நீட்' தேர்வுக்கு பதிவு முடிந்தது

Added : மார் 13, 2018 02:15

சென்னை: மருத்துவ படிப்புக்கான, 'நீட்' தேர்வு விண்ணப்ப பதிவு, நேற்று முடிந்தது.பிளஸ் 2 முடிக்கும் மாணவர்கள், எம்.பி.பி.எஸ்., - பி.டி.எஸ்., படிப்புகளில் சேர, நீட் நுழைவு தேர்வில் கட்டாயம் தேர்ச்சி பெற வேண்டும். இந்த ஆண்டு முதல், வெளிநாடுகளில் மருத்துவம் படிக்கவும், இந்திய மருத்துவம் படிக்கவும், நீட் தேர்வு கட்டாயம் ஆகியுள்ளது.அதன்படி, நீட் தேர்வு, மே, 6ல் நடக்கிறது. இதற்கான, 'ஆன்லைன்' பதிவு, பிப்., 9ல் துவங்கியது. மார்ச், 9ல் முடிவதாக இருந்தது. உச்ச நீதிமன்ற உத்தரவால், மார்ச், 12 வரை அவகாசம் நீட்டிக்கப்பட்டது; நேற்றுடன் பதிவு முடிந்தது. தேர்வுக்கான கட்டணத்தை செலுத்தும் அவகாசம், இன்று இரவு, 11:30 மணிக்கு முடிகிறது.