சைக்கிளை மறக்காத தமிழக அரசு : இன்னும் தொடருது 'படி'

பதிவு செய்த நாள்14ஜூன்2017 00:27

சிவகங்கை: சைக்கிள் பயன்பாடு குறைந்து வரும் நிலையில், பேரூராட்சி அலுவலர்களுக்கு இன்னமும் 'சைக்கிள் படி' என 100 ரூபாய் வழங்கப்படுகிறது.
தமிழகத்தில் 528 பேரூராட்சிகள் உள்ளன. இருபது ஆண்டுகளுக்கு முன் குடிநீர் வினியோகம், துப்புரவு உள்ளிட்டவற்றை பேரூராட்சி செயல் அலுவலர்கள் சைக்கிளில் சென்று கண்காணித்தனர். அப்போது 'சைக்கிள் படி' வழங்கப்பட்டது.

சில ஆண்டுகளுக்கு முன், பரப்பளவில் பெரிய பேரூராட்சிகளின் செயல்அலுவலர்களுக்கு மட்டும் ஜீப் வழங்கப்பட்டது. ஆனால், பழைய நடைமுறை இன்னும் மாறவில்லை; செயல் அலுவலர், வரிதண்டலர், துப்புரவு மேற்பார்வையாளர்களுக்கு 'சைக்கிள் படி' என 100 ரூபாய் வழங்கப்படுகிறது. சைக்கிள் படியாக 100 ரூபாய் வழங்கப்படுகிறது.

சாமானியர் கூட சைக்கிளை மறந்து விட்ட நிலையில், தமிழக அரசு மட்டும் இன்னும் அதை மறக்காமல் படி வழங்குவது வினோதம்தான்.