அண்ணாமலை செட்டியார் விருதுக்கு விண்ணப்பிக்கலாம்
பதிவு செய்த நாள்18ஆக
2017
00:08


சென்னை: ராமசாமி செட்டியார் அறக்கட்டளை சார்பில், ஆண்டு தோறும் வழங்கப்படும், டாக்டர் ராஜா சர் அண்ணாமலை செட்டியார் பிறந்தநாள் நினைவுப் பரிசுக்கு, தகுதியான நபர்களிடம் இருந்து விண்ணப்பங்கள் வரவேற்கப்படுகின்றன.

எம்.ஏ.எம்.ராமசாமி செட்டியார் அறக்கட்டளை, ஆண்டு தோறும், 50 வயதுக்கு மேற்பட்ட, கல்லுாரி பேராசிரியர்கள், தமிழ் அறிஞர்களுக்கு பரிசு மற்றும் விருதுகளை வழங்கி வருகிறது. 

இவ்விருதுக்கு, படைத்த நுால்கள், ஆய்வாளர்களை உருவாக்கிய விபரங்களையும் தெரிவிக்க வேண்டும். அதே போல், ஆதரவற்றோர், முதியோர் காப்பகங்களை சிறப்பாக நடத்தும் தன்னார்வலர்களுக்கும், பரிசு மற்றும் விருதுகள் வழங்கப்படுகின்றன. அவ்விருதுக்கு விண்ணப்பிப்போர், காப்பகத்தை நடத்துவோர், காப்பகம் செயல்படும் விதம் குறித்த விபரங்களை தெரிவிக்க வேண்டும். இதற்கான விண்ணப்பங்களை, 'டாக்டர் மு.அ.மு.ராமசாமி செட்டியார் அறக்கட்டளை, 82, சாந்தோம் நெடுஞ்சாலை, ராஜா அண்ணாமலைபுரம், சென்னை - 28' என்ற முகவரிக்கு, வரும், 25ம் தேதிக்குள் அனுப்ப வேண்டும். அடுத்த மாதம், 30ம் தேதி நடக்கும் அண்ணாமலை செட்டியாரின், குடும்ப விழாவில், பரிசுகள் மற்றும் விருதுகள் வழங்கப்படும் என, அறிவிக்கப்பட்டுள்ளது.