ரூ. 9க்காக பணி நீக்கம் : கண்டக்டருக்கு பணப்பலன்கள்

மதுரை: பணியின்போது பையில் 9 ரூபாய் கூடுதலாக இருந்ததாக கூறி, பணி நீக்கம் செய்யப்பட்ட கண்டக்டருக்கு முந்தைய கால பணப்பலன்களை வழங்க வேண்டும் என உயர்நீதிமன்ற மதுரைக் கிளை உத்தரவிட்டது.
திண்டுக்கல் அரசு போக்குவரத்து கழகத்தில் ராஜூ என்பவர் கண்டக்டராக பணிபுரிந்தார். பணியின்போது 'டிக்கெட்' பையில் 9 ரூபாய் கூடுதலாக இருந்ததாக குற்றச்சாட்டு பதிவு செய்து, நிர்வாகம் 'சஸ்பெண்ட்' செய்தது. 

ராஜூ விளக்கம் அளித்தார். 2001ல் பணி நீக்கம் செய்யப்பட்டார். இதை எதிர்த்து திருச்சி தொழிலாளர் நீதிமன்றத்தில் ராஜூ மனு செய்தார்.நீதிமன்றம், 'பணி நீக்க உத்தரவு ரத்து செய்யப்படுகிறது. மனுதாரர் தன் மீது தவறில்லை என்பதை நிரூபிக்கவில்லை. பணி நீக்க காலத்தில் வருவாய் இல்லை என்பதை மனுதாரர் நிரூபிக்க தவறிவிட்டார். இதனால் முந்தைய காலத்திற்குரிய சம்பளம் வழங்க வேண்டியதில்லை,' என 2016 செப்.,2 ல் உத்தரவிட்டது. 2016 மார்ச் 31ல் பணி ஓய்வுக்குரிய வயதை ராஜூ அடைந்தார்.

 தொழிலாளர் நீதிமன்ற உத்தரவை எதிர்த்து உயர்நீதிமன்றக் கிளையில் ராஜூ மனு செய்தார்.நீதிபதி எஸ்.வைத்தியநாதன் உத்தரவு:மனுதாரர் மீதான குற்றச்சாட்டை பொறுத்தவரை, தன் மீது தவறில்லை என்பதை நிரூபிக்க வேண்டியது அவரது கடமை என்ற தொழிலாளர் நீதிமன்ற உத்தரவு ஏற்புடையதல்ல. மனுதாரர் தவறு செய்ததை போக்குவரத்து கழக நிர்வாகம்தான் நிரூபிக்க வேண்டும். அதை நிரூபிக்கவில்லை. தொழிலாளர் நீதிமன்ற உத்தரவு ரத்து செய்யப்படுகிறது.மனுதாரருக்கு முந்தைய கால பணப்பலன்களை நிர்வாகம் வழங்க வேண்டும். இந்த உத்தரவை போக்குவரத்து கழக நிர்வாகம் 45 நாட்களில் நிறைவேற்றாவிடில், தொழில் தகராறு சட்டத்தின் கீழ் மனுதாரர் உரிய இடத்தில் புகார் செய்யலாம்.

அதன் அடிப்படையில் ஆய்வு செய்து சம்பந்தப்பட்ட அதிகாரி மீது குற்றவியல் நடவடிக்கை எடுக்க வேண்டும், என்றார்.

ஏ.டி.எம்.மில் சரியாக அச்சிடப்படாத ரூ.500 நோட்டுகள்




ஜாம்நகர்: குஜராத் மாநிலம் ஜாம்நகரில் உள்ள பரோடா வங்கி கிளையின் ஏ.டி.எம்., மிஷனில், ரூ.10 ஆயிரம் பணம் எடுத்த அல்டாப் சாகி அதிர்ச்சியடைந்தார். அவர் எடுத்த பணத்தில் சரியாக அச்சிடப்படாத ரூ.500 மதிப்புள்ள 6 கரன்சி நோட்டுகள் வந்துள்ளது. இதனை தொடர்ந்து வங்கி கிளையில் புகார் அளித்து விசாரணைக்கு பின் மாற்று நோட்டுகளை பெற்றுள்ளார்.

மதிப்பெண் சான்றிதழில் தமிழில் மாணவர் பெயர்

மதிப்பெண் சான்றிபத்தாம் வகுப்பு, பிளஸ் 2 தேர்வு மதிப்பெண் பட்டியலில், இந்த ஆண்டு முதல், மாணவர்கள் பெயர் தமிழில் இடம் பெற உள்ளது. பிளஸ் 2 மற்றும் 10ம் வகுப்பு மதிப்பெண் பட்டியலில், பாடப்பிரிவு களின் பெயர்கள், தமிழ், ஆங்கில மொழிகளில் இடம் பெறும். மாணவர்களின் பெயர், ஆங்கிலத்தில் மட்டுமே இருக்கும்.இதனால், மாணவர்கள் உயர் கல்விக்கும், வேலைவாய்ப்புக்கும் செல்லும் நிலையில், பெயர் குழப்பம் ஏற்படுகிறது. எனவே, தமிழில் பெயர் இடம்பெற வேண்டும் என, நீண்ட நாட்களாக கோரிக்கை விடுத்து வந்தனர். இதன்படி, பொது தேர்வு மதிப்பெண் பட்டியலில், இந்த ஆண்டு முதல் மாணவரின் பெயர் மற்றும் இனிஷியல், துாய தமிழில் இடம் பெற உள்ளது. அதேபோல், பள்ளியின் பெயரும், தமிழில் இடம் பெற உள்ளது.

இதுதொடர்பாக, தேர்வுத்துறை இயக்குனர் வசுந்தராதேவி அனுப்பிய சுற்றறிக்கையில், 'மார்ச், 31க்குள், அனைத்து மாணவர்களின் பெயர்களும், தமிழ் இனிஷியலுடன், தேர்வுத் துறைக்கு பட்டியலாக அனுப்ப வேண்டும்' என்றார்.

- நமது நிருபர் -

ஸ்மார்ட்' ரேஷன் கார்டு ஏப்ரல் 1 முதல் வினியோகம்

தமிழகத்தில், ஏப்., 1 முதல், 'ஸ்மார்ட்' ரேஷன் கார்டு வழங்கப்பட உள்ளது. இதற்காக, ஐந்து பிரிவுகளில் கார்டு அச்சிடும் பணி, முழு வீச்சில் நடக்கிறது. அதை, அமைச்சர்கள், எம்.எல்.ஏ.,க்கள் மூலம் வழங்க, உணவுத் துறை முடிவு செய்துள்ளது. சசிகலா ஆதரவு எம்.எல்.ஏ.,க்களை, தொகுதி மக்கள் முற்றுகையிட்டு வருவதால், அவர்கள், சென்னையில் முகாமிட்டு உள்ளனர். இதனால், ஸ்மார்ட் கார்டு வினியோகத்துக்கு, அவர்கள் தேதி கொடுப்பாரா என்ற கேள்வி எழுந்துள்ளது.

இதுகுறித்து, உணவு மற்றும் கூட்டுறவுத் துறை அதிகாரி ஒருவர் கூறியதாவது: சென்னை தவிர்த்து அனைத்து மாவட்டங்களிலும், அடுத்த மாதம், ஸ்மார்ட் ரேஷன் கார்டு, அமைச்சர்கள், எம்.எல்.ஏ.,க்கள், கலெக்டர் ஆகியோர் முன்னிலையில், பொதுமக்களுக்கு வழங்கப்பட உள்ளது.இதற்காக, மேற்கண்ட நபர்களிடம், முன்கூட்டியே தேதி பெற்று, அந்த விபரத்தை, இம்மாதம், 24ம் தேதிக்குள் தெரிவிக்குமாறு, உயரதிகாரிகள் தெரிவித்தனர்.எம்.எல்.ஏ.,க்களை தொடர்பு கொண்டால், 'பிசியாக இருக்கிறார்' என, அவரின் உதவியாளர்கள் தெரிவிக்கின்றனர். எனவே, அவர்களை அழைக்காமல், ரேஷன் கார்டுகளை வழங்க, அதிகாரிகள் நடவடிக்கை எடுக்க வேண்டும்.இவ்வாறு அவர் கூறினார்.
- நமது நிருபர் -

செல்லாத நோட்டு: அரசுக்கு சுப்ரீம் கோர்ட் கேள்வி

புதுடில்லி: 'செல்லாத ரூபாய் நோட்டு களை 'டிபாசிட்' செய்ய, என்.ஆர்.ஐ., எனப்படும் வெளிநாட்டு வாழ் இந்தியர்களுக்கு அவகாசம் அளித்துள்ளபோது, இந்தியர்களுக்கு ஏன், கூடுதல் வாய்ப்பு அளிக்கப்படவில்லை' என, மத்திய அரசுக்கு சுப்ரீம் கோர்ட் கேள்வி எழுப்பியுள்ளது.

இது தொடர்பான வழக்கை விசாரித்த, தலைமை நீதிபதி, ஜே.எஸ்.கேஹர் தலைமையிலான சுப்ரீம் கோர்ட் அமர்வு, நேற்று பிறப்பித்த உத்தரவு: செல்லாத ரூபாய் நோட்டு அறிவிப்பை, 2016, நவ., 8ல் பிரதமர் மோடி வெளியிட்டார். அப்போது, 2016, டிச., 30க்குள், செல்லாததாக அறிவிக்கப்பட்டுள்ள, பழைய, 500 - 1,000 ரூபாய் நோட்டுகளை மாற்றிக் கொள்ள வேண்டும். அவ்வாறு மாற்றிக் கொள்ளாதவர்கள், 2017, மார்ச், 31 வரை மாற்றிக் கொள்ள வாய்ப்பு அளிக்கப்படும் என, அறிவித்தார்.ஆனால், 2016, டிச., 30க்கு பின், செல்லாத ரூபாய் நோட்டுகளை மாற்றவோ, வங்கிகளில் டிபாசிட் செய்யவோ முடியாது என, பின்னர் அறிவிக்கப்பட்டது. அதே நேரத்தில், வெளிநாட்டு வாழ் இந்தியர்கள், 2017, மார்ச், 31 வரை, செல்லாத ரூபாய் நோட்டுகளை ரிசர்வ் வங்கி கிளைகளில் மாற்றலாம் என, அறிவிக்கப்பட்டது.இவ்வாறு வெளிநாட்டு வாழ் இந்தியர்களுக்கு வாய்ப்பு அளித்துள்ளபோது, செல்லாத ரூபாய் நோட்டு வைத்துள்ள, இந்தியர்களுக்கு ஏன் வாய்ப்பு அளிக்கவில்லை. அவ்வாறு வாய்ப்பு அளிக்க சட்டப்படி சாத்தியமிருந்தும், ஏன் அளிக்கவில்லை என்பது குறித்து, ஏப்., 11க்குள் மத்திய அரசு பதில் அளிக்க வேண்டும்.

 இவ்வாறு செல்லாத ரூபாய் நோட்டு வைத்துள்ளவர்கள், தகுந்த காரணங்களுடன், அதை மாற்றிக் கொள்ள மற்றொரு வாய்ப்பு அளிக்கப் படுமா என்பது குறித்தும் பதிலளிக்க வேண்டும்.இவ்வாறு சுப்ரீம் கோர்ட் அமர்வு கூறியுள்ளது.

அதிக மதிப்புடைய நோட்டுகள் குவிவதை தடுக்கும் நோக்கில், இனி, 500 ரூபாய் மற்றும் அதற்கு குறைவான மதிப்புடைய ரூபாய் நோட்டுகளை பதிப்பித்து, வினியோகம் செய்வதில், மத்திய அரசு கவனம் செலுத்தும்.
சக்திகாந்த தாஸ், பொருளாதார விவகாரங்கள் துறை செயலர்

எஸ்பிபி., சர்ச்சை: இளையராஜா செய்தது சரியே!

இளையராஜா - எஸ்பிபி., இடையேயான மோதல் சரியா... தவறா...? என்ற விவாதம் போய் கொண்டிருக்கும் வேளையில், தனது காப்புரிமையை நிலைநாட்ட இளையராஜா செய்தது சட்டப்படி சரியே. சட்டத்தை மதிக்கும் எஸ்.பி.பி.,யும் இதை நிச்சயம் புரிந்து கொண்டு, சர்ச்சைக்கு முற்றுப்புள்ளி வைக்க வேண்டும்.

தமிழ்த் திரையிசை உலகில் இப்படி ஒரு மோதல் ஏற்படும் என்று ரசிகர்கள் கனவிலும் நினைத்திருக்க மாட்டார்கள். சுமார் 40 ஆண்டு காலத்திற்கும் மேலாக தங்களது நட்பைப் பற்றி பல மேடைகளில் இளையராஜாவும், எஸ்பிபியும் வெளிப்படுத்தியவர்கள். அவர் இவரைப் பற்றிப் புகழ, இவர் அவரைப் பற்றிப் புகழ என பல இசை நிகழ்ச்சிகளை கண்டு ரசித்தவர்கள்தான் நாம். ஆனால், ஒரு வெளிநாட்டு இசை நிகழ்ச்சியின் மூலம் இருவருக்குள்ளும் இப்படி ஒரு மோதல் நடந்தது எதிர்பாராத ஒன்று. இருந்தாலும் இந்த மோதல் சில மாதங்களுக்கு முன்பே ஆரம்பமாகிவிட்டது.
இளையராஜா கடந்த வருடம் வெளிநாடுகளில் இசை நிகழ்ச்சிகளை நடத்தினார். அப்போது எஸ்.பி. பாலசுப்பிரமணியத்தை அந்த நிகழ்ச்சியில் பாட அழைத்ததாகவும், இது போன்ற நிகழ்ச்சிகளுக்கு வழக்கமாக 7 லட்சம் ரூபாய் வாங்கும் எஸ்பிபி, 20 லட்ச ரூபாய்க்கு குறையாமல் கொடுத்தால்தான் வருவேன் எனச் சொன்னதாகவும் 'வாட்ஸ்-அப்'பில் தகவல்கள் பரவிக் கொண்டே இருக்கின்றன. 

