'' 'என்னைக் கொன்று விடுவார்களோ' எனப் பயந்தார் ஜெயலலிதா!'' - பகீர் புகார்

சசிகலா சதி செய்து வருவதாகவும், இந்த கும்பல் என்னை கொன்றுவிடுமோ என்று ஜெயலலிதா என்னிடம் கூறி கலங்கினார் என அதிமுக முன்னாள் எம்.பி. மனோஜ் பாண்டியன் பகீர் தகவலை வெளியிட்டுள்ளார்.

சென்னை அண்ணாநகரில் அ.தி.மு.க.வைச் சேர்ந்த முன்னாள் சபாநாயகர் பி.எச்.பாண்டியனும், அ.தி.மு.க. முன்னாள் எம்.பி. மனோஜ் பாண்டியனும் இன்று கூட்டாக செய்தியாளர்களுக்குப் பேட்டியளித்தனர். அப்போது, பி.எச். பாண்டியன் கூறுகையில், "ஜெயலலிதா நினைவிழந்த நிலையில் அனுமதிக்கப்பட்டபோது மருத்துவமனைக்குச் சென்றேன். அங்கு ஜெயலலிதாவுக்கு பல்வேறு வகையான சிகிச்சைகள் அளிக்கப்பட்டு வருவதாக தெரிவித்தனர். அரவக்குறிச்சி தேர்தல் பிரசாரத்துக்கு ஜெயலலிதா போகப்போவதாகவும் அ.தி.மு.க நிர்வாகிகள் தெரிவித்தனர். ஜெயலலிதாவின் உடல்நிலை முன்னேற்றம் அடைந்து வருவதாக மருத்துவமனை வட்டாரங்கள் தெரிவித்து வந்த நிலையில், திடீரென அவருக்கு மாரடைப்பு ஏற்பட்டதாக அறிவிக்கப்பட்டது.

ஜெயலலிதா உடல்நிலை சரியில்லாமல் மருத்துவமனையில் அனுமதிக்கப்படுவதற்கு முன்னர் என்ன நடந்தது, என்பதை ஊடகங்களில் பார்த்துத் தெரிந்துகொண்டேன். மருத்துவமனையில் அனுமதிப்பதற்கு முன்பு, ஜெயலலிதா வீட்டில் வாக்குவாதமும் கைகலப்பும் ஏற்பட்டதாகவும், அதனைத் தொடர்ந்து, ஜெயலலிதா கீழே விழுந்ததாகவும் அவரைத் தாங்கிப்பிடிக்கக்கூட யாரும் இல்லை என்றும் கூறப்பட்டது. இந்த நிலையில்தான் ஜெயலலிதா மருத்துவமனையில் அனுமதிக்கப்பட்டார். நான் 15 நாள் மருத்துவமனையில் இருந்தேன். அப்போது, சசிகலா மற்றும் அவர் குடும்பத்தினர் முகத்தில் கொஞ்சம்கூட வருத்தம் இல்லை.

கடந்த 2 நாட்களில் நடந்த நிகழ்வுகள் எனது மவுனத்தைக் கலைத்துவிட்டன. ஜெயலலிதா இறந்தபோது சசிகலா மற்றும் அவரின் குடும்பத்தினர் முகத்தில் கொஞ்சம்கூட வருத்தம் இல்லை. சசிகலா ஒரு சொட்டு கண்ணீர்கூட விடவில்லை" என்று கூறினார்.

அ.தி.மு.க முன்னாள் எம்.பி மனோஜ் பாண்டியன் கூறுகையில், "கட்சியின் பொதுச் செயலாளராக நியமிக்கப்படுபவர் அதிமுக தொண்டர்களை மட்டும்தான் கட்டுப்படுத்தும் என்றுதான் தெரிவிக்கப்பட்டிருந்தது. ஆனால், கட்சியின் சட்டத்தை பயன்படுத்தி பொதுக்குழுவால் இரண்டாயிரத்து ஐநூறு பேரால் இன்று அதிமுக பொதுச் செயலாளராக சசிகலா தேர்ந்தெடுக்கப்பட்டுள்ளார் என்று தெரிவிக்கப்பட்டிருக்கின்றது. அதுமட்டுமல்ல சட்டவிதி 20 (2) என்ற விதி இருக்கின்றது. அதில், பொதுச் செயலாளர் என்பவர் அ.தி.மு.க தொண்டர்களால் மட்டுமே தேர்ந்தெடுக்கப்பட முடியும் என குறிப்பிடப்பட்டிருக்கின்றது.

அ.தி.மு.க சட்டவிதிகளில் தற்காலிக பொதுச் செயலாளராக நியமிக்கக்கூடியவர், ஒருவரை தேர்ந்தெடுக்கவோ, நியமிக்கக்கவோ எந்த அதிகாரமும் இதுவரை வழங்கப்படவில்லை. அதுமட்டுமல்ல, சட்டவிதிகளின் படி 20 (5) என்ற விதி இருக்கின்றது. அதில், பொதுச் செயலாளர் பதவி காலியாக இருந்தால், இதற்கு முன்னாள் இருந்த பொதுச் செயலாளர், யார் யாரை நியமித்தாரோ அவர்களின் நியமனம், புதிய பொதுச் செயலாளர் தேர்ந்தெடுக்கப்படும்வரை அது தொடரும் என்பதுதான் அந்த சட்டவிதி. இப்படி தற்காலிக பொதுச் செயலாளராக தேர்ந்தெடுக்கப்பட்டுள்ள சசிகலாவை இன்று தமிழகத்தின் முதலமைச்சராக தேர்ந்தெடுக்கப்பட உள்ள சூழ்நிலையில், அவருக்கு அ.தி.மு.க.வின் ஒன்றரைக்கோடி தொண்டர்களின் ஏகோபித்த ஆதரவு இல்லை என்பதைக் காட்டுகின்றது. காரணம், இரண்டாயிரத்து ஐநூறு பேர் மட்டும்தான் வாக்களித்துள்ளனர். ஆகவே சசிகலாவுக்கு யாரையும் நியமிக்கவோ, நீக்கவோ அதிகாரம் கிடையாது. இரட்டை இலைச் சின்னம் பதித்த உறுப்பினர் அட்டையை ஒருவருக்கு கொடுக்கக்கூடிய உரிமை கூட அவருக்கு கிடையாது.




2011ல் ஜெயலலிதா என்னிடம் பேசினார். சசிகலா சதி செய்து வருவதாக குறிப்பிட்டார். இந்த கும்பல் என்னை கொன்றுவிடுமோ என்று ஜெயலலிதா கலங்கினார். சில நாட்களில் சசிகலாவை கட்சியில் இருந்து நீக்கியதோடு, போயஸ் இல்லத்தில் இருந்து வெளியேற்றினார் ஜெயலலிதா. ஆனால் மன்னிப்பு கடிதம் கொடுத்து சசிகலா மீண்டும் ஜெயலலிதாவுடன் இணைந்தார். அப்போது, "அவர்களுக்கும் (மன்னார்குடி) எனக்கும் சம்பந்தமில்லை. அவர்களோடு இனிநான் தொடர்பு வைக்க மாட்டேன் என்று அவர் சொல்லி சாதாரண உறுப்பினராக அனுப்பப்படுகிறார். அப்படி சாதாரண உறுப்பினராக அனுமதிக்கபட்ட சசிகலா, ஜெயலலிதா மறைந்து இருபது நாளில் பொதுச் செயலாளராகிறார்.

அதுமட்டுமல்ல, ஒருபோதும் சசிகலாவை கவுன்சிலராகக் கூட ஆக்க வேண்டும் என்ற எண்ணம் ஜெயலலிதாவுக்கு இருந்தது கிடையாது. ஜெயலலிதாவின் போயஸ் இல்லம் அ.தி.மு.க தொண்டர்களுக்கு கோயில் போன்றது. அந்த கோயிலை ஒரு நினைவு இடமாக மாற்றியிருக்க வேண்டும் என்பதுதான் தொண்டர்களின் எண்ணம். ஜெயலலிதாவின் போயஸ் தோட்ட இல்லம், அவர் பயன்படுத்திய கார், அவர் பெற்ற பரிசு பொருள்கள், அவர் பெற்ற விருதுகள், இவை அனைத்தும் போயஸ் கார்டனில் ஜெயலலிதாவின் நினைவாக இருக்கின்றன. தமிழக மக்கள், அ.தி.மு.க. தொண்டர்கள் அனைவரும் சென்று ஜெயலலிதாவை வணங்குவதற்கு அது நினைவிடமாக்க வேண்டும் என்பதுதான் என்போன்றவர்களின் எண்ணம்.



இன்று தமிழகத்தின் முதலமைச்சராக சசிகலா வரப்போகிறார். 25 நாள்களில் பொதுச் செயலாளர், 60 நாள்களில் முதலமைச்சர். இப்படிப்பட்ட எண்ணங்கள் ஒருவருக்கு இருக்கிறது என்று சொன்னால், ஜெயலலிதாவோடு அவரால் எப்படி அன்பாக இருந்திருக்க முடியும். எதிர்பார்ப்பு இல்லாமல் எப்படி இருந்திருக்க முடியும். அவரோடு இருக்கின்றபோது பதவி மீது ஆசையில்லாமல் எப்படி இருந்திருக்க முடியும். அப்படி ஒருவர் முதலமைச்சராக தேர்ந்தெடுக்கப்பட வேண்டுமென்று சொன்னால் 33 ஆண்டுகள் சசிகலா இருக்கிறார் என்று சொல்கிறார்களே, 50 ஆண்டுகள் ஜெயலலிதாவின் இல்லத்தில் அவருக்கு பாதுகாவலராக, தாயாக, எல்லாமுமாக இருந்தவர் ராஜம்.

ஜெயலலிதாவின் 13 வயது முதல் இறக்கும்வரை அவர்களோடும், சசிகலா வெளியேற்றப்பட்டப்போதும் கூட இருந்தவர் ராஜம். ஜெயலலிதாவுக்கு தாயாக இருந்தார். ஆனால், முதலமைச்சர் என்று வரும்போது அ.தி.மு.க தொண்டர்கள், தமிழக மக்கள் அனைவரையும் வஞ்சித்து ஜெயலலிதாவின் விருப்பத்துக்கு மாறாக இன்று பல நிகழ்வுகள் நடைபெற்றுக் கொண்டிருக்கின்றன. பொருளாதார குற்றங்கள் புரிந்தவர்கள் தமிழகத்தை ஆண்டால் தமிழகம் எங்கே போகும். நாட்டு மக்களுக்கு இது ஒரு எச்சரிக்கையாக இருக்க வேண்டும். நாமும் எச்சரிக்கையாக இருக்க வேண்டும். ஒருபோதும் இதை அனுமதிக்கக்கூடாது. தற்காலிக பொதுச் செயலாளர் தமிழகத்தின் முதலமைச்சராக ஆக முடியுமா" என்று ஆவேசமாக கூறினார்.

- மு.சகாயராஜ்

சசிகலா நடத்தும் அரசியல் கேலிக்கூத்து..’ - ஸ்டாலின் சாடல்

“கடந்த சில தினங்களாக அதிமுக அரசியலில் தோன்றிய புதுமுக ‘பொதுச் செயலாளர்’ சசிகலா நடத்தும் அரசியல் கேலிக்கூத்துகள் தமிழகத்தின் பெருமையையும், தமிழக மக்களின் புகழையும் அகில இந்திய அளவில் - ஏன் உலக அளவில் கெடுக்கும் விதத்தில் அமைந்திருப்பது வேதனைக்குரியது” என்று மு.க.ஸ்டாலின் தனது முகநூலில் குறிப்பிட்டுள்ளார்.

மேலும், “முதலமைச்சர் பதவி’யின் கண்ணியத்தையும் சூறையாடி, ‘மாநில சட்டமன்றத்தின்’ மாண்பையும் ‘சின்னம்மா புகழ் பாடி’ கெடுத்து இன்றைக்குத் தமிழகத்தில் மாபெரும் அசிங்கத்தை ‘பிணைக்கைதிகள்’ போல் அதிமுக சட்டமன்ற உறுப்பினர்களைப் பிடித்து வைத்து நிறைவேற்றியிருக்கிறார் அதிமுகவின் திடீர் பொதுச் செயலாளர் சசிகலா. இந்த அரசியல் அநாகரிக, அரசியல் சட்ட விரோதச் செயலுக்கு எனது கடும் கண்டனத்தைத் தெரிவித்துக்கொள்கிறேன்.

இத்தகைய சூழலில், ஆளுநர் அவர்கள் இன்றைக்கு ஏற்பட்டிருக்கின்ற அரசியல் சட்ட ‘வெற்றிடம்’ பற்றி தீவிர ஆலோசனை நடத்தி, மாநில நிர்வாகத்தைச் சீரமைக்க நடவடிக்கை எடுக்க வேண்டும்.

அந்த நடவடிக்கையின் பின்னணியில் ‘அடுத்து வரவிருக்கின்ற உச்ச நீதிமன்றத் தீர்ப்பு’ மற்றும் ‘அமைய வேண்டிய நிலையான ஆட்சி’ ஆகியவற்றைக் கணக்கில் எடுத்துக்கொண்டு மக்கள் விரும்பும் நல்லதொரு முடிவை ஆளுநர் அவர்கள் எடுக்க வேண்டும் என்று கேட்டுக்கொள்கிறேன்” என்று ஸ்டாலின் தெரிவித்துள்ளார்.

தள்ளிப்போகும் பதவியேற்பு! சசிகலாவின் அடுத்த வியூகம் என்ன?

சசிகலா முதல்வராகுவதை பா.ஜ.க. தடுப்பதாக அவரது தரப்பினர் குற்றம் சாட்டியுள்ளனர். அந்தத் தடைகளைத் தாண்டி சசிகலாவை முதல்வராக்கும் திட்டம் குறித்து கார்டனில் ரகசிய ஆலோசனை நடத்தப்பட்டுள்ளதாக தகவல்கள் வெளியாகி உள்ளன.

ஜெயலலிதா மறைவுக்குப்பிறகு அ.தி.மு.க. பொதுச் செயலாளராக சசிகலா தேர்ந்தெடுக்கப்பட்டார். அடுத்து, அ.தி.மு.க. எம்.எல்.ஏ.க்கள் கூட்டத்தில் சசிகலா சட்டப்பேரவை அ.தி.மு.க தலைவராக தேர்ந்தெடுக்கப்பட்டார். இதையடுத்து, முதலமைச்சராக பதவி ஏற்பு விழாவிற்கான பணிகள் துரிதமாக நடந்தன. இன்று பதவி ஏற்பு விழா நடைபெறுவதாக முதலில் தகவல் வெளியானது. ஆனால் இரவில் அந்த விழா தள்ளி வைக்கப்பட்டதாக அறிவிக்கப்பட்டது. இதற்கு தமிழக ஆளுநரிடமிருந்து 'அழைப்பு' வரவில்லை என்று காரணம் சொல்லப்படுகிறது. இந்த காலதாமதத்துக்கு பா.ஜ.க.வின் தலையீடு இருப்பதாக சசிகலா தரப்பினர் பகிரங்கமாக குற்றம் சாட்டியுள்ளனர்.

இதுகுறித்து சசிகலா தரப்பினர் கூறுகையில், "ஜெயலலிதா மறைவுக்குப்பிறகு பா.ஜ.க.வின் தலையீடு தமிழகத்தில் அதிகமாக இருந்து வருகிறது. முதல்வராக சசிகலா தேர்வு செய்யப்பட்டவுடன் சொத்துக்குவிப்பு வழக்கில் ஒரு வாரத்தில் தீர்ப்பு அளிக்கப்படும் என்று தெரிவிக்கப்பட்டது. அடுத்து, தமிழக ஆளுநர் (பொறுப்பு) வித்யாசாகர்ராவ் தமிழகத்தில் இல்லை. அவரது வருகை தாமதமானதால் பதவி ஏற்பு விழா தள்ளிப்போனது. இதற்குப் பின்னணியில் பா.ஜ.க. அரசு உள்ளது தெளிவாகத் தெரிகிறது. முதல்வர் ஓ.பன்னீர்செல்வத்தின் ராஜினாமா கடிதத்தை மட்டும் உடனடியாக ஏற்றுக் கொண்டார் தமிழக ஆளுநர், புதிய அமைச்சரவை அமையும்வரை பணியில் தொடரும்படி தெரிவித்துள்ளார். ஆனால் முதல்வர் பதவி ஏற்பு விழாவில் மட்டும் காலதாமதப்படுத்துவது பா.ஜ.க.வின் பழிவாங்கும் நடவடிக்கையாகவே நாங்கள் கருதுகிறோம். ஜெயலலிதா உயிரோடு இருந்த காலக்கட்டத்தில் தமிழகத்தைக் கண்டு அஞ்சிய பா.ஜ.க. தற்போது எள்ளி நகையாடுகிறது. ஜல்லிக்கட்டு விவகாரத்தில் தமிழக இளைஞர்களின் எழுச்சிக்குப் பிறகே பா.ஜ.க. அரசு பின்வாங்கியது. அதுபோல மீண்டும் ஒரு புரட்சி ஏற்படும் சூழ்நிலையை மத்திய அரசு உருவாக்கி உள்ளது. தமிழக ஆளுநர் தரப்பிலிருந்து அழைப்பு வர காலதாமதமாகினால் அதை சட்ட ரீதியாக எதிர்கொள்ள முடிவு செய்துள்ளோம்" என்றனர்.

முதல்வர் பதவி ஏற்பு விழா காலதாமதப்படுத்தப்பட்டதால் நேற்று கார்டனில் சசிகலா தலைமையில் கட்சியின் முன்னணி நிர்வாகிகள், சட்ட ஆலோசகர்களுடன் ஆலோசனை நடத்தினர். அப்போது 'ஆளுநரின் அழைப்பு தாமதமாகி வருவதை இந்திய அரசியலமைப்பு சட்டத்தின்படி எதுவும் செய்ய முடியாது. ஆளுநரின் அழைப்பு மேலும் திட்டமிட்டு காலதாமதமாகினால் குடியரசுத் தலைவரை சந்திக்கலாம்' என்று முடிவு எடுக்கப்பட்டுள்ளது. இதன்பிறகு சசிகலா, முதல்வராக பதவி ஏற்பார் என்று கார்டன் நம்பத்தகுந்த வட்டாரங்கள் தெரிவித்தன.

