தமிழகத்தி ல் இன்று சற்று கூலான சூரியன்.. சீக்கிரம் கொளுத்த ரெடியாகிறது!

சென்னை: வெப்பம் அதிகம் தகிக்கும் மாவட்டங்களான சேலம், கரூர் ஆகிய மாவட்டங்களில் சதம் அடித்த வெயில் இன்று குறைந்துள்ளது.

தமிழகத்தில் இந்த ஆண்டு வடகிழக்கு பருபவமழை பொய்த்ததால் ஆங்காங்கே வறட்சி ஏற்பட்டு விவசாயப் பயிர்கள் காய்ந்து போதிய விளைச்சல் இல்லாமலும், முதலீடு செய்ய தொகை கூட கிடைக்காததாலும் விரக்தி அடைந்த 200-க்கும் மேற்பட்ட விவசாயிகள் தங்கள் உயிரை மாய்த்து கொண்டனர்.

இதனால் மாசி மாதத்திலேயே இத்தனை வறட்சி நிலவுகிறது. மழையின்றி இதே நிலை தொடர்ந்தால் இன்னும் பங்குனி, சித்திரை ஆகிய மாதங்களில் எந்த அளவுக்கு வறட்சியும், வெப்பமும் வாட்டி எடுக்கும் என்று மக்கள் கவலை அடைந்துள்ளனர்.


இந்நிலையில் பருவநிலை மாற்றத்தின் எதிரொலியாக இந்தியா முழுவதும் இந்த ஆண்டு காலநிலை வழக்கத்துக்கு மாறாக மாறிவிட்டன. ஜம்மு- காஷ்மீர், ராஜஸ்தான், உத்தரப்பிரதேசம், தில்லி உள்ளிட்ட மாநிலங்களில் கடுங்குளிர் நிலவியது. ஜம்முவிலோ நீர் நிலைகள், தண்ணீர் குழாய்கள் ஆகியன ஐஸ்கட்டிகளாக மாறியது.


தமிழகத்தை பொருத்தவரை சேலம், கரூர், சென்னை உள்ளிட்ட மாவட்டங்களில் கடந்த சில நாள்களாக வெப்பம் அதிகரித்து வந்தது. கடந்த சில நாள்களாக தமிழகத்தின் பல்வேறு பகுதிகளில் வெப்பம் தகித்து காலை 7 மணிக்கே சூரியன் சுள்ளென்று ஜன்னல் புறமாக எட்டி பார்த்தது. இதனால் சேலம், கரூர், நாமக்கல், வேலூர் உள்ளிட்ட மாவட்டங்களில் வெப்பநிலை 99 டிகிரி பாரன்ஹிட்டை தாண்டியது.


இந்நிலையில், சதம் அடித்த வெப்பம் இன்று சற்று கூலாகி 83 முதல் 87 டிகிரி பாரன்ஹிட் வரை மட்டும் உள்ளது. கரூரில் இன்றைய வெப்பநிலை 84.2 டிகிரி பாரன்ஹிட்டாகவும், மலைகள் சூழ்ந்த வேலூர், திருவண்ணாமலை ஆகிய மாவட்டங்களில் முறையே 87.8, 86 டிகிரியாகவும், சேலத்தில் 86 டிகிரியாகவும், அரியலூர், திருச்சி ஆகியவற்றில் 82.4 டிகிரியாகவும் உள்ளது.

சென்னையை பொருத்தவரை 84.2 டிகிரி பாரன்ஹிட்டாக உள்ளது. இதனால் மக்கள் சற்று நிம்மதி அடைந்துள்ளனர். வானிலை மையத்தின் அறிக்கையின்படி, சென்னையில் வரும் நாள்களில் தற்போதுள்ள வெப்பநிலை ஒன்று அல்லது இரண்டு டிகிரிகள் அதிகரிக்கும் என்று தெரிவித்துள்ளது.


தற்போது குடிசை வீடுகளிலும் ஏசி, பிரிட்ஜ் உள்ளிட்ட சாதனங்கள் காணப்படுகின்றன. ஏசிகளில் இருந்து வெளியேறும் வாயுக்களால் வளி மண்டலங்கள் மாசு அடைந்துள்ளது. இதற்காக பருவநிலை மாற்றம் தொடர்பாக மாநாடுகள் நடைபெற்று உலக வெப்பமயமாக்கலை தடுக்க முயற்சிகள் மேற்கொள்ளப்பட்டு வருகின்றன.

என்னது 'பழனிச்சாமி' முதல்வரா? வெட்கமாக இல்லையா? சாவதே மேல்- கட்ஜூ கொந்தளிப்பு

டெல்லி: சிறைக் கைதியாக உள்ளவரின் தலையாட்டி பொம்மையாக இருக்கும் எடப்பாடி பழனிச்சாமியை முதல்வராக எப்படி ஏற்க முடியும்? அதற்கு செத்துவிடுவதே மேல் என உச்சநீதிமன்ற முன்னாள் நீதிபதி மார்க்கண்டேய கட்ஜூ மிக காட்டமாக பதிவிட்டுள்ளார்.

இது தொடர்பாக தம்முடைய ஃபேஸ்புக் பக்கத்தில் மார்க்கண்டேய கட்ஜூ பதிவிட்டுள்ளதாவது:

அன்பார்ந்த தமிழர்களே!

ஜெயில் கைதியின் தலையாட்டி பொம்மை உங்களது முதல்வராக இருக்கிறாரே... நீங்கள் எதுவுமே செய்ய மாட்டீர்களா?


நீங்கள் அனைவரும் சேர, சோழ, பாண்டிய பேரரசர்களின் வாரிசுகள். நீங்கள் வீழ்ந்து போனால் உங்களுடைய மூதாதையர்களுக்கு அவமானம் அல்லவா?

திருவள்ளுவர், இளங்கோவடிகள், கம்பர், ஆண்டாள், பாரதியார் ஆகிய மூதாதையர்களின் வழிவந்தவர்கள் நீங்கள். இப்படி ஒரு முதல்வரை ஏற்றுக் கொண்டது உங்களுக்கு அவமானம் இல்லையா?


நானும் தமிழன் என்று கர்வமாக கூறி வந்தேனே... இனி எந்த முகத்தை வைத்துக் கொண்டு இப்படி சொல்வேனோ?

நான் பகிரங்கமாகவே சொல்கிறேன்... பழனிச்சாமி தமிழக முதல்வராக நீடிக்கும் வரை நான் தமிழனாக இருக்கப் போவதில்லை. அவமானம், அவமரியாதை பற்றிய கவலை இல்லாத ஒரு சமூகத்தில் நானும் ஒருவனான வாழ மறுக்கிறேன்... இதற்கு நான் செத்துப் போவதே மேல்

இவ்வாறு கட்ஜூ காட்டமாக எழுதியுள்ளார்.

சென்னை ரயில் விபத்துக்கு காரணமாக இருந்த ஏணி அகற்றம்

சென்னை: சென்னை பரங்கிமலை- பழவந்தாங்கல் இடையே செல்லும் மின்சார ரயிலில் படிக்கட்டில் பயணம் செய்த 3 பேர் தவறி விழுந்து உயிரிழந்தது தொடர்பான விவகாரத்தில் இளைஞர்களை உரசியாக கூறப்படும் சிக்னல் ஏணி இன்று அகற்றப்பட்டது.

தாம்பரம் - கடற்கரை மார்க்கமாக செல்லும் மின்சார ரயில்களில் காலை நேரங்களில் கூட நெரிசல் காணப்படும். இந்நிலையில் வியாழக்கிழமை காலையில் மின்சார ரயிலில் பரங்கிமலையில் ஏறிய இளைஞர்கள் சிலர் மின்சார ரயிலில் படிக்கட்டில் தொங்கியபடி பயணம் செய்தனர்.

அப்போது பழவந்தாங்கலை ரயில் நெருங்கும் போது சிக்னல்சி அருகே இருந்த ஏணி உரசியதில் 7 பேர் தவறி விழுந்து படுகாயமடைந்தனர். இதில் 2 பேர் உடல் துண்டாகி உயிரிழந்தனர்.
ஒருவர் சிகிச்சைக்கு செல்லும் வழியில் உயிரிழந்தார்.

இந்த விபத்தில் காயமடைந்த 4 இளைஞர்கள் ஆபத்தான நிலையில் மீட்கப்பட்டு குரோம்பேட்டை மருத்துமனையிலும், ராஜீவ்காந்தி மருத்துவமனையிலும் அனுமதிக்கப்பட்டுள்ளனர். இந்த விபத்து குறித்து ரயில்வே போலீஸார் விசாரணை நடத்தி வருகின்றனர். தகவலறிந்த ரயில்வே ஐ.ஜி. ராமசுப்பிரமணியம் நேரில் சென்ற விசாரணை நடத்தினார்.

மார்ச் 1-இல் விசாரணை

3 பேர் உயிரிழப்புக்கு காரணமாக இருந்ததாக கூறப்படும் சிக்னல் அருகே இருந்த ஏணி இன்று அகற்றப்பட்டது. மேலும் இந்த விபத்து குறித்து ரயில்வே பாதுகாப்பு ஆணையர் மனோகரன் வரும் மார்ச் 1-ஆம் தேதி பார்க் டவுனில் விசாரணை நடத்தவுள்ளார். விபத்தில் காயமடைந்தவர்களை சந்தித்து விசாரணை நடத்தப்படவுள்ளது. விபத்தை நேரில் பார்த்தவர்களும் ரயில்வே பாதுகாப்பு ஆணையரிடம் முறையிடலாம் என்று அறிவுறுத்தப்பட்டுள்ளது.

source: oneindia.com
Dailyhunt

பிறந்தநாளில் குப்பையில் கிடந்த ஜெயலலிதா படம்!

மறைந்த முதல்வர் ஜெயலலிதாவின் பிறந்தநாளை அதிமுகவினர் தமிழகம் முழுவதும் கொண்டாடி வந்த நிலையில், மதுரை மாவட்ட ஆட்சியர் அலுவகத்தில் அவரது படம் குப்பையில் கிடந்ததால் பரபரப்பு ஏற்பட்டது.

மதுரை மாவட்ட ஆட்சியர் அலுவலகத்தில் தற்போது மராமத்துப் பணிகள் நடைபெற்று வருகிறது. இதனால், ரப்பீஸ் மற்றும் பழைய பொருட்களை கொட்டுமிடத்தில் ஜெயலலிதாவின் படத்தையும், அருகில் மற்ற மர சாமான்களுடன் ஒரு துடைப்பத்தையும் பணி ஆட்கள் போட்டிருந்தார்கள்.

ஜெயலலிதா பிறந்த நாளான இன்று, அதிமுகவினர் தமிழகம் முழுவதும் இனிப்புகள் வழங்கிக் கொண்டாடி வந்த நிலையில், மதுரை மாவட்ட ஆட்சியர் அலுவலகத்தில் இப்படியொரு காட்சியைக் கண்ட அப்பகுதி மக்கள், அதிர்ச்சியுடன் பார்த்து சென்றனர்.




செ.சல்மான், படம்: சே.சின்னதுரை

Dailyhunt

நெடுவாசல் பிரச்னையை கையில் எடுக்கும் மீம்ஸ் படை!

சமீப வருடங்களில் உலகை ஆச்சர்யத்துடன் திரும்பிப் பார்க்க வைத்த விஷயம் மீம்ஸ். முதலில் ட்ரோல் எனப்படும் சீண்டல் வகை மீம்ஸ்களே அதிகம் வர ஆரம்பித்தன. அதனைத் தொடர்ந்து வந்தவையும் காமெடியான விஷயங்களே. மெல்ல, அந்த வடிவத்துக்கு மக்கள் பழகியவுடன், போட்டோ மீம்ஸீல் இருந்து Gif, வீடியோ என வளர்ந்தது அதன் பயணம். இப்போது செய்திகளை கூட மக்கள் மீம்ஸில் படிக்கவே விரும்புகிறார்கள். பிறந்தநாள் வாழ்த்தில் தொடங்கி கோலியின் சதம் வரைக்கும் எல்லாவற்றுக்கும் மீம்ஸ் தான். மெரீனா போராட்டத்திலும் மீம்ஸின் பங்கு முக்கியமானது. அந்த மீம் க்ரியேட்டர்ஸ் அடுத்து கையில் எடுத்திருப்பது நெடுவாசல் போராட்டம் .

புதுக்கோட்டை மாவட்டம், நெடுவாசலில் ஹைட்ரோகார்பன் எடுக்கும் திட்டத்துக்கு சமீபத்தில் மத்திய அரசு ஒப்புதல் அளித்தது.
இது மீத்தேன் திட்டத்தின் இன்னொரு பெயர்தான். விவசாயத்தையும், மண்ணையும், மக்களையும் அழிக்கும் இந்தத் திட்டத்துக்கு உள்ளூர் மக்கள் எதிர்ப்பு தெரிவித்து வருகிறார்கள். அவர்களது போராட்டத்தை உலகளாவிய தமிழர்கள் மத்தியில் கொண்டு செல்லவும், இந்தத் திட்டம் பற்றியும், அதன் ஆபத்துகள் பற்றி எடுத்துச் சொல்லவும் மீம்ஸ்கள் பறக்க தொடங்கிவிட்டன. நாளுக்கு நாள் அதிகரித்து வரும் போராட்டங்களின் பின்னால் அணில் போல அல்ல; யானை போல இருந்து ஆதரவு அளித்து வருகிறார்கள் மீம்ஸ் க்ரியேட்டர்ஸ்.

