நர்ஸ் கவுன்சிலிங்: ஐகோர்ட் தடை

Added : ஜன 11, 2019 03:42

மதுரை:இன்று துவங்க இருந்த நர்ஸ்கள் இடமாறுதல் கவுன்சிலிங்கிற்கு, உயர் நீதிமன்ற மதுரை கிளை தடை விதித்துள்ளது.

தமிழ்நாடு சுகாதாரத் துறை ஊழியர்கள் நலச் சங்க செயலர், கார்த்திக் தாக்கல் செய்த மனு:நர்ஸ்களுக்கான இடமாறுதல் கவுன்சிலிங், சென்னையில் இன்று நடக்கிறது. இதற்கான அரசின் அறிவிப்பு, விதிமுறைகளை பின்பற்றாமல், அவசரகதியில் பிறப்பிக்கப்பட்டுள்ளது. கவுன்சிலிங்கிற்கு தடை விதிக்க வேண்டும்.இவ்வாறு, மனுவில் குறிப்பிட்டார்.

நீதிபதி, ஆர்.சுப்பிரமணியன், ''இந்நீதிமன்றம் மறு உத்தரவு பிறப்பிக்கும்வரை, கவுன்சிலிங் நடத்த தடை விதிக்கப்படுகிறது. சுகாதாரத் துறை செயலர், மருத்துவ மற்றும் ஊரக சுகாதார சேவைகள் இயக்குனருக்கு நோட்டீஸ் அனுப்பப்படுகிறது,'' என்றார்.