?

Amudha Suresh

இந்த ஐநூறு ஆயிரம் புரட்சியில் அந்தக் காவேரி வாரியமும், விவசாயிகள் தற்கொலையும், கூடங்குளமும் மறைஞ்சு போச்சு!

Marx P Selvaraj

காலையில் இருந்து உழைத்து மாலையில் கையில் வாங்கிய பணத்தை இரவில் செல்லாது என்று சொல்லும் ஒரு அரசு யாருக்காக இயங்குகிறது?

பொன் கார்த்திக்

நல்லதோ கெட்டதோ இதுவரை இல்லாத ஒரு புது முயற்சியை எடுக்குது அரசாங்கம். ரெண்டு நாள்தானே பொறுத்துக்குவமே... இதனால கள்ள நோட்டு ஒழியுமா, கருப்புப் பணம் ஒழியுமான்னு இப்பவே ஆராய்ச்சியோ பட்டிமன்றமோ தேவையில்லாத ஒன்று. இப்போதைக்கு வரவேற்போம். தீமைன்னு உறுதியா தெரிஞ்சா விமர்சிப்போம், எதிர்ப்போம்.

அரசு + மக்கள் இணையும் போது தான் எந்த திட்டமும் வெற்றி பெறும். திட்டங்கள் வெற்றி பெற்றால்தான் நாடு வளர்ச்சியடையும். இரு கைகள் இணைந்தால்தான் ஓசை வரும். ஒரு கையிலயும் ஓசை வரும், ஆனா கொஞ்சம் வலிக்கத்தான் செய்யும். வலி பொறுப்போம். வலிமை பெறுவோம்....

Ram Kumar

நாம் கொடுத்த எட்டணா, நாலணாவை வாங்க மாட்டேன் எனச் சொன்னக் கடைக்காரர்கள் எல்லாம், சில்லரைக்கு பதிலாக மிட்டாய் கொடுத்தக் கடைக்காரர்கள் எல்லாம் இனி வாலன்டியராக நம்மிடம் சில்லரைக்காகத் தவம் இருப்பார்கள்.. அரசியல்வாதி, உழைப்புறிஞ்சி முதலாளிகள், குறிப்பாக திடீரென முளைத்த ரியல் எஸ்டேட் அதிபர்கள் என எல்லோருக்கும் பெரிய அதிர்ச்சி இது.

Umamaheswari ‏

ஆயிரம் ரூபாய் நோட்டு. காந்தி சிரிக்கிறார் மக்கள் அழுகின்றனர்.

சிவாஜி ‏

மோடியின் இந்த அதிரடி திட்டத்தால் கருப்பு பணம் ஒழியுதோ இல்லையோ, கள்ள நோட்டு ஒழியும்!

Dinesh N

கருப்புப் பணத்துக்கெதிரான இந்த அதிரடி முடிவு திடீரென்று எடுத்த முடிவல்ல....ஆட்சி அமைத்த உடனேயே SIT எனப்படும் ஸ்பெக்ஷல் இன்வஸ்டிகேக்ஷன் டீம் கருப்புப் பணம் குறித்த தகவல்களை திரட்டத் தொடங்கப்பட்டது. பிரதான் மந்த்ரி ஜன் தன் யோஜனா திட்டத்தின் வாயிலாக சாமான்ய இந்தியனும் வங்கிக் கணக்கு தொடங்க வாய்ப்பு வழங்கப்பட்டது. வெளிநாட்டில் பதுக்கி வைக்கப்பட்டுள்ள கருப்புப் பணத்தை முறைப்படுத்த வாய்ப்பு வழங்கப்பட்டது....உள்நாட்டில் தானே முன் வந்து கணக்கில் காட்டப் படாத பணத்தை முறைப்படுத்த வாய்ப்பு வழங்கப்பட்டது.

Mugil Siva

'எல்லாரும் நம்ம ரெகுலர் கஸ்டமர்ஸ்தாண்ணே. திடீர்னு சொன்னா எங்க போவாங்க. நேத்து நைட்ல இருந்து நிறைய பேருக்கு அக்கவுண்ட்ல எழுதிதான் பொருள் கொடுத்துக்கிட்டிருக்கேன்' என்று நோட்டை எடுத்துக் காண்பித்தார் எனது ஏரியாவில் மளிகைக்கடை நடத்தும் நல்லவர்.

Pattukkottai Prabakar Pkp

பிரதமர் மோடியின் இந்த அதிரடியான நடவடிக்கையை நான் வரவேற்கிறேன். பொது மக்களுக்கு ஒரு வாரத்திற்கு சில சிரமங்கள் இருக்கத்தான் செய்யும். அதையும் ஒருவருக்கு ஒருவர் உதவுவதன் மூலம் சரிசெய்துகொள்ள முடியும். சுனாமி, வெள்ளம் போன்ற இயற்கையின் சீற்றங்களின்போது சமாளிக்கவில்லையா என்ன? பஞ்சம், போர் சமயங்களில் முன் தலைமுறை மக்கள் சந்திக்காத பிரச்சினைகளா?

இந்த நடவடிக்கையின் மூலம் கண்டிப்பாக கணிசமாக கருப்புப் பணம் ஒழியும். தவிர.நம் நாட்டுக்குள் இறக்கி விட்டிருக்கும் கள்ள நோட்டுகள் பெரிய அளவில் கட்டுக்குள் வரும். நேர்மையாளர்களும், நாட்டில் தூய்மை பரவ வேண்டும் என்று விரும்புபவர்களும் இந்த நடவடிக்கையை எதிர்க்க மாட்டார்கள்.

Prabhu Mpr

இனி கேஷ் டிரான்ஸாக்‌ஷன்ஸ் குறைந்து, கொஞ்சம் கொஞ்சமாக இந்தியா ஆன்லைன் பரிவர்த்தனைகள் மட்டுமே கொண்ட நாடாக மாறும். நாட்டில் நடக்கும் எல்லா பரிவர்த்தனைகளும் கணக்கில் வரும்போது அரசின் வருமானம் கூடும். லஞ்சம் மற்றும் முறையற்ற, விஷயங்களை தவிர்க்க முடியும்.