இது பற்றி மீம் க்ரியேட்டர் ராஜீவிடம் பேசினோம்

"நானும் ஆரம்பத்துல காமெடிக்கு மட்டும் மீம்ஸ்ன்னு நினைச்சிட்டு இருந்தேன். ஆனா, அதோட ரீச்சும், பலமும் லேட்டாதான் புரிஞ்சது. ரத்தம் வேணும்னு ஒரு ஸ்டேட்டஸ் போடுறதுக்கும், அதையே ஒரு கான்செப்ட்ல அழகா மீமா போடுறதுக்கும் நிறைய வித்தியாசம் இருக்குன்னு புரிஞ்சது. மக்களோட மனச தொடுற விஷயத்துக்குத்தான் அவங்க அதிக முக்கியத்துவம் கொடுப்பாங்கன்னு தெரிஞ்சிக்கிட்டேன். இப்ப மக்களோட மனச ஈசியா ரீச் பண்ண மீம்ஸ் உதவியா இருக்கு. அத சரியான வழியுல பயன்படுத்தணும்ன்னு இளைஞர்களுக்கு தெரியுது. அதோட விளைவுகள்தான் இதெல்லாம். நெடுவாசல் மட்டும் இல்ல. இனிமேல் மக்கள் போராட்டங்கள் எல்லாத்திலும் மீம்ஸூக்கு பங்கு இருக்கும்"

இணையத்தில் பெரும்பாலும் தேவையற்ற விஷயங்களையே இளைஞர்கள் செய்து வருகிறார்கள் என்ற குற்றச்சாட்டு நிலவும் சூழலில், இது போன்ற விஷயங்கள் நம்பிக்கையை கொடுக்கின்றன. மீம்ஸ் உருவாக்குபவர்கள் கொஞ்சம் தேடி, அலசி உண்மையான, சரியான விஷயங்களை மட்டுமே கொடுப்பார்களேயானால், இந்த மாற்றம் நூற்றாண்டின் முக்கியமான விஷயமாக இருக்கும் என்பது மட்டும் உண்மை.

-கார்க்கிபவா

அத்தனை சொத்தும் அம்மா சினிமாவில் நடிச்சு சம்பாதிச்சது!' - சி ஆர் சரஸ்வதி


தமிழகத்தில் ஜெயலலிதா மறைவுக்கு பின்னர் அ.தி.மு.க.வில் ஏகப்பட்ட குழப்பம். உட்கட்சி மோதல்கள் இன்னமும் தீர்ந்தபாடில்லை. நாளொரு அறிக்கை, நாளொரு பேச்சு என 'இவங்க என்ன சொல்ல வர்றாங்க' என்று மக்கள் குழம்பும் அளவுக்கு பாரபட்சம் இல்லாமல் ஒவ்வொருவரும் குழப்பி எடுக்கிறார்கள். ஒரு புறம் ஓ.பன்னீர்செல்வம், மறுபுறம் புதிதாக கட்சி ஆரம்பித்திருக்கும் தீபா, மற்றொரு புறம் தீபக்..... இவர்களையெல்லாம் கண்காணித்தே டயர்ட் ஆகும் அதிமுக கட்சி தலைவர்கள் என்று அரசியல் காமெடியை ஒவ்வொரு நாளும் நாம் ரசிக்கும் நிலைக்கு தள்ளப்பட்டிருக்கிறோம்.

அதிமுகவில் அதிகம் வாய்ஸ் கொடுப்பவர் சி.ஆர்.சரஸ்வதி . இதையெல்லாம் எப்படி பார்க்கிறார் என்று அவரது சைலென்ஸை உடைத்தோம்.
''பொதுவாக ஒருத்தருக்கு சோதனைக் காலக்கட்டம் என்பது வாழ்வில் நிகழும். அது போல் அ.தி.மு.க சந்தித்துக் கொண்டிருப்பது. அத்தகைய காலகட்டத்தையே எம்.ஜி.ஆர் மறைவுக்கு பிறகு அம்மா கட்சியில் இருந்தே ஓரம்கட்டப்பட்டார் என்பது அனைவரும் அறிந்ததே. அந்த காலகட்டத்தை வென்று வந்தவர் அம்மா. அதன்பிறகே அவருடைய கட்சி விசுவாசத்தை உணர்ந்து அவர் பக்கம் வந்தார்கள் முக்கியத் தலைவர்கள். அவர்களை எல்லாம் ஏற்றுக் கொண்ட தாயுள்ளம் கொண்டவர் அம்மா. நாங்கள் அம்மாவின் உண்மையான விசுவாசிகள். கட்சி உடைந்து விடக்கூடாது என்பதில் நாங்கள் முழு நம்பிக்கையோடும், ஈடுபாட்டோடும் செயல்பட்டு வருகிறோம்.



அம்மா கடைசியாக சட்டமன்றத்தில் எனக்கு பின்னும் இந்தக் கட்சி 100 ஆண்டு காலம் நீடிக்கும் என சொல்லியிருக்கிறார். அவர் மனதில் எதை வைத்து சொன்னார் எனத் தெரியவில்லை. அது தீர்க்கதரிசனமான வார்த்தை. கடைசியாக அவர் பேசியதை, நிறைவேற்ற வேண்டும் என்பதே எங்கள் நோக்கம். அதைக் காப்பாற்ற அம்மா எங்களுக்குள் ஒரு சக்தியாக உறுதுணையாக இருந்து உதவுவார். கட்சியில் தற்போது ஏற்பட்டுள்ள குழப்பங்கள், சவால்கள், பிரச்னைகள் எல்லாம் தற்காலிகமானவை. அவையெல்லாம் விரைவில் சரியாகி விடும்.





ஒரு அவசரத்தில் முடிவெடுத்து கட்சியில் இருந்து சென்றவர்கள் விரைவில் கட்சியில் இணைவார்கள் என்ற நம்பிக்கை உள்ளது. ஓ.பி.எஸ்.க்கு ஒரு கருத்து, தீபாவுக்கு ஒரு கருத்து, தீபக்குக்கு ஒரு கருத்து என இருப்பதெல்லாம் ஜனநாயக நாட்டில் இயல்பானவை. அ.தி.மு.க.வின் வரலாற்றை சற்று முன்னோக்கிப் பார்த்தால் பல சோதனைகளை சாதனைகளாக்கி கடந்து வந்த மாபெரும் கட்சி. குழப்பங்கள் எல்லாம் சரியாக மாபெரும் சக்தியாக உருவெடுக்கும் என்பதில் ஐயமில்லை.

ஓபிஎஸ் அ.தி.மு.க.வின் தீவிர விசுவாசி. அவர் தனது நிலைப்பாட்டில் இருந்து மாறும் போது எல்லோருக்குமே ஒரு அதிர்ச்சி, ஆத்திரம் இருந்தது. அதனால் அவர் மீது எங்களுக்கு அன்றைய நிலையில் கோபம் இருந்தது. எங்கள் இயக்கத்தைப் பொறுத்தவரை அரசியல் எதிரி தி.மு.க. தான். இந்த இரண்டு கட்சிகளும் என்றுமே இணையாது. இது அனைவரும் அறிந்த விஷயம். அண்ணன் டி.டி.வி.தினகரன் பதவியேற்கும் போது 'எங்கள் கட்சி, கழகம் குடும்பம் போன்றது. குடும்பத்தில் சண்டையிட்டு செல்பவர்கள் மீண்டும் சேர்வது இயற்கை' எனக்கூறியுள்ளார். அதே நிலைப்பாட்டை தான் நாங்கள் சொல்கிறோம். கட்சியை விட்டு, குடும்பத்தை விட்டு சென்றவர்கள் மீண்டும் இணைய வேண்டும் என வலியுறுத்துகிறோம்.





ஜெயலலிதா மறைவுக்கு பின்னர் சின்னம்மா தான் எங்களை அம்மா ஸ்தானத்தில் இருந்து வழிநடத்துவார். சின்னம்மா என்பதை நாங்கள் அழைக்கவில்லை. அம்மா இருந்த காலத்திலேயே சசிகலாவை, எங்களிடம் 'சின்னம்மா' என்றுதான் அறிமுகப்படுத்துவார். திருமணமாகி 29 வயதில் இருந்து அம்மாவுடன் இணைந்து சுக, துக்கங்களை துறந்து அம்மாவுக்காக இருந்தவர் சின்னம்மா. அம்மாவும் தனக்கென ஒரு குடும்பத்தை தேடிக் கொள்ளாமல் மக்களுக்காக வாழ்ந்து மறைந்தவர். அத்தகைய ஒப்பற்ற அறிவார்ந்த அம்மாவுடன் ஒரு நாள் இருக்கும் வாய்ப்புக்கூட கிடைத்தால் அது மாபெரும் பாக்கியம். அந்த பாக்கியம், அத்தகைய வாய்ப்பு 33 ஆண்டுகளாக சின்னம்மாவிற்கு கிடைத்துள்ளது.

இந்த 33 ஆண்டுகளில் அம்மாவின் கோப, தாபங்களில் சுக, துக்கங்களில் பங்கெடுத்தவர் சின்னம்மா. கட்சிக்காக பணியாற்றியதற்காக அம்மா எனக்கு 2 முறை வாரியத் தலைவர், கட்சியில் பொறுப்பு என வழங்கினார். சின்னம்மா என்றோ அம்மாவின் துணையுடன் ராஜ்ஜிய சபா எம்.பி.ஆகி இருக்கலாம் அல்லது எம்.எல்.ஏ, மந்திரி ஆகியிருக்கலாம். ஆனால் சின்னம்மா என்றும் கட்சிப் பொறுப்பை விரும்பியதில்லை. அம்மாவுடன் இருப்பதே பாக்கியம் என திருமண வாழ்க்கையை துறந்து உடனிருந்தவர். சின்னம்மா அப்போதே தன்னை அரசியலில் கட்சியில் ஈடுபடுத்தியிருந்தால் இப்போது இந்த பிரச்னை வந்திருக்காது. அம்மா தற்போது இல்லை. அம்மாவை முழுமையாக புரிந்தவர் என்ற ரீதியில் சின்னம்மாவால் மட்டுமே கட்சியை திறம்பட நடத்த இயலும். சின்னம்மா இதுவரை அரசியலில் ஈடுபட வில்லை. வாய்ப்பு கொடுக்கப்பட்டு மக்களின் திட்டங்களை செயல்படுத்தும் போது தான் அவரின் திறமை மக்களுக்குத் தெரியும்.

அம்மா இறந்த பின்னர் அவரை நீதிமன்றம் குற்றவாளியாக அறிவித்திருப்பது, சின்னம்மா சிறையில் இருப்பது எல்லாம் எங்களை வேதனையில் ஆழ்த்தியுள்ளது. அம்மா நினைத்திருந்தால் 2001ல் சட்டமன்றத்திலேயே இப்பிரச்னையை முடித்திருக்கலாம். அப்போது, எதிர்கட்சித் தலைவராக இருந்த எஸ்.ஆர். பாலசுப்ரமணியம் 'இவ்வழக்கிற்காக நீங்கள் சட்டம் கொண்டு வாருங்கள். நாங்கள் ஆதரவளிக்கிறோம் என்றார். அப்போது அம்மா 'நான் எந்தத் தவறும் செய்யவில்லை. நீதிமன்றத்தில் நிரூபிப்பேன்' என்று கூறியவர் அம்மா.

அம்மா வாங்கிய சொத்துக்கள் அனைத்தும் சினிமாத்துறையில் சம்பாதித்த பணத்தில் வாங்கப்பட்டவை. அவர் மறைந்த பின்னர் அவரை குற்றவாளியாக்கியது, தி.மு.க.வினர் அம்மாவை குற்றவாளி என்பதெல்லாம் எங்ளுக்கு வேதனை அளிக்கிறது. சொத்து குவிப்பு வழக்கின் தீர்ப்பை எதிர்த்து மறுசீராய்வு மனு போட்டுள்ளோம். நிச்சயம் நல்ல செய்தி வரும் என எதிர்பார்க்கிறோம்'' என்றார்.

- ஆர். ஜெயலெட்சுமி.
Dailyhunt

ஜியோவின் அடுத்த டார்கெட் கால்டாக்ஸி


தொலைத்தொடர்பு தொழிலைத் தொடர்ந்து முகேஷ் அம்பானியின் ஜியோ நிறுவனம் இந்த ஆண்டில் கால்டாக்ஸி தொழிலில் கால்பதிக்கவுள்ளது. இந்த நிறுவனம் ஏற்கனவே 600 க்கும் மேற்பட்ட கார்களை வாங்கியுள்ளது. இந்தியாவின் முக்கிய நகரங்களான டில்லி, மும்பை, பெங்களூரு, சென்னை உள்ளிட்ட நகரங்களில் முதற்கட்டமாக கால்டாக்ஸி தொழிலை தொடங்கவுள்ளது. ஜியோவின் இந்த வருகையால் உபர், ஓலா உள்ளிட்ட கால்டாக்ஸி நிறுவனங்களுக்கு சவாலாக இருக்கும் என்று தெரிகிறது. ஜியோ கால்டாக்ஸியில் குறைந்த கட்டணம், இலவச Wifi உள்ளிட்ட சேவைகள் இருக்கும் என்று எதிர்பார்க்கப்படுகிறது. ஏற்கனவே உபர், ஓலா உள்ளிட்ட நிறுவனங்களின் டாக்ஸி ஓட்டுநர்கள் மற்றும் உரிமையாளர்கள் குறைவான கட்டணம் வசூலிப்பது குறித்து புகார் அளித்து வருகின்றனர்.
இந்நிலையில் ஜியோவின் வருகை கால்டாக்ஸி ஓட்டுநர்களையும், உரிமையாளர்களையும் பாதிக்கும் வாய்ப்பு உள்ளது. ஏற்கனவே ஜியோவின் வருகையால், ஏர்டெல், வோடபோன் உள்ளிட்ட தொலைதொடர்பு நிறுவனங்கள் ஆட்டம் கண்டுள்ள நிலையில், கால்டாக்ஸியிலும் ஜியோ கால்பதிக்கவுள்ளது போட்டி நிறுவனங்களுக்கு அச்சத்தை ஏற்படுத்தியுள்ளது.


