பாமாயில் லாரி கவிழ்ந்து விபத்து : சாலையில் வழிந்தோடிய எண்ணெய்

பதிவு செய்த நாள்13ஜூன்2017 23:15



திருநெல்வேலி: நெல்லை அருகே, பாமாயில் டின்கள் ஏற்றி வந்த லாரி கவிழ்ந்து விபத்துக்குள்ளானதில், சாலையில் எண்ணெய் வழிந்தோடியது. துாத்துக்குடி, சிப்காட் வளாகத்தில் இருந்து, பாமாயில் டின்கள் ஏற்றப்பட்ட லாரி, திருநெல்வேலி மாவட்டம், அம்பாசமுத்திரத்திற்கு புறப்பட்டது. நேற்று காலை, நெல்லை அருகே, சாலையை கடக்க முயன்ற பெண் மீது, மோதாமல் இருக்க டிரைவர், லாரியை திருப்பினார். இதில் லாரி தடுப்புச் சுவரில் மோதி, கவிழ்ந்து விபத்துக்குள்ளானது.இதில் லாரியில் இருந்த பாமாயில் டின்கள் கவிழ்ந்து. சாலையில் எண்ணெய் வழிந்தோடியது. இதனால் போக்குவரத்து பாதிப்பு ஏற்பட்டது.