முதுநிலை மருத்துவ படிப்பு: இன்று மீண்டும் கவுன்சிலிங்

Added : மே 25, 2018 23:44

சென்னை, தனியார் மருத்துவ கல்லுாரிகளில், நிர்வாக ஒதுக்கீட்டில் உள்ள, முதுநிலை மருத்துவ படிப்பு இடங்களுக்கான கவுன்சிலிங், இன்று நடைபெறுகிறது.தமிழகத்தில் உள்ள அரசு மற்றும் தனியார் மருத்துவ கல்லுாரிகளில் உள்ள, முதுநிலை மருத்துவ படிப்புகளுக்கான கவுன்சிலிங், மே, 19 முதல் நடந்து வருகிறது. இதில், தனியார் மருத்துவ கல்லுாரிகளில் உள்ள, நிர்வாக ஒதுக்கீட்டு இடங்களுக்கான மாணவர் சேர்க்கை கவுன்சிலிங், நேற்று நடைபெற இருந்தது.எதிர்க்கட்சிகள், நேற்று நடத்திய முழு அடைப்பு போராட்டத்தால், மாணவர்கள் பாதிக்கலாம் என்பதால், கவுன்சிலிங் ஒத்தி வைக்கப்பட்டது. இதையடுத்து, சென்னை, ஓமந்துாரார் அரசு பல்நோக்கு மருத்துவமனையில், இன்று கவுன்சிலிங் நடைபெறும் என, மருத்துவ கல்விக்கான தேர்வுக்குழு அறிவித்துள்ளது.