Dailyhunt

முகமது அலி மகனை கைது செய்த அமெரிக்கா

VIKATAN 

பாக்ஸிங் லெஜண்ட் முகமது அலியின் மகன், அமெரிக்காவின் ப்ளோரிடா விமான நிலையத்தில் கைது செய்யப்பட்டுள்ளார். பின் விமான நிலையத்தில், இரண்டு மணி நேரத்துக்கும் மேல் அவரிடம் அதிகாரிகள் விசாரணை நடத்தியுள்ளனர். அப்போது, நீங்கள் முஸ்லீமா? என்று அவரிடம் கேள்வி கேட்கப்பட்டுள்ளது. மேலும் பல கேள்விகள் அவரிடம் கேட்கப்பட்டுள்ளது. குறிப்பாக, அவரது பெயர் குறித்தும் அதிகாரிகள் சர்ச்சைக்குரிய விதத்தில் கேள்வி எழுப்பியுள்ளனர். இந்த சம்பவம் உலகம் முழுவதும் அதிர்ச்சியை எழுப்பியுள்ளது.

இதுகுறித்து அமெரிக்கா, "நாங்கள் யாரையும் வேண்டுமென்று பிடித்து வைத்து விசாரணை நடத்தவில்லை. தினசரி பல்லாயிரக்கணக்கான மக்கள் வருகையில், எப்படி தனி ஒருவரை பிடித்து அவ்வளவு நேரம் விசாரணை நடத்த முடியும்?

" என்று கூறியுள்ளது.


Dailyhunt

உத்தரப்பிரதேச ஏடிஎம்மிலும் போலி ரூபாய் நோட்டு!

உத்தரப்பிரதேச மாநிலம் ஷாஜஹான்பூரில் உள்ள ஒரு எஸ்பிஐ ஏடிஎம்மில் போலி ரூ.2,000 நோட்டு ஒன்று வந்துள்ளது. புனித் குப்தா என்பவர் எஸ்பிஐ ஏடிஎம்மில் பணம் எடுத்துள்ளார். அப்போது, ஐந்து 2,000 ரூபாய் நோட்டுகளில், ஒரு ஸ்கேன் செய்யப்பட்ட நோட்டு இருந்ததாக அவர் கூறியுள்ளார். இதுதொடர்பாக, வங்கி மற்றும் காவல்நிலையத்தில் அவர் புகார் அளித்துள்ளார்.

கடந்த சில நாட்களுக்கு முன் டெல்லி எஸ்பிஐ ஏடிஎம்மில் போலி ரூ.2,000 நோட்டுகள் வந்து அதிர்ச்சியை கிளப்பியது. அந்த அதிர்ச்சி அடங்குவதற்குள் தற்போது, உத்தரப் பிரதேச ஏடிஎம்மிலும் போலி நோட்டு வந்துள்ளது.

Dailyhunt

ஜெயலலிதா பெயரில் மரம் நடுவிழா!' அரசு விளம்பரத்தின் சர்ச்சை




கடந்த ஆண்டு இதே நாள் ஜெயலலிதாவின் 68-வது பிறந்த நாளையொட்டி, 68 லட்சம் மரக்கன்றுகள் நடும் திட்டத்தை ஜெயலலிதா துவக்கி வைத்தார். இதற்காக அரசு சார்பில் நாளிதழ்களில் முழு பக்க விளம்பரம் கொடுக்கப்பட்டிருந்தது. அப்போதைய தலைமைச் செயலாளர் ஞானதேசிகனும், வனத்துறை செயலாளர் ஹன்ஸ்ராஜ் வர்மாவும் இந்த விளம்பரத்தை கொடுத்திருந்தார்கள்.

"முதலமைச்சர் ஜெயலலிதாவின் பிறந்த நாளுக்காக மரம் நடுவது வரவேற்க வேண்டியது தான். ஆனால் அதற்காக அரசு செலவில் நாளிதழ்களுக்கு விளம்பரம் கொடுப்பது என்பதை ஏற்க முடியாது. தலைமைச் செயலாளரின் இந்த போக்கு கண்டனத்துக்குரியது" என அப்போதே சர்ச்சை எழுந்தது. ஆனால் அதைப்பற்றி அ.தி.மு.க.வும், அப்போதைய முதல்வர் ஜெயலலிதாவும், அதிகாரிகளும் கண்டுகொள்ளவில்லை.

இன்று ஜெயலலிதாவின் 69-வது பிறந்த நாள் கொண்டாடப்படுகிறது. ஜெயலலிதா இப்போது உயிரோடு இல்லை. முதல்வராகவும் இல்லை. மறுபுறம் சொத்துக்குவிப்பு வழக்கில் குற்றவாளி என தெரிவிக்கப்பட்டிருக்கிறார். இந்த சூழலில், ஜெயலலிதாவின் 69-வது பிறந்த நாளையொட்டி, 69 லட்சம் மரக்கன்றுகள் நடும் திட்டத்தை தற்போதைய முதல்வர் எடப்பாடி பழனிசாமி துவக்கி வைத்திருக்கிறார்.

இதற்காக இன்றைய நாளிதழ்களில் முழு பக்க விளம்பரங்கள் அரசு சார்பில் வழங்கப்பட்டுள்ளது. இப்போதைய தலைமைச் செயலாளர் கிரிஜா வைத்தியநாதன், சுற்றுச்சூழல், வனத்துறை முதன்மைச் செயலாளர் அதுல்ய மிஸ்ரா ஆகியோர் இந்த விளம்பரத்தை கொடுத்திருக்கிறார்கள். இந்த விளம்பரம் இப்போது பெரும் சர்ச்சையை ஏற்படுத்தியிருக்கிறது.

ஜெயலலிதா மீதான சொத்துக்குவிப்பு வழக்கில் கீழமை நீதிமன்றம் கொடுத்த தீர்ப்பை உச்ச நீதிமன்றம் உறுதி செய்துள்ளது. ஜெயலலிதா இறந்து விட்டதால் அவர் விலக்கப்பட்டாலும், ஊழல் குற்றச்சாட்டுகளின் அடிப்படையில் ஜெயலலிதா குற்றம் புரிந்துள்ளார் என உச்ச நீதிமன்றம் கூறியுள்ளது. எனவே அரசுதிட்டங்களில், அவரது புகைப்படங்களை பயன்படுத்துவது என்பது, அரசியலமைப்பு சட்டத்தையும், மக்கள் பிரதிநிதித்துவ சட்டத்தையும் மீறுவது போலாகும். இதையடுத்து ஜெயலலிதாவின் படங்கள் அம்மா உணவகம் உள்ளிட்ட இடங்களில் மறைக்கப்பட்டது.



இந்தச் சூழலில் ஜெயலலிதா பெயரில் மரம் நடும் திட்டத்தை அறிவித்ததோடு, அதற்காக அரசு செலவில் விளம்பரம் கொடுக்கப்பட்டிருப்பது சர்ச்சையை ஏற்படுத்தியிருக்கிறது. மக்களுக்கான இந்த திட்டத்துக்கும், விளம்பரங்களுக்கும் அரசின் வருவாயில் இருந்து தான் நிதி செலவிடப்படுகிறது. ஊழல் வழக்கில் குற்றவாளியாக உள்ள ஒருவருக்கு, அரசு திட்டங்களில் விளம்பரம் செய்யப்படுவது என்பது ஏற்க முடியாது.

இந்த விளம்பரத்தை கட்சியோ, கட்சியின் நிர்வாகிகளோ கொடுக்கவில்லை. அரசு சார்பில் தலைமைச் செயலாளர் கொடுத்திருக்கிறார். உச்ச நீதிமன்ற தீர்ப்புக்கு பின்னரும் ஜெயலலிதாவின் புகைப்படங்களை அரசு அலுவலகங்களில் வைத்திருப்பதே தவறு என தொடர்ச்சியாக முன்வைக்கப்பட்டு வரும் நிலையில், அரசு சார்பில் பெரும் செலவிட்டு விளம்பரம் கொடுத்திருப்பது பெரும் சர்ச்சையை ஏற்படுத்தியிருக்கிறது.

'அட விடுங்கப்பா... மரம் தானே நடறாங்க. நல்லது தானே'னு சொல்பவர்கள், கடந்த ஆண்டு ஜெயலலிதாவின் 68-வது பிறந்த நாளுக்கு நடப்பட்ட 68 லட்சம் மரக்கன்றுகள் நிலை என்ன ஆனது என்பதை அறிந்து சொல்லவும்.

- ச.ஜெ.ரவி

‘ஹைட்ரோ கார்பன்’ திட்டத்துக்கு வலுக்கிறது எதிர்ப்பு... அடுத்தடுத்த போராட்டத்தால் பரபரக்கும் 'நெடுவாசல்'




தமிழகத்தில் ஜல்லிக்கட்டுக்கான போராட்டம் ஓய்ந்த நிலையில், அடுத்த போராட்டம் தீவிரமடைந்திருக்கிறது. புதுக்கோட்டை மாவட்டம் நெடுவாசலில், ஹைட்ரோ கார்பன் திட்டத்தைச் செயல்படுத்த எதிர்ப்பு தெரிவித்துத் துவங்கிய போராட்டம், தற்போது விஸ்வரூபம் எடுத்துள்ளது. புதுக்கோட்டை மாவட்ட விவசாயிகள், பொதுமக்களைக் கடந்து, தமிழகம் முழுவதும் இந்த விவகாரம் பெரும் கொந்தளிப்பை ஏற்படுத்தியிருக்கிறது. அடுத்தடுத்த போராட்ட அறிவிப்பால் நெடுவாசலில் பரபரப்பான சூழல் ஏற்பட்டுள்ளது.

இந்தத் திட்டத்துக்கான ஆய்வு மேற்கொள்ள வந்த எண்ணெய் மற்றும் இயற்கை எரிவாயுக் கழக (ONGC ) அதிகாரிகளை முற்றுகையிட்டுப் போராட்டம் நடத்திய விவசாயிகள், ஹைட்ரோ கார்பன் திட்டத்துக்கு எதிராக கையெழுத்து இயக்கத்தைத் துவக்கினர். தொடர்ந்து, ஹைட்ரோ கார்பன் எதிர்ப்புக் கூட்டியக்கம் ஒன்று துவங்கப்பட்டுள்ள நிலையில், போராட்டம் தீவிரமடைந்துள்ளது.



நெடுவாசலில், ஹைட்ரோ கார்பன் எடுக்கும் திட்டத்துக்கான எதிர்ப்பு, இப்போது கிளம்பியது இல்லை. கடந்த ஓராண்டாகவே இந்தத் திட்டத்துக்கு நெடுவாசல் பகுதி விவசாயிகள் எதிர்ப்பு தெரிவித்துவருகிறார்கள். கடந்த ஆண்டு, எண்ணெய் மற்றும் இயற்கை எரிவாயுக் கழகம் (ONGC), எரிவாயு சோதனைக்காக இரண்டு விவசாயிகளின் நிலத்தைக் கையகப்படுத்தி, ஆழ்துளைக் கிணறு அமைக்க முற்பட்டபோதே... விவசாயிகள் கடுமையாக எதிர்த்தனர். இதனால், அந்தத் திட்டப்பணிகள் நிறுத்திவைக்கப்பட்டன.

எப்படியும் திட்டம் கைவிடப்படும் என எதிர்ப்பார்த்துக் காத்திருந்த விவசாயிகள், திட்டப்பணிகளை மத்திய அரசு தீவிரப்படுத்தவே, அதிர்ந்துபோனார்கள். இந்தியாவில், 31 இடங்களில் இயற்கை எரிவாயுவான ஹைட்ரோ கார்பன் எடுக்க மத்திய அரசு முடிவுசெய்தது. இதில், தமிழகத்தில் உள்ள நெடுவாசலும் ஒன்று.

இதற்கான எந்தத் தகவலும் மக்களுக்குத் தெரியப்படுத்தப்படவில்லை. குறைந்தபட்சம் கருத்துக் கேட்புக் கூட்டத்தைக்கூட அரசு நடத்தாததுதான் உச்சம். இந்தத் திட்டம் அமல்படுத்தப்பட்டால், மிகப்பெரும் பாதிப்புகள் ஏற்படும் என விவசாயிகள் அஞ்சினர். விவசாயம் பாதிக்கப்படும், நிலத்தடி நீர்மட்டம் பெருமளவு குறையும் என்ற அச்சம், விவசாயிகளையும், அப்பகுதி மக்களையும் கொந்தளிக்க வைத்தது.



