காஞ்சி, திருவள்ளூர் மாவட்ட கிராமங்களில் ஸ்மார்ட் போன் மூலம் காய்கறி வாங்கலாம்: இந்தியன் வங்கி புது வசதி

காஞ்சிபுரம், திருவள்ளூர் மாவட்டத்தில் தேர்ந்தெடுக் கப்பட்ட இரு கிராமங்களில் ஸ்மார்ட் போன் மூலம் காய்கறி வாங்கும் வசதியை இந்தியன் வங்கி ஏற்படுத்தியுள்ளது.

500 மற்றும் 1000 ரூபாய் நோட்டுகளுக்கு மத்திய அரசு தடை விதித்ததைத் தொடர்ந்து மக்களிடையே பணத் தட்டுப்பாடு அதிகரித்துள்ளது. குறிப்பாக 100, 50, 20, 10 ஆகிய ரூபாய் நோட்டுகளுக்கு கடும் தட்டுப்பாடு நிலவுகிறது. இதனால் சிறு மளிகைக் கடைகள், பெட்டிக் கடைகள், சில்லறை காய்கறி கடைகளின் விற் பனை கடுமையாக பாதிக்கப் பட்டுள்ளது.

இதற்கு தீர்வு காணும் வகையில் இந்தியன் வங்கி காஞ்சிபுரம் மற்றும் திருவள்ளூர் மாவட்டங்களில் உள்ள இரு கிராமங்களில் ‘ஸ்கேன் அண்டு பே’ என்ற திட்டத்தை பிரபலப்படுத்தி வருகிறது. இது பொதுமக்கள் மற்றும் சிறுவணிகர்கள் மத்தியில் வரவேற்பைப் பெற்றுள்ளது.

இது தொடர்பாக இந்தியன் வங்கியின் காஞ்சிபுரம் மண்டல (திருவள்ளூர் மாவட்டம் உள்ளடங்கியது) மேலாளர் பி.சண்முகநாதன் கூறியதாவது:

காஞ்சிபுரம் மண்டலத்தில் உள்ள 20 லட்சம் இந்தியன் வங்கி வாடிக்கையாளர்களில் 50 ஆயிரம் பேர் நெட் பேங்கிங் வசதியை பெற்றுள்ளனர். இதில் 18 ஆயிரம் பேர் இந்தியன் வங்கியின் இன்ட்பே (IndPay) என்ற செயலியை ஆன்ட்ராய்டு ஸ்மார்ட் போனில் பயன்படுத்தி வருகின்றனர். தற்போது நிலவும் சில்லறை பிரச்சினையால், அந்த செயலியை தினமும் புதிதாக சுமார் 200 பேர் பதிவிறக்கி வருகின்றனர்.

முன்னதாக மத்திய அரசு டிஜிட்டல் இந்தியா திட்டத்தை அறிமுகப்படுத்தியபோது, இந்தியன் வங்கி சார்பில் காஞ்சிபுரம் மாவட்டத்தில் ஒரக்காட்டுப்பேட்டை, திருவள் ளூர் மாவட்டத்தில் கல்பாக்கம் ஆகிய இரு கிராமங்களை தத்தெடுத்திருக்கிறோம். இந்த கிராமத்தில் உள்ளவர்கள் அனைவருக்கும் ஜன்தன் திட் டத்தின் கீழ் வங்கி கணக்கை தொடங்கி, ஏடிஎம் கார்டுகளை கொடுத்திருக்கிறோம்.

தற்போதுள்ள சூழலில் வியா பாரிகளுக்கும், பொதுமக்களுக் கும் உதவ, அக்கிராமங்களில் உள்ள வணிகர்களுக்கு கியூஆர் கோடு உருவாக்கி கொடுத்து வருகிறோம். ஒரு வியாபாரி எந்த வங்கி வாடிக்கையாளராக இருந்தாலும், அவர்கள் வங்கி கணக்கு எண் மற்றும் ஐஎப்எஸ்சி கோடு ஆகியவற்றை இந்தியன் வங்கியில் கொடுத்தால் சில நிமிடங்களில் அவர்களுக்கு கியூஆர் கோடு வழங்கப்படும்.

ஸ்மார்ட் போனில் இன்ட்பே செயலி வைத்திருக்கும் இந்தி யன் வங்கி வாடிக்கையாளர் ஒருவர், கியூஆர் கோடு உள்ள கடையில், சிறிய தொகைக்கு பொருட்களை வாங்கிக்கொண்டார் என்றால், அவர் செயலியினுள் நுழைந்து, ஸ்கேன் அன்டு பே என்ற வசதியை சுட்டி, 4 இலக்க கடவுச் சொல்லை வழங்கி, பணம் செலுத்தலாம். அந்த பணம் வியாபாரியின் கணக்கில் உடனே சென்று சேர்ந்துவிடும். அதற்கான குறுஞ்செய்தி இருவ ரது கைபேசிக்கும் செல்லும். இதை ஸ்கேன் அன்டு பே சேவை என்கிறோம்.

இந்த 2 கிராமங்களில் தற் போது 30-க்கும் மேற்பட்ட வணிகர்கள் இத்திட்டத்தில் சேர்ந்துள்ளனர். மேலும் பலர் அந்த சேவையை வழங்கக் கோரி எங்களை அணுகி வரு கின்றனர். இது பொதுமக்கள் மத்தியிலும் நல்ல வரவேற்பைப் பெற்றுள்ளது. இந்த வசதியை மேலும் பல கிராமங்களுக்கு விரிவுபடுத்த இருக்கிறோம்.இவ்வாறு அவர் கூறினார்.

திருமண வீட்டாருக்கு நாளை முதல் ரூ.2.5 லட்சம்: வங்கி அதிகாரி தகவல்

திருமண வீட்டார் தங்களின் வங்கிக் கணக்கில் இருந்து ரூ.2.5 லட்சத்தை பெறும் நடைமுறை நாளை அல்லது நாளை மறுநாள் அமலுக்கு வரும் என்று வங்கி அதிகாரி தெரிவித்துள்ளார்.

பணத் தட்டுப்பாட்டால் திருமண வீட்டார், விவசாயி கள், வியாபாரிகள் பாதிக்கப் படுவதாக மத்திய அரசிடம் புகார்கள் குவிந்தன. இதைத் தொடர்ந்து திருமண வீட்டார் தங்களின் செலவுக்காக வங்கிக் கணக்கில் இருந்து ரூ.2.5 லட்சம் வரை எடுத்துக் கொள்ளலாம் என்று மத்திய நிதியமைச்சகம் கடந்த 17-ம் தேதி அறிவித்தது.

அதன்படி தந்தை அல்லது தாயார் அல்லது மகன் அல்லது மகள் ஆகியோரின் வங்கிக் கணக்கில் இருந்து இந்தத் தொகையை எடுக்கலாம். இதற்காக திருமண பத்திரிகை, சொந்த உறுதிமொழி கடிதம், பான் எண் விவரங்களை வங்கியில் சமர்ப்பிக்க வேண்டும் என்று அறிவுறுத்தப்பட்டது.

இதுதொடர்பாக பஞ்சாப் நேஷனல் வங்கியின் நிர்வாக இயக்குநர் உஷா அனந்த சுப்பிரமணியன் கூறியதாவது:

திருமண வீட்டாருக்கு ரூ.2.5 லட்சம் வழங்குவது தொடர்பாக ரிசர்வ் வங்கியின் உத்தரவுக்காக காத்திருக்கிறோம். ரிசர்வ் வங்கி சொல்லாமல் எதுவும் செய்ய முடி யாது. திங்கள் அல்லது செவ்வாய்க்கிழமை வழிகாட்டு நெறிகள் வந்து சேரும் என்று எதிர்பார்க்கிறோம்.

அதைத்தொடர்ந்து திருமண வீட்டார் தங்கள் வங்கிக் கணக் கில் இருந்து ரூ.2.5 லட்சத்தை எடுக்கும் நடைமுறை அமலுக்கு வரும். மணமகன், மணமகள் வீட்டார் தனித்தனியாக வங்கி களில் விண்ணப்பித்து தலா ரூ.2.5 லட்சம் பெறலாம்.

குழந்தைகளிடம் பெற்றோர்கள் அதீத எதிர்பார்ப்பு வைக்கக்கூடாது: உளவியல் நிபுணர் விருதகிரிநாதன் அறிவுரை

பெற்றோர்கள் குழந்தைகளிடம் அதீத எதிர்பார்ப்புகளை வைக் கக்கூடாது. அது குழந்தைகளுக்கு கூடுதல் சுமையை ஏற்படுத் தும் என்று பிரபல நரம்பியல் மருத்துவ உளவியல் நிபுணர் பி.எஸ்.விருதகிரிநாதன் தெரி வித்தார்.

நிகேதன் பள்ளி குழுமம் மற்றும் ‘தி இந்து’ தமிழ் நாளிதழ் ஆகியவை இணைந்து ‘குழந்தைகளின் இளமை பருவம் மற்றும் பெற்றோரின் பங்களிப்பு’ என்ற தலைப்பில் வண்டலூரில் நேற்று ஒரு கருத்தரங்கத்தை நடத்தின.

இந்த கருத்தரங்கில் பிரபல நரம்பியல் மருத்துவ உளவியல் நிபுணர் பி.எஸ்.விருதகிரிநாதன் பேசியதாவது:

ஒவ்வொரு குழந்தைக்கும் ஒரு தனித்திறமை இருக்கும். எனவே, ஒரு குழந்தையோடு மற்றொரு குழந்தையை ஒப்பிட்டு பேசுவது அவர்களுக்கு மனதளவில் பாதிப்பை ஏற்படுத்தும். பெரும் பாலான பெற்றோர்கள் குழந்தைகளிடம் அதீத எதிர்பார்ப்பு களை வைக்கின்றனர். இது குழந்தைகளுக்கு கூடுதல் சுமையை ஏற்படுத்தும். சில குழந்தைகள் ஆரம்பத்திலேயே இடது கையால் எழுதுவார்கள். அப்படி இடதுகைப் பழக்கம் உள்ள குழந்தைகளை, சிலர் வற்புறுத்தி வலது கைப் பழக்கத்துக்கு மாற்ற முயற்சிப்பார்கள். அது தவறு. ஏனெனில், இடதுகைப் பழக்கம் உள்ளவர்களுக்கு, வலது மூளைதான் மொழி அறிவுக்கானது. அதை மாற்ற முயற்சிக்கும்போது, மூளையில் குழப்பம் ஏற்படும்.

இவ்வாறு அவர் பேசினார்.

இந்திய ஊட்டச்சத்து அறிவியல் நிறுவனத்தின் தலைவர் டாக்டர் வர்ஷா பேசும்போது, “இளம் வயதில் குழந்தைகள் சரியான நேரத்தில் தூங்கி சரியான நேரத்தில் எழுவதற்கு நாம் பழக்கப்படுத்த வேண்டும். வீட்டுப் பாடங்கள் இருக்கிறதே என்பதற்காக இரவில் அவர்களை அதிக நேரம் கண் விழித்து படிக்க அனுமதிக்க கூடாது. மேலும், காலை உணவை குழந்தைகளுக்கு அளிப்பதற்கு 2 மணி நேரத்துக்கு முன்பே அவர்களை படுக்கையிலிருந்து எழுந்திருக்க வைப்பது நல்லது. அதிக சர்க்கரை, உப்பு கொண்ட உணவு பொருள்களை குழந்தைகளுக்கு அளிப்பதை தவிர்க்க வேண்டும்” என்றார்.

இடது கை பழக்கம்

தி லேனர்ஸ் கான்ஃப்லூயன்ஸ் அமைப்பைச் சேர்ந்த டாக்டர் ஏ.செந்தில் குமரன் பேசும்போது, “தற்போது இந்தியாவில் மாணவர்களை மதிப்பிட கிரேடு முறை உள்ளது. ஆனால், இனிவரும் காலங்களில் செயல்வழி கல்வி முறை முக்கியத்துவம் பெறும். பெற்றோர்கள் குழந்தைகளை பள்ளிக்கு அனுப்பிவிடுவதோடு, தங்களின் கடமை முடிந்து விடுவதாக கருதக்கூடாது. அவர்களுடன் போதிய அளவு நேரத்தை செலவிட வேண்டும். குழந்தைகளிடம் இருக்கும் திறமைகள், குறைபாடுகளைப் புரிந்துகொள்ளாமல், பெற் றோர்கள் தங்களின் விருப்பங்களை அவர்கள் மேல் திணிக்கக் கூடாது” என்றார்.

இந்த கருத்தரங்கில் திருவள்ளூர் நிகேதன் பள்ளியின் தாளாளர் விஷ்ணு சரண், மற்றும் ஏராள மான பெற்றோர்கள் கலந்து கொண்டனர்.

முகப்பு » தமிழ்நாடு » ஒன்இந்தியா

வீடு தேடி வரும் ஜியோ சிம்.. ரிலையன்ஸ் அடுத்த அதிரடி !

மும்பை: ரிலையன்ஸ் 4 ஜி ஜியோ சிம் வேண்டியவர்களுக்கு வீட்டிற்கே சென்று விநியோகிக்க அந்நிறுவனம் திட்டமிட்டுள்ளது.

முகேஷ் அம்பானிக்குச் சொந்தமான ரிலையன்ஸ் ஜியோ நிறுவனம், கடந்த சில மாதங்களுக்கு முன்பு 4ஜி சேவையை நாடு முழுவதும் தொடங்கியது. இலவச சிம், இலவச கால் அழைப்புகள், இலவச டேட்டா சேவை என பல்வேறு அதிரடி அறிவிப்புகளை அறிவித்தது. மேலும் டிசம்பர் 31 ஆம் தேதி வரை இன்டர்நெட் மற்றும் அழைப்புகள் அனைத்தையும் இலவசமாக கொடுத்துள்ளது. இதனால் மற்ற நெட்வொர்க் சந்தாதாரர்கள் ஜியோ சிம் வாங்க ஆர்வம் காட்டி வருகின்றனர்.



இதனிடையே 2017ம் ஆண்டு ஜனவரி முதலாக, பீட்டா வெர்ஷனில் ஜியோ சேவைகள் மேம்படுத்தப்பட உள்ளன. சென்னை, கொல்கத்தா, டெல்லி, விசாகப்பட்டிணம், ஐதராபாத் உள்ளிட்ட பல்வேறு நகரங்களில் பீட்டா சேவையை தொடங்குவதற்கான சோதனை முயற்சிகளை மேற்கொண்டுவருவதாக, ரிலையன்ஸ் ஜியோ கூறியுள்ளது.

தற்போது வாடிக்கையாளர்கள் வீடு தேடி ஜியோ 4ஜி சிம் விநியோகிக்க உள்ளதாக, அந்நிறுவனம் தெரிவித்துள்ளது. நிறுவனத்தின் அதிகாரப்பூர்வ இணையதள முகவரிக்குச் சென்று, வாடிக்கையாளர்கள் தங்களது சிம் விண்ணப்பத்தை பூர்த்தி செய்யலாம் அல்லது 1800 200 200 9 என்ற இலவச தொலைபேசி எண்ணை தொடர்பு கொண்டு சிம் கார்டுக்கு விண்ணப்பிக்கலாம் என கூறப்பட்டுள்ளது.

இந்த விண்ணப்பங்களின் அடிப்படையில் வாடிக்கையாளர்களின் முகவரிக்கு நேரில் சென்று, அடையாள ஆவணங்களைப் பெற்றுக் கொண்டு, 4ஜி சிம் விநியோகிக்கப்படும் என்றும் தெரிவிக்கப்பட்டுள்ளது

முகப்பு » தமிழ்நாடு » தினத்தந்தி

‘‘பெற்றோருக்கு ஜீவனாம்சம் வழங்குவது பிள்ளைகளின் கடமை’’ மதுரை ஐகோர்ட்டு நீதிபதி...

  தினத்தந்தி 1 year ago

மதுரை

பெற்றோருக்கு ஜீவனாம்சம் வழங்குவது பிள்ளைகளின் கடமை என்று மதுரை ஐகோர்ட்டு நீதிபதி கருத்து தெரிவித்து உள்ளார்.

