குடவாசல் நபருக்கு சென்னையில் மையம் : ஆசிரியர் தேர்வு வாரியம் கூத்து
பதிவு செய்த நாள்22செப்
2017
23:46

இன்று நடக்கும், அரசின் சிறப்பாசிரியர் தேர்வில், குடவாசலை சேர்ந்தவருக்கு, 400 கி.மீ., தொலைவில், சென்னை, கோடம்பாக்கத்தில், தேர்வு மையம் வழங்கப்பட்டுள்ளது.

தமிழக அரசு பள்ளிகளில், 1,325 காலியிடங்களை நிரப்ப, ஆசிரியர் தேர்வு வாரியம், இன்று போட்டி தேர்வை நடத்துகிறது. இந்த தேர்வுக்கு, 37 ஆயிரம் பேர் விண்ணப்பித்துள்ளனர்.மாநிலம் முழுவதும், 18 மாவட் ங்களில், தேர்வு மையங்கள் அமைக்கப்பட்டுள்ளன. ஒவ்வொரு தேர்வருக்கும், அருகருகே உள்ள மாவட்டங்களில், தேர்வு மையம் ஒதுக்கப்பட்டுள்ளது. திருவாரூர் மாவட்டம், குடவாசலை சேர்ந்த கோபு என்பவருக்கு, 400 கி.மீ., தொலைவில் உள்ள, சென்னை, கோடம்பாக்கத்தில் உள்ள, பதிப்பக செம்மல் அரசு மேல்நிலை பள்ளியில், தேர்வு மையம் ஒதுக்கப்பட்டுள்ளது. இதனால், தேர்வர் மிகவும் மனவேதனையும், உடல் சோர்வும் அடைந்துள்ளார். இதற்காக, அந்த தேர்வர் குடவாசலில் இருந்து, தேர்வு துவங்கும் நேரத்துக்கு முன், எட்டு மணி நேரம், பஸ்சில் பயணம் செய்து வர வேண்டிய நிலை ஏற்பட்டுள்ளது. தொழில்நுட்பமும், வசதிகளும் மேம்பட்டுள்ள நிலையில், ஆசிரியர் தேர்வு வாரியம், இன்னும் குளறுபடிகளின் கூடாரமாக உள்ளதையே காட்டுகிறது என, சிறப்பாசிரியர் சங்கத்தினர் தெரிவித்தனர். 

- நமது நிருபர் -