'நீட்' தேர்வு ஹால் டிக்கெட் வெளியீடு

Added : ஏப் 18, 2018 04:21




புதுடில்லி : மருத்துவ படிப்பில் சேருவதற்கான, 'நீட்' எனப்படும், தேசிய தகுதி மற்றும் நுழைவுத் தேர்வு, மே, 5ல், நாடு முழுவதும் நடக்க உள்ளது. இந்நிலையில், தேர்வுக்கான, ஹால் டிக்கெட் மற்றும் தேர்வில் பின்பற்றப்பட வேண்டிய வழிமுறைகளை, சி.பி.எஸ்.இ., நேற்று வெளியிட்டது;

* தேர்வு எழுதும் மாணவர்கள், தேர்வு துவங்குவதற்கு ஒரு மணி நேரத்திற்கு முன்பாகவே, தேர்வறைக்கு வர வேண்டும். சோதனைக்கு பின்பே, தேர்வறைக்குள் அனுமதிக்கப்படுவர்.

* மாணவர்கள், அரைக்கை சட்டையுடன், பேன்ட்டும், மாணவியர், சுடிதார் ஆடைகளையும் அணியலாம்

* ஆடைகளில், பெரிய பொத்தான்கள், பேட்ஜ், கிளிப் உள்ளிட்டவை இருக்கக் கூடாது. மாணவியர், தலையில், பூ வைத்து வரக் கூடாது

* மாணவர்கள் செருப்பு மட்டுமே அணிய வேண்டும்; ஷூ அணிந்து வரக் கூடாது. மாணவியர், குதிகால்கள் மறைக்கும் வகையிலான காலணிகளை அணிந்து வரக் கூடாது.

Advertisement