நாக்' தர மதிப்பீடு பெறாவிட்டால் கல்லூரி அங்கீகாரம் ரத்து

பதிவு செய்த நாள் 07 ஜூலை
2017
00:04

ஆசிரியர் பயிற்சி படிப்பு நடத்தும், பி.எட்., கல்லுாரிகள், 'நாக்' தர மதீப்பீடு பெறாவிட்டால், அங்கீகாரம் ரத்து செய்யப்படும் என, எச்சரிக்கப்பட்டுள்ளது. பட்டப்படிப்பு முடித்த மாணவர்களுக்கு, ஆசிரியர் பணிக்கான, பி.எட்., மற்றும் எம்.எட்., படிப்புகளை, கல்வியியல் கல்லுாரிகள் நடத்துகின்றன. இந்த கல்லுாரிகளுக்கு, தேசிய கல்வியியல் கவுன்சிலான, என்.சி.டி.இ., மூலம் அங்கீகாரம் வழங்கப்படுகிறது. தமிழகத்தில், பி.எட்., கல்லுாரிகளுக்கு, தமிழ்நாடு ஆசிரியர் கல்வியியல் பல்கலை மூலம் இணைப்பு தரப்படுகிறது. இந்நிலையில், ஆசிரியர் கல்வியியல் கல்லுாரிகளுக்கான விதிகளில், என்.சி.டி.இ., மாற்றம் கொண்டு வந்துள்ளது. அதன்படி, அங்கீகாரம் பெற்ற அனைத்து பி.எட்., கல்லுாரிகளும், அங்கீகாரம் பெற்ற ஐந்து ஆண்டுகளுக்குள், தேசிய தர மதிப்பீட்டு நிறுவனமான, 'நாக்' அமைப்பின் தர மதிப்பீடு பெற வேண்டும். அவ்வாறு பெறாத கல்லுாரிகளுக்கு, அங்கீகாரம் ரத்து செய்யப்படும் என, கட்டுப்பாடுகள் விதிக்கப்பட்டுள்ளன.
இதன் அடிப்படையில், தமிழகத்திலுள்ள, ௭௫௦க்கும் மேற்பட்ட பி.எட்., கல்லுாரிகளுக்கு, ஆசிரியர் கல்வியியல் பல்கலை பதிவாளர், ரவீந்திரநாத் தாகூர் சுற்றறிக்கை அனுப்பியுள்ளார்.