பெங்களூரில் 2வது நாளாக தொடரும் மழை.. வெள்ளம் சூழ்வதால் மக்கள் அச்சம்

பெங்களூர்: கர்நாடக மாநில தலைநகர் பெங்களூரில் தொடர்ந்து 2வது நாளாக பெய்த கன மழையால் நகரின் பல இடங்களில் வெள்ளம் பெருக்கெடுத்து ஓடுகிறது.

பெங்களூரில் நேற்று இரவு விடிய, விடிய கன மழை பெய்தது. 24 மணி நேரத்தில் பெங்களூரு இந்துஸ்தான் ஏரோநாடிகல் லிமிடட் மையத்தில் 14.4 செ.மீ., மழையும் சிட்டி ரயில் நிலையம் பகுதியில் 12.9 செ.மீ அளவு மழையும் பெய்திருந்தது. கடந்த 10 ஆண்டுகளில் இல்லாத அளவிற்கு மழை கொட்டித் தீர்த்தது.

இந்த கன மழைால் பெங்களூரின் பல பகுதிகளில் வீடுகளுக்குள் தண்ணீர் புகுந்தது. பல இடங்களில் 5 அடி வரை தண்ணீர் தேங்கியது. மக்கள் வீட்டை விட்டு வர முடியாமல் அவதிப்பட்டனர். கனமழைக்கு தமிழகத்திலிருந்து சென்று பெங்களூரில் வேலை பார்க்கும், ஐடி ஊழியர்கள் கணிசமாக வசிக்கும் கோரமங்களா பகுதி மிகவும் பாதிக்கப்பட்டது.

பல இடங்களில் மரங்கள் சாய்ந்தன. நகரின் பல பகுதிகளிலும் பல மணி நேரத்திற்கு போக்குவரத்து பாதிக்கப்பட்டன. ஹெச்.எஸ்.ஆர் லேஅவுட், சாந்திநகர், வில்சன் கார்டன், கே.ஆர்.புரம், அல்சூர், விவேக் நகர், முருகேஷ் பாள்யா, பழைய விமானநிலைய சாலை, குர்ரப்பனபாளையா, பன்னேருகட்டா சாலை, பொம்மனஹள்ளி, ஆடுகோடி, மடிவாளா, சிக்கலட்சுமைய்யா லேஅவுட் உள்ளிட்ட பகுதிகளில் திடீர் மழையால் பெருகிய வெள்ளம் பெரும் பாதிப்பை ஏற்படுத்தியது. தெருக்களில் முழங்கால் அளவு நீர் தேங்கியது. தொடர்ந்து தொல்லை தரும் பெல்லந்தூர் ஏரியில் நுரைமூட்டம் மிகவும் அதிகரித்தது.

இந்த நிலையில் இன்று மதியத்திற்கு பிறகு சூரியன் வெளிப்பட்டது. ஆனால், இரவானதும் மழை கொட்ட ஆரம்பித்தது. இதனால் இரவில் வெள்ளப்பெருக்கு ஏற்படுமோ என்ற அச்சத்தில் மக்கள் உள்ளனர். இன்னும் 2 நாட்களுக்கு மழை நீடிக்கும் என வானிலை மையம் எச்சரித்துள்ளது. பெங்களூரின் அருகேயுள்ள தமிழக தொழில் நகரமான ஒசூரிலும் மழையால் வெள்ள பாதிப்பு ஏற்பட்டுள்ளது குறிப்பிடத்தக்கது.

source: oneindia.com

Dailyhunt

ராமநாதபுரத்தில் சுதந்திர தினத்தைக் கொண்டாடுவதில் அலட்சியம் காட்டிய அரசியல்வாதிகள்!

ராமநாதபுரம் மாவட்டத்தில் நேற்று நடந்த சுதந்திர தின விழாவில் மாவட்டத்தில் உள்ள 4 தொகுதிகளின் பிரதிநிதிகளும் பங்கேற்கவில்லை. தொகுதி அமைச்சரும் ராமநாதபுரம் எம்.எல்.ஏ-வுமான மணிகண்டன் முதல்வர் பங்கேற்ற நிகழ்சியில் பங்கேற்ற நிலையில் மற்றவர்களான பரமக்குடி முத்தையா, திருவாடானை கருணாஸ் ஆகிய இருவரும் எங்கே சென்றார்கள் எனத் தெரியவில்லை. முதுகுளத்தூர் காங்கிரஸ் எம்.எல்.ஏ பாண்டி தனது தொகுதியில் தேசிய கொடி ஏற்றினார். அங்கும் பிரச்சனைதான். கொடியேற்ற விழாவை ஏற்பாடு செய்தவர்கள் தேசிய கொடியினை தலைகீழாக கட்டி வைக்க இதனை அறியாத எம்.எல்.ஏ பாண்டி, கொடியை அப்படியே ஏற்றி விட்டார். பின்னர் அதனை கீழிறக்கி சரி செய்து மீண்டும் ஏற்றி வைத்தார்.

அரசியல்வாதிகள்தான் இப்படி என்றால் அதிகாரிகள் அதற்கு ஒரு படி மேலாக சென்று தேசியக் கொடியை அவமதித்து உள்ளனர். சாயல்குடி காவல் நிலையத்தில் தேசிய கொடி ஏற்றுவதற்கு என தனி கொடி கம்பம் நல்ல நிலையில் உள்ளது. ஆனால் அதை விடுத்து, காவல் நிலைய கட்டடத்தின் மேல் இருந்த சிறு கம்பி ஒன்றில் தேசியக் கொடியினை கட்டி தங்கள் தேசப் பற்றை வெளிகாட்டியுள்ளனர்.


Dailyhunt

பள்ளி சுதந்திர தின விழாவில் சாக்லேட்டுக்கு பதில் கடலை மிட்டாய்!

காரைக்குடி, தேவகோட்டையில் உள்ள சேர்மன் மாணிக்கவாசகம் அரசு உதவி பெறும் நடுநிலைப் பள்ளியில் நடைபெற்ற சுதந்திர தின விழாவில் சாக்லெட்டுக்கு பதில் கடலை மிட்டாய் வழங்கப்பட்டது.

சேர்மன் மாணிக்கவாசகம் அரசு உதவி பெறும் நடுநிலைப் பள்ளியில் நடைபெற்ற சுதந்திர தின விழாவில் மாணவர்கள், ஆசிரியர்கள், பெற்றோர்கள் என அனைவருக்கும் சாக்லேட் தவிர்த்து கடலை மிட்டாய் இனிப்பு வழங்கப்பட்டது. இதுபற்றி பள்ளித் தலைமை ஆசிரியர் சொக்கலிங்கம் பேசும்போது, "இப்பள்ளியில் தொடர்ந்து பல ஆண்டுகளாக மாணவர்களின் பிறந்த நாள்களுக்கு அவர்களே, சாக்லேட் தவிர்த்து கடலை அச்சு மிட்டாய் இனிப்பாக வழங்கி வருகின்றனர். இப்பள்ளியில் சாக்லேட்டுகளுக்கு இடம் கிடையாது. நமது ஊர் பொருளைத்தான் நாம் பயன்படுத்த வேண்டும். அதனால்தான் மாணவர்களுக்குக் கடலை மிட்டாய் கொண்டு வர வேண்டும் என அறிவுறுத்தப்பட்டுள்ளது. மாணவர்களும் சாக்லேட்டை தவிர்த்து கடலை மிட்டாய் வாங்குவதில் ஆர்வம் காட்டுகின்றனர். மாணவர்களின் உடலுக்குக் கடலை மிட்டாய் நல்லதும் கூட" என்றார்.

Dailyhunt

ஆடி கடைசி செவ்வாய்... குமரி மாவட்ட அம்மன் கோயில்களில் அலைமோதிய கூட்டம்!

ஆடி கடைசி செவ்வாய் கிழமையை முன்னிட்டு குமரி மாவட்ட அம்மன் கோயில்களில் சிறப்பு வழிபாடுகள் நடைபெற்றன.

ஆடி கடைசி செவ்வாய்கிழமையில் குமரி மாவட்டத்தில் உள்ள அம்மன் கோவில்களில் விஷேச பூஜைகள் நடைபெற்றன. கன்னியாகுமரி மாவட்டத்தில் அவ்வையாருக்கு தனி கோயில்கள் உண்டு. தாழக்குடி அருகேயுள்ள அவ்வையார் அம்மன் கோயிலில் பெண்கள் கூட்டம் அதிகமாக வந்து அம்மன் அருள் பெற்று சென்றனர். அங்கு குமரி மற்றும் கேரள பகுதிகளில் இருந்து வாகனங்களில் வந்து பெண்கள் கோயில் வளாகத்தில் கூழ், கொழுக்கட்டை, சர்க்கரை பொங்கல் போன்றவை தயாரித்து அம்மனுக்கு படைத்து வழிபட்டனர். கோயிலில் பெண்கள் நீண்ட வரிசையில் காத்து நின்று அவ்வையார் அம்மனை வழிபட்டனர்.

நாகர்கோவிலில் இருந்து இறச்சகுளம் வழியாகவும், செண்பகராமன்புதூர் வழியாகவும் சிறப்பு பஸ்கள் அவ்வையார் அம்மன் கோயிலுக்கு இயக்கப்பட்டன. குமரி மாவட்டத்தில் உள்ள அம்மன்களுக்கு சிறப்பு அபிஷேகம், அலங்கார தீபாராதனை மற்றும் அன்னதானம் நடந்தன. பிரசித்தி பெற்ற முப்பந்தல் இசக்கி அம்மன், கன்னியாகுமரி பகவதி அம்மன் கோயில், கொட்டாரம் முத்தாரம்மன் கோயில், சந்தனமாரியம்மன் கோயில், சுசீந்திரம் முன்னுதித்த நங்கை அம்மன் கோயில், மண்டைக்காடு பகவதி அம்மன் கோயில், வடிவீஸ்வரம் அழகம்மன், வடசேரி காமாட்சி அம்மன் உட்பட மாவட்டத்தில் உள்ள அனைத்து அம்மன் கோயில்களிலும் சிறப்பு பூஜைகள், அபிஷேக ஆராதனை வழிபாடுகள் நடந்தன. இதனால் அம்மன் கோயில்களில் கூட்டம் களைகட்டியது. குமரி மாவட்ட பக்தர்களின் வசதிக்காக சிறப்பு பஸ்களும் இயக்கப்பட்டன.

Dailyhunt

விதிமுறையை மதிக்க முடியாது...வெளியேற துணிந்த ரைசா...

பிக் பாஸ் வீட்டில் பகல் நேரத்தில் தூங்கிக்கொண்டிருப்பவர் ரைசா தான். பிக் பாஸ் வீட்டு நாய் அதிகமாக இவர் தூங்குவதால்தால்தான் குறைக்கும் என்பது பலருக்கும் தெரிந்த விஷயம்தான்.

இத்தனை நாட்கள் இவர் தூங்கும்போது பெரிதாக கண்டுகொள்ளாமல் இருந்த பிக் பாஸ், இன்று இது குறித்து பேச ரேசாவை பிக் பாஸ் அறைக்குள் ரைசாவை அழைத்து. பிக் பாஸ் அறைக்கு சென்ற அவரிடம் பகலில் தூங்க கூடாது என்பது விதிமுறை ஏன் அதனை நீங்கள் பின்பற்ற மறுக்கிறீர்கள் என கேள்வி எழுப்பப்பட்டது.

இத்தனை கூறியதும் மிகவும் கோபமான ரைசா, என்னை தூங்க விடவில்லை என்றால் என்னை இந்த வீட்டை விட்டு வெளியே அனுப்பிவிடுங்கள் என பிக் பாஸ் அறையில் கூறிவிட்டு வெளியே வருகிறார். இந்த வீதியை மீறியதால் ரைசா வெளியேற்ற படுவாரா அல்லது தண்டிக்க படுவாரா என்பது இன்றய நிகழ்ச்சியில் தான் தெரியவரும்.
Dailyhunt

"கமலின் பேச்சு எடப்பாடியின் பலவீனத்தை காட்டுகிறது" - கேப்பில் கிடா வெட்டும் நாஞ்சில் சம்பத்!!

தமிழகத்தில் ஊழல் நடைபெறுவதாக கூறும் கமலஹாசன் ஆதாரங்களை வெளியிட வேண்டும் எனவும், அவரின் இத்தகைய குற்றசாட்டுகள் முதலமைச்சரின் பலவீனத்தை காட்டுகிறது எனவும் டிடிவி ஆதரவாளர் நாஞ்சில் சம்பத் தெரிவித்துள்ளார்.

தமிழகத்தில் ஊழல் அதிகரித்திருப்பதாகவும், சிஸ்டம் சரியில்லை எனவும் கமலஹாசன் அன்மை காலங்களில் விமர்சித்து வந்தார்.

அதன்படி தற்போது 3 டுவிர்களை பதிவு செய்துள்ளார். அதில், எனது குரலுக்கு வலு சேர்க்க யாருக்கு துணிச்சல் உள்ளது எனவும், தமிழ்நாடு சிறப்பாக இருக்க வேண்டும் என்பதே எமது இலக்கு எனவும் தெரிவித்துள்ளார்.

மேலும், ஒரு மாநிலத்தில் ஊழல், துயர சம்பவங்கள் நடந்தால் மாநில முதலமைச்சர் பதவியை ராஜினாமா செய்ய வேண்டும் எனவும், ஊழலில் இருந்து நாம் இன்னும் சுதந்திரம் பெறாத நிலையில் நாம் இன்னும் அடிமைகளே எனவும் கமலஹாசன் தெரிவித்துள்ளார்.

இந்நிலையில், செய்தியாளர்களை சந்தித்த நாஞ்சில் சம்பத், தமிழகத்தில் ஊழல் நடைபெறுவதாக கூறும் கமலஹாசன் ஆதாரங்களை வெளியிட வேண்டும் எனவும், அவரின் இத்தகைய குற்றசாட்டுகள் முதலமைச்சரின் பலவீனத்தை காட்டுகிறது எனவும் தெரிவித்தார்.

மேலும், கமலஹாசன் அதிமுக மீது தொடர்ந்து இதுபோன்ற குற்றச்சாட்டுகள் வைப்பது எந்த வகையில் நியாயம் எனவும் கேள்வி எழுப்பியுள்ளார்.