ஜீவனாம்சம் கேட்ட தாயார்

மதுரையைச் சேர்ந்தவர் இளங்கோவன். இவர் மதுரை ஐகோர்ட்டில் தாக்கல் செய்த மனுவில் கூறியிருந்ததாவது:–

என் தாயார் பொன்.தேவகி. கடந்த சில வருடங்களுக்கு முன்பு எங்கள் குடும்பத்தினரைவிட்டு பிரிந்து சென்றார். இதன்பின்பு

என் தந்தை இறந்துவிட்டார். தற்போது நான், தம்பி ராஜகுமாரன், தங்கை இளமதி ஆகியோர் தனித்தனியாக வசித்து வருகிறோம். எங்களிடம் ஜீவனாம்சம் கேட்டு தாயார் மதுரை குடும்ப நல கோர்ட்டில் வழக்கு தொடர்ந்தார்.

அந்த வழக்கை விசாரித்த கோர்ட்டு, நானும், தம்பியும் தலா ரூ.3 ஆயிரமும், தங்கை ரூ.5 ஆயிரமும் மாதந்தோறும் ஜீவனாம்சமாக வழங்க வேண்டும் என்று உத்தரவிட்டது.

ரத்து செய்ய வேண்டும்

ஆனால் என் தாயார், எங்கள் அப்பாவை மதித்து நடக்கவில்லை. எங்களிடம் போதிய அக்கறை காட்டவில்லை. அவர் வீட்டை விட்டுச் சென்றதால் தான் என்னுடைய தந்தை இறந்தார். பிள்ளைகளை வளர்த்து, நல்ல எதிர்காலத்தை ஏற்படுத்தித் தர வேண்டியது தாயின் கடமை. ஆனால் அவர் அவ்வாறு செய்யவில்லை.

எனவே, நாங்கள் ஜீவனாம்சம் தர வேண்டும் என கீழ்கோர்ட்டு உத்தரவிட்டுள்ளதை ரத்து செய்ய வேண்டும்.

இவ்வாறு மனுவில் கூறப்பட்டு இருந்தது.

இந்த மனு நீதிபதி எஸ்.விமலா முன்னிலையில் விசாரணைக்கு வந்தது. அப்போது பொன்.தேவகி ஆஜராகி, ‘‘தற்போது எனக்கு 70 வயது ஆகிறது. 22 வயது வரை முதல் மகனையும், 14 வயது வரை 2–வது மகனையும் வளர்த்தேன். எனக்கு அங்கு போதிய பாதுகாப்பு இல்லாததால்தான் வீட்டை விட்டு வெளியேறினேன்’’ என்று கூறினார்.

பிள்ளைகளின் கடமை

இதனையடுத்து நீதிபதி பிறப்பித்த உத்தரவு வருமாறு:–

பெற்றோரின் பராமரிப்புக்காக ஜீவனாம்சம் வழங்குவது வாரிசுகளின் கடமை. இதை அவர்கள் செய்யாவிட்டால் அது சட்டவிரோதம். பிள்ளைகளிடம் ஜீவனாம்சம் கேட்க சட்டரீதியாகவும், தார்மீக அடிப்படையிலும் தாய்க்கு உரிமை உள்ளது. தனது பொறுப்பை பற்றி 2–வது மகன் ராஜகுமாரன் பேசவில்லை. அவர் கனடாவில் நல்ல நிலையில் வசிக்கிறார். மகள் இளமதியின் கணவர் இறந்துவிட்டதால் தற்போது அவர் நல்ல நிலையில் இல்லை. எனவே, இளமதி மாதம் ரூ.3 ஆயிரமும், இளங்கோவன் ரூ.3 ஆயிரமும், கனடாவில் உள்ள ராஜகுமாரன் மாதம் ரூ.15 ஆயிரமும் ஜீவனாம்சமாக அவர்களின் தாயாருக்கு கொடுக்க வேண்டும்.

இவ்வாறு நீதிபதி உத்தரவிட்டுள்ளார்.

Madras HC issues arrest warrant against UP officer

CHENNAI: The Madras high court has issued an arrest warrant against the executive officer of Nagarpalika Parishad of Etah district in Uttar Pradesh for his failure to implement court orders pertaining to payment of compensation to the family of a Tamil engineer killed in a road accident involving the parishad's tractor in Uttar Pradesh in 2004.

A division bench of Justice MM Sundresh and Justice MS Ramesh, before which the appeal filed by United India Insurance Company Limited came up for hearing, said: "Though the counsel filed a vakalat on behalf of the executive officer, he has not turned up to assist the court. It is also brought to our notice that even the order passed in the present appeal was not complied with. In such a situation, we are constrained to issue a bailable warrant to the executive officer, Nagarpalika Parishad, Etah district, Uttar Pradesh, ensuring his presence before this court on December 21."

M Pandidurai, aged 48 years, was working as a production officer with Hindustan Lever Ltd (HLL) in Uttar Pradesh. He died in a road accident January 28, 2004 when he was knocked down by a tractor trailer belonging to Etah district Nagar Palika.

The victim's wife, two minor children and his 85-year-old mother lived in Tamil Nadu, and they moved motor accidents claims tribunal in the state for compensation. In August 2007, the tribunal awarded Rs 28.27 lakh as compensation with 7.5% interest from April 2004. As on date the amount is Rs 55.03 lakh.

While the Nagar Palika filed an appeal against the order, the insurance company too filed an appeal saying they were unable proceed with the matter, as the executive officer, Nagarpalika Parishad of Etah district was not evincing interest to appear before the court.

The bench then issued the bailable arrest warrant to protect the interests of the victim's kin, who have been awaiting justice for more than 12 years.

HC permits admission to tainted college

CHENNAI: More than 22 months after three girl students of a naturopathy college in Villupuram were found dead inside a well, triggering protests against the college leading to its temporary closure, the Madras high court gave conditional permission for it to admit students this year.

Counselling for five and half year-long naturopathy and yoga sciences courses which began on November 7, is scheduled to continue till November 30.

Citing this, SVS Educational and Social Service Trust which runs the SVS college, moved the court for a direction to the Tamil Nadu Dr MGR Medical University to send seat matrix to special commissioner and director of Indian medicine and homoeopathy for counseling. It also wanted the directorate to include the institution for counselling.

Justice B Rajendran, before whom the petition came up for hearing, said: "When there are admittedly unfilled seats, no useful purpose will be served in keeping the petitioner's institutions out of the purview of counseling schedule."

In this regard, the judged referred to an order of the first bench of the court on a PIL, holding that affiliation could be granted after inspecting the institution. Similarly, another division bench of the court, passing orders on a writ appeal filed by college, directed the authorities to inspect the college and take a decision on admission of students.

கவுன்சிலிங்கில் எஸ்.வி.எஸ்., கல்லூரி : ஐகோர்ட் உத்தரவு

சென்னை: இயற்கை மருத்துவ படிப்புக்கான கவுன்சிலிங்கில், விழுப்புரம் மாவட்டத்தை சேர்ந்த, எஸ்.வி.எஸ்., கல்லுாரியையும் சேர்க்க, சென்னை உயர் நீதிமன்றம் உத்தரவிட்டுள்ளது.விழுப்புரம் மாவட்டம், கள்ளக்குறிச்சி அருகே, எஸ்.வி.எஸ்., இயற்கை மருத்துவ கல்லுாரி உள்ளது. இக்கல்லுாரியில் படித்த வந்த, மூன்று மாணவியரின் உடல்கள், கல்லுாரி அருகில் உள்ள கிணற்றில் மிதந்தன. 2015 ஜனவரியில், இந்த சம்பவம் நடந்தது. இதுதொடர்பாக, கல்லுாரி நிர்வாகி மற்றும் ஊழியர்கள் கைது செய்யப்பட்டனர். அவர்கள் மீது கிரிமினல் வழக்குப் பதிவு செய்யப்பட்டது. கல்லுாரிக்கு வழங்கப்பட்ட இணைப்பை ஏன் ரத்து செய்யக் கூடாது என கேட்டு, எம்.ஜி.ஆர்., மருத்துவ பல்கலை, 'நோட்டீஸ்' அனுப்பியது. இயற்கை மருத்துவ படிப்புக்கான கவுன்சிலிங், நவ., 7ல் துவங்கியது; 30ம் தேதி வரை நடக்கிறது. கவுன்சிலிங்கில், எஸ்.வி.எஸ்., கல்லுாரியை சேர்க்கவில்லை. கல்லுாரி தரப்பில் அனுப்பிய முறையீட்டுக்கு, பல்கலையில் இருந்து பதில் வரவில்லை. எனவே, கவுன்சிலிங்கில் சேர்க்க கோரி, சென்னை உயர் நீதிமன்றத்தில், கல்லுாரி தரப்பில் மனு தாக்கல் செய்யப்பட்டது.
மனுவை விசாரித்த, நீதிபதி பி.ராஜேந்திரன் பிறப்பித்த உத்தரவு: இயற்கை மருத்துவ படிப்பில், இடங்கள் நிரப்பப்படாமல் இருப்பதை, அரசு தரப்பு ஒப்புக் கொண்டுள்ளது. கவுன்சிலிங் பட்டியலில், எஸ்.வி.எஸ்., கல்லுாரியை சேர்க்காததால் எந்த பலனும் ஏற்படப் போவதில்லை. கல்லுாரியை ஆய்வு செய்த பின், பல்கலை இணைப்பு வழங்கலாம் என, ஏற்கனவே உயர் நீதிமன்றம் உத்தரவிட்டுள்ளது. எனவே, கவுன்சிலிங் பட்டியலில், எஸ்.வி.எஸ்., கல்லுாரியை சேர்க்க வேண்டும். கல்லுாரியில் சேரும் மாணவர்களிடம், வழக்கு நிலுவையில் இருப்பதையும், வழக்கின் முடிவைப் பொறுத்து சேர்க்கை அமையும் என்பதையும் கல்லுாரி தரப்பில் தெரிவிக்க வேண்டும்.இவ்வாறு நீதிபதி உத்தரவிட்டுள்ளார்.

ஊழியர்கள் கணக்கில் ரூ.8 கோடி : தனியார் கல்லூரிக்கு 'நோட்டீஸ்'

சென்னை அருகே உள்ள ஒரு கல்லுாரியில், ஊழியர்களின் கணக்கில், முறைகேடாக, எட்டு கோடி ரூபாய், 'டிபாசிட்' செய்யப்பட்ட தகவல் வெளியாகி உள்ளது. அந்த தனியார் பொறியியல் கல்லுாரிக்கு, வருமான வரித்துறை, 'நோட்டீஸ்' அனுப்பியுள்ளது. கடந்த, 8ம் தேதி நள்ளிரவு முதல், பழைய, 500 - 1,000 ரூபாய் நோட்டுகள் மதிப்பிழந்தன. அவற்றை, வங்கிகளில் கொடுத்து, மக்கள் மாற்றி வருகின்றனர். இதற்கிடையே சிலர், 'பினாமி'களின் வங்கிக் கணக்குகளில், கறுப்புப் பணத்தை செலுத்தி, வருமான வரியில் இருந்து, தப்பிக்க முயற்சிப்பதும் தெரிய வந்தது.அது போன்ற நபர்கள் மீதும், அவர்களுக்கு உடந்தையாக இருக்கும் வங்கி வாடிக்கையாளர்கள் மீதும், கடும் நடவடிக்கை எடுக்கப்படும் என, மத்திய அரசு எச்சரித்திருந்தது.இந்நிலையில், காஞ்சிபுரம் மாவட்டம், செம்மஞ்சேரியில் உள்ள, ஒரு தனியார் பொறியியல் கல்லுாரி, அருகில் உள்ள இந்தியன் வங்கிக் கிளையில், அதன் ஊழியர்கள் கணக்குகளில், எட்டு கோடி ரூபாய் டிபாசிட் செய்துள்ளது; இது, வருமான வரித்துறை கண்காணிப்பில் தெரிய வந்தது.

இது குறித்து, வருமான வரித்துறையினர் கூறியதாவது:அந்த தனியார் கல்லுாரி, இந்தியன் வங்கிக் கிளையில் உள்ள, 400 ஊழியர்கள் கணக்குகளில், கறுப்புப் பணத்தை டிபாசிட் செய்தது. இது, எங்களுக்கு சந்தேகத்தை ஏற்படுத்தியது. அதுபற்றி விசாரித்த போது, வருமான வரி ஏய்ப்புக்காக, அவ்வாறு செயல்பட்டது தெரிய வந்தது. அதை தொடர்ந்து, அந்த கணக்குகளுக்கு, 'சீல்' வைக்கப்பட்டது.இவ்வாறு அவர்கள் தெரிவித்தனர்.

ஆஸி., விசா முறையில் மாற்றம் : இந்தியர்களுக்கு பாதிப்பு

மெல்போர்ன்: ஆஸ்திரேலியாவில் வேலை பார்க்க வெளிநாட்டவர்களுக்கு வழங்கப்படும் '457 விசா' முறையில் மாற்றம் செய்யப்பட்டுள்ளது. புதிய வேலை தேடுவதற்காக வழங்கப்படும் கால அவகாசம் 60 நாட்களாக குறைக்கப்பட்டது.ஆஸ்திரேலியாவில், இந்தியா, சீனா, இங்கிலாந்து உள்ளிட்ட நாடுகளை சேர்ந்தவர்கள் வேலை பார்த்து வருகின்றனர். இவர்களுக்கு வழங்கப்படும் '457 விசா' முறையில் புதிய மாற்றம் செய்யப்பட்டுள்ளது. முன்னதாக, ஒருவர் பார்த்து வந்த வேலைக்கான ஒப்பந்த காலம் முடிந்த பின், ஆஸ்திரேலியாவில் இருந்தபடியே புதிய வேலை தேடுவதற்காக 90 நாட்கள் கால அவகாசம் வழங்கப்பட்டது. தற்போது இது, 60 நாட்களாக குறைக்கப்பட்டது. இந்த கால அவகாசம், கடந்த 2013ல் 28 நாட்களில் இருந்து 90 நாட்களாக உயர்த்தப்பட்டது. தற்போது மீண்டும் குறைக்கப்பட்டிருப்பது இந்தியர்களுக்கு பாதிப்பை ஏற்படுத்தும் என கூறப்படுகிறது. ஏனெனில் ஆஸ்திரேலியாவில் பணிபுரியும் வௌிநாட்டவர்களில் அதிகபட்சமாக இந்தியர்கள் 26.8 சதவீதம் பேர் உள்ளனர். இதற்கு அடுத்ததாக, இங்கிலாந்து 15 சதவீதம், சீனா 6.6 சதவீதம் நாட்டை சேர்ந்தவர்கள் உள்ளனர்.இதுகுறித்து ஆஸ்திரேலிய குடியேற்றத்துறை அமைச்சர் பீட்டர் டட்டன் கூறுகையில், ''நவ. 19 முதல், '457 விசா' முறையில் புதிய வேலை தேடுவதற்காக வௌிநாட்டவருக்கு வழங்கப்படும் கால அவகாசம் 60 நாட்களாக குறைக்கப்படும். இதன்மூலம் நேர்முகத்தேர்வில் ஆஸ்திரேலியர்களுக்கும், வெளிநாட்டை சேர்ந்தவர்களுக்கும் இடையே போட்டி குறையும். நிறைய ஆஸ்திரேலிய இளைஞர்களுக்கு சொந்த நாட்டிலேயே வேலை கிடைக்கும்,'' என்றார்.

ரூ.20,000க்கு ரூ.10 நாணயங்கள் வாங்கி சென்ற வாடிக்கையாளர்

புதுடில்லி : வங்கியில் பணம் மாற்ற வந்தவருக்கு, 20 ஆயிரம் ரூபாய்க்கு, 10 ரூபாய் நாணயங்கள் வழங்கப்பட்டன. டில்லியில், ஆம் ஆத்மி கட்சியைச் சேர்ந்த, முதல்வர் அரவிந்த் கெஜ்ரிவால் தலைமையிலான ஆட்சி நடக்கிறது. டில்லியைச் சேர்ந்த, இம்தியாஸ் ஆலம், பொதுத்துறை நிறுவனத்தில் பணிபுரிகிறார்; அப்பகுதியில் உள்ள ஒரு வங்கியில் பணம் எடுக்கச் சென்றார். அந்த வங்கியில் வாரத்திற்கு, 24 ஆயிரம் ரூபாய் எடுக்கும் வசதி இருந்தது. நான்கு மணி நேரம் வரிசையில் காத்திருந்த இம்தியாசுக்கு, 20 ஆயிரம் ரூபாய்க்கு, 10 ரூபாய் நாணயங்கள் வழங்கப்பட்டன.

