மூணாறுக்கு சுற்றுலா பயணிகள் வருகை குறைவு

Added : ஏப் 22, 2018 05:05

மூணாறு: கேரளா, மூணாறில் கோடைசுற்றுலா சீசன் துவங்கியபோதும் பயணிகளின் வரத்து மிகவும் குறைவாக உள்ளது.முக்கிய சுற்றுலாப்பகுதியான மூணாறுக்கு ஆண்டு முழுவதும் பயணிகள் வந்து செல்கின்றனர். ஏப்ரல், மே மாதங்களில் கூட்டம் அலைமோதும்.ஆனால் இந்தாண்டு பயணிகளின் வரத்து மிகவும் குறைவாக உள்ளது. மாட்டுபட்டியில், படகு சவாரி மற்றும் பொழுதுபோக்கு அம்சங்களை பார்க்க ஒரு நாளைக்கு சராசரியாக 2,500 முதல் 3,000 பயணிகள் வந்து செல்வர். ஆனால் நேற்று முன்தினம் 928 பேர் மட்டும் வந்தனர். ஜூலையில் குறிஞ்சி பூக்கள் பூக்கும் நேரத்தில் கேரள பயணிகள் வருவர் என எதிர்பார்க்கப்படுகிறது. தமிழகத்தில் தொடர் போராட்டம் நடப்பதால் பயணிகள் வருகை குறைந்துவிட்டதாகவும் கூறப்படுகிறது.