Dailyhunt

அரசியலுக்கு வந்த பிறகு பேச வேண்டும் - கமலுக்கு மாஃபா அட்வைஸ்.

நடிகர் கமலஹாசன் அரசியலுக்கு வந்த பிறகு அரசு குறித்து கருத்து கூற வேண்டும் எனவும் அவர் அரசியலுக்கு வந்தால் வரவேற்போம் எனவும் ஒபிஎஸ் அணியின் மாஃபா பாண்டியராஜன் தெரிவித்துள்ளார்.

தமிழகத்தில் ஊழல் அதிகரித்திருப்பதாகவும், சிஸ்டம் சரியில்லை எனவும் கமலஹாசன் அன்மை காலங்களில் விமர்சித்து வந்தார்.

அதன்படி தற்போது 3 டுவிர்களை பதிவு செய்துள்ளார். அதில், எனது குரலுக்கு வலு சேர்க்க யாருக்கு துணிச்சல் உள்ளது எனவும், தமிழ்நாடு சிறப்பாக இருக்க வேண்டும் என்பதே எமது இலக்கு எனவும் தெரிவித்துள்ளார்.

மேலும், ஒரு மாநிலத்தில் ஊழல், துயர சம்பவங்கள் நடந்தால் மாநில முதலமைச்சர் பதவியை ராஜினாமா செய்ய வேண்டும் எனவும், ஊழலில் இருந்து நாம் இன்னும் சுதந்திரம் பெறாத நிலையில் நாம் இன்னும் அடிமைகளே எனவும் கமலஹாசன் தெரிவித்துள்ளார்.

இதற்கு அதிமுகவை சேர்ந்த அமைச்சர்களும் நிர்வாகிகளும் கடும் எதிர்ப்பு தெரிவித்து வருகின்றனர்.

இந்நிலையில் செய்தியாளர்களை சந்தித்த ஒபிஎஸ் அணியின் மாஃபா பாண்டியராஜன், நடிகர் கமலஹாசன் அரசியலுக்கு வந்த பிறகு அரசு குறித்து கருத்து கூற வேண்டும் எனவும் அவர் அரசியலுக்கு வந்தால் வரவேற்போம் எனவும் தெரிவித்தார்.
Dailyhunt

How Sarahah app can be exploited by bullies or worse, terrorists?

By Sushmitha Ramakrishnan  |  Express News Service  |   Published: 15th August 2017 01:22 AM  |  

  

CHENNAI: If you have been active on Facebook in the recent days, you could not have missed Sarahah, an anonymous messaging app that has attracted massive interest with over 10 million downloads worldwide.

While it has sparked an active dialogue about cyber bullying, how does one seek legal help against a bully whose identity is unknown? Can this app be misused by terrorists and anti-social elements?

The police’s cyber crime cell admits that there is only limited help they can offer. Sarahah lets you send messages to users anonymously, and unlike other messaging apps, the user cannot reply to the senders or find their identity. “On platforms where the phone number is not recorded, we have to track the IP address from which the user sent abuses,” said a senior official from the cyber crime cell in Chennai.

Tracking the IP address of an anonymous sender is a tedious task, as the police department would have to contact the app creator over mail requesting data. It is at the discretion of the app creator to divulge the identity. Sarahah, for instance, is an app created by a Saudi Arabian developer Zain al-Abidin Tawfiq. “We can legally place a request only if the sender uses an Indian IP address,” the official said.

This means that an abuser from abroad cannot be traced without reaching out to foreign governments.

According to Na Vijayashankar, an expert in the field of laws governing the cyber society, terrorists can use this loophole to communicate across countries and even use it for intimidation.

“Anonymity acts as booster as one has no information about the sender, unless two governments interacts,” he said, adding that it will touch sensitive lines between privacy and security.

To counter such crimes, Vijayashankar suggested the concept of “regulated anonymity” where a trusted body collates information, which can be accessed by international governments for conflict resolution. “This would help preserve the democratic principles of privacy protection in cyber space along with the need of the law enforcement mechanism to be able to prevent misuse of ‘privacy’ as a cover for cyber crimes.”

He added that unless messages on anonymous platforms such as Sarahah threaten national security, it would be unrealistic to expect law to assist victims of cyber bullying.

According to Sarahah’s website, the app is supposed to help you discover your strengths and areas for improvement by receiving honest feedback from your employees and friends privately. While many use it to confess feelings anonymously, hate messages have been rampant on the platform.

“An anonymous user called me a gold-digger on Sarahah. I work multiple jobs to pay for my needs, and always insist on paying my share when I go out. I could ignore shallow comments on my appearance, but I was shaken by people targeting my integrity,” said Rochelle Stephen, a student and a model.

People have also taken to ‘slut-shaming’ women on the platform. Targets of such hate messages have the choice of keeping the message to themselves or respond to it only by sharing it on social media platform hoping that the sender sees it.

“This also poses the risk of creation of a virtual identity. Abusers unleash their dark side under the hood of anonymity, and victims develop a wrong self image that either boosts or shames their personality,” said Vivian Kapil, a psychiatrist. He added that people who recognise themselves as vulnerable must not take to such platforms where they put themselves up for anonymous public opinion. “This contradicts the popular opinion that familiarity breed contempt,” he said.

Thiruvananthapuram Medical College panel finds doctors not at fault

By Express News Service  |   Published: 14th August 2017 02:18 AM  |  

Trivandrum Medical College Hospital: Image courtesy to WikiMedia Commons

THIRUVANANTHAPURAM: The Thiruvananthapuram Medical College authorities have reiterated there were no lapses on the college’s part in the death of Murugan, the migrant worker from Tamil Nadu who died after he was denied treatment from various hospitals.     

The investigation committee constituted under the Medical College superintendent Joby John submitted its report to the Directorate of Medical Education stating the doctors of the medical college were not in the wrong in the incident.The assessment report said Murugan was given care as per the treatment protocol.

It said no ventilator was vacant when Murugan was brought to the hospital. Doctors in charge of intensive care went to the ambulance and examined him. It was found the patient’s condition was critical

“Those who accompanied the patient (Murugan) were given two options - either take him to a hospital where ventilator was vacant or go ahead with the Ambu Bag facility which the hospital could arrange. Those accompanying the patient did not reply to the Ambu Bag arrangement,” it said.

Pedestrian subway construction delays trains

By Express News Service  |   Published: 14th August 2017 01:20 AM  |  

CHENNAI: Construction work on a pedestrian subway between East and West Tambaram delayed trains passing through the area by a few hours on Saturday night.
The construction work slowed down due to a sudden downpour, which halted power supply for the tunneling work.

Pedestrians cross railway
tracks near the site of the
subway, under construction
in Tambaram

The ambitious project, which employs more than 600 workers, involves tunneling under four railway tracks to connect a bus stop in West Tambaram to the bus stop on the other side near Fathima Church. Labourers at the project site claimed they had managed to tunnel under two of the four tracks during Saturday night.

On completion, the subway will allow pedestrians to cross from West to East Tambaram without using the railway overbridge, which is the only safe alternative.

“Lots of people cross the railway  tracks to reach the other side and put themselves in unnecessary danger,” said a railway official wishing to remain anonymous. “Since the tracks have been re-laid in the morning, trains are running on schedule,” he said while inspecting the tracks.

The stretch of railway track which sees many daily commuters crossing over to Irumbuliyur town on the other side, is covered with shrubbery. Scampering pedestrians avoiding fast trains is also a common sight here.

“Once the subway is completed, we won’t have to cross the tracks,” said Shanthi, who was crossing the tracks with her family.  Work on the subway is expected to resume on Monday evening.

வாக்காளர் பட்டியலில் திருத்தம் செய்ய 'ஆண்ட்ராய்டு ஆப்' - தேர்தல் ஆணையம் அசத்தல்

வாக்காளர் பட்டியலில் பொதுமக்கள் தங்களது பெயரைச் சேர்க்கவும் முகவரி உள்ளிட்ட விவரங்களைத் திருத்தம் செய்துகொள்வதற்கும் இந்தியத் தேர்தல் ஆணையம் ஈரோ-நெட் (ERO-NET) என்ற இணையதளம் மற்றும் 'ஆண்ட்ராய்டு ஆப்'-ஐ அறிமுகம்செய்திருக்கிறது. 

புதுச்சேரி ரெட்டியார்பாளையத்தில் உள்ள மாநிலத் தேர்தல் அலுவலகத்தில், இந்த 'ஆப்'-ஐ மாநிலத் தேர்தல் ஆணையர் கந்தவேலு அறிமுகப்படுத்தினார்.அப்போது பேசிய அவர், ''தவறு இல்லாத வாக்காளர் பட்டியல்தயாரிக்கவும், நாடு முழுவதும் உள்ள வாக்காளர் பதிவு அதிகாரிகள் ஒருவருக்கொருவர் தொடர்புகொள்ளவும் இந்த 'ஆப்' உதவியாக இருக்கும்.மேலும், வாக்காளர்கள் தங்களது விண்ணப்பத்தை National Voters Service Porters ( www.nvsp.in ) என்ற இணையதளத்தில் பதிவுசெய்ய முடியும். அப்படிப் பதிவுசெய்யப்படும் விண்ணப்பங்கள் UNPER (Unified National Photo Electoral Rolls) என்ற தகவல் அறையில் பராமரிக்கப்படும். அனைத்து மண்டல மொழிகளிலும் இந்த 'ஆப்' செயல்படும். இதன்மூலம் வாக்காளர்கள் தங்கள் பெயரைச்சேர்த்தல், திருத்துதல், முகவரி மாற்றம் போன்றவைகளுக்கு விண்ணப்பிக்கலாம். அப்படி விண்ணப்பித்தவுடன்அவருக்கு ஒரு தனிப்பட்ட எண் அவரது செல்போனுக்கு வரும்.அந்த எண்ணைக்கொண்டு அந்த விண்ணப்பத்தின் பல்வேறு நிலைகளைத் தெரிந்துகொள்ளலாம். மேலும் வாக்காளருக்கும், தேர்தல் அதிகாரிகளுக்கும் ஒவ்வொரு கட்டத்திலும் அந்த விண்ணப்பத்தின் அப்போதைய நிலை எஸ்.எம்.எஸ். மூலம் தெரிவிக்கப்படும்.

அதிகாரிகள், வாக்காளர் பட்டியலைப் பராமரிக்கவும், வாக்குச்சாவடிகளை நிர்வகிக்கவும் மற்ற மாநில வாக்காளர் பதிவு அதிகாரிகளை எளிதில் தொடர்புகொண்டு, சேர்த்தல், திருத்துதல், முகவரி மாற்றம் போன்ற பணிகளைச் செய்யும் விதமாக உருவாக்கப்பட்டிருக்கிறது. இதன்மூலம் தவறுகள் மற்றும் ஒன்றுக்கும் மேற்பட்ட இடங்களில் பதிவுசெய்வது தவிர்க்கப்படும். மேலும், ஆண்டு முழுவதும் வாக்காளர் பட்டியலில் திருத்தம் செய்துகொள்ளலாம். இந்த வசதியை இணையதளம் மூலமாகவும் 'ஆண்ட்ராய்டு 'ஆப்' மூலமாகவும் பயன்படுத்திக்கொள்ளலாம். கூகுள் ப்ளே ஸ்டோர் மூலமாகவும் பதிவிறக்கம் செய்துகொள்ளலாம்" என்றார்.

மாவட்ட செய்திகள்

விடுமுறை முடிந்து திரும்பி செல்வதால் சேலம் புதிய பஸ் நிலையத்தில் அலைமோதிய பயணிகள் கூட்டம்



விடுமுறை முடிந்து திரும்பி செல்வதால் சேலம் புதிய பஸ் நிலையத்தில் அலைமோதிய பயணிகள் கூட்டம்
ஆகஸ்ட் 16, 2017, 04:15 AM
சேலம்,

தமிழகத்தில் கடந்த சனிக்கிழமை(12-ந் தேதி) முதல் நேற்று செவ்வாய்க்கிழமை வரை தொடர்ந்து 4 நாட்கள் அரசு விடுமுறை தினமாகும். அதாவது 14-ந் தேதி கிருஷ்ணஜெயந்தி, 15-ந் தேதி சுதந்திரதினம் விடுமுறை ஆகும். தொடர்ந்து 4 நாட்கள் விடுமுறை என்பதால் பணி நிமித்தமாக குடும்பத்துடன் வெளியூர்களில் தங்கி இருப்பவர்கள் சொந்த ஊரான சேலம் மாவட்டத்தின் பல்வேறு பகுதிகளுக்கு வந்திருந்தனர். நேற்றுடன் விடுமுறை முடிந்ததால், சேலம் வந்திருந்த அனைவரும் மீண்டும் பணிநிமித்தமாக வெளியூர் செல்ல வேண்டிய கட்டாயம் ஏற்பட்டது. இதனால் ஊர் செல்ல விரும்பும் பயணிகள் குடும்பத்துடன் சேலம் புதிய பஸ் நிலையத்தில் நேற்று மாலை முதல் இரவு 10 மணிவரை அலைகடலென திரண்டனர். இதனால் பஸ் நிலையத்தில் கூட்டம் அலைமோதியது.

கூட்டம் அதிகமாக இருப்பதை கண்டு, அரசு போக்குவரத்து கழகம் சார்பில் சென்னை, பெங்களூர் போன்ற முக்கிய நகரங்களுக்கு கூடுதல் பஸ்களை இயக்கப்பட்டது. இதனால் பஸ்நிலையத்தில் இடநெருக்கடி ஏற்பட்டது. வெளியூர் செல்லும் பயணிகளுக்கு பஸ் நிலையத்தில் டிக்கெட் கவுன்ட்டரில் டோக்கன் வழங்கப்பட்டது. சேலம் ஜங்சன் ரெயில் நிலையத்திலும் வழக்கத்தை விட பயணிகள் கூட்டம் அதிகமாக காணப்பட்டது.

பெங்களூருவில் கொட்டி தீர்த்த மழை வீடுகளுக்குள் வெள்ளம் புகுந்தது



பெங்களூருவில் கனமழை கொட்டி தீர்த்தது. இதனால் நகரில் தாழ்வான பகுதிகளில் உள்ள வீடுகளுக்குள் வெள்ளம் புகுந்தது.