இளையராஜாவின் நிலைப்பாடு

2015ம் ஆண்டு தன்னுடைய பாடல்களை ஒலி, ஒளிபரப்புவதும் மற்ற ஊடகங்களில் பயன்படுத்துவது குறித்தும் தன்னுடைய நிலைப்பாட்டை வெளிப்படையாக அறிவித்தார் இளையராஜா. இளையராஜாவின் அறிவிப்பைத் தொடர்ந்து 'எப்எம்' வானொலிகள் பலவும் அவருடைய பாடல்களை ஒலிபரப்புவதை நிறுத்தின. இருந்தாலும் இளையராஜா தனக்கென தனி ஊடக அமைப்புகளை 'யு டியூப், ஃபேஸ்புக், இணையதளம்' ஆகியவற்றில் ஏற்படுத்தி அதன் மூலம் ரசிகர்கள், அவருடைய பாடல்களைக் கேட்க வழி செய்தார்.

இன்றைய டிஜிட்டல் யுகத்தில், மொபைல்போன் நிறுவனங்கள் தான் இப்படிப்பட்ட பாடல்களைப் பணமாக்கும் வித்தையை சுலபமாக ஆரம்பித்து வைத்தன. பாடல்கள் டவுன்லோடு, ரிங்டோன் என பல விதத்தில் அவர்கள் வாடிக்கையாளர்களிடமிருந்து வசூலை ஆரம்பித்தனர். ஏதோ ஒரு மணியோசையை ரிங்டோனாக வைத்துக் கொண்டிருந்த பலரும், தங்களுக்குப் பிடித்தமான பாடல்களை ரிங்டோனாக வைத்துக் கொள்ள ஆரம்பித்தனர்.

ரூ.100 கோடி ராயல்டி வர வேண்டியுள்ளது

அதே சமயம் தனக்கு வரவேண்டிய ராயல்டி தொகையே சுமார் 100 கோடி இருக்கிறது, அது வசூலானால் அதிலிருந்து பாதித் தொகையை சம்பந்தப்பட்ட தயாரிப்பாளர்களுக்குத் தருவதாகவும் இளையராஜா அறிவித்தார். அதோடு, தன் பாடல்களை சாதாரணமான கலை நிகழ்ச்சிகளில் பாடும் இசைக் குழுக்களுக்குப் பெருந்தன்மையோடும் அனுமதி அளித்தார். யு டியூபில் அதிகாரப்பூர்வமில்லாத பல கணக்குகளில் இளையராஜாவின் ஒவ்வொரு பாடல்களையும் லட்சக் கணக்கானோர் பார்வையிட்டுள்ளனர். அதை முறைப்படுத்தினால் அதன் மூலமே காப்புரிமை வைத்திருக்கும் இளையராஜாவிற்கு வருமானம் வரும்.

 
காப்புரிமை என்பதில் யாருக்குச் சொந்தம் அதிகம் என்பது குறித்து கடந்த இரண்டு நாட்களாக சமூக ஊடகங்களில் பல்வேறு விதமான கருத்துக்கள் பகிரப்பட்டு வருகின்றன. பாடல்களைப் பொறுத்தவரையில் இசையமைப்பாளருக்கு, பாடலாசிரியருக்கு, தயாரிப்பாளருக்கு பங்கிருப்பதாகவும் அதைப் பாடியவர்களுக்கும் பங்கில்லை என்றும் சொல்கிறார்கள். ஆனால், 2012ம் ஆண்டு நிறைவேற்றப்பட்ட திருத்தப்பட்ட காப்பிரைட் சட்டத்தின் படி பாடியவர்களுக்கும் பங்குண்டு என்கிறார்கள். இந்த சட்டம் பற்றி திரையிசை உலகில் ஒரு குழப்பமான தன்மையே நிலவுகிறது.

நோட்டீஸ்

இந்த சூழ்நிலையில் எஸ்.பி. பாலசுப்பிரமணியம் அமெரிக்காவில் தற்போது நடத்தி வரும் இசை நிகழ்ச்சியில் தன்னுடைய பாடல்களுக்கு ராயல்டி தராமல் பாடக் கூடாது என்று இளையராஜா மூலம் நோட்டீஸ் அனுப்பப்பட்டது. 

பிரச்னைக்கு காரணம்

அந்த நோட்டீசிற்கு பதில் நோட்டீஸ் அனுப்பாமல் அந்த விவகாரத்தை பொதுவெளியில் எஸ்பிபி ஃபேஸ்புக் மூலம் வெளிப்படுத்தியதுதான் பிரச்சனைக்குக் காரணமாக அமைந்தது. அடுத்த நாள் இசை நிகழ்ச்சிக்கு வரும் ரசிகர்கள், இளையராஜா பாடலை பாடச் சொல்லிக் கேட்கக் கூடாது என்பதற்காகவே எஸ்பிபி இந்த வேலையை செய்தார். அதற்குப் பதில், ‛‛இளையராஜாவின் அனுமதி பெறவில்லை அனுமதி பெறாமல் பாடுவது தவறு. எனவே அனுமதி பெற்ற பிறகு அவரது பாடல்களை பாடுகிறேன்'' என்று குறிப்பிட்டிருக்கலாம். அதையும் செய்யவில்லை என்று கருதுகிறார்கள் ரசிகர்கள். ஆனால் அதை விடுத்து, ‛‛ராயல்டி பற்றியோ, காப்புரிமை பற்றியோ தனக்கு எதுவும் தெரியாது'' என்று கூறியதுதான் ஆச்சரியமாக இருந்தது.

ராயல்ட்டிக்கான அங்கீகரிக்கப்பட்ட அமைப்புகள்

காப்புரிமை சட்டம் பற்றிய புரிதல் இல்லாமல் போய்விட்டது. சட்டப்படி, எந்த ஒரு பாடலையும் கேசட், சிடி, அல்லது நவீன கால ஐடியூன்ஸ் போன்றவை மூலமே விலைக்கு வாங்க வேண்டும். ரேடியோவில், டிவி சேனலில் கேட்கும் போது அந்தந்த நிறுவனங்கள் அதை விலை கொடுத்துத் தான் வாங்குகின்றன. அதற்கு இந்தியாவில் ஐபிஆர்எஸ்., பிபிஎல்., சிம்கா, இஸ்ரா... போன்ற இந்திய அரசால், சட்டப்படி அங்கீகரிக்கப்பட்ட அமைப்புகள் ஏராளமாக உள்ளன. இவை அனைத்துமே இசை கலைஞர்களுக்கு அவர்களின் ராயல்டி உரிமையை பெற்று தரவே தொடங்கப்பட்டுள்ளது. 

இளையராஜா செய்தது சரியே...!

அப்படி பார்க்கையில், ஒரு படைப்பாளி தன் படைப்பின் மீதான உரிமையை நிலை நாட்டுவதையே தவறு என்றும் பேராசை என்றும் எப்படி சொல்ல முடியும். எஸ்பிபி.யின் வெளிநாட்டுப் பயணம் ஏதோ மக்களை மகிழ்விக்கும் இலவசப் பயணம் அல்ல. நூறு சதவீதம் பணம் வசூலிக்கும் இசை நிகழ்ச்சிகள். அப்படி வசூலிக்கப்படும் பணத்தில் பாடுகிறவர்களுக்கு, இசைக் கலைஞர்களுக்கு கொடுக்கிறார்கள். அப்படியே அதில் ஒரு பகுதியை படைப்பாளியான இளையராஜாவிற்கு கொடுப்பதில் என்ன தவறு இருக்கிறது. தனக்கான உரிமையை சட்டப்படி நிலை நாட்ட இளையராஜா முயன்றால் அது எப்படி பேராசையாகும்.

இது ஏதோ இளையராஜா மட்டும் செய்வது போன்று தவறான கண்ணோட்டத்துடன் பார்க்கப்படுகிறது. இளையராஜா மட்டுமல்ல ஏஆர்.ரஹ்மான் உள்ளிட்ட இந்தியாவின் டாப் இசை கலைஞர்கள் பலரும் ராயல்டி விஷயத்தில் ஐபிஆர்எஸ்., பிபிஎல்., உள்ளிட்ட அமைப்புகள் சொல்படியே நடக்கின்றன. அப்படிபார்க்கும் போது சட்டப்படி இளையராஜா செய்தது சரி தான். 

இஸ்ராவில் எஸ்பிபி.,யின் பங்கு

2013ம் ஆண்டு சென்னையில் ISRA என்ற இந்திய பாடகர்கள் உரிமை அமைப்பின் சென்னைப் பிரிவை பி.சுசீலா, கே.ஜே.யேசுதாஸ், எஸ்பிபி, ஹரிஹரன் உள்ளிட்டோர் ஆரம்பித்தார்கள். அப்போது பேசிய எஸ்பிபி, “இந்த அமைப்பு யாருக்கும் எதிரான அமைப்பு அல்ல. எங்களுக்கு உண்டான உரிமையைக் கேட்டுப் பெறுகிறோம். பணம் சம்பாதிப்பது ஒரு பிரச்சனையோ அல்ல,” என்றார். 

தங்களுக்கான ராயல்ட்டி தொகை கிடைக்க வேண்டும் என்று தானே இவர்கள் குரல் கொடுத்தனர். அப்படி இருக்கையில், இளையராஜா செய்தது மட்டும் எப்படி தவறாகும். இந்த விஷயத்தில் இளையராஜா சட்டப்படி தான் நோட்டீஸ் அனுப்பியிருக்கிறார். ஆகவே சட்டப்படி இது எந்த விதத்திலும் தவறாகாது என்பதே நிதர்சனமான உண்மை!

இளையராஜா - எஸ்பிபி., இருவரும் தேவை

இளையராஜா ஏதோ பணத்திற்காக செய்கிறார் என்று எஸ்பிபி., மனதில் கொள்ளாமல் 40 வருட நட்பிற்கும், சட்டத்திற்கும் மதிப்பளிக்க வேண்டும். ஊடகங்களிலும், சமூக வலைதளங்களில் வரும் கருத்துக்களையும், செய்திகளையும் நம்பாமல், நட்பையும், சட்டத்தையும் நம்பினார் என்றால் இளையராஜா செய்தது சரி தான் என்று எஸ்பிபி., நிச்சயம் உணருவார். நாளையே எஸ்.பி.பி., ஒரு பாடலை எழுதி, இசையமைத்தார் என்றால் அவருக்கும் இதே சட்டம் தான் பொருந்தும். சட்டம் தெரிந்த எஸ்பிபி., நிச்சயம் இளையராஜாவின் சட்டத்தையும் ஏற்பார். தமிழ் சினிமாவிற்கு ராஜாவும் தேவை, எஸ்பிபி.,யும் தேவை, இருவரும் இணைந்து இந்த சச்சரவுக்கு ஒரு முற்றுப்புள்ளி வைத்து விரைவில் மேடையில் தோன்றி இசை ரசிகர்களை மகிழ்விக்க வேண்டும் என்பதே அனைவரின் விருப்பமாக உள்ளது.

முடிவுக்கு வருமா...?

இளையராஜாவின் ரசிகர்களுக்கும், எஸ்பிபி ரசிகர்களுக்கும் இடையேயான மோதல், சமூக வலைத்தளங்களில் வரம்பு மீறிச் சென்றுவிட்டது. எப்படியோ இளையராஜா - வைரமுத்து, இளையராஜா - பாரதிராஜா ஆகியோரின் பிரிவு போல, இளையராஜா - எஸ்பிபி இடையேயான பிரிவு பெரிதாகிவிடாமல் இளையராஜா - எஸ்பிபி.,யே இந்த விவகாரத்திற்கு முற்றுப்புள்ளி வைக்க வேண்டும்.

சென்னையில் இருந்து சிங்கப்பூருக்கு ரூ.55 லட்சம் வெளிநாட்டு பணம் கடத்த முயற்சி 3 பேர் கைது

சென்னையில் இருந்து சிங்கப்பூருக்கு கடத்த முயன்ற ரூ.55 லட்சம் வெளிநாட்டு பணத்தை அதிகாரிகள் பறிமுதல் செய்தனர். இது தொடர்பாக 3 பேர் கைது செய்யப்பட்டனர்.
மார்ச் 22, 04:41 AM

ஆலந்தூர்,

சென்னை மீனம்பாக்கம் பன்னாட்டு விமான நிலைய நிலையத்தில் இருந்து சிங்கப்பூருக்கு விமானம் செல்ல இருந்தது. இந்த விமானத்தில் வெளிநாட்டு பணம் கடத்த இருப்பதாக சுங்க இலாகா பிரிவு அதிகாரிகளுக்கு ரகசிய தகவல் கிடைத்தது.

இதையடுத்து விமானத்தில் ஏற வந்த பயணிகளை அதிகாரிகள் கண்காணித்தனர். அப்போது சிங்கப்பூருக்கு சுற்றுலா விசாவில் செல்ல சென்னையை சேர்ந்த அப்துல் சலாம் (வயது 30), அப்துல் ரசாக் (35) ஆகியோர் வந்திருந்தனர்.பணம் பறிமுதல்

சந்தேகத்தின் பேரில் அவர்களை சுங்க இலாகா அதிகாரிகள் தடுத்து நிறுத்தி விசாரித்தனர். முன்னுக்கு பின் முரணாக பேசியதால் அவர்கள் கொண்டு வந்த பெட்டிகளை சோதனை செய்தனர்.

அதில் முறுக்கு, மிக்சர் பாக்கெட்டுகள் இருந்தன. அவற்றை பிரித்து பார்த்தபோது அதில் அமெரிக்க மற்றும் யூரோ டாலர்கள் இருந்தது தெரியவந்தது. அதை தொடர்ந்து 2 பேரிடமும் இருந்த ரூ.37 லட்சம் வெளிநாட்டு பணம் பறிமுதல் செய்யப்பட்டது.3 பேர் கைது

இதே போல் சிங்கப்பூருக்கு செல்ல இருந்த மற்றொரு விமானத்தில் ராமநாதபுரத்தை சேர்ந்த காதர்பாஷா (39) ஏற வந்தார். அவருடைய பெட்டியை சந்தேகத்தின் பேரில் அதிகாரிகள் சோதனை செய்தனர். அதில் துணிகளுக்கு இடையே மறைத்து வைத்திருந்த ரூ.18 லட்சம் மதிப்புள்ள அரபு நாட்டு பணம் பறிமுதல் செய்யப்பட்டது.

இதையடுத்து சென்னையில் இருந்து சிங்கப்பூருக்கு வெளிநாட்டு பணம் கடத்த முயன்ற 3 பேரின் விமான பயணத்தை அதிகாரிகள் ரத்து செய்தனர். மேலும் 3 பேரையும் அதிகாரிகள் கைது செய்து விசாரணை நடத்தி வருகின்றனர்.