தேர்தலின் போது வோட்டுக்கு பணம் கொடுக்கும் அனைவரும் கருப்பு பணத்தையே நம்பி இருக்கிறார்கள். இனி அது சாத்தியமில்லை. பெரும்பாலும் நல்ல விஷயங்களே இதில் இருப்பதாக தெரிந்தாலும் நிஜமான பாதிப்புகளை ஓரிரு மாதங்கள் கழித்தே சொல்ல முடியும். சின்ன சின்ன சிரமங்கள் இருக்கும். நாட்டின் நலனுக்காக மக்கள் பொறுத்துக் கொள்ள வேண்டும் என பிரதமரும் அறிவித்திருப்பதைக் கவனிக்க வேண்டும்.

Sowmiya

இன்று பக்கத்து சீட்டில் உட்கார்ந்திருந்த பாட்டி ஆயிரம் முறை அவரிடம் இருந்த அந்த மூன்று நூறு ரூபாய் தாள்களை திருப்திப் பார்வை பார்த்துக் கொண்டே வந்ததார். அந்த பாட்டிக்கு பேங்குக்கு போகத் தெரியுமாங்கறத நெனச்சாதான் கஷ்டமா இருக்கு ..!

Vaa Manikandan

புழக்கத்தில் இருக்கிற அதே சமயம் கணக்கில் வராத பணத்தை முடக்குவதுதான் முதல் காரியமாக இருக்க வேண்டும். அதைச் செய்திருக்கிறார்கள். இதோடு எல்லாமும் முடிந்துவிடுவதில்லை. இன்னமும் நிறையச் செய்ய வேண்டியிருக்கிறது.

இந்த திட்டத்துக்கான முக்கியக் காரணம் வெளியிலிருந்து வரும் ஹவாலா பணத்தைத் தடுப்பது, இங்கேயிருந்து வெளிநாடு செல்லும் பணத்தை முடக்குவது என என்னுடைய குருவி மண்டைக்கே நிறையத் தோன்றுகிறது. நாட்டை ஆள்கிறவர்களும் பொருளாதார வல்லுநர்களும் யோசித்திருக்க மாட்டார்களா? செய்வார்கள் என நம்பலாம். என்னவோ ஒரே ராத்திரியில் மோடி முடிவெடுத்துவிட்டு ஸ்டண்ட் அடிப்பதாக எழுதியும் பேசிக் கொண்டிருப்பவர்கள் துளியாவது யோசித்துப் பார்க்கலாம். இது அவ்வளவு எளிய முடிவா? ரிசர்வ் வங்கியிலிருந்து, பொருளாதார நிபுணர்கள் வரை ஆலோசனை நடத்தாமலா முடிவெடுத்திருப்பார்கள்? ஏதாவது குதர்க்கம் நிகழ்ந்தால் நாட்டின் ஒட்டு மொத்த பொருளாதாரமும் ஆட்டம் கண்டுவிடும் என்பதைக் கணக்கில் எடுத்துக் கொள்ளாமலா அறிவித்திருப்பார்கள்? பிசகினால் நாடு திவாலாகிவிடும்.

Aishwarya Govindarajan

ரயிலில் சுண்டல் விற்கும் நரைமுடி ஊமை ஆச்சிக்கும், 16 வயதிலேயே கையில் குழந்தையை வைத்துக்கொண்டு கடலை மிட்டாய் விற்கும் சிறுமிக்கும் தங்கள் கையில் இருக்கும் பத்து ரூபாயை கொடுத்து வீணடிக்க வேண்டாம் என பத்திரப்படுத்துகிறார்கள் சக பயணிகள். அவர்களது இந்த இரண்டு நாட்களை நரகமாக்கிவிட்டு அரசும் சட்டமும் அப்படியென்ன தன் கடமையை செய்துவிடப் போகிறது.. !

P Kathir Velu

பொருளாதாரம் பேசுவது, அரசைக் குறை சொல்வது, அவகாசம் கொடுத்திருக்கலாமே எனச்சொல்வது, அந்த பதினைந்து லட்சம் என்னானது எனக்கேட்பது, தொலைக்காட்சியில் நாம எப்படியாச்சும் சமாளிச்சுக்குவோம்ங்க தினக்கூலிகளை நினைச்சுப் பாருங்க எனச்சொல்வது, பதுக்கல் பணக்காரர்கள் சிக்கல் குறித்து மகிழ்வது... ஆகியவற்றிற்கு முன்னால் அவசியமான ஒன்று இப்படியான பதைபதைப்புக்குள்ளாகும் மனிதர்களை ஆற்றுப்படுத்துவது.

சாமானியர்களுக்கு தாம் கஷ்டப்பட்டு சம்பாதித்து, கையில் வைத்திருக்கும் பணத்திற்கு உத்திரவாதம் தேவைப்படுகிறது. அவர்களை எந்த வகையிலும் பதட்டப்படுத்தாமல், நிதானமான வழிகளைச் சொல்லி, அவர்களின் பணம் எவ்வகையிலும் இழப்பாகிவிடாது என்பதை அழுத்தமாகச் சொல்லி வழி நடத்துவது படித்தவர்கள், நிலைமை புரிந்தவர்களின் கடமை.உண்மையில் இப்போது பலருக்கு உடனடியாகப் பணம் தேவையில்லை. ஆறுதலும், நம்பிக்கையும் தான். அதைக் கொடுங்கள்.

பல வங்கிகளில் பணம் செலுத்தினால் வருமான வரியில் இருந்து தப்பிக்கலாமா? - வங்கி, வருமான வரித்துறை அதிகாரிகள் விளக்கம்

டி.செல்வகுமார்

அதிக அளவில் 500, 1000 ரூபாய் நோட்டுகளை வைத்திருப்பவர்கள் பல்வேறு வங்கிகளின் கிளைகளில் மாறி மாறி செலுத்தினால், வருமான வரித் துறையிடம் இருந்து தப்பிக்க முடியுமா என்பது குறித்து அதிகாரி கள் விளக்கம் அளித்துள்ளனர்.
காலாவதியாகும் 500, 1000 ரூபாய் நோட்டுகளை வங்கிகளில் கொடுத்து புதிய 2000, புதிய 500 ரூபாய் நோட்டுகள் அல்லது 100, 50, 20 ரூபாய் நோட்டுகளை பெற்றுக் கொள்ளலாம் என்று அறிவிக்கப்பட்டுள்ளது.

