'இ - டிக்கெட்' முன்பதிவு : 5 சதவீத கட்டண சலுகை

Added : செப் 16, 2018 21:05

ரயில்களில், 'பிம்' மொபைல் போன் செயலி யில் டிக்கெட் முன்பதிவு செய்யும் பயணியருக்கு, 5 சதவீதம் கட்டணம் தள்ளுபடி செய்யப் பட்டுள்ளது. இந்திய ரயில்வே உணவு மற்றும் சுற்றுலா கழக இணையதளமான, ஐ.ஆர்.சி.டி.சி.,யில் டிக்கெட் முன்பதிவு செய்யும் பயணியர், உணவு, 'பெட்ஷீட்' உள்ளிட்டவற்றையும் முன்பதிவு செய்து கொள்ள முடியும். பயணியர் அலைச்சலை போக்கும் விதமாக, 'இ - டிக்கெட்' பெற, புதிய மொபைல் போன் செயலிகள் அறிமுகம் செய்யப்பட்டு வருகின்றன. இதன்படி, 'பிம்' எனும் செயலி, சமீபத்தில் அறிமுகம் செய்யப்பட்டது, பயணியரிடம் வரவேற்பை பெற்றுள்ளது. ரொக்கமில்லா பரிவர்த்தனையை ஊக்குவிக்கும் விதமாக, 'பிம்' செயலி மூலம் டிக்கெட் பெறும் பயணியருக்கு, அடுத்தாண்டு ஜூன், 13 வரை, 5 சதவீதம் டிக்கெட் கட்டணம் தள்ளுபடி செய்யப்படுவதாக, ஐ.ஆர்.சி.டி.சி., தெரிவித்துள்ளது.
- நமது நிருபர் -