தலையங்கம்

கலப்படம் செய்தால் ஆயுள் தண்டனை

DAILY THANTHI

பழைய காலங்களில் திரைப்படங்கள் பொதுவாக யதார்த்த உண்மைகளை வெளிப்படுத்தும் வகையிலேயே அமைந்திருந்தன. பாடல்கள் என்றாலும் சரி, திரைக்கதை, வசனம் என்றாலும் சரி, சமூகத்தில் நிலவும் அவலநிலையை எடுத்துக்காட்டும் விதமாக இருந்தது.

மார்ச் 22, 03:00 AM

பழைய காலங்களில் திரைப்படங்கள் பொதுவாக யதார்த்த உண்மைகளை வெளிப்படுத்தும் வகையிலேயே அமைந்திருந்தன. பாடல்கள் என்றாலும் சரி, திரைக்கதை, வசனம் என்றாலும் சரி, சமூகத்தில் நிலவும் அவலநிலையை எடுத்துக்காட்டும் விதமாக இருந்தது. அந்தவகையில், தி.மு.க. தலைவர் கருணாநிதி திரைக்கதை, வசனம் எழுதி 1953–ம் ஆண்டில் வெளிவந்த ‘திரும்பிப்பார்’ என்ற படத்தில், ‘‘கலப்படம்... கலப்படம்... எங்கும், எதிலும் கலப்படம்... ஆழாக்கு பாலினிலே அரைப்படி தண்ணீர் கலப்படம், அரிசியிலே மூட்டைக்கு அரைமூட்டை கல் கலப்படம், அருமையான நெய்யினிலே சரிபாதி டால்டா கலப்படம், காபி கொட்டையில் புளியங்கொட்டை முழுக்க முழுக்க கலப்படம்...’’ என்றொரு பாடல்வரும். அந்தபாடலிலுள்ள வரிகள் ஒவ்வொன்றும் 64 ஆண்டுகள் கழித்தும், இன்னும் நாட்டில் வி‌ஷக்கிருமியாக பரவிவருவது வேதனையளிக்கிறது. இப்போதெல்லாம் புதிது, புதிதாக எத்தனையோ நோய்கள் வருகின்றன. இதற்கெல்லாம் டாக்டர்களிடம் சென்றால், நீங்கள் சாப்பிட்ட உணவில் கலப்படம், குடித்த குளிர்பானத்தில் கலப்படம், அதுதான் இவ்வளவு உடல்நலக்கோளாறுகளையும் ஏற்படுத்துகிறது என்று பலநேரங்களில் சொல்கிறார்கள். சரி உணவில்தான் கலப்படம், குளிர்பானத்தில்தான் கலப்படம், இதை குணமாக்க மருந்துகள் வாங்கி சாப்பிடுவோம் என்றால், மருந்திலும் கலப்படம். கலப்படக் குற்றங்கள் செய்ததற்காக பல மருந்துகள் தடைச்செய்யப்பட்டுள்ளன. கலப்படம் செய்வது உயிர்க்கொல்லி குற்றமாகும்.

1976–ம் ஆண்டு நெருக்கடிநிலை பிரகடனத்தின்போது, கலப்பட குற்றங்களைத்தடுக்க கடுமையான நடவடிக்கை மேற்கொண்டு, அதற்குப்பிறகு அங்கொன்றும், இங்குகொன்றுமாக கண்டுபிடிக்கிறார்கள். ஆனால், இந்திய தண்டனைச்சட்டம் பிரிவு–272–ல் உணவு மற்றும் விற்பனைக்காக வைக்கப்பட்டுள்ள உணவு மற்றும் குளிர்பானத்தில் கலப்படம் இருந்தால் அது குற்றமாக கருதப்பட்டு, நடவடிக்கைக்கு உட்படுத்தப்படும் என்று கூறப்பட்டுள்ளது. ஆனால், இவ்வளவு பெரிய குற்றத்திற்கான தண்டனையைப் பார்த்தால், 6 மாதம்வரை ஜெயில் தண்டனை அல்லது ரூ.1,000 அபராதம் அல்லது இரண்டும் விதிக்கலாம் என்று இருக்கிறது. இதேபோல, பிரிவு 273–ல் இந்த கலப்படப்பொருட்களை விற்பனை செய்பவர்களுக்கும், 6 மாதம் ஜெயில் தண்டனை அல்லது ரூ.1,000 அபராதம் அல்லது இரண்டும் விதிக்கலாம் என்றுதான் இருக்கிறது. இதே அபராதம்தான் மருந்தில் கலப்படம் செய்பவர்களுக்கும், கலப்பட மருந்தை விற்பவர்களுக்கும் விதிக்கப்பட இந்திய தண்டனைச்சட்டம் பிரிவு 274, 275 வகைசெய்கிறது. குற்றங்களின் தன்மையைப் பார்த்தால், இந்த தண்டனை போதாது, கலப்படம்செய்து கொள்ளை லாபம் அடிப்பவர்கள், அடுத்தவர்களின் உடல்நிலை பாதிக்குமே என்று கொஞ்சம்கூட கவலைப்படவில்லை. அவர்களுக்கு இந்த அபராதம் நிச்சயமாக போதாது. நாம் கலப்படம் செய்வோம், கண்டுபிடித்தால் ரூ.1,000 அபராதம் என்றவகையில் எளிதாக தப்பித்துக்கொள்ளலாம் என்ற உணர்வே கலப்படம் செய்யத்தூண்டுகிறது என்றொரு குறைபாடு பொதுமக்களிடையே வெகு நாட்களாக இருந்தது. உணவு கலப்படச்சட்டம் என்பது மத்திய, மாநில அரசுகள் இரண்டும் கையாளக்கூடிய பொதுப்பட்டியலை கருத்தில் கொண்டு, உத்தரபிரதேசம், மேற்குவங்காளம், ஒடிசா மாநிலங்களில் இந்திய தண்டனைச்சட்டத்தை திருத்தி கடுமையான தண்டனை விதிக்க வகைசெய்துள்ளது.

உச்சநீதிமன்றம் இந்த கலப்பட விவகாரத்தை இந்திய சட்ட ஆணையத்துக்கு அனுப்பி ஒரு நல்ல சட்டம் உருவாக்க பரிந்துரை செய்தது. இதையொட்டி, இந்திய சட்ட ஆணையம் இந்த கலப்பட சட்டத்தை ஆழமாக விவாதித்தது. மத்திய அரசாங்கத்தின் சட்டசெயலாளரும் இந்தக்கூட்டத்தில் கலந்துகொண்டு மத்திய அரசாங்கத்தின் கருத்துகளை தெரிவித்தார். இப்போது, இந்த குற்றங்களுக்கு 6 மாதம்வரை ஜெயில் தண்டனை அல்லது ரூ.1,000 அபராதம் என்பதை மாற்றி, ஆயுள் தண்டனை மற்றும் லட்சக்கணக்கான ரூபாய் அபராதம் என்றவகையில் திருத்தலாம் என்று பரிந்துரை செய்துள்ளது. இதுதொடர்பாக புதிதாக ஒரு சட்டத்திருத்தம் கொண்டுவரும் முன்பு, அரசு இதுதொடர்பாக சம்பந்தப்பட்ட அதிகாரிகள், வியாபாரிகள், பொதுமக்களின் பிரதிநிதிகள் உள்பட அனைவருடனும் கலந்துபேசி, கலப்படம் இல்லாத புதிய சமுதாயத்தை படைப்பதற்குரிய அனைத்து நடவடிக்கைகளையும் எடுக்கவேண்டும்.

ஜெயலலிதா விடுவிப்பு என்பது செல்லாது ரூ.100 கோடி அபராதம் வசூலிக்க வேண்டும் சுப்ரீம் கோர்ட்டில் கர்நாடக அரசு மனு

சொத்து குவிப்பு வழக்கில் ஜெயலலிதாவுக்கு விதிக்கப்பட்ட ரூ.100 கோடி அபராதத்தை வசூலிக்க வேண்டும். மரணம் அடைந்ததால் அவரை விடுவித்தது செல்லாது என்று சுப்ரீம் கோர்ட்டில் கர்நாடக அரசு மனு தாக்கல் செய்துள்ளது.

மார்ச் 22, 05:45 AM

புதுடெல்லி,

மறைந்த முதல்- அமைச்சர் ஜெயலலிதா, சசிகலா, இளவரசி, சுதாகரன் ஆகியோர் வருமானத்துக்கு மீறி சுமார் ரூ.66 கோடி சொத்து குவித்ததாக குற்றச்சாட்டு எழுந்தது.

தனிக்கோர்ட்டு தண்டனை

இது தொடர்பான வழக்கை பெங்களூரு தனிக்கோர்ட்டு நீதிபதி மைக்கேல் டி குன்ஹா விசாரித்தார்.

முடிவில், குற்றம் சாட்டப்பட்ட 4 பேரும் குற்றவாளிகள் என கண்டு, ஜெயலலிதாவுக்கு 4 ஆண்டுகள் சிறை தண்டனையும், ரூ.100 கோடி அபராதமும், சசிகலா, இளவரசி, சுதாகரன் ஆகியோருக்கு தலா 4 ஆண்டுகள் சிறை தண்டனையும், தலா ரூ.10 கோடி அபராதமும் விதித்து தீர்ப்பு அளித்தார். அபராதத்தை செலுத்த தவறினால், மேலும் ஓராண்டு சிறைவாசம் அனுபவிக்க வேண்டும் என்றும் உத்தரவிடப்பட்டது.

ஐகோர்ட்டு விடுதலை

தனிக்கோர்ட்டு 2014-ம் ஆண்டு, செப்டம்பர் 27-ந் தேதி வழங்கிய இந்த தீர்ப்பை எதிர்த்து, ஜெயலலிதா, சசிகலா, இளவரசி, சுதாகரன் ஆகியோர் சார்பில் கர்நாடக ஐகோர்ட்டில் அப்பீல் செய்தனர்.

இந்த அப்பீல் வழக்கை விசாரித்த நீதிபதி குமாரசாமி, தனிக்கோர்ட்டு தீர்ப்பை ரத்து செய்து, ஜெயலலிதா உள்ளிட்ட 4 பேரையும் விடுதலை செய்து 2015-ம் ஆண்டு, மே மாதம் 11-ந்தேதி தீர்ப்பு அளித்தார்.

கர்நாடக அரசு அப்பீல்

ஆனால் இந்த தீர்ப்பை எதிர்த்து கர்நாடக அரசு சார்பிலும், தி.மு.க. பொதுச் செயலாளர் க.அன்பழகன் சார்பிலும் சுப்ரீம் கோர்ட்டில் தனித்தனியாக அப்பீல் வழக்கு தாக்கல் செய்யப்பட்டது.

இந்த அப்பீல் வழக்கை நீதிபதிகள் பினாகி சந்திரகோஷ், அமிதவராய் ஆகியோர் விசாரித்து, இறுதி வாதங்கள் முடிந்து, கடந்த ஆண்டு ஜூன் மாதம் 7-ந் தேதி தீர்ப்பை தேதி குறிப்பிடாமல் ஒத்திவைத்தனர்.

சுப்ரீம் கோர்ட்டு தீர்ப்பு

சுப்ரீம்கோர்ட்டு நீதிபதிகள் தங்களது தீர்ப்பை கடந்த பிப்ரவரி மாதம் 14-ந் தேதி வழங்கினர்.

இந்த தீர்ப்பில், ஜெயலலிதா மரணம் அடைந்து விட்டதால் அவர் மீதான அப்பீல் வழக்கு அற்றுப்போகிறது (இல்லாமல் போகிறது) என கூறிய நீதிபதிகள் மற்ற 3 பேர் மீது தனிக்கோர்ட்டு விதித்த தண்டனையை உறுதி செய்தனர்.
இந்த 3 பேரும், வழக்கின் முதல் குற்றவாளியான ஜெயலலிதாவுடன் சேர்ந்து கூட்டு சதியில் ஈடுபட்டது தெரியவந்து இருப்பதாக கூறிய நீதிபதிகள், 3 பேரும் பெங்களூரு தனிக்கோர்ட்டில் உடனடியாக சரண் அடையவேண்டும் என்றும் உத்தரவிட்டனர். இதையடுத்து சசிகலா, இளவரசி, சுதாகரன் ஆகிய 3 பேரும் சரண் அடைந்து, பெங்களூரு சிறையில் அடைக்கப்பட்டனர்.

மறு ஆய்வு மனு

இப்போது இந்த தீர்ப்பில் மாற்றம் செய்யக்கோரி கர்நாடக அரசு சார்பில் சுப்ரீம் கோர்ட்டில் நேற்று மறு ஆய்வு மனு தாக்கல் செய்யப்பட்டது. வக்கீல் ஜோசப் அரிஸ்டாட்டில் தாக்கல் செய்த மறுஆய்வு மனுவில் கூறி இருப்பதாவது:-
ஜெயலலிதாவுக்கு எதிரான ஊழல் வழக்கில், சுப்ரீம் கோர்ட்டு 2017-ம் ஆண்டு பிப்ரவரி மாதம் 14-ந்தேதி வழங்கிய தீர்ப்பில், அவரது மரணத்தை அடுத்து அவர் மீதான அப்பீல் வழக்கு அற்றுப்போகிறது என கூறப்பட்டுள்ளது. இது தவறானது. எனவே மறு ஆய்வு செய்யப்பட வேண்டும்.

கேள்விக்கே இடம் இல்லை

ஒரு வழக்கில் வாதங்கள் முடிந்து, தீர்ப்பு ஒத்திவைக்கப்பட்ட நிலையில், ஒருவர் இறந்து விட்டால், அப்பீல் வழக்கு அற்றுப்போகும் என்ற கேள்விக்கே இடம் இல்லை. அதைத் தொடர்ந்து வழங்கப்படுகிற தீர்ப்பு, இறந்த நபர் உயிரோடு இருந்திருந்தால் எப்படி வழங்கப்பட்டிருக்குமோ அதே வலிமையுடன் அளிக்கப்பட்டிருக்க வேண்டும்.

இப்படி அப்பீல் அற்றுப்போவதற்கு அரசியல் சாசனத்தில் எந்த சட்டப்பிரிவும் வகை செய்யவில்லை. அதேபோன்று சுப்ரீம் கோர்ட்டின் 2013-ம் ஆண்டு விதிகளும் கூறவில்லை.

