இதே நாளில் அன்று

பதிவு செய்த நாள் 12 ஏப்   2017 21:42




1930 ஏப்ரல் 13

சிறந்த தமிழ் அறிஞரும், சிந்தனையாளரும், பாடலாசிரியருமான பட்டுக்கோட்டை கல்யாணசுந்தரம், தஞ்சை மாவட்டம், பட்டுக்கோட்டை அருகே, செங்கப்படுத்தான்காடு எனும் கிராமத்தில், அருணாச்சலனார் - - விசாலாட்சி தம்பதிக்கு மகனாக, 1930 ஏப்., 13ல் பிறந்தார்.பள்ளிப் படிப்பை முடித்த இவர், திராவிட இயக்கத்திலும், கம்யூனிச கொள்கையிலும் ஈடுபாடு கொண்டிருந்தார்.பாட்டாளி மக்களின் ஆசை, ஆவேசங்களை பிரதிபலிக்கும் வகையில் பாடல்கள் எழுதினார். அவர் இயற்றிய பல பாடல்கள், 'ஜனசக்தி' பத்திரிகையில் வெளியானது. 1955 ல், படித்த பெண் என்ற திரைப்படம் மூலம், பாடலாசிரியராக அறிமுகம் ஆனார். சினிமாவில் நடிக்க ஆசைப்பட்ட இவர், புகழ் பெற்ற கவிஞரானார். இவர், எம்.ஜி.ஆர்., உள்ளிட்ட பிரபல நடிகர்களுக்கு, கருத்துள்ள பல்வேறு தமிழ் பாடல்களை இயற்றியுள்ளார். 1959 அக்., 8 ல், தன் சிறு வயதில் காலமானார். அவர் பிறந்த தினம், இன்று.