வாட்ஸ் அப்பில் இனி யூ டியூப் வீடியோக்களை பார்க்கலாம்: ஐ போன் பயனாளர்களுக்கு புது வசதி

Published : 18 Jan 2018 16:10 IST

ஐஏஎன்எஸ்




ஐ போன் பயனாளர்களுக்கு வாட்ஸ் அப் செயலியிடன் யூ டியூப் ஒருங்கிணைப்பு வசதி புதிதாக அறிமுகப்படுத்தப்பட்டுள்ளது. இதன் மூலம் இனி, ஐ போன் பயனாளர்கள், வாட்ஸ் அப்பில் தகவல் அனுப்பிக் கொண்டே யூ டியூப் வீடியோக்களை காண முடியும்.

வாட்ஸ் அப் நிறுவனம் முன்னதாகவே ஐபோன் பயனாளர்களுக்கு வாட்ஸ் அப் செயலியுடன் யூடியூப்பை ஒருங்கிணைக்கும் வசதி விரைவில் செய்து தரப்படும் என்று கூறியிருந்தது. இந்த நிலையில் தற்போது இந்த வசதியை ஐ போன் வாசகர்களுக்கு வாட்ஸ் அப் நிறுவனம் அறிமுகப்படுத்தியுள்ளது.

புதிதாக அறிமுகப்படுத்தப்பட்டுள்ள இந்த வசதி மூலம் வாட்ஸ் அப்பின் ஒரு ஓரத்தில் யூ டியூப் பாடல்களை நீங்கள் தொடர்ந்து கேட்டு மகிழலாம்.இந்த புதிய வாட்ஸ் அப் வசதியை 2.18.11 என்ற பதிப்பில் அப்டேட் செய்தால் மட்டும் போதுமானது.

ஆண்ட்ராய்டு போன்களுக்கு இவ்வசதி வழங்கப்படவில்லை. வருங்காலங்களில் இவ்வசதி ஆண்ட்ராய்டு போன்களுக்கும் கொண்டுவரப்படும் என்று கூறப்படுகிறது.