தக்காளி கிலோ ரூ.15க்கு விற்பனை

பதிவு செய்த நாள்22செப்
2017
23:47

தக்காளி விளைச்சல் அதிகரித்து உள்ளதால், அவற்றின் விலை வேகமாக சரிய துவங்கியுள்ளது. தமிழகத்தில், தர்மபுரி, கிருஷ்ணகிரி, கோவை, திண்டுக்கல் உள்ளிட்ட மாவட்டங்களில், தக்காளி சாகுபடி நடக்கிறது. தற்போது, விளைச்சல் அதிகரித்துள்ளது. ஆந்திரா மற்றும் கர்நாடக மாநிலங்களில் இருந்தும் வரத்து அதிகமாகி உள்ளதால், தக்காளி விலை வேகமாக சரிய துவங்கி உள்ளது. ஆகஸ்டில், 50 ரூபாய்க்கு விற்ற, ஒரு கிலோ தக்காளி, தற்போது, 15 ரூபாய்க்கும், இரண்டாம் ரக தக்காளி, 10 ரூபாய்க்கும் கிடைக்கிறது. பண்டிகைகள் நெருங்கும் நேரத்தில், தக்காளி விலை குறைந்து வருவது, நுகர்வோரை மகிழ்ச்சியில் ஆழ்த்தி உள்ளது.

- நமது நிருபர் -