இது குறித்து, இம்தியாஸ் கூறியதாவது: என் வங்கிக் கணக்கில் இருந்து, 20 ஆயிரம் ரூபாய் பணம் எடுப்பதற்காக, நான்கு மணி நேரம் வரிசையில் காத்திருந்தேன். என் முறை வந்தபோது, வங்கி மேலாளர் என்னை அழைத்து, பண இருப்பு இல்லாததால், ரூபாய் நோட்டுகளுக்கு பதில், 10 ரூபாய் நாணயங்களை வழங்குவதாக கூறினார். வேறு வழியின்றி நாணயங் களை பெற்றுக்க கொண்டேன். இவ்வாறு அவர் கூறினார்.

திருப்பதி உண்டியலில் புதிய ரூ.2,000, ரூ.500 நோட்டுகள்

திருப்பதி;பிரதமர் நரேந்திர மோடி ரூ.1,000, ரூ.500 நோட்டுகள் செல்லாது என அறிவிப்பு வெளியிட்டு, நாடு முழுவதும் பணத்தட்டுப்பாடு நிலவி வந்தபோதிலும், திருப்பதி கோவில் உண்டியல் வசூலில் எந்த பாதிப்பும் இல்லை என தெரிய வந்துள்ளது. திருப்பதி ஏழுமலையான் கோவிலுக்கு, நாடு முழுவதும் இருந்து பக்தர்கள் வந்து குவிந்த வண்ணமாக இருக்கிறார்கள்.
புதிய ரூ.2000, ரூ.500 நோட்டுகள்

இதுகுறித்து கோவிலின் மக்கள் தொடர்பு அதிகாரி தாலரி ரவி கூறுகையில், ''9-ந்தேதியில் இருந்து 10 நாட்களில் உண்டியலில் ரூ.30 கோடியே 36 லட்சம் வசூலாகி உள்ளது. கடந்த ஆண்டு இதே காலத்தில் ஆன வசூலை விட இது ரூ.8 கோடி அதிகம். ஒரு நாளில் அதிகபட்ச வசூல், கடந்த 17-ந் தேதி வசூலான ரூ.3 கோடியே 53 லட்சம். குறைந்த வசூல் என்றால் 10-ந்தேதி ரூ.2 கோடியே 28 லட்சம் வசூலானதுதான்'' என்று கூறினார்.மேலும், ''இப்போது புதிதாக வெளியாகியுள்ள ரூ.2,000, ரூ.500 நோட்டுகள், பக்தர்களால் உண்டியலில் காணிக்கையாக செலுத்தப்பட்டிருக்கின்றன'' என்றார்.இங்கு ஒரு ஆண்டுக்கு உண்டியல் ரொக்க பண வசூல் மட்டும் ரூ.1,000 கோடி என்பது குறிப்பிடத்தக்கது.

NEET nightmare haunts Tamil Nadu

• ZUBEDA HAMID
• 
  

Lack of clarity on holding the exam puts students in a quandary

With Tamil Nadu taking an aggressive stand against the National Eligibility- cum-Entrance Test (NEET) believing that conducting such an exam for qualification to an MBBS course would put its students at a disadvantage, there seems to be no clarity in how it will be implemented.

The State has to comply with the Supreme Court’s ruling, which means the exam will have to be conducted, but sudden pronouncements by people in government, re-emphasising Tamil Nadu’s stand, has thrown a spanner in the works. Will NEET be held or not is the question practically every class 12 student who wants to pursue medicine next year, and his or her anxious parents, is fretting about.

Every year, Tamil Nadu produces over 5,000 MBBS graduates. The State has one of the highest number of medical colleges in the country with 24 State-run medical colleges (including a college attached to Annamalai University) and an equal number of private/deemed medical institutes, as per the Medical Council of India’s listing.

As far as the State is concerned, it takes into account only an appropriate aggregate of marks scored by the candidate in the Plus Two examination. No entrance tests are conducted for selection into an MBBS/BDS course, and the cut off mark, with the student’s standing in his or her community, will determine the possibility of getting a seat during counselling.

Why NEET?

NEET was conceived as a measure to curb the increasing commercialisation of higher education in medicine, ensure a transparent admission process in private unaided institutions, save students the trouble of writing multiple entrance examinations, and ensure students of merit get a place in medical colleges. Introduced in 2010 through amendments to existing regulations, NEET was struck down by a three-judge Bench of the Supreme Court in 2013. However, the order was recalled this year, paving the way for the test to be held again. Strong protests from Tamil Nadu and a few other States led to a central Ordinance exempting the State quota of seats in government and private medical colleges from being based on NEET for this academic year alone.

Confusion prevailed among students during the admissions process, as private medical college admissions were based on NEET as per the Supreme Court’s directions. The entire process was delayed by more than a month and parents, whose wards were admitted to deemed or private medical colleges, paid at least twice the amount they would have paid last year for the same course. Parents had hoped the State government would conduct counselling for these seats too. But State medical education officials had stayed away maintaining that “they are private colleges and we have nothing to do with them.”

The opposition

Up until 2006, Tamil Nadu had its own entrance exam — the Tamil Nadu Professional Common Entrance Examination — for admission to professional courses, both engineering and medicine. In 2007, the State government decided to do away with it, aiming at equitable access to higher education by basing admissions on class 12 results. NEET, therefore, would invalidate Tamil Nadu’s policy.

In Tamil Nadu, the number of students who take the State Board examinations is 60 times more than that of those studying in CBSE stream. NEET is based on the CBSE syllabus. Experts are concerned about how students from the State will fare in the test. The larger concern is that students from other States could get a bigger proportion of seats in government medical colleges in Tamil Nadu.

For students like E. Sankar’s daughter for instance, NEET could stand in the way of her dream of becoming a doctor. “I earn Rs. 9,000 a month and cannot afford coaching classes. At least the State government’s counselling held some promise, but I am not sure any more,” he rues.

“While there is about a 60 to 65 per cent syllabus match between CBSE and the State Board, the depth of the subjects is dealt with differently – CBSE deals with subjects in more detail,” says Archana Ram, managing director, SMART Training Resources, a career-development company. The questions in NEET would be based on two or more concepts at a time, and conceptual clarity and strength in fundamentals would be required. “Students in Tamil Nadu will have to prepare themselves and orient themselves towards what will be an application-based competitive test rather than a memory-based test which is what they are used to,” she added.

‘Strong case’

Activists G.R. Ravindranath of the Doctor’s Association for Social Equality and P.B. Prince Gajendra Babu of the State Platform for the Common School System, Tamil Nadu, say the State can exercise its right to fight against NEET having made huge strides in medical education. Academically, legally, and as a federal constituent, the State was in a strong position, they pointed out. Hundreds of students from poor and socially backward families were studying medicine, reaping the benefits of the State’s policy.

“Tamil Nadu has a strong case as even the interim order does not refer to the Act — The Tamil Nadu Regulation of Admission in Professional Courses Act, 2006 — that the State government passed to abolish entrance exams. Without equity in access, merit has no meaning. With the State having the most number of government medical colleges, a lot is at stake. The seats might end up going to students from other states under NEET. The State should appoint a senior counsel with conviction on social justice and take it up now and not wait for the end of academic year,” says Mr. Babu.

Dr. Ravindranath explains: “NEET is against the constitutional right given by the Supreme Court that every citizen has the right to start a medical college. That is why the government is not interfering in its right to fix fees. If NEET were to be introduced, then the fundamental right guaranteed by the court must be struck down. And that would require a constitutional amendment.”

What next year?

There is still uncertainty over the situation for the coming academic year. Earlier this month, the State School Education Minister said in Delhi that NEET was a certainty, leading to even more confusion as to the State’s status on the test.

'ஹலோ... பிளாக்கை வொயிட் ஆக்கலாமா...?' சென்னை தொழிலதிபரிடம் போலீஸின் பேரம்

விகடன் நியூஸ்

500, 1000 ரூபாய் நோட்டுக்கள் செல்லாது என்ற அறிவித்த பிறகு நாடு முழுவதும் களேபரங்கள் நடந்து வருகின்றன. கறுப்புப் பணத்தை பதுக்கி வைத்திருக்கும் பண முதலைகளுக்கு 'ஹலோ பிளாக்கை வொயிட்டாக்கலாமா' என்ற போன் கால்கள் அடிக்கடி வருவதாக ரகசிய தகவல்கள் வெளியாகியுள்ளன.

பயன்பாட்டில் இருந்த 500, 1000 ரூபாய் நோட்டுக்கள் செல்லாது என்று பிரதமர் நரேந்திரமோடி கடந்த 8ம் தேதி அறிவித்தார். இதன்பிறகு நாடுமுழுவதும் 500, 1000 ரூபாய் நோட்டுக்களை மாற்ற வங்கிகள், அஞ்சலகங்கள், கருவூலங்கள் ஆகிய இடங்களுக்கு மக்கள் படையெடுத்தனர்.


ஒரே நேரத்தில் ஏராளமானவர்கள் குவிந்ததால் பணத்தை மாற்றுவதில் பல்வேறு சிரமங்கள் ஏற்பட்டன. செல்லாத ரூபாய் நோட்டுக்களை கையில் வைத்துக் கொண்டு பணத்தேவைகளை சமாளிக்க முடியாமல் மக்கள் திண்டாடி வருகின்றனர். ஓட்டுமொத்த மக்களின் இயல்பு வாழ்க்கைகையும் புரட்டிப் போட்ட இந்த அதிரடி அறிவிப்பை சில மோசடி கும்பல்கள் தங்களுக்கு சாதகமாக பயன்படுத்தி வருகின்றன.

ஏழை, எளிய, நடுத்தரவர்க்கத்தை சேர்ந்த மக்கள் மட்டுமே பணத்தை மாற்ற வரிசையில் காத்திருந்தனர். ஆனால் லட்சக்கணக்கில் பணத்தை பதுக்கி வைத்திருந்தவர்கள் அதை மாற்ற வங்கிகள் இருக்கும் திசையை கூட எட்டிப் பார்க்கவில்லை. அவர்கள் எப்படி பணத்தை மாற்றி இருக்கிறார்கள் என்று ரகசியமாக களமிறங்கினோம்.

500, 1000 ரூபாய் நோட்டுக்கள் செல்லாது என்ற அறிவிப்பு கறுப்புப் பணம் வைத்திருக்கும் பண முதலைகளுக்கு கடும் அதிர்ச்சியை ஏற்படுத்தியது. இத்தகைய கறுப்புப் பணத்தை அவர்களால் அரசு விதித்த காலக்கெடுவுக்குள் நேர்மையான வழியில் மாற்ற முடியாது. அவ்வாறு வங்கிகளில் டெபாசிட் செய்தாலும் 200 சதவிகிதம் அபராதம் என்ற அறிவிப்பு பண முதலைகளுக்கு கலக்கத்தை ஏற்படுத்தி உள்ளது. இதனால் பணத்தை மாற்ற குறுக்குவழிகளை அவர்களை தேர்ந்தெடுத்துள்ளனர்.

இதற்காக ஹவாலா கும்பல்கள், புரோக்கர்கள் கமிஷன் அடிப்படையில் பணத்தை மாற்றி கொடுப்பதாக தகவல்கள் வெளியாகி உள்ளன. பண முதலைகளிடம் போனில் பேரம் பேசும் இந்த கும்பல் பிறகு அதை குறிப்பிட்ட இடங்களில் மாற்றிக் கொடுக்கின்றனர். இதற்கு 40 முதல் 50 சதவிகிதம் கமிஷனாக பெறப்படுகிறது. கிடைத்தது வரை லாபம் என்று பணமுதலைகளும் பணத்தை மாற்றி வருவதாக சொல்லப்படுகிறது.

பணத்தை மாற்றிக் கொடுப்பதாக சொல்லும் இந்த கும்பல், பண முதலைகளுக்கே அல்வா கொடுத்த சம்பவங்களும் உண்டு. பணத்தை ஏமாந்தவர்கள் தேள் கொட்டிய திருடனாக போலீஸில் புகார் கொடுக்க முடியாமல் தவிக்கின்றனர். இந்நிலையில் கடந்த சில தினங்களுக்கு முன்பு ஆடிட்டர் கோபாலகிருஷ்ணனிடம் பேசிய கும்பல், 10 லட்சம் 500, 1000 ரூபாய் நோட்டுக்களை மாற்றி கொடுப்பதாக பேரம் பேசியது. பேரம் முடிந்தவுடன் பணத்துடன் சென்ற ஆடிட்டரை மடக்கி பணத்தை திருட முயன்றது அந்த கும்பல். இதுதொடர்பாக கோபாலகிருஷ்ணன், தலைமை செயலக காலனி போலீஸில் புகார் கொடுத்தார். அதன்பேரில் மதன், ஹரி உள்பட மூன்று பேரை போலீஸார் கைது செய்து பணத்தை மீட்டனர்.

இதையடுத்து யானை கவுனி போலீஸ் நிலையத்தில் பணியாற்றும் செல்வன் என்ற போலீஸ்காரர், வடசென்னையில் ரோந்து பணியில் ஈடுபட்டார். அப்போது ஒரு சொகுசு காரை செல்வன் சோதனையிட்டார். அந்த காரில் 10 லட்சம் ரூபாய் இருந்தது தெரியவந்தது. உடனடியாக காரில் இருந்தவரிடம் விசாரித்தார் செல்வன். அப்போது காரில் வந்தவர் பிரபல தொழிலதிபர் என்பது தெரியவந்தது. அவரிடம் பேரம் பேசிய செல்வன், உயரதிகாரிகளிடம் பேசிவிட்டேன், 2 லட்சம் ரூபாயை கொடுத்து விட்டு செல்லுங்கள். இல்லையென்றால் உங்கள் பணத்துக்கு சிக்கல் என்ற கூறியுள்ளார். இதுகுறித்து தொழிலதிபர், தனக்கு தெரிந்த போலீஸ் உயரதிகாரி ஒருவருக்கு போனில் தகவல் சொன்னவுடன், செல்வனிடம் விசாரணை நடந்து வருகிறது. இந்த இரண்டு சம்பவங்கள் வெளியில் தெரிந்தவை. ஆனால் வெளியில் தெரியாமல் தினமும் பல சம்பவங்கள் நடப்பதாக விவரம் தெரிந்த வட்டாரங்கள் தெரிவிக்கின்றன

இதுகுறித்து போலீஸ் உயரதிகாரி ஒருவர் கூறுகையில், "பணம் செல்லாது என்ற அறிவிப்பு வந்த நாளிலிருந்து மோசடி கும்பலை சேர்ந்தவர்கள் போனில் பணத்தை மாற்றி கொடுப்பதாக சொல்கின்றனர். அதை நம்பி செல்பவர்களிடம் பணத்தை அபகரித்துக் கொண்டு எஸ்கேப் ஆகி விடுகின்றனர். பணத்தை இழந்தவர்கள் புகார் கொடுக்க முடியாமல் தவிக்கின்றனர். இதனால் அந்த கும்பல் மீது எந்த நடவடிக்கையும் எடுக்க முடிவதில்லை. பணமாற்றும் விவகாரம் தொடர்பாக காவல்துறைக்கு எந்த புகாரும் வரவில்லை. என்றாலும் ரோந்து பணியில் தீவிரமாக ஈடுபட்டு வருகிறோம்" என்றார்.

எஸ்.மகேஷ்
Dailyhunt

வலையில் சிக்கிய கறுப்பு பண முதலைகள் வருமானவரித்துறையின் அடுத்த டார்க்கெட்

யானை வரும்பின்னே மணி ஓசை வரும் முன்னே என்பதை போல வங்கிகளில் வருமான வரி உச்ச வரம்பைத் தாண்டி பணத்தை டெபாசிட் செய்தவர்களுக்கு வருமானவரித்துறை நோட்டீஸ் அனுப்பி உள்ளது.

