முதியோரை நள்ளிரவில் கைது செய்த போலீசாருக்கு ரூ.5 லட்சம் அபராதம்
Added : ஏப் 19, 2018 22:58
சென்னை, வயதானவர்களை நள்ளிரவில் கைது செய்து, துன்புறுத்திய வழக்கில், டி.எஸ்.பி., உள்ளிட்ட போலீஸ் அதிகாரிகளுக்கு, ஐந்து லட்சம் ரூபாய் அபராதம் விதித்து, மாநில மனித உரிமைகள் ஆணையம் உத்தரவிட்டுள்ளது.சென்னை, நுங்கம்பாக்கத்தை சேர்ந்தவர் வசந்தா, 65. இவர், மாநில மனித உரிமைகள் ஆணையத்தில், தாக்கல் செய்த மனு:என் மூதாதையரின் பூர்விக சொத்து, சேலம் மாவட்டம், கொண்டையம்பள்ளியில் உள்ளது. இந்த சொத்து தொடர்பாக, எனக்கும், உறவினர்களுக்கும் இடையே பிரச்னை உள்ளது. இந்நிலையில், 2012ல், கொண்டையம்பள்ளியில் உள்ள, பூர்விக வீட்டில், நானும், என் தங்கையின் கணவர், தர்மலிங்கமும், 85, தங்கியிருந்தோம். நள்ளிரவு, 1:30 மணியளவில், சேலம் நில அபகரிப்பு தடுப்பு பிரிவு போலீசார், எங்கள் வீட்டுக்கு வந்தனர்.விசாரணைக்கு வரும்படி அழைத்தனர். காலையில் வருவதாக கூறியதை ஏற்காமல், எங்களை அடித்து துன்புறுத்தி, வலுக்கட்டாயமாக ஜீப்பில் ஏற்றினர். பின், எங்கள் மீது பொய் வழக்கு பதிவு செய்து, சிறையில் அடைத்தனர். எங்களுக்கு எதிராக, மனித உரிமை மீறலில் ஈடுபட்ட, நில அபகரிப்பு போலீஸ்காரர்கள் மீது, உரிய நடவடிக்கை எடுக்க வேண்டும்.இவ்வாறு மனுவில் கூறப்பட்டுள்ளது.இந்த வழக்கை விசாரித்த நீதிபதி, ஜெயச்சந்திரன் பிறப்பித்த உத்தரவு:உச்சநீதிமன்றமும், தேசிய மனித உரிமைகள் ஆணையயும், குற்ற வழக்கில் ஒருவரை கைது செய்யும் போது, பின்பற்ற வேண்டிய வழிமுறைகளை தெளிவுபடுத்தியுள்ளது. போலீஸ் அதிகாரி மோகன்குமார் உள்ளிட்டோர், வழிமுறைகளுக்கு மாறாக, மனுதாரர் மற்றும் அவரது உறவினரின் வயதை கருதாமல், நள்ளிரவில் கைது செய்து துன்புறுத்தியுள்ளனர்.எனவே, மனுதாரருக்கு, ஐந்து லட்சம் ரூபாயை, தமிழக அரசு, நான்கு வாரத்திற்குள் அளிக்க வேண்டும். அந்த தொகையை, டி.எஸ்.பி., மோகன்குமார், இன்ஸ்பெக்டர் ராஜிடமிருந்து, தலா, இரண்டு லட்சம் ரூபாய்; எஸ்.ஐ., தங்கராஜ், பாக்கியலட்சுமி ஆகியோரிடம் இருந்து, தலா, 50 ஆயிரம் ரூபாய் என, வசூலித்துக் கொள்ளலாம். நான்கு போலீஸ் அதிகாரிகள் மீதும், குற்ற நடவடிக்கையும், துறை ரீதியான நடவடிக்கையையும், தமிழக எடுக்க வேண்டும். இவ்வாறு உத்தரவில் கூறப்பட்டுள்ளது.