அபராதம் ரூ.100 கோடி

மற்றொரு வகையில் பார்த்தால், சுப்ரீம் கோர்ட்டு விதிகள் 2013, சிவில் அப்பீல் வழக்குகளிலும் சரி, தேர்தல் வழக்குகளிலும் சரி, விசாரணை முடிந்தபிறகு சம்மந்தப்பட்ட நபர் இறந்து விட்டால், வழக்கு அற்றுப்போகும் என்ற நிலை வராது என கூறுகிறது.

இந்த வழக்கை பொறுத்தமட்டில், (தண்டிக்கப்பட்ட நபர் இறந்து விட்டதால்) சிறைத்தண்டனை பலனற்றது. இருந்தபோதிலும், தனிக்கோர்ட்டு அளித்த தீர்ப்பின்படி ஜெயலலிதாவுக்கு விதிக்கப்பட்ட ரூ.100 கோடி அபராதம் செலுத்துமாறு உத்தரவிடப்பட்டிருக்க வேண்டும். அந்த அபராதத்தை அவரது சொத்துகள் மூலம் வசூலித்திருக்க வேண்டும்.

சரியானது அல்ல

இந்த வழக்கில் ஜெயலலிதா சிறைத்தண்டனை அனுபவிக்கும் நிலை இல்லை. ஆனால் அபராதம் செலுத்த வேண்டும் என்பது சட்டப்படி நிலைத்து நிற்கத்தக்கது. அதை அவர் சொத்துகள் மூலம் வசூலிக்க வேண்டும். அதிலும் குறிப்பாக வருமானத்துக்கு மீறி சொத்து குவித்த வழக்குகளில் இது தேவைப்படுகிறது.

இந்த வழக்கில், அப்பீல் அற்றுப்போகிறது என்பது சரியானது அல்ல.

பரிசீலனைக்கு உரியது

எனவே இறந்துபோன நபருக்கு சிறைத்தண்டனை வழங்குவது பலனற்றது என்றபோதிலும், அபராதம் விதிக்கப்படுவதும், சட்டவிரோதமாக சேர்த்த சொத்தை பறிமுதல் செய்யலாமா என்பதுவும் பரிசீலனைக்கு உரியது.
இந்த நிலையில், பிப்ரவரி 14-ந்தேதி சுப்ரீம் கோர்ட்டு வழங்கிய தீர்ப்பை மாற்றி அமைக்க வேண்டும். ஜெயலலிதாவுக்கு எதிராக தனிக்கோர்ட்டு வழங்கிய தீர்ப்பை உறுதி செய்ய வேண்டும்.
இவ்வாறு அதில் கூறப்பட்டுள்ளது.

MK University campus to become Wi-Fi-enabled

The sprawling 400-plus acre campus of Madurai Kamaraj University will completely be made Wi-Fi enabled with Rs. 2.98 crore funding through the Rashtriya Uchchatar Shiksha Abhiyan (RUSA) of Ministry of Human Resource Development.

The project will be part of a slew of initiatives to be undertaken by the university with around Rs. 10 crore funding sanctioned so far for Madurai Kamaraj University under the RUSA scheme, started in 2013 with a key objective of infrastructural improvement in higher education institutions.

G. Arumugam, Registrar (in-charge), said that necessary approvals had been obtained and the orders related to commencing the work would be issued soon.

K. Ravichandran, Special Officer, said that MKU would likely be the first State university in Tamil Nadu to enable Wi-Fi connectivity throughout its campus.

“The work, expected to be over in six months, will be executed in a phased manner,” he said.

Other key projects include library automation at a cost of Rs. 60 lakh, upgrading computers to high-end hardware (Rs. 1.46 Crore), a 400-metre athletic track (Rs. 31 lakh), rainwater harvesting facilities in all buildings (Rs. 95 lakh) and modernisation of hostel kitchens (Rs. 74.9 lakh).

Mr. Arumugam said that a fitness centre would also be constructed at a cost of Rs. 1.15 crore with funds received from University Grants Commission.

AI may offer free Wi-Fi on flights

Saurabh Sinha

New Delhi:





You might be able to send emails as you fly within the country by July . Air India is planning to have WiFi on board its Airbus A-320 planes that are the mainstay of its domestic operations.Once this happens, other Indian airlines may follow suit.

“We are working on having Wi-Fi on our planes. We have issued expression of interest and will take the air craft manufacturer's nod to install Wi-Fi equipment. Though giving an exact date is difficult, we are aiming to start this by June or July,“ AI chief Ashwani Lohani said.

AI did not specify how much data and what speed it is looking at. Since the connection is likely to be free, it may start with a basic pack for free and later move on to paid data packs.

The free basic pack will allow receiving and sending mails and checking What sApp. Depending on passenger feedback, AI may go in for bigger paid data packs.

Leading international airlines that offer on board Wi-Fi have been following this model.For instance, a big Gulf carrier with massive presence in India offers 10MB of free data which is enough to search, send emails and update Facebook. Beyond this, flyers can pay for additional data to stay connected throughout the flight. Global carriers offer price plans that are ei ther volume-based or time-based. Vol ume-based price plans are usually only valid on the flight sector they're purchased on. A mega southeast Asian carrier, for instance, offers time-based unlimited data pack with 24hour validity for `1,175 to `1,400, depending on the service provider. Data is clearly emerging as a big source of ancillary revenue for airlines.

At present, no Indian airline offers on board Internet and AI may be the first to do so. A Jet Airways official said, “Enabling complete WiFiinternet connectivity on board is the next obvious milestone, pending in-principle approvals from the government of India.“ Other schedule airlines did not comment on this issue, while most of them are examining the option of rolling out Wi-Fi.

Foreign airlines which have internet on board are allowed to keep it on in Indian airspace only if they have a local server. If they do not have a local server, they have to keep their internet-on-board switched off for the time their plane is in Indian airspace. For instance, Singapore Airlines has Wi-Fi on its Boeing 777s and the Airbus A-380s. While the airline's B-777 has Internet in Indian airspace also, the same has to be switched off in its A-380s for this reason. Indian regulations stipulate all satellite operators establish a communication satellite gateway in India.

“Once in-flight entertainment was considered a luxury on international flights and now it is absolutely mandatory . Similarly, internet-inair is going to be a necessity in coming times.Airlines opting for this now will get first-mover advantage in terms of being chosen by passengers for this reason,“ said a senior Indian commander who has been operating international flights for 25 years.





VODOFONE AND IDEA MERGER

தபால் சேமிப்பு கணக்கு துவக்குவோர் அதிகரிப்பு

கோவை: வங்கிகள் சேவை கட்டணங்களை, வரும் ஏப்., முதல், உயர்த்தியுள்ள நிலையில், தபால் அலுவலகங்களில் சேமிப்பு கணக்கு துவங்குவோரின் எண்ணிக்கை, அதிகரித்து வருகிறது.தனியார் மற்றும் தேசிய வங்கிகள், சேமிப்பு கணக்கின் குறைந்தபட்ச இருப்புத் தொகையை, உயர்த்தி உள்ளன. மேலும், பண பரிவர்த்தனைகள் கண்காணிக்கப்படுகின்றன என்ற அச்சம் மக்களுக்கு எழுந்துள்ளது. மேலும், பல்வேறு சேவைகளுக்கான நிபந்தனை கட்டணங்களையும் அறிவித்துள்ளது. 

இதனால், பலரின் கவனம், தபால் துறை பக்கம் திரும்பியுள்ளது.குறைந்தபட்சம், 50 ரூபாய் செலுத்தி கணக்கு துவங்கினாலே, ஏ.டி.எம்., கார்டு, எஸ்.எம்.எஸ்., வசதி, மற்றும் அனைத்து வங்கி, ஏ.டி.எம்.,களிலும் வரைமுறையில்லா இலவச பணபரிவர்த்தனை, கூடுதல் வட்டி உட்பட பல வசதிகளால், தபால் துறையில் சேமிப்பு கணக்கு துவங்க, பலர் ஆர்வம் காட்டி வருகின்றனர். 

வங்கி ஊழியர்கள் பலரும், இதில் இணைந்துள்ளது குறிப்பிடத்தக்கது. 
பாஸ்போர்ட் பெறுவது எளிது! ஓரிரு மாதங்களில், தபால் நிலையங்களிலே, பாஸ்போர்ட் மையங்கள் துவங்கப்பட உள்ளன. இதற்கு விண்ணப்பிக்க, தபால் துறையின், 'பாஸ்புக்' ஆதாரமே போதுமானது என்பதால், கல்லுாரி மாணவர்களும், தபால் சேமிப்பு கணக்கு துவங்க முனைப்பு காட்டி வருகின்றனர்.

கோவை கோட்ட தபால் முதுநிலைக் கண்காணிப்பாளர் சித்ராதேவி கூறியதாவது: மக்களிடையே, தபால்துறை குறித்த விழிப்புணர்வு அதிகரித்துள்ளது. கோவை மண்டலத்தில், 2016ம் ஆண்டு, 800 கணக்குகள் புதிதாக துவங்கப்பட்ட நிலையில், தற்போது, இரு மாதங்களில் மட்டும், 60 ஆயிரத்தை எட்டியுள்ளது. இதன் மூலம், மேற்கு மண்டல அளவில், கடந்த, டிச.,ல், 11வது இடத்தில் இருந்த கோவை தபால் கோட்டம், தற்போது, இரண்டாவது இடத்துக்கு முன்னேறியுள்ளது.இவ்வாறு, அவர் கூறினார்.

என்னை கடிச்ச நாய்களை பிடிங்க! : போலீசில் இப்படியும் ஒரு புகார்

திருப்பூர்: 'என்னை கடித்த நாய்களை உடனடியாக பிடிக்க வேண்டும்' எனக் கூறி, திருப்பூரில் ஒருவர், போலீசில் புகார் கொடுக்க சென்றதால், போலீசாருக்கு, ஆத்திரத்தோடு, சிரிப்பும் வந்தது.திருப்பூர் வடக்கு போலீஸ் ஸ்டேஷன், நேற்று காலை, வழக்கம் போல் பரபரப்பாக இயங்கிக் கொண்டிருந்தது. 

அப்போது, ராமகிருஷ்ணன், 40, என்பவர் தள்ளாடியபடி வந்து, வரவேற்பாளரிடம் ஒரு புகாரை சொன்னார்.'ஊத்துக்குளி ரோட்டில் நடந்து சென்ற போது, என்னை, மூன்று நாய்கள் கடித்து விட்டன; அதை உடனடியாக பிடிக்க வேண்டும்' என்பது தான், அந்த புகார். பணியில் மூழ்கியிருந்த போலீசார், ஒவ்வொருவரின் முகத்தை பார்க்க, ஆத்திரம் கொப்பளித்தாலும், மறு பக்கம் சிரிப்பையும் அடக்க முடியவில்லை.

 இதை கண்டுகொள்ளாத ராமகிருஷ்ணன், நாய்களின் பெயர் ஜூலி, செம்பட்டை, கருப்பன் என கூறியதால், 'ஆரம்பமே இப்படி இருக்கே...' என, போலீசார் நொந்து கொண்டு, 'ஏம்பா... இது, போலீஸ் ஸ்டேஷன்... முதல்ல மருத்துவமனைக்கு போய் ஊசியை போட்டு கொள்' என, அறிவுறுத்தினர். ஆனால், போலீசாரின் பேச்சை காதில் வாங்காத அவர், 'எங்க ஏரியாவுல நிறைய நாய்கள் சுத்தி சுத்தி வருது. எங்க ஏரியாகாரங்க தான், இங்க போய் புகார் கொடுக்க சொன்னாங்க' என, திரும்பத் திரும்ப பேசியபடி, அடம் பிடித்தார். ஒரு வழியாக, அந்த நபருக்கு புரிய வைத்து, அனுப்புவதற்குள், போலீசார் படாதபாடு பட்டனர்.

ஜெ., மரணத்திற்கு விசாரணை கமிஷன்
ஐகோர்ட்டில் மத்திய அரசு கைவிரிப்பு
சென்னை,:'மறைந்த முதல்வர் ஜெயலலிதா மரணம் தொடர்பாக, விசாரணை கமிஷன் அமைக்க, தமிழக அரசுக்கு அதிகாரம் உள்ளது' என, சென்னை உயர் நீதிமன்றத்தில், மத்திய அரசு பதிலளித்து உள்ளது.




முதல்வராக இருந்த ஜெயலலிதா, 2016 செப்., 22 இரவில், உடல்நலக் குறைவு காரணமாக, அப்பல்லோ மருத்துவமனையில் சேர்க்கப்பட்டார். 75 நாட்கள் சிகிச்சைக்கு பின், டிச., 5ல் மறைந்தார்.

ஜெ., மரணம் குறித்து, சி.பி.ஐ., விசாரணை, நீதி விசாரணை வேண்டும் என, எதிர்க்கட்சிகள் தரப்பில் கோரப்பட்டு உள்ளது. முன்னாள் முதல்வர் பன்னீர்செல்வம் தலைமையிலான அணியினர், சி.பி.ஐ., விசாரணை கேட்டு, உண்ணாவிரதப் போராட்டம் நடத்தினர்.

ஓய்வு பெற்ற உச்ச நீதிமன்ற நீதிபதிகள், மூவர் மூலம் ஜெ., மரணம் குறித்து விசாரணை நடத்தக் கோரி, உயர் நீதிமன்றத்தில், சென்னை,

அரும்பாக்கத்தைச் சேர்ந்த, அ.தி.மு.க., உறுப்பினர் ஜோசப், நாகை மாவட்டத்தைச் சேர்ந்த ஞானசேகரன் ஆகியோர் மனுக்கள் தாக்கல் செய்தனர்.

ஏழாவது அட்டவணை

இம்மனுக்கள், தற்காலிக தலைமை நீதிபதி, எச்.ஜி.ரமேஷ் தலைமையிலான, 'முதல் பெஞ்ச்' முன், நேற்று விசாரணைக்கு வந்தன. மனுதாரர் தரப்பில், மூத்த வழக்கறிஞர் ஆஜராக உள்ளதால், அவகாசம் கோரப்பட்டது. இதையடுத்து, விசாரணை, நான்கு வாரங்களுக்கு தள்ளிவைக்கப்பட்டது.
இதற்கிடையில், மத்திய உள்துறை அமைச்சகம் சார்பில், சார்பு செயலர் மணிராம் தாக்கல் செய்த பதில் மனு:அரசியல் சட்டத்தின் ஏழாவது அட்டவணையில் உள்ள, இரண்டாவது பட்டியலின்படி, 'பொது சுகாதாரம், மருத்துவமனைகள்' மாநில அரசின் கீழ் வருகிறது. அதன்படி, மாநில முதல்வருக்கு தேவையான மருத்துவ வசதியை அளிக்க வேண்டியது, மாநில அரசின் பொறுப்பு.

