திருமலையில் பக்தர்கள் கூட்டம்

Added : மே 20, 2018 01:11

திருப்பதி: திருமலையில், வார விடுமுறையை ஒட்டி, பக்தர்கள், ஏழுமலையானை தரிசிக்க குவித்துள்ளனர். ஆந்திராவின், திருப்பதி, திருமலை ஏழுமலையான் கோவிலில், கோடை விடுமுறை மற்றும் பள்ளி இறுதி தேர்வு முடிவுகள் வெளியானதையடுத்து, ஏழுமலையானிடம் வேண்டுதல் வைத்திருந்த பக்தர்கள், அதை நிறைவேற்ற, திருமலையில் குவிந்து வருகின்றனர்.அதனால், பக்தர்களுக்கு, 26 மணி நேரத்திற்கு பின், தரிசன நேரம் ஒதுக்கப்படுகிறது. காத்திருப்பு அறையில் காத்திருக்கும் பக்தர்களும், 26 மணிநேரத்திற்கு பின், ஏழுமலையான் தரிசனத்திற்கு அனுமதிக்கப் படுகின்றனர்; எனவே, திருமலையில் எங்கு பார்த்தாலும் பக்தர்கள் கூட்டம் நிரம்பி வழிகிறது.பக்தர்களின் வருகைக்கு தக்கபடி, தேவஸ்தானமும் முன்னெச்சரிக்கை நடவடிக்கைகளை செய்துள்ளது.