‘500, 1000 ரூபாய் நோட்டுகளை கட்டுக்கட்டாக லட்சக்கணக்கில் வைத்திருப்பவர்கள் ஒரேயடியாக வங்கியில் செலுத்தினால்தான் கேள்விகள் எழும். அதற்கு பதிலாக, பல்வேறு வங்கிகளின் கிளைகளில் குறிப்பிட்ட கால இடைவெளியில் பணம் செலுத்தினால், வருமான வரி செலுத்தாமல் தப்பிவிடுவார்களே’ என்று பொதுமக்கள் மத்தியில் சந்தேகம் எழுந்துள்ளது. இது சாத்தியமா? என்று கேட்டதற்கு வருமான வரித் துறை மற்றும் வங்கி அதிகாரிகள் அளித்த விளக்கம் வருமாறு:

எந்த வங்கிக் கிளையிலும் ரூ.50 ஆயிரம் அல்லது அதற்கு மேற்பட்ட தொகையை செலுத்தும்போதோ, எடுக்கும்போதோ கண்டிப்பாக வருமான வரி நிரந்தர கணக்கு (PAN) எண்ணை தெரிவிக்க வேண்டும். அவ்வாறு தெரிவிக்கும்போது, பல் வேறு வங்கிகளின் எத்தனை கிளை களில் தனித்தனியாக பணம் செலுத் தினாலும், குறிப்பிட்ட நபரின் பணப் பரிவர்த்தனை முழுவதும் ‘பான் எண்’ வாயிலாக வருமான வரித் துறையினருக்கு தெரிந்துவிடும்.

கணிசமான தொகையை பரிவர்த் தனை செய்பவர்கள் பற்றிய விவரங் களை வங்கி நிர்வாகமே வருமான வரித் துறைக்கு தெரிவிப்பதும் உண்டு. ‘உங்கள் வாடிக்கையாளரை தெரிந்துகொள்ளுங்கள்’ (நோ யுவர் கஸ்டமர்) என்ற முறையின் கீழ் வங்கிகள் சேகரித்து வைத்திருக்கும் வாடிக்கையாளர் விவரங்களை வருமான வரித் துறையினர் கேட்டுப் பெறவும் செய்யலாம்.

ஒருவர் குறிப்பிட்ட வங்கியின் பல்வேறு கிளைகளில் வங்கிக் கணக்கு தொடங்கும்போது கணக்கு வைத்திருப்போருக்கான பிரத்யேக எண் (வாடிக்கையாளர் ஐடி) ஒன்று ஏற்படுத்தப்படும். அது வாடிக்கை யாளருக்கு தெரியாது. அவர் எத் தனை கிளையில் கணக்கு தொடங்கி னாலும் அவருக்கு ஒரே ஒரு எண் தான். அந்த எண் மூலம் அவரது மொத்த பணப் பரிவர்த்தனை விவரங்களை அந்த வங்கியிடம் இருந்து வருமான வரித் துறையினர் பெறலாம்.

அதேநேரத்தில், பல்வேறு வங் கிக் கிளைகளில் தினமும் ரூ.49 ஆயி ரம் வீதம் பணம் செலுத்தினால், அதைக் கணக்கிட இயலாது. அது போன்ற சூழலில், யார் மீதாவது சந்தேகம் ஏற்பட்டாலோ, புகார் வந் தாலோ, அதன் அடிப்படையில் குறிப் பிட்ட நபரின் பணப் பரிவர்த்தனை சோதித்து அறியப்படும்.

இவ்வாறு அதிகாரிகள் தெரிவித் தனர்.

இதற்கிடையே, குறிப்பிட்ட வங் கிக் கணக்கில் தினமும் ரூ.49 ஆயிரம் வீதம் பணம் செலுத்துவோர் பற்றிய விவரங்களையும் தெரிவிக்குமாறு வங்கிகளை வருமான வரித் துறை கேட்டிருப்பதாகத் தெரிகிறது.

அமெரிக்காவின் 45-வது அதிபர் டொனால்டு ட்ரம்ப்: உலகை வியப்பில் ஆழ்த்திய முடிவுகள் ... பிடிஐ

பல்வேறு கருத்து கணிப்புகளை பொய்யாக்கி அமெரிக்க அதிபர் தேர்தலில் ட்ரம்ப் வெற்றி: நாடு முழுவதும் வெற்றி கொண்டாட்டம்

அமெரிக்காவில் நடைபெற்ற அதிபர் தேர்தலில், பல்வேறு கருத்து கணிப்புகளை பொய்யாக்கி குடியரசு கட்சியின் வேட்பாளர் டொனால்டு ட்ரம்ப் (70) வெற்றி பெற்றுள்ளார்.

எதிர்பாராத இந்த வெற்றியால் உலக நாடுகள் அதிர்ச்சி அடைந்துள்ளன. அதேநேரம், நாடு முழுவதும் அவரது ஆதரவாளர்கள் வெற்றி கொண்டாட்டத்தில் ஈடுபட்டுள்ளனர். உலக தலைவர்கள் ட்ரம்புக்கு வாழ்த்து தெரிவித்து வருகின்றனர்.

அமெரிக்காவில் கடந்த 8-ம் தேதி அதிபர் தேர்தல் நடை பெற்றது. ஆளும் ஜனநாயகக் கட்சியின் சார்பில் முன்னாள் வெளி யுறவுத் துறை அமைச்சர் ஹிலாரி கிளின்டனும் (69) குடியரசு கட்சி சார்பில் அரசியல் அனுபவம் இல்லாத கோடீஸ்வர தொழிலதி பரான டொனால்டு ட்ரம்பும் (70) போட்டியிட்டனர்.

முன் எப்போதும் இல்லாத வகையில் இந்தத் தேர்தல் பிரச்சாரம் அனல் பறக்கும் வகை யில் அமைந்தது. பிரச்சாரத்தின் போது, இருவரும் பரஸ்பரம் தனிப்பட்ட முறையில் கடுமையான குற்றச்சாட்டுகளைக் கூறினர்.