ஒப்பிடமுடியாது

மேலும், 'போலீஸ்' மற்றும் 'பொது ஒழுங்கு'ம் ஏழாவது அட்டவணைப்படி, மாநில அரசின் கீழ் வருகிறது. குற்றங்களை தடுப்பது, கண்டுபிடிப்பது, வழக்கு பதிவு செய்து, விசாரணை நடத்துவது, கிரிமினல்கள் மீது காவல் துறை மூலம் சட்டப்படி நடவடிக்கை எடுப்பது ஆகியவற்றுக்கும், மாநில அரசே பொறுப்பு.

எனவே, மாநில அரசுக்கு தான், இதில் முக்கிய பொறுப்பு உள்ளது. விசாரணை கமிஷன் சட்டப்படி, ஓய்வு பெற்ற நீதிபதிகள் தலைமையில் விசாரணை கமிஷன் அமைப்பதற்கு, மாநில அரசுக்கு அதிகாரம் உள்ளது.
நேதாஜி இறந்த சம்பவம், சுதந்திரம் அடைவதற்கு முன் நடந்தது. நேதாஜி இறப்பையும், ஜெ., இறப்பையும் ஒப்பிட முடியாது. அவை இரண்டும் ஒன்று அல்ல. விசாரணை முடியும் வரை, ஜெ.,யின் உடலை பத்திரமாக வைத்திருக்கும்படியோ, குழு அமைக்கும்படியோ, எங்களுக்கு எந்த கடிதமும் வரவில்லை. இந்த வழக்கில், பிரதமர் அலுவலகம் மற்றும் மத்திய உள்துறை அமைச்சகத்தை நீக்க வேண்டும். இவ்வாறு அதில் கூறப்பட்டுள்ளது.

இளையராஜா - எஸ்.பி.பி., மோதல் -
10 முக்கிய அம்சங்கள்

சென்னை:தமிழ் சினிமாவில் இன்றைய ஹாட் டாப்பிக்காக போய் கொண்டிருப்பது இளையராஜா - எஸ்.பி.பாலசுப்ரமணியம் இடையேயான காப்பி ரைட்ஸ் பிரச்னையை பற்றியது தான். இசை அமைப்பாளர் இளையராஜா தனது பாடல்களை எஸ்.பி.பாலசுப்பிரமணியம் பாடக்கூடாது என்று நோட்டீஸ் அனுப்பி உள்ளார். எஸ்.பி.பாலசுப்பிரமணியமும் இனி இளையராஜா இசை அமைத்த பாடல்களை பாட மாட்டேன் என்று அறிவித்துள்ளார். இது இசையுலகில் பெரும் பரபரப்பை ஏற்படுத்தி உள்ளது.
@Image1@

இளையராஜா - எஸ்.பி.பி. இருவருக்கும் ஏற்பட்டுள்ள மோதல் குறித்து பல்வேறு தரப்பில் பலவிதமான கருத்துகள் பதிவு செய்யப்பட்டு வருகின்றன. இளையராஜா ஏதோ பணத்தாசைப் பிடித்தவர் போலவும் எஸ்.பி.பி. அவர்கள் ஆசைகளை துறந்தவர் போலவும் இணையதளத்தில் கருத்துகளை கூறி வருகிறார்கள். இதுப்பற்றிய 10 முக்கிய அம்சங்கள் என்னவென்று இங்கு பார்ப்போம்...

01. இளையராஜா - எஸ்பிபி., இடையேயான மோதல் ஏதோ ராயல்டி பிரச்னை என்று பார்க்கப்படுகிறது. உண்மையை சொல்லப்போனால் இருவருக்கும் கடந்த 6 மாத காலமாகவே ஒரு வித பனிப்போர் நடந்து வருகிறது என்று கோலிவுட்டில் பரவலாக பேசப்படுகிறது.
02. கடந்த வருடம் அமெரிக்காவில் நடந்த இளையராஜாவின் இசை கச்சேரிக்கு 7 லட்சம் வாங்கி கொண்டிருந்த எஸ்பிபி., 20 லட்சம் தந்தால் தான் வருவேன் என அதிரடியாக தன் சம்பளத்தை உயர்த்தி கறாராக நடந்து கொண்டு அந்த நிகழ்ச்சியையே புறக்கணித்து அமெரிக்கா போகாமல் இருந்துவிட்டாராம், அதன் வெளிப்பாடு தான் இந்த பிரச்னை என்கிறார்கள்.

03. இதுஒருபுறம் இருக்க இளையராஜா- எஸ்.பி.பிக்கு இடையேயான பிரச்சனைஅவர்களுக்கிடையேயானது அல்ல, அவர்களின் வாரிசுகளுக்கிடையேயான பிரச்சனை என்று கூறப்படுகிறது. கார்த்திக் ராஜாவை போன்றே, எஸ்.பி.பி.சரணும் தனது தந்தையை வைத்து உலகம் முழுக்க கச்சேரி நடத்த முடிவு செய்துள்ளார். அந்த போட்டியின் வெளிப்பாடு தான் பிரச்னைக்கு முக்கிய காரணம் என்கிறார்கள்.

04. காப்புரிமை சட்டம் பற்றிய புரிதல் இல்லாமல் போய்விட்டது. சட்டப்படி, எந்த ஒரு பாடலையும் கேசட், சிடி, அல்லது நவீன கால ஐடியூன்ஸ் போன்றவை மூலமே விலைக்கு வாங்க வேண்டும். ரேடியோவில், டிவி சேனலில் கேட்கும் போது அந்தந்த நிறுவனங்கள் அதை விலை கொடுத்துத் தான் வாங்குகின்றன. அப்படிபார்க்கும் போது சட்டப்படி இளையராஜா செய்தது சரி தான்.
05. ஒரு படைப்பாளி தன் படைப்பின் மீதான உரிமையை நிலை நாட்டுவதையே தவறு என்றும் பேராசை என்றும் எப்படி சொல்ல முடியும்.
06. எஸ்பிபி.யின் வெளிநாட்டுப் பயணம் ஏதோ மக்களை மகிழ்விக்கும் இலவசப் பயணம் அல்ல. நூறு சதவீதம் பணம் வசூலிக்கும்இசை நிகழ்ச்சிகள். நிகழ்ச்சியை ரசிக்க வரும் மக்களிடமிருந்து வசூலிக்கும் பல லட்சம், மில்லியன் டாலர்களிலிருந்து, பாடுகிறவர்களுக்கு, இசைக் கலைஞர்களுக்கு என எல்லாத் தரப்புக்கும் பணம் தருகிறார்கள். அந்தப் பாடல்களை உருவாக்கிய படைப்பாளியான இளையராஜா, தனக்கான உரிமையை நிலை நாட்ட முயன்றால் மட்டும் 'பேராசையா'? என்ற கேள்வி எழுகிறது.

07. இந்த நோட்டீஸ், வணிக ரீதியில், அவரது பாடல்களை பயன்படுத்துவோருக்கே அனுப்பப்பட்டுள்ளது. சாதாரண மேடைகச்சேரி நடத்துவோர், ராயல்டி செலுத்த வேண்டியதில்லை என்று இளையராஜா தரப்பு கூறிவிட்டது கவனிக்கத்தக்கது.

08. தனது பாடல்களை பாட பணம் தர வேண்டும் என்று இளையராஜா கேட்பது சாதாரண மக்களை பாதிக்காதா என்றும் ஒரு கருத்து நிலவி வருகிறது. காப்புரிமையை பற்றியெல்லாம் பேசினால் இளையராஜாவின் இசையை கேட்பது குறைந்துவிடும் என்பது அவரது ரசிகர்களுக்கு ஏற்பட்டுள்ள அச்சம். 

09. தனக்கு கிடைக்கும் ராயல்டி தொகையை தான் மட்டும் அனுபவிக்காமல், அதில் ஒரு பகுதியை சம்பந்தப்பட்ட பாடலாசிரியர் மற்றும் தயாரிப்பாளருக்கு தருவதாக இளையராஜா கூறியிருக்கிறார். 

10. ராயல்டி கலாச்சாரத்தை ஏதோ இளையராஜா மட்டும் தான் கேட்கிறார் என்ற தவறான கண்ணோட்டம் உள்ளது. உண்மையை சொல்லப்போனால், ரஹ்மான் உள்ளிட்ட பல இசையமைப்பாளர்கள் தங்களுக்கான ராயல்ட்டியை பெற்ற இசை நிகழ்ச்சிகளை நடத்துகிறார்கள்.

279 தொழில்நுட்ப கல்லூரிகள்
23 பல்கலைகள் 'டுபாக்கூர்'
புதுடில்லி, :நாடு முழுவதும், 23 பல்கலைகள் மற்றும் 279 தொழில்நுட்பக் கல்லுாரிகள், அனுமதி பெறாமல் இயங்கி வருவதாக எச்சரிக்கப்பட்டு உள்ளது.





ஒவ்வொரு கல்வி ஆண்டு துவக்கத்துக்கும் முன், நாட்டில் உள்ள போலி பல்கலைகள் மற்றும் தொழில்நுட்பக் கல்லுாரிகள் குறித்த விபரங்களை, யு.ஜி.சி., எனப்படும், பல்கலை மானியக் குழுவும், ஏ.ஐ.சி.டி.இ., எனப்படும், அனைத்திந்திய தொழில்நுட்ப கல்வி கவுன்சிலும்
வெளியிடுகின்றன.

சான்றிதழ் கிடைக்காது


அதன்படி, நடப்பு கல்வியாண்டுக்கான பட்டியலை இவை வெளியிட்டுள்ளன. நாடு முழுவதும், 23பல்கலைகளும், 279 தொழில்நுட்பக் கல்லுாரிகளும் அனுமதி பெறாமல் இயங்கி வருகின்றன. இவற்றில் படித்தால், அங்கீகாரம் பெற்ற கல்விச் சான்றிதழ் கிடைக்காது என, எச்சரிக்கப்பட்டு உள்ளது.
இந்த பட்டியலில், 66 போலி கல்லுாரிகள் மற்றும் 23 போலி பல்கலைகளுடன், டில்லி முதலிடத்தில் உள்ளது. அதற்கடுத்த இடத்தில், தெலுங்கானா, உத்தர பிரதேசம், மேற்கு வங்கம், மஹாராஷ்டிர மாநிலங்கள்உள்ளன.


கடிதம்


'இந்த போலி கல்லுாரி, பல்கலைகள் குறித்து, அந்தந்த மாநிலங்களுக்கு தகவல்

கொடுக்கப்பட்டு உள்ளது. மேலும், உரிய அனுமதியை பெறும்படி, இந்த கல்வி அமைப்புகளுக்கும் கடிதம் அனுப்பப்பட்டு உள்ளது' என, யு.ஜி.சி., தெரிவித்துள்ளது.

போலி கல்வி நிறுவனங்கள் குறித்த தகவலை,www.ugc.ac.in மற்றும் www.aicte-india.org இணையதளங்களில் தெரிந்து கொள்ளலாம் என்றும், யு.ஜி.சி., தெரிவித்துள்ளது.

பணியிடங்களில் பாலியல் தொல்லை: 90 நாட்கள் சம்பள விடுமுறை

புதுடில்லி: மத்திய அரசு அலுவலகங்களில் பணியாற்றும் பெண்கள், பாலியல் தொல்லைக்கு உள்ளானால், அவர்களுக்கு விசாரணை காலத்தில் 90 நாட்கள் சம்பளத்துடன் கூடிய விடுமுறை அளிக்கப்படும் என அறிவிக்கப்பட்டுள்ளது.

சம்பளத்துடன் விடுப்பு:

மத்திய அரசில் பணிபுரியும் பெண் ஊழியர்கள் பாலியல் தொலைக்கு உட்பாட்டால், அவர்களுக்கு 90 நாட்கள் சம்பளத்துடன் கூடிய விடுமுறை வழங்க மத்திய பணியாளர் நலத்துறை அமைச்சகம் உத்தரவிட்டுள்ளது. சிறப்பு கமிட்டிகள், பாலியல் குறித்த விசாரணையை நடத்தும் காலத்தில், குற்றம் புரிந்தவர்கள் அச்சுறுத்தல்கள் விடுப்பதாக வந்த புகாரை அடுத்து இந்த நடவடிக்கை எடுக்கப்பட்டுள்ளது.

பரிந்துரையின்படி..

மேலும், இந்த விடுமுறை, விசாரணை கமிட்டியின் பரிந்துரையின்படி வழங்கப்படும் எனவும், பாலியல் புகார் கொடுக்கும் பெண்களுக்கு ஏற்கனவே இருக்கும் விடுமுறை காலத்திலிருந்து கழிக்கப்படாது எனவும் பணியாளர் நலத்துறை அமைச்சகம் அறிவித்துள்ளது.

மார்ச் 19, 01:58 PM

பெண்களை பாதிக்கும் ‘வாட்ஸ் அப்’ வாழ்க்கை

குடும்பத்தலைவிகள் கூட இப்போது ‘வாட்ஸ் அப்’புடன் வாழ்க்கை நடத்தத் தொடங்கியிருக்கிறார்கள். ஒவ்வொரு நாளும் தனக்கு கிடைக்கும் நேரத்தின் பெரும்பகுதியை செல்போனிலே அவர்கள் செலவிடுவது, அவர்களது குடும்ப வாழ்க்கையில் பெரும் பாதிப்பை ஏற்படுத்துகிறது. பெண்கள் வாழ்க்கையில் தங்களை மேம்படுத்திக்கொள்ள பத்து அடிப்படையான விஷயங்களில் கவனம் செலுத்த வேண்டும்.

எப்போதும் விழிப்புடன் இருங்கள்:

பெண்களுக்கு மிகவும் பாதுகாப்பான பகுதி எது? என்ற கேள்வியை கேட்டால், “அப்படி எந்த பகுதியும் இந்த உலகில் கிடையாது” என்பதுதான் உண்மையான பதில்.

வீட்டில் பெண்களுக்கு எதிரான அசம்பாவிதம் ஏற்படலாம். நடந்து செல்லும் போது ரோட்டில் அசம்பாவிதம் ஏற்படலாம். பயணிக்கும்போதும் பிரச்சினை ஏற்படலாம். வேலைபார்க்கும் இடத்திலும், ஓட்டல் போன்று தங்கும் இடத்திலும் பாதுகாப்புமின்மை ஏற்படலாம்.