ஆகஸ்ட் 16, 2017, 05:00 AM
பெங்களூரு,

பெங்களூருவில் நேற்று முன்தினம் நள்ளிரவில் இருந்து நேற்று அதிகாலை வரை விடிய-விடிய பலத்த மழை கொட்டி தீர்த்தது. குறிப்பாக பெங்களூரு தெற்கு பகுதிகளில் கனமழை பெய்தது.

மழையுடன் சூறைக்காற்றும் வீசியது. இதனால் ஜெயநகர், மாதவன் பார்க், வி.வி.புரம், கோரமங்களா, பசவனகுடி, லால்பாக், எச்.எஸ்.ஆர். லே-அவுட் உள்ளிட்ட பல்வேறு இடங்களில் மரங்கள் முறிந்து விழுந்தன. அவ்வாறு முறிந்த மரங்கள் வீடுகள் மீதும், வீடுகள் முன்பு நிறுத்தப்பட்டு இருந்த இருசக்கர வாகனங்கள், கார்கள் மீதும் விழுந்தன. இதனால் அந்த வாகனங்கள் சேதம் அடைந்தன.

வீடுகளுக்குள் வெள்ளம் புகுந்தது

நகரில் தாழ்வான பகுதிகளில் உள்ள வீடுகளுக்குள் வெள்ளம் புகுந்தது. இதனால் அந்த வீடுகளில் வசிப்பவர்கள் தூங்க முடியாமல் பரிதவித்தார்கள்.

இதுதவிர எச்.எஸ்.ஆர். லே-அவுட், கோரமங்களா, சாந்திநகர், நாகவாரா உள்ளிட்ட பகுதிகளில் உள்ள வீடுகளை மழைநீர் சூழ்ந்தது. இதனால் அந்த பகுதிகளில் வசிப்பவர்கள் நேற்று காலையில் தங்களது வீடுகளில் இருந்து வெளியே வர முடியாமல் தவித்தார்கள். எச்.எஸ்.ஆர். லே-அவுட் 1-வது செக்டாரில் உள்ள ஒரு தனியார் பள்ளிக்குள் மழைநீர் புகுந்தது. அங்குள்ள வகுப்பறைகளுக்குள் தண்ணீர் தேங்கி நின்றது.

கார்கள் மிதந்தன

சாந்திநகரில் உள்ள அரசு பஸ் பணிமனைக்குள் மழைநீர் புகுந்ததால் அங்கு நிறுத்தப்பட்டு இருந்த பஸ்களை வெளியே எடுக்க முடியாமல் டிரைவர்கள் சிரமத்தை அனுபவித்தார்கள்.

கோரமங்களாவில் உள்ள பி.எம்.டி.சி. பஸ் நிலையத்தில் உள்ள வாகன நிறுத்தும் இடத்திற்குள் மழைநீர் தேங்கியதால் கார்கள் மிதந்தன.

பெங்களூரு வில்சன் கார்டன் பகுதியில் உள்ள விநாயகர் கோவிலுக்குள் மழை நீர் புகுந்துவிட்டது. அந்த மழைநீரை வெளியேற்றும் பணியில் அந்த பகுதியில் இருந்த முஸ்லிம்களும் ஈடுபட்டனர். இது மத நல்லிணக்கத்துக்கு எடுத்துக்காட்டாக இருந்தது.

கொட்டி தீர்த்த மழையால் பல்வேறு சாலைகளில் மழைநீர் தேங்கி நின்றதால், நேற்று வாகனங்கள் செல்ல முடியாத நிலை ஏற்பட்டது. பல இடங்களில் போக்குவரத்து நெரிசல் ஏற்பட்டதால் வாகன ஓட்டிகள் பரிதவித்தார்கள்.

12 செ.மீ. மழை

நேற்று காலையில் இருந்து மாலை வரை நகரின் பல்வேறு இடங்களில் விட்டு விட்டு மழை பெய்தது. பெங்களூருவில் நேற்று காலை 8 மணியுடன் நிறைவடைந்த கடந்த 24 மணி நேரத்தில் 12 செ.மீ. மழை பெய்து இருப்பதாக வானிலை ஆய்வு மையம் அறிவித்து உள்ளது.

சென்னை - மதுரை 2வது ரயில் பாதை டிசம்பருக்குள் மின் மயமாகும்

பதிவு செய்த நாள்15ஆக
2017
22:44


திருச்சி, :திருச்சி கோட்ட ரயில்வே பயிற்சி மையத்தில் நடந்த, சுதந்திர தினவிழாவில், கோட்ட மேலாளர் உதயகுமார் தேசியக் கொடி ஏற்றி வைத்தார். தொடர்ந்து, ரயில்வே பாதுகாப்பு படை வீரர்களின் அணி வகுப்பு
மரியாதையை ஏற்றுக் கொண்டார். அப்போது, அவர் பேசியதாவது:சென்னை - மதுரை வரை, 497 கி.மீ.க்கு இரட்டை ரயில் பாதை அமைக்கப்பட்டு, மின் மயமாக்கப்படுகிறது. எஞ்சியுள்ள, 25 கி.மீ.,க்கு, இரட்டை ரயில் பாதை அமைக்கப்பட்டு, டிசம்பர் மாதத்துக்குள் மின் மயமாக்கும் பணிகள் முடிக்கப்படும். 

பொன்மலை - தஞ்சாவூர் இடையிலான, 47 கி.மீ., வழித்தடமும், இந்த ஆண்டுக்குள் இரட்டை ரயில் பாதையாக்கப்படும். ரயிலை சுத்தமாக வைத்திருக்க துவங்கப்பட்டுள்ள புதிய ஆப் வழியாக பயணிகள் தரும் புகார், 30 நிமிடங்களில் சரி செய்யப்படும். தென்னக ரயில்வேயில், 40 சதவீதம் ரயில் பெட்டிகளில், 'பயோ டாய்லெட்' பயன்படுத்தப்படுகிறது.
இவ்வாறு, அவர் பேசினார்.

சிதம்பரம் நடராஜர் கோவில் கோபுரத்தில் தேசிய கொடி

பதிவு செய்த நாள்15ஆக
2017
22:42




சிதம்பரம்,: சுதந்திர தினத்தையொட்டி, சிதம்பரம் நடராஜர் கோவில் கோபுரத்தில் தேசியக் கொடி ஏற்றப்பட்டது.சுதந்திர தினத்தை முன்னிட்டு, கடலுார் மாவட்டம், சிதம்பரம் நடராஜர் கோவிலில், சபாநாயகர் கோவில் பொது தீட்சிதர்கள் சார்பில், நேற்று காலை, 8:00 மணிக்கு, சிவகாமசுந்தரி சமேத நடராஜருக்கு சிறப்பு அபிஷேகம், அலங்காரம் செய்து, தீபாராதனை நடந்தது.தொடர்ந்து, நடராஜர் சன்னதி சித்சபையில் வெள்ளி தட்டில் வைத்து சிறப்பு பூஜை செய்யப்பட்ட தேசியக் கொடியை, மேள தாளங்கள் முழங்க, தீட்சிதர்கள் கிழக்கு கோபுரத்திற்கு எடுத்து வந்தனர்.

கோபுரத்திற்கு தீபாராதனை செய்து, கோபுர உச்சியில் தேசியக் கொடியை ஏற்றினர். கோவில் பொது தீட்சிதர்கள், பொதுமக்களுக்கு இனிப்பு வழங்கி சுதந்திர தினத்தை கொண்டாடினர்.

துணைவேந்தர் பதவி விண்ணப்பிக்க அவகாசம்
பதிவு செய்த நாள்15ஆக
2017
22:33

'அண்ணா பல்கலையின் புதிய துணைவேந்தர் பதவிக்கு, ஒரு வாரத்தில் விண்ணப்பங்கள் தாக்கல் செய்ய வேண்டும்' என, தேடல் குழு அவகாசம் வழங்கி உள்ளது.

அண்ணா பல்கலையில், துணைவேந்தராக இருந்த ராஜாராம் பதவிக்காலம், 2016 மே மாதம் முடிந்தது. புதிய துணைவேந்தரை தேர்வு செய்ய, தமிழ்நாடு திறந்த நிலை பல்கலை துணைவேந்தர், பாஸ்கரன் தலைமையில் தேடல் குழு அமைக்கப்பட்டது.

தேடல் குழுவினர், 10 மாதங்களுக்கும் மேலாக விண்ணப்பங்கள் பெற்று, மூன்று பேர் கொண்ட பட்டியலை, கவர்னரிடம் வழங்கினர். பட்டியலில் இடம் பெற்றவர்களிடம், கவர்னர் வித்யாசாகர் ராவ், நேர்முகத் தேர்வு நடத்தினார். பின், பட்டியலை நிராகரித்து, தேடல் குழுவையும் கலைத்தார்.
இதையடுத்து, துணைவேந்தர் நியமனம் தொடர்பாக, சட்டத்திருத்தம் கொண்டு வரப்பட்டு, புதிய தேடல் குழு அமைக்கப்பட்டது. உச்ச நீதிமன்ற ஓய்வு பெற்ற தலைமை நீதிபதி, ஆர்.எம்.லோதா தலைமையிலான, இந்த குழுவினர், ஜூலை, 20ல், புதிய அறிவிக்கையை வெளியிட்டனர்.அதன்படி, தகுதியான பேராசிரியர்களிடம் இருந்து விண்ணப்பங்கள் பெறும் பணி நடக்கிறது. கல்வித்தகுதி, ஆராய்ச்சி விபரங்கள் உட்பட, பல்வேறு தகவல்கள், விண்ணப்பத்தில் இடம் பெற வேண்டும் என, அறிவிக்கப்பட்டு உள்ளது. இதற்கான விண்ணப்பங்கள், வரும், 22 வரை மட்டுமே பெறப்பட உள்ளன.
கடைசி தேதிக்கு, இன்னும் ஒரு வாரமே அவகாசம் உள்ளதால், விண்ணப்பிப்போர் எண்ணிக்கை அதிகரித்து வருகிறது. இந்த முறை, சிறந்த தலைமை பண்பும், ஆராய்ச்சியில் முன்னிலையும், தரமான கல்வியை வழங்குவதில் ஆர்வமும் உடையவர், துணைவேந்தராக தேர்வு செய்யப்
படுவார் என, உயர் கல்வி வட்டாரங்கள் தெரிவித்து உள்ளன.

- நமது நிருபர் -

மாணவர்களுக்கு 'போதை' சப்ளை மாணவர், மருந்தாளுனர் கைது: 2000 மாத்திரைகள் பறிமுதல்
பதிவு செய்த நாள்15ஆக
2017
23:16




மதுரை,மதுரையில் கல்லுாரி மாணவர்களிடம் மாத்திரைகளை விற்று, போதைக்கு அடிமையாக்கிய கல்லுாரி மாணவர் உட்பட இருவர் கைது செய்யப்பட்டனர். இரண்டாயிரம் மாத்திரைகள் பறிமுதல் செய்யப்பட்டன.
மதுரையில் கல்லுாரி மாணவர்கள் சிலர், துாக்க மாத்திரைகளை போதைக்கு பயன்படுத்துகின்றனர். மாணவர்களின் அலைபேசிக்கு தொடர்பு கொண்டு சிலர் மாத்திரை விற்பதாக, திடீர்நகர் இன்ஸ்பெக்டர் துரைபாண்டியனுக்கு தகவல் கிடைத்தது.

இதன்படி மதுரை சின்னம்பட்டி கல்லுாரி மாணவர் பிரபாகரன், 20, மூலக்கரை மருந்தாளுனர் சரவணகுமார், 24, ஆகியோர் கைது செய்யப்பட்டனர். இவர்களது அறையில் இருந்து 2,௦௦௦ போதை மாத்திரைகளை பறிமுதல் செய்தனர்.

* போலீசார் கூறியதாவது: வலியால் அவதிப்படும் நோயாளிகளுக்கு மருந்துக் கடைகளில், டாக்டர் பரிந்துரைபடி துாக்க மாத்திரை கொடுக்கின்றனர். மருந்து சீட்டு இல்லையெனில் தரக்கூடாது. இதை மருந்து கட்டுப்பாட்டு அலுவலர்களும் கண்காணிப்பர். ஏனெனில், மாத்திரையை உட்கொண்டு துாங்காவிட்டால், மூளையை பாதித்து போதையாக மாற்றிவிடும்.
'பார்மசிஸ்ட்' சரவணகுமார்,, மொத்த மருந்து வினியோகிஸ்தர்களிடம் துாக்க மாத்திரைகளை வாங்கி, ஒரு அட்டை 100 ரூபாய்க்கு பிரபாகரனிடம் விற்றுள்ளார். பிரபாகரன் கல்லுாரி ஒன்றில் இரண்டாம் ஆண்டு படிக்கிறார். இவர், மாணவர்களுக்கு அந்த அட்டையை 200 ரூபாய்க்கு விற்றுள்ளார். இதற்காக இருவரும் தெற்குவாசலில் அறை ஒன்றை வாடகைக்கு எடுத்து மாத்திரைகளை இருப்பு வைத்துள்ளனர். இவர்களது அறையில் இருந்து தலா 10 மி.கி., அளவுள்ள 2,௦௦௦ மாத்திரைகளை பறிமுதல் செய்தோம்.
ஒரே நேரத்தில் 10 மி.கி., அளவு கொண்ட மூன்று மாத்திரைகளை மாணவர்கள் உட்கொண்டு, போதையாகி குற்றச்செயல்களில் ஈடுபடுகின்றனர். அதிவேகமாக டூவீலர்களில் சென்று விபத்தில் சிக்குகின்றனர்.
இவ்வாறு கூறினர்.

பலே, ஈரோடு போலீஸ்!: 2,463 லைசென்ஸ் ரத்து

பதிவு செய்த நாள்15ஆக
2017
22:20




ஈரோடு, : ஈரோடு நகரில், 2,463 பேரின் லைசென்சை தற்காலிகமாக ரத்து செய்ய, பரிந்துரை செய்யப்பட்டுள்ளது.குடிபோதை வாகன இயக்கம்,அதிவேகமாக செல்லுதல், மொபைல் பேசியவாறு வாகனம் இயக்குவது, சிக்னலை மதிக்காமல் செல்லுதல், போன்றவை கண்டுபிடிக்கப்பட்டால், டிரைவிங் லைசென்ஸ் தற்காலிகமாக, மூன்று மாதங்களுக்கு ரத்து செய்யப்படும்.

