அமெரிக்காவில் இந்திய வம்சாவளி மருத்துவர் கைது

அமெரிக்காவின் இல்லினாய்ஸ் மாநிலம், லெமான்ட் என்ற இடத்தைச் சேர்ந்தவர் நீல் ஷர்மா (34). இந்திய வம்சாவளியைச் சேர்ந்த ஷர்மா, அரசு உரிமம் பெற்ற மருத்துவர் ஆவார்.

இந்நிலையில் இவர் மருத்துவ சிகிச்சைக்காக நோயாளிகளை பரிந்துரை செய்து அனுப்புவதற்கு மருத்துவ நிறுவனம் ஒன்றிடம் 2,500 டாலர்கள் கமிஷன் பெற்றதாக நேற்று முன்தினம் கைது செய்யப்பட்டார். ஷர்மா மீதான குற்றச்சாட்டு நிரூபிக்கப்படுமானால் அவருக்கு அதிகபட்சம் 5 ஆண்டுகள் வரை சிறைத் தண்டனையும் 25 ஆயிரம் டாலர்கள் வரை அபராதமும் விதிக்கப்பட வாய்ப்புள்ளதாக அரசு வழக்கறிஞர்கள் தெரிவித்தனர்.