2,000 தனியார் பஸ்கள் இயக்க நடவடிக்கை: விஜய பாஸ்கர்

பதிவு செய்த நாள் 15 மே2017 05:51



சென்னை: ‛2,000 தனியார் பஸ்கள் இயக்க நடவடிக்கை எடுக்கப்பட்டுள்ளது' என போக்குவரத்து துறை அமைச்சர் விஜய பாஸ்கர் தெரிவித்தார்.

இதுகுறித்து சென்னை பல்லவன் இல்லத்தில் செய்தியாளர்கள் சந்திப்பில் அவர் தெரிவித்ததாவது: தமிழகத்தில் வழக்கம் போல் அரசு பஸ்கள் இயக்கப்படும். 2000 தனியார் பஸ்கள் இயக்க நடவடிக்கை எடுக்கப்பட்டுள்ளது. தனியார் பஸ்கள் அதிக கட்டணம் வசூலித்தால் நடவடிக்கை எடுக்கப்படும். போக்குவரத்து தொழிலாளர்களுக்கு நிலுவைத் தொகையை வழங்க தமிழக முதல்வர் உதவி அளித்துள்ளார். போக்குவரத்து தொழிலாளர்களுடன் மீண்டும் பேச்சுவார்த்தை நடத்த அரசு தயாராக உள்ளது. இவ்வாறு அவர் தெரிவித்தார்.