"நெடுவாசல் பகுதி, மண்வளம் மிகுந்த பகுதி.விவசாயத்துக்கு ஏற்ற நிலமாகவும் இருக்கிறது. நெல், கரும்பு, வாழை போன்ற பயிர்கள் விளையக்கூடிய நிலமாகும். ஏற்கெனவே, புதுக்கோட்டை மாவட்டத்தில் கடுமையான வறட்சி நிலவும் நிலையில், நெடுவாசல் பகுதிதான் ஓரளவு வளமான பகுதியாக இருக்கிறது. நிலத்தடி நீர்மட்டம் பெருமளவு குறைந்த நிலையில், இந்தத் திட்டம், நிலைமையை மிக மோசமாக்கும். ஏற்கெனவே, விவசாயிகள் நீரின்றி தற்கொலை செய்துகொள்ளும் நிலைக்குத் தள்ளப்பட்டுள்ளோம்; இந்தச் சூழலில், இந்தத் திட்டம் விவசாயிகளை ஒரேயடியாக வீழ்த்திவிடும். விவசாயத்தை கேள்விக்குறியாக்கும். எனவே, இந்தத் திட்டத்தை மத்திய அரசு கைவிட வேண்டும்," என விவசாயிகள் வலியுறுத்துகின்றனர்.

"பொதுவாக, கடலை ஒட்டிய பகுதிகளில் மேற்கொள்ளப்படும் ஹைட்ரோ கார்பன் எடுக்கும் திட்டம், விவசாய நிலங்களைக்கொண்ட நெடுவாசலில் மேற்கொள்வது ஏன் என்றும், பூமியில் உள்ள நீரை உறிஞ்சி எடுக்கப்படும் இந்தத் திட்டத்தால் விவசாயம் அழியும்," என்றும் விவசாயிகள் அஞ்சுகின்றனர்.



நெடுவாசலில் மட்டுமல்லாது, தமிழகம் முழுவதும் ஹைட்ரோ கார்பன் எடுக்கும் திட்டத்துக்கு எதிரான போராட்டங்கள் வெடிக்கத்துவங்கி இருக்கிறது. ஹைட்ரோ கார்பன் திட்டத்துக்கு எதிராக கையெழுத்து இயக்கம் நடத்தி, அந்த மனுவை மாவட்ட ஆட்சியரிடம் வழங்கிய விவசாயிகளுடன் பொதுமக்களும் போரட்டம் நடத்தி வருகிறார்கள். மேலும் அதிகாரிகள் சிறைபிடிப்பு, ஆர்ப்பாட்டம், உண்ணாவிரதம் எனத் தொடர்ச்சியான போராட்டங்களை முன்னெடுத்துவருகிறார்கள்.

ஹைட்ரோ கார்பன் திட்டத்தின் ஆபத்தை உணர்ந்து பல்வேறு அரசியல் கட்சிகளும் அமைப்புகளும் விவசாயிகளின் போராட்டத்துக்கு ஆதரவு அளித்துள்ளன. ஜல்லிக்கட்டுப் போராட்டத்தைப் போலவே ஹைட்ரோ கார்பன் எடுக்கும் போராட்டத்துக்கும் மாணவர்கள், இளைஞர்கள், சுற்றுச்சூழல் ஆர்வலர்கள் உள்ளிட்டோர் ஆதரவு தெரிவித்துவருகின்றனர். புதுக்கோட்டையில், கல்லூரி மாணவர்கள் வகுப்புகளைப் புறக்கணித்துவிட்டு, போராட்டத்தை நடத்தினர். இதனால், இந்த விவகாரம் விஸ்வரூபமெடுத்துள்ளது.

இந்தியாவில், மொத்தம் 31 இடங்கள் ஹைட்ரோ கார்பன் எடுக்கும் திட்டத்துக்காகத் தேர்வுசெய்யப்பட்டுள்ளது. இதில், தமிழகத்தில் நெடுவாசலும் ஒன்று. புதுச்சேரி மாநிலத்தில் காரைக்காலும் இந்தத் திட்டத்துக்கு தேர்வுசெய்யப்பட்டுள்ளது. ஹைட்ரோ கார்பன் திட்டம் செயல்படுத்தப்பட்டால், புதுக்கோட்டையில் சுமார் 100 கிராமங்களில் 5 லட்சம் மக்கள் கடுமையான பாதிப்புக்கு உள்ளாவார்கள் என்றும் அஞ்சப்படுகிறது.

இன்னுமொரு மாபெரும் போராட்டத்தைத் தமிழகம் சந்திக்கும் நிலை ஏற்பட்டுள்ளது.

- ச.ஜெ.ரவி,

படங்கள் : ம.அரவிந்த்

திருமலை திருப்பதி வெங்கடேசப் பெருமாளுடன் ஒருநாள்!



திருப்பதியில் சுவாமி தரிசனம் செய்ய நீண்ட நேரம் ஆகிறதே என்ற கவலை நம்மில் பலருக்கும் இருக்கும். ஆனால், அப்படி நீண்ட நேரம் ஆவதற்கு உரிய காரணம் என்ன என்பதை நாம் அறிந்து கொண்டால், அவர் மேல் நமக்கு கோபம் வராது. நித்தியப்படிக்கு அதாவது தினம்தோறும் அவருக்கு செய்யப்பட்டும் சேவைகளால்தான் இத்தனை நேரம் ஆகிறது. இந்த சேவைகள் எல்லாம் இன்று நேற்றல்ல, ஶ்ரீராமானுஜர் அவர்களால் வரையறுக்கப்பட்டு ஆயிரம் ஆண்டுகளாக நடந்து வருபவை. ஒரு நாள் முழுவதும் அங்கு நடைபெறும் சேவைகள் பற்றிய தொகுப்பு இது.



திருமலையில் ஒரு நாள் முழுவதும் வெங்கடேசப் பெருமாளுடன் இருந்து அங்கு நடை பெறும் சேவை மற்றும் பூஜைகளைக் கண்டுகளிப்போம். ஒவ்வொரு சேவை நடந்துமுடிந்ததும்தான், ‘ஸ்பெஷல் தரிசனம்’, ‘சர்வ தரிசனம்’, ‘திவ்ய தரிசனம்’ காண வரும் பக்தர்கள் அனுமதிக்கப்படுகிறார்கள். திருமலையானுக்குரிய நித்தியசேவைகள்.

சுப்ரபாத சேவை

விடியற்காலை -3.00 முதல் 3.30மணி
நம்மைப் போல் அவர் 8 மணிநேரமும் தூங்குவதில்லை... 8 மணி வரையிலும் தூங்குவதில்லை. சுப்ரபாத சேவையின் மூலம் அவரை விடியற்காலை 3 மணிக்கெல்லாம் பள்ளியெழச் செய்கிறார்கள்.

‘’கௌசல்யா சுப்ரஜா ராம! பூர்வா சந்த்யா ப்ரவர்ததே!
உத்திஷ்ட நரசார்தூல! கர்தவ்யம் தைவமாஹ்நிகம்!!’’

ஆழ்வார்கள் கூற்றுப்படி வழிவழியாய் ஆட்செய்யப்பட்டு வரும் கைங்கர்யங்களில் ஒன்று எம்பெருமானைத் துயிலெழுப்பும் திருப்பள்ளி எழுச்சியை உணர்த்தும் சேவையே சுப்ரபாத சேவையாகும். 15 ம் நூற்றாண்டில் ஸ்ரீமணவாள மாமுனி சீடரான பிரதிவாதி பயங்கரம் அண்ணன் ஸ்வாமி எழுதினார். இந்த திவ்ய கானத்தை எங்கு கேட்டாலும், மனது திருமலை க்ஷேத்திரத்தை சென்றடைகிறது.
ஒவ்வொரு நாளும் பிரம்ம முகூர்த்தத்தில் (விடியற்காலை 3.00-3.30 மணி)

தோமாலை சேவை
தோமாலை சேவை போக ஸ்ரீநிவாச மூர்த்திக்கு அபிஷேகம் புஷ்ப அலங்காரப் பிரியனான திருவேங்கட முடையானின் திவ்ய மங்கள மூர்த்திக்கு அநேக புஷ்ப மாலைகளுடன், துளசி மாலைகளோடு செய்யும் அலங்காரம் தோமாலை சேவை!.

சேவை நேரத்தில் மாலைகள் உள்ள மூங்கில் கூடையை ஜீயர் ஸ்வாமிகள் தலைமீது சுமந்து, சத்ர சாமரங்களுடன் பலகை மணி, சின்னடோலி ஒலிக்க, சந்நிதி இடையர் தீவட்டியுடன் வழிகாட்ட புஷ்ப அறையிலிருந்து புறப்பட்டு துவஜஸ்தம்பத்தை பிரதட்சணம் பண்ணி, வெள்ளி வாயில் வழியாக உள்ளே வந்து விமான பிரதட்சணம் செய்து தங்க வாயில் வழியாகச் சென்று ஸ்வாமி சந்நிதிக்குள் சமர்ப்பிப்பார்.
அர்ச்சக ஸ்வாமிகள் இந்த மாலைகளை ஸ்வீகரித்து மூல மூர்த்தியின் திருமார்புக்கும்,திருக்கழுத்துக்கும், மலர் மாலைகளை அணிவிப்பார்.



கொலுவு (தர்பார்)

தங்க வாயிலை ஒட்டி உள்ளே இருக்கும் அறையை ‘ஸ்நாபன மண்டபம்’ என்பார்கள். இங்கே திருமலையானுக்கு பிரதி தினமும் ஆஸ்தானம் நடைபெறும். ஸ்ரீநிவாச மூர்த்தியை மங்கள வாத்தியம் முழங்க, ஸ்நாபன மண்டபத்தில் தங்க சிம்மாசனத்தில் கொலுவிருக்க வைப்பார்கள்.
ஆஸ்தான பண்டிதர் ஸ்ரீநிவாச பிரபுவுக்கு பஞ்சாங்கத்தை வாசித்து, அன்றைய திதி, வார, நட்சத்திர, யோக, கரணங்களைக் கூறுவார். அன்றைய உத்ஸவ விசேஷங்களை ஸ்வாமிக்குத் தெரிவிப்பர்.

அதே போன்று மறுநாள் திதி, வார, நக்ஷத்திரங்களையும் செவிமடுப்பார்கள். நித்திய அன்னப்பிரசாத திட்டத்துக்கு சிறந்த அளவில் நன்கொடை வழங்கிய நன்கொடையாளர்களின் பெயர்களை எம்பெருமானிடத்தே வாசிப்பார்கள். பொக்கிஷதாரர்(கணக்கு) குமாஸ்தா எம்பெருமானுக்கு சமர்பிக்கப்பட்ட முந்தைய நாள் வருவாய் விவரங்களை, ஆர்ஜித சேவையின் மூலம், பிரசாதங்களின் விற்பனை மூலம், உண்டியல் மூலம், காணிக்கையாக வந்த தங்கம், வெள்ளி, செம்பு மற்றும் இதர உலோகப் பாத்திரங்கள், நகைகள் போன்றவற்றின் மூலம் வந்த நிகர வருவாயை பைசாவே வரை கணக்கிட்டு ஸ்ரீநிவாச மூர்த்திக்கு விவரமாகக் கூறி பக்தி பிரபத்தியோடு சாஷ்டாங்க நமஸ்காரம் பண்ணி விடைபெறுவார்.

சஹஸ்ரநாமார்ச்சனை

திருமலை க்ஷேத்திரத்தில் ஸ்ரீவேங்கடேஸ்வர ஸ்வாமிக்கு ஒவ்வொரு நாளும் மூன்று வேளை இந்த அர்ச்சனை சேவை நடைபெறும். உதயத்தில் நடைபெறும் முதல் அர்ச்சனையின் போது ஸ்வாமியை சஹஸ்ரநாமா வளியுடனும், மதியம், மாலை நடைபெறும் அர்ச்சனையின் போது அஷ்டோத்த சதநாமாவளியுடனும் அர்ச்சிக்கப்படுகின்றது. திருக்கோயிலில் காலை 4 மணியிலிருந்து 5 மணிக்குள் நடைபெறும்.

எம்பெருமானுக்கு சக்கரைப் பொங்கல், புளியோதரை, பொங்கல் முதலான அன்ன பிரசாதத்துடன் லட்டு, வடை போன்றவற்றையும் சேர்த்து நிவேதனம் செய்வார்கள். இதற்கு முன்பே ஒரு பரிசாரகர் சுவாமி மடைப்பள்ளியிலிருந்து பிரசாதங்களை மேளதாள மரியாதையுடன் வராஹ சுவாமி திருக்கோயிலுக்கு எடுத்துச் செல்வார்.

திருமலை க்ஷேத்திர சம்பிரதாயப்படி ஸ்ரீவராஹ சுவாமிக்கு முதல் நிவேதனம் நடைபெறும். அங்கு நிவேதனம் நடந்த பிறகு இங்கு ஆனந்த நிலையத்தில் எம்பெருமானுக்கு நைவேத்தியம் நிவேதிக்கப்படுகிறது. அதன் பின்னர் அர்ச்சக ஸ்வாமிகள் சுகந்த திரவியம் பூசின தாம்பூலத்தை பக்தியுடன் சுவாமிக்கு சமர்ப்பிக்கின்றனர்.