அமெரிக்காவில் நுழைய முஸ்லிம்களுக்கு தடை விதிப் பேன், மெக்சிகோ எல்லையில் சுவர் எழுப்புவேன் என்ற ட்ரம்பின் கருத்துகள் சர்ச்சையை ஏற்படுத்தியது. மேலும் இவர் மீது சில பெண்கள் பாலியல் குற்றச்சாட்டுகளை சுமத்தினர். இதனால், அவரது கட்சிக்குள் ளேயே அவருக்கு எதிர்ப்பு கிளம்பியது. பெரும்பாலான ஊடகங்களும் ட்ரம்புக்கு எதிரான செய்திகளை வெளியிட்டு வந்தன. இதனால், ஹிலாரி வெற்றி பெறுவார் என பல்வேறு நிறுவனங்களின் கருத்து கணிப்புகள் தெரிவித்தன.

எனினும், வெளியுறவுத் துறை அமைச்சராக இருந்தபோது தனது தனிப்பட்ட இ-மெயில் சர்வரை அலுவலக ரீதியிலான தகவல் தொடர்புக்கு பயன்படுத்தி யதாக ஹிலாரி மீது ட்ரம்ப் குற்றம்சாட்டினார். இது ஹிலாரிக்கு தர்மசங்கடத்தை ஏற்படுத்தியதால் ட்ரம்பின் செல்வாக்கு சற்று அதிகரித்தது. எனினும், ஹிலாரியே வெற்றி பெறுவார் என இறுதிக் கட்ட கருத்து கணிப்புகளும் தெரிவித்தன.

இந்நிலையில் 8-ம் தேதி 50 மாகாணங்களிலும் வாக்குப் பதிவு முடிந்தவுடன் வாக்குகள் எண்ணப்பட்டு முடிவுகள் அறிவிக் கப்பட்டன. தொடக்கத்தில் இருவருக்கும் இடையே, இழுபறி நிலவியபோதிலும், யாருமே எதிர்பாராத வகையில் பல்வேறு கருத்து கணிப்புகளை பொய்யாக்கி ட்ரம்ப் வெற்றி பெற்றுள்ளார்.

குறிப்பாக, பென்சில்வேனியா, ஓஹியோ, புளோரிடா, டெக்சாஸ், அலாஸ்கா மற்றும் வடக்கு கரோலினா உள்ளிட்ட மாகாணங்கள் ட்ரம்பின் வெற்றிக்கு முக்கிய பங்கு வகித்தன.

நாட்டின் முதல் பெண் அதிபரா வார் என ஆவலுடன் எதிர்பார்க்கப் பட்ட ஜனநாயகக் கட்சியின் வேட்பாளர் ஹிலாரி கிளின்டன் (69) அதிர்ச்சி தோல்வி அடைந்துள்ளார். மொத்தம் உள்ள 538 தேர்வாளர் வாக்குகளில் இதுவரை ட்ரம்புக்கு 289-ம், ஹிலாரிக்கு 218-ம் கிடைத்துள்ளது.

இன்னும் சில மாகாண முடிவுகள் வர வேண்டி உள்ளது. எனினும், இந்தத் தேர்தலில் வெற்றி பெற 270 வாக்குகள் தேவை என்பதால் ட்ரம்ப் வெற்றி பெறுவது உறுதி.

இந்த தேர்வாளர்கள் புதிய அதிபர் மற்றும் துணை அதிபரை டிசம்பர் மாதம் முறைப்படி தேர்ந்தெடுப்பார்கள். புதிதாக தேர்ந்தெடுக்கப்படும் அதிபர் அடுத்த ஆண்டு ஜனவரி 20-ம் தேதி பொறுப்பேற்றுக் கொள்வார். இவர் அடுத்த 4 ஆண்டுகளுக்கு இந்தப் பதவியில் இருப்பார்.

தேர்தல் வெற்றி குறித்து தனது பிரச்சார தலைமை அலுவலகத்தில் ஆதரவாளர்கள் மத்தியில் ட்ரம்ப் பேசும்போது, “நாம் அனை வரும் ஒன்றாக இணைய வேண்டிய தருணம் இது. நாட்டின் ஒவ்வொரு குடிமகனுக்கும் நான் அதிபராக இருப்பேன் என உறுதி கூறுகி றேன். ஹிலாரி கிளின்டன் தொலை பேசியில் தொடர்பு கொண்டு எனக்கு வாழ்த்து தெரிவித்தார். அத்துடன் தோல்வியை ஒப்புக் கொள்வதாகவும் தெரிவித்தார். கடுமையான போட்டியாக விளங்கிய அவருக்கு நன்றி தெரி வித்தேன்” என்றார்.

நாட்டின் 45-வது அதிபராக தேர்வு செய்யப்பட்டுள்ள ட்ரம்ப், முதல்முறை அதிபராக பொறுப் பேற்றவர்களில் அதிக வயது டையவர் என்ற சாதனையையும் படைத்துள்ளார். ட்ரம்பின் வெற்றியை நாடு முழுவதும் உள்ள அவரது ஆதரவாளர்களும் குடியரசு கட்சியினரும் கொண்டாடி வருகின்றனர்.

உலக தலைவர்கள் வாழ்த்து

அமெரிக்க அதிபர் தேர்தலில் வெற்றி பெற்றுள்ள ரஷ்ய அதிபர் விளாடிமிர் புதின், பிரதமர் நரேந்திர மோடி, பிரிட்டன் பிரதமர் தெரசா மே, துருக்கி பிரதமர் உள்ளிட்ட உலக தலைவர்கள் வாழ்த்து தெரிவித்து வருகின்றனர். மேலும் அமெரிக்க அதிபர் பராக் ஒபாமாவும் ட்ரம்புக்கு வாழ்த்து தெரிவித்தார்.

பங்குச்சந்தைகள் வீழ்ச்சி

ஹிலாரி கிளின்டன் வெற்றி பெறுவார் என உலக நாடுகள் எதிர்பார்த்திருந்த நிலையில், எதிர் பாராதவிதமாக ட்ரம்ப் வெற்றி பெற்ற தால் அமெரிக்கா, இந்தியா உள்ளிட்ட உலக பங்குச்சந்தைகளில் நேற்று கடும் வீழ்ச்சி காணப்பட்டது. அமெரிக்க டாலர் மதிப்பும் கடுமையாக சரிந்தது.