இது, ஆக., 1 முதல் அமலுக்கு வருவதாக அறிவிக்கப்பட்டு இருந்தது. இதையடுத்து, போலீசார் தீவிர வாகன தணிக்கையில் ஈடுபட்டு வருகின்றனர்.
போக்குவரத்து, டி.எஸ்.பி. சேகர் கூறியதாவது:எஸ்.பி., உத்தரவுப்படி ஈரோடு நகரில், ஆக., 1 - 14 வரை வாகன தணிக்கை செய்யப்பட்டுள்ளது. குடிபோதை வாகன இயக்கம் 126; அதி வேகமாக இயக்குதல், 298; மொபைல் போன் பேசியவாறு இயக்குதல், 1,075; சிக்னலை மதிக்காமல் செல்லுதல், 363; அதிக பாரம் ஏற்றி செல்லுதல், 38; சரக்கு ஆட்டோவில் பயணியரை ஏற்றியதாக, 563 பேர் மீது வழக்குப்பதிவு செய்யப்பட்டுள்ளது.மொத்தம், 2,463 பேரின் டிரைவிங் லைசென்சை ரத்து செய்ய கோரி, வட்டார போக்குவரத்து அதிகாரிகளுக்கு தெரிவிக்கப்பட்டுள்ளது.
இவ்வாறு அவர் கூறினார்.

ராமநாதபுரம் மாவட்டத்திற்கு இன்று உள்ளூர் விடுமுறை

பதிவு செய்த நாள்16ஆக
2017
05:53



ராமநாதபுரம்: ராமநாதபுரம் மாவட்டத்திற்கு இன்று(ஆக.,16) உள்ளூர் விடுமுறை அளிக்கப்பட்டுள்ளது. மாவட்டத்தில் உள்ள ஏர்வாடி தர்காவில் சந்தனகூடு திருவிழா இன்று(ஆக.,16) நடைபெற உள்ளது. இதனை முன்னிட்டு மாவட்டத்திற்கு உள்ளூர் விடுமுறை அளிக்கப்பட்டுள்ளதாக மாவட்ட கலெக்டர் வெளியிட்டுள்ள செய்திகுறிப்பில் தெரிவிக்கப்பட்டுள்ளது. இதற்கு பதிலாக ஆக.,19 வேலைநாளாக ஈடுசெய்யப்படும் என தெரிவிக்கப்பட்டுள்ளது.

தமிழகத்தில் 'நீட்' தேர்வு அவசர சட்டம் மத்திய அரசு இன்று ஆய்வு


பதிவு செய்த நாள்15ஆக
2017
23:04




தமிழகத்தில் மருத்துவ மாணவர் சேர்க்கையில் 'நீட்' நுழைவுத் தேர்வில் இருந்து இந்த ஆண்டுக்கு மட்டும் விலக்கு கோரப்பட்டுள்ளது. இதற்கான அவசர சட்ட வரைவு குறித்து, மத்திய சுகாதார அமைச்சகம் இன்று ஆய்வு செய்கிறது.

'நீட்' அவசர சட்ட வரைவுக்கு ஒப்புதல் பெற சுகாதாரத்துறை செயலர் ராதாகிருஷ்ணன் உள்ளிட்ட அதிகாரிகள் டில்லியில் முகாமிட்டுள்ளனர். அவர்கள் மத்திய சுகாதாரத்துறை, உள்துறை மற்றும் பிரதமர் அலுவலக அதிகாரிகளை இன்று சந்தித்து, கூடுதல் ஆவணங்கள் வழங்க உள்ளனர். மேலும் மத்திய சுகாதாரத்துறை அதிகாரிகளும் சட்ட வல்லுனர்களும் தமிழக அரசின் சட்ட வரைவு அம்சங்களை இன்று ஆய்வு செய்ய உள்ளனர்.மத்திய சட்ட அமைச்சகத்தின் ஆலோசனை பெற்ற பின் உச்ச நீதிமன்ற உத்தரவுகளுக்கு உட்பட்டு தமிழக அரசின் அவசர சட்டம் குறித்து மத்திய அரசு முடிவு செயயும் என எதிர்பார்க்கப்படுகிறது.

- நமது நிருபர் -

சேர்க்கைக்கு கூடுதல் அவகாசம்
இந்திய மருத்துவ கவுன்சில் விதிப்படி மருத்துவ மாணவர்
சேர்க்கையை ஆக., 31க்குள் முடிக்க வேண்டும். தற்போதைய நிலையில் இன்னும் 15 நாட்களில் கவுன்சிலிங்கை முடிப்பது
சாத்தியமில்லை. நீட் தேர்வு விலக்கு கோரிக்கைக்கும் இன்னும் முடிவு கிடைக்கவில்லை. அதனால் ஆக., 31க்கு பிறகும் மருத்துவ மாணவர் சேர்க்கை நடத்த இந்திய மருத்துவ கவுன்சிலிடம் கூடுதல் அவகாசம் கேட்க தமிழக சுகாதாரத்துறை முடிவு செய்துள்ளது. இதற்கான
மனுவை சுகாதாரத்துறை அதிகாரிகள் விரைவில் சமர்ப்பிக்க உள்ளனர்.

இன்ஜி., மாணவர்களுக்கு பிளஸ் 1, பிளஸ் 2 பாடம்
பதிவு செய்த நாள்15ஆக
2017
22:33


இன்ஜி., கல்லுாரிகளில் சேரும் புதிய மாணவர்களுக்கு, பிளஸ் 1, பிளஸ் 2வில் உள்ள, கணிதம், இயற்பியல் பாடங்களை நடத்த அறிவுறுத்தப்பட்டுள்ளது.
செப்., 1ல் அனைத்து தனியார் இன்ஜி., கல்லுாரிகளும் வகுப்புகளை துவங்க உள்ளன. இரண்டு வாரங்களுக்கு, மாணவர்களுக்கு இன்ஜினியரிங் முன் தயாரிப்பு பயிற்சி வழங்க, அண்ணா பல்கலை அறிவுறுத்தி உள்ளது. இதன்படி, ஆங்கில மொழித்திறன் பயிற்சி, தொடர்பு ஆங்கிலம், பிளஸ் 1, பிளஸ் 2 வகுப்புகளில் இடம் பெற்றுள்ள, கணிதம், இயற்பியல் போன்ற அடிப்படை பாடங்களை நடத்த, கல்லுாரிகள் அறிவுறுத்தப்பட்டு உள்ளன.

'சமீபத்தில் நடந்து முடிந்த, அண்ணா பல்கலையின் தேர்வில், இயற்பியலில், 70 சதவீத மாணவர்கள் தேர்ச்சி பெறவில்லை. இதன் எதிரொலியாகவே, கணிதம், இயற்பியலில், இந்த ஆண்டு முதல், முன் தயாரிப்பு பயிற்சி அளிக்கப்படுகிறது' என, அண்ணா பல்கலை பேராசிரியர்கள் தெரிவித்தனர்.
- நமது நிருபர் -

குணசித்திர நடிகர் சண்முகசுந்தரம் மறைவு

பதிவு செய்த நாள்15ஆக
2017
22:35




சென்னை, பிரபல குணச்சித்திர நடிகர் சண்முகசுந்தரம்,79 உடல்நலக்குறைவால், நேற்று சென்னையில் காலமானார். சிவாஜி நடித்த, ரத்ததிலகம் படம் மூலம் சினிமாவுக்கு வந்த சண்முகசுந்தரம், கர்ணன், இதயக்கனி, படிக்காத பண்ணையார், கரகாட்டக்காரன், சென்னை 28, கோவா உள்ளிட்ட, 100க்கும் மேற்பட்ட படங்களில் நடித்துள்ளார். மகாபாரத தொடரில், துரியோதனனுக்கு பின்னணி குரல் கொடுத்தவர் இவர். மிமிக்ரி பயிற்சி பெறுவோர், இவரது குரலை பின்தொடர்வது அலாதிப்பிரியம்.சின்னத்திரை தொடர்களிலும் நடித்த இவர், சில மாதங்களாக உடல்நிலை சரியின்றி அவதிப்பட்டு வந்தார். 

நேற்று காலை உடல்நிலை மோசமானதை தொடர்ந்து, மருத்துவமனைக்கு அழைத்துச் செல்லப்பட்டார். ஆனால், போகும் வழியிலேயே சண்முகசுந்தரம் உயிர் பிரிந்தது. இறுதிச்சடங்கு இன்று நடைபெறுகிறது. இவருக்கு மனைவி, இரண்டு மகள்கள் உள்ளனர்.

நடிகர் சங்கம் இரங்கல்நடிகர் சண்முகசுந்தரம் மறைவுக்கு, நடிகர் சங்கம் இரங்கல் தெரிவித்துள்ளது.இதுகுறித்து நடிகர் சங்கம் வெளியிட்ட அறிக்கை: மூத்த தமிழ் திரைப்பட குணச்சித்திர நடிகர் சண்முகசுந்தரம், கல்லுாரியில் படிக்கும் போதே, நடிப்பில் ஆர்வம் ஏற்பட்டு, கலை வாழ்க்கையை துவங்கியவர். இயல்பான நடிப்பாற்றலால், ரசிகர்களின் மனதை கவர்ந்தவர். கடின உழைப்பாலும், நற்பெயருடன் புகழும் பெற்ற விளங்கிய சண்முகசுந்தரத்தின் மறைவு, திரைஉலகிற்கு ஈடு செய்ய முடியாத இழப்பு. அவரது ஆன்மா சாந்தியடைய இறைவனை வேண்டுகிறோம்.இவ்வாறு அறிக்கையில் கூறப்பட்டுள்ளது

'நீட்' தேர்வு இழுபறி; இப்போதைக்கு முடிவுறாது!

மருத்துவ படிப்பில் சேர்வதற்கான, தேசிய நுழைவு மற்றும் தகுதித் தேர்வான, 'நீட்'டில் இருந்து விலக்கு கோரும், அவசர சட்டத்தை எதிர்த்து, சென்னை உயர் நீதிமன்றத்திலோ, உச்சநீதிமன்றத்திலோ வழக்கு தொடர்வதற் கான வாய்ப்புகள் அதிகம் உள்ளன.



அவசர சட்டத்தால், மாநில பாடத் திட்டத்தில் படித்து, நீட் தேர்வில் தகுதி பெற்றவர்கள் பாதிக் கப்படும் சூழல் உள்ளதால், அவர்கள் தரப்பில், நீதிமன்றத்தை அணுக உள்ளனர்.நீட் தேர்வுக்கு, 2016 - 17ம் ஆண்டில் மட்டும், தமிழகத்துக்கு விலக்கு அளிக்கப்பட்டது. நீட் தேர்வுக்கு நிரந்தர விலக்கு அளிக்க, தமிழக அரசு தரப்பில் தொடர்ந்து வலியுறுத்தப்பட்டு வருகிறது.

இதற்காக, சட்டசபையில் நிறைவேற்றப்பட்ட சட்ட மசோதாவுக்கு, இதுவரை ஜனாதிபதியின் ஒப்புதல் கிடைக்கவில்லை. மாநில பாடத் திட்டத்தில் படித்த மாணவர்களுக்கு, 85 சதவீதம் உள்ஒதுக்கீடு அளிக்க வகை செய்யும் புதிய உத்தரவை, தமிழக அரசு பிறப்பித்தது.

அதுவும், உயர் நீதிமன்றத்திலும், உச்ச நீதிமன் றத்திலும் அடி வாங்கியது. அதனால், அவசர சட்டம் கொண்டு வருவது தவிர, வேறு வழியில்லை என்ற ரீதியில், தற்போது, மத்திய அரசிடம், அவசர சட்டத்தின் வரைவு தாக்கல்

செய்யப்பட்டுள்ளது. அரசு மருத்துவ கல்லுாரிகளில் உள்ள இடங்கள் மற்றும் தனியார் கல்லுாரிகளில், அரசு ஒதுக் கீட்டுக்கான இடங்களுக்கு, நீட் தேர்வில், இந்த ஆண்டு விலக்கு அளிக்க வேண்டும் என்ற ரீதி யில், அவசர சட்டம் கொண்டு வரப்படுகிறது.

மத்திய அரசும், அவசர சட்டத்துக்கு ஆதரவு தெரி விப்பதால், ஜனாதிபதியின்ஒப்புதல் கிடைப்பதில், எந்த சிக்கலும் இருக்காது. இருந்தாலும், அவசர சட்டத்தை எதிர்த்து வழக்கு தொடர, பாதிக்கப்பட்ட வர்கள் தரப்பில் தயாராகின் றனர்.

சி.பி.எஸ்.இ., எனும் மத்திய இடைநிலை கல்வி வாரிய பாடத்திட்ட மாணவர்கள் தரப்பில் வழக்கு தொடுத்தாலும், மாநில பாடத்திட்டத்தில் படித்த வர்களும், நீதிமன்றத்தை நாடுவதற்கான வாய்ப்பு கள் உள்ளன.

பிளஸ் 2 தேர்வில் குறைந்த மதிப்பெண்ணும், நீட் தேர்வில் அதிக மதிப்பெண்ணும் பெற்ற, மாநில பாடத்திட்ட மாணவர்களுக்கு, நீட் இல்லை என்றால், மருத்துவப் படிப்பில் இடம் கிடைக்காமல் போகும் சூழல் ஏற்படும். நீட் வரும் என்ற எதிர்பார்ப்பில், பிளஸ் 2 தேர்வுக்கு, அதிக முக்கியத்துவம் கொடுக் காமல், நீட் தேர்வுக்கான பயிற்சி வகுப்புகளில் கலந்து கொண்டவர்கள் இவர்கள்.

அவசர சட்டம் குறித்து, வழக்கறிஞர் பி.வில்சன் கூறும்போது,அவசர சட்டமும், நீதிமன்ற ஆய்வுக்கு உட்பட்டது தான்; அதை எதிர்த்து வழக்கு தொடர முடியும். அதேநேரத்தில், அவசர சட்டம் கொண்டு வர, மாநில அரசுக்கு அதிகாரம் உள்ளது,'' என்றார்.

