வங்கி கணக்கு துவக்கம் ஏர்டெல்லுக்கு, ‘நோட்டீஸ்’
பதிவு செய்த நாள்23செப்
2017
00:28

புதுடில்லி : பார்தி ஏர்­டெல் நிறு­வ­னம், அரசு உத்­த­ர­வுப்­படி, மொபைல் போன் வாடிக்­கை­யா­ளர்­களின், ‘ஆதார்’ விப­ரங்­களை பெற்று வரு­கிறது. அவற்­றின் மூலம், வாடிக்­கை­யா­ளர்­க­ளுக்கு தெரி­விக்­கா­மல், அதன், ‘ஏர்­டெல் பேமென்ட் பேங்க்’கில் கணக்கு துவக்கி விடு­வ­தாக, ஆதார் ஆணை­யத்­திற்கு புகார்­கள் வந்­துள்ளன.

இதை­ய­டுத்து, ஆணை­யம், பார்தி ஏர்­டெல், ஏர்­டெல் பேமென்ட்ஸ் பேங்க் ஆகி­ய­வற்­றுக்கு, ‘நோட்­டீஸ்’ அனுப்­பி­யது.அதில், மொபைல் போன் வாடிக்­கை­யா­ள­ரின் ஒப்­பு­த­லின்றி, ஏர்­டெல் பேமென்ட் பேங்க் கணக்கு துவக்­கு­வது, சட்­ட­மீ­றல் மற்­றும் அப­ரா­தம் விதிக்­கக் கூடிய குற்­றம் என்­றும், உட­ன­டி­யாக, தகுந்த நட­வ­டிக்கை எடுத்து, அறிக்கை அனுப்­பும்­படி அறி­வு­றுத்­தப்­பட்­டி­ருந்­தது.

இதற்கு, ‘வாடிக்­கை­யா­ள­ரின் ஒப்­பு­த­லு­டன் மட்­டுமே, வங்­கிக் கணக்கு துவக்­கப்­ப­டு­கிறது. சட்ட விதி­க­ளின்­படி, வாடிக்­கை­யா­ள­ருக்கு விழிப்­பு­ணர்வு ஏற்­ப­டுத்தி, வெளிப்­ப­டை­யான செயல்­பா­டு­களை தொடர்ந்து மேற்­கொள்­வோம்’ என, பார்தி ஏர்­டெல் மற்­றும் ஏர்­டெல் பேமென்ட் பேங்க் பதில் கடி­தம் அனுப்பி உள்ளன.