தை பொறந்தாச்சு!

தை மாதத்தின் முதல் நாள் இன்று பிறந்தது. தை பிறந்தால் வழிபிறக்கும் என்று நமது முன்னோர்கள் சொல்வதுண்டு. இந்நாளை உத்தராயண புண்ணியகாலத் தொடக்க நாள் என்றும் நம் முன்னோர்கள் சொல்வார்கள். இந்நாள், உலகமெங்கும் பரவியிருக்கும் தமிழர்கள் அனைவரும் கொண்டாடும் ஒரு மகத்தான பொங்கல் திருநாளாகக் கொண்டாடப்படுகிறது.

உழவுக்கு உயிரூட்டு விதமாகவும், இயற்கை அன்னைக்கு நன்றி சொல்லும் விழாவாகவும் இந்நாள் தமிழர்களால் கொண்டாடப்படுகிறது.
நாட்டில் தொடர்ந்து நல்ல மழை பெய்யவும், நாடு செல்வ செழிப்போடு வளரவும், தை மாதம் முதல் நாளில் பொங்கலிட்டு இயற்கையை வழிபடுவது தமிழர்களின் பாரம்பரிய கலாச்சார விழாவாக இருந்து வருகிறது.

இதுவே தமிழர்களின் பண்பாட்டுக்குச் சிறந்த முன்னுதாரணமாகத் திகழ்கிறது.