புதிய உச்சத்தை தொட்ட பெட்ரோல் விலை; ரூ.74ஐ தொட்டது

Added : ஜன 17, 2018 06:12

சென்னை: பெட்ரோல் விலை கடந்த இரு ஆண்டுகளில் இல்லாத அளவுக்கு உயர்ந்து, சென்னையில் லிட்டருக்கு ரூ.74.02, டீசல் விலை லிட்டருக்கு ரூ.65.42 காசுகள் என நிர்ணயம் செய்யப்பட்டுள்ளது. இந்த விலை இன்று (ஜன.,17) காலை 6 மணி முதல் அமலுக்கு வந்தது.

பெட்ரோல், டீசல் விலை விபரம்:

சர்வதேச சந்தையில் கச்சா எண்ணெய் தொடர்ந்து உயர்ந்து வருவதால், பெட்ரோல் மற்றும் டீசல் விலை அதிகரித்து கொண்டே வருகிறது. இந்நிலையில் எண்ணெய் நிறுவனங்கள் வெளியிட்டுள்ள அறிவிப்பில், பெட்ரோல் நேற்றைய விலையிலிருந்து 13 காசுகள் அதிகரித்து லிட்டருக்கு ரூ.74.02 காசுகளாகவும், டீசல் நேற்றைய விலையிலிருந்து 19 காசுகள் உயர்ந்து ரூ.65.42 காசுகளாகவும் உள்ளன. இந்த விலை இன்று (ஜன.,17) காலை 6 மணி முதல் அமலுக்கு வந்தது.