- எஸ்.மகேஷ்

செப்டம்பர் 22ல் கார்டனில் ஜெயலலிதாவுக்கு என்ன நடந்தது? செங்கோட்டையன் பரபர பேட்டி

செப்டம்பர் 22-ம் தேதி போயஸ் கார்டனில் ஜெயலலிதாவுக்கு விஷம் கொடுத்ததாக பி.ஹெச்.பாண்டியன் கூறிய குற்றச்சாட்டுக்கு அதிமுக அமைப்புச் செயலாளர் செங்கோட்டையன் விளக்கம் அளித்துள்ளார்.

செப்டம்பர் 22-ம் தேதி ஜெயலலிதா வீட்டில் வாக்குவாதம் நடந்ததாக தகவல் வெளியானது என்றும், அதனால் வீட்டில் நடைபெற்ற நிகழ்வுகள் என்ன என்பது குறித்த சந்தேகம் ஏற்படுகிறது என்றும் அ.தி.மு.க.வைச் சேர்ந்த முன்னாள் சபாநாயகர் பி.ஹெச்.பாண்டியன் கூறியிருந்தார். இந்த குற்றச்சாட்டுக்கு அ.தி.மு.க. அமைப்புச் செயலாளர் செங்கோட்டையன் மற்றும் கொள்கைப் பரபரப்புச் செயலாளர் பண்ருட்டி ராமச்சந்திரன் இன்று சென்னை ராயப்பேட்டையில் உள்ள கட்சி அலுவலகத்தில் செய்தியாளர்களுக்கு கூட்டாக பேட்டி அளித்தனர். அவர்கள் கூறுகையில், "ஜெயலலிதாவுக்காக இன்று வக்காலத்து வாங்குகிறார் பி.ஹெச்.பாண்டியன். இவரது குடும்பத்தில் உள்ள ஐந்து பேரும் பதவியில் இருக்கிறார்கள். எந்த இயக்கத்தில் ஒரு குடும்பத்துக்கு ஐந்து பதவி கொடுக்கப்பட்டுள்ளது. ஒரு குடும்பத்துக்கு ஐந்து பதவி கொடுத்த இயக்கம் அ.தி.மு.க.தான். இதற்கு நன்றி சொல்ல வேண்டிய கடமை அவருக்கு இருக்கிறது. இந்த இயக்கத்துக்கு குழப்பத்தை ஏற்படுத்துகின்ற கும்பலோடு சேர்ந்திருக்கிறார். அ.தி.மு.க ஒற்றுமையுடன் இயங்கிக் கொண்டிருக்கிறது. நாங்கள் ஒருமித்த கருத்துகளோடு இருக்கிறோம்.

1990-ம் ஆண்டு ராஜீவ்காந்தி, ஜெயலலிதாவின் இல்லத்துக்கு வந்தபோது சசிகலாவை பக்கத்தில் அழைத்து வைத்து, 'எனக்கு நட்பின் இலக்கணமாக இருப்பவர் இவர்தான்' என்று குறிப்பிட்டுக்காட்டினார் ஜெயலலிதா. 1998ல் வாஜ்பாயை சந்தித்து பேசியபோது, 'எனக்கு தாயாக இருக்கும் ஒருவர் இவர்தான்' என்று சசிகலாவை அறிமுகப்படுத்திக் காட்டினார். இதுவே நமக்கு அடையாளம் காட்டப்பட்டிருக்கிறது. துரோகிகளுடன் சேர்ந்து அறிக்கை விட்டுக் கொண்டு இருப்பவர்களை பார்த்து நான் கேட்கிறேன். "ஜெயலலிதாவுக்கு இந்த துன்பம், இடர்பாடு யாரால் வந்தது என்பதை நாட்டு மக்கள் புரிந்து கொள்ள வேண்டும் என்பதற்காகத்தான் உங்களை (செய்தியாளர்களை) அழைத்து தெரிவித்து இருக்கிறோம். பி.ஹெச்.பாண்டியனை நேரடியாக சந்தித்து பேசவும் நாங்கள் தயாராக இருக்கிறோம். துரோகிகளுடன் இணைந்து அ.தி.மு.க.வில் குழப்பம் ஏற்படுத்த யார் முயன்றாலும் அது முடியாது. இந்த இயக்கம் எஃகு கோட்டை. அ.தி.மு.க.வை பற்றிப் பேச பி.ஹெச்.பாண்டியனுக்கு என்ன உரிமை இருக்கிறது. இரட்டை இலைச் சின்னம் முடக்கப்பட்டிருந்தபோது மீட்டெடுக்க உதவாதவர் பி.ஹெச்.பாண்டியன். 1996ல் ஜெயலலிதா மீது வழக்கு தொடர காரணமாக இருந்தவர் பி.ஹெச்.பாண்டியன். அ.தி.மு.க.வுக்காக பி.ஹெச்.பாண்டியன் துரும்பைக்கூட கிள்ளிப்போட்டதில்லை. பதவியைவிட கட்சியே பெரிது என்று எண்ணுபவர்கள்தான் உண்மையானவர்கள். சசிகலா மீது பி.ஹெச்.பாண்டியன் வீண்பழி சுமத்துகிறார். சசிகலா முதல்வராக பதவியேற்பது உறுதி.



செப்டம்பர் 22-ம் தேதி ஜெயலலிதாவுக்கு விஷம் கொடுத்ததாக பி.ஹெச்.பாண்டியன் கூறுகிறார். அன்று நான் போயஸ் கார்டனில்தான் இருந்தேன். தேவையில்லாமல் இப்படிப்பட்ட கருத்தைக் கூறக்கூடாது. பதவி இருந்தால்தான் அ.தி.மு.க.வில் இருப்பேன் என்று பி.ஹெச்.பாண்டியன் சொல்லியிருக்கிறார். விஷம் கொடுத்ததாக சொல்கிறார்கள். இதை யார் சொல்லணும், ஜெயலலிதாவுக்கு சிகிச்சை அளித்த டாக்டர்கள்தான் சொல்லணும். அவர்கள் சொல்லவில்லையே. நாம் எதுவேண்டுமானாலும் சொல்லிவிட்டுப் போகலாம். ஒருவர் மீது பழிசுமத்துவது எளிது.

பொதுச் செயலாளரை நியமிக்க பொதுக்குழுவுக்கு அதிகாரம் இல்லை என்கிறார். எம்.ஜி.ஆரை கட்சியில் இருந்து தி.மு.க பொதுக்குழுதான் நீக்கியது. இதனால் எம்.ஜி.ஆர் வேதனைப்பட்டார். இதுபோன்ற நிலைமை யாருக்கும் வரக்கூடாது என்றுதான் எம்.ஜி.ஆர் கட்சி ஆரம்பித்தபோது, அனைத்து உறுப்பினர்களும் சேர்ந்து பொதுச் செயலாளரை தேர்ந்தெடுக்க வேண்டும் என்று கட்சியில் சட்டம் கொண்டு வந்தார். அ.தி.மு.க.வில் மட்டும்தான் இந்த தேர்வு முறை இருக்கிறது. ஜெயலலிதா மறைவுக்குப் பின்னர் இந்த இயக்கத்தை நடத்திச் செல்வதற்கு ஒரு பொதுச் செயலாளர் தேவை. எல்லா உறுப்பினர்களையும் ஒன்று சேர்த்து இதற்காக தேர்தல் நடத்த கால அவகாசம் இல்லை. இந்த சூழ்நிலையில் சசிகலாவை பொதுச் செயலாளராக்க பொதுக்குழு பரிந்துரை செய்கிறது. இதில் எந்த தவறும் இல்லை. பொதுக்குழு பரிந்துரை செய்யக்கூடாது என்று கழக சட்டத்திட்ட விதிகளில் இல்லை. அதே நேரத்தில் பொதுக்குழு உறுப்பினர்களின் உரிமை பறிக்கப்படவில்லை. மீண்டும் பொதுச் செயலாளரை தேர்ந்தெடுக்க வாய்ப்பு வரும்போது இதனை அவர்கள் செய்யலாம். தேர்தல் ஆணையம் விளக்கம் கேட்டாலும் கூட பொதுச் செயலாளர் பொறுப்பு போட இதில் இடமிருக்கிறது. பொதுக்குழு பரிந்துரை செய்யக்கூடாது என்று கழக சட்டத்தில் எங்கே இருக்கிறது. அது கிடையாது. அதன் அடிப்படையில்தான் சசிகலாவை பொதுச் செயலாளராக பொதுக்குழு நியமனம் செய்துள்ளது" என்று கூறினர்.

- மு.சகாயராஜ்

படங்கள்: கே.ஜெரோம்

நேற்று பரபரப்பு..! இன்று களையிழந்தது..! வெறிச்சோடியது சென்னை பல்கலை. வளாகம்



அதிமுக பொதுச்செயலாளர் சசிகலா, முதலமைச்சராக இன்று பதவியேற்க உள்ளதாக தகவல் வெளியானது. இதை ஊதர்ஜிதப்படுத்தும் விதமாக சென்னைப் பல்கலைக்கழக நூற்றாண்டு விழாக் கலையரங்கத்தில் நேற்று பிற்பகலில் இருந்தே வேலைகள் ஆரம்பித்தன. இதையடுத்து, அங்கு காவலர்கள் குவிக்கப்பட்டனர்.

சசிகலாவை, வரவேற்க சாலையின் இருஓரங்களிலும் தடுப்புவேலி அமைக்கப்பட்டது. மேலும், சாலையில் உள்ள மின்கம்பங்களில் புதிதாக விளக்குகள் பொருத்தப்பட்டன. இதனால் சென்னைப் பல்கலைக்கழகம் மின்விளக்குகளால் ஜொலித்தது. இந்நிலையில், தமிழக ஆளுநர் வித்யாசாகர் ராவ் தமிழக வருகை திடீரென ரத்து செய்யப்பட்டது. இதனால், முதலமைச்சராக சசிகலா பதவியேற்பு நிகழ்ச்சி தள்ளிப்போனது.



பரபரப்புடன் காணப்பட்ட சென்னைப் பல்கலைக்கழக வளாகம் இன்று வெறிச்சோடிக் கிடக்கிறது. பல்கலைக்கழக நூற்றாண்டு விழாக் கலையரங்கம் மூடப்பட்டது. காவல்துறையினர் குவிக்கப்பட்ட நிலையில் வெறும் தடுப்புவேலிகள் மட்டுமே காவல் காக்கின்றன. மூடப்பட்ட பல்கலைக்கழக நூற்றாண்டு விழாக் கலையரங்கத்தைப் படம்பிடிப்பதற்குப் பத்துக்கும் மேற்பட்ட ஊடகங்களின் வாகனங்கள் அணிவகுத்து நிற்கின்றன.

- ஆ.முத்துக்குமார்

நீட் தேர்வு வேண்டுமா? வேண்டாமா? - என்ன சொல்கிறார்கள் மாணவ மாணவிகள்?





மருத்துவப் படிப்பில் மாணவர்கள் நுழைவதற்கு தேசிய அளவில் மாணவர்களை தேர்வு செய்ய நடத்தப்படும் நீட் தகுதித் தேர்வு வேண்டுமா, வேண்டாமா; கிராமப்புற மாணவர்கள் பாதிக்கப்படுவார்களே என்பது போன்ற கேள்விகள், சர்ச்சைகள் எழுவது தமிழகத்துக்குப் புதிதில்லை. கடந்த ஆண்டு வரை, அகில இந்திய நுழைவுத் தேர்வுக்கு பதிலாக மாணவர்கள் பிளஸ் 2 பொதுத் தேர்வில் பெறும் மதிப்பெண் அடிப்படையிலேயே மருத்துவப் படிப்பில் சேர்க்கப்பட்டனர்.

இந்தாண்டும் தமிழகத்தில் நீட் தேர்வு சர்ச்சை சூடுபிடிக்கத் துவங்கியுள்ளது. அரசு மற்றும் தனியார் பள்ளிகளில் நீட் தேர்வுக்கான பயிற்சி வகுப்புகள் இந்தக் கல்வியாண்டின் துவக்கத்தில் இருந்தே நடத்தப்பட்டன. தனியார் பள்ளிகள் நீட் நுழைவுத் தேர்வுகளில் உங்கள் குழந்தைகள் வெற்றி பெற கூடுதல் பயிற்சி அளிக்கிறோம் என்பதையே மார்க்கெட்டிங் டெக்னிக்காகப் பயன்படுத்தியுள்ளன. இதற்கெனக் கூடுதல் கட்டணமும் மாணவர்களிடம் பெற்றுள்ளன. நீட் தேர்வு என்பது நடப்புக் கல்வியாண்டில் நன்றாகவே வணிகமயமாக்கப்பட்டுள்ளது. இதுபோன்ற விஷயங்கள் கிராமப்புற மாணவர்கள் மத்தியில் குறைந்தளவே பாதிப்பை ஏற்படுத்தியுள்ளன. ஆனால் நீட் தேர்வு கிராமப்புற மாணவர்களுக்கு நன்மை செய்யுமா என்றால் அது கேள்விக்குறியே... தேசிய அளவில் நடத்தப்படும் தேர்வில் கேட்கப்படும் கேள்விகள் எல்லாம் சி.பி.எஸ்.இ பாடத்திட்டத்தை அடிப்படையாகக் கொண்டவை. ஆனால் தமிழ்நாட்டில் உள்ள கிராமப்புற மாணவர்கள் படிப்பது என்னவோ தமிழ்நாடு பாடல்நூல் கழகத்தால் தயாரிக்கப்படும் பாடங்கள். ஏணிவைத்தாலும் எட்ட முடியாத ’கல்வி பயிலும்’ வித்தியாசங்களை வைத்துகொண்டு அதுவும் ஒரு மாத கால இடைவெளியில் மாணவர்கள் தேசிய நுழைவுத் தேர்வு எழுத வேண்டும் என்று சொல்வது அபத்தம்.

தமிழக அளவில் இது குறித்து தெளிவான முடிவுகள் எட்டப்படாத நிலையில் மாணவர்கள், பெற்றோர் குழப்பத்தில் உள்ளனர். நீட் தேர்வில் விலக்கு பெறுவதற்கான நடவடிக்கைகளை அரசு தொடர்ந்து வருகிறது. தமிழக அளவில் இத்தேர்வில் இருந்து விலக்கு அளிப்பதற்கான சட்ட முன்வரைவு, சட்டப்பேரவையில் தாக்கல் செய்யப்பட்டு ஒரு மனதாக நிறைவேற்றப்பட்டுள்ளது. இது சட்டமாக பல்வேறு படிநிலைகளைக் கடக்க வேண்டியுள்ளது.

நீட் தேர்வுக்கு வரும் மார்ச் 1ம் தேதி வரை விண்ணப்பிக்க சி.பி.எஸ்.இ. அழைப்பு விடுத்துள்ளது. தமிழக அளவில் பிளஸ் 2 மாணவர்களுக்கான பொதுத் தேர்வு வரும் மார்ச் 4ம் தேதி துவங்க உள்ளது. இத்தேர்வுகள் ஏப்ரல் 1ம் தேதி வரை நடக்கிறது. பொதுத் தேர்வு முடிந்து நீட் தேர்வுக்கு மாணவர்கள் தயாராக 35 நாள் அவகாசம் மட்டுமே உள்ளது. இதுபோன்ற நெருக்கடியான நிலையில் தமிழக பிளஸ் 2 மாணவர்கள் ஒப்புக்காவது நீட் தேர்வுக்கு விண்ணப்பித்து வைக்கலாமா என்ற நிலைக்குத் தள்ளப்பட்டுள்ளனர். நீட் தேர்வு வேண்டுமா, வேண்டாமா என்பது பற்றி மாணவ மாணவிகள் என்ன நினைக்கிறார்கள் என்று அவர்களிடமே கேட்டோம்.

காமினி, புதுச்சாம்பள்ளி அரசு பெண்கள் மேல்நிலைப் பள்ளி, மேட்டூர்:


‘‘மத்திய கல்வித் திட்ட பாடங்கள்னு சொல்லப்படுற சி.பி.எஸ்.இ திட்டத்துல இருந்துதான் கேள்விகள் கேட்குறாங்க. நீட் எல்லாரும் எழுதணும்னு சொல்ற மாதிரி, அதுக்கான பாடத்திட்டத்தை பிளஸ் ஒன்ல இருந்து அத்தனை பேரும் படிக்கணும்னு சொன்னா நியாயம். அதைப் பாடத்திட்டமா கொண்டு வந்துட்டா நாங்களும் படிச்சுப்போம். ஆனா அப்படியெல்லாம் இல்லாம எந்தப் பயிற்சியுமே கொடுக்காம திடீர்னு நீட் எழுதுன்னா எப்படிக்கா எழுதுறது? நாங்க படிக்கிறதுக்கு ரெடி. ஆனா எங்களுக்கு வாய்ப்பே கொடுக்காம ஜெயிக்கணும்னா என்ன அர்த்தம், சொல்லுங்க? எங்க டாக்டர் கனவே காணாமப்போயிடுற மாதிரி இருக்குது".