நாடு முழுவதும் உள்ள கறுப்பு பணம், கள்ள நோட்டுகளை ஒழிக்க 500, 1000 ரூபாய் நோட்டுக்கள் செல்லாது என்ற அதிரடி நடவடிக்கை எடுக்கப்பட்டுள்ளது. இந்த நடவடிக்கையால் 500, 1000 ரூபாய் நோட்டுக்களை மக்கள் மாற்றி வருகின்றனர். கடந்த 10ம் தேதி முதல் 15ம் தேதி வரை கால்கடுக்க காத்திருந்து மக்கள் பணத்தை மாற்றினர். ஒரே நபர் பலமுறை பணம் மாற்றுவதாக ஆர்.பி.ஐக்கு தகவல் கிடைத்ததும் பழைய ரூபாய் நோட்டுக்களை மாற்றிக் கொடுப்பதில் செக் வைத்தது.

அதாவது, பழைய ரூபாய் நோட்டுக்களை மாற்ற வருபவர்களின் வலது கை ஆள்காட்டி விரலில் மை வைக்கப்படும் என்று அறிவித்தது. அடுத்து 4,500 ரூபாய் வரை பழைய ரூபாய் நோட்டுக்களை மாற்றிக் கொள்ளலாம் என்ற உச்சவரம்பு தொகை 2000 ரூபாய்எ ன்று குறைக்கப்பட்டது.

மேலும், வங்கிகள், மை இல்லாமல் யாருக்கும் பழைய ரூபாய் நோட்டுக்களை மாற்ற கொடுக்காது என்றும் தெரிவிக்கப்பட்டது. இந்த சூழ்நிலையில் பல வங்கிகளுக்கு மை வராததால் அவர்கள் பழைய ரூபாய் நோட்டுக்களை மாற்றிக் கொடுக்கவில்லை.இதன்காரணமாக வங்கிக்கு சென்று மக்கள் ஏமாந்தனர்.

இதையடுத்து வங்கி கணக்கில் பழைய ரூபாய் நோட்டுக்களை டெபாசிட் செய்ய வாடிக்கையாளர்களை வங்கி அறிவுறுத்தியது. அதன்பேரில் மக்கள், கடந்த மூன்று தினங்களாக வங்கியில் பழைய ரூபாய் நோட்டுக்களை டெபாசிட் செய்து வருகின்றனர். இதில் வருமானவரி உச்சவரம்பிற்கு மேல் டெபாசிட் செய்பவர்களை வருமானவரித்துறை கண்காணித்து வருகிறது. 2.5 லட்சம் ரூபாய்க்கு மேல் டெபாசிட் செய்தவர்களின் பட்டியலை தயாரித்த வருமானவரித்துறை அவர்களுக்கு வருமானத்துக்கான ஆதாரத்தையும் அதன் விளக்கத்தையும் சமர்பிக்குமாறு நோட்டீஸ் அனுப்பி வருகிறது. இது மக்களுக்கு கடும் அதிர்ச்சியை ஏற்படுத்தியுள்ளது.

இதுகுறித்து வருமானவரித்துறை வட்டாரங்கள் கூறுகையில், '49 ஆயிரம் ரூபாய்க்கு மேல் வங்கியில் பணம் செலுத்தினால் கட்டாயம் பான் கார்டு எண்ணை குறிப்பிட வேண்டும். அதன்படி பழைய ரூபாய் நோட்டுக்களில் 49 ஆயிரத்துக்கு மேல் டெபாசிட் செய்தவர்களின் பான் கார்டுகளை ஆய்வு செய்தோம். இந்த மாதத்தில் வருமான வரி உச்ச வரம்பிற்கு மேல் பணத்தை டெபாசிட் செய்தவர்களின் பான் கார்டு விவரங்களை கண்டறிந்து அவர்களுக்கு நோட்டீஸ் அனுப்பப்ட்டுள்ளது. நோட்டீஸில் அவர்கள் டெபாசிட் செய்த பண விவரங்கள் குறிப்பிடப்பட்டுள்ளன. அதற்கு அவர்கள் உரிய வருமான ஆதாரங்களையும், கடந்த 2 ஆண்டுகளாக வருமானவரி தாக்கல் செய்த விவரங்களையும் சமர்பிக்க வேண்டும். அவ்வாறு சமர்பிக்கவில்லை என்றால் டெபாசிட் செய்த பணத்துக்கு 200 சதவிகிதம் அபராதமும் பிடிக்கப்படுவதோடு சம்பந்தப்பட்டவர்கள் மீது நடவடிக்கை எடுக்கப்படும். கறுப்பு பணத்தை மீட்கவே இதுபோன்ற நடவடிக்கை மேற்கொள்ளப்படுகிறது' என்றனர்.

இந்த மாதத்தில் மட்டும் அதிகளவில் பணம் டெபாசிட் செய்த விவரங்களையும் வருமானவரித்துறை சேகரித்து வருகிறது. அவர்களுக்கும் விரைவில் நோட்டீஸ் அனுப்பப்படவுள்ளது என்றார் வருமானவரித்துறை உயரதிகாரி ஒருவர். வருமானவரித்துறையின் இந்த அதிரடி நடவடிக்கையால் 2.5 லட்சம் ரூபாய்க்கு மேல் வங்கிகளில் டெபாசிட் செய்தவர்கள் கலக்கத்தில் உள்ளனர்.

- எஸ்.மகேஷ்

Dailyhunt

இந்த வெள்ளிக்கிழமையை யாருக்கு டெடிகேட் பண்ணப் போறீங்க? #MorningMotivation #FridayFeeling

வெள்ளிக்கிழமை என்றாலே உற்சாகம் தொற்றிக் கொள்ளும். அதற்குப் பல காரணங்கள் இருந்தாலும், விடுமுறை தினம் அருகில் என்பதே முதன்மையாக இருக்கும். பள்ளி, கல்லூரி செல்பவர்களுக்கு விடுமுறை தினங்களில் நண்பர்களோடு கூடிக் கொண்டாடுவது மகிழ்ச்சியான விஷயமாக இருக்கும். அலுவலகம் செல்வோருக்கு 'அப்பாடா... ரெண்டு நாள் (அ) ஒருநாள் வீட்ல ஹாயா இருக்கலாம்' என்று எண்ணம் இருக்கும். ஆனால் எந்த வெள்ளிக்கிழமையையாவது யாருக்காவது டெடிகேட் செய்ததுண்டா நீங்கள்?
அதென்ன சம்பிரதாயம் என்கிறீர்களா? சொல்கிறேன்.

ஒரு வாரத் துவக்கத்தில், மனது உற்சாகமாய் உணரும்போது இந்த வாரத்தில் இதை இதை செய்வேன் என்று நினைத்துக் கொண்டிருப்பீர்கள்.

அதையெல்லாம் செய்தீர்களா.. இல்லையா என்று எந்த வாரமாவது அலசியிருக்கிறீர்களா? ஆம் என்றால்.. சபாஷ்.. நீங்கள் அல்ரெடி லீடர். இல்லையென்றால்.. டோண்ட் வொர்ரி.. இதோ சில டிப்ஸ்.

ஒரு பேப்பரையும் பேனாவையும்.. சரி விடுங்கள்.. சிஸ்டத்தில் புதிய Blank Document ஒன்றை திறந்துகொள்ளுங்கள். இந்த வாரத்தில் நீங்கள் எதெதற்கெல்லாம் பாராட்டு வாங்கினீர்கள் என்று குட்டி லிஸ்ட் ஒன்று போடுங்கள். ரொம்ப சின்ன விஷயமாக இருக்கலாம்... பெரியதாகவும் இருக்கலாம். வாய் வார்த்தையாக இல்லாமல் செய்கை மூலமாகவும் அந்தப் பாராட்டு இருக்கலாம். சில உதாரணங்கள் பார்ப்போமா?

1. ப்ளூ கட்டம் போட்ட சட்டையும், ஜீன்ஸும் எனக்கு நன்றாக இருப்பதாக வினோத் சொன்னான்.

2 ஃபைலை குறித்த நேரத்தில் முடித்துக் கொடுத்ததாக மீட்டிங்கில் மேனேஜர் என் பெயரைக் குறிப்பிட்டுப் பாராட்டினார்.

3. மகளுக்கு ஹோம்வொர்க்கில் சந்தேகம் நிவர்த்தி செய்தபோது அவள் கட்டிப்பிடித்து தேங்க்ஸ்பா என்றாள்.

4. ரோட்டில் ஒருவர் குறுக்கே வர, பைக்கை நிறுத்தியபோது அவர் நன்றி சொல்லும் விதமாய் புன்னகைத்துச் சென்றார்.

இப்படி நடந்ததையெல்லாம் மனசுக்குள் ரீவைண்ட் செய்து குறிப்பெடுத்துக் கொள்ளுங்கள்.

இப்போது பிரியுங்கள். மேலே உள்ள உதாரணங்களில் இருந்தே பார்க்கலாம்;

நம்பர் 1-ல் நீங்கள் பெர்சனலாக, பெர்சனாலட்டியில் சிறப்பாக இருந்திருக்கிறீர்கள்.

நம்பர் 2-ல்: ஒரு அலுவலக ஊழியராக சிறப்பாக செயல்பட்டிருக்கிறீர்கள்.

நம்பர் 3-ல் குடும்பஸ்தராக, குடும்ப உறுப்பினராக நல்ல பெயர் எடுத்திருக்கிறீர்கள்.

நம்பர்4-ல் சமூகத்தில் ஒரு நல்ல மனிதனாக யாரோ ஒருவரால் ஒருநொடி அடையாளம் காணப்பட்டிருக்கிறீர்கள்.

நீங்கள் ஒருவர்... ஒவ்வொரு சூழலிலும் அந்தச் சூழலுக்கு தகுந்த மாதிரி செயல்பட்டு பெயரெடுத்திருக்கிறீர்கள்.
இதில் எந்தப் பாராட்டு உங்களை மிகவும் ஊக்கப்படுத்தியது என்று கொஞ்சம் பின்னோக்கிச் சென்று யோசித்துப் பாருங்கள். அந்த விஷயம்தான் உங்களுக்குப் பிடித்த - உங்களின் உள்ளுணர்வு சொல்லும் - நீங்கள். அதற்காக மற்றவை உங்களுக்கு விருப்பமில்லை என்றோ.. தேவையில்லை என்றோ அர்த்தமில்லை. அவை உங்களுக்கு சாதாரணமாகத் தோன்றலாம். நான்குமே கூடப் பிடித்திருக்கலாம் தப்பில்லை. அப்படி நீங்கள் விரும்பி செய்த, அல்லது செய்து பிறரால் பாராட்டுப் பெற்று நீங்கள் மகிழ்ந்த விஷயத்துக்காக இந்த வெள்ளிக்கிழமை நீங்களே உங்களை தட்டிக் கொடுத்துக் கொள்ளுங்கள்.

அடுத்ததாக, இந்த வாரம் செய்யலாம் என்று நினைத்து செய்யாமல் விட்ட விஷயங்களை எழுதுங்கள். அடுத்த வாரம் இதை முடிப்பேன் என்று சபதமெல்லாம் தேவையில்லை. எழுதி முடித்தபிறகு பார்த்தால், தேவையில்லாமல் நாமாக சில விஷயங்களை செய்வதாக கமிட் ஆகிக்கொண்டிருப்போம். அதெல்லாம் வேஸ்ட்.. செய்யவே போவதில்லை... செய்யவும் கூடாது என்று தோன்றும். அதை மனதிலிருந்து CTRL+ALT+DELசெய்யுங்கள். அதன்பிறகு எஞ்சியிருப்பதை அடுத்த வாரம் செய்கிறீர்களா.. இல்லையா என்று சும்மா நினைத்துக் கொள்ளுங்கள்.'கண்டிசனா செய்வேனாக்கும்' என்றெல்லாம் நிர்பந்தித்துக் கொள்ளாதீர்கள்.

ஓகேவா? Done? இனி என்ன என்கிறீர்களா? இனி என்ன... திங்கட்கிழமையை உற்சாகமா எதிர்கொள்ளணும்னா...வார இறுதியை எப்படி மாத்தலாம்னு சில யோசனைகள் இருக்கே.. அதுபடி எதாவது பண்ணுங்க. மேல டாகுமெண்ட்ல எழுதினது / டைப்பினதை சும்மா சேமிச்சு வெச்சு அடுத்த வெள்ளி எடுத்துப் பார்த்துக்கோங்க.

விஷயம் என்னன்னா, ரொம்ப சிம்பிள். ரீவைண்ட் பண்ணிப் பார்க்காததால நிறைய விஷயங்களை நாம கவனிக்கறதில்லை. தேவையில்லாம சில கமிட்மெண்ட்கள்ல மாட்டிக்கறது, முடிக்கணும்னு நினைச்சு ஈஸியா முடிக்காம இருக்கற சில விஷயங்கள், நாம சிறப்பா சில செயல்களை செஞ்சிருந்தாலும், அதை நாமளேகூட உணராம இருக்கறது இப்படி. இந்த மாதிரியான ரீவைண்ட் மெக்கானிசம் பெரிய மாற்றங்களை நிச்சயம் கொண்டுவரும். வெள்ளிக்கிழமையின் உற்சாகத்தை அது பன்மடங்கு அதிகரிக்கும்.

ஆக.. இதையெல்லாம் பண்ணினா, இந்த வெள்ளிக்கிழமையை யாருக்கு டெடிகேட் பண்ணணும்னு ஒரு தெளிவு கிடைக்கும். கிடைச்சுதா? யாருக்குன்னு தெரிஞ்சதா?

என்னது.. இவ்ளோ யோசனை சொல்ற எனக்கா? அட.. போங்க பாஸு.. அந்த மாதிரி ரீவைண்ட் லிஸ்ட் போட்டா, உங்களுக்கு நீங்களே டெடிகேட் பண்ணிப்பீங்க. Yes.. You Are The Best! 

-பரிசல் கிருஷ்ணா

Dailyhunt

டாஸ்மாக் பரிமாற்றத்துக்கும் அதிரடி செக்! -வலையில் சிக்கிய அதிகாரிகள்

பழைய ரூபாய் நோட்டுகளை மாற்றியது தொடர்பாக, விசாரணை வளைத்துக்குள் சிக்கியுள்ளனர் டாஸ்மாக் உயர் அதிகாரிகள் சிலர். ' வங்கிகளில் பணத்தை மாற்றியது குறித்து ஆதாரபூர்வமான ஆதாரங்கள் சிக்கியுள்ளன' என அதிர வைக்கின்றனர் ஊழியர்கள்.

மத்திய அரசின் 500 மற்றும் 1000 ரூபாய் நோட்டுகள் செல்லாது என்ற அறிவிப்பைத் தொடர்ந்து, பழைய நோட்டுகளை 100, 50 ரூபாய்களாக மாற்றுவதற்கான முயற்சிகளில் சிலர் ஈடுபட்டுள்ளனர். அதிலும், அரசு நிறுவனங்களில் பணம் புழங்கும் இடங்களில், அதிகாரிகளே தங்களது கள்ளப் பணத்தை மாற்றிக் கொள்வதாக புகார் எழுந்தது. அண்மையில், கும்பகோணம் அரசு போக்குவரத்துக் கழகத்துக்கு உள்பட்ட டிப்போக்களில் அ.தி.மு.க முன்னாள் அமைச்சர் ஒருவரின் ஆதரவாளர்கள், தேர்தல் செலவுகளுக்காக லட்சக்கணக்கான ரூபாய்களை மாற்றியதாக புகார் எழுந்தது.

இதன்பேரில் எந்த விசாரணையும் நடத்தப்படவில்லை.

அதேபோல், ஆவின், அமுதம் அங்காடிகள், கருவூலம் ஆகியவற்றில் பணம் மாற்றிக் கொடுக்கப்படுவதாகவும் தகவல்கள் வெளியானது. குறிப்பாக, விருதுநகர் உள்பட சில மாவட்டங்களில் உள்ள டாஸ்மாக் உயர் அதிகாரிகள் நாளொன்றுக்கு ஐந்தாயிரம் ரூபாய் வீதம், ஒவ்வொரு டாஸ்மாக் கடைகளிலும் பழைய நோட்டுகளைத் திணித்துவிடுவதாக ஊழியர்கள் குற்றம் சாட்டியிருந்தனர். இந்நிலையில், 'இனி ஒவ்வொரு நாளும் டாஸ்மாக் கடைகளில் இருந்து வங்கிளுக்குச் செலுத்தப்படும் பணத்தைப் பற்றிய டினாமினேஷன்களை நகல் எடுத்து அனுப்ப வேண்டும்' என டாஸ்மாக் நிர்வாக இயக்குநர் கிர்லோஷ் குமார் ஐ.ஏ.எஸ் உத்தரவிட்டுள்ளார். இந்த உத்தரவை எதிர்பார்க்காத டாஸ்மாக் சூப்பர்வைசர்கள் அதிர்ச்சியில் உறைந்துள்ளனர்.