நித்திய கல்யாணோத்ஸவம்
ஸ்ரீதேவி, பூதேவி உடனுறை ஸ்ரீ மலையப்ப ஸ்வாமிக்கு நித்திய கல்யாணோத்ஸவம் நடைபெறுகிறது. இரண்டாவது அர்ச்சனை, மணி நிவேதனம் பூர்த்தியான பிறகு, திருமலையான் உற்சவ மூர்த்தியை சகல ராஜமரியாதையுடன் ஆனந்த நிலையத்திலிருந்து சம்பங்கி பிரதட்சணத்தில் உள்ள கல்யாண மண்டபத்துக்கு எழுந்தருளப் பண்ணுவார்கள். 15 ம் நூற்றாண்டில், தாளப்பாக்கம் வம்சத்தாரால் இந்த கல்யாணோத்ஸவம் ஆரம்பிக்கப்பட்டதாக கல்வெட்டு மூலம் தெரிகிறது.

தாளப்பாக்கம் வம்சத்தவரே இன்னும் கன்னியாதானம் பண்ணுவது குறிப்பிடதக்கது. உலக மக்கள் நலமுடனும் வளமுடனும் வாழ பெண்கள் இப்பிறவியிலும் அடுத்து பிறவியிலும் சுமங்கலிகளாக இருக்க வேண்டும் என்னும் மகா சங்கல்பத்தோடு ஏழுமலையானுக்கு கல்யாணோத்ஸவம் பண்ணுவது வழக்கம்.

இங்கு நித்திய கல்யாணம் பண்ணுவதாலே இங்கு எழுந்தருளியுள்ள எம்பெருமானை, ‘நித்திய கல்யாண சக்கரவர்த்தி’ என்றும் அழைக்கின்றனர். ஒவ்வொரு நாளும் நண்பகல் 12 மணி முதல் 1 மணி வரை நிர்வகிக்கும்.



டோலோத்ஸவம்
ஸ்ரீதேவி, பூதேவி சமேத ஸ்ரீ மலையப்பஸ்வாமி கல்யாணோத்ஸவத்துக்குப் பிறகு கிரஹஸ்தர்களின் பிரார்த்தனைக்கு இணங்க கண்ணாடி அரங்கத்துக்கு எழுந்தருளப்பண்ணுகின்றனர். இந்த மண்டபம் நடுவில் அமைக்கப்பட்டுள்ள டோலில் (ஊஞ்சலில்) ஸ்வாமியை உபய நாச்சிமார்கள் சமேதராக ஊஞ்சல் சேவையை நிர்வகிக்கின்றனர். ஒவ்வொரு நாளும் மதியம் 1.00 முதல் 2.00 மணிக்கு மத்தியில் நடைபெறும்.

ஆர்ஜித பிரம்மோத்ஸம்
உபய நாச்சிமார்களுடன் எழுந்தருளும் மலையப்ப ஸ்வாமிக்கு வாகன சேவையை நிர்வகிப்பது ஆர்ஜித பிரமோத்ஸவமாக அழைக்கப்படுகின்றது. பக்தர்களின் முன்னிலையில், மலையப்ப சுவாமியை வரிசையாக செஷ, கருட, அனுமன் வாகனங்கள் மீது எழுந்தருளப் பண்ணுவித்து கற்பூர நீராஜனம் சமர்ப்பிப்பர். பிரதி தினம் மதியம் 2 மணி முதல் 3 மணி வரை மத்தியில் வைபவோத்ஸவ மண்டபத்தில் நடைபெறும்.

ஆர்ஜித வசந்தோத்ஸவம்
ஆர்ஜித வசந்தோத்ஸவத்துக்கு நிர்ணயிக்கப்பட்ட கட்டணத்தைச் செலுத்தி பக்தர்களின் முன்னிலையில் வசந்தோத்ஸவம் நடைபெறுகிறது. பால், தயிர், சந்தனம், மஞ்சள் முதலான அபிஷேக பொருட்களுடன் கண்ணுக்கு விருந்தாக அமையும். இந்த வசந்தோத்ஸவம் வைப வோத்ஸவ மண்டபத்தில் மாலை 3-4 மணிக்கு மத்தியில் நிர்வகிக்கப்படுகிறது.

சஹஸ்ர தீபலங்கார சேவை
உபய தேவிமார்களுடன் எழுந்தருளும் மலையப்ப ஸ்வாமி சர்வ அலங்காரத்துடன் வைபவோத்ஸவ மண்டபத்திலிருந்து கொலுவு மண்டபத்துக்கு எழுந்தருள்வார் .அதற்குள் திவ்ய உலகமாக ஒளிர்விடும் சஹஸ்ர தீபங்களின் இடையில் உள்ள ஊஞ்சலில் எம்பெருமான் உபய தேவிமார்களுடன் எழுந்தருளி பக்தர்களுக்கு திருக்காட்சியளிக்கின்றார். வேத, நாத, கானங்களைக் கேட்டுக் கொண்டு மலையப்ப ஸ்வாமி மெதுவாக ஊஞ்சலில் ஆடியபடி பக்தர்களுக்கு சேவை சாதிக்கின்றார்.

ஆலயமணி மணியோசை
தினமும் மாலை வேளையில் எம்பெருமானின் நைவேத்தியத்தின் போது ஒலிக்கும் ஆலய மணியோசை இல்லந்தோறும் ஒலிக்க வேண்டும் என்றும் எண்ணத்தில் ஸ்ரீவேங்கடேஸ்வரா பக்தி சானல் தினமும் மாலை வேளையில் 7.30 மணி முதல் 8.00 மணி வரை இதனை நேரடி ஒளிபரப்பு செய்கின்றது.



ஏகாந்த சேவை
எம்பெருமான் திருக்கோயிலில் இறுதியாக நடைபெறும் சேவை ஏகாந்த சேவை. தங்கக் கட்டிலை கொண்டு வந்து ஆனந்த நிலையத்தின் முன்பு உள்ள சயன மண்டபத்தில் வெள்ளி கொலுசில் தொங்கவிடப்பட்டு அதன் மீது பட்டு மெத்தை, தலை அணை அமர்த்துவர்.

திருமலையானுடைய பரம பக்தரான தாரிகொண்ட வெங்கமாம்பாள் வம்சத்தவர்கள் அந்தத் தங்கக் கட்டிலைச் சுற்றி வைப்பர். தாரிகொண்ட வெங்கமாம்பாள் சார்பில் சமர்பிக்கப்படும் முத்துஹாரத்தி தட்டை, ஏகாங்கிக்கு அளித்து அவர் வெளியே வந்து விடுவார். சந்நிதியிடையர் இந்த கட்டிலின் முன்பு இரண்டு தீபங்களை ஏற்றி வெளியே வருவார்.

அர்ச்சக ஸ்வாமிகள் ராமர் மேடை கதவை சாத்தி, தங்கவாயிலுக்குத் திரையிடுவார். அப்போது கருட மண்டபம் அருகே சன்னாயி மேளம் கேட்பதற்கு இனிமையாக வாசிக்கப்படும். ஆலயத்துக்குள் அர்ச்சக ஸ்வாமிகள், எம்பெருமானுக்கு உபசாரங்கள் பண்ணி, பல்வேறு பழங்களால் சர்க்கரை, தேன்கலந்து தயார் செய்யப்பட்ட பிரசாதத்தை, சர்க்கரை, முந்திரிபருப்பு, பாதாம் பருப்பு, உலர்ந்த திராட்சை, ஏலக்காய், உலர்ந்த தேங்காய்த் துண்டு கலந்து தயார் செய்த பிரசாதத்தையும் சர்க்கரை கலந்த சூடான பாலையும், நிவேதிப்பர். சுகந்த திரவிய வாசனைக் கலந்த தாம்பூலத்தை சமர்ப்பித்து, கற்பூர நீராஜனம் சமர்ப்பிப்பர்.

அதன் பின்னர் அர்ச்சக ஸ்வாமிகள் மறுபடியும் ஸ்வாமிக்கு பாத நமஸ்காரம் பண்ணி, அங்குள்ள போக ஸ்ரீநிவாசமூர்த்தியை பஞ்சசயனத்தின் மீது பள்ளி கொள்ளுமாறு பிரார்த்தித்து, கட்டிலின் மீதிருந்து பக்தர்களை காணும்படிக்கு தென்னிசை தலை வைத்தப்படி பள்ளிகொள்ளச் செய்வார்கள்.

கோயிலின் உள்ளே இந்த ஏற்பாடுகள் நடைபெற்றுக் கொண்டிருக்க பக்தர்கள், தங்கவாயில் முன்பு உட்கார்ந்து ஸ்வாமி தரிசனந்துக்காக எதிர்பார்த்துக் கொண்டிருப்பார்கள்.

ஏகாந்த சேவைக்கு பிறகு யாரும் விமான பிரதட்சணம் செய்யமாட்டார்கள். அந்த சமயத்தில் அங்கு தேவதைகள் உலவுவதாக ஐதீகம்.

எஸ்.கதிரேசன்

'எனக்காக சின்னம்மா காலில் விழுந்தார் பன்னீர்செல்வம்... ஏன் தெரியுமா?' - கொதிக்கும் தம்பிதுரை

சசிகலா, ஓ.பன்னீர்செல்வம், தீபா என மூன்று தலைமைகளோடு மூன்றாக பிரிந்து நிற்கிறது அ.தி.மு.க. ஒவ்வொரு தரப்பும் இன்னொரு தரப்பை கடுமையாக விமர்சித்து வருகிறது. சசிகலா தரப்பில் இருந்து இப்படியான கடுமையான விமர்சனங்களை முன்வைப்பவர் அ.தி.மு.க. கொள்கை பரப்புச் செயலாளரும், மக்களவை துணை சபாநாயகருமான தம்பிதுரை. ஜெயலலிதாவின் 69வது பிறந்த நாளையொட்டி, கரூரில் அ.தி.மு.க. ஏற்பாடு செய்த பொதுக்கூட்டத்தில் பேசிய தம்பிதுரையின் பேச்சில் சூடு அதிகமாகவே இருந்தது. கூட்டத்தில் தம்பிதுரை பேசியதாவது.

"நீங்கள் 2016ல் எதற்கு அம்மாவுக்கு ஓட்டு போட்டீங்க. கருணாநிதி என்கிற தீய சக்தி ஆட்சிக்கு வரக்கூடாது என்பதற்காகத்தானே. அதற்காகதான் அம்மாவும் பாடுபட்டாங்க. ஆனா, தீய சக்திகள் இன்னைக்கு என்ன சொல்றாங்க? ரெண்டே ரெண்டு பிரச்னைகளைதான் சொல்றாங்க. ஒண்ணு அம்மாவின் மரணத்துல மர்மம் இருக்குனு சொல்றாங்க. மற்றொன்று, இந்த ஆட்சியை எப்படியும் கவிழ்த்துவிட வேண்டும்னு துடிக்கிறாங்க.



இதை எல்லாத்தையும்விட, 'அம்மாவின் மரணத்தில் மர்மம் இருக்கு. விசாரணை செய்யணும்'னு பன்னீர்செல்வம் பேசுகிறார். அம்மாவால் முதல்வரான ஓ.பி.எஸ்., இப்போ அம்மாவோட கனவை அழிக்கற வேலையை செய்கிறார்.

அம்மாவுக்கு உடல்நிலை சரியில்லாமல் செப்டம்பர் 22ம் தேதி அப்போலோவில் சேர்த்ததில் இருந்து, அவர் சிகிச்சை பெற்ற 75 நாட்களும் அங்கேயே காவல்காரனாக இருந்தவன் நான். அமைச்சர்கள் வருவார்கள்,போவார்கள். ஆனால்,75 நாட்களும் மருத்துவமனை வாசலில் காவல் காத்து, லண்டன் டாக்டர், டெல்லி டாக்டர்கள் என்று வரவழைத்து அம்மா நலமாக முயற்சிகளை எடுத்தேன்.

23ம் தேதி வரை உயிரோடு இருப்பாரா என்ற சந்தேகம் இருந்தது. டாக்டர்களின் சிறப்பான சிகிச்சையால் அம்மாவின் உடல்நிலை மெல்ல மெல்ல முன்னேற்றியது. அப்போ எல்லாம், பன்னீர்செல்வம்தான் என்னோடு வருவார். என்னிடம் அம்மாவின் நிலைமை பற்றி கேட்டு விட்டு போவார். அம்மாவால் முதலமைச்சர் ஆக்கப்பட்ட அவர், 75 நாட்களும் அப்போலோவில் இருந்தாரே, அப்போது அம்மாவின் உடல்நிலை பற்றி கேள்வி கேட்டாரா?. அப்போதே என்ன மர்மம் என பார்த்திருக்க வேண்டியது தானே.



அம்மாவைப் பற்றி அப்போது எந்த கவலையும் படாதவர் அவர். உலகிலேயே ஒரு முதலமைச்சர் இறந்த உடனே முதல்வராக பொறுப்பேற்றவர் பன்னீர்செல்வம் தான். அண்ணா இறந்தபோது,நெடுஞ்செழியன் காபந்து முதலமைச்சராக இருந்தார். எம்.ஜி.ஆர் இறந்தபோது ஜானகி பொறுப்பு முதல்வராகத்தான் இருந்தார். அதன் பின்னர் தான் கருணாநிதியும், ஜானகியும் முதல்வர் ஆனார்கள். அப்பன் செத்தபோது பொட்டிச்சாவியை தூக்கிட்டு போனதுபோல முதலமைச்சரான பன்னீர்செல்வம், இப்போது அம்மாவின் சாவில் மர்மம் இருக்குங்குறார். எல்லாம் பதவி வெறி.

