ஊழியர்களுக்கு ஸ்கூட்டர் பரிசு : குஜராத் நிறுவனம் அசத்தல்

பதிவு செய்த நாள்22ஏப்
2017
00:14

சூரத்: குஜராத்தில் செயல்படும், வைரம் பட்டை தீட்டும் தொழிற்சாலையில், சிறப்பாக பணியாற்றிய, 125 ஊழியர்களுக்கு, அந்நிறுவனத்தின் சார்பில், அதிநவீன ஸ்கூட்டர்கள் பரிசளிக்கப்பட்டுள்ளன.

குஜராத்தில், பா.ஜ.,வைச் சேர்ந்த விஜய் ரூபானி முதல்வராக உள்ளார். இந்த மாநிலத்தைச் சேர்ந்த பல நிறுவனங்கள், சிறப்பாக பணியாற்றும் ஊழியர்களுக்கு, பைக், கார், வீடு, பணம் உள்ளிட்டவற்றை போனசாக வாரி வழங்கி வருகின்றன. 

சூரத்தைச் சேர்ந்த பிரபல தொழில் அதிபர் லக்சிதாஸ் வெகாரியாவும், இந்த பட்டியலில் இணைந்துள்ளார். வைரம் பட்டை தீட்டும் தன் தொழிற்சாலையில், சிறப்பாக பணியாற்றிய, 125 ஊழியர்களுக்கு, அதிநவீன ஸ்கூட்டர்களை, லக்சிதாஸ் வெகாரியா வழங்கியுள்ளார்.
ஊழியர்களின் பணித்திறனை அதிகரிக்கவும், அவர்களுக்கு உரிய அங்கீகாரம் வழங்கவுமே இந்த நடவடிக்கை மேற்கொள்ளப்பட்டுள்ளதாக வெகாரியா தெரிவித்துள்ளார்.