விரைவில் சந்தைக்கு வருகிறது நோக்கியா புதிய மாடல் ஸ்மார்ட்போன்கள்..!
கார்த்திக்.சி

நோக்கியா 3, 5, 6 மாடல் ஆன்ட்ராய்டு ஸ்மார்ட் போன்கள் ஜூன் 13-ம் தேதி முதல் சந்தைக்கு வரும் என்று எதிர்பார்க்கப்படுகிறது.




நோக்கியா நிறுவனம் சமீபத்தில் 3310 என்ற மாடல் போனை அறிமுகப்படுத்தியது. அதனைத் தொடர்ந்து தற்போது ஸ்மார்ட் போனை வெளியிட திட்டமிட்டுள்ளது. ஜூன் 13-ம் மூன்று வகையான மாடல் ஸ்மார்ட் போன்களை வெளியிடதிட்டமிட்டுள்ளது. நோக்கியா 3, 5, 6 என்று அந்த போன்களுக்கு பெயரிடப்பட்டுள்ளது. நோக்கியா 6 மாடல், 3 ஜி.பி ரேம், 32 ஜி.பி சேமிப்பு வசதி, 5.5 இன்ச் தொடுதிரை வசதிகளுடன் வெளிவரவுள்ளது. இதன் விலை 16,000 ரூபாய் ஆகும்.

இதில் 16 மெகாபிக்சல் பின்பக்க கேமராவும், 8 மெகாபிக்சல் முன்பக்க கேமராவும் வசதி கொண்டது. நோக்கியா 5 மாடல், 2 ஜி.பி ரேம், 16 ஜி.பி சேமிப்பு வசதி, 5.2 இன்ச் தொடுதிரை வசதியுடன் வெளிவரவுள்ளது. இதன் விலை 13,250 ரூபாய் வரை இருக்கும். நோக்கிய 3 மாடல், 5 இன்ச் தொடுதிரையும் 16 ஜி.பி சேமிப்பு வசதியுடனும் வெளிவர உள்ளது. அதன்விலை 9,750 ரூபாய் ஆகும். பின்லாந்தைச் சேர்ந்த ஜி.எம்.டி குளோபல் என்ற நிறுவனம் தயாரிக்கிறது.