இதே நாளில் அன்று

பதிவு செய்த நாள் 08 ஜூலை
2017
21:49



1930 ஜூலை 9

கே.பாலசந்தர், திருவாரூர் மாவட்டம், நன்னிலம் அருகேயுள்ள நல்லமாங்குடியில், கைலாசம் - காமாட்சியம்மாள் தம்பதிக்கு மகனாக, 1930, ஜூலை 9 ல் பிறந்தார். அண்ணாமலை பல்கலையில், பி.எஸ்சி., பட்டப்படிப்பு முடித்தார். மேடை நாடகத் துறையில் இருந்து திரைத் துறைக்கு வந்தவர். 1965ல், நாகேஷ் கதாநாயகனாக நடித்த, நீர்க்குமிழி இவர் இயக்கிய முதல் படம். முன்னணி நடிகர்களான கமல் ஹாசன் மற்றும் ரஜினிகாந்தை அறிமுகம் செய்தவர். 1990க்கு பின், 'கையளவு மனசு' போன்ற பெரும் வரவேற்பை பெற்ற, 'டிவி' தொடர்களையும் இயக்கினார்.
'படாபட்' ஜெயலட்சுமி, ஸ்ரீபிரியா, விஜயகுமார், ஜெய்கணேஷ், ராதாரவி, டில்லி கணேஷ், சிவச்சந்திரன் போன்றோரை அறிமுகம் செய்தவரும் இவரே.பத்மஸ்ரீ, தாதா சாகிப் பால்கே விருதுகளை பெற்றவர். 2014 டிச., 23ல் காலமானார். அவர் பிறந்த தினம், இன்று.