'நீட்' தேர்வு விவகாரம் : தமிழிசை 3 கேள்வி
பதிவு செய்த நாள்05செப்
2017
00:15

சென்னை: 'நீட்' நுழைவுத் தேர்வு தொடர்பாக, காங்கிரசுக்கு, தமிழக, பா.ஜ., தலைவர் தமிழிசை, மூன்று கேள்விகள் எழுப்பி உள்ளார்.'நீட்' தேர்வுக்கு, சில தரப்பில் எதிர்ப்பு உருவானதை தொடர்ந்து, 'அதற்கு விலக்களிக்க வேண்டும்' என, காங்., தலைவர்கள் சிலர் கோரிக்கை விடுத்துள்ளனர். அவர்களிடம், மூன்று கேள்விகளை, 'பேஸ்புக்' சமூக வலைதளத்தில், தமிழிசை கேட்டுள்ளார்.

அதன் விபரம்:

l நாடு முழுவதும், 'நீட்' தேர்வு என்ற கொள்கை முடிவை, முதன்முதலில் கொண்டு வந்தது யார்?

l 'நீட்' தேர்வுக்கு ஆதரவாக வாதாடியது, காங்., மூத்த தலைவர் சிதம்பரத்தின் மனைவி நளினி தானே?

l கல்வியை, மாநில பட்டியலில் இருந்து பிரித்து, பொது பட்டியலில் சேர்த்தது யார்; காங்., தானே?

இவ்வாறு அதில் கூறியுள்ளார்.