முதல்வர் இன்று சேலம் பயணம்

Added : ஏப் 26, 2018 03:48

சென்னை: முதல்வர் பழனிசாமி, இன்று மாலை, சென்னையில் இருந்து விமானத்தில், சேலம் செல்கிறார். நாளை, திருச்சியில் திருமண நிகழ்ச்சி ஒன்றில் பங்கேற்கிறார். நாளை மறுதினம், சேலத்தில் இருந்து, காரில் திருவாரூர் செல்கிறார். அங்கு, இரவு நடைபெறும் பொதுக்கூட்டத்தில் பேசுகிறார்.பொதுக்கூட்டம் முடிந்ததும், மீண்டும் சேலம் திரும்புகிறார். ஏப்., 30ல், சென்னை திரும்புகிறார். மே, 1 அன்று, திருவள்ளூர் மாவட்டத்தில் நடைபெறும், மே தினக் கூட்டத்தில் பங்கேற்கிறார்.மகாத்மா காந்தியின், 150வது பிறந்த நாள் விழாவை ஒட்டி, நாடு முழுவதும் செயல்படுத்தப்பட உள்ள திட்டங்கள் குறித்து விவாதிக்க, அனைத்து மாநில முதல்வர்களுக்கும், மத்திய அரசு அழைப்பு விடுத்துள்ளது. இக்கூட்டம், மே, 2ல், டில்லியில் நடைபெற உள்ளது. இதில் பங்கேற்க, முதல்வர் டில்லி செல்வது, இன்னமும் முடிவாகவில்லை.