அதனால் எங்கு, எப்போது, எப்படி பாதுகாப்பில்லாத சூழல் உருவாகும் என்று சொல்ல முடியாது. எப்போதும், எதுவும் நடக்கலாம். ஆனால் இதை நினைத்து யாரும் பயப்படவேண்டியதில்லை. எப்போதும் விழிப்புடன் இருக்க உடலையும், மனதையும் விழிப்பாக வைத்திருக்கவேண்டும்.

உடலை விழிப்பாக வைத்திருப்பது என்பது, முறையான உடற் பயிற்சிகளை செய்து உடலை கட்டுக்கோப்பாக வைத்து ஆரோக்கியத்தை பாதுகாப்பது. ஆரோக்கியமான கட்டுக்கோப்பான உடல், பலமானதாக இருக்கும். அதற்காக நீங்கள் தினமும் உடற்பயிற்சி செய்யவேண்டும்.

மனம் விழிப்பாக இருக்க தியானம், யோகாசனம் போன்றவை தேவை. தியானம் செய்யும் பெண்களின் உள்ளூணர்வு மிக சிறப்பாக வேலை செய்யும். அதன் மூலம் அவர்கள் அதிக விழிப்புணர்வை பெறலாம். மனதும், உடலும் விழிப்பாக இருந்தால் எல்லா நெருக்கடியான சூழ்நிலைகளையும் பெண்களால் சமாளிக்க முடியும்.

எங்கேயும், எப்போதும் பதற்றம் வேண்டாம்:

தன் கண் முன்னே என்ன நடந்தாலும், தனக்கோ- தன் உறவினர்களுக்கோ என்ன நேர்ந்தாலும் பதற்றம் அடைந்துவிடாதீர்கள். பதற்றமடைந்து விட்டால் பயம் வந்து விடும். பயம் வந்துவிட்டால் தெளிவான முடிவினை எடுக்க முடியாது. நீங்கள் உங்கள் வாழ்க்கையில் எப்போதாவது தெளிவற்ற முடிவினை எடுத்திருந்தால், அதற்கு உங்கள் பதற்றம்தான் காரணமாக இருக்கும். பதற்றமின்றி யோசித்தால் தெளிவான, சரியான முடிவுகளை எடுக்கமுடியும்.

தன்னம்பிக்கையை இழந்துவிடக்கூடாது:

வாழ்க்கையில் பெண்கள் பணத்தை இழக்கலாம். பதவியை இழக்கலாம். உறவுகளை கூட இழக்கலாம். ஆனால் ஒருபோதும் தன்னம்பிக்கையை இழக்கக் கூடாது. சரித்திர காலத்தில் இருந்து இந்த காலம் வரை, வாழ்க்கையில் தோற்றுப் போனதாக கருதப்பட்ட பல பெண்கள் மீண்டும் எழுந்து வந்து சாதனை படைத்திருக்கிறார்கள். அதற்கு ஒரே காரணம் அவர்கள் தன்னம்பிக்கையை இழக்காமல் இருந்ததுதான். ஒரு சாதாரண சுண்டெலிகூட உயிர் போகும் நேரத்திலும் தன்னம்பிக்கையை இழக்காமல் உயிர்தப்ப போராடும். ஆனால் பல பெண்கள் சாதாரண பிரச்சினைகளுக்கே தன்னம்பிக்கையை இழந்து நடைபிணம்போல் ஆகிவிடுகிறார்கள். அந்த நிலையை மாற்ற வேண்டும். பெண்கள் ஒவ்வொருவரும் அடுத்தவர்களுக்கு உதாரணமாக தன்னம்பிக்கையோடு வாழ்ந்து காட்டவேண்டும்.

உறவுகளை மேம்படுத்துங்கள்:

இப்போது பெரும்பாலான உறவுகள் செல்போன் உறவுகளாகத்தான் இருக்கின்றன. செல்போனில் பேசுவதும், மெசேஜ் அனுப்புவதும், வாட்ஸ்அப்பில் பகிர்ந்து கொள்வதுமே வாழ்க்கையாகிக் கொண்டிருக்கிறது. இப்படியே போனால் திருமணங்கள்கூட செல்போன் வழியாக நடந்து விடும் நிலை உருவாகிவிடும். அதனால் செல்போனில் உறவாடுவதை குறைத்து நேரடியாக உறவினர்களை சந்திப்பதையும், பேசுவதையும், உணர்வுகளை பகிர்ந்து கொள்வதையும் அதிகரியுங்கள். நீங்கள் ஒரு மணி நேரம் செல்போனில் செலவிட்டால் உங்கள் குழந்தைகள் நான்கு மணி நேரத்தை செலவிடும். உங்கள் கணவர் மூன்று மணி நேரத்தை செலவிடுவார். அப்படிப்பட்ட நிலை உருவாகும்போது உங்கள் வீட்டிற்குள்ளே மூன்று பேர் இருந்தால், மூன்று பேரும் மூன்று தீவுகள் போல் ஆகிவிடுவீர்கள்.


பிடிவாதம் பிடியுங்கள்:

பொதுவாக குழந்தைகளிடம் பிடிவாதம் பிடிக்கக் கூடாது என்று கூறுவோம். ஆனால் பெண்கள் பிடிவாதம் பிடிக்க வேண்டும். நல்லவைகளை செய்ய, தேவையற்றவைகளை கைவிட, நல்ல கொள்கைகளுக்காக அவர்கள் பிடிவாதம் பிடிக்க வேண்டும். அந்த நல்ல செயலை செய்துமுடிக்கும் வரை பிடிவாதத்தை கைவிடாதீர்கள். பிடிவாதம் பிடித்து, உங்களிடம் இருக்கும் தேவையற்ற பழக்கத்தைகூட கைவிடலாம்.

பிரச்சினைகளை எதிர்கொள்ளுங்கள்:

வழக்கம்போல் எல்லாம் இயல்பாக நடந்துகொண்டிருந்தால் வாழ்க்கையில் சுவாரஸ்யம் இருக்காது. பிரச்சினைகள் வரவேண்டும். மோதல்கள் வரவேண்டும். தொல்லைகள் வரவேண்டும். பிரச்சினைகளை நீங்களாக உருவாக்காமல், அதுவாக வந்தால் மனம் தளர்ந்து போகாதீர்கள். கற்ற கல்வியும், பெற்ற வாழ்க்கையும், கிடைத்த அனுபவங்களும் பிரச்சினைகளை எதிர்கொள்ளத் தேவையான சக்தியை பெண்களுக்குள் உருவாக்கி வைத்திருக்கிறது. அதனால் பிரச்சினைகளை கண்டு பயந்து ஓடி ஒளியாதீர்கள். பிரச்சினைகளை எதிர்கொள்ளுங்கள். அதை நேரடியாக சமாளியுங்கள். உங்களால் முடியும். நீங்கள் பிரச்சினைகளை எதிர்கொள்ள தயாராக இருந்தால் பிரச்சினைகளே உங்களை கண்டு விலகிப்போய்விடும். பிரச்சினைகளை கண்டு பயந்தால், தெரு நாய் போன்று அது உங்களை துரத்தத்தான் செய்யும்.

செயலால் பதிலடி கொடுங்கள்:

உங்களை யாராவது குறைவாக மதிப்பிட்டால், அவர்களுக்கு பேச்சால் பதிலடி கொடுக்க வேண்டாம். செயலால் பதிலடி கொடுங்கள். மல்யுத்த விளையாட்டில் ஈடுபட சாக்‌ஷி மாலிக் விருப்பம் தெரிவித்தபோது குடும்பத்தினரும், அக்கம்பக்கத்து வீட்டினரும் ‘பெண்ணான நீ அடி வாங்கி விட்டு வந்து எங்கள் முன்னால் அழுது கொண்டு நிற்பாய்’ என்று கூறி, மல்யுத்தத்தில் அவர் பங்குபெறக் கூடாது என்றார்கள். அவர் பேச்சால் பதிலடிகொடுக்கவில்லை. மல்யுத்த போட்டிகளில் பங்கேற்று பதக்கங்களால் பதிலடிகொடுத்தார். ரியோ ஒலிம்பிக்கில் வெண்கல பதக்கம் வாங்கி, இந்தியாவிற்கு பெருமையும் சேர்த்தார். அதுபோல் உங்களை யாராவது குறை சொன்னால் அவர்களுக்கு செயலால் பதிலடிகொடுத்து, உங்களை பாராட்டும்படி செய்யுங்கள்.


பெண்ணாக பிறந்ததற்கு பெருமை கொள்ளுங்கள்:

பெண்மை என்பது மிகப்பெரிய அற்புதம். தாய்மை என்பது மிகப்பெரிய வரப்பிரசாதம். உங்களால்தான் இந்த உலகம் இயங்குகிறது. உங்களால்தான் ஒவ்வொரு வீடும் இயங்கு கிறது. உங்களால்தான் ஒவ்வொரு அலுவலகங்களும் இயங்குகிறது. தாயாக, மனைவியாக, சகோதரியாக உங்களால்தான் உறவுகள் காப்பாற்றப்படுகின்றன. அப்படிப்பட்ட பெண்மை என்னும் பெருமையை பெற்றிருக்கும் உங்கள் வாயில் இருந்து ‘நான் பெண்ணாக பிறந்ததால்தானே இப்படி எல்லாம் நடக்கிறது’ என்ற எதிர்மறையான வார்த்தை வந்துவிடக்கூடாது. ‘நான் பெண்’ என்று தலைநிமிர்ந்து நில்லுங்கள். நான் பெண் என்று தலை நிமிர்ந்து செல்லுங்கள்.

சமயோசிதமாக செயல்படுங்கள்:

நீங்கள் எவ்வளவு தைரியமிக்கவராக இருந்தாலும், சமயோசிதமாக செயல்பட கற்றுக்கொள்ளுங்கள். ஆபத்தான நேரங்களில் சமயோசிதம் உங்களை காப்பாற்றும். அதுபோல் உங்களை சுற்றி எங்கே, எப்போது பிரச்சினை ஏற்பட்டாலும் சூழ்நிலைக்கு தக்கபடி சமயோசிதமாக செயல்படுங்கள். சமயோசிதமாக செயல்பட பக்குவம் தேவை. அது உங்களிடம் எப்போதும் இருக்கவேண்டும்.

உங்களுக்காக வாழுங்கள்:

கடந்த காலங்களில் பெண்கள் திருமணத்திற்கு முன்பு அவர் களது பெற்றோருக்காக வாழ்ந்தார்கள். திருமணத்திற்கு பிறகு கணவருக்காகவும், குழந்தைகளுக்காகவும் வாழ்ந்தார்கள். பின்பு பேரக் குழந்தைகளுக்காக வாழ்ந்தார்கள். மரணத்தின் கடைசி நிமிடம் வரை அவர்களுக்காக அவர்கள் வாழ்ந்ததில்லை. அது ஒரு வாழ்க்கை இல்லை. ஆன்மிக உணர்வுடன் சொன்னால் இது ஒரு அற்புதமான பிறவி. இந்த ஜென்மத்தை நீங்கள் முழுமைப்படுத்தவேண்டும் என்றால் உங்களுக்காக நீங்கள் வாழவேண்டும்.

தமிழ்நாட்டில் எப்போதுமே எந்த பிரச்சினைகள் தலையெடுத்தாலும், உடனடியாக அரசியல்கட்சிகள் ஆர்ப்பாட்டமாக அதுபற்றி அறிக்கை வெளியிடும்.

மார்ச் 21, 02:00 AM

தமிழ்நாட்டில் எப்போதுமே எந்த பிரச்சினைகள் தலையெடுத்தாலும், உடனடியாக அரசியல்கட்சிகள் ஆர்ப்பாட்டமாக அதுபற்றி அறிக்கை வெளியிடும். அரசு நடவடிக்கை எடுக்கிறேன் என்றுகூறும். ஆனால், இந்த வேகம் தொடர்ந்து இல்லாமல் போய் விடுவதால், முயற்சிகள் பட்டுப்போய் விடுகின்றன. அதேநேரத்தில் முதலில் முளைவிட்ட அந்தபிரச்சினை வேகமாக வளர்ந்து, ஒருகட்டத்தில் யாராலும் தடுக்க முடியாத வகையில் ஆழமாக வேரூன்றி விடுகிறது. அதுபோன்ற ஒரு பிரச்சினைதான் பவானிஆற்றின் குறுக்கே இப்போது கேரள அரசு தடுப்பணை கட்டிய விவகாரம். ஆரம்பத்தில் இருந்த வேகம் அரசிலும், அரசியல் கட்சிகளிடமும் இப்போது இல்லை. தமிழ்நாட்டில் ஆற்றுவளம் மிகமிகக் குறைவு. இருக்கும் கொஞ்சநஞ்ச ஆற்றுத் தண்ணீரை வைத்து தான் ஒட்டுமொத்த தமிழ்நாட்டின் குடிநீர் பற்றாக்குறையையும், விவசாயத்தேவையையும் பூர்த்தி செய்ய வேண்டிய கட்டாயத்தில் இருக்கிறது. ‘தாமிரபரணி’ ஆறு ஒன்றுதான் தமிழ்நாட்டிலேயே உற்பத்தியாகி, தமிழ்நாட்டிலேயே கடலில் கலக்கிறது. இதுபோல, உருவாகும் மற்றொரு ஆறு பவானி ஆறாகும். காவிரியின் கிளை ஆறுகளில் ஒன்றான பவானி ஆறு, நீலகிரி மாவட்டம், குந்தா மலைப்பகுதியில் அப்பர் பவானியில் உற்பத்தியாகி சிறிதுதூரம் தமிழ்நாட்டில் ஓடி, முக்காலி வழியாக கேரள வனப்பகுதிக்குள் நுழைந்து விடுகிறது. தமிழ்நாட்டில் உருவாகும் இந்த பவானி ஆறு, அட்டப்பாடி பள்ளத்தாக்கை வளப்படுத்தி மீண்டும் கிழக்குநோக்கித் திரும்பி அத்திக்கடவு வழியாக தமிழ்நாட்டுக்குள் நுழைந்துவிடுகிறது.

