ராமேஸ்வரம் - அஜ்மீர் இடையே வாராந்திர 'ஏசி' ரயில் அறிமுகம்

Added : செப் 28, 2018 23:33


சென்னை, ராமேஸ்வரத்தில் இருந்து, ராஜஸ்தான் மாநிலம், அஜ்மீருக்கு வாராந்திர, 'ஏசி' ரயில் இயக்கப்படுகிறது.ராமேஸ்வரத்தில் இருந்து, செவ்வாய் தோறும், இரவு, 10:15க்கு புறப்படும், 19603 எண்ணுடைய ரயில், வியாழக்கிழமை இரவு, 11:25 மணிக்கு, அஜ்மீர் சென்றடையும். அஜ்மீரில் இருந்து, சனிக்கிழமை இரவு, 9:40க்கு புறப்படும், 19604 எண்ணுடைய ரயில், செவ்வாய்கிழமை அதிகாலை, 3:15 மணிக்கு, ராமேஸ்வரம் சென்றடையும்.இந்த ரயிலில், 16 'ஏசி' மூன்றடுக்கு பெட்டிகள் இணைத்து இயக்கப்படும். மானாமதுரை, திருச்சி, அரியலுார், விழுப்புரம், செங்கல்பட்டு, சென்னை எழும்பூர், ஆந்திரா மாநிலம் கூடூர் உட்பட, 28 நிலையங்களில் நின்று செல்லும். இந்த ரயில், ராமேஸ்வரத்தில் இருந்து, வரும் அக்., 2; அஜ்மீரில் இருந்து, அக்., 6லும், துவங்கப்படும் என, தெற்கு ரயில்வே தெரிவித்துள்ளது.