உயர் நீதிமன்ற வழக்கறிஞர் தங்கசிவன் கூறும் போது, ''நீட் தேர்வு விலக்கால், மாநில பாடத்திட்டத் தில் படித்து, நீட் எழுதியவர்கள், தங்களுக்கு பாதிப்பு வரும் என கருதும்போது, அதை எதிர்த்து வழக்கு தொடர்வர். மருத்துவப் படிப்பில் சேர, நீட் தேர்வு

கட்டாயம் என்ற எதிர்பார்ப்பில், அதற்கு தயா ராகி இருப்பர். சட்டப்படியான இந்த எதிர்பார்ப் பில் பாதிப்பு வரும்போது, அதே முகாந்திரத் தின் அடிப்படையில், வழக்கு தொடர முடியும்,'' என்றார்.

உயர் நீதிமன்ற வழக்கறிஞர் கே.சக்திவேல் கூறும்போது, ''அவசர சட்டத்தை எதிர்த்து, சென்னை உயர் நீதிமன்றத்திலேயே வழக்கு தொடரலாம்; உச்ச நீதிமன்றத்திலும் தொடர லாம். எந்த அடிப்படையில், அவசர சட்டம் கொண்டு வரப்படுகிறது என்பதை பொறுத்து, கேள்விக்கு உள்ளாக்கப்படும். பொது பட்டிய லில் கல்வி வருவதால், இந்திய மருத்துவ கவுன்சில் சட்டமான, மத்திய அரசு சட்டத்தை மீற முடியாது.

எனவே, நீட் தேர்வுக்கு, நிரந்தர விலக்கு கோர முடியாது,'' என்றார்.உயர் நீதிமன்றம் என்ன தீர்ப்பை வழங்கினாலும், அடுத்த கட்டமாக, உச்ச நீதிமன்றத்தை பாதிக்கப்பட்டவர்கள் அணுகுவர். அதனால், உச்ச நீதிமன்றத்தில் தான், இந்தப் பிரச்னைக்கு விடை கிடைக்கும் என்கின்றனர், சட்ட வல்லுனர்கள்.
-நமது நிருபர்-

மருத்துவ படிப்பை கைவிட்டால் ரூ.2 கோடி தண்டம் கட்டணும்

பதிவு செய்த நாள்15ஆக
2017
21:26

சென்னை, :'அரசு கல்லுாரிகளில் சேர்ந்து, உயர் சிறப்பு மருத்துவப் படிப்புகளை பாதியில் கைவிட்டால், அரசு சாரா டாக்டர்கள், இரண்டு கோடி ரூபாய் செலுத்த வேண்டும்' என, மருத்துவக் கல்வி இயக்ககம்தெரிவித்துள்ளது.அரசு மருத்துவமனைகளில், 'சூப்பர் ஸ்பெஷாலிட்டி' எனப்படும், முதுநிலை உயர் சிறப்பு மருத்துவத்துக்கான, டி.எம்., - எம்.சி.எச்., படிப்புகளுக்கு, தமிழகத்தில், 192 இடங்கள் உட்பட, நாடு முழுவதும், 1,215 இடங்கள் உள்ளன. இதற்கும், 'நீட்' தேர்வு அடிப்படையில், மாணவர் சேர்க்கை நடப்பது வழக்கம்.
இதில், மாநிலங்களுக்கு இருந்த, 50 சதவீத இட ஒதுக்கீடு ரத்து செய்யப்பட்டு உள்ளது. இந்தாண்டு முதல், 100 சதவீத இடங்களுக்கும், மத்திய அரசு மாணவர் சேர்க்கையை நடத்துகிறது. இதற்கான, 'ஆன்லைன்' கவுன்சிலிங், இன்று நடைபெற உள்ளது.

இது குறித்து, தமிழக மருத்துவக் கல்வி இயக்ககம் வெளியிட்டுள்ள அறிக்கை:தமிழக அரசு மருத்துவக் கல்லுாரிகளில், உயர் சிறப்பு படிப்பில் சேரும், அரசு டாக்டர்கள் மற்றும் அரசு சாரா டாக்டர்கள் அனைவரும், இரண்டு கோடி ரூபாய்க்கான உத்தரவாத ஆவணங்களை, ஏழு நாட்களில், மருத்துவக் கல்வி இயக்ககத்தில் அளிக்க வேண்டும். டாக்டர்கள், அரசு மருத்துவமனைகளில் பணியாற்றும் பட்சத்தில், தொகைக்கான உத்தரவாதம், தானாக செயலிழந்து விடும்.

அரசு சாரா டாக்டர்கள், படிப்பை முடித்ததும், 10 ஆண்டுகள், அரசு மருத்துவமனைகளில் பணியாற்ற வேண்டும். படிப்பை பாதியில் கைவிட்டாலோ, அரசு மருத்துவமனைகளில் பணியாற்ற தவறினாலோ, இரண்டு கோடி ரூபாயுடன், அரசிடம் இருந்து பெற்ற, உதவித்தொகையையும்
சேர்த்து செலுத்தவேண்டும்.தொகையை செலுத்தாவிட்டால், ஏற்கனவே படித்த படிப்புகளுக்கான அசல் சான்றிதழ், திருப்பி தர மாட்டாது.இவ்வாறு அதில் கூறப்பட்டுள்ளது.

'நர்சிங் ஹோம்'களுக்கு வரித்துறை கிடுக்கிப்பிடி
தமிழகம், புதுச்சேரியில் உள்ள தனியார், 'நர்சிங் ஹோம்'கள், வருமான வரித்துறை, 'கிடுக்கிப்பிடி'யில் சிக்குகின்றன.





நம் நாட்டில், அரசு மருத்துவமனைகள் போது மான அளவுக்கு இல்லாததால், புற்றீசல் போல் தனியார், 'நர்சிங் ஹோம்'களின் எண்ணிக்கை பெருகி வருகிறது.

சமீபத்தில், லோக்சபாவில் தாக்கல் செய்யப் பட்ட கணக்கு தணிக்கை அறிக்கையில்,'பெரும் பாலான,தனியார்,'நர்சிங் ஹோம்'கள், வருமான வரித்துறையின்கண்காணிப்பிற்கு வரவில்லை'

என, சுட்டிக்காட்டப்பட்டு உள்ளது. மேலும், 2011 - 2013 வரை, 1,500க்கும் குறைவான, 'நர்சிங் ஹோம்' களே, வருமான வரி கணக்கு தாக்கல் செய்துள்ளன; அதன் எண்ணிக்கையும், வெகுவாக குறைந்து வருவதாக, குறிப்பிடப்பட்டுஉள்ளது.

தற்போது, 'நர்சிங் ஹோம்'களின் ஆண்டு வருவாய், 40 ஆயிரம் கோடி ரூபாயை தாண்டிஉள்ளது. அவற்றில், 10 சதவீதத்திற்கு கூட, வருமான வரி கிடைப்பதில்லை.

இதையறிந்த மத்திய அரசு, நேரடி வரிகள் வாரியம் வழியாக, நாடு முழுவதும் உள்ள, வருமான வரித் துறை அலுவலகங்களுக்கு, அது பற்றி தகவல் களை அனுப்பி உள்ளது.இது குறித்து, தமிழக வருமான வரித்துறை அதிகாரிகள் கூறியதாவது: பெரிய மருத் துவமனைகள், வருமானவரித் துறையினரின் நேரடி பார்வையில் இருந்து தப்ப முடியாது. ஆனால், கண்ணுக்கு தெரியாத இடங்களில் கூட, தனியார், 'நர்சிங் ஹோம்'கள் செயல்படுகின்றன.

இவற்றுக்கு, உள்ளாட்சி அமைப்பு மற்றும் சுகாதாரத் துறையும் அனுமதி அளிக்கின்றன. அத் துறை களிடம், 'நர்சிங் ஹோம்'கள் குறித்த விபரங்கள் உள்ளன. அவற்றில், 10 சதவீதத்திற்கும் குறை வானவை தான், வருமான வரிக் கணக்கு தாக் கல் செய்கின்றன.அதனால், தமிழகம் மற்றும் புதுச்சேரியில் உள்ள, 'நர்சிங் ஹோம்' களின் விபரங்களை சேகரிக்க உள்ளோம். அதன்பின், வரி செலுத்தாதவற்றின் மீது நடவடிக்கை பாயும்.இவ்வாறு அவர்கள் கூறினர். 

- நமது சிறப்பு நிருபர் -

சமூக வலைதளங்களை கலக்கும், 'சராஹா'இணைய உலகின், 'பிக் பாஸ்!'
பதிவு செய்த நாள்15ஆக
2017
21:25

நம்மை அடையாளப்படுத்திக் கொள்ளாமல், ஒருவரை பற்றி, மனதில் தோன்றிய தகவலை, அவர்களுக்கு அனுப்ப உதவும், 'சராஹா' எனப்படும், 'மொபைல் போன் ஆப்' சில வாரங்களாக, இணைய உலகில், பரபரப்பை ஏற்படுத்தி உள்ளது.

பகிரும் வசதிசமூக வலைதளங்களில், சில நாட்களாக, 'சராஹா' எனப்படும், 'மொபைல் போன் ஆப்' சரளமாக புழங்குகிறது. பொது கழிப்பறைகளுக்கு சென்றால், சுவர்களில், வார்த்தை கிறுக்கல்கள் இருப்பதை காணலாம்; பள்ளி, கல்லுாரி கழிப்பறைகளில், கிசுகிசுக்களை பார்க்க முடியும். அதை யார் எழுதினர் என, தெரியாது.

அந்த அம்சம், இணையத்தில் இருந்தால் எப்படி இருக்கும்... அது தான், 'சராஹா!' இதை, கூகுள் பிளே ஸ்டோர் மற்றும் ஆப்பிளின், ஐ.ஓ.எஸ்., இயங்குதளங்களில் பதிவிறக்கம் செய்து, உங்கள், 'இ - மெயில்' முகவரி மூலம் பதிவு செய்யலாம். பின், 'பேஸ்புக்' போல், உலகம் முழுவதும், 'சராஹா'வில் பதிவு செய்துள்ள நபர்களை தேடிப் பிடிக்க முடியும்.

நீங்கள் பதிவு செய்த பின், அதை உங்கள், 'பேஸ்புக், டுவிட்டர்' மற்றும் 'வாட்ஸ் ஆப்' கணக்குகளில், பகிரும் வசதி உள்ளது. அதை பார்க்கும் உங்கள் நண்பர்கள், உங்களை பற்றி மனதில் அடக்கி வைத்திருந்த கருத்துக்களை தயக்கமின்றி தெரிவிப்பர். ஆனால், யார் அனுப்பினர் என, தெரியாது.

உங்களை பற்றி, யாராவது நல்ல கருத்தை அனுப்பினால், அதை, 'பேஸ்புக்' அல்லது 'டுவிட்டரில்' பகிர்ந்து, பெருமைப்பட்டு கொள்ளலாம். இந்தியாவில் மட்டும், சில நாட்களுக்குள், 10 லட்சத்திற்கும் அதிகமானோர், 'சராஹா'வில் பதிவு செய்துள்ளனர்.

பரபரப்புதனியார், 'டிவி'யின், 'பிக் பாஸ்' நிகழ்ச்சியில், ஒருவரை பற்றி அவருக்கு தெரியாமல், கருத்துக் கூறும் வசதி, பரபரப்பை ஏற்படுத்தி உள்ளது. அது போல, இந்த, 'சராஹா'வை, இணையத்தின், 'பிக் பாஸ்' என, இதை பயன்படுத்துவோர், பெருமிதம் கொள்கின்றனர்.
- நமது நிருபர் -

சிகிச்சை அளிக்காமல் சிறுமி, முதியவர் இறந்த விவகாரம் ஆம்பூர் அரசு மருத்துவமனை அலுவலரிடம் விசாரணை


2017-08-15@ 01:49:20




ஆம்பூர் : சென்னை வேங்கைவாசல் பகுதியை சேர்ந்த தொழிலதிபர் ராஜ்குமார், அவரது நண்பர் சென்னை தி.நகர் பகுதியை சேர்ந்த சந்தானம் (73) ஆகியோர் நேற்று முன்தினம் சென்னையில் இருந்து பெங்களூருக்கு காரில் புறப்பட்டனர். காரை ராஜ்குமார் ஓட்டி வந்தார். வேலூர் மாவட்டம், ஆம்பூர் அடுத்த பச்சகுப்பம் அருகே தேசிய நெடுஞ்சாலையில், முன்னால் சென்ற லாரி திடீரென திரும்பியதில் ராஜ்குமார் கார் மீது மோதியது. இதில் படுகாயம் அடைந்த இருவரும் ஆம்பூர் அரசு மருத்துவமனையில் அனுமதிக்கப்பட்டனர். ஆனால் மருத்துவமனையில் டாக்டர்கள் இல்லாததால் பிற்பகல் 1.10 மணியில் இருந்து இரண்டரை மணி நேரமாக சிகிச்சை அளிக்கப்படவில்லை. இதில் ராஜ்குமார் இறந்தார். இதையடுத்து தனியார் ஆம்புலன்ஸ் மூலம் வேலூரில் உள்ள தனியார் மருத்துவமனையில் சந்தானம் அனுமதிக்கப்பட்டார். இதேபோல ஆம்பூர் தாலுகா ராலகொத்தூரை சேர்ந்த ராஜேஷின் மகள் வைஷ்ணவி(13) மூச்சு திணறலுக்கு சிகிச்சை அளிக்க டாக்டர்கள் இல்லாமல், 2 மணி நேரமாக உயிருக்கு போராடி இறந்தார்.