சில்வியா, மெட்ரிக் கல்வித் திட்டத்தில் பிளஸ் 2 படிக்கும் மாணவி:




''மனப்பாடத்தை நம்பிப் படிச்சவங்க மட்டும்தான் நீட் எக்ஸாமைப் பார்த்து பயப்படணும். பிளஸ் 1, பிளஸ் 2 சப்ஜக்ட்ஸை முழுமையா புரிஞ்சு படிச்சவங்களுக்கு நீட் தேர்வு ஈஸிதான்னு எனக்குத் தோணுது. நம்ம தமிழ்நாட்டுல பிளஸ்டூ மார்க்ஸ் அடிப்படையில மெடிக்கலுக்குப் போறவங்க எல்லாம் எப்படியாவது மெடிக்கல் காலேஜ் போயிடணும்னு அதிக மெனக்கெட்டு மனப்பாடம் பண்றாங்க. மார்க்ஸ் அடிப்படையில மெடிக்கல் காலேஜ் டிரை பண்றப்ப மெடிக்கலே ரொம்ப சுமையாகிப்போயிடும்."


சி.பி.எஸ்.இ. மாணவன் இமித்தியாஸ்:


''மார்க்ஸை மட்டுமே நம்பிட்டு இருந்தா தமிழ்நாட்டு அளவுல இருக்கிற மெடிக்கல் காலேஜ்ல மட்டும்தான் படிக்க முடியும். ஆனா ஆல் இந்தியா அளவுல உள்ள கல்லூரிகள்ல படிக்க நீட் அவசியம். நினைச்சுப் பாருங்க, மற்ற மாநிலத்தில் போய்ப் படிக்கிறப்ப அதிகமான ஸ்கோப், கற்றல் பலன், மதிப்பு எல்லாம் கிடைக்கும். மொத்தத்துல அதிக பணம் கொடுத்துப் படிக்க வைக்கிற கஷ்டம் நம்ம அப்பா அம்மாக்களுக்கு இல்லாமப்போகும். அதைவிட வேற ஒரு நிம்மதி இருக்கா என்ன?"

பிரியதர்ஷுகா, மருத்துவக் கல்லூரி, சென்னை: (முதலாம் ஆண்டு)

‘‘பிளஸ்டூ மதிப்பெண் அடிப்படையில படிக்கிறப்ப, பிளஸ் 1 பாடத்தை அப்படியே ஸ்கிப் பண்ணிடுறாங்க. அதனால மனப்பாடம் பண்ணி படிச்சுட்டு வர்றவங்க மெடிக்கல் காலேஜ்ல நடத்தப்படுற முதல் செமஸ்டர்லேயே அரியர்ஸ் வைச்சு, அதனால ஏற்படுற மன அழுத்தம் அவங்களை துவண்டுபோக வைச்சிடும். ஒருதடவை மெடிக்கல் காலேஜ் உள்ள நுழைஞ்சுட்டா அங்க மனப்பாடம் எல்லாம் வேலைக்காகாது. ஆனா, நாம புரிஞ்சு படிச்சு அகில இந்திய அளவுல இருக்கிற அத்தனை காலேஜுக்கும் போற வாய்ப்பைப் பயன்படுத்திக்கிடலாம்.'’

யாழ் ஶ்ரீதேவி

ஜெயலலிதாவுக்கு விஷம் கொடுக்கப்பட்டதா...?' பி.எச். பாண்டியன் VS பண்ருட்டி ராமச்சந்திரன்!

ஜெயலலிதா மறைவுக்குப் பின் அ.தி.மு.க பொதுச்செயலாளராக தேர்ந்தெடுக்கப்பட்டு, இப்போது முதல்வராக பதவியேற்க தமிழக கவர்னரின் வருகைக்காக காத்திருக்கிறார் சசிகலா. ஆனால், கட்சியின் பொதுச்செயலாளராக சசிகலா தேர்வானதே செல்லாது, அப்புறம் எப்படி அவர் முதல்வராக முடியும் என்று கேள்வி எழுப்பி, சட்டப் போராட்டத்திற்கு தயராகி வருகிறார் அ.தி.மு,க முன்னணி தலைவர்களில் ஒருவரும், முன்னாள் சட்டப்பேரவை சபாநாயகருமான பி.ஹெச்.பாண்டியன். அவருடைய மகனும், முன்னாள் எம்.பி-யுமான மனோஜ் பாண்டியனும் சசிகலாவுக்கு எதிராக போர்க்கொடி உயர்த்தியுள்ளார்.

ஜெயலலிதா அப்போலோ மருத்துவமனையில் அனுமதிக்கப்பட்டிருந்தபோது, நாள்தோறும் அப்போலோவிற்கு விசிட் செய்து வந்தவர் பி.ஹெச். பாண்டியன். ஜெயலலிதா மரணம் அடைந்து, இறுதிச்சடங்கு நடைபெற்றபோது பி.ஹெச். பாண்டியன் அங்கு இருந்தார். ஆனால், அதன் பிறகு தொடர்ந்து அமைதிகாத்து வந்தார். குறிப்பாக, அ.தி.மு.க பொதுச்செயலாளராக சசிகலா தேர்வு செய்யபட்டதும் கட்சியின் அனைத்து நிர்வாகிகளும், முக்கியப் பிரமுகர்களும் சசிகலாவை நேரில் சந்தித்து வாழ்த்து தெரிவித்த போதிலும் இவர் அமைதியாகவே இருந்து வந்தார். சசிகலாவிற்கு எதிராக ஜெயலலிதாவின் அண்ணன் மகள் தீபா போர்க்கொடி உயர்த்தி வருவதன் பின்னணியில் பி.ஹெச்.பாண்டியன் இருந்து வருவதாகக் கூறப்பட்டது.

ஆனால், கடந்த இரண்டு மாதமாக எந்தக் கருத்தும் தெரிவிக்காமல் ஒதுங்கி இருந்தவர் திடீரென இன்றுகாலை சென்னை அண்ணாநகரில் உள்ள தனது வீட்டில் செய்தியாளர்களை சந்தித்தார் பி.ஹெச்.பாண்டியன். அவருடன் மகன் மனோஜ் பாண்டியனும் இருந்தார். முதலில் செய்தியாளர்களிடம் பேசிய பி.ஹெச். பாண்டியன், “அ.தி.மு.க என்ற இயக்கம் ஆரம்பித்து, அதன் சட்ட திட்டங்களை வகுக்க அமைக்கபட்ட குழுவில் நானும் இருந்தேன். அதில் பொதுச்செயலாளர் தேர்வு குறித்து நாங்கள் ஆலோசனை செய்து ஒட்டுமொத்த அ.தி.மு.க தொண்டர்களும்தான் பொதுச்செயலாளரை தேர்வு செய்ய முடியும் என்றும், இந்தச் சட்டத்தை மாற்றவோ, நீக்கவோ முடியாத வகையில்தான் சட்ட விதிகளை இயற்றினோம்.



ஆனால், இப்போது சசிகலா அ.தி.மு.க-வின் தற்காலிக பொதுச்செயலாளராக தேர்வாகியிருப்பது தவறு. சட்டம் தெரியாமல் அவர்கள் உள்ளார்கள். அப்போலோவில் டிசம்பர் 5-ம் தேதி ஜெயலலிதா மரணம் அடைந்தபோது, சசிகலா ஒருசொட்டு கண்ணீர்கூட விடவில்லை. ஜேம்ஸ்பாண்ட் கோட்டை போட்டுக்கொண்டு அங்கும், இங்கும் நடந்து கொண்டுதான் இருந்தார். ஜெயலலிதா வீட்டில் என்ன நடந்தது என்பது குறித்து விசாரிக்க வேண்டும்” என்றார்.

மனோஜ் பாண்டியன் பேசும்போது, "2011-ம் ஆண்டு டிசம்பர் மாதம் போயஸ்கார்டனில் ஜெயலலிதா என்னிடம் அவரைக் கொல்ல ஒரு கும்பல் பெங்களூருவில் சதி செய்கிறது. அவர்களை நான் கட்சியை விட்டே நீக்கப் போகிறேன்" என்றார். அதன் பிறகுதான் சசிகலா உட்பட அவருடைய குடும்பத்தினர் ஒட்டுமொத்தமாக கட்சியில் இருந்து நீக்கப்பட்டார்கள். அதன் பிறகு சில மாதங்களில் மீண்டும் சசிகலா கார்டனுக்குள் வந்தார். அதன் பிறகு என்னிடமும், மறைந்த பத்திரிகையாளர் சோ-விடமும் ஜெயலலிதா பேசிக்கொண்டிருந்தபோது 'எனக்குப் பயமாக இருக்கிறது. எனக்கு பாய்சன் வைத்துக் கொன்று விடுவார்களோ என்ற பயம் உள்ளது' என்று தெரிவித்தார்” என்றார் அதிரடியாக.

பி.ஹெச். பாண்டியனின் பேட்டி பரபரப்பை ஏற்படுத்திய நிலையில், அதற்கு பதிலடி கொடுக்கும் வகையில் அ.தி.மு.க நிர்வாகிகள் உடனடியாக செய்தியாளர் சந்திப்பை கூட்டி எதிர்வினை செய்து விட்டார்கள். அ.தி.மு.க தலைமைக்கழகத்திற்கு பத்திரிகையாளர்கள் அழைக்கப்பட்டார்கள், அ.தி.மு.க-வின் மூத்த நிர்வாகி பண்ருட்டி ராமசந்திரன், முன்னாள் அமைச்சர் செங்கோட்டையன் ஆகியோர் பங்கேற்று பி.ஹெச்.பாண்டியனின் குற்றச்சாட்டுகளுக்குப் பதில் அளித்தார்கள்.

பண்ருட்டி ராமச்சந்திரன் பேசுகையில், "பொதுக்குழு உறுப்பினர்கள் ஒட்டுமொத்தமாகச் சேர்ந்து, கட்சியின் பொதுச்செயலாளராக சசிகலாவைத் தேர்வு செய்துள்ளார்கள். இனி, அனைத்து உறுப்பினர்கள் சார்பிலும் அவர் தேர்வு செய்யப்படுவார். இப்போது தேர்வு செய்யப்பட்டிருப்பது இடைக்கால ஏற்பாடுதான். இப்படி செய்யக்கூடாது என்று கட்சியின் சட்ட திட்ட விதிகளில் சொல்லப்படவில்லை. பொதுச் செயலாளர் பதவிக்கு முறையான தேர்தல் நடக்கும்வரை சசிகலா நியமனம் செல்லும். எம்.ஜி.ஆருடன் இருந்தவன் நான். கட்சியின் சட்ட திட்ட விதிகள் பற்றி பி. ஹெச். பாண்டியனை விட எனக்கு நன்றாகத் தெரியும். துரோகிகளுடன் சேர்ந்து கொண்டு அபாண்டமாக பழி சுமத்துகிறார். கட்சி, ஆட்சி நிர்வாகம் ஆகிய இரண்டும் ஒருவரிடமே இருக்க வேண்டும். அதுதான் நல்லது. யாரிடம் பொறுப்பை ஒப்படைக்க வேண்டும் என்பது கட்சியின் நிர்வாகிகளாகிய எங்கள் உரிமை. எங்களுக்குள் யாரை மாற்றிக் கொள்கிறோம் என்பது எங்கள் உரிமை. அதன் மூலம் மக்களுக்கு நல்லது நடக்கிறதா என்றுதான் பார்க்க வேண்டும்.

தமிழகத்தில் அரசியல் ஆதாயம் தேட மத்திய அரசு, முயற்சி செய்யவில்லை. பி.ஜே.பி மீது எங்களுக்கு எந்த சந்தேகமும் இல்லை. எந்தக் குழப்பத்தையும் மத்திய அரசு ஏற்படுத்தவில்லை. சசிகலாவுக்கு எதிராக மத்திய அரசு செயல்படுவதாக நாங்கள் கருதவில்லை. அ.தி.மு.க ஒற்றுமையுடன் இருக்கிறது" என்றார்.



செங்கோட்டையன் கூறுகையில், “எம்.ஜி.ஆர் இறந்தபோதே கட்சியில் குழப்பத்தை ஏற்படுத்தியவர் பி.ஹெச்.பாண்டியன். அம்மா மீது வழக்குத் தொடர இவர்தான் காரணமாக இருந்தார். கட்சியினால் இவரது குடும்பம் அனுபவித்தது ஏராளம். ஆனால், கட்சிக்காக இவர் ஒரு துரும்பைக் கூட தூக்கிப் போட்டதில்லை. துரோகிகளுடன் சேர்ந்து கொண்டு கைக்கூலி வேலையை பார்க்கிறார். 'என் அம்மாவின் மறைவுக்குப் பின், எனக்கு அம்மாவாக இருப்பவர் சசிகலாதான்' என்று புரட்சித்தலைவி அம்மாவே சொல்லியிருக்கிறார். 'விஷம் கொடுத்தார்' என்று புழுகுகிறார்கள். சின்னம்மா குடும்பத்தினர் அதிகார மையமாக இருக்கிறார்கள் என்று குறைசொல்லி வரும் கூட்டத்திற்கு நான் பதில் சொல்லமுடியாது. சசிகலாவின் திறமையை நாங்கள் கண்கூடாகப் பார்த்திருக்கிறோம். அ.தி.மு.க-வில் பிளவை ஏற்படுத்தலாம் என்று அவர் நினைப்பது ஒரு போதும் நடக்காது" என்றார்.

இந்த பேட்டிமுடிந்த நிலையில் ஜெயலலிதாவின் அண்ணன் மகள் தீபா பேட்டி அளித்தார். ''ஆரம்பத்தில் இருந்தே அத்தைக்கு அளித்த சிகிச்சை விவரங்களை நான் கேட்டு வருகிறேன். இதுவரை யாரும் சொல்லவில்லை. அத்தை ஜெயலலிதா மரணம் அடைந்து, 2 மாதம் கழித்து மருத்துவர்கள் விளக்கம் அளித்துள்ளனர். அதிலும் ஏராளமான குழப்பங்கள். மருத்துவர்கள் அளித்த விளக்கம் மேலும் மேலும் சந்தேகத்தை அதிகப்படுத்துகிறது. முதல்வராக சசிகலா தேர்வானதை ஏற்க முடியாது. ஜெயலலிதாவின் பிறந்த நாளான பிப்ரவரி 24-ம் தேதி முக்கிய முடிவை அறிவிப்பேன். அத்தையின் லட்சியத்தை வென்றெடுப்பேன். தேர்தலில் நிச்சயம் போட்டியிடுவேன். ஒருவருடன் 33 வருடங்கள் இருந்தது மட்டுமே முதல்வர் ஆவதற்கான தகுதி ஆகி விடாது" என்று தீபா தெரிவித்தார்.

- எஸ்.முத்துகிருஷ்ணன், அ.சையது அபுதாஹிர்

Varsity forgets to present D.Litt to mantri

• Deccan Chronicle
• 7 Feb 2017
• DC CORRESPONDENT BHOPAL, FEB. 6

Seven years after announcing to honour Union minister of state for I&B Rajyavardhan Singh Rathore with D.Litt for his achievements in 2004 Athens Olympics, a university in MP is currently making arrangements to present the degree.

Vikram University in Ujjain declared to award D.Litt to Mr Rathore in 2010 as recognition of his rare achievement of winning silver in shooting in 2004 Athens Olympics, but conveniently forgot to bestow him with the honour during the period.

“He (Mr Rathore) could not attend the convocation of that year to receive the honorary D.Litt degree awarded to him by the university. The matter was then forgotten by the university authorities.

“I spotted the file in this regard in the university locker a week ago,” university vice-chancellor S.S.Pandey told this newspaper on Monday.

According to him, the university is making arrangements to find a suitable occasion to honour the Union minister by keeping in touch with his office.

“It is an honour for the university to present D.Litt to a Union minister,” he added.

புதிய மந்திரிகள் யார்..? புதிய முதல்வருக்கு ஆலோசகர் யார்..? #ADMKUpdates #VikatanExclusive

சாமி வரம் தந்தும் பூசாரி தடுத்து நிற்பதுபோல், எம்.எல்.ஏக்களிடம் ஆதரவு கடிதங்களை வாங்கிவைத்துக்கொண்டு வீட்டின் வாயிற்படியில் கவர்னர் வருகைக்காக காத்திருக்கிறது சசிகலா தரப்பு. இந்நிலையில் தமிழகத்தில் அடுத்தடுத்து அரங்கேறப்போகும் பரபரப்பு சம்பவங்கள் என்னவாகயிருக்கும் என அலசுகிறது இந்த கட்டுரை...

தமிழகத்தில் கவர்னர் ஆட்சி?

தமிழக முதல்வர் பதவியில் இருந்து விலகுவதாகத் தெரிவித்து, ஓ.பன்னீர்செல்வம் அளித்த ராஜினாமா கடிதத்தை ஏற்றுக்கொள்வதாக தமிழக கவர்னர் (பொறுப்பு) வித்யாசாகர் ராவ் அறிவித்துள்ளார். மாற்று ஏற்பாடுகள் செய்யப்படும் வரை அரசு நிர்வாகத்தை ஓ.பன்னீர்செல்வம் தலைமையிலான அமைச்சரவை கவனிக்கும் என்றும் கவர்னர் கூறியுள்ளார். ஆக, தமிழகத்தில் தற்போது எழுதப்படாத கவர்னர் ஆட்சி அமலுக்கு வந்து விட்டதாகவே அரசியல் நோக்கர்கள் கருத்து தெரிவிக்கிறார்கள். அதன்படி, தற்போதுள்ள 'காபந்து' அரசின் முதல்வர் மற்றும் அமைச்சர்கள் அனைவரும் வெறும் பொம்மைகள்தான். ஆட்சி லகான் கவர்னரின் கைக்குப் போய்விட்டது. இதையடுத்து, தலைமைச் செயலகத்தில் அரசின் எந்தவொரு உத்தரவானாலும் கவர்னரின் ஒப்புதலுடன்தான் வெளியாகும். இந்த நிலையில், கவர்னர் தற்போது விடுமுறையில் டெல்லி சென்றிருக்கிறார்.

கவர்னர் சென்னை திரும்பியதும் முடிவு!

