சில்க் ஏர் விமானத்தில் சலுகை விலையில் பயணம் செய்ய புதிய திட்டம் அறிவிப்பு

By DIN  |   Published on : 09th January 2017 07:01 PM  |

சிங்கப்பூரை சேர்ந்த சில்க் ஏர் விமான நிறுவனம் புத்தாண்டு சலுகை விலையில் பயணம் செய்யும் திட்டத்தை அறிவித்துள்ளது.

இந்த விமான நிறுவனம் சென்னையிலிருந்து இந்தியாவின் 50க்கும் மேற்பட்ட முக்கிய நகரங்களை இணைக்க விமான சேவை வழங்கி வருகிறது.

அதுமட்டுல்லாது தாய்லாந்து, மலேசியா, இந்தோனேசியா, பிலிப்பைன்ஸ், கம்போடியா, லாவோஸ், சீனா, ஜப்பான் உள்ளிட்ட உலகம் முழுவதும் 100 நகரங்களை இணைக்கும் வகையில் விமான சேவையும் வழங்கி வருகிறது.

வரும் ஜூன் 30ம் தேதிக்குள் இந்த நாடுகளுக்கு 19,499 ரூபாய் என்ற சலுகை விலையில் பயணம் செய்யலாம் என அறிவித்துள்ளது. விசா கார்டு மூலம் பணம் கட்டினால் 1,500 ரூபாய் சலுகை பெறலாம் என அறிவித்துள்ளது.