இறைச்சி சாப்பிட்டால் ஆபத்து வதந்தி பரப்பிய 4 பேர் கைது
Added : மார் 18, 2020 00:51
சென்னை :''இறைச்சி சாப்பிடுவதால், கொரோனா பாதிப்பு ஏற்படும் என, வதந்தி பரப்பிய, நான்கு பேர் கைது செய்யப்பட்டுள்ளனர்,'' என, கால்நடைத்துறை அமைச்சர், ராதாகிருஷ்ணன் சட்டசபையில் தெரிவித்தார்.
சட்டசபையில் நடந்த விவாதம்:
தி.மு.க., -- வேலு: கொரோனா அச்சுறுத்தல் காரணமாக, முட்டை விலை பாதியாக குறைந்துள்ளது. கோழிப் பண்ணையாளர்களும், கோழிகளுக்கு தீவனம் வாங்க முடியாமல் சிரமப்படுகின்றனர். பாதிக்கப்பட்ட அவர்களுக்கு இழப்பீடு வழங்க, அரசு நடவடிக்கை எடுக்குமா?
அமைச்சர் ராதாகிருஷ்ணன்: இறைச்சி சாப்பிடுவதால், கொரோனா வைரஸ் பாதிப்பு வரும் என, வதந்தி பரப்பட்டுள்ளது. இது தொடர்பாக, நான்கு பேர் கைது செய்யப்பட்டுள்ளனர். இறைச்சி சாப்பிடுவதால், கொரோனா பாதிப்பு வராது. மேலும், இழப்பீடு கோரிக்கை தொடர்பாக, முதல்வருடன் ஆலோசிக்கப்படும்.இவ்வாறு, விவாதம் நடந்தது.
No comments:
Post a Comment