தமிழகத்தின் அரசியல் நிலவரங்கள் சூடுபிடிக்கத் துவங்கியிருக்கும் நிலையில், அதுதொடர்பான தகவல்கள் கவர்னருக்கு கொண்டு செல்லப்பட்டுக் கொண்டே இருக்கின்றன. இருப்பினும், எதைப் பற்றியும் அலட்டிக்கொள்ளாமல் தனது பயணத்தில் இருக்கிறார் கவர்னர். முதல்வர் பன்னீர்செல்வத்தின் ராஜினாமாவை ஏற்றுக்கொண்ட அவர், அடுத்தக்கட்டத்துக்குத் தயாராகி விடுவார் என்று எதிர்பார்த்த நிலையில், நேற்று டெல்லியில் திருமண நிகழ்ச்சி ஒன்றில் கலந்து கொண்ட கவர்னர், சென்னை திரும்பாமல் நேராக மும்பைக்கு விமானம் ஏறினார். நேற்று அவர் விடுமுறையில் இருந்ததாக கவர்னர் மாளிகை வட்டாரங்கள் தெரிவிக்கின்றன. ஏர்போர்ட் வட்டாரத்தில் விசாரித்தபோது, 'இன்றும் கவர்னர் சென்னை வருவதற்கான எந்த முஸ்தீபுகளும் இல்லை' என்கின்றனர். மேலும், கவர்னர் எப்போது சென்னை திரும்புவார் என்பது பற்றி இதுவரை எந்தத் தகவலும் இல்லை. அவர் சென்னை திரும்புவதைப் பொறுத்துதான், சசிகலா முதல்வராக பதவி ஏற்கும் வைபவம் நடக்கும் எனத் தெரிகிறது.



சென்னையில் முகாமிட்டுள்ள எம்.பி, எம்.எல்.ஏக்கள்!

இந்த பரபரப்புக்கு இடையே அ.தி.மு.க சட்டமன்ற உறுப்பினர்கள் 135 பேரும் தற்போது சென்னையில் முகாமிட்டுள்ளனர். அவர்களை வெளியில் எங்கும் செல்ல வேண்டாம் என்று கட்சியின் தலைமைக்கழகத்தில் இருந்து உத்தரவு வரப்பெற்றுள்ளது. அதனால், சென்னையில் உள்ள எம்.எல்.ஏ-க்கள் விடுதி அறைகளில் அவர்கள் அனைவரும் தங்கியிருக்கிறார்கள். இந்த நிலையில், நேற்று நாடாளுமன்றக் கூட்டத்தொடரில் கலந்து கொள்ள அ.தி.மு.க எம்.பி-க்கள் டெல்லிக்குக் கிளம்பினர். ஆனால், அவர்கள் அனைவரும் சென்னையில் தங்கியிருக்குமாறு உத்தரவிடப்பட்டது. டெல்லி செல்வதற்காக டிக்கெட் எடுத்து வி.ஐ.பி. லாஞ்சில் காத்திருந்த அன்வர் ராஜா உள்ளிட்ட எம்.பி-க்கள் உடனடியாக தங்களது டிக்கெட்டுகளை கேன்சல் செய்துவிட்டு திரும்பினர்.

சென்னையில் காக்கவைக்கப்பட்டிருக்கும் எம்.எல்.ஏ-க்கள், எம்.பி-க்கள் வட்டாரத்தில், “அம்மா போலவே சின்னம்மாவின் குணமும் உள்ளது. எம்.எல்.ஏ-க்கள் கூட்டத்தில் ஒவ்வொருத்தர்கிட்டயும் எந்த கஷ்டமானாலும் எங்கிட்ட சொல்லுங்க....வீட்டுப் பிரச்னையோட கட்சிவேலை பார்க்காதீங்க... உங்க பிரச்னை இனி என் பிரச்னை அதையெல்லாம் நான் பார்த்துக்கிறேன்” என 'ஆதரவாக' சசிகலா சொன்னதை 'உற்சாக' குரலில் சிலாகித்து பேசிக்கொள்கிறார்கள்.

புது மந்திரிகள் யார்..யார்?

தமிழக முதல்வராக சசிகலா பதவி ஏற்றால், அமைச்சரவை மாற்றப்படுமென தெரிகிறது. நேற்றிரவு எம்.எல்.ஏ-க்களுடனான சந்திப்பின்போது, சசிகலா இதுதொடர்பாக சில விஷயங்களை பூடகமாக தெரிவித்ததாகக் கூறப்படுகிறது. அதாவது 'அமைச்சரவையில் பெரிய மாற்றம் இருக்காது. சிற்சில மாற்றங்கள் இருக்கும்' என்ற அவர், 'சபாநாயகர் தனபால் உள்ளிட்ட இருவருக்கு அமைச்சரவையில் புதிதாக வாய்ப்பு அளிக்கப்படும்' என தெரிவித்தாராம். சசிகலாவின் இந்த அறிவிப்புக்குப் பின்னர், புதிய அமைச்சர் யார் என்பதே அ.தி.மு.க. தலைமைக்கழக வட்டாரத்தில் பரபரப்பான பேச்சாக இருக்கிறது. விசாரித்ததில், ஜெயலலிதா அனுதாபியாக இருந்து, சசிகலா பொதுச் செயலாளரானபோது பிரச்னை கிளப்புவார் என எதிர்பார்க்கப்பட்டு, ஆனால் அப்படி எதுவும் சிக்கல் ஏற்படுத்தாத ஒருவருக்கே அதிக வாய்ப்பு இருப்பதாக சொல்லப்படுகிறது.




இதனிடையே, சசிகலா தலைமையில் புதிதாக அமையப்போகும் அமைச்சரவையில் ஏற்படப்போகும் மாற்றங்கள் குறித்து அ.தி.மு.க வட்டாரத்தில் விசாரித்தோம். அதன்படி முன்னாள் முதல்வர் ஓ. பன்னீர் செல்வம், சட்டமன்ற சபாநாயகராக்கவும், சபாநாயகர் தனபாலை அமைச்சராக்கவும் திட்டம் உள்ளதாம். முன்னாள் அமைச்சர் கே.ஏ. செங்கோட்டையனுக்கு உயர்கல்வித்துறை, உயர்கல்வித்துறை அமைச்சர் அன்பழகனுக்கு பள்ளிக் கல்வித்துறை, வணிக வரித்துறை அமைச்சர் வீரமணிக்கு இளைஞர் நலம் மற்றும் விளையாட்டுத்துறை, பள்ளிக்கல்வித்துறை அமைச்சர் மாஃபா பாண்டியராஜனுக்கு வணிகவரித்துறை என திட்டமிடப்பட்டுள்ளதாம்.

முதல்வரின் புது ஆலோசகர் யார்? கவர்னரின் புது ஆலோசகர் யார்?

தமிழக அரசின் ஆலோசகராக இருந்த ஷீலா பாலகிருஷ்ணன், வெங்கட்ராமன்...இருவரும் அவர்களின் பதவிக்காலம் முடிவதற்குள் தங்களது பதவிகளை ராஜினாமா செய்துவிட்டனர். ஒருவேளை சசிகலா முதல்வரானால், ஆட்சி நிர்வாகத்துக்கு முற்றிலும் புதியவரான அவருக்கு உரிய ஆலோசனை வழங்க புது ஆலோசகர்கள் தேவை. அதிகாரம் மிக்க அந்தப் பதவியை பிடிக்க அதற்குள்ளாகவே அ.தி.மு.க ஆதரவு அதிகாரிகள் போயஸ்கார்டனில் முட்டி மோதி வருகிறார்கள். அவர்களில் முன்னாள் ஐ.ஏ.எஸ். அதிகாரிகள் பன்னீர்செல்வம், சோ. அய்யர்...இருவரது பெயர்கள் அடிபடுகின்றன. போலீஸ் துறைக்கு முன்பு ராமானுஜம் இருந்ததைப்போல, தற்போது முன்னாள் கூடுதல் டி.ஜி.பி-யான ராஜேந்திரன் பெயர் அடிபடுகிறது. இதேபோல் தமிழக ஆட்சியை தற்போது கவனிக்கும் கவர்னர் (பொறுப்பு) வித்யாசாகர் ராவ், மகாராஷ்டிரா மாநில கவர்னராகவும் இருப்பதால், இருமாநிலங்களிலும் அவரால் அடிக்கடி போக முடியாது. அதனால், தமிழகத்தில் கவர்னருக்கென ஆலோசகர்கள் புதிதாக நியமிக்கப்பட இருக்கிறார்கள். இதற்காக ராஜ்பவனில் தனி அறை ஒன்று ரெடியாகி வருவதாக அதிகாரிகள் தரப்பில் பேசிக்கொள்கிறார்கள். பிரதமர் மோடிக்கு நெருக்கமாக இருக்கும் ஆடிட்டர் குருமூர்த்தியின் ஆசி பெற்ற ஒருவர், விரைவில் தமிழக கவர்னரின் ஆலோசகராக நியமிக்கப்பட வாய்ப்பு இருப்பதாக பா.ஜ.க. பிரமுகர்கள் மத்தியில் பேசப்படுகிறது.
எல்லாம் தயார், இனி கவர்னர் விமானம் பிடிக்க வேண்டியதுதான் குறை!

- ஆர்.பி.

நெருக்கடியைக் கொடுக்க தமிழகத்தில் திமுக எம்.எல்.ஏ.,க்கள் ராஜினாமாவா?

தமிழகத்தில் திமுக எம்.எல்.ஏ.,க்கள் தங்களது பதவியை ராஜினாமா செய்யும் பட்சத்தில் தமிழகத்தில் அரசியல் நெருக்கடி ஏற்பட்டு ஜனாதிபதி ஆட்சி வரலாம் என்று கூறப்படுகிறது.

தமிழக முதல்வர் ஜெயலலிதா மறைந்ததில் இருந்தே ஸ்திரத்தன்மையற்ற அரசியல் சூழல் நிலவி வருகிறது. ஜெயலலிதாவின் மரணத்தில் இன்னும் மர்மம் விலகவில்லை என்பது மக்களின் ஆதங்கமாக உள்ளது. சசிகலா முதல்வராக பதவி ஏற்க இருக்கும் நிலையில், ஜெயலலிதாவின் சாவில் இருக்கும் மர்மத்தை நீக்கும் வகையில் அவருக்கு சிகிச்சை அளித்த லண்டன் டாக்டர் ரிச்சர்டு மற்றும் அப்பல்லோ மருத்துவர்கள் நேற்று அரசு சார்பில் செய்யப்பட்ட செய்தியாளர்கள் பேட்டியில் செய்தியாளர்களின் கேள்விகளுக்கு விளக்கம் அளித்தனர்.




ஆனால், இவர்களது விளக்கத்தில் தமிழக மக்கள் இன்னும் திருப்தி அடையவில்லை. ஜெயலலிதா இறந்த 20 நாளில் பொதுச்செயலாளர் ஆனார் சசிகலா. மேலும், இரண்டே மாதத்தில் முதல்வராக முயற்சித்தார். இது சமூக வலைதளங்களில் மற்றும் அரசியல் வட்டாரத்தில் புயலைக் கிளப்பியுள்ளது. சசிகலாவின் கணவரும் எங்களது குடும்பம்தான் ஜெயலலிதாவின் அருகில் இருந்து அவருக்கு உதவி வந்தோம், இக்கட்டான சூழலில் காப்பாற்றினோம். ஆதலால், எங்களது குடும்பம் ஆட்சியில் மூக்கை நுழைக்கும் என்று பகிரங்கமாக தெரிவித்தார்.

திமுக எம்.எல்.ஏ.,க்கள் ராஜினாமா?

இந்நிலையில் திமுக எம்.எல்.ஏ.,க்கள் அனைவரும் தங்களது பதவியை ராஜினாமா செய்துவிட்டு, அரசியல் நெருக்கடியை ஏற்படுத்தலாம் என்று கூறப்படுகிறது.

ஒரு வேளை சசிகலா முதல்வராக பதவி ஏற்கும் அன்று திமுக எம்.எல்.ஏ.,க்கள் 89 பேரும் ராஜினாமா செய்யலாம்.

234 பேரில் மூன்றில் ஒரு பகுதி எம்.எல்.ஏ.,க்கள் இல்லாமல் ஆட்சியை தொடரமுடியாது. 78 எம்.எல்.ஏ.,க்கள் ராஜினாமா செய்தால் போதும் இடைத்தேர்தல் வைக்க வாய்ப்பு இல்லை. 355 சட்டத்தின் படி ஆட்சியை முடக்கி வைக்கலாம். கவர்னர் 356 பயன்படுத்தி ஆட்சியை கலைக்க அதிகாரம் உள்ளது.

இப்படி திமுக செய்தால் வரவேற்போம் என்று சமூக வலைதளங்களில் செய்தி பரவி வருகிறது.

இதற்காகக் கூட எதிர்க்கட்சித் தலைவர் டெல்லி சென்று ஜனாதிபதியை சந்திக்கிறாரா என்ற சந்தேகம் எழுந்துள்ளது. ஆதலால்தான் சட்டப்பேரவையிலும், ''முதல்வராக பன்னீர் நீடித்தால் நாங்கள் முழு ஆதரவு அளிப்போம்'' என்று சூசகமாக துரைமுருகன் கூறினாரா என்ற சந்தேகத்தை எழுப்புகிறது. ​ விரைவில் தமிழத்தில் அரசியம் மாற்றம் வரும், எங்களது கட்சி ஆட்சிக்கு வரும் என்று ஸ்டாலினும் கூறி வந்தார்.

போயஸ் தோட்டத்தில் சசிகலா- தம்பிதுரை ஆலோசனை!

அடுத்தக்கட்ட நடவடிக்கைகள் பற்றி சென்னை போயஸ் தோட்டத்தில், சசிகலாவும், தம்பிதுரையும் ஆலோசனை மேற்கொண்டுள்ளனர்.

ஜெயலலிதா மறைந்த நிலையில், அதிமுக.,வின் புதிய பொதுச் செயலாளராக சசிகலா தேர்வு செய்யப்பட்டார். இதேபோன்று முதல்வராக, ஓ.பன்னீர்செல்வம் பதவியேற்றுக் கொண்டார். இந்நிலையில், தற்போது சசிகலாவை, அடுத்த முதல்வராக, அதிமுக சட்டப்பேரவை உறுப்பினர்கள் தேர்வு செய்துள்ளனர்.

ஓ.பன்னீர்செல்வம் தனது பதவியை ராஜினாமா செய்துவிட்டார். இதையடுத்து, ஆளுநரை சந்தித்து, சசிகலா ஆட்சியமைக்க அனுமதி கோர உள்ளார். ஆனால், ஆளுநர் தமிழகத்தில் இல்லை. டெல்லியிலேயே முகாமிட்டுள்ளார். சசிகலா பதவியேற்கக் கூடாது என, அடுத்தடுத்து, பல வழிகளில் எதிர்ப்புகள் கிளம்பத் தொடங்கியுள்ளன.

இந்நிலையில், அடுத்தக்கட்டமாக என்ன செய்வது என, மக்களவை துணைத் தலைவரும், அதிமுக மூத்த தலைவருமான தம்பிதுரை, போயஸ் தோட்டத்தில், சசிகலாவை சந்தித்து, ஆலோசனை மேற்கொண்டுள்ளார். தற்போதைக்கு, முதல்வராக பதவியேற்கும் நிகழ்ச்சியை அதிமுக ஒத்திவைத்துள்ளதும் குறிப்பிடத்தக்கது.

ஆளுநரின் வசதிக்கேற்ற நாளில் முதல்வராக சசியம்மா பதவியேற்பார்: பொன்னையன்

''ஆளுநரின் வசதிக்கேற்ற நாளில் முதல்வராக சசியம்மா பதவியேற்பார். இதில் அரசியல் செய்வதற்கு எதுவும் இல்லை'' என்று பொன்னையன் கருத்து தெரிவித்துள்ளார்.

முதல்வராக சசிகலா பொறுப்பு ஏற்பதில் சிக்கல் எழுந்துள்ள நிலையில் இதுகுறித்து சென்னையில் செய்தியாளர்களுக்கு அளித்த பேட்டியில் அதிமுக மூத்த தலைவர் பொன்னையன் கூறியதாவது:




சிலர் அரசியல் ஆதாயத்திற்காக வதந்திகளை பரப்பி வருகின்றனர் . அதிமுக நலத்திட்டங்களுக்காகவே மக்கள் தேர்தலில் வாக்களித்தார்கள். ஒருமனதாகவே சசிகலா பொதுச்செயலாளராகவும், முதல்-அமைச்சராகவும் தேர்வு செய்யப்பட்டார். அரசியல் ஆதாயத்திற்காக சிலர் வதந்திகளை பரப்பி வருகின்றனர். மத்திய அரசுக்கும், அதிமுக அரசுக்கும் இடையே எந்த ஒரு கருத்து வேறுபாடும் இல்லை. எம்.ஜி.ஆர்., ஜெயலலிதாவின் கொள்கைகளை திறம்பட செயல்படுத்தக் கூடியவர் சசிகலா ஆளுநரின் வசதிக்கேற்ற நாளில் முதல்வராக சசியம்மா பதவியேற்பார்.

இவ்வாறு தெரிவித்துள்ளார்.

அதிமுகவில் பொன்னையனுக்கு எந்தப் பொறுப்பையும் சசிகலா கொடுக்கவில்லை அதனால், அவர் விரக்தியில் இருக்கிறார் என்று கூறப்பட்ட நிலையில் பொன்னையன் இவ்வாறு கூறியுள்ளார்.

Set up grievance redressal system in all varsities within four months

Observing that all colleges and universities in the country need to have a mechanism to redress grievances of students, the Delhi High Court on Friday directed the University Grants Commission (UGC) to set up such a system in all varsities within four months.

A bench of Chief Justice G Rohini and Justice Sangita Dhingra Sehgal said appointment of an ‘ombudsman’ in every university and a grievance redressal committee (GRC) for every college or group of colleges were “mandatory” and were provided for under the UGC (Grievance Redressal) Regulations of 2012.