அம்மா இறந்த சமயத்தில், சின்னம்மா அவர்கள் ஒன்றும் புரியாமல் அழுது கொண்டிருக்கிறார். அப்போது,சில சேனல்கள், நான் பி.ஜே.பி. துணையோடு பொதுச்செயலாளர் ஆக முயல்வதாக பொய் செய்தி வெளியிட்டன. உடனே 'தம்பிதுரை பி.ஜே.பி. துணையோடு கட்சியின் பொதுச் செயலாளர் ஆக பார்க்கிறார். அப்படி விடக்கூடாது. நீங்கள்தான் பொதுச் செயலாளர் ஆக வேண்டும்' என்று இல்லாத குற்றச்சாட்டைச் சொல்லி சின்னம்மா காலில் விழுந்து கெஞ்சியவர் தான் பன்னீர்செல்வம்.

பின்னர் நான் சின்னம்மாவிடம், 'ஓ.பி.எஸ் சொன்னது பொய். நீங்கள்தான் பொதுச்செயலாளர் ஆக வேண்டும்' என்று சொன்னேன். அப்படி சின்னம்மா பொதுச்செயலாளர் ஆனபோது முதலில் கையெழுத்திட்டது இதே பன்னீர்செல்வமும், மதுசூதனனும்தான். அதேபோல், கேபினட் அமைச்சர்கள் சின்னம்மாவை பார்க்க போனாங்க. அன்னைக்கும் நெடுஞ்சாண்கிடையாக சின்னம்மா காலில் விழுந்தவர் பன்னீர்செல்வம்தான். உடனே நான் சின்னம்மாவிடம்,'இந்த ஆள் கால்ல விழுறத பார்த்தா,ஏதோ சதி பண்ண போறார்'ன்னு சொன்னேன். அதேபோல் நடந்தது.



2001ல் அம்மா முதலமைச்சராக முடியாத சூழல் வந்தப்ப, முதல்முறையாக பெரியகுளத்தில் எம்.எல்.ஏ ஆன பன்னீர்செல்வத்தை முதலமைச்சர் ஆக்கினார் அம்மா. அதுக்கு காரணம் சின்னம்மா குடும்பம். அப்போது,சின்னம்மா நினைத்திருந்தால், தங்கள் குடும்பத்தில் ஒரு நபரை சி.எம் ஆக வைத்திருக்க முடியும். ஆனால்,அப்படி செய்யலை. ஆனால்,இப்போது சின்னம்மா குடும்பத்தை காட்டிக் கொடுக்க பன்னீர் துடிக்கிறார் என்றால்,என்ன அர்த்தம்?.

சின்னம்மா முதலமைச்சர் ஆக வேண்டும் என்று முதலில் கையெழுத்திட்டவரும் பன்னீர்செல்வம்தான். சின்னம்மாவிடம்,'நீங்கதான் முதலமைச்சராகணும். எனக்கு பழையபடி நிதி அமைச்சர் பதவி கொடுங்க'ன்னு சொன்னார். ராஜினாமா கடிதத்தை யாரும் கேட்காம அவரே எழுதி கொடுத்தார். ஆனா, இப்போ வற்புறுத்தி எழுதி வாங்கியதா தியானம் பண்ணி நடிச்சு பொய் சொல்கிறார்.

அடுத்து, ஸ்டாலின் கிளம்பி இருக்கார். அவரும், 'அம்மா சாவில் மர்மம் இருக்கு'ன்னு சொல்றார். அண்ணா சாவிலும், ராஜீவ்காந்தி கொலையிலும் தி.மு.க தலைவர் கலைஞருக்கு இருக்கும் தொடர்பு சம்மந்தமான மர்மத்தை ஸ்டாலின் விளக்கிவிட்டு,அம்மாவின் சாவின் மர்மம் பத்தி கேட்கட்டும். அம்மா மரணத்துல என்ன மர்மம் கண்டார் ஸ்டாலின்?.அம்மாவை மருத்துவமனையில் பார்க்க வரும்போது நான்தான் அவரை வரவேற்று அமர வைத்தேன். அப்போது கேட்டிருக்க வேண்டியதுதானே, அந்த மர்மத்தை. அவர் மட்டுமல்ல,எல்லா கட்சிகாரர்களும் ஆஸ்பத்திரிக்கு வந்தாங்க. அம்மாவோட உடல்நிலை மோசமா இருப்பதை உணர்ந்தாங்க.

இப்போ ஸ்டாலின் மர்மத்தை பத்தி பேச காரணம், இந்த ஆட்சியை கவிழ்த்து, தேர்தல் வர வைத்து அவர் போட்டி போடத்தான். எங்கம்மா மரண மர்மத்தை பத்தி பேசும் நீங்கள், உங்க அப்பா இப்போது உள்ள நிலை பற்றிய சொல்ல முடியுமா?. அவர் அனுமதி பெறாமலேயே நீங்கள் தி.மு.க செயல் தலைவராகிட்டு, கலைஞர் பக்கத்தில் நின்று ஆசிர்வாதம் பெற்றது போல ஒரு நாடகம் ஆடுனீர்களே. அந்த மர்மத்தை சொல்லுங்கள்.

ஆடு நனைகிறதே என்று ஓணாய் அழுவதை போல,ஓ.பி.எஸ் பத்தி ஸ்டாலினும்,துரைமுருகனும் கரிசனப்படுகிறார்கள். அ.தி.மு.கவை உடைத்து, இந்த ஆட்சியை கவிழ்த்து,தேர்தலை கொண்டு வரத்தான். இதை எல்லாம் செய்கிறார்கள். ஆனால்,அது நடக்கவில்லை. சட்டமன்றத்தில் சின்னம்மாவுக்கு எம்.எல்.ஏக்கள் செல்வாக்கு இருப்பதை உணர்ந்து தான், 'ரகசிய வாக்கெடுப்பு நடத்த வேண்டும்' என்று இல்லாத நடைமுறையை சொல்லி, தனது சட்டையை தானே கிழித்துக்கொண்டு ஒரு நாடகம் நடத்தினார். ஸ்டாலின் அரசியலை விட்டுட்டு,சினிமாவில் நடிக்க போகலாம்.

யார் என்ன சதி செய்தாலும், சின்னம்மா பின்னே கட்சி இருக்கிறது என்பதை எம்.எல்.ஏக்கள் நிரூபித்துவிட்டார்கள். அதனால்,வரும் 2019 நாடாளுமன்ற தேர்தலிலும்,2021 சட்டமன்ற தேர்தலிலும் சின்னம்மா தலைமையிலான அ.தி.மு.க அமோக வெற்றி பெறும். எந்த சதியும் செல்லுப்படியாகாது. அம்மா நினைத்த ஆட்சியை தொடர்ந்து அமைப்போம்" என்று பேசி முடித்தார்.
'
- துரை.வேம்பையன்,

”ஹைட்ரோகார்பன் பயங்கரமும் பின்னணி அரசியலும்!”

ஆயிரம் பல்லாயிரம் கார்ப்பரேட்டுகள் வந்தாலும் நெற்பயிரும் வயல்வெளியும்தான் நாட்டின் முதுகெலும்பு என்பதை உணர்ந்தவரா நீங்கள்? அப்படியென்றால் நீங்கள் நெடுவாசல் பற்றி அறிந்துகொள்ள வேண்டியது அவசியம். பல வருடகாலமாக தண்ணீரில்லாமல் பொய்த்துக் கிடக்கும் வறண்ட டெல்டா விவசாய மாவட்டங்களான தஞ்சைக்கும் புதுக்கோட்டைக்கும் நடுவே இருக்கிறது இந்த கிராமம். வறட்சிகளில் தப்பிப் பிழைத்து இதன் பசுமை மட்டும் அப்படியே எஞ்சி இருக்கிறது. இந்த கிராமத்தைச் சுற்றி இருக்கும் பல ஏக்கர் பரப்பிலான தென்னந்தோப்புகளில் இருந்துதான் சென்னைக்கு பல மூட்டைத் தேங்காய்கள் தினமும் இறக்குமதி செய்யப்படுகின்றன.

சகமனிதர்களைக் காப்பாற்றவே நேரமில்லாத நமக்கு நெடுவாசலின் பசுமையும் அது ஏன் காப்பாற்றப்பட வேண்டும் என்பதும் தேவையற்றதாக இருக்கலாம். ஆன்லைனில் காலம் தள்ளும் கார்ப்பரேட் குடிமகன்களுக்கு தமிழகத்தின் நெற்களஞ்சியம் எது என்று தெரிந்திருக்க வேண்டிய அவசியம் இல்லை. ஆனால் சுமார் 6000 பேர் வசிக்கும் அந்த நெடுவாசல் நிலங்களில் ஒவ்வொரு ஏக்கரும் தற்போது குறைந்தபட்சம் நான்கு மூட்டை விகிதம் நெல் தருகின்றன. நான்கு பேர் கொண்ட ஒரு குடும்பத்தின் வருடாந்திர ஜீவனாம்சத்திற்கு போதுமானது அது. ஏற்கெனவே மக்களுக்கு நல்ல முறையில் பயன்பட்டு வரும் வேளாண் நிலத்தில்தான் தற்போது இயற்கை எரிவாயுக்களை நிலத்தின் ஆழத்திலிருந்து உறிஞ்சி எடுப்பதற்காக மத்திய அரசு தற்போது தனியார் நிறுவனங்களுக்கு அனுமதி அளித்துள்ளது. திட்டத்தின் பெயர் “ஹைட்ரோ கார்பன் திட்டம்”.

நிலத்தின் ஆழங்களில் இருந்து இயற்கை எரிவாயுவை ஏன் எடுக்க வேண்டும். இயற்கை நமக்கு உருவாக்கிக் கொடுத்திருக்கும் வளங்களை நல்ல முறையில் மக்களுக்கான பயன்பாட்டுக்காக உபயோகப்படுத்திக் கொள்வதற்கு என்கிறது மத்திய அரசு. மக்களுக்கு ஏற்கெனவே பயன்பாட்டில் இருக்கும் விவசாய மற்றும் வேளாண் நிலங்களை தொழில்துறைகளுக்காக சிதைப்பதுதான் வளங்களைப் பயன்படுத்துவதா?



மீத்தேன் திட்டத்துக்கு முன்பே துவக்கப்பட்டதா ஹைட்ரோகார்பன் திட்டம்?

நெடுவாசல், முடப்புலிக்காடு, குருவக்கரம்பை, ஆலங்குடி என புதுக்கோட்டை மாவட்டத்தின் கீழ் மட்டும் ஐம்பது கிராம பஞ்சாயத்துகள் இருக்கின்றன. இந்த கிராமங்களில் ஒவ்வொன்றிலும் மக்களுக்குப் போதிய விவரங்கள் எதுவுமே தெரிவிக்கப்படாமல் பல வருடங்களுக்கு முன்பே சிறு வயல்களைக் கையகப்படுத்தும் திட்டத்தின் கீழ் விவசாயிகளிடமிருந்து பத்திரத்தில் கைநாட்டு பெற்றுக் கொண்டு தனதாக்கிக் கொண்டுள்ளது அரசு. கைநாட்டு பெறப்பட்ட பத்திரங்களின் நகல் கூட இன்னும் குறிப்பிட்ட விவசாயிகளுக்கு வழங்கப்படவில்லை. ஆனால் பெறப்பட்ட நிலத்தில் 2009-ல் மண்ணில் எண்ணெய் அல்லது எரிவாயு இருக்கிறதா என்று ஆழ்துளாய் பம்புகளை ஆங்காங்கே பொருத்திப் பரிசோதனை செய்துள்ளது. இதற்கிடையேதான் மீத்தேன் திட்டம் கையெழுத்தானதும். அதனால் ஹைட்ரோகார்பன் திட்டத்தை கிடப்பில் போட்டிருந்தது அரசு. மீத்தேன் திட்டம் திரும்பப்பெறப்பட்ட சூழலில் தற்போது ஹைட்ரோகார்பன் திட்டம் மீண்டும் செயலாக்கத்துக்கு வந்துள்ளது.



ஹைட்ரோகார்பன் திட்டம் என்றால் என்ன?

நிலத்தின் கீழ் இருக்கும் ஹைட்ரஜன் மற்றும் கார்பன் வாயுக்களின் கூட்டுப்பொருள். இது ஆக்ஸிஜனுடன் சேரும்போது பெரும் இயந்திரங்களை இயக்குவதற்கான ஆற்றலைப் பெறுகிறது. பெட்ரோல், டீசல், நாப்தா, நிலக்கரி, மண்ணெண்ணெய் உள்ளிட்ட அனைத்து எரிபொருள் வகைகளும் இந்த ஹைட்ரோகார்பனில் அடக்கம்.

