முதுநிலை மருத்துவம் : நாளை இறுதி கவுன்சிலிங்

Added : மே 15, 2018 22:37

சென்னை: முதுநிலை மருத்துவ படிப்புக்கான, அகில இந்திய கவுன்சிலிங் நாளை நடக்க உள்ளது. நாடு முழுவதும் உள்ள, அரசு மற்றும் தனியார் மருத்துவ கல்லுாரிகளில், அகில இந்திய ஒதுக்கீட்டில் உள்ள, முதுநிலை மருத்துவ இடங்களுக்கானகான கவுன்சிலிங், மார்ச், 27ல் துவங்கியது. இரண்டு கட்டங்களாக கவுன்சிலிங் நடந்தது. இதில், நிரம்பாத இடங்கள், மாநில ஒதுக்கீட்டிற்கு திரும்பின.இந்நிலையில், சுயநிதி கல்லுாரிகளில் உள்ள, அகில இந்திய ஒதுக்கீட்டு இடங்களுக்கான இறுதி கட்ட கவுன்சிலிங், 'ஆன்லைன்' வழியே, நாளை நடக்க உள்ளது.

இதற்கான முடிவுகள், நாளை மறுநாள் வெளியிடப்படுகிறது. இதில் நிரம்பாத இடங்கள், கல்லுாரிகளிடம் சமர்ப்பிக்கப்படும்.