சாமி 2 படத்திலிருந்து த்ரிஷா விலகல்!

By எழில்  |   Published on : 23rd October 2017 05:54 PM  

கடந்த 2003-ம் ஆண்டு விக்ரம், த்ரிஷா நடிப்பில் வெளிவந்த படம் சாமி. ஹரி இயக்கத்தில் வெளிவந்த இப்படம், வசூல் ரீதியாக பெரும் வெற்றியைப் பெற்றது. இதையடுத்து சாமி 2 படம் குறித்த அதிகாரப்பூர்வ தகவலைச் சமீபத்தில் வெளியிட்டார் இயக்குநர் ஹரி. இப்படத்தில் விக்ரம் ஜோடியாக த்ரிஷாவுடன், கீர்த்தி சுரேஷும் ஒப்பந்தம் செய்யப்பட்டார். பாபி சிம்ஹா. பிரபு, சூரி ஆகியோரும் இப்படத்தில் நடிக்கிறார்கள். இசை - தேவி ஸ்ரீ பிரசாத். சாமி 2 படத்தின் படப்பிடிப்பு சமீபத்தில் தொடங்கியது. 

இந்நிலையில் சாமி 2 படத்திலிருந்து விலகியுள்ளதாக ட்விட்டர் பக்கத்தில் நடிகை த்ரிஷா தெரிவித்துள்ளார். கருத்துவேறுபாடுகளால் விலகியுள்ளதாகவும் சாமி 2 படக்குழுவினருக்குத் தன் வாழ்த்துகளைத் தெரிவிப்பதாகவும் அவர் கூறியுள்ளார்.