ஐ.ஆர்.சி.டி.சி., வாடிக்கையாளர் சேவை எண்

Added : ஏப் 16, 2018 01:00

டிக்கெட் முன்பதிவு உள்ளிட்ட பலதரப்பட்ட புகார்களுக்கு, இரு பிரத்யேக வாடிக்கையாளர் சேவை எண்களை, ஐ.ஆர்.சி.டி.சி., புதிதாக அறிமுகம் செய்துள்ளது.ஐ.ஆர்.சி.டி.சி., எனப்படும், இந்திய ரயில்வே மற்றும் உணவு சுற்றுலா கழகம் மூலம், லட்சக்கணக்கானோர் தினமும் டிக்கெட் முன்பதிவு செய்து, ரயில்களில் பயணித்து வருகின்றனர். சில சமயங்களில், இணையதளம் முடக்கம், டிக்கெட் முன்பதிவு, ரத்து உள்ளிட்டவற்றில், பல்வேறு குழப்பங்களை பயணியர் சந்தித்து வருகின்றனர்.இந்நிலையில், முன்பதிவு, இணையதள கோளாறு, கட்டணம் திரும்பப்பெறுதல், 'இ - வாலட்' தொடர்பாக மட்டுமின்றி, இதர புகார்களுக்கும் தீர்வு காணும் விதமாக, இரு புதிய வாடிக்கையாளர் சேவை எண்கள் பிரத்யேகமாக அறிமுகம் செய்யப்பட்டுள்ளன. அதன்படி, 0755 3934141, 0755 6610661 ஆகிய எண்களில், ஆங்கிலம் மற்றும் ஹிந்தி மொழிகளில் சேவை பெறலாம் என, ஐ.ஆர்.சி.டி.சி., தெரிவித்துள்ளது.

- நமது நிருபர் -