டி.எம்.இ., பணியிடம்

ஏப் 13, 2019  21:34

சென்னை : 'மருத்துவக் கல்வி இயக்குனர் பதவிக்கு, விருப்பமுள்ளோர் விண்ணப்பிக்கலாம்' என, அழைப்பு விடுக்கப்பட்டுள்ளது.தமிழக மருத்துவக் கல்வி இயக்குனராக, எட்வின் ஜோ உள்ளார். இவரது பதவிக்காலம், ஜூலையுடன் முடிகிறது. இதனால், தகுதியான மருத்துவக் கல்லுாரி டீன்கள் மற்றும் பேராசிரியர்கள் விண்ணப்பிக்கலாம் என, சுகாதாரத் துறை தெரிவித்துள்ளது. அதேபோல, காலியாக உள்ள, தர்மபுரி, துாத்துக்குடி உள்ளிட்ட மருத்துவமனைகளின் டீன்கள் பணியிடங்களுக்கு விண்ணப்பிக்கவும் அழைப்பு விடுக்கப்பட்டுள்ளது.

இதுகுறித்து, சுகாதாரத்துறை அதிகாரிகள் கூறுகையில், 'முன்னர் போல, மருத்துவ கல்வி இயக்குனர் நியமனத்தில் சர்ச்சை எழாமல், பணி மூப்பு அடிப்படையில், தகுதியான மருத்துவக் கல்வி இயக்குனர் நியமிக்கப்படுவார்' என்றனர்.