The court said failure of the universities to appoint ombudsman or to constitute GRC for colleges “would defeat the very object of grievance redressal mechanism provided under the regulations.”

It also directed Delhi University (DU) to “take necessary steps forthwith and appoint the ombudsman” in terms of provisions of the regulations “as expeditiously as possible preferably within a period of four months from today.”

The court’s ruling came while disposing of a PIL filed by a former law student, who had alleged non-compliance of the UGC regulations with regard to appointment of ombudsman by universities, particularly DU.

As per the regulations, the ombudsman “shall be a part-time officer appointed for a period of three years or until he attains the age of 70 years, whichever is earlier”, the bench noted in its judgment.PTI

HC directs UGC to appoint ombudsman in all universities

The Delhi High Court on Friday directed the University Grants Commission (UGC) to ensure appointment of ombudsman, for redressal of grievances of students, in all the central and state universities within four months.

A division bench of Chief Justice G Rohini and Justice Sangita Dhingra Sehgal also directed Delhi University appoint the ombudsman in terms of provisions of the UGC (Grievance Redressal) Regulation.

"Delhi University shall take necessary steps forthwith and appoint the ombudsman in terms of provisions of the UGC (Grievance Redressal) Regulations, 2012 as expeditiously as possible preferably within a period of four months from today," said the court, in its order while disposing of a PIL filed by a former law student of DU, who had alleged non-compliance of the UGC regulations particularly in respect of the varsity.

The bench noted that UGC is empowered to take action against institutions which "willfully contravenes or repeatedly fail to comply with orders of the ombudsman..." and the universities' failure to appoint ombudsman or to constitute GRC for colleges would "defeat the very object of grievance redressal mechanism provided under the regulations".

குடும்ப அட்டையில் திருத்தப் பணிகள்: இணையத்தில் மேற்கொள்ளுமாறு திடீர் அறிவிப்பு!

குடும்ப அட்டையில் பெயர் சேர்ப்பு, நீக்கல் போன்ற பணிகள் அனைத்தும் ஆன்-லைன் முறையில் மட்டுமே மேற்கொள்ளப்படும் என்ற சைதாப்பேட்டை மண்டல உணவுப் பொருள் வழங்கல் அலுவலகம் திடீரென வாய்மொழியாக அறித்துள்ளது. இதனால், நுகர்வோர் பெரிதும் அவதிக்குள்ளாகிவருகின்றனர்.

புழக்கத்தில் உள்ள குடும்ப அட்டைக்குப் பதிலாக பயோ-மெட்ரிக் அடிப்படையிலான அட்டையை வழங்க தமிழக அரசு முடிவு செய்துள்ளது. இதற்காக, குடும்ப அட்டைதாரர்களின் விவரங்கள் அடங்கிய ஆதார் விவரங்கள், தமிழக அரசின் பொது விநியோகத் திட்ட தகவல்களுடன் இணைக்கப்பட்டு வருகின்றன.
இதுவரை 5,64,16,362 பேரின் ஆதார் பதிவுகளும், 1,69,20,195 குடும்ப அட்டைதாரர்களின் செல்லிடப்பேசி எண்களும் பெறப்பட்டுள்ளன. இதன்மூலம், பயோ-மெட்ரிக் குடும்ப அட்டைகளை விரைந்து வழங்க அரசு நடவடிக்கை எடுத்து வருகிறது.

திடீர் அறிவிப்பால் குழப்பம்: இந்த நிலையில், குடும்ப அட்டை பெயர் சேர்த்தல், நீக்கல் போன்ற பணிகளை சம்பந்தப்பட்ட குடும்ப அட்டைதாரர்கள் ஆன்-லைனிலேயே
(https:tnpds.com) மேற்கொள்ள வேண்டும் என சென்னை சைதாப்பேட்டை மண்டல உணவுப் பொருள் வழங்கல் துறையினர் வாய்மொழியாக உத்தரவு பிறப்பித்துள்ளனர். இதனால், சாதாரண மக்களும், இணையதளத்தை கையாளத் தெரியாதவர்களும் கடுமையாகப் பாதிக்கப்பட்டுள்ளனர்.

இதுநாள் வரை எழுத்துப்பூர்வமாக நுகர்வோர் விண்ணப்பித்து வந்த நிலையில், அரசு உத்தரவு இல்லாமல் திடீரென அறிவிக்கப்பட்டுள்ளது. ஆகவே, ஏழை-எளிய குடும்பங்களைச் சேர்ந்தோர், தொழிலாளர்கள் இணையவசதி குறித்த விழிப்புணர்வோ- தகவலோ யாரிடம் விண்ணப்பிப்பது என்பது குறித்த வழிகாட்டுதல்களோ இல்லாமல் பெரிதும் அவதிக்குள்ளாகி வருகின்றனர்.

இதுகுறித்து, ஈஸ்வரமூர்த்தி கூறுகையில்:- கடந்த ஒரு வாரமாக பெயர் மாற்றம் செய்து தரக் கோரி வருகிறேன். ஆனால், ஆன்-லைனிலேயே மேற்கொள்ளும்படி கூறுகிறார்கள் என்றார்.

இதுகுறித்து வருவாய்த் துறையினரிடம் கேட்டபோது, "ஆன்-லைன் முறையிலேயே மேற்கொள்ள வேண்டும் என்பதன் அடிப்படையில் இதனை நடைமுறைப்படுத்துகிறோம். தமிழக அரசு சுற்றறிக்கையோ அல்லது அரசு உத்தரவையோ தனியாக பிறப்பிக்கவில்லை என்றனர்.

ஜெயலலிதா உடலில் துளைகளா? டாக்டர் சுதா சேஷய்யன் பதில்

By DIN  |   Published on : 07th February 2017 05:15 AM

ஜெயலலிதாவின் உடலைப் பதப்படுத்தும்போது அவரது முகத்தில் பெரிய அளவிலான துளைகள் எதுவும் இல்லை என்று சென்னை மருத்துவக் கல்லூரி உடற்கூறு இயல் துறையின் இயக்குநர் சுதா சேஷய்யன் கூறினார்.
இதுகுறித்து அவர் மேலும் கூறியது:
டிசம்பர் 5-ஆம் தேதி இரவு 11.35 மணியளவில் சுகாதாரத் துறை அமைச்சர் விஜயபாஸ்கர், சுகாதாரத் துறைச் செயலர் ஜெ.ராதாகிருஷ்ணன் ஆகியோரிடம் இருந்து அழைப்பு வந்தது.
ஜெயலலிதா உயிரிழந்த விவரத்தையும், அவரின் உடலை பதப்படுத்துவதற்கான குழுவை அனுப்பும்படியும் இருவரும் கூறினர். அதனைத் தொடர்ந்து சென்னை மருத்துவக் கல்லூரியைச் சேர்ந்த குழுவினரோடு அப்பல்லோ மருத்துவமனைக்குச் சென்றேன்.
மருத்துவமனையில்தான் உடலை பதப்படுத்துவதற்கான பார்மலின் திரவத்தைக் கலந்து தயாரித்தோம். அதன் பின்னர் திரவம் செலுத்தப்பட்டது. உடல் நிறத்தை அவ்வாறே தக்க வைக்கும் வகையில், திரவத்தின் கலவை அளவு மாற்றப்பட்டது.
காலில் குழாய் செருகி...: பதப்படுத்துவதற்கான திரவமானது ரத்தக் குழாய்களில் நிரப்பப்படும். ஜெயலலிதாவுக்கு வலது காலில் சிறிய குழாய் செருகி அதன் வழியாக திரவத்தைச் செலுத்தினோம். சுமார் 15 நிமிஷங்களில் திரவத்தைச் செலுத்தும் பணி நிறைவடைந்தது.
பதப்படுத்துவதற்கான செய்முறைக்கு முன்பாக உடலை ஆராய்ந்தேன். பொதுவாக, உடலில் திசுக்கள் ஏதேனும் சேதமடைந்திருந்தால், அதன் வழியாக பதப்படுத்தும் திரவம் வெளியேறும். ஆனால் அவரின் உடலில் எவ்விதப் பிரச்னையும் இல்லாததால், அதுபோன்று எதுவும் நடக்கவில்லை. அவரது உதடுகளிலும், மூக்கில் மட்டுமே ஓரிரு துளிகள் வெளியேறின. நீண்ட நாள் சிகிச்சை, படுக்கையில் இருந்ததால், அவரது உடலில் சிறிய சிறிய துளைகள் காணப்பட்டன. சமூக வலைதளங்களில் வெளியானது போன்று அவரது முகத்தில் பெரிய அளவிலான துளைகள் எதுவும் இல்லை.
உதடுகள் மட்டும்...: "டிரக்யாஸ்டமி' சிகிச்சை பெற்றவர்களின் உதடுகள் தடித்து காணப்படும். அவ்வாறே அவரது உதடுகள் தடித்து காணப்பட்டன.
முக்கிய நபர்கள் இறந்து, அவர்களது உடலை பொதுமக்கள் அஞ்சலிக்காக வைக்கும்போது உடல் கெட்டுப் போகாமல் இருக்கவும், அஞ்சலி செலுத்த வருவோருக்கு துர்நாற்றம் எதுவும் வீசாமல் இருப்பதற்கும் உடலைப் பதப்படுத்துவது வழக்கம். மறைந்த முதல்வர் எம்.ஜி.ஆரின் உடலும் இதே வகையில்தான் பதப்படுத்தப்பட்டது என்றார்.

செயற்கை நிறமூட்டிகள்... செழிக்கும் வணிகம்... தொலைந்துபோகும் ஆரோக்கியம்! நலம் நல்லது-66

 #DailyHealthDose

வண்ணக் கனவுகள் மட்டும் இருந்தால் போதாது; ஆரோக்கியத்துக்கு, உணவிலும் அவை இருக்க வேண்டும்’ என்கிறது உணவு அறிவியல். சில மணங்களை மனம் ரசிப்பதற்கு, மூளைக்குச் சில நிறங்கள் தேவைப்படுகின்றன. எனவேதான், உணவில் செயற்கை நிறமூட்டும் வணிகம், ஒவ்வோர் ஆண்டும் பல மில்லியன் டாலருக்கு உலக அளவில் நடக்கிறது. இந்த செயற்கை நிறமூட்டிகள் காரணமாக நிச்சயம் செயலிழக்கும் ஆரோக்கியம். இயற்கையாகவே வண்ணம் நிறைந்த காய், கனிகள் நம் உடலுக்கு உரமும் ஊட்டுபவை.



ஹோட்டலில் செக்கச்செவேலென பரிமாறப்படும் தந்தூரி சிக்கனையும் சில்லி சிக்கனையும் சாப்பிட்டுவிட்டு கையை சமையல் பாத்திரத்தைக் கழுவுவதுபோல் எலுமிச்சைச் சாறு, சோப்புத் தண்ணீர் எல்லாம்விட்டுக் கழுவுவோம். அதற்குப் பிறகும் இளஞ்சிவப்பாக ஒட்டியிருப்பது, கோழியில் இருந்தோ, குழம்பில் போட்ட காய்ந்த மிளகாயில் இருந்தோ வந்தது கிடையாது. நம் கண்களைக் கவர அதில் தூவப்பட்டிருக்கும் `ரெட் டை 40’ (Red Dye 40) எனும் ஆசோ டையின் (Azo Dye) எச்சமாக இருக்கலாம்.



பெட்ரோலில் இருந்து பிரித்து எடுக்கப்படும் இந்த ரசாயன நிறமி வகைகள்தான் பஞ்சு மிட்டாய், கேசரி, தந்தூரி சிக்கன்களில் பெருவாரியாகச் சேர்க்கப்படுகின்றன. சிக்கனும், பஞ்சு மிட்டாயும், கேசரியும் ரத்தச் சிவப்பு நிறத்தில் இருந்தால்தான் பிடிக்கும் என்றால், ஒருவேளை நம் ரத்தத்தை வற்றச் செய்யும் புற்றுநோயும் கூடவே வரலாம் என்கின்றன இன்றைய ஆய்வுகள். பல நாடுகள் இந்த நிறமிகளைத் தடை செய்திருக்கின்றன. செயற்கையாக இல்லாமல், இப்படி எத்தனை நிறங்கள் இயற்கை உணவில் இருக்கின்றன என உற்றுப் பார்த்தால் ஆச்சர்யம்!

தாவரம், தன் வளர்சிதை மாற்றத்தில் சேமித்துவைத்திருக்கும் பொருள்தான் இந்தத் தாவர நிறமிகள். `பாலிபீனால்கள் குழுமம்’ என்று தாவரவியலாளர்களால் அழைக்கப்படும் சத்துக்களில்தான் இந்த நிறமிகளைத் தரும் சத்துக்கள் அனைத்தும் அடங்கும். இவை, தாவரம் தன்னை அல்ட்ரா வயலெட் கதிர்களில் இருந்தும், சில கிருமிகளில் இருந்தும் பாதுகாத்துக்கொள்ள உருவாக்கிக்கொண்டவை. மனிதன் அதைச் சாப்பிடும்போது, சர்க்கரை, உயர் ரத்த அழுத்தம், புற்றுநோய், மாரடைப்பு போன்ற தொற்றா நோய்கள் மற்றும் தொற்று நோய்கள் தாக்காதபடி உடலுக்கு நோய் எதிர்ப்பு சக்தியைத் தருவதில் பெரும் பங்கு செலுத்துபவை.



பாலிபீனால் எதில் கிடைக்கும்?

* பால் சேர்க்காத ஒரு கப் தேநீரில் 100 - 150 மி.கி உள்ளது. கிரீன் டீயில் பாலிபீனால் சத்து இதைவிடக் கூடுதலாகக் கிடைக்கும்.

* 100 கிராம் கறுப்புப் பன்னீர் திராட்சையோ, கருநீல நாவல் பழமோ, சிவந்த ஆப்பிளோ, பப்பாளியோ, மாதுளையோ 200 - 300 மி.கி பாலிபீனாலைத் தரக்கூடும். இந்தப் பழங்கள் மிகவும் கனிவதற்கு முன்னர், கொஞ்சம் இளம் காயாக இருந்தால் பீனாலிக் அமிலங்கள் (Phenolic Acids) சற்று அதிக அளவில் கிடைக்கும். அதிகம் பழுக்காத இளம் கொய்யாவை சர்க்கரை நோயாளிகளுக்குப் பரிந்துரைப்பதும், `வாழை இளம் பிஞ்சொழிய கனியருந்தல் செய்யோம்’ என சித்த மருத்துவ நோயணுகா விதி பாடியதும் இதனால்தான்.

* அதே நேரம், ஆந்தோசயனின் (Anthocyanin) எனும் நிறமிச் சத்துக்களோ, நன்கு பழுக்கும்போது பழத்தோலில் உருவாகிறது. எனவே, மாதுளை, பப்பாளி, தக்காளி, மாம்பழம் ஆகியவற்றை நன்கு கனிந்த பின்னர் சாப்பிடுவதே சிறந்தது.



* வெறும் வயிற்றில் வேறு உணவு இல்லாத வேளையில் பழங்கள் உள்ளே சென்றால்தான் மருத்துவப் பயன் தரும் அதன் நிறமிச் சத்துக்கள் முழுமையாக உட்கிரகிக்கப்படும். `டெசர்ட்’ என்ற பெயரில் பழத்தைக் கடைசி பெஞ்சில் உட்காரவைப்பது தவறு.

* சமைப்பதில், சேமிப்பதில் கவனம் இல்லாவிட்டால், இந்த பாலிபீனால்களின் பயனை இழக்க நேரிடும். சிறிய வெங்காயம், தக்காளி, முள்ளங்கி, `ஆந்திரா ஸ்பெஷல் கோங்குரா’ எனும் புளிச்ச கீரை ஆகிய காய்கறிகளிலும், சதகுப்பை முதலான மூலிகைகளிலும் உள்ள `குயிர்செட்டின்’ (Quercetin) எனும் சத்துதான், நம் ரத்த நாளத்தில் கொழுப்புப் படியாமல் இருக்க உதவும் முக்கியமான பாலிபீனால் சத்து. ஆனால், வெங்காயத்தையும் தக்காளியையும் சமைக்காமல் சாலட் ஆகச் சாப்பிடும்போதுதான் முழுப் பயன் கிடைக்கும். வெங்காயத்தை வேகவைக்கும்போது 80 சதவிகிதமும், வறுக்கும்போது 30 சதவிகிதமும் பாலிபீனால்கள் காணாமல்போகும்.



* பாலிபீனால்கள் உட்கிரகிக்கப்பட, நம் சிறுகுடல், பெருங்குடல் பகுதியில் லோக்டோபேசிலஸ் (Lactobacillus) முதலான புரோபயாடிக்ஸ் இருப்பது நல்லது. இது இயல்பாகக் கிடைப்பது மோரில் மட்டுமே. எனவே, சின்ன வெங்காயத்தின் பயன் முழுமையாகக் கிடைக்க வேண்டும் என்றால், வெங்காயத் தயிர் பச்சடியாகவோ, வெங்காயம் தொட்டுக்கொண்டு மோர் சோறாகவோ, மோர் சேர்த்த கம்பங்கூழாகவோ சாப்பிடுவது சிறந்தது.

* வெங்காய பக்கோடா சுவை தரலாம்; ஆனால், சுகம் தராது. அதேபோல் வெங்காயத்தின் வெளி வட்டத்தில்தான் அந்தச் சத்து அதிகம். சுத்தம் செய்கிறேன் பேர்வழி என வெளிப்பக்கம் பூராவையும் உரித்து உரித்து, உள்ளே உள்ள வெள்ளை வெங்காயத்தைச் சாப்பிடுவது புத்திசாலித்தனம் அல்ல.