இதன் அரசியல் பின்னணி

நெடுவாசல் பகுதியில் தற்போது அரசால் ஆக்கிரமிக்கப்பட்டிருக்கும் அந்த நான்கு ஏக்கர் நிலத்தில் இந்த ஹைட்ரோகார்பன்களை எடுப்பதற்குதான் திட்டங்கள் வகுக்கப்பட்டு வருகிறது.நெடுவாசல் தவிர இந்தியாவில் 30 இடங்களில் ஹைட்ரோகார்பன் எடுக்க தனியார் நிறுவனங்களுடன் ஒப்பந்தம் செய்யப்பட்டுள்ளது. குறிப்பாக அதானி வெல்ஸ்பன் எக்ஸ்ப்ளோரேஷன், ஜெம் லெபாரட்டரீஸ் உள்ளிட்ட பெரும் நிறுவனங்களுடன் ஒப்பந்தம் செய்யப்பட்டுள்ளது.

நெடுவாசலில் தனது ஹைட்ரோ கார்பன் எடுக்க உள்ள ஜெம் லெபாரட்டரீஸ் கர்நாடகாவைச் சேர்ந்த கோடீஸ்வர பாரதிய ஜனதா எம்.பி சித்தேஸ்வராவிற்கு சொந்தமானது என்பது கூடுதல் தகவல். அடுத்த 15 ஆண்டுகளில் நாற்பது மில்லியன் டன் எண்ணெய், 22 பில்லியன் கண மீட்டர் எரிவாயுவை உறிஞ்சி எடுக்க இலக்கு நிர்ணயிக்கப்பட்டுள்ளது. அதாவது பசுமையின் கடைசி மிச்சம் வரை உறிஞ்சி எடுத்துச் செல்ல இவர்களுக்கு பதினைந்து வருடகாலம் தேவைப்படுகிறது. இப்படி எண்ணைய், எரிவாயுவை பூமியில் இருந்து உறிஞ்சி எடுக்க தனியார் நிறுவனங்கள் அரசுக்கு ரூ.9,600 கோடி தருவார்கள்.



ஹைட்ரோகார்பன் திட்டம் ஏன் பாதுகாப்பற்றது?

நெடுவாசல் பகுதி மக்களில் சுமார் 1000 பேர் வரை எண்ணெய் தொழிற்சாலைகள் மற்றும் கிணறுகள் அதிகம் இருக்கும் அரேபிய நாடுகளில்தான் பணியாற்றி வருகின்றனர். தொடர்ந்து 45 நாட்கள் எண்ணெய் மற்றும் எரிவாயுக் கிணறுகளில் வேலை செய்துவிட்டு அடுத்த 45 நாட்கள் அவர்களுக்கான ஓய்வு தரப்படுகிறது. அந்த நாட்களில் கிணறுகளும் இயங்காது. அதாவது தொடர்ந்து அதுபோன்ற கிணறுகளின் பக்கம் வேலை செய்வது மனித உயிருக்கே ஆபத்தானது என்பதால் இந்த ஓய்வு தரப்படுகிறது. வேலை செய்பவர்களுக்கே ஆபத்தினை காரணம் காட்டி ஓய்வு தரப்படும் நிலையில் தற்போது நெடுவாசல் பகுதியில் குடியிருப்புகள் அருகே தொடர்ந்து பதினைந்து வருடங்கள் எரிவாயுக்களை உறிஞ்சி எடுப்பது எவ்வளவு ஆபத்தினை விளைவிக்கும் என்பதை விளக்கத் தேவையில்லை.

அமெரிக்க எதிர்ப்பு

அமெரிக்காவின் மிஸ்ஸிஸ்பி மற்றும் மிஸ்ஸோரி நீர்படுகைகளின் கரையோரம் வசிக்கும் அமெரிக்க வாழ் பழங்குடியின மக்கள் கடந்த வருடத் தொடக்கத்தில் போராட்டத்தில் களமிறங்கினர். அந்த பகுதிகளில், டகோடா பைப்லைன் நிறுவனம் இயற்கை எரிவாயு எடுக்கும் முயற்சிகளுக்கு எதிரான போராட்டம். அந்தத் திட்டம் மிஸ்ஸோரி மற்றும் மிஸ்ஸிஸ்பியின் மொத்த நீரையும் வீணாக்கிவிடும் என்று அவர்கள் கூறினார்கள். இந்த இரு ஆறுகளும் அமெரிக்காவின் 41 மாகாணங்களின் குடிநீர் வாழ்வாதாரத்திற்கானது. கனடாவின் இரு மாகாணங்களும் இதனால் பயனடைகின்றன. எரிவாயு எடுப்பதால் நீர் மாசுபடுவதுடன், தாங்கள் பாதிப்படுவோம் என்பதை தெளிவாக உணர்ந்திருந்தார்கள் அந்த பழங்குடிகள். அமெரிக்கா கண்ட நீண்டகாலப் போராட்டங்களில் இதுவும் ஒன்று. போராட்டம் இன்றும் தொடர்ந்தபடி இருக்கிறது.

தொழில்துறையில் பலவகையில் முன்னேற்றம் அடைந்துள்ள அமெரிக்க மக்களே, நிலத்தில் இருந்து எரிவாயு எடுப்பதற்கு எதிரான போராட்டத்தில் களமிறங்கியுள்ளனர். கடலில் சிந்திய எண்ணெயை வாளி வைத்து அள்ளிக்கொண்டிருக்கும் தொழில்நுட்பம் உடைய நாம் எப்படி நெடுவாசல் பகுதி மக்கள் மற்றும் அவர்களது நிலங்களுக்கான பாதுகாப்பை உறுதி செய்யப்போகிறோம் என்று அரசு சிந்தித்தா?

காவிரி பிரச்னை, நில வறட்சி, விவசாயிகள் தற்கொலை என எண்ணற்ற பிரச்னைகள் தமிழக விவசாய நலன்களுக்கு எதிராக இருந்து வரும் சூழலில் ஹைட்ரோகார்பன் திட்டம் நிச்சயம் கவளச் அரிசிக்கே பிரச்னையை விளைவிக்கும் சூழலை உருவாக்கும். தைப்புரட்சியும் மெரினா போராட்டமும் தவறெனப்படும் எதையும் மக்கள் சக்தியால் மாற்றி எழுத முடியும் என்பதற்கான தொடக்கப்புள்ளிதான். நம் விவசாயம் முழுவதுமாகக் காப்பாற்றப்பட்டால்தான் அந்தப் புரட்சி முழுமைபெற முடியும். தைப் புரட்சியாளர்களே, நெடுவாசலுக்கு உதவுவோமா?

ஐஷ்வர்யா

சாமான்ய வாக்காளனாக ஓ.பன்னீர்செல்வத்திடம் சில கேள்விகள்!



ஜெயலலிதாவின் 69-வது பிறந்தநாளையொட்டி ஓ.பன்னீர்செல்வம் தமிழகம் முழுவதும் நீதி கேட்டு ஒரு பயணத்தை நிகழ்த்தவிருக்கிறார். சசிகலா தலைமை இப்போது அம்பலப்பட்டுப் போயுள்ளது. மக்களிடம் சசிகலா மீதான வெறுப்பு அதிகரிக்கும் சூழலில் ஓ.பன்னீர்செல்வம் தனக்கான இடத்தை உருவாக்கத் துடிக்கிறார். இந்நிலையில் ஒரு சாதாரண வாக்காளனாக ஓ.பன்னீர்செல்வத்திடம் சில கேள்விகள்...



* ஜெயலலிதா மறைவுக்குப் பிறகு சசிகலா அ.தி.மு.க.வின் பொதுச்செயலாளர் ஆகவேண்டும் என்று கோரிக்கைகள் எழுந்தபோது முதல் எதிர்ப்புக் குரல் எழுப்பியவர் அ.தி.மு.க.வைச் சேர்ந்த நடிகர் ஆனந்தராஜ். ஆனால் நீங்களோ உங்களிடம் இருந்து முதல்வர் பதவியைப் பறிக்கும்வரை சின்ன முனகலைக்கூட எழுப்பவில்லை. அ.தி.மு.க.வில் பெரிதாக எந்தப் பொறுப்பிலும் இல்லாத, சாதாரண பேச்சாளரான ஆனந்தராஜுக்கு இருந்த நேர்மைகூட உங்களிடம் இல்லாமல்போனது ஏன்?

* தியானம் செய்வது உங்கள் நீண்டநாள் பழக்கமா, அல்லது முதலமைச்சர் பதவி பறிபோன அன்றைய இரவுதான் தியானம் செய்யக் கற்றீர்களா?

* ‘ஜெயலலிதாவின் மரணம் குறித்து விசாரணைக் கமிஷன் அமைக்கப்படும்’ என்று அறிவித்தீர்கள். அதுவும் சசிகலாவுக்கும் உங்களுக்குமான பிரச்னை உச்சத்தை அடைந்தபோது. உங்கள் நாடி, நரம்பு, ரத்தம் எல்லாம் ‘அம்மா’தான் என்றால் அவர் இறந்த மறுநாளே நீங்கள் சந்தேகம் எழுப்பியிருக்கலாமே? உங்கள் அபிமானத்துக்குரிய தலைவியின் மரணத்திலேயே உங்களுக்குச் சந்தேகம் என்றால் அது பதவி பறிபோனபின்தான் வெளிப்படும் என்றால் அந்த அபிமானமே சந்தேகத்துக்குரியது ஆகிறதே?

* ‘75 நாள்களும் எங்களை ஜெயலலிதாவைப் பார்க்க சசிகலா அனுமதிக்கவில்லை’ என்று இப்போது சொல்லியிருக்கிறீர்களே. இவ்வளவு நாள்கள் தங்கள் பிரியத்துக்குரிய தலைமை தங்களிடமிருந்து மறைக்கப்பட்டால் உலகத்தில் எந்த ஒரு கட்சியாக இருந்தாலும் அதற்கு எதிராக மிகப்பெரிய போராட்டம் வெடித்திருக்குமே, உங்கள் கட்சியில் ஏன் அது நடக்கவில்லை?



* ‘ஜெயலலிதா நலமுடன்தான் இருக்கிறார். விரைவில் வீடு திரும்புவார்’ என்று அடிக்கடி சொன்னவர்களில் ஒருவர், இப்போது உங்கள் அணியில் இருக்கும் பொன்னையன். சசிகலா குற்றம் செய்தார் என்றால் அதற்கு உடந்தையாக இருந்தவர் என்றவர் முறையில் பொன்னையனும் குற்றவாளி என்று எடுத்துக்கொள்ளலாமா?

* ’எதிர்க்கட்சித் தலைவரைப் பார்த்து பன்னீர்செல்வம் சிரித்துப் பேசினார்’ என்று சசிகலா ஆவேசமாகக் குற்றம் சாட்டியபோது, ‘’சிரிப்பது மனிதர்கள் இயல்பு. மிருகங்கள்தான் சிரிக்காது” என்று சூடாகப் பதிலளித்தீர்கள். நியாயமான பதில்தான். ஆனால் ஜெயலலிதா உயிருடன் இருந்தவரை நீங்கள் எந்த எதிர்க்கட்சிக்காரர்களையும் பார்த்து சிரித்ததில்லை. அப்படியானால் ஜெயலலிதா உங்களை மனிதர்களாக நடத்தியதில்லை என்று எடுத்துக்கொள்ளலாமா?

* மூச்சுக்கு முன்னூறு தடவை ‘’அம்மாவின் ஆன்மா பேசியது”, ‘’அம்மா வழியில் நடப்போம்” என்கிறீர்கள். இப்போது உங்கள் ‘அம்மா’வான ஜெயலலிதா உச்ச நீதிமன்றத்தால் உறுதி செய்யப்பட்ட ஊழல் குற்றவாளி. ஓர் ஊழல் குற்றவாளியின் வழியில் நடப்போம் என்று சொல்லும் உங்கள் அரசியல் பாதை நேர்மையாக இருக்கும் என்று எப்படி நாங்கள் நம்புவது?

* நீங்கள் முதல்வராக இருந்தபோதுதான் தலைமைச் செயலகத்திலேயே அப்போது தலைமைச் செயலாளராக இருந்தவரின் அறையிலேயே ரெய்டு நடந்தது. அதற்குப் பின் ராம மோகன்ராவ் பேட்டியளித்தபோது, “ஜெயலலிதா முதல்வராக இருந்திருந்தால் இப்படி நடக்கவிட்டிருக்க மாட்டார்” என்று பேட்டியளித்தார். இதுகுறித்த உங்கள் கருத்தை நீங்கள் இதுவரைக்கும் சொல்லவேயில்லையே?

* சசிகலாவின் ஆதிக்கம், ஜெயலலிதா மரணத்தில் மர்மம் இதைப் பற்றியெல்லாம் இப்போது நிறையப் பேசுகிறீர்கள். ஆனால் ஜெயலலிதா உயிருடன் இருந்தபோது நீங்கள், நத்தம் விஸ்வநாதன் ஆகியோர் மீது கார்டனில் ‘விசாரணை’ நடந்ததாகவும் நீங்கள் வீட்டுச்சிறை வைக்கப்பட்டதாகவும் செய்திகள் வெளியானதே, அதுகுறித்தும் விளக்கமளிப்பீர்களா?

* இறுதியாக ஒரே ஒரு கேள்வி. நீங்களும் சேகர் ரெட்டியும் திருப்பதியில் மொட்டை போட்டபடி நிற்கும் புகைப்படம் ரொம்பவே பிரபலம். அந்த ‘மொட்டை’ என்பது தமிழ்நாட்டுக்கான குறியீடு என்று எடுத்துக்கொள்ளலாமா?