"தமிழ்நாடு முழுவதும் ஆறாயிரத்துக்கும் மேற்பட்ட டாஸ்மாக் கடைகள் செயல்படுகின்றன. ஒவ்வொரு கடைகளிலும் பாட்டிலுக்கு ஐந்து ரூபாய் வீதம் கூடுதலாக வசூலிக்கப்படுகின்றன. இப்படி வசூலாகும் தொகைகள் மட்டும் இரண்டாயிரம் கோடியைத் தாண்டும். இந்தப் பணத்தில் பெரும்பகுதி மாவட்ட டாஸ்மாக் மேலாளர்களுக்குச் சென்று சேருகிறது" என விவரித்த டாஸ்மாக் பணியாளர் சங்கத்தின் நிர்வாகி ஒருவர், "இந்தப் பணத்தை சிலர் ரியல் எஸ்டேட் உள்பட சில தொழில்களில் முதலீடு செய்துள்ளனர். சில அதிகாரிகள் பெரும் பணத்தை பதுக்கி வைத்துள்ளனர். இவற்றை நல்ல நோட்டுகளாக மாற்றுவதற்கு டாஸ்மாக் சூப்பர்வைசர்களைப் பயன்படுத்தி வந்தனர். விருதுநகர், வேலூர் உள்பட பல மாவட்டங்களில் நாளொன்றுக்கு ஐந்தாயிரம் முதல் பத்தாயிரம் ரூபாய் வரையில் சில்லறை நோட்டுகளாக மாற்றப்பட்டு வந்தன.

மத்திய அரசின் அறிவிப்பு வெளியான சில நாட்களுக்குள் பல கோடி ரூபாய்கள், நல்ல நோட்டுகளாக மாறிவிட்டன. சில ஐ.ஏ.எஸ் அதிகாரிகளின் கள்ளப் பணமும் மாற்றப்படுவதாக புகார் எழுந்தது. இதில் சூப்பர்வைசர்களுக்கும் கணிசமான அளவுக்குக் கமிஷன் கிடைத்தது. இதுதவிர, பார் எடுத்து நடத்தும் அரசியல் புள்ளிகளோடு கூட்டு வைத்துக் கொண்டு, 500, 1000 ரூபாய் நோட்டுகளை மாற்றும் சம்பவங்களும் நடந்தன. ' இந்தச் செயலில் யார் யார் ஈடுபடுகிறார்கள்' என அனைத்து விவரங்களும் டாஸ்மாக் எம்.டி.யின் கவனத்துக்குக் கொண்டு செல்லப்பட்டன. இதையடுத்து, 'வங்கிகளில் செலுத்தப்படும் டினாமினேஷன் நகல்கள், செலான்களோடு இணைத்து அனுப்ப வேண்டும்' என உத்தரவு பிறப்பிக்கப்பட்டுள்ளது. இதன்படி, இன்று முதல் ஒவ்வொரு டாஸ்மாக் கடையின் வருமானமும் கண்காணிப்பிற்குள் வர இருக்கின்றன. எந்தக்கடையில் இருந்து அதிகப்படியான 500, 1000 வெளியில் சென்றுள்ளது என்பதும் தெளிவாகத் தெரிந்துவிடும். தவறு செய்யும் அதிகாரிகள் மீது துறைரீதியான கடும் நடவடிக்கை எடுக்கப்படும் என எச்சரிக்கையும் விடுக்கப்பட்டுள்ளது" என்றார் விரிவாக.

'ஒவ்வொரு அரசுத் துறைகளிலும் எவ்வளவு ரூபாய்கள் மாற்றப்படுகின்றன என்பது குறித்து, வருமான வரித்துறை அதிகாரிகள் தீவிரமாகக் கண்காணித்து வருகின்றனர். ஏதேனும் நடவடிக்கை பாய்வதற்கு முன், எச்சரிக்கை நடவடிக்கையாகவே டாஸ்மாக் நிர்வாகம் அறிவிப்பு வெளியிட்டுள்ளது' என்கின்றனர் அதிகாரிகள் சிலர்.

- ஆ.விஜயானந்த்

Dailyhunt

"சாதாரண மனிதர்களால் குருசாமியாக முடியாது"- நம்பியார்சாமியின் வாக்கு! (நம்பியார் நினைவு தின பகிர்வு)

'

வில்லன்...' என்றாலே சட்டென நம் நினைவுக்கு வருபவர் நம்பியார். தமிழ் சினிமாவில் அவருடைய வில்லன் பாத்திரம் வேறு யாராலும் ஈடுசெய்ய முடியாதது. கட்டான உடல்வாகு, கர்ஜிக்கும் குரலில் அனல் பறக்கும் வசனங்கள், ஹீரோக்களுடன் போடும் சண்டைக் காட்சிகள், வில்லத்தனமான சிரிப்புடன் அவர் கைகளைப் பிசைந்தபடி தலையைச் சாய்த்துப்பேசும் பாடிலாங்வேஜ்...

நினைத்த மாத்திரத்தில் நம் மனக்கண்ணில் தோன்றுபவை.

சினிமாவில் அவர் காட்டிய முகம் வில்லன், கொடுமைக்காரன், பணத்துக்காக எதையும் செய்பவன், ஏழைகளையும் பெண்களையும் துன்புறுத்துபவன்... `அப்படிப்பட்டவர், நிஜ வாழ்க்கையிலும் மோசமான ஆளாகத்தானே இருப்பார்?' என்று ரசிகர்களை எண்ணவைத்தன அவர் ஏற்று நடித்த கதாபாத்திரங்கள்.

நம்பியார் அடிவாங்குகிறாரா? அதுபோன்ற காட்சிகளைப் பார்க்கும்போதெல்லாம் எம்.ஜி.ஆர்., சிவாஜி ரசிகர்களுக்குள் உற்சாக ஊற்று கொப்பளிக்கும். ஏதோ ஒரு பழி உணர்வைத் தீர்த்துக்கொண்ட திருப்தி ஏற்படும். ஒரு காலத்தில் பெண்களாலும் ரசிகர்களாலும் திரையரங்குகளில் அதிகம் திட்டு வாங்கியவர், சபிக்கப்பட்டவர் எம்.என்.நம்பியாராகத்தான் இருக்க முடியும்.

தமிழ் சினிமா ரசிகர்களுக்கு, `நம்பியார்' என்ற பெயர் உருவாக்கிய பிம்பம் இதுதான். ஆனால், திரைப்படங்கள் உருவாக்கிய இந்த மாய பிம்பங்களுக்கு நேரெதிரான வாழ்க்கையை இறுதிவரை கடைப்பிடித்தவர் என்பதுதான் பலரும் அறியாத அச்சு அசல் உண்மை.
நம்பியாரின் ஆன்மிக முகம் பிரசித்தமானது. மிகச்சிறந்த ஐயப்ப பக்தர். அவரை அறிந்தவர்கள், நெருங்கியவர்கள் பக்தி கலந்த மரியாதையுடன் அவரை `குருசாமி' என்றோ, `நம்பியார்சாமி' என்றோதான் அழைப்பார்கள்.

அவரது 65 ஆண்டுகால ஆன்மிகப் பாதையில் அவருடன் பல பிரபலங்கள் பயணத்திருந்தாலும், அவரது உள்ளம் கவர்ந்த ஐயப்ப பக்திப் பாடகர் குடும்பத்தைச் சேர்ந்த ஒருவர் வீரமணி ராஜு. இவர், பிரபல ஐயப்ப பக்திப்பாடல் புகழ் கே.வீரமணியின் அண்ணன் மகன். இவர், நம்பியாரின் மறைவுக்குப் பின்னரும், அவரது குடும்பத்தினர் நம்பியார் நினைவாக நடத்தும் பிறந்தநாள் விழாவில் தவறாமல் பங்கேற்று, பாடி வருபவர்.

அவர், நம்பியாருடன் சென்ற சபரிமலை யாத்திரை... குருசாமியாக நம்பியார் கூறிய ஆலோசனைகள்... அவருடனான தனது அனுபவங்கள்... அத்தனையையும் நம்பியாரின் நினைவு நாளான இன்று (நவம்பர் 19) நினைவுகூர்கிறார். அவர் பகிர்ந்துகொண்ட நம்பியார்சாமி குறித்த நீங்காத நினைவுகள்...

சபரிமலையைப் பிரபலமாக்கியவர்!

``சபரிமலையை முதன்முதலில் தமிழகத்தில் பிரபலமாக்கியவர் நவாப் ராஜமாணிக்கம்பிள்ளைதான். இவர்தான் சபரிமலை ஐயப்பனைப் பற்றிச் சொல்லி, எம்.என்.நம்பியார்சாமியையும் மாலை போட வைத்தவர். அவருக்கடுத்து ,ஒரு மாநிலத்தின் கோயிலாக இருந்த சபரிமலையை, தமிழ்நாடு மட்டுமல்லாமல், நாடெங்கும் பிரபலப்படுத்திய புகழ் நம்பியார்சாமியைத்தான் சேரும்.

இதற்காக அவர் கையில் எடுத்துக்கொண்ட அஸ்திரம் வித்தியாசமானது. வெகுஜன மக்களின் கவனத்தை ஈர்க்கச் செய்பவர்கள் பிரபலங்களே. எனவே, சபரிமலை ஐயப்பனின் மகிமையை உலகெங்கும் கொண்டு செல்வதை, தன் ஆன்மிகப் பணியாக வகுத்துகொண்ட அவர், மாலை அணிவித்து சபரிமலைக்கு அழைத்துச் சென்ற பிரபலங்கள் ஏராளம். அமிதாப் பச்சன், சிவாஜிகணேசன், ரஜினிகாந்த், கன்னட நடிகர் ராஜ்குமார் போன்ற பிரபல நடிகர்கள் கன்னிசாமியாக மாலை அணிந்து மலைக்குப் புறப்பட்டபோது, அவர்களுக்கு நம்பியார்தான் குருசாமி!

யார் குருசாமி?

60 ஆண்டுகளுக்கும் மேலாக சபரிமலைக்கு யாத்திரை மேற்கொண்டு ஐயப்பனை தரிசித்தவர். நீண்ட காலமாக `குருசாமி'யாக பக்தர்களை ஐயப்பன் கோயிலுக்கு வழிநடத்திச் சென்றவர். இவரது நீண்ட ஐயப்பன் கோயில் பயணம், `மகா குருசாமி' என்ற பட்டத்தைப் பெற்றுத் தந்தது. ஆனால், அவரே தன்னை `குருசாமி' என்று ஒருபோதும் சொல்லிக்கொண்டது இல்லை. `நான் உங்களை சபரிமலைக்கு அழைத்துச் செல்லவில்லை; உங்களுடன் நானும் பயணிக்கிறேன், அவ்வளவுதான்' என்பார்.
அதேபோல குருசாமி யார்? என்பதற்கு புதிய விளக்கமும் தந்தார். `18 முறை சபரிமலைக்குச் சென்றவர்களெல்லாம் குருசாமியல்ல; அவர்கள் அப்போதுதான் கன்னிசாமியாகிறார்கள். இதுபோல 18 முறை கன்னிசாமியாக இருந்தவர்தான் குருசாமி' என்று கூறி அதிரவைப்பார். அதாவது 18 X 18 = 324 வருடங்கள் சபரிமலை சென்றவர்தான் குருசாமியாக முடியும். ஐயப்பன் ஒருவரே குருசாமி, சாதாரண மனிதர்களால் அது முடியாது என்பதையே அவரது பாணியில் உணர்த்தினார்.

ஐயப்பனுக்கு சீசனா?

ஐயப்ப பக்தர்கள் மாலை அணிந்து, 41 நாட்கள் விரதமிருந்து, சபரிமலைக்குச் செல்லும் கார்த்திகை மாதத்தை `ஐயப்பன் சீசன்' என்போம். ஆனால் அவரோ, `ஐயப்பனுக்கு ஏதுடா சீசன்... இது என்ன ஊட்டியா, கொடைக்கானலா?' என்பார் அவர் பாணியில்.
`அந்த 41 விரத நாட்கள், நம்மை தீய பழக்கவழக்கங்களிலிருந்து விடுவிக்க மேற்கொள்ளும் பயிற்சி. ஒருமுறை மாலை போட்டு விட்டால், அதற்குப் பிறகு வாழ்நாள் முழுக்க நாம் ஐயப்ப பக்தர்களே. எனவே, அந்த விரதமுறை, ஐயப்பனுக்காக நாம் செய்யும் தியாகம் அல்ல. அதனால் அவனுக்கு ஒரு பயனும் இல்லை. அது உன்னை நல்வழிப்படுத்தி, உனக்கு உடல் ஆரோக்கியத்தை கொடுப்பதற்காகத்தான் என்பதை உணர்ந்து, மனசாட்சிக்கு உட்பட்டு அதனை நேர்மையாகக் கடைபிடி' என்பார்.

மாதா, பிதா, குரு...

`சபரிமலைக்குச் செல்லும் ஒவ்வொரு பக்தரும் தன் தாயின் கையால்தான் மாலை போட்டுக்கொள்ள வேண்டும்; பெற்றோரின் விருப்பமில்லாமல் மாலை போடக் கூடாது; முதலில் யார் உனக்கு குருசாமியாக இருக்கிறாரோ, இறுதி வரை அவருடன்தான் நீ யாத்திரை செல்ல வேண்டும். அதேபோல முதல்முறை உபயோகித்த மாலையைத்தான் இறுதி வரை பயன்படுத்த வேண்டும்' என்பார்.

புனித யாத்திரையில் கண்டிப்பு

`எந்த இடத்தில் மாலையை போட்டுக்கொண்டாயோ, அந்த இடத்திலேயே திரும்ப வந்து கழற்றினால்தான் உனது புனித யாத்திரை நிறைவுபெறும். பம்பையில் கழற்றினாலும், வழியில் கழற்றினாலும் விரதப் பயணம் நிறைவுறாது' என்பார். அதை அவருமே கடைப்பிடித்தார். அவருடன் வரும் சிவாஜி போன்ற மாபெரும் பிரபலங்களைக்கூட இடையிலேயே மாலையைக் கழற்றிவிட்டு, சினிமா சூட்டிங்குக்குச் செல்ல அவர் அனுமதித்தது இல்லை. இப்படி அனைவரிடமும் அன்புடன் கூடிய கண்டிப்போடு நடந்துகொள்வார் நம்பியார்சாமி.

எம்.ஜி.ஆரின் மரியாதை

நம்பியார் இருமுடி கட்டி ஐயப்பன் கோயிலுக்குச் செல்லும்போது, அவரது மனைவி ருக்மணிதான் நெய்த் தேங்காயில் நெய் ஊற்றி பயணத்தைத் தொடங்கி வைப்பார். அதேபோல எம்.ஜி.ஆர் உயிரோடு வாழ்ந்த காலம் வரை, அவர் அனுப்பிவைக்கும் மாலைதான் முதல் மாலையாக நம்பியாருக்கு அணிவிக்கப்பட்டு, மரியாதை செய்யப்பட்டு வந்தது.

ஊருக்கு உபதேசம்!

'ஊருக்குத்தான் உபதேசம்' என்றில்லாமல் அவர் போதித்த விஷயங்களுக்கு அவரே முன்னுதாரணமாக அவற்றைத் தனது வாழ்க்கையிலும் கடைப்பிடித்தவர். விரத காலங்களில் மட்டுமல்லாமல், தன் வாழ்நாள் இறுதி வரை குடிப்பழக்கம், புகைப் பழக்கம் என எந்த கெட்டப் பழக்கங்களும் இல்லாத மாமனிதர் அவர். கறுப்பு வெள்ளைக் (சினிமா) காலத்தில் நம்பியாரோடு நடிக்காத நடிகர்கள் இல்லை. ஆனால், அதற்கான எந்த தலைக்கனமும் அவரிடம் இருந்ததில்லை. திரையில் வில்லனாகத் தோன்றினாலும், நிஜத்தில் எந்த கெட்டப் பழக்க வழக்கங்களும் இல்லாத கதாநாயகனாகத்தான் வாழ்ந்தார். இவரிடம் நடிகர்கள் மட்டுமல்ல, அனைவரும் கற்றுக்கொள்ள வேண்டியவை நிறையவே உள்ளன.

