ரூ.900 கோடிக்கு செல்லாத நோட்டு அனுப்பி வைப்பு

பதிவு செய்த நாள்
ஆக 17,2017 00:55



கோவை: கோவையில் இருந்து, இரு கன்டெய்னர் லாரிகளில், செல்லாத ரூபாய் நோட்டுகள், சென்னைக்கு பாதுகாப்புடன் எடுத்துச் செல்லப்பட்டன.

மத்திய அரசு, '500 - 1,000 ரூபாய் நோட்டுகள் செல்லாது' என, 2016ல் அறிவித்தது. செல்லாத ரூபாய் நோட்டுகள் வைத்திருந்தவர்கள், வங்கிகளில், 'டிபாசிட்' செய்தனர். இவ்வாறு சேகரிக்கப்பட்ட செல்லாத ரூபாய் நோட்டுகள், ரிசர்வ் வங்கிக்கு அனுப்பப்படுகின்றன.

கோவையில் உள்ள அனைத்து ஆக்சிஸ் வங்கி கிளைகளில், 900 கோடி ரூபாய்க்கு, செல்லாத ரூபாய் நோட்டுகள் சேர்ந்தன. இவை, நேற்று, சென்னை ரிசர்வ் வங்கி கிளைக்கு, இரு கன்டெய்னர் லாரிகளில், இன்ஸ்பெக்டர், இரண்டு, எஸ்.ஐ., 15 ஆயுதப்படை போலீஸ் பாதுகாப்புடன், எடுத்து செல்லப்பட்டன.