ஹிலாரி மீதான இ-மெயில் புகாருக்கு ஆதாரம் இல்லை என அந்நாட்டு புலனாய்வு அமைப்பு (எப்பிஐ) கடந்த ஜூலை மாதம் அறிவித்தது. எனினும், இ-மெயில் விவகாரம் தொடர்பான புதிய புகார் குறித்து ஆய்வு செய்யப்படும் என்று கடந்த மாத இறுதியில் எப்பிஐ இயக்குநர் தெரிவித்தார். இது ஹிலாரிக்கு பின்னடைவை ஏற்படுத்தியது.

எனினும், வாக்குப்பதிவுக்கு 2 நாள் முன்னதாக, இந்தப் புகாருக்கு ஆதாரம் இல்லை என அறிவித்தார். ஆனாலும் காலதாமதமாக இந்த அறிவிப்பு வெளியானதால் ஹிலாரி யின் தோல்விக்குக் காரணமாக அமைந்திருக்கலாம் என்று கூறப்படுகிறது.

500, 1000 ரூபாய் நோட்டுகள் செல்லாது என்ற அறிவிப்பால் தாலி வாங்கக்கூட இயலாமல் தவிப்பு: நாளை முகூர்த்தநாள்: திருமண ஏற்பாடு செய்துள்ளவர்கள் பாதிப்பு

எஸ்.கோபாலகிருஷ்ணன்

THE HINDU TAMIL 

500,1000 ரூபாய் நோட்டுகள் செல்லாது என்ற மத்திய அரசின் அறிவிப்பால் நாளை (நவ.11) திருமண ஏற்பாடு செய்துள்ளவர்கள் தாலிகூட வாங்க முடியாமல் கடுமையாக பாதிக்கப்பட்டுள்ளனர்.

நாளை முகூர்த்த நாள்

நாளை (நவ.11) முகூர்த்த நாள் என்பதால் பலரும் திருமணத்துக்கு ஏற்பாடுகளைச் செய்துள்ளனர். இந்நிலையில், மத்திய அரசின் அறிவிப்பால் திருமணம் உள்ளிட்ட சுப நிகழ்ச்சிகளுக்கு ஏற்பாடு செய்துள்ளவர்கள் விழாவுக் குத் தேவையான அடிப்படை செலவுகளை செய்வதற்குக்கூட நூறு ரூபாய் நோட்டுகளே வேண்டும் என்று கடைகளில் கேட்பதால் கையில், 500,1000 ரூபாய் நோட்டுகளை வைத்துக்கொண்டு தவித்து வருகின்றனர்.

இதுகுறித்து திருவாரூர் மாவட்டம் மன்னார்குடியைச் சேர்ந்த சரவணன், கூறும்போது, “நவம்பர் 11-ம் தேதி (நாளை) எனக்கு திருமணம் நடைபெற உள்ளது. இந்நிலையில் 500, 1000 ரூபாய் நோட்டுகளை செல்லாதவைகளாக அறிவித்துள்ளனர். என்னிடம் இருப்பது பெரும்பாலும் 500, 1000 ரூபாய் நோட்டுகள்தான். எனவே காய்கறி, மளிகைப் பொருட்கள் தொடங்கி அனைத்துக்கும் பணப் பட்டுவாடா செய்யமுடியாமல் தவிக்கிறேன்.

இந்த அறிவிப்பால் உடனடி யாக பாதிக்கப்பட்டிருப்பது எங்களைப்போன்று திருமணம் உள்ளிட்ட சுபநிகழ்வுகளுக்கு ஏற்பாடு செய்துள்ளவர்கள்தான். எனவே, திருமண அழைப்பிதழ் போன்றவற்றை ஆதாரமாக பெற்றுக்கொண்டு எங்களைப் போன்றவர்களுக்கு மட்டுமாவது வங்கிகள் மூலம் தேவையான 100 ரூபாய் நோட்டுகளை உடனடியாக வழங்குமாறு வங்கிகளுக்கு மத்திய அரசு அறிவுறுத்த வேண்டும்” என்றார்.

நகைக்கடையில் மறுப்பு

கோட்டூரைச் சேர்ந்த பெயர் வெளியிட விரும்பாத, மணமகனின் தாயார் ஒருவர் கூறும்போது, “என் மகனுக்கு நவம்பர் 11-ம் தேதி (நாளை) திருமணம் வைத் துள்ளேன். அதற்காக ஏற்கெனவே முன்பணம் கொடுத்து வைத்திருந்த தாலிக்கு மீதத்தொகையை கொடுத்து, தாலியை வாங்கலாம் என்று நகைக் கடைக்குச் சென்றேன். ரூ.500 நோட்டுகளாக இருப்பதால் அதனை வாங்க மறுத்துவிட்டனர். பல இடங்களில் கேட்டும் 100 ரூபாய் நோட்டுகள் கிடைக்கவில்லை.

திருமணத்துக்காக தாலி வாங்க வந்தவரை கடையில் திருப்பி அனுப்பியது எனக்கு மனரீதியாக பாதிப்பை ஏற்படுத்தியுள்ளது. ஒருவழியாக, என் மகன் வேலைபார்க்கும் நிறுவனத்தில் 100 ரூபாய் நோட்டுகளை கடனாகப் பெற்று பிரச்சினையை சமாளித்தோம். மீதமுள்ள செலவுக்கு என்ன செய்வது என்று கவலையாக உள்ளது” என்றார்.

மன்னார்குடி ரோட்டரி சங்கத் தலைவரும், நிதி ஆலோசகருமான செந்தில்குமார் கூறியது:

தனது வருமானத்தை மீறி பெரும்பொருட்செலவு செய்து சுபகாரியங்களை நடத்த வேண்டிய கட்டாயத்தில் உள்ள ஒவ்வொரு சாமானிய, நடுத்தர குடும்பத்தினரின் தன்னம்பிக்கைக்கும் பின்புலமாக இருப்பது மொய்ப் பணம் ஒன்றுதான்.