இயற்கையாக நிறமும் கொடுத்து, உடலுக்கு உரமும் தரும் பொருட்கள் ஏராளமாக இருக்கும்போது அவற்றைச் சாப்பிடுவதே ஆரோக்கியம். அதைவிட்டுவிட்டு செயற்கை நிறமூட்டிகள் பின்னே போவது நம் சுகமான வாழ்க்கையைப் பாழ்படுத்திவிடும். கேக்கில் மூணு அடுக்கு வண்ணம், பிஸ்கெட் பார்டர் ஒரு வண்ணம், உள்ளே க்ரீம் இரண்டு வண்ணம், குளிர்பானத்தில் புது வண்ணம் எனச் சாப்பிடுவது, கொஞ்சமாக பெட்ரோலும் தாரும் குடிப்பதற்குச் சமம்.

தொகுப்பு: பாலு சத்யா

வெற்றி மட்டுமல்ல.. இவைகளிலும் கவனம் இருக்கட்டும்!

 #TransformationTuesday

"வெற்றி"... இந்த நிமிஷம் உலகத்துல பெரும்பாலானவர்கள் மனதில் ஓடிக் கொண்டிருக்கும் வார்த்தை. இந்த நிமிஷம் மட்டுமில்ல வாழ்க்கையோட அனைத்து நிமிடங்களையும் "வெற்றி" என்ற இலக்கை அடையறதுக்காகத்தான் செலவழித்துக் கொண்டிருக்கிறோம். ஆனால், வெற்றிதான் வாழ்வின் ஒரே இலக்கா?, வெற்றி மட்டும்தான் நம் வாழ்க்கையா?. நம் வாழ்க்கையில நம்மை விட முக்கியமான விஷயம் எதுவுமில்லை. ஒரு சின்ன புன்னகையோடு இதைப் படிக்கத தொடங்குங்கள்...



உடல் ஆரோக்கியம்:

உங்க வாழ்க்கைக்கு நீங்கதான் ராஜா. உங்க திறமைய, தகுதிய வேறு யாரும் சொல்லித்தான் நீங்க உணர்ந்துக் கொள்ளணும் என்பதில்லை. ‘நாம ஃபிட்டா இல்லையோ?’ உங்களப் பற்றி நீங்களே தாழ்வா நினைச்சுக்குற உணர்வ முதல்ல விரட்டுங்க. உங்க உடம்பு மேல முதலில் நீங்கதான் அக்கறையா இருக்கணும். அதுக்காக அவசியமான டயட், அத்யாவசிய உடற்பயிற்சினு கொஞ்சம் மெனெக்கெடலாமே. உடல் ஆரோக்கியத்தோட நிறுத்திட்டு, மன ஆரோக்கியத்தை கைவிட்டுடக் கூடாது. இதையெல்லாம் பின்பற்றி உங்களது கனவுகளை நோக்கி ஆரோக்கியமாக பயணியுங்கள். ஏனெனில் உங்களது கனவுகளே அழகான உலகத்தை உங்களுக்கு அளிக்கும்.

உள்ளத்தில் புத்துணர்ச்சி:

நாள் முழுவதும் உங்களைப் புத்துணர்ச்சியாக வைத்துக் கொள்ளுங்கள். உங்களது இயல்பிற்கேற்ப உங்களை நீங்களே புத்துணர்வு செய்து கொள்ளுங்கள். பாடல் கேட்பது மிகவும் பிடிக்குமெனில், உங்களுக்குப் பிடித்த பாடல்களை கேளுங்கள். இல்லை புத்தகப்பிரியர் எனில் அதில் மூழ்குங்கள். இயற்கையை விரும்புபவர் எனில் இயன்ற அளவு இயற்கையை ரசித்துக் கொண்டே நடைப்பயிற்சி மேற்கொள்ளுங்கள்.

நல்லெண்ணங்கள்:

பூவோடு சேர்ந்த நாரும் மணக்கும்னு நாம பள்ளிக்காலத்தில் படித்திருப்போம். உங்களைச் சுற்றி நல்ல பழக்கங்கள் கொண்ட மனிதர்களை வைத்திருங்கள். நல்லெண்ணங்கள் நமக்கு தைரியத்தையும், உத்வேகத்தையும் அளிக்கும். அது உங்களை உற்சாகமூட்டும். உங்களை சுற்றி நடக்கின்ற அனைத்து விஷயங்களையும் உள்வாங்கி, நல்லதை அதிலிருந்து தேர்ந்தெடுத்துக் கொள்ளுங்கள். அப்போது உங்களிடம் சமூகத்தின் மீதான அன்பும், அக்கறையும் ஊற்றெடுக்கும்.



சுயநம்பிக்கை :

மனதிற்குள்ளே ஒரு தோல்வியை எண்ணி நீங்களே உங்களை வருத்திக்கொள்ளாதீர்கள். எதிர்மறையாகவும், தரக்குறைவாகவும் உங்களை நீங்களே வரையறுக்காதீர்கள். தெரியாமல் நீங்கள் தவறு இழைக்கும்போது, உங்களை நீங்களே சிறிது கேலி செய்து கொள்ளுங்கள். அது தவறு மீதான குற்றவுணர்ச்சியை குறைக்கும். தன்னம்பிக்கையூட்டும் வாசகங்களை உங்கள் மனதிற்குள் அசைபோட்டுக் கொண்டே இருங்கள். அவை உங்களுக்குள் ஒரு உத்வேகத்தை ஏற்படுத்தும்.

எதிர்மறை எண்ணங்கள் :

உங்களது முயற்சிக்கு சுற்றியிருப்பவர்கள் பேசும் எதிர்மறையான எண்ணங்களை உங்கள் செவிக்குள் ஏற்றாதீர்கள். எதிர்மறை எண்ணங்கள் உங்களுக்குள் இருக்கும் தன்னம்பிக்கையையும் அழித்து விடும். எப்போதும் புன்னகைத்திருங்கள்.

மன்னிப்பு :

‘மன்னிக்குறவன் மனுஷன்... மன்னிப்பு கேட்குறவன் பெரிய மனுஷன்..." ,"விருமாண்டி" அன்னலட்சுமி சொன்ன இந்த புது மொழி, நிச்சயம் நல்வாழ்க்கைக்கான வழி. மன்னிக்கப் பழகுங்கள், மன்னிப்பு கேட்கவும் பழகிக் கொள்ளுங்கள். இதயம் கனமற்று நிம்மதியாக இருக்கும்.

சுயபரிசோதனை :

உங்களை நீங்களே பரிசோதித்து கொள்ளுங்கள். நாம் செய்கின்ற செயல் சரிதானா? இதனால் யாராவது பாதிக்கப்படுகிறார்களா? என அனைத்து கோணங்களையும் ஆராய முயலுங்கள். அப்போது தெளிவாக எந்த முடிவையும் உங்களால் சுயமாக எடுக்க முடியும். இந்த சுயபரிசோதனை பெரிய முடிவுகளுக்கு மட்டுமல்ல, வீட்டிலிருந்து அலுவலகம் கிளம்பும்போது பொருட்கள் அனைத்தையும் எடுத்துக்கொண்டோமா என்பதிலும் இருக்கலாம்.



நானே எனக்கு தோழன் :

உங்களுடைய முதல் நெருங்கிய தோழராக நீங்களே இருங்கள். இது எவ்வித எதிர்பார்ப்புக்கும் அப்பாற்பட்டதாக அமையும். எப்போதும் உங்களை பற்றி அதிகமாக தெரிந்தவர் நீங்களே என்பதே மறவாதீர்கள். எனவே உங்களிடமே உங்களைப் பற்றி பகிர்ந்து கொள்ளுங்கள்.

வெற்றிக் கணக்குகளை விட்டுத் தள்ளுங்கள். சிரிப்பை அதிகப்படுத்துங்கள். உங்களைச் சுற்றி நிகழும் ஆச்சர்ய கணங்களைத் தவற விடாதீர்கள். உங்களை நீங்களே காதலிக்கத் தொடங்குங்கள். இதோ... அழகான நாளில் காலடி எடுத்து வைக்கிறீர்களே!!!

- வித்யா காயத்ரி. (மாணவப் பத்திரிகையாளர்

இந்தியாவில் 60 சதவிகித போலி வக்கீல்கள்!

சட்டக் கல்வியைக் கூட சரியாக முடிக்காத ஏராளமானோர் போலி பட்டங்களைப் பெற்று நாட்டில் பல நீதிமன்றங்களிலும் பணியாற்றி வருவதாக பல்வேறு குற்றச்சாட்டுகள் எழுந்தன. இச்சம்பவம் தொடர்பாக உச்ச நீதிமன்றமும் கவலை தெரிவித்து இருந்தது.

இதனால் வக்கீல் சங்கமான இந்திய பார்கவுன்சில், போலி வழக்கறிஞர்களை கண்டறியும் செயலில் இறங்கியது. அதன்படி மாநில அளவில் 60 சதவிகித போலி வழக்கறிஞர்கள் செயல்படுவதாக கூறப்பட்டுள்ளது. அதன்படி இந்தியாவிலுள்ள 20 லட்சம் வழக்கறிஞர்களில், 12 லட்சம் பேர் போலியான நபர்கள் என அதிர்ச்சியான தகவல் வெளியாகியுள்ளது. குறிப்பாக வட மாநிலங்களில்தான் போலியான வழக்கறிஞர்கள் அதிகமாக செயல்படுவதாகவும், இவர்களால் ஏராளமான ஏழை எளிய பொதுமக்கள் ஏமாற்றப்படுவதாகவும் தெரியவந்துள்ளது.

இதனைத் தொடர்ந்து எல்லா வழக்கறிஞர்களும் தங்கள் படிப்பு சான்றிதழ், பட்டம் பெற்ற சான்றிதழ் உள்ளிட்ட ஆதாரங்களை தங்கள் மாவட்ட வக்கீல் சங்கத்தில் சரிபார்க்க ஒப்படைக்க வேண்டும் என கூறப்பட்டுள்ளது. பின்னர் மாவட்ட சங்கத்தினர், தேசிய பார் கவுன்சிலுக்கு அனுப்பி வைப்பார்கள். இதன் பின்னரே நாட்டிலுள்ள போலி வழக்கறிஞர்களின் எண்ணிக்கை துல்லியமாக தெரியவரும்.

தமிழகத்தில் என்ன நடக்கிறது என்றே புரியவில்லை: நடிகர் ஆனந்த் ராஜ்

சென்னை: அதிமுக சட்டப்பேரவைக்குழுத் தலைவராக கட்சியின் பொதுச் செயலாளரான வி.கே.சசிகலா ஞாயிற்றுக்கிழமை ஒருமனதாகத் தேர்ந்தெடுக்கப்பட்டார். இதையடுத்து அவர் தமிழக முதல்வராக பதவி ஏற்க இருப்பது குறித்து தமிழகத்தில் என்ன நடக்கிறது என்றே புரியவில்லை என்று நடிகர் ஆனந்த் ராஜ் கூறியுள்ளார்.

ஜெயலலிதாவின் மறைவிற்கு பின்னர் அதிமுகவில் இருந்து வெளியேறிய நடிகர் ஆனந்த் ராஜ், அதிமுக சட்டப்பேரவைக்குழுத் தலைவராக சசிகலா தேர்ந்தெடுக்கப்பட்டது குறித்து செய்தியாளர்களிடம் கூறியதாவது:

தமிழகத்தில் பன்னீசெல்வம் தலைமையில் நல்ல ஆட்சி நடைபெற்று வரும் நிலையில், அதிமுக தற்போது எடுத்துள்ள இந்த முடிவு எதற்கு என்று தெரியவில்லை. எதற்காக இந்த அவசரம் என்றும் புரியவில்லை. யாருக்காக இந்த அவசரம் என்பது மக்களுக்கு புரியவில்லை.

காலாண்டு பரிட்சை எழுதிய பள்ளி மாணவர்களிடம் தமிழகத்தின் முதல்வர் யார் என்றால் 'அம்மா' என்று சொல்லி இருப்பார்கள். அரையாண்டு பரிட்சை எழுதிய மாணவர்களிடம் அதே கேள்வியை கேட்டால் ஓபிஎஸ் என்று சொல்லி இருப்பார்கள். முழு ஆண்டு பரிட்சையில் தமிழக முதல்வர் யார் என்றால் இனிதான் மாணவர்கள் படிக்க வேண்டும்.

ஜனநாயகத்தில் யாரும் அரசியலுக்கு வரலாம். அதனை யாரும் தடுக்க முடியாது. ஆனால், முதல்வர் பொறுப்பு மக்கள் தரும் பொறுப்பு. அந்த உரிமை மக்களுக்கே உள்ளது. அதனை நிதானமாக சிந்தித்து செயல்படுவது அவசியம். தானாக எடுத்துக் கொள்ளக் கூடாது.

இன்று அம்மாவின் ஆன்மா சென்னை கடற்கரையில் உறங்கிக் கொண்டிருக்கிறது. ஆனால், தொடர்ந்து சென்னை கடற்கரைக்கு சோதனை வந்துகொண்டுதான் இருக்கிறது. இதையெல்லாம் பார்க்கும்போது, அம்மா நமக்காக ஏதோ சொல்ல வருவதுபோல் தெரிகிறது. ஜனநாயக முறைப்படி மக்கள் தேர்ந்தெடுத்து ஒருவரை முதல்வராக கொண்டு வந்தால் அவரை முதல்வராக ஏற்றுக் கொள்ளலாம். அதுபோன்று மறுதேர்தல் வந்து அதில் சசிகலா மக்களால் தேர்ந்தெடுக்கப்பட்டால் என்னுடைய முதல்வரும் சசிகலாதான்.

சொத்துக் குவிப்பு வழக்கு மீண்டும் வந்து சசிகலா தண்டிக்கப்படும் போது, மீண்டும் ஓபிஎஸ்தான் முதல்வராக பதவியேற்பார்.

தமிழகத்தில் தற்போது நடந்து கொண்டிருக்கும் சூழ்நிலையை மத்திய அரசு மிக கவனமாக கவனிக்கும் என்று நினைக்கிறேன். ஆளுநர், பலம் வாய்ந்த எதிர்க்கட்சியின் செயல் தலைவராக உள்ள ஸ்டாலின் இதனை நல்ல முறையில் கையாள வேண்டும் என்றும் விரும்புகிறேன் என்று ஆனந்த் ராஜ் தெரிவித்துள்ளார்.

தமிழகத்தின் வரலாறை நினைத்து மு.க.ஸ்டாலின் வேதனை

ஒரு ஓட்டுக்கு, மூன்று முதல்வர்களைச் சந்தித்த வரலாறு தமிழகத்தையே சேரும் என்று எதிர்க்கட்சி தலைவர் மு.க.ஸ்டாலின் வேதனை தெரிவித்தார்.

திருச்சி விமான நிலையத்தில் இன்று எதிர்க்கட்சி தலைவர் மு.க.ஸ்டாலின் செய்தியாளர்களைச் சந்தித்தார். அப்போது அவர், 'ஒரு ஓட்டுக்கு, மூன்று முதல்வர்களைச் சந்தித்த வரலாறு தமிழகத்தையே சேரும். சொத்துக் குவிப்பு மேல்முறையீடு வழக்கில் ஒரு வாரத்தில் தீர்ப்பு வர உள்ளது. அதன்பிறகு, பன்னீர்செல்வம் மீண்டும் தமிழக முதல்வராவார். முதல்வர் பதவிக்கு நடக்கும் போட்டி கேலிக்கூத்தாக உள்ளது. அதிமுக உள்ளாட்சி தேர்தலை தொடர்ந்து, தள்ளிவைக்க எடுக்கும் நடவடிக்கை, அதன் பயத்தை காட்டுகிறது' என்றார்.

இதனிடையே, திருவாரூரில் இன்று செய்தியாளர்களிம் பேசிய மார்க்சிஸ்ட் கம்யூனிஸ்ட் கட்சியின் மாநில செயலாளர் ஜி.ராமகிருஷ்ணன், மக்களின் கருத்துகளுக்கு நேர்மாறாக அதிமுக எம்எல்ஏக்கள் செயல்பட்டுள்ளனர் என்றார்.

மேலும், நந்தினி வழக்கில் காவல்துறையினர் அலட்சியமாக செயல்பட்டதாக அவர் குற்றம்சாட்டினார்.

சசிகலாவுக்கு, டி.ராஜேந்தர் சரமாரி கேள்வி!

தமிழக முதல்வராக பதவியேற்க உள்ள அதிமுக பொதுச் செயலாளர் சசிகலாவுக்கு, லட்சிய திமுக தலைவர் டி.ராஜேந்தர் சரமாரியாக கேள்வி எழுப்பியுள்ளார்.

சென்னை ஆயிரம்விளக்கில் உள்ள அப்போலோ மருத்துவமனையில் அனுமதிக்கப்பட்டிருந்த ஜெயலலிதா, 75 நாள் சிகிச்சைக்கு பின்னர் கடந்த ஆண்டு டிசம்பர் 5-ம் தேதி உயிரிழந்தார். அன்று இரவே முதல்வராக ஓ.பன்னீர்செல்வம் பதவியேற்றுக் கொண்டார். புதிய அமைச்சர்களும் பதவியேற்றுக் கொண்டனர்.

பின்னர், நடந்த அதிமுக பொதுக்குழு கூட்டத்தில் கட்சியின் பொதுச் செயலாளராக சசிகலாவை தேர்ந்தெடுப்பது என தீர்மானம் நிறைவேற்றப்பட்டது. இதையடுத்து, சென்னை ராயப்பேட்டையில் உள்ள கட்சி தலைமை அலுவலகத்தில் சசிகலா, அதிமுக பொதுச் செயலாளராக பதவியேற்றுக் கொண்டார்.

