சூப்பர் பாஸ்ட் ரயிலாகிறது கொச்சுவேளி எக்ஸ்பிரஸ்

பதிவு செய்த நாள் 06 மே2017 19:12

சென்னை, கர்நாடக மாநிலம், யஷ்வந்த்பூரில் இருந்து, சேலம், கோவை வழியாக, கேரள மாநிலம், கொச்சுவேளிக்கு, 'ஏசி' வாராந்திர எக்ஸ்பிரஸ் இயக்கப்பட்டு வருகிறது. இந்த ரயில், வரும், ஆக., 31 முதல், சூப்பர் பாஸ்ட் ரயிலாக மாற்றப்படுகிறது. அதனால், ரயில் எண், நேரம் மாற்றம் செய்யப்பட்டு உள்ளது.

 இதற்காக, ஆக., 31 முதல், இந்த ரயில்களின் எண்கள், 22677 / 22678 என, மாற்றப்படுகின்றன. இந்த ரயில், யஷ்வந்தபூரில் இருந்து, வியாழன் தோறும், மாலை, 3:20 மணிக்கு புறப்பட்டு, மறுநாள் அதிகாலை, 6:45 மணிக்கு கொச்சுவேளி சென்றடையும். கொச்சுவேளியில் இருந்து, வெள்ளி தோறும், மதியம், 12:50 மணிக்குபுறப்பட்டு, மறுநாள் அதிகாலை, 4:15 மணிக்கு, யஷ்வந்த்பூர் சென்றடையும்.