2008-ம் ஆண்டு நவம்பர் 19-ம் தேதி உடல்நலம் பாதிக்கப்பட்டு இறந்தார் நம்பியார்சாமி. ஐயப்பனுக்கு விரதம் மேற்கொள்ளும் இந்த கார்த்திகை மாதத்தில் அவர் மரணம் அடைந்ததால், ஐயப்பனின் திருவடிகளை அவர் அடைந்ததாகவே ஐயப்ப பக்தர்களாகிய நாங்கள் நம்புகிறோம்.''

- ஜி.லட்சுமணன்

Dailyhunt

இது இல்லாததால்தான்... இவை அரங்கேறின

'கோயில்களைக் கட்டுவதற்கு முக்கியத்துவம் கொடுப்பதைவிட நாட்டில், கழிவறை வசதியை ஏற்படுத்துவற்கு முக்கியத்துவம் அளிக்க வேண்டும்'' என பிரதமர் நரேந்திர மோடி, குஜராத் முதல்வராக இருந்தபோது கூறியிருந்தார். பிரதமர் ஆனபிறகு 'தூய்மை இந்தியா' திட்டத்தைக் கொண்டுவந்தார். பிரதமராகப் பதவியேற்று, இரண்டு ஆண்டுகள் ஆகியும் அவர் காண நினைத்த, 'தூய்மை இந்தியா' இன்னும் நனவாகாத நிலையில், தற்போது கறுப்புப் பணத்தையும், கள்ளப் பணத்தையும் ஒழிக்க 1,000, 500 ரூபாய் நோட்டுகள் செல்லாது என்கிற அதிரடி அறிவிப்பை வெளியிட்டு அனைவரையும் அதிர்ச்சியில் ஆழ்த்தினார்.
உலக கழிப்பறை தினமாக கடைப்பிடிக்கப்படும் இன்றைய நாளில் (நவம்பர்-19), 21-ம் நூற்றாண்டிலும் இந்தியாவின் பல பகுதிகளில்... கழிப்பறை வசதி இல்லாமல் ஆற்றங்கரைகளையும், ஏரிக்கரைகளையும் தேடிச்செல்வோர் அதிகமிருக்கிறார்கள் என்பது அவரது கவனத்துக்குச் சென்றிருக்குமா எனத் தெரியவில்லை. அதிலும் குறிப்பாகப் பெண்களின் நிலைமையைச் சொல்லவே வேண்டாம்.

இருட்டிய பின்பு... இல்லையேல் விடியலுக்கு முன்பு. இப்படித்தான் பல கிராமப்புறப் பெண்களின் நிலை இருக்கிறது. 'அருகில், பொதுக் கழிப்பிடம் எங்கே இருக்கிறது' எனத் தெரியாமலேயே (அது நிறைய இடங்களில் இல்லாததால்) அவசரத்துக்குக்கூட இயற்கை உபாதைகளைக் கழிக்க முடியாமல் நகரப் பெண்களின் வாழ்க்கை போய்க்கொண்டிருக்கிறது. இதனால் அவர்களுக்கு ஏற்படும் பிரச்னைகளுக்கு எல்லையே இல்லை. பாலியல் துன்புறுத்தல், கல்வி பாதிப்பு, விஷப் பூச்சிகளால் உயிரிழப்பு, மாதவிலக்கால் ஏற்படும் நோய்த்தொற்று... இன்னும் எத்தனையோ? இவை ஒருபுறமிருக்க, 'கழிப்பறை' என்கிற ஒரே ஒரு வசதியில்லாமல் கீழ்க்கண்ட பெண்கள் அடைந்த நிலையை நீங்களும் கொஞ்சம் படியுங்களேன்...

தற்கொலை செய்துகொண்டனர்!

தெலங்கானா மாநிலம் நல்கொண்டா மாவட்டம், குண்டலா கிராமத்தைச் சேர்ந்தவர் ரேகா. கல்லூரி மாணவியான இவர், தொடர்ந்து தன் பெற்றோரிடம் வீட்டில் கழிப்பறை கட்டித் தருமாறு வற்புறுத்தி வந்துள்ளார். அவர்களுக்கோ வறுமை காரணமாக கழிப்பறை கட்டித் தர முடியாத நிலை. இதனால் மனமுடைந்த ரேகா, தீக்குளித்து தற்கொலை செய்துகொண்டார். தற்கொலை செய்துகொள்ளும் முன்பு அவர் எழுதிய கடிதத்தில், ''அப்பா எனக்கு வெட்கமாக இருக்கிறது... நான், ஒரு கல்லூரி மாணவி. எனது உணர்வுகளை புரிந்துகொள்ளுங்களேன்'' என்று உருக்கமாக அதில் எழுதியிருந்தார்.





ஜார்க்கண்ட் மாநிலம் தும்கா பகுதியைச் சேர்ந்தவர் குஷ்பு குமாரி. கல்லூரி மாணவியான இவர், தன் வீட்டில் கழிப்பறை அமைத்துத் தருமாறு பெற்றோரிடம் வலியுறுத்தியுள்ளார். இதை அவர்கள் பொருட்படுத்தவில்லை எனத் தெரிகிறது. இதனால் மனமுடைந்த குஷ்பு, தூக்கிட்டு தற்கொலை செய்துகொண்டார். ''தன் மகளின் திருமணத்துக்காகப் பணம் சேர்த்து வந்ததாகவும், கழிப்பறை கட்டினால் பணம் செலவாகிவிடும் என்ற காரணத்தால் குஷ்புவின் கோரிக்கையை நிறைவேற்றவில்லை'' என்று அவரின் தந்தை ஸ்ரீபதி கூறியிருந்தார்.

பாலியலுக்கு இரையாகி கொலை செய்யப்பட்டார்!

தஞ்சை மாவட்டம் சாலியமங்கத்தைச் சேர்ந்தவர் கலைச்செல்வி. இவர், இரவு நேரத்தில் இயற்கை உபாதையைக் கழிப்பதற்காக, வீட்டுக்குப் பின்புறமுள்ள கருவேலங்காட்டுக்குச் சென்றார். அப்போது, அங்கு மறைந்திருந்த வாலிபர்களால் பாலியல் வன்புணர்வு செய்யப்பட்டு, நிர்வாண நிலையில் பிணமாகக் கிடந்தார். ''எங்கள் குடியிருப்பில் டாய்லெட் வசதி கிடையாது. இருந்திருந்தால் என் பொண்ணு செத்திருக்க மாட்டாள்'' என்று அப்போது அழுது புலம்பினார் அவரது தந்தை ராஜேந்திரன்.

திருமணத்தை நிறுத்தி மற்றொருவரை மணந்தார்!

உத்தரப்பிரதேசம் மாநிலம் கான்பூரைச் சேர்ந்தவர் நேகா. இவருக்கும் அதே பகுதியைச் சேர்ந்த வாலிபர் ஒருவருக்கும் திருமணம் நிச்சயிக்கப்பட்டது. இருவீட்டாரும் திருமணத்துக்கு வேண்டிய ஏற்பாட்டைச் செய்து வந்தனர். இந்தநிலையில், மணமகன் வீட்டில் கழிவறை கட்டவேண்டும் என்று மணமகள் சார்பில் கோரிக்கை வைக்கப்பட்டது.





உலக கழிப்பறை தினத்தின் சிறப்பு புகைப்படத் தொகுப்பை காண இங்கே க்ளிக் செய்யவும்..

ஆனால், திருமண தேதி நெருங்கிய நிலையிலும் மணமகன் வீட்டில் கழிவறை கட்டப்படவில்லை. இதனால் தனக்கு நடக்கவிருந்த திருமணத்தை உடனடியாக நிறுத்திய நேகா, பலதரப்பட்டவர்களால் பாராட்டப்பட்டார். அத்துடன், கழிப்பறை வசதிகொண்ட வேறொரு மணமகனைத் திருமணம் செய்து கொண்டார்.

கணவரைப் பிரிந்த பெண்!

பீகார் மாநிலம் வைஷாலி மாவட்டத்தைச் சேர்ந்தவர் சுனிதா தேவி. இவர், தன் கணவரிடம் கழிப்பறை கட்டித் தருமாறு வலியுறுத்தியுள்ளார். ஆனால், அவர் சொன்னதைப் பொருட்படுத்தாமல் இருந்துள்ளார் அவரது கணவர். இதனால் பொறுமையிழந்த சுனிதா தேவி, தன் கணவரை விட்டுப் பிரிந்து தனது பெற்றோர் வீட்டுக்குச் சென்றுவிட்டார்.

நாட்டில் பெண்களுக்கு இதுபோன்ற பிரச்னைகள் ஏற்படுவதற்குக் காரணம், 'கழிப்பறை' என்கிற அத்தியாவசியத் தேவை ஒன்று இல்லாததுதான்.

கழிப்பறை இல்லாத அனைத்து வீடுகளிலும் கழிவறைகளை அமைப்போம்... களிப்புடன் வாழ்வோம்!

- ஜெ.பிரகாஷ்
Dailyhunt

ஜே.பி.ஆர் கல்வி குழுமத்தில் வருமானவரித்துறை 8 கோடி பறிமுதல்! பின்னணி தகவல்கள்

சென்னையில் உள்ள ஜே.பி.ஆர் கல்வி குழுமத்தை சேர்ந்த பொறியியல் கல்லூரிகளில் வருமானவரித்துறையினர் அதிரடி சோதனை நடத்தினர். அதில் செல்லாது என்று அறிவிக்கப்பட்ட 8 கோடி ரூபாய் பறிமுதல் செய்யப்பட்டுள்ளது.


ஜே.பி.ஆர் கல்வி குழுமத்தின் கீழ் உள்ள கல்வி நிறுவனங்களில் இன்று ஒரே நேரத்தில் வருமானவரித்துறை அதிரடியாக சோதனை நடத்தியது. இந்த சோதனையில் 8 கோடி ரூபாய் பறிமுதல் செய்யப்பட்டுள்ளதாக தகவல்கள் வெளியாகியுள்ளன. பறிமுதல் செய்யப்பட்ட பணம் அனைத்தும் சமீபத்தில் செல்லாது என்று அறிவிக்கப்பட்ட 1000, 500 ரூபாய் நோட்டுக்கட்டுக்களாகும்.
எதற்காக இந்த சோதனை என்று வருமான வரித்துறை வட்டாரங்கள் கூறுகையில், "நாடு முழுவதும் கறுப்புப் பணத்தையும், கள்ள நோட்டுக்களையும் ஒழிக்கவே 500, 1000 ரூபாய் நோட்டுக்கள் செல்லாது என்று அறிவிக்கப்பட்டுள்ளது.


இதனால் கணக்கில் காட்டப்பட்ட 500, 1000 ரூபாயை மக்கள் தைரியமாக வங்கிகளில் மாற்றியும் டெபாசிட் செய்தும் வருகின்றனர். ஆனால் கறுப்புப் பணத்தை பதுக்கி வைத்திருப்பவர்களால் அதை மாற்ற முடியவில்லை. இதனால்,சிலர் குறுக்கு வழியில் பணத்தை மாற்றுவதாக எங்களுக்கு தகவல் வந்தது. அதன்பேரில் தமிழகம் முழுவதும் அதிரடியாக சோதனை நடத்தப்பட்டு வருகிறது. ஜே.பி.ஆர் கல்வி குழுமத்தில் செல்லாது என்று அறிவிக்கப்பட்ட 1000, 500 ரூபாய் நோட்டுக்கள் இருப்பதாக எங்களுக்கு ரகசிய தகவல் கிடைத்தது. அதன்பேரில் அந்த குழுமத்துக்குச் சொந்தமான கல்லூரிகளில் சோதனை நடத்தினோம். சென்னை ராஜீவ் காந்தி சாலையில் இருக்கும் அந்த குழுமத்துக்கு சொந்தமான கல்லூரியில் 8 கோடி ரூபாய் மதிப்புள்ள 1000, 500 ரூபாய் நோட்டுக்கள் இருப்பது தெரியவந்தது. அதை பறிமுதல் செய்துள்ளோம். அந்தப் பணத்துக்கு உரிய கணக்கு காட்டினால் அதை திரும்ப கொடுத்து விடுவோம். இல்லையெனில் நடவடிக்கை எடுக்கப்படும் என்றனர்.



செல்லாத என்று அறிவிக்கப்பட்ட 1000, 500 ரூபாய் நோட்டுக்களை கல்லூரி ஊழியர்கள் மூலம் மாற்றவும் முயற்சிகள் நடந்ததாகவும் ஒரு தகவல் வெளியாகி உள்ளது. அதற்காகவே அங்கு 8 கோடி ரூபாய் பதுக்கி வைக்கப்பட்டுள்ளது என செய்திகள் வெளியாகிறது. ஆனால் அதற்கு முன்பே வருமானவரித்துறை அந்த பணத்தை பறிமுதல் செய்துள்ளது.இது போல கறுப்புப் பண முதலைகள் தங்களது நிறுவனங்களில் பணியாற்றும் ஊழியர்கள் மற்றும் தங்களுக்கு தெரிந்த நம்பிக்கைக்குரியவர்கள் மூலம் வங்கிகளில் வருமானவரி உச்சவரம்பிற்கு ஏற்ப டெபாசிட் செய்துள்ளதாகவும் தகவல்கள் உள்ளன.

"ஜே.பி.ஆர் கல்வி குழுமத்தில் நடந்த வருமானவரி சோதனை மற்ற கல்வி குழுமத்தினருக்கு கலக்கத்தை ஏற்படுத்தி உள்ளது. பிரதமர் நரேந்திர மோடி 1000, 500 ரூபாய் நோட்டுக்கள் செல்லாது என்று அறிவிப்பதற்கு முன்பே தகவல் கிடைத்த சென்னையை சேர்ந்த பிரபல கல்வி குழுமம் குறிப்பிட்ட பெரிய தொகையை கை மாற்றிவிட்டுள்ளது. அதுபோல இன்னொரு தனியார் மருத்துவ கல்லூரியும் இதை செய்துள்ளது. மோடியின் இந்த அறிவிப்பு எந்தவகையில் அந்த கல்வி குழுமங்களுக்கு சென்றது என்பது விவரம் தெரிந்தவர்களின் கேள்வியாக உள்ளது. இதில் பிரபல கல்வி குழுமத்துக்கு அரசியல் செல்வாக்கு இருப்பதால் அவர்களுக்கு முன்கூட்டியே தகவல் கிடைத்திருக்கும்" என்கின்றனர் உள்விவரம் தெரிந்தவர்கள்.

ஜே.பி.ஆர் கல்வி குழுமம் மட்டுமல்லாமல் நாடு முழுவதும் கணக்கு காட்டப்படாமல் பதுக்கி வைக்கப்பட்டு இருக்கும் இடங்களிலும் சோதனை நடத்த வருமான வரித்துறை தயாராகி விட்டது. பான் கார்டு, ரகசிய தகவல்கள் அடிப்படையில் வருமானவரித்துறை அதிகாரிகள் களமிறக்கப்பட்டு வருகின்றனர். இதுபோன்ற நடவடிக்கைகள் மூலம் கறுப்புப் பணத்தை ஒழிக்க முடியும் என்ற நம்பிக்கையை ஏற்படுத்துகிறது.

