'நீட்' தேர்வு மாணவிக்கு உதவிய டிரைவர்

Added : மே 07, 2018 01:11




  மதுரை : மதுரையில் நீட் தேர்வு ஹால் டிக்கெட்டை மறந்த மாணவிக்கு உதவிய கார் டிரைவருக்கு, பெற்றோர் கண்ணீர் மல்க நன்றி தெரிவித்தனர்.

மேலுார் சூரக்குண்டை சேர்ந்த அழகர்சாமி மகள் டயானா. இவர் பசுமலையில் உள்ள சவுராஷ்டிரா கல்லுாரிக்கு நீட் தேர்வு எழுத வந்தார். ஹால் டிக்கெட்டை மறந்துவிட்டார். கல்லுாரி வளாகத்தில் அழுதார்.

இதை பார்த்த மதுரை கார் டிரைவர் மணி, டயானாவை தனது காரில் 35 கி.மீ., துாரத்தில் உள்ள வீட்டிற்கு அழைத்து சென்று ஹால் டிக்கெட்டை எடுத்துக்கொண்டு 35 நிமிடத்தில் வந்தார். இதற்காக மாணவியின் பெற்றோரிடம் பணம் வாங்கவில்லை. அவர்கள் மணிக்கு கண்ணீர் மல்க நன்றிதெரிவித்தனர்.