தற்போது அதிக புழக்கத்தில் இருந்த ரூ.500, 1000 ரூபாய் நோட்டுகளை செல்லாதவை என்று அறிவித்திருப்பதால், மொய்ப் பணம் வைக்க விரும்புபவருக்கு ரூ.100 அல்லது புதிய 500, 2000 ரூபாய் நோட்டுகள் விரைவாக கிடைத்தால்தான் மொய் செய்ய முடியும் என்ற நிலை உருவாகியுள்ளது.

பழைய ரூபாய் நோட்டுகளை மொய்யாக வைத்தால் செல்லாத பணத்தை வைத்ததாகிவிடுமே என்ற உணர்வு இருதரப்பிலும் உருவாக வாய்ப்புள்ளது. இது வெளிப்படையாக விவாதிக்க முடியாத பிரச்சினை. பொருளாதர சீர்திருத்தங்களில் இந்த பாதிப்பை எதிர்கொண்டுதான் ஆகவேண்டும் என்றார்.

இதுகுறித்து திருமண மண்டப உரிமையாளர்கள் கூறியபோது, “வரும் டிசம்பர் 30-ம் தேதி வரை செல்லாத பணத்தை வங்கியில் செலுத்த அவகாசம் கொடுத்துள்ளனர். அதனால் திருமண மண்டப வாடகையைப் பெற்றுக்கொள்வதில் நாங்கள் கெடுபிடி எதுவும் செய்யவில்லை” என்றனர்.

மளிகை கடைக்காரர்கள் கூறியபோது, “மளிகை கடைகளில் தெரிந்தவர்களிடம் மட்டும் 500, 1000 ரூபாயைப் பெற்றுக்கொள்கிறோம். ஆனால், சில்லறை வியாபாரம் முற்றிலும் பாதிக்கப்பட்டுள்ளது” என்றனர்.

தேர்தல் நடைபெறும் தொகுதிகளில் பதுக்கல் பணம் வெளிவர வாய்ப்பு: சோதனை தீவிரப்படுத்தப்படுமா?

ஐநூறு, ஆயிரம் ரூபாய் நோட்டுகளை வங்கிகளில் பொதுமக்கள் மாற்றிக்கொள்வதில் சிக்கல் இருக்காது என்பதால், பதுக்கி வைத்த கருப்பு பணத்தை தேர்தல் நடைபெறும் தொகுதிகளில் அரசியல் கட்சியினர் பட்டுவாடா செய்ய வாய்ப்பு உள்ளது. அதனால், தேர்தல் ஆணையம் கண்காணித்து நடவடிக்கை எடுக்க வேண்டும் என்ற எதிர்பார்ப்பு மக்களிடையே ஏற் பட்டுள்ளது.

கருப்பு பணத்தை ஒழிக்க நாடு முழு வதும் நேற்று முன்தினம் இரவு முதல் 500, 1000 ரூபாய் நோட்டுகள் செல்லாது என்றும் அவற்றை வைத்திருப்பவர்கள் டிசம்பர் 30-ம் தேதிக்குள் வங்கிகளில் செலுத்தி மாற்றிக்கொள்ளலாம் எனவும் பிரதமர் மோடி அறிவித்தார்.

இதனால், பணம் பதுக்கிய பெரும் தொழிலதிபர்கள், அரசியல் கட்சியினர் அந்தப் பணத்தை எப்படி மாற்றுவது எனத் தெரியாமல் அதிர்ச்சியடைந்துள்ளனர். இந்தப் பணத்தை மாற்ற அவர்கள் மறைமுகமாக பல்வேறு வழிகளில் முயற்சிகள் மேற்கொள்ளலாம் என்றும், அதற்காக அவர்கள் ஆடிட்டர்களிடம் ஆலோசனை கேட்டு வருவதாகவும் கூறப்படுகிறது.

இதற்கிடையே 19-ம் தேதி தேர்தல் நடக்கும் திருப்பரங்குன்றம், அரவக்கு றிச்சி, தஞ்சாவூர் மற்றும் புதுச்சேரியில் நெல்லித்தொப்பு தொகுதிகளில் முக்கிய அரசியல் கட்சியினர், பணத்தைத் தண்ணீராக செலவு செய்து வருகின்றனர். வேட்பாளர்கள், தேர்தல் பொறுப்பாளராக நியமிக்கப்பட்டவர்களுடைய கருப்பு பணம், தேர்தல் செலவு போர்வையில் ஏற்கெனவே வெளியே வந்துகொண்டு இருக்கிறது. தற்போது 500, 1000 ரூபாய் செல்லாது என அறிவிக்கப்பட்டதால் தேர்தல் செலவு, வாக்காளர்களுக்கு பணம் பட்டுவாடா செய்வதற்காக 500, 1000 ரூபாய் நோட்டுகளை கட்டுக்கட்டாக பதுக்கி வைத்த பணத்தை நேரடியாக மாற்ற முடியாமல் தவிக்கின்றனர்.

பிரச்சாரத்துக்கு வரும் கட்சி நிர்வாகிகள், தொண்டர்களுக்கு நேற்று சாப்பாடு, டீசல், பெட்ரோல், டீ, வடை, மைக் செட் செலவு உள்ளிட்ட அனைத்து செலவுகளுக்கும் பதுக்கி வைத்திருந்த 500, 1000 ரூபாய் நோட்டுகளை வழங்க முடியாமல் அரசியல் கட்சியினர் சிரமம் அடைந்தனர்.

வழக்கமாக, தேர்தலுக்கு முந்தைய 2 நாளில் அந்தந்த ‘பூத்’ நிர்வாகிகள் மூலம் பணம் பட்டுவாடா நடக்க ஆரம்பிக்கும். அதனால், பதுக்கி வைத்திருந்த 500, 1000 ரூபாய் நோட்டுகளை வாக்காளர்களுக்கு திட்டமிட்டபடி பட்டுவாடா செய்து, அந்தப் பணத்தை வங்கிகளில் மாற்றிக் கொள்ளும்படி வாக்காளர்களிடம் கூறி விடலாம் என அரசியல் கட்சியினர் முடிவெடுத்துள்ளதாகக் கூறப்படுகிறது.