டாக்டர்கள் இல்லாததால் ஒரே நாளில் 2 பேர் இறந்த சம்பவம் பெரும் பரபரப்பை ஏற்படுத்தியது. இதுகுறித்து தகவல் தெரிவிக்க ஆம்பூர் அரசு மருத்துவமனை மருத்துவ அலுவலர் (பொறுப்பு) ஷர்மிளாவை தொடர்பு கொண்டபோது அவர் போனை எடுக்கவில்லையாம். மேலும் சுகாதாரப்பணிகள் இணை இயக்குனர் சாந்தியையும் தொடர்பு கொள்ள முடியவில்லையாம். இந்நிலையில், பிரச்னைகள் முடிந்தபிறகு இரவு மருத்துவமனைக்கு வந்த ஷர்மிளா, நோயாளிகளுக்கு சிகிச்ைச அளித்துள்ளார். நேற்று காலை மீண்டும் மருத்துவமனைக்கு வந்த அவர், மருத்துவமனை கண்காணிப்பாளர் (பொறுப்பு) கென்னடியிடம் தனக்கு 15 நாட்கள் லீவு வேண்டும் எனக்கூறி கடிதத்தை கொடுத்துள்ளார். இதை கென்னடி ஏற்க மறுத்துள்ளாராம். இதற்கிடையில் மருத்துவமனையில் நடந்த சம்பவம் தொடர்பாக ஷர்மிளா மற்றும் டாக்டர்கள், ஊழியர்களிடம் உயர் அதிகாரிகள் விசாரணை நடத்தி வருகின்றனர்.

அமைச்சர் பதவி விலக அன்புமணி வலியுறுத்தல்

பாமக இளைஞரணி தலைவர் அன்புமணி நேற்று வெளியிட்டுள்ள அறிக்கை: வேலூர் மாவட்டம் ஆம்பூர் அரசு மருத்துவமனையில் மருத்துவர்கள் இல்லாததால் இருவர் உயிரிழந்ததற்காக தமிழக ஆட்சியாளர்கள் வெட்கப்பட வேண்டும். தமிழ்நாட்டில் சுகாதாரத்துறை முற்றிலுமாக செயலிழந்து விட்டதையே இது காட்டுகிறது. ஆம்பூர் நிகழ்வுகளுக்கு பொறுப்பேற்று சுகாதார அமைச்சர் பதவி விலக வேண்டும். இவ்வாறு அவர் கூறியுள்ளார்.

இன்ஸ்டண்ட் காஃபி போர் அடிக்குதா? அப்போ ஸ்ட்ராங்கா ஃபில்டர் காஃபி போடக் கத்துக்கலாமே!
By கஸ்தூரி ராஜேந்திரன், தேனி. | Published on : 14th August 2017 04:40 PM |

 சிலருக்கு கடையில் விற்பனையாகிற ப்ரூ, லியோ, நரசுஸ், உள்ளிட்ட காப்பித்தூள்களில் ஒன்றை வாங்கி ஃபில்டர் காஃபி தயாரிப்பதே திருப்தியாக இருக்கும். சிலருக்கோ, தாங்களே நேரடியாக சூப்பர் மார்கெட்டுகளுக்குச் சென்று தரமான காப்பிக் கொட்டைகளும், பீபரியும் வாங்கி தங்கள் கை பட மெஷினில் அரைத்து அதில் பதமாகச் சிக்கரி கலந்து நாசி மணக்க, மணக்க திடமான காப்பித் தூளை தாங்களே தயாரித்து அதில் காஃபி போட்டு அருந்தினால் தான் திருப்தியாக உணர முடியும். இதெல்லாம் அவரவர் மனநிலை சார்ந்த விஷயங்கள் என்றாலும் யோசித்துப் பார்க்கையில் இது கூட சற்று சுவாரஸ்யம் தரக் கூடிய விஷயம் தான் இல்லையா? சரி இப்போது தரமான, திடமான ஃபில்டர் காப்பித் தூள் எப்படி தயாரிப்பது என்று பார்க்கலாம்;

காப்பித்தூள் தயாரிக்கத் தேவையானவை...

• பிளாண்டேஷன் A - 1/4 கிலோ 
• பீ பரி - 1/4 கிலோ
• சிக்கரி - 50 கிராம்

காப்பித்தூள் தயாரிக்கத் தேவையான பொருட்களை நாமே நேரடியாக வாங்கி, வீட்டிலேயே காப்பிக் கொட்டைகளை பதமாக வறுத்து, பீபரியும், சிக்கரியும் தேவையான அளவு சேர்த்து மெஷினில் அரைத்துக் கொள்வது ஒரு வகை... அல்லது சென்னையில் பல இடங்களில் தரமான காப்பித்தூள் அரவை அங்காடிகள் உள்ளன. அவற்றில் ஒன்றில் தரமான, மணமான காப்பித்தூளை சுடச் சுட அரைத்து விலைக்கு வாங்கிக் கொண்டு அதைக் கொண்டும் ஃபில்டர் காஃபி போட கற்றுக் கொள்ளலாம். இரண்டுமே ஒன்று தான். 

ஃபில்டர் காபி போடத் தேவையானவை:

• மணமான காப்பித்தூள்: 2 முதல் 3 டேபிள் ஸ்பூன்
• கொதிக்கும் தண்ணீர்: அரை கப்
• பால்: 2 கப்
• சர்க்கரை: தேவையான அளவு
• காஃபி ஃபில்டர்

ஃபில்டர் காஃபி தயாரிக்கும் முறை:

காஃபி ஃபில்டரில் முதலில் தேவையான அளவு காப்பித்தூளைப் போட்டு அதன் மேல், உள்ளிருக்கும் குடை கொண்டு காப்பித்தூளை கெட்டித்து அடைக்கவும். பின்னர் கொதிக்கும் தண்ணீரை அதன் மீது மெதுவாக விட்டு ஃபில்டரை அடைத்து டிகாக்‌ஷன் இறங்கும் வரை 5 நிமிடங்கள் காத்திருக்கவும். கொதிக்கும் தண்ணீர் விடப்பட்டிருப்பதால் வெகு சீக்கிரமாகவே டிகாக்‌ஷன் இறங்கி விடும். காஃபி ப்ரியர்களுக்கு கள்ளிச்சொட்டுப் போன்ற அதிகாலையின் முதல் டிகாக்‌ஷனை கண்ணால் காண்பதைப் போன்ற பேரானந்தம் தரக்கூடிய செயல் வேறில்லை! சூடான டிகாக்‌ஷனில் தேவையானதை ஒரு கப்பில் ஊற்றிக் கொண்டு, தேவையான அளவு சர்க்கரை சேர்த்து அதன் பின்னரே கொதித்து இறக்கிய பாலை அதில் கலக்க வேண்டும்.

இப்போது லோட்டாவில் அந்தக் காஃபியை ஊற்றி ஒரு ஆற்று ஆற்றிப் பாருங்கள். மணக்க, மணக்க நுரை பொங்கும் ஃபில்டர் காஃபி தயார். மனதிற்குத் திருப்தியாக, நிறம், மணம், திடம் மூன்றும் ஒருங்கே அமைந்த ஃபில்டர் காஃபியை மட்டும் நம்மால் தயாரிக்க முடிந்தந்தென்று வையுங்கள் அப்புறம் எப்பேற்பட்ட தலைவலியாலும் நம்மை ஒன்றுமே செய்து விட முடியாது. 

மனச்சோர்வு, உடற்சோர்வு, தலைவலி, தொண்டை வலி எல்லாவற்றுக்குமே மிகச் சிறந்த நிவாரணியாக நாம் இந்த ஃபில்டர் காஃபியை உணரலாம்.

ஃபில்டர் காஃபி தயாரிக்கும் போது கவனத்தில் கொள்ள வேண்டியவை...

ஃபில்டரில் காப்பித்தூளைப் போட்டு உடனடியாக அதில் கொதிக்கும் தண்ணீரைச் சேர்த்து விடக் கூடாது. முதலில் குடை கொண்டு மூடி காப்பித்தூளை கெட்டிக்கச் செய்து அதன் மீது சிறிது, சிறிதாக நிதானமாகத் தான் கொதிக்கும் தண்ணீர் விடவேண்டும். அப்போது தான் தூள் இறங்காமல் வெறும் டிகாக்‌ஷன் மாத்திரம் ஃபில்டரில் இறங்கும். நமக்கும் கெட்டியான திடமான டிகாக்‌ஷன் கிடைக்கக் கூடும். அதே போல காஃபி போடும் போது முதலில் டிகாக்‌ஷனில் சர்க்கரை சேர்த்த பிறகே பால் சேர்க்க வேண்டும். அப்போது தான் காஃபி மணமாக இருக்கும்.

தொழில்நுட்பம் வளர்ந்த பிறகு மொட்டைக் கடுதாசி அனுப்ப முடியலையா? 'சரஹா' இருக்குங்க!
By DIN | Published on : 14th August 2017 04:01 PM |




நேர்மை என்ற பெயருடன் துவங்கப்பட்டுள்ள 'சரஹா' என்ற சமூக தளம் சமீபத்தில் பரவலாகப் பேசப்பட்டு வருகிறது. தன்னைப் பற்றி தெரிவிக்காமல், ஒரு நபருக்கு தான் சொல்ல வேண்டிய விஷயத்தை மட்டும் கொண்டு சேர்க்கும் வகையில் இது வடிவமைக்கப்பட்டுள்ளது.

பேஸ்புக், டிவிட்டர், வாட்ஸ்-அப் போன்ற சமூக தளங்களை தொடர்ந்து 'சரஹா' புதிதாக கால் பதித்துள்ளது.

சரஹா-வில் என்ன புதுமை என்று கேட்டால், தமிழில் நம்ம பாஷையில் சொல்வதாக இருந்தால் மொட்டைக் கடிதாசுதான். தகவல் தொழில்நுட்பம் வளர்ந்த பிறகு, மொட்டைக் கடிதாசுகள் அனுப்ப முடியாமல், நேருக்கு நேர் திட்டவும், தனது ஆழமான அன்பை வெளிப்படுத்தவும் முடியாமல் தவித்த பல ஆத்மாக்களுக்கு இது வரப்பிரசாதம்தான்.

சரஹா என்றால் அராபிய மொழியில் நேர்மை என்று பொருள். பேசுவதற்குக் கட்டுப்பாடுகள் இருக்கும் அரேபியாவில் உருவாக்கப்பட்ட இந்த சரஹா சமூக தளம் இப்போதுதான் இந்தியாவில் அறியப்படுகிறது.

தாங்கள் நினைத்ததை இந்த உலகத்துக்கே எளிதில் கொண்டு செல்ல வழி வகுக்கும் பேஸ்புக், டிவிட்டர் பக்கங்களுக்கு நேர் எதிராக, தான் யாரிடம் ஒரு விஷயத்தை சொல்ல நினைக்கிறோமோ, அவர்களிடம் அந்த விஷயத்தை நச்சென்று கொண்டு சேர்த்துவிடும். நம் பெயரைக் கூட சொல்லாது.

ஒரே ஒரு விஷயம், ஒரு கருத்தை அனுப்ப நினைப்பவருக்கும், பெறுபவருக்கும் சரஹாவில் அக்கவுண்ட் இருக்க வேண்டும். இதைத் தவிர வேறு எந்த நிபந்தனையும் இல்லை. இதில் ஆச்சரியம் என்னவென்றால், தனிப்பட்ட முறையில் சரஹா மூலம் அனுப்பப்படும் செய்திகளை, பலரும் தங்களது பேஸ்புக் பக்கங்களிலும் பகிர்ந்து வருகின்றனர்.

எல்லாம் நல்ல விஷயமாகவே இருக்கும். சிலது கிண்டல் கேலியாக இருக்கும். நறுக்கென்று இருக்கும் எதுவும் இதுவரை சமூக தளங்களை அலங்கரிக்கவில்லை.

முகத்துக்கு நேராக பேசாமல் முதுகுக்குப் பின்னால் பேசும் சமுதாயத்துக்கு இதுபோன்ற சரஹா தேவையான ஒன்றுதான் என்றாலும், சொல்ல வேண்டிய மிக முக்கியமான விஷயங்களை எளிதாக சொல்லிவிடலாம் என்றும் கூறிக் கொள்ளலாம்.

தமிழகத்தில் எங்கெல்லாம் மழை பெய்து கொண்டிருக்கிறது : இங்கே அறியலாம்!

By DIN  |   Published on : 14th August 2017 04:58 PM

சென்னை: தமிழகத்தில் இன்று பிற்பகலில் பரவலாக மழை பெய்து வருகிறது. சென்னையில் வெயில் வெளுத்து வாங்கினாலும், புறநகர்ப் பகுதிகளிலும் மழை பதிவாகியுள்ளது.

அதன்படி, தமிழகத்தில் தேனி, ஆண்டிப்பட்டி கண்டமனூர், கடமலைக்குண்டு உள்ளிட்ட பகுதிகளில் பரவலாக மழை பெய்து வருகிறது. ஆன்டிப்பட்டியில் கன மழை காரணமாக மின்சாரம் துண்டிக்கப்பட்டுள்ளது.

அதே போல, திருப்பூர், அவிநாசி, கைகாட்டி புதூர், சூளை, மங்களம் உள்ளிட்ட பகுதிகளிலும் மழை பெய்தது.

திருவாரூர், திருத்துறைப்பூண்டி, கட்டிமேடு,  வேளாங்கண்ணி, கீழையூர், திருக்குவளை, வாழக்கரை உள்ளிட்ட பகுதிகளிலும் மழை பெய்து வருகிறது.

சென்னையைச் சுற்றியுள்ள தாம்பரம், பெருங்களத்தூர், வண்டலூர், பட்டாபிராம், ஒரகடம், மணிவாக்கம், முடிச்சூர், ஊரப்பாக்கம் ஆகிய பகுதிகளிலும் 15 நிமிடம் முதல் 45 நிமிடம் வரை மழை பெய்துள்ளது.

சேலம் மாவட்டம் ஆத்தூர், சிவகிரி, பெரம்பலூர் மாவட்டத்தில் பரவலாக, திருவண்ணாமலை, திருச்செங்கோடு, ஈரோடு மாவட்டத்தில் விஜயமங்கலம், குன்னத்தூர், பெருந்துறை, நாமக்கல் மாவட்டம் சோலசிராமணி, காங்கேயம், பள்ளக்கௌண்டன்பாளையம் பகுதிகளில் கன மழை பதிவாகியுள்ளது.

தெரிந்த பெயர், தெரியாத விவரம்: வேடந்தாங்கல் பறவைகள் சரணாலயம்

Published on : 31st July 2017 03:39 PM  |   

*

 தமிழகத்தின் மிக முக்கிய பறவைகளின் சரணாலயங்களுள் ஒன்று வேடந்தாங்கல்.

* ஆங்கிலேய ஆட்சியாளர்களால் 1858-இல் தொடங்கப்பட்ட இந்த சரணாலயம் சுமார் 160 ஆண்டுகாலமாக சுற்றுலா பயணிகளைக் கவர்ந்து வருகிறது.

