மஹாளய அமாவாசை : காசிக்கு சிறப்பு ரயில்

பதிவு செய்த நாள்18ஆக
2017
00:03

சென்னை: இந்திய ரயில்வே உணவு மற்றும் சுற்றுலா கழகமான, ஐ.ஆர்.சி.டி.சி., சார்பில், மஹாளய அமாவாசையை ஒட்டி, காசி யாத்திரை சிறப்பு ரயில் இயக்கப்படுகிறது.

இந்த ரயில், செப்., 15ல், மதுரையில் இருந்து புறப்பட்டு, திண்டுக்கல், கரூர், ஈரோடு, சேலம், ஜோலார்பேட்டை, காட்பாடி, சென்னை சென்ட்ரல் வழியாக காசிக்கு செல்லும். காசியில், புனித நீராடி, காசி விஸ்வநாதரை தரிசிக்கலாம்; மஹாளய அமாவாசையன்று, கயாவில், முன்னோருக்கு மரியாதை செலுத்தலாம்; அலகாபாத்தில், திரிவேணி சங்கமத்தில் நீராடலாம்.
ஹரித்துவாரில் மானச தேவியை தரிசிக்கலாம்; டில்லியில், குதுப்மினார், இந்தியா கேட், ராஜ்காட், தீன்மூர்த்தி பவன், இந்திரா காந்தி நினைவிடம் ஆகியவற்றை கண்டுகளிக்கலாம். மதுராவில், கிருஷ்ண ஜன்ம பூமியை தரிசிக்கலாம்.

இந்த சுற்றுலா, 11 நாட்கள் கொண்டது; ஒருவருக்கு, 10 ஆயிரத்து, 395 ரூபாய் கட்டணம். மத்திய, மாநில அரசு ஊழியர்களுக்கு சலுகை உண்டு. மேலும் விபரங்களுக்கு, சென்னை சென்ட்ரல் ரயில் நிலையத்தில் உள்ள, ஐ.ஆர்.சி.டி.சி., அலுவலகத்தை, 90031 40681 என்ற எண்ணில் தொடர்பு கொள்ளலாம்.