இதனிடையே, அ.தி.மு.க எம்.எல்.ஏ.க்கள் கூட்டம் ராயப்பேட்டையில் உள்ள கட்சி அலுவலகத்தில் நேற்று நடைபெற்றது. அப்போது, அ.தி.மு.க சட்டப்பேரவை தலைவராக சசிகலா தேர்ந்தெடுக்கப்பட்டார். இதனால், முதல்வராக சசிகலா பதவியேற்பது உறுதியானது. இதையடுத்து, முதல்வர் பதவியை ஓ.பன்னீர்செல்வம் ராஜினாமா செய்தார். இதன் கடிதத்தை ஆளுநர் வித்யாசாகர் ராவுக்கு அனுப்பி வைத்தார். அவரது ராஜினாமா கடிதத்தை ஏற்றுக் கொள்வதாக ஆளுநர் இன்று அறிவித்தார். சசிகலா முதல்வராக பல்வேறு தரப்பில் இருந்து எதிர்ப்பு எழுந்து வருகிறது.

இந்த நிலையில், சென்னையில் இன்று செய்தியாளர்களிடம் பேசிய லட்சிய தி.மு.க தலைவர் டி.ராஜேந்தர், அவசர அவசரமாக சசிகலா முதல்வராவதற்கான அவசியம் என்ன என கேள்வி எழுப்பினார்.

சசிகலா மீது சிலர் வெறுப்பு கொள்ளும் நிலை இருக்கிறது என்றும், ஜனநாயகத்திற்கு விரோதமாக சசிகலா முதல்வராவதை மக்கள் ஏற்க மாட்டார்கள் என்றும் கூறினார்.

மேலும், சசிகலா முதல்வராவதை ஜெயலலிதாவின் ஆன்மாகூட ஏற்காது என்றும் டி.ராஜேந்தர் தெரிவித்தார்.

படம்: ஜெரோம்

பன்னீர்செல்வத்தின் ராஜினாமாவை ஏற்றார் ஆளுநர்!

அதிமுக எம்.எல்.ஏக்கள். கூட்டத்தில், சசிகலா அதிமுக சட்டமன்றக் கட்சி தலைவராக தேர்வு செய்யப்பட்டார். இதைத்தொடர்ந்து முதல்வர் பன்னீர்செல்வம், ஆளுநருக்கு ராஜினாமா கடிதம் அனுப்பியிருந்தார். இந்நிலையில், பன்னீர்செல்வத்தின் ராஜினாமாவை ஏற்றுக்கொள்வதாக ஆளுநர் வித்யாசாகர் ராவ் இன்று அறிவித்துள்ளார். மேலும், சசிகலா முதல்வராக பதவி ஏற்கும் வரை பன்னீர்செல்வம் முதல்வர் பதவியில் நீடிப்பார் என்றும், அதுவரை அமைச்சரவையை தொடர வேண்டும் என்றும் ஆளுநர் கோரிக்கை விடுத்துள்ளார்.

எண்கணித அடிப்படையில் புதிய அமைச்சர்கள்? - சசிகலா வியூகம்!

தமிழ்நாட்டில் ஒருவழியாக, சசிகலா தலைமையில் புதிய அமைச்சரவை வரும் 9-ம் தேதி பதவியேற்கும் என்று எதிர்பார்க்கப்படுகிறது. இதற்கு வசதியாக, முதல்வர் ஓ.பன்னீர் செல்வம் தனது பதவியை ராஜினாமா செய்துள்ளார். சொந்த காரணங்களுக்காக தான் பதவி விலகுவதாக தனது ராஜினாமா கடிதத்தில் அவர் தெரிவித்துள்ளார்.

தமிழக ஆளுநர் பொறுப்பு வகிக்கும் வித்யாசாகர் ராவ், டெல்லி சென்றுள்ளார். அவர் இன்று மாலை சென்னை திரும்புகிறார். சென்னை ஆளுநர் மாளிகையில், இன்று இரவோ அல்லது நாளை காலையே முதல்வர் ஓ.பன்னீர் செல்வம் மற்றும் அ.தி.மு.க சட்டமன்றக் கட்சித் தலைவராகத் தேர்வு செய்யப்பட்டுள்ள வி.கே. சசிகலா ஆகியோர் ஆளுநரைச் சந்திக்க உள்ளனர். அப்போது, ஆளுநரிடம் புதிய அரசு அமைக்க தனக்கு அழைப்பு விடுமாறு சசிகலா கேட்டுக் கொள்வார். ஆளுநர் அழைப்பு விடுத்ததும், பதவியேற்கவுள்ள அமைச்சர்களின் பட்டியல் வழங்கப்படும் என்று அ.தி.மு.க வட்டாரங்கள் தெரிவிக்கின்றன.

2016-ம் ஆண்டு சட்டப்பேரவைத் தேர்தலில் ஜெயலலிதா தலைமையிலான அ.தி.மு.க வெற்றிபெற்று மீண்டும் அவரது தலைமையில் ஆட்சி அமைந்தபோது, ஜெயலலிதா முதல்வராகவும், 32 அமைச்சர்களும் பொறுப்பேற்றனர். ஆனால், அதன் பின்னர் எஸ்.பி சண்முகநாதன் அமைச்சரவையில் இருந்து நீக்கப்பட்டு, புதிய அமைச்சராக மாஃபா.பாண்டியராஜன் அமைச்சரானார். ஜெயலலிதா மருத்துவமனையில் அனுமதிக்கப்பட்டு, டிசம்பர் 5-ம் தேதி மாரடைப்பால் மரணம் அடைந்ததும், டிசம்பர் 6-ம் தேதி அதிகாலை ஓ.பன்னீர்செல்வம் தலைமையில் அதே அமைச்சரவை பதவியேற்றுக் கொண்டது. ஜெயலலிதா முதல்வராக இருந்தபோது என்னென்ன துறைகளை எந்தெந்த அமைச்சர்கள் வகித்து வந்தார்களோ, அவர்கள் அனைவரும் அமைச்சரவையில் இடம்பெற்றிருந்தனர். ஜெயலலிதா வகித்த துறைகளுடன் நிதித்துறையையும் ஓ.பன்னீர் செல்வம் வகித்தார்.

தற்போது சசிகலா தலைமையில் அமையவிருக்கும் புதிய அமைச்சரவையிலும் தற்போதுள்ள அனைத்து அமைச்சர்களும் இடம்பெறுவார்கள் என்று கார்டனுக்கு நெருக்கமான வட்டாரங்கள் தெரிவித்துள்ளன. சில அமைச்சர்களின் துறைகளில் மாற்றம் செய்யப்படலாம் என்று தெரிகிறது.

எண்கணித ஜோதிடத்தில் நம்பிக்கை கொண்ட சசி!

சசிகலாவைப் பொறுத்தவரை ஜோதிடம் மற்றும் எண் கணித ஆரூடத்தில் மிகுந்த நம்பிக்கை கொண்டவர். ஒரு கட்டட பூமி பூஜை என்றாலே கார்டனின் ஆஸ்தான ஜோதிடர்களை வரவழைத்து, அவர்கள் சொல்லும் நாள் மற்றம் நேரத்திலேயே ஆரம்பிப்பாராம். ஜெயலலிதா உயிரோடு இருந்தபோதும் இதே நிலைதான். தற்போது ஜெயலலிதா மறைவுக்குப் பின்னர், இரண்டு மாதம் கழித்து, முதல்வராக பதவியேற்க இருப்பதும் ஜோதிடர்களின் கணிப்பின் அடிப்படையிலேயே என்கின்றனர் கார்டன் தரப்பினர். மேலும், ஓ.பன்னீர் செல்வத்திற்கு அவர், முந்தைய ஆட்சியின் போது வகித்த நிதித்துறையே மீண்டும் வழங்கப்படும் என்று தெரிகிறது. தற்போது எஸ்.பி. வேலுமணி வகித்துவரும் நகராட்சி நிர்வாகம் மற்றும் ஊரக வளர்ச்சித்துறை, கோபி தொகுதி சட்டமன்ற உறுப்பினரும், மூத்த நிர்வாகியுமான கே.ஏ. செங்கோட்டையனுக்கு வழங்கப்படும் என்று தெரிகிறது. இதேபோல் தஞ்சாவூரில் இருந்து அண்மையில் போட்டியிட்டு வெற்றி பெற்ற ரங்கசாமிக்கும் அமைச்சரவையில் வாய்ப்பு வழங்கப்பட உள்ளதாக தகவல்கள் வெளியாகி உள்ளன. தவிர, கரூர் தொகுதியில் இருந்து மீண்டும் தேர்ந்தெடுக்கப்பட்டுள்ள செந்தில்பாலாஜிக்கு அமைச்சர் பதவி வழங்கப்படுமா என்பதில் இருவேறு கருத்துகள் உள்ளன. அவர், ஜெயலலிதாவால் ஓரங்கட்டப்பட்டவர். அவரை மீண்டும் அமைச்சரவையில் சேர்ப்பதால் தேவையற்ற சர்ச்சை ஏற்படும் என்று சசிகலா கருதுவதாகவும் தெரிகிறது. என்றாலும் எண் கணித அடிப்படையில் செங்கோட்டையன் தவிர மேலும் 2 அல்லது 3 பேருக்கு அமைச்சர் பதவி அளிக்கப்படலாம் என்று தெரிகிறது. 

இதன்மூலம் சசிகலா தலைமையில் அமையவிருக்கும் புதிய அமைச்சரவையில் அவரையும் சேர்த்து 36 பேர் இடம்பெறுவார்கள் என்று கார்டனுக்கு நெருக்கமான அ.தி.மு.க வட்டாரங்கள் தெரிவித்துள்ளன. இந்த எண்ணிக்கை 9 என்பது குறிப்பிடத்தக்கது.

ஜெயலலிதா இருந்தபோது நடைபெற்ற பதவியேற்பு நடைமுறையைப் பின்பற்றி, சசிகலா முதல்வராக முதலில் தனியாகப் பதவியேற்ற பின்னர், அமைச்சர்கள் அனைவரும் இரண்டு அல்லது மூன்று குழுக்களாகச் சேர்ந்து பதவியேற்பதற்கான ஏற்பாடுகள் நடைபெற்று வருகின்றன. அநேகமாக ஆளுநர் மாளிகையில் வரும் 9-ம் தேதி பதவியேற்பு விழா இருக்கும் என்று எதிர்பார்க்கப்படுகிறது.

-சி. வெங்கட சேது

'முதலில் உங்கள் செல்வாக்கை நிரூபியுங்கள்!'  - சசிகலா தூதுவரிடம் கடுகடுத்த பா.ஜ.க.

#VikatanExclusive

கார்டன் வட்டாரத்தை பெரிதும் அதிர்ச்சிக்குள்ளாக்கியிருக்கிறது அந்நிய செலாவணி மோசடி வழக்கு. மன்னார்குடி உறவுகள் மீதான வழக்குகளை துரிதப்படுத்தத் தொடங்கிவிட்டது மத்திய அரசு. ' மத்திய அரசிடம் நெருங்குவதற்கு கார்டன் தரப்பினர் கடும் முயற்சி மேற்கொண்டுள்ளனர். அவர்களுடைய எதிர்பார்ப்பு நிறைவேறவில்லை' என்கின்றனர் பா.ஜ.க வட்டாரத்தில்.

அ.தி.மு.கவின் புதிய பொதுச் செயலாளர் சசிகலா மற்றும் அவரது அக்கா வனிதாமணியின் மகன் டி.டி.வி.தினகரன் ஆகியோர் மீது, 1996ம் ஆண்டில் அந்நிய செலாவணி மோசடி வழக்குகள் பதிவு செய்யப்பட்டன. இந்த வழக்குகளை சென்னை, எழும்பூர் பொருளாதார குற்றவியல் நீதிமன்றம் விசாரித்து வந்தது. கடந்த ஆண்டு மே மாதம் 18ம் தேதி, இந்த வழக்கில் இருந்து சசிகலாவையும் தினகரனையும் விடுவித்தது நீதிமன்றம். இதனை எதிர்த்து, மத்திய அமலாக்கப் பிரிவு உதவி இயக்குநர், சென்னை உயர் நீதிமன்றத்தில் மனுத்தாக்கல் செய்தார். அந்த மனுவில், ' வெளிநாட்டில் இருந்து சுசிலா என்பவரது பெயருக்கு வந்த 19 லட்சத்து 91 ஆயிரத்து 610 அமெரிக்க டாலரை, சித்ரா என்பவருக்குக் கடனாகக் கொடுத்துள்ளார். இந்தப் பணத்தில் 3 கோடி 52 லட்சத்தை சசிகலாவுக்கு கடனாக கொடுத்துள்ளார். 25 காசோலைகளில் 2 காசோலைகளை வி.என்.சுதாகரன், இளவரசி ஆகியோருக்கு கொடுத்துள்ளார். மீதமுள்ள காசோலைகள் எந்த பெயரும் குறிப்பிடாமல் கொடுக்கப்பட்டுள்ளன. சசிகலாவுக்கு வந்துள்ள பெரும் தொகை, முறையான அனுமதியின்றி வந்துள்ளது. எனவே, இவர் மீதான குற்றச்சாட்டுக்கு போதிய முகாந்திரம் உள்ளது' எனக் குறிப்பிட்டிருந்தார். அதேபோல், தினகரன் விடுவிக்கப்பட்டதை எதிர்த்தும் அமலாக்கத் துறை சார்பில் மனு தாக்கல் செய்யப்பட்டது. இந்த வழக்கில் நேற்று தீர்ப்பளித்த நீதியரசர் சொக்கலிங்கம், பணப் பரிமாற்றம் நடைபெற்றதாக கூறப்படும் நிறுவனங்களின் அன்றாட நிர்வாகத்தில் சசிகலா உள்ளிட்டோர் பங்கெடுத்ததற்கான ஆதாரங்கள் உள்ளன. இதனால் சசிகலா, தினகரன் ஆகியோர் அந்நிய செலாவணி வழக்கை எதிர்கொள்ள வேண்டும். சசிகலா தன்னை விடுவிக்கக் கோரி தாக்கல் செய்த மனுக்கள் தள்ளுபடி செய்யப்படுகின்றன. சசிகலா, தினகரனை விடுவித்து எழும்பூர் நீதிமன்றம் பிறப்பித்த உத்தரவு ரத்து செய்யப்படுகிறது' என உத்தரவிட்டார்.

" நடராசன் மீதான லெக்சஸ் கார் இறக்குமதி வழக்கு வேகம் பிடித்துள்ளது. ஜெயலலிதா உயிரோடு இந்த சமயத்தில் அந்நிய செலாவணி மோசடி வழக்கில் இருந்து விடுவிக்கப்பட்டதைக் கொண்டாடினார் சசிகலா. தினகரன், சுதாகரன் மீதான வழக்குகளும் நெருக்க ஆரம்பித்துவிட்டன. மன்னார்குடி உறவுகளை குறிவைத்து, மத்திய அரசு வலுவாக இறங்கி அடிக்க ஆரம்பித்துவிட்டதை அதிர்ச்சியோடு கவனிக்கிறார் சசிகலாவின் கணவர் நடராசன். ' மோடி நல்லவர்' என பகிரங்கமாக பேசினாலும், மத்திய அரசின் பார்வை கார்டன் பக்கம் திரும்பவில்லை" என விவரித்த பா.ஜ.க நிர்வாகி ஒருவர், " தமிழகத்தில் தாங்கள் நினைத்தப்படி எதுவும் நடக்கவில்லை என்ற ஆதங்கம் மன்னார்குடி உறவுகளுக்கு ஏற்பட்டிருக்கிறது. பன்னீர்செல்வத்திற்கு பிரதமர் அலுவலகம் கொடுக்கும் முக்கியத்துவதை அவர்கள் ரசிக்கவில்லை. ' காங்கிரஸ் பக்கம் நாங்கள் செல்லவில்லை. குடியரசுத் தலைவர் தேர்தலில் உங்களுக்கு ஆதரவு கொடுக்கிறோம். நீங்கள் சொல்வதைக் கேட்கிறோம்' என டெல்லி லாபி மூலம் பா.ஜ.க தலைமைக்கு வேண்டியவர்களிடம் பேசியுள்ளனர் கார்டன் தரப்பினர். இதற்காக அனுப்பப்பட்ட தூதுவரிடம் பேசிய பா.ஜ.க அகில இந்திய நிர்வாகி ஒருவர், ' குடியரசுத் தலைவர் தேர்தலை நாங்கள் ஒரு பொருட்டாகவே எடுத்துக் கொள்ளவில்லை. நாங்கள் நிறுத்தும் வேட்பாளரை நீங்கள் எதிர்த்தால், தி.மு.க எங்களுக்கு ஆதரவு கொடுக்கும். உங்களிடம் மொத்தமாக 5 சதவீத வாக்குகள் இருக்கின்றன. தி.மு.கவிடம் ஒன்றரை சதவீத வாக்குகள் உள்ளன. நவீன் பட்நாயக், நிதிஷ் குமார், சந்திரசேகர ராவ், ஜெகன் மோகன் ரெட்டி ஆகியோர் எங்கள் வேட்பாளருக்கு ஆதரவு கொடுப்பார்கள். நாடாளுமன்றத்தில் மூன்றில் இரண்டு பங்கு பலத்தோடு பா.ஜ.க இருக்கிறது.

பொதுக் கருத்தின் அடிப்படையில்தான் ஜனாதிபதியை தேர்வு செய்வோம். தற்போது எதிரணிகள் ஆளுக்கொன்றாக சிதறிக் கிடக்கிறது. எந்த வகையிலும் எதிர்க்கட்சி உறுப்பினர்கள் வேட்பாளர்களை நிறுத்த மாட்டார்கள். எங்களுக்குத் தேவை, 2019-ம் ஆண்டில் மோடி மீண்டும் பிரதமராக வேண்டும் என்பதுதான். அதற்குத் தேவை, 1998 மற்றும் 99-ம் ஆண்டில் வாஜ்பாய்க்குக் கிடைத்த வெற்றிக் கூட்டணி, பிரதமர் மோடிக்கும் அமைய வேண்டும். இதையொட்டித்தான் அகில இந்திய தலைமை மாநிலங்களில் அரசியல் செய்து வருகிறது. தமிழ்நாட்டில் எங்களுடைய முதல் தேர்வாக தி.மு.க இருக்கிறது. அதனால்தான், பணமதிப்பு நீக்க நடவடிக்கையை கருணாநிதி வரவேற்றதையும் பாராட்டினார் மோடி. அவரது உடல்நிலை குறித்துப் பிரதமர் அக்கறையோடு விசாரிக்கிறார். ஸ்டாலினிடம் நல்ல அணுகுமுறையில் இருக்குமாறு ஆளுநருக்குத் தெரிவித்திருக்கிறோம். அதனால்தான், ஸ்டாலினுக்கும் கருணாநிதிக்கும் பொங்கல் வாழ்த்து சொன்னார் ஆளுநர். தி.மு.க ஒரு பலமான கட்சியாக இருக்கிறது.