தமிழகத்தில் பதுக்கி வைத்த கறுப்புப் பணத்தை மாற்ற சிலர் குறுக்கு வழிகளில் ஈடுபடுவதாக குற்றச்சாட்டு எழுந்துள்ளது. குறிப்பாக இந்த கறுப்புப் பணத்தை மாற்றுவதற்கென தனி நெட்வோர்க் செயல்படுகிறது. சென்னையில் கைமாறும் கறுப்புப் பணத்துக்கு மதுரையில் பணம் பட்டுவாடா செய்யப்படுகிறது. அடுத்து திருச்சியில் கை மாறும் கறுப்புப் பணத்துக்கு சென்னையில் பணம் பட்டுவாடா செய்யப்படுகிறது. இவ்வாறு தமிழகம் முழுவதும் செயல்படும் இந்த கும்பல், போனிலேயே பேரம் பேசி கறுப்புப் பணத்தை கை மாற்றி விடுகின்றனர். கடைசியில் கறுப்பு பணமாக இருக்கும் செல்லாத 1000, 500 ரூபாய் நோட்டுக்கள் வங்கிகளில் செலுத்தப்படுவது புரியாத புதிராக உள்ளது. இந்த நெட்வோர்க்கில் தனிநபர் முதல் சில வங்கி அதிகாரிகள் வரை உள்ளனர். அரசியல்வாதிகள் முதல் தொழிலபதிபர்கள் வரை தங்களால் முடிந்த செல்வாக்கைப் பயன்படுத்தி கறுப்புப் பணத்தை செல்லும் கரன்சியாக மாற்றி வருகின்றனர். இதைத் தடுக்க வருமானவரித் துறை கிடுக்குப்பிடி போட்டாலும் அதிலிருந்து கறுப்பு பண முதலைகள் தப்பி விடுவது வேதனை அளிக்கிறது, எனவே இந்த காலக்கட்டத்தில் வருமானவரித்துறையின் அதிரடி நடவடிக்கையே கறுப்பு பணத்துக்கு போடப்படும் கடிவாளமாக அமையும்.


எஸ்.மகேஷ்

மதிப்புமிகு ஆசிரியர்கள்

By த. ஸ்டாலின் குணசேகரன்  |   Published on : 19th November 2016 12:54 AM  

அறிஞர்கள் பாராட்டப்படாத நாட்டில் அறிஞர்கள் தோன்ற மாட்டார்கள். கவிஞர்கள் போற்றப்படாத தேசத்தில் கவிஞர்கள் முகிழ்க்க மாட்டார்கள். அறிவியல் மேதைகள் ஊக்கப்படுத்தப்படாத மண்ணில் அறிவியல் கண்டுபிடிப்புகள் அரிதாகவே நிகழும் என்பது உலகப் பெரும் அறிஞர்கள் பலராலும் அழுத்தமாகத் தெரிவிக்கப்பட்ட கருத்தாகும்.
இதன் அடிப்படையிலேயே மிகச்சிறந்த ஆசிரியர்கள் உருவாக அடித்தளமிடும் சிந்தனையோடு ஆசிரியர் பாராட்டு விழா ஈரோடு மாவட்டத்தில் ஆண்டுதோறும் நடத்தப்பட்டு வருகிறது.
அரசு மேல் நிலைப் பள்ளியில் பொதுத் தேர்வு நடைபெறுகிறபோது பள்ளித் தலைமையாசியர்கள் அந்தந்தப்பள்ளியின் தேர்வு அதிகாரிகளாகச் செயல்படுகின்றனர். வேறுபள்ளிகளைச் சேர்ந்த ஆசிரியர்கள் இவரின் பள்ளிக்கு தேர்வு நடைபெறுகிற வகுப்பறைகளில் மாணவர்களை வழிநடத்தவும் கண்காணிக்கவும் பணிக்கப்படுகின்றனர்.
பத்தாம் வகுப்பிற்கான பொதுத் தேர்வு நடக்கும் சூழலில் தேர்வு நடைபெறும் ஓர் அரசு மேல் நிலைப் பள்ளியின் தலைமையாசிரியர் காலை தேர்வு தொடங்கியதும்மாணவர்கள் தேர்வெழுதுகிற வகுப்பறைகள் ஒவ்வொன்றாகச் சுற்றிப் பார்த்துக் கொண்டு வந்தார். அப்போது தேர்வு தொடங்கி சில நிமிடங்களானபின்பும் ஒரு மாணவன் இடம் காலியாக இருந்தது.அன்று நடைபெற்றுக் கொண்டிருந்த தேர்வு பத்தாம் வகுப்பு மாணவர்களுக்கான கடைசித் தேர்வு. அதற்கு முன்பு நடைபெற்ற நான்கு தேர்வுகளுக்கும் அம்மாணவன் வந்து தேர்வு எழுதியதையும் அன்று மட்டும் கடைசித் தேர்வுவெழுத அம்மாணவன் வரவில்லை என்பதையும் அங்குள்ள மாணவர்கள் மற்றும் ஆசிரியரைக்கேட்டுத் தெரிந்து கொண்டார்.
உடனே அம்மாணவனின் முகவரியை அவரிடமிருந்த ஆவணங்கள் மூலம் தேடியெடுத்து தேர்வுக் கண்காணிப்பில் ஈடுபடாத இரண்டு ஆசிரியர்களை அழைத்து அம்மாணவன் வீட்டுக்குச் சென்று அம்மாணவன் தேர்வுக்கு வராத காரணத்தை அறிந்து வருவதோடு இயன்றால் அழைத்து வரவும் கூறினார். அந்த இரண்டு ஆசிரியர்களில் ஒருவர் உதவித் தலைமையாசிரியர்.
இப்பள்ளி ஒரு கிராமத்தில் உள்ளது. அம்மாணவனின் வீடு பக்கத்து ஊரில் இருக்கிறது. பொறுப்பளிக்கப்பட்ட இரண்டு ஆசிரியர்களும் தங்களின் இரு சக்கர வாகனத்தில் அம்மாணவன் வீடு உள்ள பகுதிக்குச் சென்றனர். ஊரே காலியாக இருந்தது. விசாரித்ததில் ஊர்க்காரர்களெல்லாம் உள்ளூர் திருவிழாவுக்காக பக்கத்திலுள்ள ஆற்றுக்குச் சென்றவிட்டதாக அறிந்து இரண்டு ஆசிரியர்களும் ஆற்றை நோக்கிச் சென்றனர்.
எதிரில் திருவிழாக் குழுவினருடன் இவர்கள் தேடிவந்த மாணவனும் தலையில் தண்ணீர்க் குடம் வைத்து ஆடிக்கொண்டு வந்துள்ளான். மாணவன் எழுத வேண்டிய தேர்வு குறித்தும் அன்று அவன் பள்ளிக்குச் செல்ல வேண்டிய அவசியம் பற்றியும் ஏதுமே அறியாத அம்மாணவனின் பெற்றோரும் அவனைப் போலவே தண்ணீர்க் குடம் எடுத்து அக்கூட்டத்தோடு வந்தனர்.
ஆசிரியர்கள் அவசர அவசரமாக அம்மாணவனை அவனது வீட்டிற்கு அழைத்துச் சென்று ஈரமாக இருந்த தலையைத் துவட்டிவிட்டு, அவனை சீருடையுடன் பள்ளிக்கு அழைத்து வந்து தலைமையாசிரியரிடம் ஒப்படைத்தனர்.
ஒரு நிமிடம்கூட தாமதிக்காமல் அம்மாணவனை தேர்வெழுதும் அறைக்கு அழைத்துச் சென்று அவனது இருக்கையில் அமர வைத்துத் தேர்வெழுத வைத்தார் தலைமையாசிரியர்.
தேர்வெழுதத் தொடங்கும் நேரத்திலிருந்து 15 நிமிடங்களுக்கும் மேல்தாமதமாக வரும் மாணவனை தேர்வெழுத அனுமதிக்கக் கூடாது என்று விதி இருப்பினும் இத்தலைமையாசிரியர் 30 நிமிடங்களுக்கும் மேல் தாமதமாக வந்த அம்மாணவனை அனுமதித்ததோடு, "விதிகளெல்லாம் நல்லது நடக்க வேண்டும் என்பதற்குத்தானே தவிர அந்த விதியைப் பிடித்துத் தொங்கிக் கொண்டு ஒருவனின் வாழ்க்கையை வீணடிப்பதற்காக அல்ல' என்று அவ்வகுப்பில் கண்காணிப்புப்பணி செய்து கொண்டிருந்த ஆசிரியரிடம் விளக்கமளித்துவிட்டு "வேண்டுமானால் உங்கள் பாதுகாப்புக்கு அம்மாணவன் 15 நிமிடங்களுக்குள் வந்து விட்டதாகப் பதிவு செய்து கொள்ளுங்கள்' என்றும் கூறியுள்ளார்.
அம்மாணவன் அப்பாடத்தில் மட்டுமல்லாது ஐந்து பாடங்களிலும் தேர்ச்சி பெற்று அதே பள்ளியில் மேல் நிலை வகுப்பில் படித்து, அதனையும் முடித்து கல்லூரியில் பட்ட வகுப்பையும் முடித்துதற்போது பட்டதாரியாக உருவெடுத்துள்ளான்.
அரசுப் பள்ளித் தலைமையாசிரியரின் உதவியால், கல்வியின் சுவடேயில்லாத குடும்பத்தில் பிறந்த அந்த மாணவன் தற்போது ஒரு பட்டதாரி.
மின் விளக்குக்கூட இல்லாத குக்கிராமக் குடிசை வீட்டில் வாழும் மிக நன்றாகப் படிக்கக் கூடிய அரசுப் பள்ளி மாணவியின் சூழலையறிந்த அப்பள்ளி ஆசிரியர்கள் அம்மாணவிக்கு உதவிட முன் வந்தனர். மாணவியின் வீட்டுக்கு மின் இணைப்பைத் தங்களது பொறுப்பில் பெற்றுக் கொடுத்துவிட எண்ணி மின்சாரத் துறையை ஆசிரியர்களே அணுகினர்.
புதிய கம்பங்கள் போட வேண்டியுள்ளதோடு மற்ற தேவைகளையும் சேர்த்து பெரும் தொகை செலவாகும் என்பதையறிந்து, அம்மாணவியின் வீட்டிற்கு ரூ.20,000 செலவிட்டு சோலார் முறை மூலம் மின்னொளி கிடைக்க அம்மாணவியின் ஆசிரியர்களே ஏற்பாடு செய்தனர்.
ஆசிரியர்களின் இவ்வுதவியைப் பெற்ற அம்மாணவி மிகச் சிறப்பாகப் படித்துத் தேர்ச்சி பெற்றதோடு நல்ல மதிப்பெண்களையும் பெற்றார். ஆசிரியர்கள் தங்கள் கடமைஅத்தோடு முடிந்தது என்று கருதிவிடாமல் ஊக்கத்துடன் உழைக்கும் அம்மாணவிக்கு சென்னையிலுள்ள ஓர் அறக்கட்டளையின் உதவியைப் பெற வழிவகை செய்தனர்.
ஆசிரியர்களின் உதவியால் அந்த அறக்கட்டளையினர் அம்மாணவியின் வீட்டிற்கே வந்து ஆய்வு செய்து மேற்படிப்பை புகழ்மிக்க சென்னைக் கல்லூரியில் தொடர ஆவன செய்ய, தற்போது எவ்விதச் செலவுமில்லாமல் அம்மாணவி சென்னையில் பட்டப் படிப்பைச் சிறப்பாகப் படித்து வருகிறார்.
பவானியைச் சேர்ந்த அரசுப் பள்ளியின் பணி நிறைவு பெற்ற தலைமையாசிரியர் ஒருவர் தனது நீண்ட காலக் கல்வி அனுபவத்தை வீணாக்காமல் முறையாகப் பயன்படுத்த முடிவு செய்தார். ஈரோடு அருகில் பெரிய அக்ரஹாரம் என்ற ஊரில் உள்ள அரசு மேல்நிலைப் பள்ளியில் பொருளாதாரப் பாட ஆசிரியர் இல்லாமல் மாணவர்கள் சிரமப்படுவதையறிந்து அப்பள்ளித் தலைமையாசிரியரை அணுகி மாணவர்களுக்குப் பொருளாதாரப் பாடத்தைத் தான் எடுக்க விரும்புவதாகக் கூற தலைமையாசிரியரும் மகிழ்வோடு சம்மதித்தார்.
தினசரி இரு சக்கர வாகனம் மூலம் சென்று பாடம் எடுத்தார். பணி நிறைவு பெற்ற தலைமையாசிரியர் படித்ததும், ஆய்வுகள் மேற்கொண்டதும் பொருளாதாரம்தான். பொருளாதாரப் பாட ஆசிரியராகத்தான் பல்லாண்டுகள் பணிபுரிந்தார். ஆசிரியர் இல்லாமல் சிரமப்பட்ட மாணவர்களின் குறை முற்றிலும் நீங்கியது மட்டுமல்லாமல் அக்கல்வியாண்டுப் பொதுத் தேர்வில் பொருளாதாரப் பாடத்தில் அப்பள்ளி மாணவர்கள் நூறு சதவிகிதத் தேர்ச்சியும் பெற்றனர்.
பெரிய அரசுப் பள்ளியின் தலைமையாசிரியராக செல்வாக்கோடு விளங்கிய ஒருவர் அதைவிட இளையவருக்குக் கீழ் ஒரு ஆசிரியராக மட்டும் இருந்து வேலை செய்வதற்கு பெரிய மனதும், சமூக நோக்கும் வேண்டும்.
போக வர இரண்டு சக்கர வாகனத்திற்கு பெட்ரோல் செலவையாவது தாங்கள் ஏற்பதே மரியாதை என்று தலைமையாசிரியர் சொன்னபோது அதைக்கூட வாங்க மறுத்து எவ்வித எதிர்பார்ப்புமின்றி முழுக்க சேவை மனப்பான்மையோடும் ஏழை எளிய மாணவர்களுக்கு நல்ல கல்வி கொடுக்க வேண்டும் என்ற பெருநோக்கோடும் அவர் பணியாற்றியுள்ளார்.
இவையெல்லாம் இங்கொன்றும் அங்கொன்றும் நடக்கிற நிகழ்வுகள் என்று இவற்றின் முக்கியத்துவத்தைக் குறைத்து மதிப்பிட இயலாது. இவையாவும், இத்தகைய சிந்தனையும் எண்ணமும் பல அரசுப் பள்ளி ஆசிரியர்களுக்கு இருக்கிறது என்பதை எடுத்துக் காட்டும் உதாரணங்களேயாகும்.
அத்தகைய ஆசிரியப் பெருமக்கள் அனைவரையும் இனம் கண்டு அவர்களின் உழைப்பையும், சமூக உணர்வினையும் அங்கீகரிப்பதும் அவர்களை ஒருங்கிணைப்பதும் அரசின் கடமையாகும்.
இவர்களைப் போலவே அனைத்து அரசுப் பள்ளி ஆசிரியர்களும் செயல்பட அரசும் சமூகமும் செய்ய வேண்டியது என்ன என்று சிந்திக்க வேண்டிய தருணம் வந்து விட்டது.
அவ்வாறு அவர்கள் செயல்பட்டேயாக வேண்டிய காலச்சூழல் நிலவுகிறது. அவர்களைச் செயல்படுத்துவது குறித்து வல்லுனர்கள், சமூக ஆர்வலர்கள், கல்வியாளர்கள், ஆசிரியர் அமைப்புகள் கலந்து பேசி திட்டங்களைத் தீட்டவும் அவற்றை செயல்படுத்தவும் அரசு ஆவன செய்ய வேண்டும்.
இத்தகைய முயற்சிகளுக்கு முழு ஒத்துழைப்பை நல்க வேண்டிய கடமையும், பொறுப்பும் சமூக நல ஆர்வலர்களுக்கும் அமைப்புகளுக்கும் உண்டு.
இப்பணி அடுத்த தலைமுறையின் வளர்ச்சிக்கு அடித்தளமிடும் என்பதில் சந்தேகமில்லை.

கட்டுரையாளர் -
தலைவர்,
மக்கள் சிந்தனைப் பேரவை, ஈரோடு.


Ads by ZINC

பணத்தட்டுப்பாட்டால் மனநல பாதிப்பில் மக்கள்: சம்பவங்களுடன் எச்சரிக்கும் உளவியல் நிபுணர்கள்

பிடிஐ

மத்திய அரசின் ரூபாய் நோட்டு நடவடிக்கையினால் கிராமப்புற வர்த்தகர்கள் உட்பட பலரும் கடும் அவதிக்குள்ளாகி மனநல பாதிப்பு நிலைக்குத் தள்ளப்படுவதாக உளவியல் நிபுணர்களும் மருத்துவர்களும் எச்சரித்துள்ளனர்.

