சம்பளம் இன்றி தவிக்கும் ஏர் இந்தியா ஊழியர்கள்

Updated : ஜூன் 07, 2018 09:42 | Added : ஜூன் 07, 2018 07:54



புதுடில்லி: நிதி இழப்பை சந்தித்து வருவதால் ஏர் இந்தியா ஊழியர்கள் சம்பளம் இன்றி தவித்து வருகின்றனர்.

பொதுத்துறை நிறுவனமான ஏர் இந்தியா நிதி இழப்பை சந்தித்து வருகிறது. அதன், ஐந்து துணை நிறுவனங்களின் பெரும்பான்மை பங்குகளை விற்க, பொருளாதார விவகாரங்களுக்கான, மத்திய அமைச்சரவைக் குழு, ஒப்புதல் அளித்துள்ளது. இதையடுத்து, ஏர் - இந்தியாவை விற்பதற்கான பணிகள் சூடுபிடித்து உள்ளன. ஆனால் இதனை வாங்கிட யாரும் முன்வரவில்லை.
இந்நிலையில் நிதி இல்லாதால் கடந்த மே மாத சம்பளத்தினை ஏர்இந்தியா ஊழியர்களுக்கு கிடைக்கவில்லை. வழக்கமாக மாதத்தின் கடைசி நாளான 30 அல்லது31-ம் தேதிகளில் அந்த மாத்திற்குரிய சம்பளம் பெற்றுவந்தனர். ஆனால் மே மாதம் முடிந்து ஜூன் 7-ம் தேதி ஆகியும் சம்பளம் கிடைக்காமல் தவித்து வருகின்றனர்.