'நிர்பயா' வழக்கு கடந்து வந்த பாதை

Added : ஜன 08, 2020 00:18

டிச., 16, 2012: டில்லியில், மருத்துவ மாணவி, 'நிர்பயா' ஓடும் பஸ்சில், ஆறு பேர் கொண்ட கும்பலால் பாலியல் பலாத்காரம் செய்யப்பட்டு, பஸ்சில் இருந்து துாக்கி வீசப்பட்டார். அவருடைய நண்பரும் தாக்கப்பட்டார்.

டிச., 17: டில்லி, சப்தர்ஜங் மருத்துவமனையில் நிர்பயா சேர்ப்பு. பஸ் டிரைவர் ராம் சிங், அவர் சகோதரர் முகேஷ் சிங் ராஜஸ்தானில் கைது. வினய் சர்மா, பவன் குப்தா, ஒரு சிறுவன் டில்லியில் கைது. அக் ஷய் குமார் சிங், அவுரங்காபாத்தில் கைது.டிச., 21: சப்தர்ஜங் மருத்துவமனையில் மாஜிஸ்திரேட்டிடம், 'நிர்பயா' வாக்குமூலம்.டிச., 26: குற்றவாளிகளை துாக்கிலிட வலியுறுத்தி நாடு முழுவதும் போராட்டம்.டிச., 27: 'நிர்பயா' மேல் சிகிச்சைக்காக சிங்கப்பூர் மவுன்ட் எலிசபெத் மருத்துவமனைக்கு கொண்டு செல்லப்பட்டார்.டிச., 29: சிகிச்சை பலனின்றி, அதிகாலை, 2:15 மணிக்கு உயிரிழந்தார். பாலியல் குற்றங்களுக்கு கடுமையான தண்டனை வழங்கும் சட்டம் பார்லிமென்டில் தாக்கல்.

ஜன., 3, 2013: பாலியல் பலாத்காரம், கொலை, கடத்தல், ஆவணங்களை அழித்தல் ஆகிய பிரிவுகளில், ஐந்து குற்றவாளிகள் மீது வழக்குப் பதிவு. ஆறு பேரில் மைனர் குற்றவாளி வழக்கு மட்டும் சிறுவர் கோர்ட்டுக்கு மாற்றம்.ஜன., 17: டில்லி, சாகேட் விரைவு கோர்ட்டில் விசாரணை துவங்கியது.மார்ச், 11: திகார் சிறையில் அடைக்கப்பட்டிருந்த முக்கிய குற்றவாளியான ராம் சிங் துாக்கிட்டு தற்கொலை. மற்ற ஐந்து பேர் மீதான விசாரணை தொடர்ந்தது.ஆக., 31: குற்றம் நிரூபிக்கப்பட்ட மைனர் குற்றவாளிக்கு மூன்று ஆண்டு சிறை தண்டனை.

செப்., 10: குற்றம் சாட்டப்பட்ட நான்கு பேரும் குற்றவாளிகள் என நீதிமன்றம் தீர்ப்பு. 13 பிரிவுகளில் இவர்களது குற்றம் நிரூபிக்கப்பட்டது.செப்., 13: நால்வருக்கும் மரண தண்டனை வழங்கி சிறப்பு நீதிமன்றம் தீர்ப்பு.ஜன., 3, 2014: சிறப்பு நீதிமன்றத்தின் தீர்ப்பை உறுதி செய்தது டில்லி உயர் நீதிமன்றம். ஜூன், 2: குற்றவாளிகள் இருவர் இத்தீர்ப்பை எதிர்த்து உச்ச நீதிமன்றத்தில் மேல்முறையீடு.ஜூலை, 14: குற்றவாளிகளின் துாக்கு தண்டனைக்கு இடைக்கால தடை.டிசம்பர், 2015: மைனர் குற்றவாளியை விடுவிக்கக் கூடாது என பா.ஜ.,வின் சுப்பிரமணியன் சாமி டில்லி உயர் நீதிமன்றத்தில் மனு.

டிச., 18: இம்மனுவை டில்லி நீதிமன்றம் தள்ளுபடி செய்தது.டிச., 20: மூன்று ஆண்டு சிறை தண்டனை முடிந்ததால், மைனர் குற்றவாளி விடுதலை.ஏப்., 3, 2016: உச்ச நீதிமன்றத்தில் விசாரணை துவக்கம்.மே, 5, 2017: நான்கு பேருக்கும் (அக் ஷய் குமார் சிங், வினய் சர்மா, பவன் குப்தா, முகேஷ் சிங்) மரண தண்டனை விதித்த டில்லி உயர் நீதிமன்றம் தீர்ப்பை, உச்சநீதிமன்றம் உறுதி செய்தது.நவ., 13: தீர்ப்பை எதிர்த்து, அக் ஷய் குமார் சிங்கை தவிர மற்ற மூவரும் உச்ச நீதிமன்றத்தில் மறுசீராய்வு மனு. ஜூலை, 9: சீராய்வு மனுவை உச்சநீதிமன்றம் தள்ளுபடி செய்தது. அக்., 29, 2019: கருணை மனு தாக்கல் செய்ய குற்றவாளிகளுக்கு, ஏழு நாள் காலக்கெடுவை திஹார் ஜெயில் நிர்வாகம் விதித்தது.

நவ., 8: டில்லி அரசிடம், வினய் சர்மா கருணை மனு. நவ., 30: இதனை தள்ளுபடி செய்த டில்லி உள்துறை அமைச்சர், டில்லி துணைநிலை கவர்னருக்கு மாற்றினார். டிச., 2: கவர்னரும் மனுவை தள்ளுபடி செய்து, டில்லி அரசு முடிவெடுக்க அனுமதி. டிச., 6: கருணை மனுவை உள்துறை அமைச்சகம் ஜனாதிபதிக்கு மாற்றியது. மனுவை தள்ளுபடி செய்ய, டில்லி அரசு பரிந்துரை. டிச., 10: அக் ஷய் குமார் சிங் உச்சநீதிமன்றத்தில் மறுசீராய்வு மனு. டிச., 18: மனுவை தள்ளுபடி செய்த உச்ச நீதிமன்றம், மூன்று வாரங்களுக்குள் ஜனாதிபதிக்கு கருணை மனு தாக்கல் செய்ய, உத்தரவு.

ஜன., 7, 2020: நான்கு குற்றவாளிகளையும், ஜனவரி, 22, காலை, 7:00 மணிக்கு துாக்கிலிட, திஹார் ஜெயில் நிர்வாகத்துக்கு, டில்லி நீதிமன்றம், 'நோட்டீஸ்!'