மேற்கு வங்க மாநிலத்தின் கிராமப்புற உருளைக்கிழங்கு மொத்த விற்பனையாளர் ஒருவர் ரூ.50-60 லட்சம் பெறுமான உருளைக்கிழங்குகளை விற்பனைக்காக வாங்கி வைத்துள்ளார். இவர் சிறிய காய்கறி வியாபாரிகளுக்கு அதனை ரொக்கத்திற்கு விற்று வருபவர், ஆனால் மத்திய அரசின் ரூபாய் நோட்டு நடவடிக்கையினால் வாங்குவதற்கு ஆளில்லாமல் வியாபாரம் நின்று போனது. இதனையடுத்து மனத்தளவில் பாதிப்படைந்த மொத்த வியாபாரி வாய்க்கு வந்த படி பேசிய படி தான் இறந்து விடுவோம் என்ற அச்சப்பட்டு மூலையில் ஒடுங்கிக் கிடப்பதாக உள்ளூர் செய்திகள் தெரிவிக்கின்றன.

அவர் பிறகு மூத்த மனநல மருத்துவர் சஞ்சய் கார்க் என்பவரிடம் அழைத்துச் செல்லப்பட்டுள்ளார். மருத்துவர் கூறும்போது, “தனது ஒட்டுமொத்த ரூ.50-60 லட்சம் பெறுமான உருளைக் கிழங்குகள் விற்காமல் விரயமாகி விடும் என்று அவர் கடுமையாக பயந்து போயுள்ளார். இதனால் ஏற்படும் நஷ்டம் தன்னை அழித்து விடும் என்று மரணபயம் அவருக்கு ஏற்பட்டுள்ளது” என்றார்.

மேலும் பல உளவியல் மருத்துவர்களை தொடர்பு கொண்ட போது, ரூபாய் நோட்டு நடவடிக்கையினால் ஏற்பட்டுள்ள பணத்தட்டுப்பாடு, அன்றாட வாழ்க்கை பாதிப்பு போன்றவற்றினால் மனச்சோர்வு உள்ளிட்ட மனநிலை பிரச்சினைகளுடன் குறிப்பிடத்தகுந்த எண்ணிக்கையில் தங்களை அணுகுவதாக தெரிவித்தார்.

பொதுவாக இவர்கள் நடுத்தர மற்றும் உயர்-நடுத்தர மக்கள் பிரிவைச் சேர்ந்தவர்களாகவே உள்ளனர். காரணம் மேற்கு வங்கத்தின் கிராமப்புற வர்த்தகத்தில் கார்டுகள் உள்ளிட்ட பிளாஸ்டிக் பண உபயோகம் இன்னும் பெரிய அளவுக்கு இல்லை என்பதே.

சாந்தாஸ்ரீ குப்தா என்ற மற்றொரு மன நல மருத்துவர் கூறும்போது, தன்னை அணுகிய கணவனை இழந்த 50 வயது பெண்மணி தன்னுடைய கணவனின் சேமிப்பான ரூ.30 லட்சம் பணத்தை மாற்ற முடியாமல் கடும் மனக்கவலையில் சிக்கினார் என்றார்.

“இந்தத் தொகையில் ஒரு குடியிருப்பு ஒன்றை வாங்கி மீதிப்பணத்தில் தன் மகன் திருமணத்தையும் முடித்துக் கொள்ளலாம் என்று அவர் நினைத்திருந்தார். ஆனால் தற்போது கடந்த 10 நாட்களாக கடும் மன அவஸ்தையிலும், மன பாதிப்பிலும் அவர் என்னை அணுகியுள்ளார்,நான் அவருக்கு ஆலோசனைகளையும் சிகிச்சையும் அளித்து வருகிறேன்” என்றார்.

பூரி மற்றும் திகா என்ற ஊர்களில் ஹோட்டல் நடத்தி வரும் அசீஸ் ரே, மத்திய அரசின் நடவடிக்கையை அடுத்து கடுமையாக குடித்து விட்டு குழந்தைகளை அடித்துத் துன்புறுத்துவதாக மனநல மருத்துவமனைக்குக் கொண்டு வரப்பட்டுள்ளார்.

“சுற்றுலாப்பயணிகள் வரத்து குறைந்து போனதால் அவரது வர்த்தகம் கடுமையாக பின்னடைவு கண்டது. விடுதியில் தங்கியிருப்பவர்கள் கூட பணத்தை கொடுக்க முடியாமல் பரிதவித்து வருகின்றனர், இதனால் மன உளைச்சலுக்கு ஆளான அவர் குடியை அதிகப்படுத்தினார் இதனால் நடத்தையும் பாதிக்கப்பட்டது” என்று அவருக்கு சிகிச்சை அளிக்கும் மருத்துவர் கார்க் என்பவர் கூறுகிறார்.

ஏற்கெனவே நோய் பாதிக்கப்பட்டவர்கள் தங்கள் வாராந்திர செக்-அப் செய்து கொள்ள முடியவில்லை, மருத்துவக் கட்டணங்களுக்கு போதுமான பணம் இல்லை.

சில நோயாளிகள் சில சோதனைகளையும் சிகிச்சைகளையும் சீரான இடைவெளியில் எடுத்துக் கொள்வது அவசியம் ஆனால் பணத்தட்டுப்பாடு இவர்களை பாதிப்பதால் அவர்களது ஆரோக்கியம் அபாயத்திற்கு உள்ளாகியுள்ளது, என்கிறார் மற்றொரு மருத்துவர்.

தற்போது பணத்தட்டுபாடு காரணமாக் மன உளைச்சல் ஏற்பட்டு அனுமதிக்கப்பட்டுள்ளவர்களுக்கு மருத்துவர்கள் ஆழ்நிலை பிராணாயாமம், இசை கேட்க வைத்தல், நடைப்பயிற்சி உள்ளிட்ட பிற சிகிச்சைகள் அளிக்கப்பட்டு வருவதாக மனநல மருத்துவர் கார்க் தெரிவித்துள்ளார்.

கறுப்பு பணத்தை வெள்ளையாக்க உதவினால் குடும்ப தலைவிகள் மீதும் நடவடிக்கை: மத்திய அரசு எச்சரிக்கை

கறுப்பு பணத்தை வெள்ளையாக்க உதவி செய்யும் குடும்ப தலைவிகள், தொழிலாளர்கள் மீது கடும் நடவடிக்கை எடுக்கப்படும் என்று மத்திய அரசு எச்சரிக்கை விடுத்துள்ளது.

குடும்ப தலைவிகள் மற்றும் தொழிலாளர்கள் தங்களின் சேமிப்பு பணத்தை தாராளமாக வங்கியில் டெபாசிட் செய்யலாம். அவர்களின் டெபாசிட் ரூ.2.5 லட்சத்துக்கு அதிகமாக இருந்தால் மட்டுமே வருமான வரித்துறைக்கு தகவல் தெரிவிக்கப்படும். இதேபோல ஜன்தன் வங்கி கணக்குதாரர்கள் ரூ.50 ஆயிரம் வரை டெபாசிட் செய்யலாம் என்று மத்திய அரசு அறிவித்திருந்தது.

இந்நிலையில் கறுப்பு பணத்தை மாற்ற சில குடும்ப தலைவிகள், தொழிலாளர்கள் மற்றும் ஜன்தன் வங்கி கணக்குதாரர்கள் உதவி செய்து வருவதாக புகார்கள் எழுந்துள்ளன. இதுதொடர்பாக மத்திய நிதியமைச்சகம் வெளியிட்ட அறிக்கையில் கூறியிருப்பதாவது:

குடும்ப தலைவிகள், தொழிலாளர்கள் மற்றும் ஜன்தன் வங்கி கணக்குதாரர்களிடம் ஆசைவார்த்தை காட்டி கறுப்புப் பணத்தை மாற்ற சிலர் முயற்சிப்பதாக புகார்கள் வந்துள்ளன. அதன்படி குடும்ப தலைவிகள், தொழிலாளர்களின் வங்கிக் கணக்குகளில் பெரும் தொகை டெபாசிட் செய்யப்பட்டு வருகிறது. இது சட்டப்படி குற்றமாகும்.

இத்தகைய நடவடிக்கைகளில் ஈடுபடுவோரின் வங்கிக் கணக்குகளை வருமான வரித் துறை தீவிரமாக ஆய்வு செய்யும். தவறு இழைப்பவர்கள் மீது வருமான வரித் துறை சட்டத்தின்படி கடும் நடவடிக்கை எடுக்கப்படும். இந்த விவகாரம் தொடர்பாக வருமான வரித்துறையினருக்கு பொதுமக்கள் தகவல் அளிக்கலாம்.

இவ்வாறு அந்த அறிக்கையில் தெரிவிக்கப்பட்டுள்ளது.

பழைய நோட்டு மாற்றுவதில் சிக்கல்: வங்கிகளில் டெபாசிட்கள் மட்டுமே ஏற்பு - பொதுமக்கள் ஏமாற்றம்

விரலில் வைக்க மை வராதது, ரிசர்வ் வங்கியிலிருந்து போதிய அளவில் பணம் விநியோகம் செய்யப்படாதது உள்ளிட்ட காரணங்களால் நேற்று பெரும்பாலான வங்கிகளில் பழைய ரூபாய் நோட்டுகளை மாற்று வதில் சிக்கல் ஏற்பட்டது. பல வங்கிகளில் டெபாசிட்கள் மட்டுமே ஏற்கப்பட்டன. இதனால் பொதுமக்கள் பெரும் சிரமத்துக்கு ஆளானார்கள்.

500 மற்றும் 1000 ரூபாய் நோட்டு கள் செல்லாது என்று மத்திய அரசு கடந்த 8-ம் தேதி அறிவித்தது. இதை யடுத்து, பொதுமக்கள் தங்களிடம் உள்ள பழைய ரூபாய் நோட்டுகளை வங்கியில் கொடுத்து மாற்றி வரு ழ்ழ்ணம் மாற்றுவதை தடுப்பதற்காக பணம் எடுப்பவர்களின் விரல்களில் மை வைக்கப்படும் என கடந்த செவ் வாயன்று மத்திய அரசு அறிவித்தது. ஆனால், இதுவரை வங்கிகளுக்கு மை வரவில்லை. இதனால், இத்திட் டத்தை செயல்படுத்துவதில் குழப் பம் நிலவுகிறது.

ரிசர்வ் வங்கி பணம் அனுப்பவில்லை

இந்நிலையில், மத்திய அரசு நேற்று முன்தினம் வெளியிட்ட அறி விப்பில் பழைய ரூபாய் நோட்டுகளை மாற்ற வருபவர்களுக்கு ரூ.4 ஆயிரத்து 500-க்கு பதிலாக ரூ.2 ஆயிரம் மட்டுமே வழங்கப்படும் என தெரிவித்தது. இதைக் கேட்டு பொது மக்கள் அதிர்ச்சி அடைந்தனர். நேற்று அந்த 2 ஆயிரம் ரூபாய் கூட பெரும்பாலான வங்கிகளில் வழங்கப்படவில்லை. பல வங்கி களில் டெபாசிட்கள் மட்டுமே ஏற்கப் பட்டன. ரிசர்வ் வங்கியில் இருந்து போதிய அளவில் பணம் விநியோகம் செய்யப்படாததே இதற்கு காரணம் என்று கூறப்படுகிறது.

இதுகுறித்து, இந்திய வங்கிகள் கூட்டமைப்பின் தமிழ் மாநில பொதுச் செயலாளர் சி.பி.கிருஷ்ணன் கூறும் போது, “விரலில் வைப்பதற்கான அடையாள மை வராததால் பெரும் பாலான வங்கிகளில் இன்று (நேற்று) பழைய ரூபாய் நோட்டு களை மாற்றித் தரவில்லை. மேலும், சில்லறைத் தட்டுப்பாடு ஏற்பட்டுள்ளதால் 2 ஆயிரம் ரூபாய் நோட்டுகள் மட்டுமே வங்கிகளில் வழங்கப்படுகின்றன. இதை வாங்க பொதுமக்கள் மறுக்கின்றனர்.

வங்கி ஊழியர்கள் பாதிப்பு

தொடர்ந்து விடுமுறையின்றி வங்கி ஊழியர்கள் வேலை செய்து வருவதால் பலர் உடல்நலம் பாதிக் கப்பட்டு விடுப்பு எடுத்துள்ளனர். இதனால் வங்கி வாடிக்கையாளர் களுக்கு சேவை வழங்க முடியாத நிலையில் ரூபாய் நோட்டுகளை மாற்ற வரும் பொதுமக்களுக்கு அவற்றை மாற்றி தரவும் முடிய வில்லை. அத்துடன், மத்திய கூட்டுறவு சங்க வங்கி ஊழியர்களின் போராட் டத்தால் அனைத்து வங்கிகளிலும் கூட்டம் அதிகளவில் உள்ளது. இதனால் கூட்டத்தைக் கட்டுப்படுத்த முடியவில்லை” என்றார்.

இதுகுறித்து அகில இந்திய வங்கி ஊழியர்கள் கூட்டமைப்பின் பொதுச் செயலாளர் சி.எச். வெங்கடாச்சலத்திடம் கேட்டபோது, “விரலில் வைக்க மை வராததால் வங்கிகளில் இன்று (நேற்று) பழைய ரூபாய் நோட்டுகளை மாற்ற வந்தவர்களுக்கு பணம் வழங்கவில்லை. அத்துடன், புதிய 500 ரூபாயும் இதுவரை வரவில்லை. இதனால் பணத்தட்டுப்பாடு ஏற்பட்டுள்ளதாலும் பணம் வழங்க முடியவில்லை’ என்றார்.

ரிசர்வ் வங்கியிலும்..

பணம் மாற்றுவதற்கு கைவிரலில் மை, ரூ.2 ஆயிரம் வரை மட்டுமே பழைய நோட்டுக்கள் மாற்றப் படும் என்ற அறிவிப்பால் நேற்று ரிசர்வ் வங்கியில் பணம் மாற்றுவோர் எண்ணிக்கை பெரு மளவு குறைந்தது.

வங்கிகளில் பணம் மாற்றுபவர்களின் விரல்களில் அழியாத மை வைக்க வேண்டாம்: நிதியமைச்சகத்துக்கு தேர்தல் ஆணையம் கடிதம்

வங்கிகளில் பணம் மாற்ற வாடிக்கையாளர்களின் விரலில் அழியாத மை வைக்க வேண்டாம் என்று மத்திய நிதியமைச் சகத்துக்கு தேர்தல் ஆணையம் கடிதம் அனுப்பியுள்ளது.

தமிழகத்தில் அரவக்குறிச்சி, தஞ்சாவூர், திருப்பரங்குன்றம், புதுச்சேரியில் நெல்லித்தோப்பு ஆகிய தொகுதிகளுக்கு இன்று வாக்குப் பதிவு நடைபெறுகிறது. இதேபோல நாடு முழுவதும் பல்வேறு மாநிலங்களில் இடைத் தேர்தல் நடைபெறுகிறது. வாக்குப் பதிவின்போது வாக்காளர்களின் இடது கை ஆள்காட்டி விரலில் மை வைக்கப்படுவது வழக்கம்.

இந்நிலையில் பழைய ரூபாய் நோட்டுகளை மாற்ற வங்கிக்குச் செல்லும் வாடிக்கையாளர் களுக்கு அழியாத மை வைக்க நிதியமைச்சகம் உத்தரவிட்டுள் ளது. இதற்கு தேர்தல் ஆணையம் எதிர்ப்பு தெரிவித்துள்ளது.

இதுதொடர்பாக நிதியமைச் சகத்துக்கு தேர்தல் ஆணையம் அனுப்பியுள்ள கடிதத்தில் கூறியிருப்பதாவது:

நாடு முழுவதும் 19-ம் தேதி பல்வேறு தொகுதிகளில் இடைத் தேர்தல் நடைபெறுகிறது.

இந்த நேரத்தில் பணம் மாற்றச் செல்லும் வாடிக்கை யாளர்களின் விரலில் அழியாத மை வைக்க வேண்டாம். கை விரலில் அழியாத மை வைக்கும் முறை தேர்தலில் மட்டுமே பின்பற்றப்படுகிறது. இந்த முறையை பணம் மாற்றுவதற்கு பயன்படுத்த வேண்டாம்.

இவ்வாறு தேர்தல் ஆணையம் தெரிவித்துள்ளது.