டார்ஜிலிங் செல்ல 'குளுகுளு' ரயில்

Added : மே 05, 2018 00:27

கோவை: கேரளாவில் இருந்து, வரும், 18ம் தேதி டார்ஜிலிங் புறப்படும், ஐ.ஆர்.சி.டி.சி., கோடைகால 'ஏசி' சிறப்பு ரயிலுக்கு முன்பதிவுகள் வரவேற்கப்படுகின்றன.இந்திய ரயில்வே உணவு மற்றும் சுற்றுலா கழகம் கோடைகால சிறப்பு சுற்றுலா ரயில்களை இயக்கி வருகிறது. அந்த வகையில், வரும், 18ம் தேதி டார்ஜிலிங், கேங்டாங் செல்ல, முதல் வகுப்பு பெட்டிகள் இரண்டு, இரண்டாம் வகுப்பு பெட்டிகள் நான்கு, மூன்றாம் வகுப்பு பெட்டிகள் கொண்ட, 'ஏசி' சிறப்பு ரயில் இயக்கப்படுகிறது.கேரள மாநிலம், கொச்சுவேலியில் இருந்து புறப்படும் ரயில் கொச்சி, பாலக்காடு, ஈரோடு, சேலம், சென்னை மற்றும் விஜயவாடா வழியாக விசாகப்பட்டினம் செல்கிறது.தொடர்ந்து, ஆந்திர மாநிலம் அரக்கு பள்ளத்தாக்கு, போரா குகைகள், சிக்கிம் மாநிலம் கேங்டாக், மேற்கு வங்க மாநிலம் டார்ஜிலிங்கில் உள்ள சுற்றுலா தலங்களையும் சுற்றிப்பார்க்க ஏற்பாடு செய்யப்பட்டுள்ளது.மொத்தம், 12 நாட்களை உள்ளடக்கிய சுற்றுலாவுக்கு நபர் ஒருவருக்கு, 46 ஆயிரத்து, 200 ரூபாய் கட்டணம். வாகன வசதி, உணவு, தங்கும் இடம் உள்ளிட்ட அனைத்து வசதிகளும் வழங்கப்படுகின்றன. விபரங்களுக்கு, ஐ.ஆர்.சி.டி.சி., அலுவலகத்தை, 90031 40655; 98409 02919 ஆகிய எண்களிலும் www.irctctourism.com எனும் இணையதள முகவரியிலும் தொடர்புகொள்ளலாம்.