துரைமுருகன் பேச்சால் சிரிப்பலை

Added : மார் 22, 2018 20:54




சென்னை:எதிர்க்கட்சி துணைத் தலைவர், துரைமுருகன் பேச்சால், சட்டசபையில் சிரிப்பலை எழுந்தது.பட்ஜெட் மீதான விவாதத்தில், நேற்று, தி.மு.க.,வைச் சேர்ந்த, துரைமுருகன் பேசியதாவது:

கடந்த, 2011 முதல், பன்னீர்செல்வம், பட்ஜெட் தாக்கல் செய்து வருகிறார். இடையில், தர்மத்தை தேடிச் சென்றதால், ஒரு ஆண்டு தடைபட்டது.
தேவலோகத்தில், இந்திரன்கள் மாறியபடி இருப்பர்; இந்திராணி மாறுவதில்லை. அதேபோல், தி.மு.க., ஆட்சியாக இருந்தாலும், அ.தி.மு.க., ஆட்சியாக இருந்தாலும், இந்திராணி போல, நிதித் துறை செயலராக, சண்முகம் மாறாமல் உள்ளார்.

இவ்வாறு அவர் கூறியதும், எம்.எல்.ஏ.,க்கள் மட்டுமின்றி, சபைக்கு வந்திருந்த அதிகாரிகளும் சிரித்தனர்.