அப்போது வாடிவாசல்... இப்போது நெடுவாசல்... வலுக்கும் போராட்டம்..!

தமிழ்நாட்டின் அரசியல் சூழல் மற்றும் கட்சிகளுக்கு இடையே அதிகாரமோதல் எனப் பரபரப்பாக இயங்கிக் கொண்டிருந்த வேளையில் பிப்ரவரி 15-ம் தேதி மத்திய அரசு அமைதியாக ஓர் ஒப்புதலை வழங்கியது. அதில் ஹைட்ரோகார்பன் எனும் இயற்கை எரிவாயு எடுக்கும் திட்டத்துக்கு மத்திய அரசு அனுமதி வழங்குகிறது. அந்த அனுமதியினை வெளியிட்ட நிதியமைச்சர் அருண்ஜெட்லி "இந்தியாவில் மொத்தம் 31 இடங்களில் 'ஹைட்ரோகார்பன்' எனும் இயற்கை எரிவாயு எடுக்கப்படும்" என்று அறிவித்தார். அந்த 31 இடங்களில் 17 இடங்களில் தனியார் நிறுவனங்கள் இயற்கை எரிவாயுவை எடுக்கும். அதில் கமிஷன் தொகையை மட்டும் மத்திய அரசு பெற்றுக்கொள்ளும். ஒரே நிறுவனம் 14 இடங்களில் ஹைட்ரோகார்பன் வாயு எடுக்க அனுமதி வாங்கியுள்ளது. இந்த இயற்கை எரிவாயுவுக்காக தமிழ்நாட்டில் தேர்ந்தெடுக்கப்பட்ட இடம்தான், புதுக்கோட்டை மாவட்டம்., நெடுவாசல் கிராம். இந்த நெடுவாசலானது தஞ்சாவூர் மாவட்ட எல்லைப்பகுதியில் டெல்டா பகுதியை ஒட்டி அமைந்துள்ளது. இதற்கு முன்னர் டெல்டா மாவட்டங்களில் மீத்தேன், ஷேல்கேஸ் ஆகிய திட்டங்கள் டெல்டா மாவட்டங்களில் மேற்கொள்ளப்பட்டு பின்னர் கைவிடப்பட்டது குறிப்பிடத்தக்கது.



இந்த எரிபொருள் எண்ணெய்கள் இருப்பதைக் கண்டறிய 2009-ம் ஆண்டே தமது வேலையைத் தொடங்கி ஆரம்பித்துவிட்டது ஓ.என்.ஜி.சி நிறுவனம். நெடுவயல் அருகிலுள்ள கருங்காகுறிச்சி கிராமத்தில் இரண்டு விவசாயிகளின் நிலங்கள் கையகப்படுத்தப்பட்டன. பின்னர் அங்கு ஆழ்துளைக்கிணறு தோண்டும் பணியினை ஆரம்பித்தது. அங்கிருந்த நிலத்தடிநீரை வெளியேற்றிய பின்னர் எரிபொருள் எண்ணெயும், வாயுவும் இருப்பது உறுதிப்படுத்தப்பட்டது. அதன்பின்னர் எரிவாயுக்கழிவுகள் அகற்றப்பட்டு இரண்டு ஆண்டுகள் எந்தப் பணியும் மேற்கொள்ளப்படாமல் இருந்தது. இதற்கிடையில் நெடுவயலில் உள்ள நிலங்களைக் கையகப்படுத்தும் முயற்சியில் ஓஎன்ஜிசி அதிகாரிகள் ஈடுபட்டனர். இதில் சிலர் விபரம் தெரியாமல் நிலங்களைக் கொடுத்திருந்தாலும், மத்திய அரசின் ஒப்புதலுக்குப் பின்னர் நெடுவாசல் மக்கள் அனைவரும் ஏதோ விபரீதம் நடக்கப்போகிறது எனத் தெரிந்து கொண்டனர். இதனைத்தொடர்ந்து 19-ம் தேதி காரைக்காலில் இருந்து ஆராய்ச்சியாளர்கள் குழுவானது நெடுவாசலை ஆய்வு செய்ய வருகிறது. அதைத் தெரிந்துகொண்ட விவசாயிகள் "இங்கு எதற்கு வருகிறீர்கள்" எனத் தடுத்து வாகனத்தைச் சிறைபிடித்து அதிகாரிகளைத் திருப்பி அனுப்பினர். ஆனால் மக்கள் அத்துடன் நிறுத்தாமல், ஹைட்ரோகார்பன் வாயுவுக்கு எதிராகப் போராட்டத்தில் ஈடுபட்டு வருகிறார்கள்.



நெடுவாசலில் போராட்டத்தில் ஈடுபட்டிருந்த சரவணக்குமார் என்ற விவசாயி நம்மிடம் பேசினார். "மீத்தேன் திட்டமானது டெல்டா மாவட்டங்களில் ஆரம்பிக்கப்பட்டு பின்னர் நிறுத்தப்பட்டது. என்னுடைய நிலத்தைக் கேட்டு மிரட்டும் தொனியிலும் பேசினர். என் தந்தையை அழைத்து 50 பேர் சுற்றி அமர்ந்து கொண்டு கேள்வி கேட்டு நிலத்தை எழுதித் தருமாறு கேட்டுள்ளனர். ஆனால், எங்களைச் சுற்றி இருந்த நிலங்களை மண்ணெண்ணெய் எடுக்கப்போகிறோம் என ஏமாற்றி வாங்கிவிட்டார்கள். இதுவும் டெல்டாவின் ஒரு பகுதிதான். அதனால்தான் இங்கு ஹைட்ரோகார்பன் வாயு இருப்பதாகச் சொல்லி ஆழ்துளைக்கிணறு அமைக்கப் பார்க்கிறார்கள். அவ்வாறு அமைத்தால் அருகில் உள்ள கடல்நீரானது பூமிக்குள் புகும். இதனால் நிலத்தடி நீர்வளம் நிச்சயமாகப் பாதிக்கப்படும். ஹைட்ரோகார்பன் எனச் சொல்லி ஏமாற்றப் பார்க்கிறார்கள். ஹைட்ரோகார்பன் குடும்பத்தில் மொத்தம் 12 வாயுக்கள் உள்ளன. அதில் முதலிடம் மீத்தேனுக்குத்தான். ஆழ்துளை அமைக்கப்பட்டு விட்டால் என்ன வாயு எடுக்கிறார்கள் என யாருக்கும் தெரியாது. வாயுக்களைப் பிரித்தெடுக்கும்போது வாயுவிலிருந்து வெளியேறும் கழிவுகள் இந்தப் பகுதியில் வாழும் மக்களுக்குத் தீமையை ஏற்படுத்தும். வெளிநாட்டில் பத்து ஆண்டுகள் வேலை செய்து சேர்த்த பணத்தை வைத்து விவசாயக் கருவிகளை வாங்கி விவசாயத்தை ஆரம்பித்திருக்கிறேன். இப்போது இந்த இடத்தில் இவர்களை எடுக்கவிட்டால் அடுத்ததாக காவிரி டெல்டா மாவட்டத்தில்தான் இந்தப் பணி தொடரும். நாங்களே குறைந்த அளவு நிலத்தடிநீரை வைத்துத்தான் விவசாயம் பார்த்து வருகிறோம். உயிரக்கொடுத்தாவது இந்தத் திட்டத்தை எதிர்ப்போம்" என்றார்.



ஹைட்ரோகார்பன் வாயுவானது எடுக்க ஆரம்பித்த பின்னர் அந்த நிறுவனத்தை அவ்விடத்தை விட்டு நீக்குவது மிகக் கடினம். 31 இடங்களை அறிவித்துவிட்டு தமிழ்நாட்டில் முதன்முதலில் திடமாக கால்பதிக்கப் பார்க்கிறது தனியார் நிறுவனம். நெடுவாசலில் எண்ணெய் எடுக்கும் 'ஜெம் லெபாரட்டரீஸ்' நிறுவனமும் இப்போதுதான் முதல்முறையாக எண்ணெய் எடுக்கும் வேலையைச் செய்யப்போகிறது. இந்த நிறுவனம் மத்தியில் ஆளும் அரசான முன்னாள் பிஜேபி எம்.பிக்கு சொந்தமானது. தற்போது சரியான அடித்தளம் அமைத்துக் கொடுத்த ஓஎன்ஜிசி இப்போது கையை விரிக்கிறது. இதனால் எடுக்கப்போகும் வாயுவினால் மத்திய அரசுக்குக் கிடைப்பது கமிஷன் மட்டுமே. விலை நிர்ணயம் செய்வது ஆயில் எடுக்கும் தனியார் நிறுவனங்கள்தான். புதுக்கோட்டை மக்கள் தங்களது போராட்டத்தை ஆரம்பித்துவிட்டனர். புதுக்கோட்டை மாணவர்களும் கல்லூரியை புறக்கணித்து போராட்டக்களத்தில் இணைந்திருக்கிறார்கள். அப்போதைய மாணவர்கள் மற்றும் இளைஞர்களின் போராட்டம் வாடிவாசலுக்காக நடந்தது. இப்போதைய போராட்டம் நெடுவாசலுக்காக ஆரம்பித்துள்ளது.

குற்றவாளியின் தாயை தண்டித்த நீதிபதி!

அமெரிக்காவின் மிச்சிகன் மாகாணத்தில் உள்ள நீதிமன்றத்தில் சாலை விபத்து குறித்த வழக்கு ஒன்று விசாரணைக்கு வந்தது. அமெண்டா கோசல் என்ற பெண், இரவில் குடித்து விட்டு கார் ஓட்டியுள்ளார். எதிரே நடந்து வந்துகொண்டிருந்த தம்பதியை கார் இடித்ததில் கணவர் சம்பவ இடத்திலேயே உயிரிழந்தார். மனைவி சிறிய காயங்களுடன் உயிர் தப்பினார். இந்த வழக்கை நீதிபதி விசாரணை செய்து கொண்டிருக்கும்போது இடையூறு செய்யும் வகையில் பார்வையாளர் வரிசையில் அமர்ந்திருந்த அமெண்டாவின் தாயார் மற்றும் அவரது நண்பர் ஆகியோர், வழக்கு தொடர்பாக விசாரிக்கப்படும் சாட்சிகளைக் கிண்டலடித்து நீதிமன்றத்தில் சத்தம் எழுப்பிக்கொண்டிருந்தனர். இதனால் ஆத்திரமடைந்த நீதிபதி, இருவரையும் கைது செய்ய உத்தரவிட்டார். நீதிமன்றத்தில் இதுபோன்ற வினோதமான சம்பவம் நடைபெறுவது இதுவே முதன்முறை என அதிகாரிகள் தெரிவிக்கின்றனர்.

In times of water shortage

As summer breaks, one vehicle which will make frequent appearance on the road will be the water tanker. It should be well designed to prevent leakage. By S. Vishwanath

Shivaratri traditionally marks the end of summer in the south. In the north they believe Holi is the marker. As summer breaks, one vehicle which will make more and more of an appearance will be the water tanker.

Shortage of water in the city utility lines means the demand for water from these private tankers shoot up. Drawing water generally from borewells, they scurry about in the narrow lanes, stopping a while and letting the water flow into sumps or with a motor, pumping it to overhead tanks.

Water sloshing about on the roads is also a common sight with these vehicles. Why is it so ? For one, water is quite a corrosive substance especially if it comes with high dissolved oxygen when pumped into these steel tankers. That is why on the insides a coat of EPI is applied. This prevents rusting and leaks. The EPI coating has to be done every year if a water tanker is to be in good shape and to prevent rust from appearing in the waters they supply.

Next is the vehicle itself. It is no joke to carry water in a vehicle. One litre of water weighs a kilogramme and carrying 6,000 litres of water casts a heavy burden on the vehicle, the tyres and the driver. Vents are therefore provided to take the pressure off when the tanker moves on around a curve, throwing the weight to one side. A little bit of water from these vent pipes will slosh around.

The most important reason for the leakage is of course the valve or valves which when connected to a hose pipe dispense the water. If not made by a reputed manufacturer and if not welded and attached properly, they can leak. Fortunately, many good valves are coming into the market and things should improve on this front.

Finally, the tanker operators can buy clamps with the large hose pipes they carry to transfer water to sumps. A clamp-based pipe can be locked together more easily and not just tied with a rubber strip, thus preventing leakage.

Design has an important role to play in all of these. As they say, God is in the details and when water becomes scarce and godlike, better to pay attention and prevent its waste. That would be water wisdom.

zenrainman@gmail.com

Anna carried a dry lemon for Governor

In 1967, the DMK waited for over a week to stake its claim to form the government. Party founder C.N. Annadurai had contested only from the South Chennai Lok Sabha constituency and not for the Assembly. The DMK MLAs, at their meeting on March 1, 1967, at Rajaji Hall, elected him as the Legislature Party Leader. DMK leader M. Karunanidhi, in his autobiography Nenjukku Needhi, says that Anna met Governor Ujjal Singh on March 2. “Only after crossing the Saidapet Bridge did it occur to us that we had not brought anything to present to the Governor. How could we meet him empty handed? We stopped the car near a shop and bought a lemon. It was dry, but we had no option. Anna hid it in his hand and thrust it into the hands of the Governor as soon as we met him,” he recalled.

He hid it in his hand and thrust it into the hands of the Governor when we met himM. Karunanidhi

B. Kolappan