Added : ஏப் 19, 2018 22:58
சென்னை, வயதானவர்களை நள்ளிரவில் கைது செய்து, துன்புறுத்திய வழக்கில், டி.எஸ்.பி., உள்ளிட்ட போலீஸ் அதிகாரிகளுக்கு, ஐந்து லட்சம் ரூபாய் அபராதம் விதித்து, மாநில மனித உரிமைகள் ஆணையம் உத்தரவிட்டுள்ளது.சென்னை, நுங்கம்பாக்கத்தை சேர்ந்தவர் வசந்தா, 65. இவர், மாநில மனித உரிமைகள் ஆணையத்தில், தாக்கல் செய்த மனு:என் மூதாதையரின் பூர்விக சொத்து, சேலம் மாவட்டம், கொண்டையம்பள்ளியில் உள்ளது. இந்த சொத்து தொடர்பாக, எனக்கும், உறவினர்களுக்கும் இடையே பிரச்னை உள்ளது. இந்நிலையில், 2012ல், கொண்டையம்பள்ளியில் உள்ள, பூர்விக வீட்டில், நானும், என் தங்கையின் கணவர், தர்மலிங்கமும், 85, தங்கியிருந்தோம். நள்ளிரவு, 1:30 மணியளவில், சேலம் நில அபகரிப்பு தடுப்பு பிரிவு போலீசார், எங்கள் வீட்டுக்கு வந்தனர்.விசாரணைக்கு வரும்படி அழைத்தனர். காலையில் வருவதாக கூறியதை ஏற்காமல், எங்களை அடித்து துன்புறுத்தி, வலுக்கட்டாயமாக ஜீப்பில் ஏற்றினர். பின், எங்கள் மீது பொய் வழக்கு பதிவு செய்து, சிறையில் அடைத்தனர். எங்களுக்கு எதிராக, மனித உரிமை மீறலில் ஈடுபட்ட, நில அபகரிப்பு போலீஸ்காரர்கள் மீது, உரிய நடவடிக்கை எடுக்க வேண்டும்.இவ்வாறு மனுவில் கூறப்பட்டுள்ளது.இந்த வழக்கை விசாரித்த நீதிபதி, ஜெயச்சந்திரன் பிறப்பித்த உத்தரவு:உச்சநீதிமன்றமும், தேசிய மனித உரிமைகள் ஆணையயும், குற்ற வழக்கில் ஒருவரை கைது செய்யும் போது, பின்பற்ற வேண்டிய வழிமுறைகளை தெளிவுபடுத்தியுள்ளது. போலீஸ் அதிகாரி மோகன்குமார் உள்ளிட்டோர், வழிமுறைகளுக்கு மாறாக, மனுதாரர் மற்றும் அவரது உறவினரின் வயதை கருதாமல், நள்ளிரவில் கைது செய்து துன்புறுத்தியுள்ளனர்.எனவே, மனுதாரருக்கு, ஐந்து லட்சம் ரூபாயை, தமிழக அரசு, நான்கு வாரத்திற்குள் அளிக்க வேண்டும். அந்த தொகையை, டி.எஸ்.பி., மோகன்குமார், இன்ஸ்பெக்டர் ராஜிடமிருந்து, தலா, இரண்டு லட்சம் ரூபாய்; எஸ்.ஐ., தங்கராஜ், பாக்கியலட்சுமி ஆகியோரிடம் இருந்து, தலா, 50 ஆயிரம் ரூபாய் என, வசூலித்துக் கொள்ளலாம். நான்கு போலீஸ் அதிகாரிகள் மீதும், குற்ற நடவடிக்கையும், துறை ரீதியான நடவடிக்கையையும், தமிழக எடுக்க வேண்டும். இவ்வாறு உத்தரவில் கூறப்பட்டுள்ளது.
No comments:
Post a Comment