* இங்குள்ள ஏரியின் பரப்பளவு 75 ஏக்கர். உள்பகுதியில் கடம்ப மற்றும் வேல மரங்கள் நிறைந்து உள்ளது. இம்மரங்களின் மேற்கிளைகளில் கூடு கட்டி முட்டைகள் இட்டு இனப்பெருக்கம் செய்யவும் தங்கி செல்லவும் வெளிநாட்டு பறவைகள் இப்பகுதியைத் தேடி வருகின்றன.

* வேடந்தாங்கலுக்கு அழையா வெளிநாட்டு விருந்தாளிகளாக, பாம்புதாரா, கரண்டிவாயன், கூழைக்கடா, அரிவாள்மூக்கன், வெள்ளை அரிவாள்மூக்கன், முக்குளிப்பான் உள்ளிட்ட வெளிநாட்டு பறவைகள் வந்து தங்கிச் செல்கின்றன.

* பறவைகள் இங்கு வருவதற்கு முக்கிய காரணமாக இங்கு நிலவும் பருவநிலையும், இனவிருத்தி செய்து தங்கள் வம்சத்தை பெருக்கிக் கொள்ளவும் சாதகமான சூழ்நிலை நிலவுகிறது.

* அக்டோபர் மாதம் முதல் ஏப்ரல் மாதம் வரை சீசன் காலமாக உள்ளது.

* பறவைகளின் சீசன் காலத்தில் சுமார் 50 ஆயிரத்துக்கும் மேற்பட்ட பறவைகளை இங்கு காணலாம்.

* வேடந்தாங்கலைச் சுற்றி மதுராந்தகம் ஏரி, கருங்குழி ஏரி உள்ளிட்ட ஏரிகள் நீர் அரண்களாக உள்ளன.

* இங்கு வரும் சுற்றுலா பயணிகள் தூரத்தில் உள்ள பறவைகளை காணக்கூடிய வகையில் கோபுர டவர் வழியாக டெலஸ்கோப் பொருத்தப்பட்டுள்ளது. அவற்றின் மூலம் பறவைகளின் உருவத்தை - அதன் நிறத்தை மிக எளிதாக கண்டு களிக்க முடியும். தனியார் கடைகளில் டெலஸ்கோப் கருவியை வாடகைக்குப் பெற முடியும்.

* விளைநிலங்களில் பயிரிடப்படும் நெல், பருப்புவகைகளையும், நீர்நிலைகளில் வாழும் சிறுமீன்கள், புழு, பூச்சிகள் போன்றவைகளையும் இப்பறவைகள் தமது உணவாக உட்கொள்கின்றன.

* ஏரிநீரில் வாழும் இப்பறவைகளின் எச்சம் மிகச்சிறந்த உரமாக வேடந்தாங்கல் பாசன நிலங்களுக்குப் பயன்படுவதால் இப்பகுதி விவசாயிகள் அதிக விளைச்சலை பெறுகின்றனர்.

* பறவைகளுக்கு அச்சமூட்டக்கூடாது என்ற நோக்கில், தீபாவளி நேரத்தில் அதிக சத்தத்துடன் கூடிய பட்டாசுகளை இப்பகுதி மக்கள் பல ஆண்டுகளாக வெடிப்பதில்லை. இதன் காரணமாக வேடந்தாங்கலை "வெடி வெடிக்காத கிராமம்' என அழைக்கிறார்கள்.

* காஞ்சிபுரம் மாவட்டம் மதுராந்தகம் அருகே இச்சரணாலயம் செயல்பட்டு வருகிறது. சென்னையில் இருந்து 83 கி.மீ தூரத்திலும், மதுராந்தகத்தில் இருந்து 16 கி.மீ தூரத்திலும், செங்கல்பட்டில் இருந்து 25 கி.மீ தொலைவிலும் வேடந்தாங்கல் பறவைகள் சரணாலயம் அமைந்துள்ளது.

* இந்த சரணாலயம், சென்னை வன உயிரியல் காப்பாளர் (வண்டலூர்) கட்டுப்பாட்டின் கீழ் இயங்கி வருகிறது.
தொகுப்பு : மதுராந்தகம் குமார்

INC moves HC for powers to grant recognition to nursing institutes

SPECIAL CORRESPONDENT

BENGALURU,AUGUST 15, 2017 00:00 IST

UPDATED: AUGUST 15, 2017 04:37 IST

Verdict of single judge said INC had no such authority

The Indian Nursing Council (INC) and several nursing colleges situated in the State have on Monday moved a Division Bench of the Karnataka High Court questioning the single judge’s verdict, which had declared that the INC has no authority to grant recognition to institutions imparting nursing training.

A Division Bench comprising Chief Justice Subhro Kamal Mukherjee and Justice P.S. Dinesh Kumar, before whom the appeals filed by Sri Adichunchanagiri College of Nursing and 20 other nursing institutes came up for hearing, adjourned further hearing till August 21.

The Bench also said that an appeal, filed separately by the INC, would also be heard alongside.

Earlier, counsel for the nursing institutes pointed out to the Bench that the future of a large number of students, including around 1,500 students from African countries, is in jeopardy as they cannot get jobs in any other State other than Karnataka, or abroad.

It was also contended that even the institutes will not get candidates to pursue nursing courses when it does not lead to jobs outside Karnataka.

The single judge’s verdict had upheld the government’s December 14 notification, which had stated that the power to grant recognition, impart training in nursing, and fixation of intake vests with the State government, the Karnataka State Nursing Council, and the Rajiv Gandhi University of Health Sciences, and not with the INC.

The INC, in its petition, asserted that it has the authority to regulate nursing institutes across the country.

The single judge’s verdict had also declared that all such materials, from which it could infer that recognition is to be obtained from the INC, stands withdrawn from the INC’s website forthwith.

விமானத்தில் வந்து செயின் பறிப்பு… சொகுசான வாழ்க்கை… கைதானவர்கள் பின்னணி இதுதான்!

JAYAVEL B



சென்னை மாநகரில் கடந்த சில மாதங்களாக நடைபெற்ற செயின் பறிப்பு சம்பவங்கள், அப்பகுதியினரை பெரும் அச்சத்தில் ஆழ்த்தியது. இதனால் பெண்கள் தனியாக சாலையில் நடக்கவே தயங்கிய நிலை ஏற்பட்டது. சாலை ஓரத்தில் நடத்து கொண்டிருக்கும் பெண்களிடம் திடீரென பைக்கில் வரும் ஆசாமிகள், கண்ணிமைக்கும் நேரத்தில் அவர்களின் செயினைப் பறித்துச் செல்லும் சம்பவங்கள் வீடியோக்களில் வைரலாக வலம் வரத்தொடங்கின.

காவல்துறையினர் பல மாதங்களாக வலைவீசியும், எந்த துப்பும் இல்லாததால் அவர்களை பிடிக்க முடியவில்லை. இந்த நிலையில் வட மாநிலத்தை சேர்ந்தவர்கள் விமானம் மூலம் சென்னை வந்து செயின் பறிப்பு போன்ற குற்றச் செயலில் ஈடுபடுவது தெரியவந்தது. இந்த நிலையில் காவல்துறையினர் அவர்களை பிடிக்க தனிப்படை அமைத்தனர். இந்த நிலையில் கடந்த சில மாத காலமாக, பல இடங்களில் நடைபெற்ற செயின் பறிப்பு சம்பவங்களில் தொடர்புடைய குற்றவாளிகள் சஞ்ஜய் மற்றும் சந்தீப் ஆகியோரை சென்னை காவல்துறையினர் நேற்று கைது செய்தனர்.

செய்தியாளர்கள் சந்திப்பின்போது பேசிய சென்னை கிழக்கு மண்டல காவல் இணை ஆணையர் மனோகரன், “சென்னை காவல்துறையால் கைது செய்யப்பட்ட இருவரும் டெல்லி க்ரைம் ஹிஸ்ட்ரி லிஸ்ட்டில் இருக்கிறார்கள். டெல்லியில் இவர்கள் மீது 30க்கும் மேற்பட்ட வழக்குகள் இருக்கின்றன. 23 செயில் பறிப்பு சம்பவங்களில் இருவரும் சேர்ந்து ஈடுபட்டுள்ளனர். அவர்களிடமிருந்து 25 சவரன் நகைகள் மற்றும் கொள்ளையில் ஈடுபட பயன்படுத்தப்பட்ட மோட்டர் வாகனம் ஆகியவற்றை பறிமுதல் செய்திருக்கிறோம். 

மேலும் இவர்களுக்கு உடந்தையாக இருந்த இன்னும் மூன்று பேரை தேடி வருகிறோம். அவர்கள் டெல்லியில் பதுங்கி இருப்பதாக தகவல் கிடைத்திருக்கிறது. அவர்களை பிடிக்க தனிப்படை ஒன்று டெல்லிக்கு விரைந்திருக்கிறது. டெல்லியில் இருந்து ஒரு டீமாக இவர்கள் சென்னைக்கு வந்திருக்கிறார்கள். ஆதார் கார்டு, ஓட்டுனர் உரிமம் ஆகியவற்றை பயன்படுத்தி பழைய டூ வீலரை வாங்கி இருக்கிறார்கள். சென்னையில் தங்குவதற்கு ஒரு அறையை வாடகைக்கு எடுத்து இருக்கிறார்கள். கொள்ளையடிப்பதற்காக டூ வீலரை அந்த வீட்டில் வைத்து இருக்கிறார்கள். கொள்ளையடித்துவிட்டு விமானம் மூலம் டெல்லி சென்றுவிடுவதும், டெல்லியிலிருந்து மீண்டும் விமானம் மூலம் சென்னையில் கொள்ளையில் ஈடுபடுவதும் விசாரணையில் தெரியவந்திருக்கிறது.



சிசிடிவி கேமராக்கள் இல்லாத இடங்களையும், மக்கள் நடமாட்டம் குறைந்த ஒதுக்கு புறமான இடங்களையும் செயின் பறிப்பிற்காக தேர்வு செய்கிறார்கள். காவல்துறையினர் தீவிர விசாரணையில் இறங்கிய போது, ‘அவர்கள் வட இந்தியரைப் போன்று இருக்கிறார்கள், அவர்கள் பயன்படுத்திய வாகனம் தமிழ்நாட்டில் பதிவு செய்யப்பட்டது’ என்ற தகவல்கள் கிடைத்தன. கொள்ளையடிக்க பயன்படுத்திய வாகனத்தில் கடைசி எண் 6 மட்டும் தெரிந்தது. மற்ற எண்கள் மறைக்கப்பட்டு இருந்தன. ஒவ்வொரு டூவீலர் ஸ்டாண்டிலும் இந்த வாகனம் இருக்கிறதா என தேடினோம்.

கடைசியில் சென்னை எழும்பூர் ரயில் நிலையத்தில் அந்த டூவீலர் நிறுத்தப்பட்டிருந்தது. அதை வைத்து செயின் பறிப்பு கொள்ளையர்களை பிடித்தோம். கொள்ளையடித்த பணத்தில் டெல்லியில் உள்ள மங்கல்புரி பகுதியில் அடுக்குமாடி வீடுகளை கட்டி சொகுசாக வாழ்க்கை நடத்தி வந்திருக்கின்றனர். தனியாக வீட்டில் வசிப்பவர்கள் முடிந்தவரை சிசிடிவி கேமராவை பொறுத்த வேண்டும். இதனால் குற்றம் பெருமளவு குறையும்” என்கிறார்.

ஓய்வு பெறும் லண்டன் ’பிக் பென்’ கடிகாரம்!

ராகினி ஆத்ம வெண்டி மு.

உலகின் மிகப்பெரிய மணிக்கூண்டு கோபுரங்களில் ஒன்றான லண்டனின் பிரசித்திபெற்ற ‘பிக் பென்’ கடிகாரம், புனரமைப்புப் பணிகளுக்காக நிறுத்திவைக்கப்பட உள்ளதாக முடிவு செய்யப்பட்டுள்ளது.




லண்டன் மாநகரில், தேம்ஸ் நதிக்கரையோரம் அமைந்திருக்கும் வெஸ்ட்மின்ஸ்டெர் அரண்மனையில் அமைந்திருக்கிறது இந்த வானுயர மணிக்கூண்டு. இந்த வெஸ்ட்மின்ஸ்டெர் அரண்மனையில்தான் பிரிட்டிஷ் நாடாளுமன்றம் இயங்கி வருகின்றது. 1858-ம் ஆண்டு, ஏப்ரல் 10-ம் நாள் கட்டி முடிக்கப்பட்ட இம்மணிக்கூண்டு, கடந்த 156 ஆண்டுகளாக ஆங்கிலேயரின் தலைநகரச் சின்னமாக விளங்கிவருகிறது.

இரண்டு உலகப் போர்களைக் கடந்தும், எவ்வித சுழற்சி மாற்றங்களும் இன்றி தன் உலகப்புகழ் பெற்ற மணியோசையால் துல்லியமாக நேரம் காட்டி, காலங்கள் பல கடந்து காலூன்றி நிற்கும் இந்த பிக்பென் கடிகாரக்கூண்டு, தற்போது மிகவும் மோசமான நிலையை எட்டியிருப்பதால், அதற்கான பராமரிப்புப் பணிகளை விரைந்து செய்யவேண்டுமென நாடாளுமன்ற நிலைக்குழு பரிந்துரை செய்துள்ளது. அக்குழு சமர்பித்த அறிக்கையில் மணிக்கூண்டின் மேற்கூரையும், கடிகார முட்களும், மணியோசை எழுப்பும் தொங்குருண்டையும் மற்றும் வேறு சில உலோக பாகங்களும் துருப்பிடித்து சேதமடைந்துள்ளதாகக் கூறப்பட்டுள்ளது.

அவ்வாறு பராமரிப்புப் பணிகளுக்காக நான்கு ஆண்டுகள் இக்கடிகாரம் நிறுத்திவைக்கப் கொடுத்த அறிவிப்பு செயல்பட்டால், இக்கடிகாரத்தின் 156 ஆண்டு கால வரலாற்றுச் சிறப்புமிக்க பயணத்தில், மிக நீண்ட நாட்களுக்கு அதன் மணியோசை நிறுத்தப்படும் காலமாக இப்புனரமைப்புக் காலம் அமையலாம் எனக் கருதப்படுகிறது.

