ரயில் முன்பதிவுக்கு புதிய வசதி

Added : மே 05, 2018 00:38

புதுடில்லி: 'ஐ.ஆர்.சி.டி.சி., 'இ - வாலட்' பயனாளர்கள், இனி, 'ஐ.ஆர்.சி.டி.சி., ரயில் கனெக்ட் ஆப்' மூலம், ரயில் டிக்கெட்களை முன்பதிவு செய்யலாம்' என, ஐ.ஆர்.சி.டி.சி., தெரிவித்து உள்ளது.ஐ.ஆர்.சி.டிசி., எனப்படும், இந்திய ரயில்வே உணவு மற்றும் சுற்றுலா கழகத்தின் வலைதளத்தில், 'இ - வாலட்' எனப்படும், மின்னணு பணப்பை வசதிக்காக, பதிவு செய்ய வேண்டும். இ - வாலட்டில், தங்களுடைய வங்கிக் கணக்குகளை இணைக்க வேண்டும். இதைத் தொடர்ந்து, ஐ.ஆர்.சி.டி.சி., ரயில் கனெக்ட் ஆப் மூலம், ரயில் டிக்கெட்களை, பயணியர் முன்பதிவு செய்யலாம். இந்த ஆப் மூலம், 'ஓலா' டாக்சி சேவையையும் பெற முடியும். 'ஐ.ஆர்.சி.டி.சி., புட் ஆன் டிராக் ஆப்' மூலம், ரயில் பயணியர் உணவை, 'ஆர்டர்' செய்யலாம். உணவு வாங்கியதற்கு, 'பில்' கொடுக்கப்படாவிட்டால், அந்த உணவை, பயணியர் இலவசமாகவே பெற்றுக் கொள்ளலாம் என, ஐ.ஆர்.சி.டி.சி., தெரிவித்து   உள்ளது.