குடிநீர் கட்டணம் செலுத்தாத வீடுகளுக்கு 'நோட்டீஸ்'
பதிவு செய்த நாள்14ஆக
2017
01:13

திருநீர்மலை: பல மாதங்களாக குடிநீர் கட்டணம் செலுத்தாத, ௧,200 வீடுகளுக்கு, திருநீர்மலை பேரூராட்சி, 'நோட்டீஸ்' வழங்கியுள்ளது.திருநீர்மலை பேரூராட்சியில், 18 வார்டுகள் உள்ளன. இப்பகுதிகளுக்கு, தமிழ்நாடு குடிநீர் வடிகால் வாரியம், நாள் ஒன்றுக்கு, ஐந்து லட்சம் லிட்டர் குடிநீர் வினியோகிக்கிறது. இதற்காக, வீட்டு இணைப்புக்கு, மாதந்தோறும், 50 ரூபாய் கட்டணம் வசூலிக்கப்படுகிறது.திருநீர்மலை பேரூராட்சி யில் உள்ள பலர், குடிநீர் கட்டணம் செலுத்தவில்லை. இதனால், பேரூராட்சிக்கு வருவாய் இழப்பு ஏற்பட்டது.பேரூராட்சி அதிகாரிகள் ஆய்வு மேற்கொண்ட போது, 1,200 குடியிருப்புகள், ஓர் ஆண்டுக்கு மேலாக, குடிநீர் கட்டணம் செலுத்தவில்லை என்பது தெரிய வந்தது.இதையடுத்து பேரூராட்சி நிர்வாகம், ௧,200 குடியிருப்புகளுக்கு, நோட்டீஸ் வழங்கியுள்ளது. அதில், 'ஏழு நாட்களுக்குள் நிலுவையில் உள்ள தொகையை செலுத்தவில்லை எனில், இணைப்பு துண்டிக்கப்படும்' என, எச்சரிக்கப்பட்டுள்ளது.