அறிக்கைகளுக்கும், கணக்கீடுகளுக்கும் அப்பால் பிரிட்டிஷாரின் கலைப் பொக்கிஷத்திற்கு, உலகச் சிறப்பு வாய்ந்த, நூறாண்டுகளுக்கு மேல் கடந்து ஒலிக்கும் மணியோசைக்கு சில காலம் ஓய்வு!

சென்னையில் களைகட்டும் சுதந்திர தினம்: ஜொலிக்கும் அரசு கட்டடங்கள்!

சி.மீனாட்சி சுந்தரம் குமரகுருபரன்




71-வது சுதந்திர தினத்தை இன்று இந்தியா கொண்டாடுகிறது. பிரிட்டிஷ் காலத்தில் இருந்தே நம் சென்னைக்கு ஒரு சிறப்பு இருக்கிறது. இந்தியாவின் டாப் நான்கு நகரங்களில் ஒன்று சென்னை. பிரிட்டிஷ் ஆளுமைக்குள் இருந்த முக்கிய நகரம். மெட்ராஸ் பிரெசிடென்ஸியாக பரந்து விரிந்திருந்ததன் சுருக்கம்தான் இப்போதைய சென்னை.



இங்குள்ள அரசு கட்டடங்களில் ஆங்கிலேய சாயல்களை நன்றாக உணர முடியும். சுதந்திரத்துக்குப் பிறகு அந்த கட்டடங்களில்தான் நாம் ஆட்சி செய்து வருகிறோம். 71-வது சுதந்திர தினத்தை கொண்டாடும் விதமாக அக்கட்டடங்கள் அனைத்தும் வண்ண விளக்குகளால் அலங்கரிக்கப்பட்டுள்ளன. இரவு நேரங்களில் கட்டடங்கள் ஜொலிப்பதை பலரும் வியந்து பார்த்துச் செல்கின்றனர்.






இன்று சுதந்திர தின அணிவகுப்பு நடக்க இருக்கிறது. முதல்வர் எடப்பாடி பழனிசாமி பங்கேற்று, தேசியக் கொடி ஏற்ற இருக்கிறார். சென்னை கடற்கரையில் நடைபெறும் இந்த விழாவுக்கான ஏற்பாடுகள் இரவு முழுவதும் நடந்து வருகின்றன. சென்னை ரிப்பன் பில்டிங், தலைமைச் செயலகம், மேலும் பல அரசு கட்டடங்கள், தனியார் நிறுவன கட்டடங்கள் என சென்னையே விழாக்கோலம் பூண்டுள்ளது. கடற்கரை, முக்கிய சந்திப்புகள், ரயில் நிலையங்கள், விமான நிலையம் என முக்கிய இடங்களில் பாதுகாப்பு பலப்படுத்தப்பட்டுள்ளது.

Posted Date : 14:48 (14/08/2017)

“மாட்டின் மீதான அக்கறை, சிசுக்கள் மீது கிடையாதா?!” நெஞ்சு பொறுக்குதில்லையே #GorakhpurTragedy

VIKATAN

கு.ஆனந்தராஜ்




உத்தரப் பிரதேச மாநிலம் கோரக்பூரில் உள்ள பாபா ராகவ் தாஸ் மருத்துவக் கல்லூரி மருத்துவமனையில் ஆக்ஸிஜன் பற்றாக்குறையால் கடந்த ஒரு வாரத்தில் அடுத்தடுத்து 70 சிசுக்கள் உயிரிழந்த சம்பவம் நாடு முழுக்க பெரும் அதிர்வலைகளை ஏற்படுத்தியுள்ளது. பச்சிளம் குழந்தைகளைப் பறிக்கொடுத்த பெற்றோர்களின் அழுகுரலுக்கு, மத்திய மாநில அரசுகள்தான் பொறுப்பேற்க வேண்டும் என்ற வாதமும் வலுத்துவருகிறது. இந்நிலையில் பச்சிளம் குழந்தைகளின் உயிரிழப்பு குறித்தும், இனி இதுபோன்ற நிகழ்வு இந்தியாவில் நிகழாமல் இருக்கவும் அரசு செய்ய வேண்டிய விஷயங்களை அழுத்தமாகக் கூறுகிறார், சமூக சமத்துவத்துக்கான டாக்டர்கள் சங்கத்தின் பொதுச் செயலாளர் டாக்டர் ஜி.ஆர்.இரவீந்திரநாத்.

“பாபா ராகவ் மருத்துவக் கல்லூரி மருத்துவமனையில் 70 பச்சிளம் குழந்தைகளின் உயிரிழப்புக்குக் காரணம், ஆக்ஸிஜன் விநியோகம் நிறுத்தப்பட்டதுதான். இன்றைய பொருளாதாரச் சூழலில் தனியார் 

நிறுவனத்தார், யாருக்கும் நீண்ட கால இலவச சேவையை வழங்க முடியாது. அப்படித்தான் ஆக்ஸிஜன் விநியோகிக்கும் நிறுவனத்துக்கு அம்மாநில அரசு செலுத்தவேண்டிய ரூ.67 லட்சம் தொகையை செலுத்தாததால், ஆக்ஸிஜன் விநியோகிக்கும் நிறுவனமும் மருத்துவமனைக்கான தன் சேவையை நிறுத்தியுள்ளது. இதுவே ஒருவாரத்துக்குள் 70 பச்சிளம் குழந்தைகளின் உயிரிழப்புக்குக் காரணமாக அமைந்திருக்கிறது. அரசு மருத்துவமனையில் ஆக்ஸிஜன் பற்றாக்குறை பிரச்னையை கவனிக்கத் தவறியிருக்கிறார் அம்மாநில சுகாதாரத்துறை அமைச்சர். பசு மாடுகளுக்கு இன்ஸூரன்ஸ், ஆம்புலன்ஸ் வசதியெல்லாம் செய்யும் உத்தரப் பிரதேச முதல்வர் யோகி ஆதித்யநாத், அரசு மருத்துவமனையில் நடக்கும் தவறுகளைக் கண்டறிந்து உயிரிழப்புகள் நடைபெறாமல் இருக்க வழிசெய்யாமல், அரசின் தவறை மூடி மறைக்கிறார்.

‘ஆக்ஸிஜன் பற்றாக்குறையால் குழந்தைகள் இறக்கவில்லை. சில குழந்தைகளைத் தவிர மற்றக் குழந்தைகள் மூளை வீக்கப் பிரச்னையால்தான் உயிரிழந்திருக்கின்றனர்' என உத்தரப் பிரதேச மாநில அரசு சொல்வது தன் தவறை மறைக்கச் சொல்லும் வாதம். மேலும், கிழக்கு உத்தரப்பிரதேசப் பகுதியில் ஜப்பானிய மூளைக் காய்ச்சல் பிரச்னை இருப்பதாகக் கூறுகின்றனர். ஒருவேளை மூளைக் காய்ச்சல் பரவினால், அதற்கு உரிய தடுப்பூசியை அளித்து குழந்தைகளைக் காப்பதுதானே அரசின் கடமை. அதைச் செய்யாமல், மூளைக் காய்ச்சல் மற்றும் மூளை வீக்கப் பிரச்னையால்தான் குழந்தைகள் உயிரிழந்திருப்பதாக உ.பி அரசு சொல்வது எவ்வளவு மோசமான வாதம். தன் தவறை உணர்ந்து, இனி இதுபோன்ற தவறு நடக்காது என்ற உத்தரவாதத்தை பொதுமக்களுக்கு வழங்காமல், தான் செய்த தவறு அப்பட்டமாகத் தெரிந்திருந்தும் அதை மறைக்கவே அம்மாநில அரசு முயல்கிறது.



பாபா ராகவ் தாஸ் மருத்துவமனை டீன், ஆக்ஸிஜன் பற்றாக்குறை இருப்பதை நிச்சயம் அரசின் கவனத்துக்குக் கொண்டுசென்றிருப்பார். ஆனால், பிரச்னை வந்தால் பார்த்துக்கொள்வோம் என அரசு அதிகாரிகளும், அரசு நிர்வாகமும் இருந்திருப்பதே 70 குழந்தைகளின் உயிரிழப்புக்குக் காரணம். குறிப்பாக, அம்மருத்துவமனையின் குழந்தைகள் நலப்பிரிவு நோடல் அலுவலரான மருத்துவர் காஃபீல் கான், தனது நண்பரின் க்ளீனிக்கில் இருந்து மூன்று ஆக்ஸிஜன் சிலிண்டர்களை மருத்துவமனைக்கு வரவழைத்தும், வெளியில் இருந்தும் ரூ.10,000 கொடுத்து 9 ஆக்ஸிஜன் சிலிண்டர்களை வாங்கியுள்ளார். இந்த மருத்துவரின் செயலால், பல குழந்தைகளின் உயிர் காப்பாற்றப்பட்டிருக்கிறது. ஆனால், மருத்துவர் காஃபீல் கானை, நோடல் ஆஃபிஸர் பொறுப்பிலிருந்து அம்மாநில அரசு நீக்கியிருக்கிறது. இப்படி அரசு செய்தால், நல்லது செய்யும் எண்ணமும் பல மருத்துவர்களுக்கு வராமலே போகும்" என்பவர், அரசு செய்யவேண்டிய அடிப்படை விஷயங்களை முன்வைக்கிறார்.

"தேவைக்குக் குறைவான அரசு மருத்துவர்களை மட்டுமே வைத்துக்கொண்டு ஏராளமான அரசு மருத்துவமனைகள் இயங்கிவருகின்றன. இதனால் ஒரே டாக்டர் ஏராளமான நோயாளிகளைக் கவனித்து சிகிச்சை அளிப்பதில் சிக்கல் ஏற்படுகிறது. அத்துடன் தங்களுக்கான ஊதியம் குறைவாக இருப்பதால், பெரும்பாலான அரசு மருத்துவர்கள் தனியாக கிளீனிக்குகளை வைத்திருக்கிறார்கள். இதனால் அரசு மருத்துவமனையிலிருக்கும் நோயாளிகளுக்கு சரியான சிகிச்சை அளிக்காமல், தங்கள் கிளீனிக்குகளுக்கு வரும் நோயாளிகளின் மீதே கூடுதல் அக்கறை செலுத்துகின்றனர். இப்படி அரசு நிர்வாகமும், அரசு மருத்துவர்கள் பலரும் செய்வது அப்பட்டமான தவறாகும். ஆனால், பாதிக்கப்படுவதோ ஏழை பொதுமக்களும், குழந்தைகளும்தான். குறிப்பாக, இன்னும் வட மாநில கிராமப்புறப் பகுதிகளைச் சேர்ந்த பல ஏழை மக்கள் உடல்நிலை சரியில்லாதவர்களைத் தோல்மீது சுமந்தும், சைக்கிள் மற்றும் பைக்கிலும் வைத்துதான் மருத்துவமனைக்குக் கொண்டுசெல்கிறார்கள். அந்த அளவுக்கு இன்னும் நாட்டின் எல்லா பகுதிகளுக்கும் முழுமையான மருத்துவச் சேவை சென்றடையாமல் இருக்கிறது. இதற்கெல்லாம் அரசின் மெத்தனம்தான் காரணமாக இருக்கிறது. எனவே, அரசு மருத்துவமனைகளின் கட்டமைப்பு வசதிகளை மேம்படுத்தி, போதுமான நிதியை ஒதுக்கி மருத்துமனைகளின் தரத்தை அதிகப்படுத்த வேண்டும். பொதுமக்களுக்கு பொது சுகாதார விழிப்பு உணர்வையும் ஏற்படுத்த வேண்டும்.

தமிழகத்தில் ஒவ்வொரு குடும்பமும் தங்கள் வருமானத்தில் 5 சதவிகிதத்தை மருத்துவச் செலவுகளுக்கு செலவழிக்கின்றனர். இதனால் தங்கள் வருமானத்தில் பெரும்தொகை மருத்துவத்துக்காக செலவழிப்பதால், மற்ற தேவைகளுக்கு உரிய செலவீனங்களை ஒதுக்க முடியாமல் போகிறது. ஆனால், கல்வி, மருத்துவமும் அரசு மக்களுக்கு இலவசமாக வழங்கவேண்டிய சேவை. இதை எத்தனை முறை சொன்னாலும், அரசு செவிசாய்க்காமலேயே இருக்கிறது. உ.பி குழந்தைகள் உயிரிழப்பைப்போலவே, பல வருடங்களுக்கு முன்பு திருச்சியில் ஆக்ஸிஜன் பற்றாக்குறையால் சில குழந்தைகள் உயிரிழந்தனர். அதேபோல தர்மபுரி அரசு மருத்துவமனையில் பச்சிளம் குழந்தைகள் பிரிவில் போதிய வசதியில்லாததால் அங்கு பல குழந்தைகள் உயிரிழந்தனர். இப்படித் தொடர்ந்து நாடு முழுக்க அரசு மருத்துவமனைகளில் போதிய அடிப்படை வசதிகள் இல்லாத காரணத்தால், குழந்தைகள் முதல் பெரியவர்கள் வரையிலான நோயாளிகள் உயிரிழப்பது வாடிக்கையான நிகழ்வாகிவிட்டது.

பசு மாட்டின் மேல் காட்டும் கரிசனத்தை குழந்தைகள் மற்றும் பொதுமக்கள் மீது அரசு செலுத்துவதில்லை. இனியாவது பச்சிளம் குழந்தைகளின் உயிரை வைத்து அரசியல் செய்யாமல், மத்திய, மாநில அரசுகள் மக்களின் நலனில் அக்கறை செலுத்த வேண்டும். உத்தரப் பிரதேசத்தில் நடைபெற்ற சம்பவம், இனி நாட்டில் எங்கும் நடக்காமல் இருக்க வேண்டும். நம் நாட்டில் ஏழை மக்கள்தான் அதிகம் வசிக்கின்றனர். அவர்களுக்கு அரசு மருத்துவமனைகளைத் தவிர வேறு அடைக்கலம் இல்லை. அதனால், அரசு மருத்துவமனைகளின்மீது மக்களுக்கு நம்பிக்கை ஏற்பட அரசு வழிசெய்யவேண்டும்" என்கிறார்.