கேரளாவில் ஒட்டுமொத்தமாக 22 கிலோமீட்டர் தூரம்தான் பவானி ஆறு ஓடுகிறது. கேரள அரசாங்கம் தங்கள் எல்லைக்குள் ஓடும் பவானிஆற்றில் தேக்குவட்டை, மஞ்சிக்கண்டி, சாலையூர், சீரக்கடவு, பாடவயல், சாவடியூர் ஆகிய 6 இடங்களில் தடுப்பணைகளை கட்டி தண்ணீரை தேக்கிவைக்க திட்டமிட்டது. இந்த 6 தடுப்பணைகளும் கட்டப்பட்டால், பவானி ஆற்றில் ஓடும் பெரும்பாலான தண்ணீர் தேக்கி வைக்கப்பட்டு, தமிழ்நாட்டுக்கு தண்ணீரே வராதநிலை ஏற்பட்டு விடும். ஏனெனில், கோவை, மேட்டுப்பாளையம், திருப்பூர் போன்ற நகரங்களுக்கு பவானி ஆற்றின் குறுக்கே கட்டப்பட்டுள்ள பில்லூர் அணையிலிருந்துதான் குடிநீர் சப்ளை செய்யப்படுகிறது. இதுமட்டுமல்லாமல், கோவை, திருப்பூர், ஈரோடு ஆகிய மாவட்டங்களில் 2½ லட்சம் ஏக்கருக்கு மேலான நிலங்களுக்கு நீர்ஆதாரம் பவானிஆற்றின் மூலமாகத்தான் நடைபெற்றுவருகிறது. இந்தநிலையில், தற்போது கேரள நீர்ப்பாசனத்துறை முதல் தடுப்பணையான தேக்குவட்டை தடுப்பணையை கட்டிமுடித்துவிட்டது. அட்டப்பாடி பகுதியில் குடிநீர் பற்றாக்குறை மற்றும் விவசாய தேவைகளுக்காக இந்த தடுப்பணையை கட்டுகிறோம் என்று காரணம் கூறுகிறது. 77 மீட்டர் நீளமும், 1½ மீட்டர் உயரமும் கொண்ட இந்த தடுப்பணை, கேரள அரசு திட்டமிட்ட 6 தடுப்பணைகளில் முதல் தடுப்பணையாகும்.

கோவையில் இருந்து தமிழ்நாட்டுக்குள் பவானி ஆறு நுழைவதற்கு முன்னால் இந்த தடுப்பணை கட்டப்பட்டுவிட்டது. அடுத்த தடுப்பணையான மஞ்சிக்கண்டி தடுப்பணையிலும் வேகமாக வேலை முடிந்துவருகிறது. அந்தபணி இன்னும் ஒரு மாதத்தில் முடிந்துவிடும் என்று கருதப்படுகிறது. அதுவும் முடிந்து, அடுத்த 4 தடுப்பணைகளும் கட்டிமுடிக்கப்பட்டுவிட்டால், பவானி ஆற்றில் தண்ணீரை பார்க்கமுடியாது. வளமான பவானி ஆறு வறண்டுபோய் கிடக்கும் பவானி ஆறாகி விடும். பவானிஆறு காவிரி ஆற்றின் கிளை ஆறு என்றவகையில், தமிழக அரசு இனியும் மெத்தனமாக இருக்காமல், போர்க்கால நடவடிக்கை எடுத்து, இந்த தடுப்பணைகள் கட்டும் முயற்சியை தடுத்துநிறுத்தாவிட்டால், கொங்குமண்டலம் பஞ்சமண்டலாக ஆகப்போவதை தடுக்கவே முடியாது. இதற்கு சரியான தீர்வு வேண்டுமென்றால், இருமாநிலங்களுக்கும் எந்தப் பாதிப்பும் இல்லாத ஒரு சுமுகநிலையை உருவாக்க இரு மாநில முதல்–அமைச்சர்கள் மட்டத்திலும், அதிகாரிகள் மட்டத்திலும் ஒன்றாக உட்கார்ந்து பேச்சுவார்த்தை நடத்த வேண்டும். மத்திய அரசாங்கமும் இதில் உரிய பங்காற்ற வேண்டும்.

சிட்டுக் குருவி

கொசுக்களை ஒழிக்கும் சிட்டுக்குருவி... அவற்றை அழித்தது யார்? #WorldSparrowDay

‘‘சின்னஞ்சிறிய வண்ணப்பறவை எண்ணத்தைச் சொல்லுதம்மா.. அது இன்னிசையோடு தன்னை மறந்து சொன்னதைச் சொல்லுதம்மா...’’ என்ற பாடல் கேட்கும் போதெல்லாம் நினைவின் இடுக்கில் இருந்து பட்டெனப் பறக்கும் ஒரு சிட்டுக்குருவி. மனிதர்களோடு மனிதர்களாக கலந்து வாழ்ந்த இந்தச் சின்னஞ்சிறிய உயிர் அழிவின் விளிம்பில் இருக்கிறது. உயிர்பன்மயத்தை உயிர்ப்போடு வைத்திருக்க உயிர்ச்சங்கிலி எத்தனை முக்கியமானது என்பது நமக்குத் தெரியும். ஆனால், மனிதனின் ஒவ்வொரு செயலும் அந்தச் சங்கிலியின் கண்ணிகளைக் காவு வாங்கிக்கொண்டே இருக்கிறது. விளைவு, புவிவெப்பம், நோய்களின் பெருக்கம், சூழல்கேடு, ஆரோக்கியக்கேடு என நமது செயலுக்கான பலன் பலவழிகளில் திரும்ப வந்து துவைத்தெடுக்கிறது. 

கூரைகள், வீடுகளின் முற்றங்கள், இடுக்குகளில் தனக்கான கூடுகளைத் தானே வடிவமைத்துக்கொண்டு காலையில், ‘க்வீச்...க்வீச்..’எனக் குட்டிக் குயிலாகத் துயிலெழுப்பும் சிட்டுக்குருவிகள் சத்தம் இன்றைக்குக் கேட்பது அரிதாகிவிட்டது. கிராமங்களிலேயே இந்த சத்தம் அரிதானபோது நகரங்களில் கேட்கவே வேண்டாம். உயிர்பன்மயத்தில் உடைந்துபோன கண்ணிகளை ஒட்ட வைக்கும் முயற்சியில் உலகம் ஈடுபட்டுக்கொண்டிருக்கிறது. அதன் ஒரு பகுதியாக சிட்டுக்குருவிகளின் எண்ணிக்கையை அதிகரிப்பதற்காக பல்வேறு முயற்சிகள் எடுக்கப்படுகின்றன. அதன் ஒருகட்டமாக சிட்டுக்குருவி பற்றிய விழிப்பு உணர்வு ஏற்படுத்துவதற்காக மார்ச் 20-ம் தேதி உலக சிட்டுக்குருவிகள் தினமாகக் கொண்டாடப்படுகிறது. 2010-ம் ஆண்டு முதல் இது கொண்டாடப்பட்டு வருகிறது. இதன் முக்கியத்துவத்தை உணர்த்தும் விதமாக டெல்லி அரசு இதை மாநிலப் பறவையாக அறிவித்துள்ளது.

தென்னைஓலையின் நார் கிழித்து, சின்னஞ்சிறிய அலகால், கூடுகளைப் பின்னும் அழகே அலாதியானது. தானியங்கள், சிறிய பூச்சி இனங்கள், சில தாவரங்களின் பூக்கள்தான் சிட்டுக்குருவிகளின் உணவு. சிட்டுகளின் அழிவால், பயிர்களின் மகரந்தச்சேர்க்கை பாதிக்கப்பட்டு, மகசூலும் குறைந்து வருகிறது என்கிறார்கள் அறிவியலாளர்கள். அடைக்கலக்குருவி, ஊர்க்குருவி எனப் பலபெயர்களில் அழைக்கப்படும் சிட்டுக்குருவிகள், காகத்திற்கு அடுத்து மனிதர்களுடன் நெருக்கமாக வாழும் பறவை. இவை அழிய, செல்போன் டவர்களில் இருந்து வரும் கதிர்வீச்சு, குருவிகளின் கருவை சிதைக்கிறது எனச் சொல்லப்பட்டாலும் அவை, இன்னமும் அறிவியல்ரீதியாக நிரூபிக்கப்படவில்லை. ஆனால், செல்போன் டவர்கள் வருவதற்கு முன்பாகவே குருவிகளை விரட்டிவிட்டன நமது செயல்கள்.

வெளிக்காற்று உள்ளே வராமல் குளிரூட்டப்பட்ட வீடுகள், நெருக்கமான வீடுகள், முற்றம் இல்லாமல் முழுவதுமாக மூடிய வீடுகள், மரங்கள் இல்லாதது போன்ற காரணங்களால்தான் சிட்டுகள் நகரங்களில் இருந்து நகர்ந்துவிட்டன. எரிவாயுக்களில் இருந்து வெளியேறும் ‘மெத்தைல் நைட்ரேட்’ காற்றில் கலந்து வளிமண்டலங்களை மாசுபடுத்துகின்றன. 

இதனால், சிட்டுக்குருவிகளுக்கு உணவாகும் சில பூச்சி இனங்கள் அழிந்துபோகின்றன. இதனால் ஏற்படும் உணவுப்பற்றாக்குறை சிட்டுக்குருவையை நகரங்களை விட்டு விரட்டிவிட்டது. பலசரக்குக் கடைகளில் சிந்திச்சிதறும் தானியங்களை உண்டுவந்தன. பல்பொருள் அங்காடிகள் வந்த பிறகு அதற்கும் வாய்ப்பில்லாமல் போய்விட்டது. நகரங்களில் இருப்பதைப் போலவே கிராமப்பகுதிகளிலும் வாழவழியில்லை. கிராமப்பகுதிகளிலும், பயிர்களில் தெளிக்கும் ரசாயனங்கள், குறைந்துப்போன சிறுதானிய சாகுபடி ஆகியவை இந்த இனம் அழிய காரணமாகிவிட்டது. வேறு என்னதான் செய்யும் அந்தச் சின்னஞ்சிறிய உயிரினம்? வாழ்தலுக்காக உணவு கிடைக்கும் பகுதியை நோக்கி நகர்ந்துவிட்டன. கொசுக்களின் முட்டை சிட்டுக்குருவிகளின் விருப்ப உணவு. குருவிகள் இல்லாததால், கொசுக்கள் கொட்டமடிக்கின்றன..நோய்கள் நம்மை வட்டமடிக்கின்றன. 

‘எத்தனை அடிச்சாலும் தாங்குறான்டா’ என வடிவேல் காமெடிபோல, இத்தனை இன்னல்களுக்கும் இடையில் இன்னமும் வாழ்ந்துகொண்டுதான் இருக்கின்றன சிட்டுக்குருவிகள். அவற்றைக் காக்க வேண்டிய நமது சமூகக் கடமை. முதலில் நமது குழந்தைகளுக்குக் குருவிகளை அறிமுகம் செய்து வையுங்கள். கடிகாரத்திலேயே குருவியின் ஓசையை மணிக்கொரு முறை கேட்டுக்கொண்டிருந்தது நம்மோடு போகட்டும். நம் குழந்தைகளாவது, சிட்டுகளின் சிம்பொனியைக் கேட்கட்டும். இதற்காக நாம் அதிகம் மெனக்கெடவேண்டாம். வாய்ப்பிருப்பவர்கள், வீடுகளில் சிட்டுக்குருவி தங்குவதற்கான வசதியை ஏற்படுத்திக்கொடுங்கள், வீட்டு மொட்டைமாடி, பால்கனி போன்ற இடங்களில் ஒரு கிண்ணத்தில் தண்ணீரும், கொஞ்சம் சிறுதானியங்களையும் வைத்தால் போதும் ஓடோடி வந்து உக்கார்ந்துவிடும் சிட்டுக்குருவி. பழைய பானைகள், அட்டைப்பெட்டிகள் என ஏதாவது ஒன்றில் சிறிது வைக்கோல் நிரப்பி ஒருமூலையில் வைத்து விட்டால், குருவிகள் அதில் குடியேறிவிடும். தற்போது கடைகளில் சிட்டுக்குருவிகளுக்கான கூடுகள் கிடைக்கின்றன. நாம் மனது வைத்தால் நகரங்களிலும் சிட்டுக்குருவிகளின் எண்ணிக்கையை அதிகமாக்கலாம். அதற்குத் தேவை சிறிது தானியம், சிறிது தண்ணீர், பெரிய மனது.. இவை அனைத்தும் நம்மிடம் இருக்கின்றனதானே..!

-ஆர்.குமரேசன்

RGUHS sets the ball rolling for shifting campus to Ramanagaram

Bengaluru, March 20, 2017, DHNS

The shifting of the campus of the Rajiv Gandhi University of Health Science from Benglauru to Ramanagaram began on Sunday.

At a function in Ramanagaram organised to mark the beginning of the shifting process, Energy Minister D K Shivakumar, who is also the Ramanagaram district incharge minister, said the university would come up at Archakarahalli on 216 acres of land. 

“There are legal issues regarding 78 acres of land and construction will not be taken up there till the legal hurdles are cleared. The government will construct the campus and health city on the remaining 148 acres,” he said. 

Rs 800 crore deposits
“Some people are misleading the public by claiming that the RGUHS lacks funds. The varsity has deposits of Rs 800 crore and tax will have to be paid for the deposit if the funds are not utilised. Moreover, Rs 580 crore will be spent for the construction of the campus,” he said. 

Medical Education Minister Dr Sharan Prakash Patil said the government would release Rs 100 crore every year for the running of the university.

வெற்றி முகம்: முயற்சிகள் தோற்பதில்லை - நேற்று அரசு பள்ளி ஆசிரியர்; இன்று மாவட்ட கல்வி அதிகாரி

ஜெ.கு.லிஸ்பன் குமார்

அரசு பள்ளி ஆசிரியர் ஒருவர் டி.என்.பி.எஸ்.சி. தேர்வில் வெற்றிபெற்று நேரடியாக மாவட்டக் கல்வி அதிகாரி பணிக்குத் தேர்வுசெய்யப்பட்டிருக்கிறார். அவர் ஒரு விவசாயி மகன் என்பது குறிப்பிடத்தக்கது. கடலூர் மாவட்டம் திட்டக்குடி அரசு மகளிர் மேல்நிலைப் பள்ளி பட்டதாரி ஆசிரியர் ஆர்.அறிவழகன்தான் இந்தச் சாதனைக்குச் சொந்தக்காரர்.