வாக்காளர்கள், அந்தப் பணத்தை வங்கிகளில் மாற்றிக்கொள்வதில் எந்த பிரச்சினையும் இருக்காது என்பதால், அவர்களும் அரசியல் கட்சியினர் வழங்கும் பணத்தைப் பெற வாய்ப்பு உள்ளது. அதனால், தேர்தல் நடக்கும் இந்த தொகுதிகளில் கருப்பு பணம் அதிக அளவு வெளிவர வாய்ப்பு உள்ளதால் தேர்தல் ஆணையம் சோதனையை தீவிரப்படுத்த வேண்டும் என்ற எதிர்பார்ப்பு மக்களிடையே ஏற்பட்டுள்ளது.

ரூ.500, ரூ.1000 மாற்றும் பணி தீவிரம்: சில இடங்களில் கால தாமதத்தால் மக்கள் வாக்குவாதம்

பாரதி ஆனந்த்

500 மற்றும் 1,000 ரூபாய் நோட்டுகளை அரசும், ரிசர்வ் வங்கியும் கூறியதுபோல் எளிதாக மாற்ற முடியாமல் மக்கள் சில இடங்களில் கடும் சிரமத்துக்குள்ளாகியுள்ளனர்.

"நாடு முழுவதும் 500, 1000 ரூபாய் நோட்டுகள் செல்லாது. இந்த உத்தரவு நள்ளிரவு முதல் அமலுக்கு வருகிறது. பொதுமக்கள் தங்களிடம் உள்ள 500, 1000 ரூபாய் நோட்டுகளை வரும் 10-ம் தேதி முதல் டிசம்பர் 30-ம் தேதி வரை வங்கிகள் மற்றும் அஞ்சல் நிலையங்களில் கொடுத்து மாற்றிக் கொள்ளலாம்" என்று பிரதமர் மோடி செவ்வாய்க்கிழமை இரவு அதிரடி அறிவிப்பை வெளியிட்டார்.

அதனைத் தொடர்ந்து மக்கள் மத்தியில் பதற்றம் ஏற்படவே ரூ.500, 1000 நோட்டுகள் செல்லாது என்ற அறிவிப்பை அடுத்து பொதுமக்கள் சந்தேகங்களுக்கு விளக்கம் அளிக்க உதவி மையம் ஒன்றை ஏற்பாடு செய்துள்ளது மத்திய ரிசர்வ் வங்கி. விரிவான செய்திக்கு > பழைய ரூ.500, ரூ.1000 நோட்டுகளை மாற்றுவது எப்படி?- பதற்றம் தணிக்க ரிசர்வ் வங்கியின் 20 வழிகாட்டுதல்கள் |

500 மற்றும் 1,000 ரூபாய் நோட்டுகளை அஞ்சல் நிலையங்களில் விண்ணப்பப் படிவத்தை பூர்த்தி செய்து கொடுத்து மாற்றிக் கொள்ளலாம் என்றும் ஒரு நாளைக்கு ஒரு நபர் அதிகபட்சம் ரூ.4 ஆயிரம் வரை பெறலாம் என்றும் கூறப்பட்டிருந்தது.

அதன்படி இன்று (வியாழக்கிழமை) காலை முதலே வங்கிகள், தபால் நிலையங்கள் வாயிலில் மக்கள் அதிகளவில் திரண்டனர்.

சென்னை திருவல்லிக்கேணி, வாலாஜா சாலையில் உள்ள வங்கிகளில் ஏராளமான மக்கள் திரண்டிருந்தனர். அவர்களில் ஒருவர் நம்மிடம் கூறும்போது, "எனது பணம் ரூ.6000-த்தை மாற்றுவதற்காக வந்தேன். வங்கியில் ஒரு படிவம் தந்தார்கள். அதை பூர்த்தி செய்து, கொடுத்தேன். ஆனால், பணத்தை டெபாசிட் செய்துவிட்டு செல்லுங்கள். இப்போதைக்கு பணமில்லை. பணத்தை உங்கள் வங்கி கணக்கில் டெபாசிட் செய்வோம் என்று சொல்லிவிட்டனர். இப்போதைக்கு எனக்கு செலவுக்கு பணமில்லை" என்றார்.

இதேபோல் வாடிக்கையாளர்கள் பலரிடமும் அதிகாரிகள் சொன்னதால் ஆத்திரமடைந்த பொதுமக்கள் வங்கி ஊழியர்களுடன் வாக்குவாதத்தில் ஈடுபட்டனர்.



பணம் பெறுவதற்கான விண்ணப்பப் படிவம் | படம்: எல்.சீனிவாசன்.

வங்கி நிலைமை இப்படியிருக்க சென்னை திருவல்லிக்கேணி தபால் நிலையத்தின் வாசலில் மக்கள் நீண்ட வரிசையில் காத்திருக்கின்றனர். தபால் அலுவலகத்தில் ஆயத்தப் பணிகள் நடப்பதால் உள்ளே மக்களை அனுமதிப்பதில் சற்று தாமதம் ஏற்பட்டது. இதனால் மக்கள் பொறுமையிழந்து கூச்சலிட்டனர். நிலைமையை சமாளிக்க வங்கிகளிலும், தபால் நிலையங்களிலும் போலீஸார் பணியமர்த்தப்பட்டுள்ளனர்.

திருச்சி நிலவரம்:

திருச்சியில் இன்று காலை 7 மணி முதலே வங்கி மற்றும் தபால் நிலையங்களில் மக்கள் பெருமளவில் திரண்டனர். போலீஸார் பாதுகாப்புப் பணியில் ஈடுபடுத்தப்பட்டுள்ளனர். வங்கிகளில் மக்களுக்கு டோக்கன் அளிக்கப்பட்டு அதனடிப்படையில் மக்கள் வரிசையாக அனுமதிக்கப்படுகின்றனர்.

வங்கியில் ஏற்கெனவே கணக்கு வைத்திருப்பவர்கள் தங்களது சேமிப்பு புத்தகத்தை அளித்து பணத்தை பெற்றுக் கொள்ள முடியும். அவர்களுக்கு ரூ.10,000 (5 புதிய ரூ.2000 நோட்டுகள் வீதம் வழங்கப்படுகிறது). ஆனால் வங்கியில் சேமிப்புக் கணக்கு இல்லாதவர்கள் படிவம் ஒன்றை பூர்த்தி செய்து அடையாள அட்டை ஒன்றை காண்பித்துவிட்டு பணத்தை பெற்றுக் கொள்கின்றனர். அவர்களுக்கு ரூ.4000 வழங்கப்படுகிறது.



