முதுநிலை பயிற்சி டாக்டர்கள் போராட்டம்

Added : நவ 28, 2017 00:30

சென்னை: பணியில் முன்னுரிமை அளிக்கக் கோரி, 11வது நாளாக, முதுநிலை பயிற்சி டாக்டர்கள், போராட்டத்தில் ஈடுபட்டு வருகின்றனர். மருத்துவ பணியாளர் தேர்வாணயத்தின் வழியாக தேர்ந்தெடுக்கப்பட்ட, நிபுணர் டாக்டர்களுக்கு முன், தங்களுக்கு பணியிடம் வழங்க வேண்டும் என்பதை வலியுறுத்தி, முதுநிலை பயிற்சி டாக்டர்கள், சென்னை, கீழ்ப்பாக்கம் மருத்துவ கல்வி இயக்ககத்தில், 11வது நாளாக, போராட்டம் நடத்தி வருகின்றனர். நேற்றைய போராட்டத்தில், கண்களில் கறுப்பு துணிகட்டி, போராட்டத்தில் ஈடுபட்டனர்.இது குறித்து, பயிற்சி
டாக்டர்கள் கூறுகையில், 'எங்கள் கோரிக்கையை, அரசு ஏற்கவில்லை. பேச்சுவார்த்தைக்கும் யாரும் வரவில்லை. இதை கண்டித்தே, கறுப்பு துணி கட்டி போராட்டம் செய்தோம்'
என்றனர்.