சொந்த ஊர் பெண்ணாடம் அருகேயுள்ள பெ.பொன்னேரி என்னும் குக்கிராமம். தந்தை ரெகுபதி, விவசாயி. தாயார் மணிமேகலை, இல்லத்தரசி. அரசு உயர் அதிகாரியாக வர வேண்டும் என்பது அறிவழகனின் லட்சியம். ஆனால் நீண்ட போராட்டத்துக்குப் பின்னரே அவரது லட்சியம் நிறைவேறியுள்ளது. அரசு பள்ளியில் இடைநிலை ஆசிரியர் பணி, அதன்பிறகு பட்டதாரி ஆசிரியராகப் பதவி உயர்வு, தற்போது நேரடியாக மாவட்டக் கல்வி அதிகாரி பணிக்குத் தேர்வு என அவரது அடுத்தடுத்த வெற்றிகளின் பின்னே பல்வேறு போராட்டங்களும், தோல்விகளும் மறைந்து கிடக்கின்றன.

தொடர்ந்து படிப்பேன்!

கிராமத்து விவசாயின் மகனான அறிழவகன் பிளஸ் 2 முடித்த பின்பு இடைநிலை ஆசிரியர் பயிற்சியில் சேர்ந்தார். அடுத்து, சென்னை பல்கலைக்கழகத்தில் அஞ்சல்வழியில் பி.ஏ. வரலாறு முடித்தார். அப்போது அவருக்குச் சட்டம் படிக்கும் ஆர்வம் உண்டாகவே அரசு சட்டக் கல்லூரியில் பி.எல். படித்தார். 2-ம் ஆண்டு படித்துக்கொண்டிருக்கும்போது 1995-ல் ஆசிரியர் தேர்வு வாரிய தேர்வில் தேர்ச்சி பெற்றார். அவருக்கு அரசு பள்ளியில் இடைநிலை ஆசிரியர் பணி கிடைக்கிறது.

அந்தப் பணியில் இருந்துகொண்டே சென்னை பல்கலைக்கழகத்தில் அஞ்சல்வழியில் எம்.ஏ. வரலாறும், அதைத் தொடர்ந்து சிதம்பரம் அண்ணாமலை பல்கலைக்கழகத்தில் பி.எட். படிப்பையும், காரைக்குடி அழகப்பா பல்கலைக்கழகத்தில் அஞ்சல்வழியில் எம்.ஃபில். ஒன்றன்பின் ஒன்றாக முடித்தார்.

ஆசிரியர் பணியில் இருந்த அவருக்கு ஐ.ஏ.எஸ். அதிகாரி ஆக வேண்டும் என்ற ஆசை 2001-ல் ஏற்பட்டது. சென்னையில் உள்ள தமிழக அரசு சிவில் சர்வீசஸ் தேர்வு பயிற்சி மையத்தில் சேர்ந்தார். தொடர்ந்து முயற்சிசெய்தும் வெற்றி கிடைக்கவில்லை. துணை ஆட்சியர் ஆகும் நோக்கில் 2008-ல் டி.என்.பி.எஸ்.சி. குரூப்-1 தேர்வுக்குத் தயாரானார். இதற்கிடையே, அந்த ஆண்டு அவருக்குப் பட்டதாரி ஆசிரியராக (வரலாறு) பதவி உயர்வு கிடைத்தது.

படித்தது ஒருபோதும் வீண்போகாது!

அரசு உயர் அதிகாரியாக வரவேண்டும் என்ற ஆசை நிறைவேறவில்லையே என்று கவலை ஒருபுறம் இருந்தாலும், இன்னொரு புறம் கையில் உள்ள ஆசிரியர் பணியைத் திறம்படச் செய்ய வேண்டும் என்று கருதி அதன்படி பணியைத் தொடர்ந்தார். இந்த நிலையில்,2014-ல் 11 மாவட்டக் கல்வி அதிகாரிகளை நேரடியாகத் தேர்வுசெய்ய டி.என்.பி.எஸ்.சி. ஒரு அறிவிப்பை வெளியிட்டது.

600 மதிப்பெண்களுக்குக் கூடுதலாகப் பொது அறிவு பாடங்கள் சேர்க்கப்பட்டுப் புதிய மாற்றங்களோடு தேர்வு நடத்தப்பட்டது. ஏற்கெனவே ஐ.ஏ.எஸ். தேர்வுக்கும், குரூப்-1 தேர்வுக்கும் தன்னை முழுவதுமாகத் தயார்படுத்தியிருந்ததால், புதிய முறை டி.இ.ஓ. தேர்வைத் தன்னம்பிக்கையோடு எதிர்கொண்டார். முதல்நிலைத் தேர்வு, மெயின் தேர்வு, நேர்முகத் தேர்வு என அத்தனை தேர்வுகளிலும் வெற்றி. டி.இ.ஓ. தேர்வு முடிவு அண்மையில் வெளியிடப்பட்டது. பணிக்குத் தேர்வுசெய்யப்பட்ட ஒன்பது பேரில் அறிவழகனும் ஒருவர். மெரிட் பட்டியலில் அவருக்கு 3-வது இடம் கிடைத்துள்ளது.

பட்டதாரி ஆசிரியராகப் பணியாற்றி வரும் அவர், மாவட்டக் கல்வி அதிகாரியாகப் பயிற்சி பெறும் நாளை ஆவலோடு எதிர்நோக்கிக் காத்திருக்கிறார். தனது தேர்வு தயாரிப்பு அனுபவங்கள் குறித்து அறிவழகன், “எனது வெற்றிக்குப் பெரிதும் கைகொடுத்தது யூ.பி.எஸ்.சி. தேர்வு, டி.என்.பி.எஸ்.சி. குரூப்-1 தேர்வெழுதிய அனுபவம்தான். புதிய டி.இ.ஓ. தேர்வில் புதிதாக 2 பொது அறிவுதாள்கள் சேர்க்கப்பட்டது எனக்குப் பெரிதும் உதவிகரமாக இருந்தது. நீண்ட காலமாக ஐ.ஏ.எஸ். தேர்வுக்கும், குரூப்-1 தேர்வுக்கும் படித்து வந்ததால் அந்த அனுபவம் டி.இ.ஓ. தேர்வில் பொது அறிவுதாளில் நல்ல மதிப்பெண் எடுக்க உதவியது. படித்தது ஒருபோதும் வீண்போகாது என்று சொல்வார்கள். அதுபோல எனது பழைய உழைப்பு டி.இ.ஓ. தேர்வுக்கு மிகவும் பயனுள்ளதாக இருந்தது.

டி.இ.ஓ. புதிய தேர்வுமுறையில் பொது அறிவு தாள்கள் சேர்த்திருப்பது வரவேற்கத்தக்கது. காரணம் பொது அறிவு தாளில் அனைத்துப் பாடங்களும் இடம்பெறுவதால் மாவட்டக் கல்வி அதிகாரியாகத் தேர்வுசெய்யப்படுபவர்கள் சிறப்பாகப் பணியாற்ற முடியும்” என்றார்.

அன்பான ஆலோசனை

டி.இ.ஓ. தேர்வில் வெற்றிபெற விரும்புவோர் தங்கள் பாடத்துடன் பொது அறிவு பாடத்துக்கு அதிகக் கவனம் செலுத்த வேண்டும். தேர்வுக்கான அறிவிப்பு வந்த பிறகு படிப்பது என்பது மிகவும் கஷ்டம், எனவே, தேர்வுக்கான அறிவிப்பு வரும்வரை காத்திருக்காமல் இப்போதிருந்தே தொடர்ந்து படிக்க வேண்டும். அப்போதுதான் இத்தேர்வில் வெற்றிபெற முடியும். டி.இ.ஓ. தேர்வெழுத விரும்பும் இளைஞர்களுக்கு என்னுடைய அன்பான அட்வைஸ் இதுதான்.

தரைவழி தொலைபேசி சேவையில் பிஎஸ்என்எல் அளவில்லா அழைப்பு வசதி அறிமுகம்

பிஎஸ்என்எல் தரைவழி தொலைபேசி சேவையில் அளவில்லா அழைப்பு வசதி அறிமுகப்படுத்தப்பட்டுள்ளது.

இது தொடர்பாக பிஎஸ்என்எல் வெளியிட்ட செய்திக்குறிப்பில் கூறியிருப்பதாவது:

பயன்பாட்டில் உள்ள லேண்ட்லைன் வாடிக்கையாளர்களுக்காக ’பிரண்ட்ஸ் அண்ட் பேமிலி’ என்ற புதிய திட்டம் மார்ச் 14-ம் தேதி தொடங்கப்பட்டுள்ளது. இந்த திட்டத்தில் இணைவோர் குறிப்பிட்ட கட்டணங்கள் செலுத்தி தங்களுடைய தரைவழி தொலைபேசி எண்ணுடன் 1 முதல் 3 தரைவழி தொலைபேசி அல்லது கைபேசி எண்களை இணைத்து அளவில்லா அழைப்பு வசதியை பெற முடியும். இதற்கு ஒரு எண்ணுக்கு ரூ.21, 2 எண்களுக்கு ரூ.39, 3 எண்களுக்கு ரூ.49 என மாதந்தோறும் கட்டணம் செலுத்த வேண்டும்.

ஞாயிற்றுக்கிழமைகளிலும் இயங்கும்

பிஎஸ்என்எல் வாடிக்கையாளர் சேவை மையங்கள் இன்று (மார்ச் 19), மார்ச் 26 ஆகிய 2 ஞாயிற்றுக்கிழமைகளில் சாதாரண வேலை நாட்களை போல் இயங்கும். அப்போது, வழக்கம்போல் தரைவழி தொலைபேசி, அகண்ட அலைக்கற்றை சேவை உள்ளிட்ட கட்டணங்களை செலுத்தலாம். சிம்கார்டு விற்பனையும் நடைபெறும்.

பிஎஸ்என்எல் இணைப்புகளிலிருந்து விலகியவர்கள் மீண்டும் இணைப்பு பெற விரும்பினால், அவர்களுக்கு மறுஇணைப்பு கட்டணம் மற்றும் நிறுவல் கட்டணங்கள் தள்ளுபடி செய்யப்படும். புதிய பிரீபெய்டு சிம் கார்டுகள் இலவசமாக வழங்கப்படும். இந்த சிறப்பு சலுகைகள் ஜூன் 14-ம் தேதி வரை நடைமுறையில் இருக்கும்.

ஜிஎஸ்எம் பிரீபெய்டு வாடிக்கை யாளர்கள் ரூ.139 ரீசார்ஜ் செய்து பிஎஸ்என்எல் இருந்து பிஎஸ்என்எல்-க்கு இந்தியா முழுவதுக்கும் அளவில்லா அழைப்புகள் மற்றும் 500 எம்.பி டேட்டா வசதி பெறலாம். அதேபோல், ரூ.339 ரீசார்ஜ் செய்து அனைத்து எண்களுக்கும் இந்தியா முழுவதுக்கும் அளவில்லா அழைப்பு மற்றும் இன்டர்நெட் டேட்டா பெறலாம். இந்த 2 திட்டங்களும் 28 நாட்கள் செல்லத்தக்கதாக இருக்கும்.

இவ்வாறு செய்திக்குறிப்பில் கூறப் பட்டுள்ளது.

கோடை தொடங்குவதற்கு முன்பே தமிழகத்தில் நேற்று அதிகபட்சமாக கரூர் பரமத்தியில் 41.8 டிகிரி செல்சியஸ் வெயில் பதிவாகியுள்ளது.

கோடை தொடங்குவதற்கு முன்பே வெப்பம் அதிகரிப்பு: கரூர் பரமத்தியில் 41 டிகிரி செல்சியஸ் வெயில் பதிவு

ச.கார்த்திகேயன்

இந்த ஆண்டு கோடையில் இயல்பை விட வெப்பம் அதிகரிக்கும் என்று அண்மையில் இந்திய வானிலை ஆய்வு மையம் எச்சரித்து இருந்தது. தமிழகத்தில் அதிகபட்சமாக இயல்பைவிட 1 டிகிரி செல்சியஸ் வெப்பம் அதிகரிக்கும் என்று சென்னை வானிலை ஆய்வு மையம் தெரிவித்திருந்தது. அதனைத் தொடர்ந்து வெப்பம் அதிகரித்தால் என்ன செய்ய வேண்டும், என்னவெல்லாம் செய்யக்கூடாது என்பது குறித்து தமிழக அரசின் வருவாய் நிர்வாக ஆணையர் மூலம் பொதுமக்களுக்கு அறிவுரைகளை வழங்க வேண்டும் என்று அனைத்து மாவட்ட ஆட்சியர்களுக்கும் ஏற்கெனவே அறிவுறுத்தப்பட்டுள்ளது.

இந்திய வானிலை ஆய்வு மையம் எச்சரித்திருந்தவாறு, நேற்று கரூர் பரமத்தியில் 41.8 டிகிரி செல்சியஸ் (107 டிகிரி ஃபாரன்ஹீட்) வெப்பநிலை பதிவாகியுள்ளது. கோடை தொடங்குவதற்கு முன்பே இவ்வளவு வெப்பம் பதிவாகியிருப்பது பொதுமக்கள் மத்தியில் அச்சத்தை ஏற்படுத்தியுள்ளது.

இது தொடர்பாக சென்னை வானிலை ஆய்வு மைய அதிகாரி ஒருவர் கூறும்போது, “நேற்று மாலை 5.30 மணி நிலவரப்படி கரூர் பரமத்தியில் 41.8 டிகிரி செல்சியஸ் பதிவாகியுள்ளது. மேலும் வேலூர், சேலம், திருச்சியில் 38 டிகிரி செல்சியஸும், பாளையங்கோட்டை, மதுரை, தருமபுரியில் 37 டிகிரி செல்சியஸும் பதிவாகியுள்ளது. தற்போது தமிழகம் முழுவதும் குறைந்தபட்ச சராசரி வெப்பநிலை 27 டிகிரி செல்சியஸாக உயர்ந்துள்ளது. இதனால் இரவில் புழுக்கம் அதிகரிக்கும்” என்றார்.

இது தொடர்பாக சுற்றுச்சூழல் ஆராய்ச்சியாளர் ஒருவர் கூறும்போது, “கடந்த 2005-ல் தமிழகத்தில் நல்ல மழை கிடைத்தது. சென்னையில் வெள்ளமும் ஏற்பட்டது. அடுத்து வந்த 2006, 2007 ஆகிய ஆண்டுகளில் தமிழகத்தில் வெப்பம் அதிகமாக இருந்தது. அதேபோன்று 2015-ல் அளவுக்கதிகமாக மழை பெய்த நிலையில், அடுத்த இரு ஆண்டுகளுக்கு அதிக வெப்பம் இருக்கத்தான் செய்யும்” என்றார்.