படம்: எஸ்.ஞானவேல்முருகன்

ரூ.2000 புதிய நோட் ஒன்றும் எஞ்சிய பணம் ரூ.100, ரூ.50, ரூ.20 மற்றும் ரூ.10-ஆக வழங்கப்படுகிறது. திருச்சி முழுவதும் இன்னும் ரூ.500 புதிய நோட்டுகள் வரவில்லை.

மத்திய அரசின் நடவடிக்கைக்கு நடுத்தரவர்க்க மக்கள் பலரும் வரவேற்பு தெரிவித்துள்ளனர்.

தபால் நிலையங்களில் தாமதம்:

திருச்சி நகர் முழுவதும் தபால் நிலையங்களுக்கு இன்னும் பணம் வரவில்லை. இதனால், மக்கள் காத்திருக்கின்றனர். வழக்கமான தபால் அலுவல்கள் மட்டுமே அங்கு மேற்கொள்ளப்படுகின்றன. பகல் 12 மணிக்கு மேல் பணம் விநியோகிக்கப்படும் எனக் கூறப்படுகிறது.

மதுரையில் அடையாள அட்டை கெடுபிடி:

மற்ற ஊர்களைப் போலவே மதுரையிலும் மக்கள் தங்கள் பணத்தை மாற்றிக்கொள்ள அலைமோதுகின்றனர். பணத்தைப் பெற்றுக்கொள்ள ஆதார், பான் கார்டு, ஓட்டுநர் உரிமம், வாக்காளர் அட்டை என எதை வேண்டுமானாலும் பயன்படுத்திக் கொள்ளலாம் என அறிவிக்கப்பட்டிருந்தாலும் பாரத ஸ்டேட் வங்கி ஆதார் அல்லது பான் கார்டு மட்டுமே ஏற்றுக் கொள்கிறது. இதனால் மக்கள் கடும் அதிருப்தியடைந்துள்ளனர். தங்களது சிரமத்தை புரிந்து கொள்ளாமல் வங்கி நடந்து கொள்வதாக அதிருப்தி தெரிவித்தனர்.



ஒத்தக்கடை பாங்க் ஆஃப் இந்தியா வங்கி அருகே காத்திருக்கும் மக்கள்| படம்:கி.மகாராஜன்.

மதுரையிலும் தபால் நிலையங்களில் பணம் விநியோகம் தொடங்கவில்லை. ஆனால், காலை 7 மணி முதலே மக்கள் நீண்ட வரிசையில் காத்திருக்கின்றனர்.

சேலத்தில் ரூ.4000/- மட்டுமே:

சேலம் மாவட்டத்தில் வங்கிக் கணக்கு வைத்திருப்பவர்கள் கணக்கில்லாதவர்கள் என அனைத்து மக்களுக்கு வெறும் ரூ.4000/- மட்டுமே மாற்றித் தரப்படுகிறது. இதனால் மக்கள் கடும் அதிருப்தியடைந்துள்ளனர்.

அதுமட்டுமல்லாமல் தபால் நிலையங்களில் பொது மக்களிடம் சேமிப்புக் கணக்கு ஆரம்பித்து அதில் பணத்தை டெபாசிட் செய்யுமாறு வலியுறுத்தப்பட்டுள்ளது. உடனடியாக பணத் தேவை இருக்கும்போது இவ்வாறாக கணக்கு ஆரம்பித்து பின்னர் பணத்தை எடுப்பது நடைமுறை சிக்கலுக்கு வழிவகுக்கும் என மக்கள் குமுறல்களை தெரிவித்தனர்.



சேலத்தில் வங்கி வளாகத்தில் திரண்டிருந்த பொது மக்கள் | படம்: எஸ்.குருபிரசாத்.

சேலம் மாநகர் முழுவதுமே கடந்த 2 நாட்களாக வெறிச்சோடி காணப்படுகிறது. பணப்புழக்கம் அதிகம் இல்லாததால் செவ்வாய்ப்பேட்டை, லீ பஜார், புது பஸ்ஸ்டாண்ட், சின்னக்கடை வீதி, பஜார் வீதி போன்ற பகுதிகள் முடங்கிப் போயிருக்கின்றன.

கோவையில் கட்டுக்கடங்கா கூட்டம்:

கோவை நகரில் ஒவ்வொரு வங்கியின் முன்னும் குறைந்தது 3000 பேராவது திரண்டிருக்கிறார்கள். மக்கள் கூட்டத்தை சமாளிக்க போலீஸார் குவிக்கப்பட்டுள்ளனர். கூட்டம் அதிகமாக இருப்பதால் கையில் பணமிருந்தும் வங்கியில் அதை மாற்றி அத்தியாவசியப் பொருட்களை விற்க முடியாமல் மக்கள் தவிப்புக்குள்ளாகியுள்ளனர்.



கோவையில் புது கரன்சி நோட்டுடன் புன்னகை பூக்கும் பெண்கள் | படம்: ஜெ.மனோகரன்.

தபால் நிலையங்களில் பண பட்டுவாடா தொடங்கவில்லை. இன்னும் பணம் வரவில்லை என தபால் நிலைய அதிகாரிகள் தெரிவித்தாலும் மக்கள் வரிசையில் காலையில் இருந்தே காத்திருக்கின்றனர்.

சில்லறை தட்டுப்பாட்டால் காய்கறி சந்தையில் காய்கறிகள், பழங்கள் தேங்கிக் கிடக்கின்றன. பெட்ரோல் பங்குகளில் ரூ.500/-க்கு மட்டுமே பெட்ரோல் விநியோகிக்கப்படுகிறது என மக்கள் பரவலாக புகார் கூறியுள்ளனர்.

உங்கள் ஊர் நிலவரம் எப்படி?

தலைநகர் சென்னையில் ரூபாய் நோட்டுகளை மாற்ற மக்கள் இன்னல்களை சந்தித்துவரும் நிலையில் உங்கள் ஊரில், உங்கள் பகுதியில் நோட்டுகளை எளிதாக மாற்ற முடிகிறதா? இல்லை சிரமம் நிலவுகிறதா? அனுபவங்களை இங்கே பகிர்ந்து கொள்ளுங்கள்.