'சட்டமன்றத் தேர்தலில் காங்கிரஸால்தான் தி.மு.க தோற்றது' என பா.ஜ.க நிர்வாகிகள் சொன்னதை தி.மு.க நிர்வாகிகள் ஏற்றுக் கொண்டார்கள். சரக்கு சேவை வரி மசோதாவை அ.தி.மு.க எதிர்த்தபோதும், தி.மு.க எங்களை ஆதரித்தது. 2014 மற்றும் 2016-ம் ஆண்டு தேர்தல்களில் அ.தி.மு.க எங்களை ஏமாற்றிவிட்டது. இப்போது நீங்களே பல பிரிவுகளாக சிதறிக் கிடக்கிறீர்கள். தற்போதுள்ள சூழலில், அ.தி.மு.கவில் எந்த அணிக்கு, நாங்கள் ஆதரவாக செயல்படுவது? உங்களை நாங்கள் ஏற்றுக் கொள்ள வேண்டுமென்றால், உள்ளாட்சித் தேர்தலை நடத்தி செல்வாக்கு இருக்கிறது என்பதை நிரூபித்துக் காட்டுங்கள். 'நாங்கள்தான் பலத்தோடு இருக்கிறோம்' என்பதைக் காட்டுங்கள். ' உள்ளாட்சி தேர்தலை நீங்கள் புறக்கணிக்கக் காரணமே, தனி அணியாக தீபா நிற்பதால்தான்' என எங்களுக்கு அறிக்கை வந்துள்ளது. நீங்கள் இன்னமும் காங்கிரஸைக் கழட்டிவிடவில்லை என்பதைத்தான் நாங்கள் நம்புகிறோம்' என எச்சரிக்கும்விதமாகவே பேசியிருக்கிறார். பிரதமரை நெருங்க வேண்டும் என்ற கார்டனின் முயற்சிகள் கைகூடவில்லை" என விவரித்து முடித்தார் அவர்.

லெக்சஸ் வழக்கு, பெரா வழக்கு, சொத்துக்குவிப்பு வழக்கு என கடந்த காலங்களில் ஆடிய ஆட்டத்திற்கான வினைகளை ஒவ்வொன்றாக அனுபவிக்கின்றனர் மன்னார்குடி உறவுகள். சொத்துக் குவிப்பு வழக்கின் தீர்ப்பை பதற்றத்தோடு எதிர்நோக்கிக் கொண்டிருக்கிறார் அ.தி.மு.க பொதுச் செயலாளர் சசிகலா.

-ஆ.விஜயானந்த்

திங்கள் கிழமையை இப்படியும் எதிர்கொள்ளலாம் பெண்களே!

ஞாயிற்றுக்கிழமை' என்றவுடனே மனம் சந்தோஷப்படுவதுபோலவே திங்கள் கிழமை என்று சொன்னவுடனே சட்டென்று ஒரு சுணக்கம் வந்துவிடும். நேற்று ரிலாக்ஸாக இருந்த உடலை, மனதை மீண்டும் சுறுசுறுப்புக்குக் கொண்டு வருவது எளிதல்ல. பெண்களும் இதில் விதிவிலக்கு இல்லையே. பெண்களுக்கு ஞாயிறன்றும் வீட்டு வேலைகள் அதிகளவிலிருந்தாலும் நம்முடைய கணவருக்கு, நம்முடைய பிள்ளைகளுக்கு என அந்த வேலைகளையும் செய்யும்போது அந்த வேலை சுமையாக தெரிந்திருக்காது. அதனால் பெண்களுக்கும் திங்கள் சோர்வு படர்ந்த பொழுதாகத்தான் விடியும்.

சரி, அதற்காக காலண்டரில் திங்கள் கிழமையே இல்லை என்று அறிவித்துவிட முடியாது அல்லவா. அதனால் அதை எதிர்கொள்வதில் வித்தியாசம் காட்டி அசத்தலாம் பெண்களே!

வாரத்தின் ஒரு நாள்தான்: இன்று திங்கள் கிழமை என்பதை கொஞ்சம் மாற்றி, வாரத்தின் முதல் நாள், எனவே உற்சாகத்தோடு வரவேற்போம் என எண்ணுங்கள். மேலும், திங்கள் கிழமையும் வாரத்தின் ஒரு நாள்தான், செவ்வாய்கிழமை எப்படி புறப்படப் போகிறமோ அதேபோல இன்றைக்கும் என நினையுங்கள். இது நம்மை நாமே பழக்கிக்கொள்ளும் ஒரு வகை மனப் பயிற்சிதான். அதனால், பழகப்பழக இது நம் வசமாகும்.

சோம்பலை அனுமதியுங்கள்: திங்கள் கிழமை என்றதுமே சோம்பலை விரட்ட வேண்டும் என நினைத்து, ரொம்ப சீக்கிரமே எழுந்திருத்தல் தொடங்கி எல்லாவற்றிலும் பரப்பரப்பு காட்டுவீர்கள். அது தேவையற்ற பதற்றத்தைத்தான் தரும். எனவே அதைத் தவிர்த்து, இன்று சோம்பலாகத்தான் இருக்கும் என ஒத்துக்கொள்ளுங்கள். அதைத் தவிர்க்காமல் ஆனாலும் குறித்த நேரத்தில் வேலைகளை முடிக்க முடியும் எனும் நம்பிக்கையும் கொள்ளுங்கள்.

புதிய விளையாட்டு: பெண்களுக்கு திங்கள் கிழமையின் பெரும் வேலையே, குழந்தைகளைத் தூக்கத்திலிருந்து எழுப்புவதுதான். ஏனென்றால் நேற்று விடுமுறை நாள் என்பதால் இரவில் அதிக நேரம் டிவி பார்த்துகொண்டு, காலையில் எழுந்திருக்க நேரம் கடத்துவார்கள். அதனால், புதிய விளையாட்டுகளை இன்றிலிருந்து தொடங்குங்கள். முதல் நாளே, அந்த விளையாட்டைப் பற்றி சுவாரஸ்யமாக சொல்லி வைத்துவிடுங்கள். காலையில், உறங்கும் பிள்ளைகளின் காதில் மெதுவாக அந்த விளையாட்டின் பெயரைச் சொன்னதும் துள்ளி எழுவார்கள். அப்படிச் செய்வதன் மூலம் இரண்டு நன்மைகள் உண்டு. ஒன்று நீங்கள் புதிய விளையாட்டுகளைத் தேடித் தெரிந்துகொள்வீர்கள். இரண்டு, நீங்களும் குழந்தைகளுடன் விளையாடி புத்துணர்ச்சியாவீர்கள்.

நேரம் மிச்சமாக்கும் சமையல்: வழக்கமாக பெண்களின் திட்டமிடலைக் காலி செய்வது சமையல்தான். பருப்பு வேகவில்லை. குக்கர் விசில் அடிக்க லேட்டாவது... என ஒவ்வொரு நாளையும் டென்சனாக்குவது சமையல்தான். அதனால், திங்கள் கிழமையில் விரைவாக செய்யும் உணவு வகைகளை மட்டுமே செய்யுங்கள். காலை ஒரு வகையும் மதியத்திற்கு ஒன்றும் எனச் செய்யாமல், இரண்டுக்கும் சேர்த்து ஒரே வகை உணவைச் சமைக்கலாம். வீட்டினர் கேட்டால், 'Monday Special' என்று சொல்லுங்கள். இரண்டு வாரங்கள் கழித்து, அவர்கள் இதற்கு பழகி விடுவார்கள். அல்லது சமையல் செய்ய உதவிகள் செய்ய முன் வருவார்கள். இரண்டில் எதுவானாலும் நல்லதுதான்.

அலுவலகம் செல்வோர்: அலுவலகம் செல்லும் பெண்களுக்கு, வீட்டினரைத் தயார் செய்வது, தான் புறப்படுவது என இரட்டைச் சுமை. அதனால், அலுவலகத்தில் குவிந்திருக்கும் வேலைகளை வீட்டிலேயே நினைக்காதீர்கள். இதுபோலதானே சனிக்கிழமையும் இருந்தது. சமாளித்துக்கொள்ளலாம் என்று தயாராகுங்கள். அலுவலகத்துக்கு சரியான நேரத்துக்கு சென்றாலே முக்கால் பகுதி டென்சன் குறைந்து விடும். அதற்கு என்ன செய்யலாம் என்பதை மட்டும் திட்டமிடுங்கள்.

தித்திக்கும் இனிப்பாகட்டும் திங்கள் கிழமை.

பன்னீர்செல்வத்துக்கு முதல்வர் பதவி வரமா... சாபமா?

முதல்வர் பதவி, ஒ.பன்னீர்செல்வத்துக்கு வரமா? சாபமா? என்ற முடிவுக்கு வரமுடியவில்லை. ஜெயலலிதா முதல்வர் பதவியிலிருந்து விலகும் சூழல் ஏற்படும் போதெல்லாம் முன்னிறுத்தப்பட்டது இவர் தான். 'பதவியை திரும்பக் கொடு' என்று கேட்டாலும் சிரித்துக் கொண்டே கொடுத்துவிட்டுச் செல்வதும் இவர் தான். 'பதவி என்பது தோளில் கிடக்கும் துண்டுப் போன்றது' என்பார் அறிஞர் அண்ணா. அவருடைய இந்த வரி நாவலர் நெடுஞ்செழியனுக்கு பிறகு ஓ. பன்னீர்செல்வத்திற்குத்தான் சரியாகப் பொருந்தி போகிறதோ என்று தோன்றுகிறது. தோளில் கிடக்கிற துண்டைத் தொடர்ந்து நழுவ விடுவதற்கு நிர்பந்திக்கப்பட்டவர் ஒ.பன்னீர்செல்வம். 2001 - ல் இருந்து தேனி மாவட்டம் பெரியகுளம் மற்றும் போடி நாயக்கனுர் தொகுதிகளில் வெற்றிப் பெற்று சட்டமன்றத்திற்கு வந்தவர். பொதுப்பணித் துறை, வருவாய்த் துறை, நிதித் துறை ஆகிய துறைகளின் அமைச்சராகவும் இருந்துள்ளார்.

டான்சி வழக்கு தந்த முதல்வர் பதவி

ஜெயலலிதாவின் நம்பிக்கையைப் பெற்றவர் ஒ. பன்னீர்செல்வம் என்று சொல்வார்கள். 2001 - ல் அமைச்சராக பதவி ஏற்றபோது ஒ.பன்னீர்செல்வம் மானியக் கோரிக்கையைச் சரியாக படிக்காத காரணத்தால் அவையில் இருந்தவர்கள் நகைத்தாகவும் அரசியல் ஆர்வலர்கள் சொல்வார்கள். அதே ஆண்டு டான்சி வழக்கு காரணமாக முதல்வர் பதவியை, ஜெயலலிதா தொடர முடியாத நிலை ஏற்பட்டபோது முதலமைச்சராக பதவி ஏற்றார் ஒ .பன்னீர்செல்வம். 2002 வரை முதல்வராக பதவி வகித்து வந்த ஒ.பன்னீர்செல்வம் ஜெயலலிதாவின் வார்த்தையைத் தட்டாமல் கடைமை ஆற்றினார். பின்னர், டான்சி வழக்கில் இருந்து ஜெயலலிதா நீக்கப்பட்டதும் மீண்டும் முதல்வர் பதவி வேண்டும் என்றார். அப்படியே சிரித்துக் கொண்டே பொறுப்பை ஜெயலலிதாவிடம் ஒப்படைத்தார்.

சொத்துக்குவிப்பு வழக்கு தந்த முதல்வர் பதவி

இதனைத் தொடர்ந்து 1991 - 96 ஆண்டுகளில் ஜெயலலிதா முதல்வராக இருந்தபோது வருமானத்துக்கு அதிகமாக சொத்து வழக்கில் பெங்களூர் சிறப்பு நீதிமன்றம் 2014 - ல் ஜெயலலிதா குற்றவாளி என்று அறிவித்தது. அதன் காரணமாக மீண்டும் பதவியில் இருந்து இறங்கினார். சிறையில் இருந்த ஜெயலலிதா, பன்னீர்செல்வத்தை முதல்வர் பதவியை ஏற்குமாறு கூறினார். ஜெயலலிதாவின் உத்தரவின்படியே ஒ.பன்னீர்செல்வமும் மீண்டும் முதல்வராக பதவி ஏற்றார். பின்னர் 2015 - ஜெயலலிதா சார்பில் மேல் முறையீடு செய்யப்பட்ட மனுவை விசாரித்த நீதிபதி குமாரசாமி சொத்துகுவிப்பு வழக்கில் இருந்து ஜெயலலிதாவை விடுவித்தார். குமாராசாமியின் இந்தத் தீர்ப்பு குறித்து விமர்சனங்கள் எழுந்த நிலையில் வெளியில் வந்த ஜெயலலிதா மீண்டும் முதல்வர் 'பதவியைக் கொடு' என்றதும் சிரித்துக் கொண்டே பதவியைக் கொடுத்தார். இந்த நிலையில் (2016 மே மாதம் ) கடந்த ஆண்டு தமிழநாடு சட்டமன்றத் தேர்தல் நடைபெற்றது.

கண்ணீரில் வந்த முதல்வர் பதவி

அ.தி.மு.க இந்தத் தேர்தலில் வெற்றிப் பெற்று ஆட்சி அமைத்தது. ஜெயலலிதா தலைமையில் ஆட்சி நடைபெற்று வந்த நிலையில் கடந்த செப்டம்பர் 22 - ம் ஜெயலலிதாவுக்கு ஏற்பட்ட உடல்நலக்குறைவு காரணமாக மருத்துவமனையில் அனுமதிக்கப்பட்டார். நலமாக இருக்கிறார் என்று மருத்துவமனை அறிக்கைகள் சொல்லின. 70 நாட்கள் சிகிச்சைப்பெற்று வந்தவருக்கு தீடீரென ஏற்பட்ட மாரடைப்பால் முதல்வர் ஜெயலலிதா மரணமடைந்து விட்டார் என்ற அறிவிப்பை வெளியிட்டனர்.ஜெயலலிதாவின் மரணம் தமிழகத்தில் மிகப்பெரிய அதிர்வலைகளை ஏற்படுத்தியது. ஜெயலலிதா மரண அறிவிப்பை வெளியிட்ட சில மணி நேரங்களில் முதலமைச்சராக ஒ.பன்னீர்செல்வம் பதவி ஏற்றார். அவருடன் அமைச்சர்களும் பதவி ஏற்றனர். இந்த நிலையில் ஜெயலலிதா அறிமுகபடுத்தியவர் என்பதால் பன்னீர்செல்வத்தை முதல்வராக தமிழக மக்கள் ஏற்றுக் கொண்டனர். முதலமைச்சராக ஒ. பன்னீர் செல்வம் இருந்தாலும் அ.தி.மு.க-வின் அசைக்க முடியாத சக்தியாக சசிகலா நடராஜன்தான் செயல்பட்டு வருகிறார் சொல்லபட்டது.

அதனை உறுதிபடுத்தும் விதமாக கடந்த டிசம்பர் 31 - ம் தேதி அ.தி.மு.க-வின் பொதுச் செயலாளராக சசிகலா நடராஜன் பதவி ஏற்று காண்பித்தார். இந்த நிலையில் சசிகலா முதலமைச்சராக பொறுப்பேற்பதற்கான காய்களை நகர்த்தி வருகிறார் என்று தகவல் வெளியானது. இது குறித்து செய்தியாளர்கள் ஒ.பன்னீர்செல்வத்திடம் கேட்டபோது சிரிப்பையே பதிலாக தந்தார். அவருடைய இந்தச் சிரிப்புக்கு பின்னால் மறைந்த உண்மை இதுதான் என்று தற்போது உறுதியாகிட்டது. அதேபோன்று முதல்வர் பதவிக்கான காய்களை சசிகலா நகர்த்தியது உண்மையாகி விட்டது.

ராயப்பேட்டையில் அ.தி.மு.க தலைமை அலுவலகத்தில் (5.2.2017 ) ஞாயிற்றுக் கிழமை நடைபெற்ற அ.தி.மு.க.,வின் எம். எல். ஏக்கள் கூட்டத்தில் கட்சியின் சட்டமன்றக் குழு தலைவராக சசிகலா ஒரு மனதாக தேர்வு செய்யப்பட்டுள்ளார். இதனைத் தொடர்ந்து ஒ.பன்னீர்செல்வம் தனது பதவியை ராஜினாமா செய்துள்ளார். இதன்மூலம் தமிழகத்தின் முதல்வராக சசிகலா - நடராஜன் பதவி ஏற்பது உறுதியாகி விட்டது. பதவியை இப்போதும் சிரித்துக் கொண்டே விட்டுகொடுத்துள்ளார் ஒ.பன்னீர்செல்வம். ஆனால், இந்தச் சிரிப்புக்கு பின்னால் உள்ள அர்த்தம்தான் என்ன என்பது புரியவில்லை. ஜெயலலிதாவுக்காக விட்டுக்கொடுத்த சிரிப்புக்கும் சசிகலாவுக்காக விட்டுக்கொடுக்கும் சிரிப்பும் நிச்சயம் வித்தியாசம் இருக்கக்கூடும்.
இதைப் படிக்கலைனா படிச்சிருங்க ப்ளீஸ்


- கே.புவனேஸ்வரி